𝗔𝗕𝗥 𝘁𝘂𝗻𝗲𝗱 𝟭𝟵𝟴𝟲 𝗧𝗼𝘆𝗼𝘁𝗮 𝗦𝗼𝗮𝗿𝗲𝗿
••••••••••••••••••••••••••••••••••••••••••••

ကားပုံစံချင်းတူ၊ စတစ်ကာ တူရင်​တောင်မှ အတုခိုးဖို့ မလွယ်ကူတာ ​​မောင်းနှင်ပုံပါ။ အ​ကောင်းတကာ့အ​ကောင်းဆုံး ဒရိုက်ဘာ​တွေနှင့် ဖွဲ့စည်းထား​သော Mid Night Club ဟာဆိုရင် speed run ​မောင်းနှင်တဲ့အခါတိုင်း 200 mph အထက်​​မောင်းနှင်နိုင်ပြီး ၎င်းအရှိန်ကို အနည်းဆုံး ၁၅ မိနစ်​လောက် ထိန်းရင်းဆက်တိုက်​မောင်းနိုင်ကြပါတယ်။ ​ယုံတမ်းစကား​တွေအရ မိနစ် ၃၀ ​လောက်ထိ ​မောင်းတဲ့သူ​တွေလည်း ရှိတယ်လို့ကြား​ပေမယ့် တာယာ​တွေက ​အဲ့​လောက်အရှိန်မှာ အပူလွန်ပြီး ​ပေါက်ကွဲသွားမှာဗျ။ ​မောင်းနှင်တဲ့ပုံစံ အတုလိုက်ခိုးဖို့ 200 mph ​အထိ​မောင်းနိုင်တဲ့ ကားကိုယူလာရင်​တောင် ၁၅ မိနစ်ထိခံဖို့က စိန်​ခေါ်မှုတစ်ခုအဖြစ် ကျန်ရှိ​နေဆဲပါ။ ယခု​ခေတ်မှာ​တောင် တချို့တချို့​သော ​မော်ဒယ်​တွေက 200 mph ​ရောက်ဖို့​နေ​​နေသာသာ 170 180 ​လောက်မှာ​တောင် ​ငြိမ်​အောင်မောင်းဖို့ ခက်ခဲပါတယ်။

Mid Night Club က အလွန်လျို့ဝှက်ကြတယ်လို့ ​ပြော​ပေမယ့် တကယ်တမ်း အဲ့​လောက်ကြီး​တော့လည်း မဟုတ်ပါဘူး။ ၁၉၉၆ ခုနှစ်​လောက်မှာ ဂျပန်​ automotive မဂ္ဂဇင်း၊ AutoWorks တွင် club အတွက် လူသစ်​ခေါ်စာ​တွေ ထည့်သွင်းခဲ့ပြီး၊ အင်တာဗျူး​တွေလည်း လက်ခံလာခဲ့ပါတယ်။ အသင်းသား​တွေရဲ့ ကားတစ်စီးချင်းဆီကို in-depth review ​တွေ ပြုလုပ်လာပြီး မဂ္ဂဇင်းကာဗာအဖြစ် ​ကြေငြာလာတဲ့အထိ ​ပေါ်​ပေါ်ထင်ထင် ​ဖြစ်လာကြတယ်ဗျ။

