December ရောက်တော့မယ်
အသင့်ပြင်ထားကြ

တိုင်းမ်းမဂ္ဂဇင်းရဲ့ တနှစ်တာ အထူးခြားဆုံးလူ Donald Trump ကို ရွေးချယ်

ဒီဇင်ဘာ ၁၃

နှစ်စဥ် ရွေးနေကျ တိုင်းမ်း မဂ္ဂဇင်းရဲ့ တနှစ်တာ အထူးခြားဆုံးလူအဖြစ် အမေရိကန် အရွေးကောက်ခံ သမ္မတ ဒေါ်နယ် ထရမ့်ကို ရွေးချယ်လိုက်ပါတယ်။

NBC ရုပ်မြင်သံကြားရဲ့ ကြာသပတေးနေ့မနက် တူဒေးရှိုးမှာ တိုင်းမ် အယ်ဒီတာချုပ် Sam Jacobs က ခုလို ရွေးချယ်လိုက်ကြောင်း ကြေညာလိုက်တာ ဖြစ်ပါတယ်။

ကောင်းသည်ဖြစ်စေ၊ မကောင်းသည်ဖြစ်စေ ထရမ့်က သတင်းတွေအပေါ် သက်ရောက်မှုအရှိဆုံး ပုဂ္ဂိုလ်ဖြစ်တယ်လို့ Jacobs က ပြောပါတယ်။ ထရမ့် ဟာ တိုင်းမဂ္ဂဇင်းရဲ့ ၂၀၁၆ နှစ် တနှစ်တာ အထူးခြားဆုံးလူ လည်း ဖြစ်ပါတယ်။
၂၀၂၄ ခုနှစ် အထူးခြားဆုံးလူအဖြစ် ရွေးချယ်ရာမှာ ဒုတိယသမ္မတ ကင်မ်မလာ ဟဲရစ်စ်၊ X လူမှု စာမျက်နှာပိုင်ရှင် အီလွန် မာ့က်စ်၊ အစ္စရေးဝန်ကြီးချုပ် ဘင်ဂျမင် နေသန်ယာဟုနဲ့ ဝေလ မင်းသမီး ကိတ် တို့ကိုပါ စဥ်းစားခဲ့ပြီး နောက်ဆုံး ထရမ့်ကို ရွေးချယ်ခဲ့တာ ဖြစ်ပါတယ်။

တိုင်းမ်း မဂ္ဂဇင်းရဲ့ မျက်နှာဖုံးမှာ ထရမ့် ပထမဆုံး ဖော်ပြခံရတာကတော့ ၁၉၈၉ မှာ ဖြစ်ပါတယ်။ သူဟာ မျက်နှာဖုံးမှာ အဖော်ပြခံရဆုံးသူ ဖြစ်တယ်လို့ ထရမ့်က လွှဲမှားစွာ ပြောတတ်တယ်လို့လည်း အေပီသတင်းက ဆိုပါတယ်။

သူ့ရဲ့ ဂေါက်ကွင်းတွေမှာ သူ့ရဲ့ပုံနဲ့ မဂ္ဂဇင်း မျက်နှာဖုံးပုံအတုတွေကို ဖန်တီး ချိတ်ဆွဲထားတယ်လို့ ၂၀၁၇ ခုနှစ် ဝါရှင်တန်ပို့စ် သတင်းစာကဆိုကြောင်း အေပီသတင်းက ပြောပါတယ်။

📸 ဒီဇင်ဘာ ၂၀၂၄ Times မဂ္ဂဇင်းမျက်နှာဖုံး

Credit - Voice of America

#သတင်းဟင်းလေးအိုးကြီး

မြန်မာနိုင်ငံ၏ ဘိန်းစိုက်ပျိုးထုတ်လုပ်မှု လျော့နည်းလာခဲ့ဟု ကုလသမဂ္ဂ ဖော်ပြ

ဒီဇင်ဘာ ၁၃

မြန်မာနိုင်ငံ၏ ဘိန်းစိုက်ပျိုးထုတ်လုပ်မှုနှုန်းသည် ပြီးခဲ့သောနှစ်နှင့်နှိုင်းယှဉ်လျှင် လျော့နည်းလာခဲ့ကြောင်း ကုလသမဂ္ဂ၏ မူခင်းနှင့်မူးယစ်ဆေးဝါးဆိုင်ရာ UNODC ရုံးက ဖော်ပြလိုက်သည်။

မြန်မာနိုင်ငံသည် ပြီးခဲ့သော ၂၀၂၃ ခုနှစ်က ကမ္ဘာပေါ်တွင် ဘိန်းစိုက်ပျိုးထုတ်လုပ်မှုအများဆုံးနိုင်ငံအဖြစ် ရပ်တည်ခဲ့ပြီး ဘိန်းဖြူနှင့်မူးယစ်ဆေးဝါးတန်ချိန် ၁၀၈၀ တန် ထုတ်လုပ်ခဲ့ကြောင်း သိရသည်။

