ငလျင်ဘေးကြောင့် ထိခိုက်မှုများအား ကူညီရန် ယူနန်မှ Blue Sky ကယ်ဆယ်ရေးအဖွဲ့ နိုင်ငံဖြတ်ကျော်ပြီး မြန်မာနိုင်ငံ ရောက်ရှိ
တရုတ်နိုင်ငံ ယူနန်မှ Blue Sky ကယ်ဆယ်ရေးအဖွဲ့ နိုင်ငံဖြတ်ကျော်ပြီး မြန်မာနိုင်ငံ၏ ငလျင်ဘေးကြောင့် ထိခိုက်မှုများအား ကူညီရန်ရောက်ရှိလာကြောင်း မြန်မာနိုင်ငံဆိုင်ရာ တရုတ်သံရုံး၏ ထုတ်ပြန်ချက်အရ သိရသည်။
အဆိုပါ ကယ်ဆယ်ရေးအဖွဲ့တွင် အတွေ့အကြုံများသော၊ ကျွမ်းကျင်းအရည်အချင်းရှိသော Blue Sky Rescue (ယူနန်) အဖွဲ့ဝင် (၁၆) ဦး ပါဝင်ပြီး ယနေ့ မတ်လ (၂၉) ရက် နံနက် (၉)နာရီခွဲတွင် ယူနန်ပြည်နယ် ရွှေလီနယ်စပ်မှ မြန်မာနိုင်ငံသို့ ထွက်ခွာခဲ့ပြီး မြန်မာနိုင်ငံ မူဆယ်မြို့သို့ ရောက်ရှိပါက ကယ်ဆယ်ရေးလုပ်ငန်းများ စတင်ဆောင်ရွက်မည်ဖြစ်ကြောင်း သိရသည်။
၎င်းကယ်ဆယ်ရေးအဖွဲ့တွင် PPE အကာအကွယ်ပစ္စည်း၊ ဆေးဘက်ဆိုင်ရာအရေးပေါ်အထုပ်များ၊ လျှပ်စစ်ဓာတ်အား ထုတ်လုပ်နိုင်ပြီး မီးပေးနိုင်သော ကိရိယာ၊ မြို့ပြ ငလျင်ကယ်ဆယ်ရေးသုံး ကိရိယာများ (အဆောက်အဦဖြိုဖျက်ရေးကိရိယာများ) စသည့် ပစ္စည်းများကို ကယ်ဆယ်ရေးလုပ်ငန်းများတွင် အသုံးပြုရန် ယူဆောင်လာကြကြောင်း သိရသည်။
ယမန်နေ့ မတ်(၂၈) ရက်၊ အင်အားရစ်(ချ်)တာစကေး ရ ဒသမ ရ အဆင့်ရှိ အင်အားအလွန်ပြင်းထန်သော မြေငလျင်တစ်ခု လှုပ်ရှားမှုကြောင့် စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ရှမ်းပြည်နယ် အရှေ့မြောက်ဒေသ၊ နေပြည်တော်ကောင်စီနယ်မြေ၊ ပဲခူးတိုင်းဒေသကြီးတို့ရှိ နေရာများကို အရေးပေါ် အခြေနေအဖြစ် ကြေညာထားသည်။
အဆိုပါ ငလျင်ဒဏ်သင့် ဒေသများတွင် ကယ်ဆယ်ရေးလုပ်ငန်းများကို သက်ဆိုင်ရာ တာဝန်ရှိ အဖွဲ့များ၊ လူမှုကူညီကယ်ဆယ်ရေးအသင်းများနှင့် နိုင်ငံတကာအဖွဲ့အစည်း အသီးသီးမှလည်း ကယ်ဆယ်ရေးလုပ်ငန်းများ လုပ်ဆောင်လျက်ရှိကြောင်း သိရသည်။