လူသိခံတာချင်းနည်းတူ၊ ဘာလို့ Smokey Nagata က Mid Night Club အဖွဲ့ဝင်မဖြစ်ခဲ့တာလဲ​မေးရင် ​ဖြေရခက်ပါတယ်။ Smokey က Mid Night Club ကို performance parts ​ထောက်ပံ့​ပေးတဲ့ကိစ္စ ဖြစ်နိုင်​ပေမယ့်၊ ဘာ​ကြောင့် အဖွဲ့ဝင်ခွင့် မရခဲ့တာလည်း ဆိုရင်​တော့ သူ့ရဲ့ ရဲတင်းမှု​ကြောင့်ပါ။ Smokey က ပြုံးစိစိနှင့် အ​နေ​အေးသူဆို​ပေမယ့် တကယ်တမ်းအလုပ်နှင့် ပတ်သတ်လာရင် သတ္တိအင်မတန်​ကောင်းသူမို့ လူသိမခံချင်​သေးတဲ့ Mid Night Club က အစပိုင်းမှာ Smokey ကိုငြင်းဆိုခဲ့တာပါ။ Mid Night Club အသင်းဝင်မဖြစ်ခဲ့​ပေမယ့် Smokey ကလည်း နာမည်တစ်လုံးနှင့် ​နေတဲ့သူမို့ ကမ္ဘာပတ်ပြီး car show ​တွေရိုက်ကူးခဲ့ပါတယ်။ Smokey အ​ကြောင်း မသိ​သေးသူ​တွေအတွက် ​အောက်က လင့်ခ်မှာ အပြည့်အစုံဖတ်ရှုနိုင်ပါတယ်​​နော်။

𝗕𝗲𝗴𝗶𝗻𝗻𝗶𝗻𝗴 𝗼𝗳 𝗚𝗼𝗹𝗱𝗲𝗻 𝗔𝗴𝗲

၁၉၉၀ ​ကာလ​လောက်က Skyline၊ Supra၊ RX-7 တို့အ​ကြောင်း​​​ပြောရင် ဂျပန်ကား​တွေရဲ့ ​ရွှေ​ခေတ်ကိုပါ မကြာခဏထည့်သွင်း​​ဖော်ပြတတ်ကြပါတယ်။ သို့​ပေမယ့် ကျွန်​တော်တို့ ​ပြော​​နေတဲ့ အဲ့ဒီ့ရွှေ​ခေတ်ဆိုတာ ဘယ်တုန်းကစတင်ခဲ့တာလဲ၊ ဘယ်လိုဖြစ်​ပေါ်ခဲ့တာဆိုတာကို​တော့ တိတိကျကျမသိခဲ့ကြပါဘူး။

တိုင်းပြည်တစ်ပြည်ရဲ့ အ​ပြောင်းအလဲကြီးကြီးမားမားတိုင်းက စစ်ပွဲက​နေ စတင်ပါတယ်။ ဒုတိယကမ္ဘာစစ်ပြီး​နောက် စစ်ရှုံးသွားခဲ့တဲ့ ဂျပန်နိုင်ငံဟာ ကုန်သွယ်​ရေး၊ ထုတ်လုပ်​ရေးနှင့် ဖွံ့ဖြိုး​ရေး စတဲ့နယ်ပယ်အရပ်ရပ်မှာ ​အောက်ဆုံးအ​​ခြေအ​နေအထိ ထိုးကျသွားခဲ့တယ်။ စစ်​လျော်​ကြေးစရိတ်အပြင်၊ ပစိဖိတ်​ဒေသထဲရှိ သိမ်းပိုက်ရရှိရ​ထားသော ကိုရီးယားကျွန်းဆွယ်၊ ထိုင်ဝမ် နှင့် ကျွန်းစုငယ်​လေးများကိုပါ လက်လွှတ်လိုက်ရ​တော့ အ​ရှေ့အာရှအတွင်း သြဇာလွှမ်းမိုးမှုလည်း ​ပျောက်ကွယ်သွားခဲ့တာ​​ပေါ့။ အင်အား​တောင့်တင်းခဲ့တဲ့ Toyota နှင့် Honda တို့ကလည်း စစ်ဒဏ်​ကြောင့် ​မော်​တော်ကားထုတ်လုပ်​​ရေးပိုင်းကို ပြန်ဦး​​မော့ဖို့ မနည်းကြိုးစား​နေချိန်၊ စစ်ဘက်​ရေးရာကို ပြန်ကြည့်ရင်လည်း အ​မေရိကန်တပ်​တွေ ဂျပန်မှာ ​ခြေကုပ်လာယူခြင်း အပြင်၊ ကိုယ်ပိုင်စစ်တပ်တည်​ထောင်ခွင့် ယာယီပိတ်ပင်ခံထားရတာ​ကြောင့် အချုပ်အခြာအာဏာမတည်မငြိမ်ဖြစ်​နေချိန်ပါ။ အနီးစပ်ဆုံး​ပြောရရင် '𝗧𝗵𝗲 𝗚𝘂𝘆𝘀 𝗼𝗳 𝗥𝗮𝗻𝗴𝗼𝗼𝗻' (လမ်းမ​တော်ဖိုးတုတ်) ဝတ္ထုစာအုပ်ထဲမှ ဂျပန်​တွေဗုံးကြဲပြီး ​ခေတ်ပျက်သွားတဲ့ ရန်ကုန်မြို့လိုပါဘဲ။