သို့သော်လည်း မြန်မာနိုင်ငံ၏ ဘိန်းဖြူထုတ်လုပ်မှုသည် ၂၀၂၄ ခုနှစ်တွင် လျော့နည်းကျဆင်းလာခဲ့ပြီး ဘိန်းဖြူတန်ချိန် ၉၉၅ တန်သာ ထုတ်လုပ်ခဲ့ကြောင်း UNODC က ဖော်ပြထားသည်။

၂၀၂၄ ခုနှစ်အတွင်း ဘိန်းဖြူထုတ်လုပ်မှု ပမာဏသည် မြန်မာနိုင်ငံတွင် နိုင်ငံရေးပြဿနာများဖြစ်လာခဲ့ပြီးနောက်ပိုင်း အနည်းဆုံးဖြစ်ခဲ့ကြောင်းလည်း UNODC ၏ ထုတ်ပြန်ချက်တွင် ဖော်ပြထားသည်။

စပါးရိတ်သိမ်းမှု လျော့နည်းပြီး မိရိုးဖလာ ဘိန်းစိုက်ပျိုးသည့် ဒေသများတွင် ပဋိပက္ခများ ပြင်းထန်လာခြင်းတို့ကြောင့် ဘိန်းဖြူစိုက်ပျိုးထုတ်လုပ်မှုလျော့နည်းလာခြင်းဖြစ်ဖွယ်ရှိနေကြောင်းလည်း သုံးသပ်ပြောဆိုထားသည်။

မြန်မာနိုင်ငံတွင် ဘိန်းစိုက်ပျိုးထုတ်လုပ်မှု၏ ၈၀ ရာခိုင်နှုန်းကို ရှမ်းပြည်နယ်ရှိ နေရာအများအပြားတွင် စိုက်ပျိုးထုတ်လုပ်ခဲ့ပြီး ၂၀၂၄ ခုနှစ်အတွင်း ရှမ်းပြည်နယ်ရှိ နေရာအများစုတွင် တိုက်ပွဲများ အရှိန်မြှင့်ဖြစ်လာခဲ့ကြောင်း သိရသည်။

တိုက်ပွဲများဖြစ်လာခဲ့ခြင်းကြောင့် ရှမ်းပြည်နယ်တွင် ဘိန်းစိုက်ပျိုးထုတ်လုပ်မှုများသည် စိုက်ခင်းများကို စွန့်ခွာပြီး နေရပ်စွန့်ခွာခြင်းများရှိလာခဲ့ကြောင်း သုတေသီတစ်ဦးဖြစ်သော Inshik Sim က ပြောသည်။

ရှမ်းပြည်နယ်တွင် တိုက်ပွဲများအရှိန်မြှင့်ဖြစ်လာခဲ့ခြင်းကြောင့် ဝေးလံခေါင်သီသောဒေသများတွင် သွားလာလှုပ်ရှားမှုကန့်သတ်ခြင်း၊ မုတ်သုံရာသီ မိုးမကောင်းခြင်းများနှင့်လည်း ဆက်နွှယ်ဖွယ်ရှိနေကြောင်း သုံးသပ်ကြသည်။

Ref:UN

#centralnewsnaypyitaw

hair style

make-up

Funny

အာဖဂန် ပြည်ထဲရေးဝန်ကြီးဌာနမှာ အသေခံဗုံးခွဲလို့ ဒုက္ခသည်ဝန်ကြီးနဲ့ လူခြောက်ယောက်သေ

ကဘူးလ်၊ ဒီဇင်ဘာ ၁၃

အာဖဂန်နစ္စတန်နိုင်ငံ ပြည်ထဲရေးဝန်ကြီးဌာနထဲမှာ အသေခံဗုံးခွဲတိုက်ခိုက်မှုကြောင့် တာလီဘန်ဒုက္ခသည်ဝန်ကြီး ခါလီဟတ်ကာနီ သေဆုံးသွားတယ်လို့ တာဝန်ရှိသူတွေက အတည်ပြုပြောကြားပါတယ်။

ဒါဟာ ၂၀၂၁ ခုနှစ်မှာ တာလီဘန်တွေ အာဏာရယူပြီးနောက်ပိုင်း အသေအပျောက်အများဆုံး တိုက်ခိုက်မှုဖြစ်ပြီး ဒုက္ခသည်ဝန်ကြီးဟာ ရုံးခန်းကနေထွက်လာစဉ် အခြားခြောက်ယောက်နဲ့အတူ သေဆုံးခဲ့တာဖြစ်ကြောင်း ပြည်ထဲရေးဝန်ကြီးဌာန သတင်းရင်းမြစ်တွေက ပြောပါတယ်။

ကာလီဟတ်ကာနီဟာ တာလီဘန်အဖွဲ့ရဲ့ ထိပ်တန်းတာဝန်ရှိသူတယောက်ဖြစ်ပြီး သူ့ကို အမေရိကန်က ကမ္ဘာလုံးဆိုင်ရာ အကြမ်းဖက်သမားအဖြစ် သတ်မှတ်ထားပါတယ်။ ဒီတိုက်ခိုက်မှုဟာ သူတို့လက်ချက်ဖြစ်ကြောင်း အိုင်အက်စ်အဖွဲ့က ထုတ်ပြန်ပါတယ်။