ဒီလို​ခေတ်ပျက်​နေတာကို ပြန်တည်​ထောင်ဖို့ ဂျပန်အစိုးရအ​နေနှင့် ဘာ​တွေစီစဥ်ခဲ့သလဲဆိုရင်၊ ၁၉၅၂ ခုနှစ် ကိုယ်ပိုင်အုပ်ချုပ်ခွင့် တဖြည်းဖြည်းပြန်ရလာတဲ့​နောက်၊ စီးပွား​ရေးအ​ဆောက်အအုံ၊ အစိုးရအ​ဆောက်အအုံ​တွေ ပြန်​တည်​ထောင်ပြီး အရင်လို ​နေရာတကျဖြစ်​အောင် ကြိုးစားယူပါတယ်။ ရင်းနှီးမြုပ်နှံ့မှု အကြီးစား​တွေကို လျှပ်စစ်ဓါတ်အားထုတ်လုပ်ရေး၊ ​ကျောက်မီး​သွေး၊ စတီးလ်၊ သံထည်လုပ်ငန်း​တွေနှင့် ဓါတုပစ္စည်းပိုင်းမှာ ပြုလုပ်ခဲ့ပြီး တိုင်းပြည်ရဲ့ အ​ခြေခံဖြစ်​သော ပညာ​ရေးစနစ်ကိုပါ အားစိုက်ခဲ့လို့ ဂျပန်မှ က​လေးငယ်​တွေဟာ ငယ်ရွယ်စဥ်ကတည်းက စည်းကမ်းရှိပြီး၊ တာဝန်ယူမှု၊ တာဝန်ခံမှု ရှိလာခဲ့တယ်ဗျ။ ကျွန်​တော် ချဲ့ကားပြီး​ပြော​တာတော့ မဟုတ်​ပေမယ့်၊ တကယ်တမ်းအပြင်မှာလည်း ဂျပန်လူမျိုးတိုင်းက စည်းကမ်းအလွန်ရှိပါတယ်။ ဒီလိုရင်းနှီးမြုပ်နှံမှု​တွေ​ကြောင့် ၁၉၆၀ ကာလဆီကူး​ပြောင်းချိန်မှာ တိုင်းပြည်ရဲ့ စီးပွား​ရေးအ​ခြေအ​နေက စစ်မဖြစ်မှီတုန်းကထက် အစစအရာရာ ပိုသာလွန်သွားခဲ့တယ်ဗျ။ စစ်ရှုံးပြီး ဆယ်စုနှစ် ၂ ခု​လောက်အတွင်း အခုလို ဖြစ်လာတယ်ဆိုတာ မယုံနိုင်စရာပါ။ ​မော်​တော်ကားထုတ်လုပ်သူများ ဖြစ်ကြတဲ့ Toyota၊ Honda၊ Nissan၊ Datsun တို့ကလည်း ​စျေးသက်သာတဲ့ ကား၊ ထရပ်၊ ဆိုင်ကယ်၊ စက်ပစ္စည်းများကို ထုတ်လုပ်ပြီး တိုင်းပြည်အတွက် အားဖြည့်​ပေးခဲ့လို့ ၁၉၉၀ ​ရောက်ချိန်မှာ ဂျပန်နိုင်ငံဟာ ကမ္ဘာ့​​ပေါ်တွင် ဒုတိယစီးပွား​​​​ရေးအင်အား အ​တောင့်တင်းဆုံးနိုင်ငံတစ်ခုဖြစ်လာပါ​တော့တယ်။ ဒီလို စီးပွား​ရေးအ​ပြောင်းအလဲကာလအတွင်း ​ပေါ်​ပေါက်လာတဲ့ Underground Car Culture က ​ငွေစုတတ်တဲ့ ဂျပန်လူမျိုးတို့​ကြောင့်လည်းပါတယ်ဗျ။ စစ်ပွဲပြီးချိန်က​နေစပြီး စစ်​လျော်​ကြေး​စရိတ်အ​ကြွေးတင်လာတဲ့ ဂျပန်အစိုးရက ပြည်သူ​တွေကို ​ငွေစုတတ်ဖို့ ညွှန်ကြားခဲ့တယ်၊ ဒီလိုနှင့် ​ငွေအသွင်းဘဲရှိတဲ့ ဘဏ်​တွေက လုပ်ငန်းပြန်လည်ပတ်လာနိုင်ပြီး ​မိသားစုတိုင်းကငွေ​တွေ ပိုလျှံ​နေပါတယ်။ ဂျပန်ယန်း​ငွေ တန်ဖိုးတက်လာချိန်​ရောက်​တော့ လူတိုင်းနီးပါးက ကား​​ကောင်း​ကောင်းဝယ်စီးနိုင်တယ်ဗျ။ Toyota Crown လို executive sedan က​နေ AE86 လို sportscar အ​သေးစားအထိဝယ်နိုင်လာတဲ့ လူငယ်​တွေက စွန့်စားချင်စိတ်​ကြောင့် ​နေရာ​ဒေသအလိုက် အ​ပျော်တမ်း ကားကလပ်လေး​တွေ တည်​ထောင်ခဲ့ကြတာ​ပေါ့။ အစပိုင်းမှာအ​ပျော်တမ်းက​နေ Skyline GT-R၊ Silvia၊ RX-7 တို့လို sportscar အ​​ကောင်းစား​တွေထွက်လာချိန်မှာ​တော့ အပြိုင်အဆိုင်များတဲ့ တရားမဝင် street racing team ​အ​မြောက်အမြားပေါ်လာခဲ့ပါတယ်။ လူ​ပေါင်းစုံဆို၊ စရိုက်​​ပေါင်းစုံဆို​တော့ ​မောင်းနှင်တဲ့အခါ ခိုက်ရန်ဖြစ်ပွားတာမျိုး၊ အက်ဆီးဒန့်ဖြစ်ပွားတာမျိုးနှင့် မူးယစ်​ဆေးဝါးသုံးစွဲတာမျိုး​တွေပါရှိလာတာ​ကြောင့် ဂျပန်အစိုးရအ​နေနှင့် လုံခြုံ​ရေးတိုးမြှင့်ဖို့ ​ဆောင်ရွက်လာခဲ့တယ်ဗျ။ သို့​ပေမယ့်လည်း အရှိန်လွန်​မောင်းနှင်မှု​တွေ ရှိမြဲရှိ​နေဆဲ ဖြစ်တာ​ကြောင့် တစ်​နေ့မှာ Japanese Automakers များကို စုစည်းပြီး သ​ဘောတူညီချက်တစ်ခုပြုလုပ်ခဲ့ပါတယ်။ ၎င်းသ​ဘောတူညီချက်က ယ​နေ့​ခေတ်မှာ လူတိုင်းနီးပါးသိကြတဲ့ "𝖦𝖾𝗇𝗍𝗅𝖾𝗆𝖺𝗇'𝗌 𝖠𝗀𝗋𝖾𝖾𝗆𝖾𝗇𝗍" ပါ။ စာဖတ်သူမသိခဲ့ရင်လည်း ​ ကျွန်​တော်ပြောပြ​ပေးပါ့မယ်။

၁၉၈၈ ခုနှစ်တွင် စာချုပ်ချုပ်ဆိုခဲ့​သော 𝖦𝖾𝗇𝗍𝗅𝖾𝗆𝖺𝗇'𝗌 𝖠𝗀𝗋𝖾𝖾𝗆𝖾𝗇𝗍 ဆိုတာ ဂျပန်လမ်းမများထက် အက်ဆီးဒန့်ဖြစ်ပွားမှုကို ​​လျော့ချနိုင်ဖို့နှင့် ​ဘေးကင်းလုံခြုံမှုတိုးမြှင့်ဖို့အတွက် အ​ကောင်အထည်​ဖော်ခဲ့တဲ့ သ​​ဘောတူညီချက်တစ်ခုပါ။ စည်းမျဥ်းစည်းကမ်းများစွာရှိခဲ့တဲ့အနက် အဓိကဦးတည်​သော အ​ချက်နှစ်ချက်မှာ လာမယ့် ၁၅ နှစ်အတွင်း ထုတ်လုပ်သမျှ sportscar ​တွေကို 276 hp အထိဘဲ အများဆုံးလက်ခံ​ပေးမည်နှင့် top speed 180 kmh(122 mph) အလွန်ဆုံးမောင်းနှင်နိုင်​အောင်တည်​ဆောက်ပေးရမည် တို့ဘဲ ဖြစ်ပါတယ်ဗျ။ အစပိုင်းတွင် စည်းကမ်းများကို လိုက်နာခဲ့ကြ​​သော်လည်း တကယ်တမ်းက စာရွက်​ပေါ်မှာဘဲ ရှိတဲ့အချက်​တွေဖြစ်တာ​ကြောင့် ထုတ်လုပ်သူတိုင်းက သူတို့ တည်​ဆောက်သော​မော်ဒယ်များကို "276 hp" ဆိုပြီး ခေါင်းစဥ်​ခဲ့ပေမယ့် လက်​တွေ့မှာ ၎င်းထက်များပြား​သော hp ပမာဏကို ​ထုတ်​လုပ်ပေးနိုင်ပါတယ်။ ဒါ့အပြင် တစ်ခုထပ်ရှိတာက ဒီသ​ဘောတူညီချက်က ဂျပန်ပြည်တွင်းမှာဘဲ သက်​ရောက်တယ်ဆိုတော့ ပြည်ပကို တင်ပို့တဲ့ ​မော်ဒယ်​တွေဟာ 300 hp အမြဲလို​ကျော်ပါတယ်။ မော်ဒယ်ချင်းတူ၊ အင်ဂျင်ခြင်းတူတာ​တောင် ဘာမှမ​ပြောင်းလဲဘဲ ဂျပန်မှာ ​ရောင်းချတဲ့ကား​တွေကိုသာ "276 hp" ဆိုပြီးလှည့်စားလိုက်တာပါ။

ကာရိုတ်တာပီပြင်ဖို့အတွက် လူတွေမမှတ်မိနိုင်လောက်အောင် အဖွားကြီးပုံစံပြောင်းထားတဲ့ သရုပ်ဆောင် စိုးပြည့်သဇင် နဲ့ မေမြင့်မိုရ် 😍👇
မေမြင့်မိုရ် က ပိုပီပြင်တယ်နော်

𝗥𝘂𝗹𝗲𝘀 𝗮𝗻𝗱 𝗘𝘁𝗵𝗶𝗰𝘀

Mid Night Club အသင်းကို ဦးဆုံးတည်​ထောင်ခဲ့သူ ​လေးဦးအနက်၊ သိရှိနိုင်​သော သုံးဦးမှာ ယိုရှီဒါစံ(Yoshida-San___ဥက္ကဌ)၊ ကာတိုစံ (Kato-San___ဒုဥက္ကဌ) နှင့် ယာမာဒါစံ (Yamada-San___အကြံ​ပေး) တို့ဖြစ်ကြပြီး ဖွဲ့စည်းချိန်တုန်းက "touring club" တစ်ခုအ​နေနှင့်စတင်ခဲ့ပါတယ်။

Mid Night Club အသင်းက တရားမဝင်ဘူး ဆို​ပေမယ့် ရည်ရွယ်ချက်ရှိရှိတည်​ထောင်ခဲ့တာဖြစ်လို့ အသင်းဖွဲ့စည်းပုံက အ​တော်​လေးနည်းစနစ်ကျပါတယ်။ အဖွဲ့ဝင်ဖြစ်ဖို့ အလုပ်သင်သ​​ဘောနှင့် တစ်နှစ်ပညာယူရပြီး car meet တိုင်းကို မပျက်မကွက်လာ​ရောက်ရပါမယ်။ ဒီလိုလုပ်ရင်​တောင် ​​ရွေးချယ်ခံရဖို့က ၁၀ ရာခိုင်နှုန်း​လောက်ဘဲ ​သေချာတာမို့ Mid Night Club လူစာရင်းက အမြဲတမ်းအ​ယောက် ၃၀ ဝန်းကျင်​လောက်မှာဘဲ ရှိတတ်ပါတယ်။ အလုပ်သင်​တွေကို kõhei (ဂျူနီယာ)၊ အဖွဲ့ဝင်​တွေကို senpai (စီနီယာ) လို့သတ်မှတ်ပြီး ကြီးစဥ်ငယ်အလိုက် တစ်​ယောက်​ပေါ်တစ်​ယောက်​ ချစ်ခင်​လေးစားမှုအပြည့်ရှိကြတယ်ဗျ။ စီနီယာနှင့် ဂျုနီယာကို အလွယ်တကူဘယ်လိုခွဲခြားနိုင်မလဲဆိုရင် ကား​ပေါ်မှာ ကပ်ထားတဲ့ စတစ်ကာ​တွေကို ကြည့်ပြီးသိနိုင်ပါတယ်၊ Mid Night စတစ်ကာ ​ငွေ​ရောင်ဟာ စီနီယာဖြစ်ပြီး အ​ရေအတွက်နည်းပါတယ်၊ ပန်း​ရောင်စတစ်ကာတွေက​တော့ ဂျူနီယာ​တွေအတွက်ပါ။

ကိုယ်က အဖွဲ့ဝင်ဖြစ်​နေ​ကြောင်း မ​ပြောဆိုရဘူး၊ လူသိထင်ရှားမ​နေရဘူး၊ အခြားအဖွဲ့​တွေနှင့်လည်း ပဋိပက္ခမဖြစ်ရဘူး၊ စတဲ့စည်းကမ်းချက်များစွာထဲ ပထမဦးစား​ပေးအချက်က Public Safety ပါ၊ အများပိုင်လမ်းမ​တွေ​ပေါ် ​ယှဥ်ပြိုင်​မောင်းနှင်တာဖြစ်လို့ လမ်းသွားလမ်းလာမည်သူတစ်ဦးတစ်​ယောက်မှ မထိခိုက်​စေဖို့ဆိုတဲ့ အချက်ကို Mid Night Club ရဲ့ အ​​ရေးကြီးဆုံးအရာအဖြစ် သတ်မှတ်ခဲ့ကြတယ်ဗျ။ Top speed run ဖြစ်လို့ မိမိ​မောင်းနှင်​​သော ကားကလည်း အနည်းဆုံး 250 kmh (155 mph)အထိစွမ်း​ဆောင်နိုင်ရန်လိုအပ်ပြီး အမြင့်ဆုံး အရှိန်မှာ ကားခံနိုင်ရည်ရှိရမည်​ပေါ့၊ ဒီလိုအပ်ချက်နှစ်ခုဟာ အဖွဲ့ဝင်ဖြစ်လိုသူ​တွေအတွက် ပထမဆုံးသိထားရမယ့် အ​​ခြေခံ​တွေလည်း ဖြစ်ပါတယ်။

DOG FIGHT.

“ NSX သာလျှင် NSX ကို ကျော်လွန်နိုင်မှာဖြစ်တယ် “
600 HP mid-engine၊ Precise handling capability များနှင့် RWD drivetrain၊ ဒီပါဝင်ပစ္စည်းတွေဆိုတာ exotics များဖြစ်တဲ့ Ferrari၊ Lamborghini နှင့် McLaren လို supercar ဟင်းတစ်ခွက်မှာ မဖြစ်မနေရှိရမည့် ingredient များဖြစ်ပါတယ်။ ဒီ ingredient အကုန်ပါနေသည့်အပြင် သင့်တော်တဲ့ ဈေးတန်း၊ ကောင်းမွန်ပြီး အမှတ်ပြည့်ပေးလို့ရတဲ့ build quality တို့ကြောင့် legit supercar တစ်စီးလို့ ခေါင်းစဉ်တပ်နိုင်တဲ့ NSX ဟာ ကျွန်တော်တို့ ကားဝါသနာရှင်များကို လက်ပြနှုတ်ဆက်ခဲ့တာ (၂) နှစ်ခန့်ရှိပါတော့မယ်။
ဂျပန်မြေမှာ ဒီဇိုင်းရေးဆွဲ၊ ဂျာမန်မြေမှာ develop လုပ်ပြီး အမေရိကန်မြေမှာ ကားတပ်ဆင်တဲ့ ဒီ NSX က Japanese Automotive သမိုင်းအတွင်း အရေးပါခဲ့သော icon တစ်ခုဖြစ်ပြီး original NSX ဟာလည်း McLaren F1 ဖြစ်လာစေဖို့အတွက် Gordon Murray အား inspiration ပေးခဲ့သူဖြစ်ပါတယ်။
NSX ရဲ့ လမ်းခရီးအဆုံးသတ်ကို ခမ်းနားသွားစေဖို့အတွက် Limited Production အဖြစ် အစီးရေ (၃၅မ၀) သာ ထုတ်လုပ်ခဲ့သော NSX Type-S ဟာဆိုရင် ၂၁ ရာစုရဲ့ အလှဆုံး supercar များထဲက တစ်စီးလို့ပြောရင် ငြင်းနိုင်မယ်မထင်ပါဘူး။ ဒီ NSX Type-S ဖန်တီးမှုနောက်ကွယ်က development leader Satoshi Mizukami_ဆာတိုရှီ မီဇုကာမီ စံ ရဲ့ စကားတချို့ကိုလည်း ဖော်ပြပေးချင်တယ်ဗျ။
“ အကောင်းတကာ့ အကောင်းဆုံးကို ဖန်တီးနိုင်ဖို့အတွက် ကျွန်တော်တို့ဟာဆိုရင် သမာရိုးကျ မဟုတ် Super ဖြစ်သော NSX အတွက် အိပ်မက်ထားခဲ့တယ်။ “
“ NSX Type-S ကို supercar တစ်စီးရဲ့ general specification များနှင့်ညီအောင် အဓိက ရည်ရွယ်ထားတယ်ဗျ။ “
“ နောက်ပြီး ပါဝါနှင့် driving experience ကလည်း အရေးပါလှတယ် ဆိုပေမယ့် ဒါက မလုံလောက်သေးပါဘူး။ “
“ Type-S ရဲ့ စွမ်းဆောင်ရည်ပိုင်း ကိုယ်စားပြုတဲ့ ဒီဇိုင်းမျိုးကို ကျုပ်တို့ လိုချင်ခဲ့တယ်၊ NSX Type-S development ရဲ့ keyword ကလည်း ‘Performance Design’ တဲ့ဗျ။ “
“ စွမ်းဆောင်ရည်ပိုင်းနှင့် အနှစ်သာရကို ဖော်ကြူးတဲ့ ဒီဇိုင်းမျိုးပေါ့ “ ဟူ၍ ဆာတိုရှီ မီဇုကာမီ စံ က development story မှာ ထည့်သွင်းပြောကြားခဲ့ပါတယ်။
NSX ဟာဆိုရင် domestic market ကနေကျော်လွန်ပြီး Ferrari၊ Lamborghini နှင့် Porsche တို့ကို ကမ္ဘာ့စင်မြင့်ထက်မှာ တိုက်ရိုက်စိန်ခေါ်နိုင်ခဲ့သော ပထမဆုံး Japanese Supercar လည်းဖြစ်သလို R34 Skyline GT-R စွမ်းဆောင်ရည်နှင့် နည်းပညာမြင့်ရခြင်းရဲ့ အဓိကအကြောင်းအရင်းများထဲက တစ်ခုလည်းဖြစ်ပါတယ်။

Cold moments ??

သွေးရှိလား

Nature tattoo designs 😍

Nature tattoo designs 😍