အိုင်အက်စ်အဖွဲ့ဝင်တယောက်ဟာ ဝန်ကြီးရုံးအပြင်ဘက်မှာ စောင့်ဆိုင်းနေကာ ဖောက်ခွဲခဲ့တာဖြစ်ပြီး ဟတ်နီကာကို သတ်ဖြတ်နိုင်ခဲ့ကြောင်း အဖွဲ့ပြောရေးဆိုခွင့်ရှိသူက ရိုက်တာသတင်းဌာနကို အတည်ပြုထားပါတယ်။

အမေရိကန်ဦးဆောင်တဲ့တပ်တွေ အာဖဂန်မှရုပ်သိမ်းခဲ့တဲ့ ၂၀၂၁ ခုနှစ်မှာ တာလီဘန်တို့က အာဖဂန်ကို ထိန်းချုပ်လိုက်ပြီးနောက် လုံခြုံရေးအခြေအနေ တိုးတက်ကောင်းမွန်လာပေမယ့် နိုင်ငံတွင်းမှာ ဗုံးကွဲမှုတွေနဲ့ အသေခံတိုက်ခိုက်မှု ဒါဇင်များစွာ နှစ်စဉ် ဖြစ်ပေါ်နေဆဲဖြစ်ပါတယ်။

Ref:BBC
Photo:AFP

#သတင်းဟင်းလေးအိုးကြီး

တပ်မတော်အရေးကိစ္စ အစိုးရဝင်ရောက်စွက်ဖက်မှာမဟုတ်ကြောင်း ထိုင်းဝန်ကြီးချုပ်ပေထောင်တန်ပြော

နိုင်ငံတကာ၊ ဒီဇင်ဘာ ၁၃

ကာကွယ်ရေးဝန်ကြီးဌာနအုပ်ချုပ်ရေးအက်ဥပဒေပြန်လည်ပြင်ဆင်ဖို့ ဥပဒေမူကြမ်းတစ်ရပ်ရေးဆွဲရေးကို ဖီယူထိုင်းပါတီ လွှတ်တော်အမတ်တစ်ဦးက အဆိုတင်သွင်းခဲ့ပြီးနောက် အစိုးရအနေနဲ့ တပ်မတော်ရေးရာ ကိစ္စတွေမှာ ဝင်ရောက်စွက် ဖက်ဖို့ ရည်ရွယ်ချက် လုံးဝမရှိကြောင်း ထိုင်းဝန်ကြီးချုပ် ပေထောင်တန်ရှင်နာဝပ်က ပြောကြားလိုက်ပါတယ်။

ဥပဒေကြမ်းမှာ အယူအဆတွေ ရောပြွန်းနေပြီး သက်ဆိုင်ရာအဖွဲ့အစည်းတွေအနေနဲ့ အသံအားလုံးကို နားထောင်ရမှာ ဖြစ်ကြောင်း ၎င်းက ဒီဇင်ဘာ ၁၁ ရက်နေ့ (ဗုဒ္ဓဟူး) နေ့က ပြောပါတယ်။

“လက်ရှိအချိန်မှာ အစိုးရအနေနဲ့ တပ်မတော်ရေးရာကိစ္စတွေမှာ ဝင်ရောက်စွက်ဖက်ဖို့ အစီအစဉ် လုံးဝ မရှိပါဘူး။” လို့ ၎င်းက ပြောပါတယ်။

ဒါပေမဲ့ နိုင်ငံအတွက် အကျိုးရှိတဲ့ဆောင်ရွက်မှုမှန်သမျှကို ဘက်ပေါင်းစုံက ပူးပေါင်းပြီး ဆောင်ရွက်သွားရမှာ ဖြစ်ကြောင်း ၎င်းက ပြောပါတယ်။

နောက်ထပ်စစ်တပ်အာဏာသိမ်းမှာကို ကာကွယ်ဖို့အတွက် လွှတ်တော်အမတ်ပရာယွတ်ဆီရီပန်းနစ်ချ်အဆို တင်သွင်းခဲ့တဲ့ အဲဒီဥပဒေမူကြမ်းထဲမှာ “ကာကွယ်ရေးဝန်ကြီးနဲ့ တပ်မတော်အကြီးအကဲတွေပါဝင်ဖွဲ့စည်းထားတဲ့ ကော်မတီတစ် ရပ်က အဆိုပြုတင်ပြထားတဲ့ စစ်ဗိုလ်ချုပ်ကြီးတွေခန့်အပ်နိုင်ရေး ထောက်ခံဖို့အတွက် အစိုးရအဖွဲ့ကို အခွင့်အာဏာပေး ဖို့ ထည့်သွင်းထားတာဖြစ်ပါတယ်။

အဲဒီဥပဒေမူကြမ်းကို ညွန့်ပေါင်းအဖွဲ့က ဖုန်ဂျိုင်ထိုင်းပါတီနဲ့ UNT ပါတီတို့အပြင် အတိုက်အခံ ပါလန်ပရာချာရတ်ပါတီ (PPP) တို့ကပါ ကန့်ကွက်ခဲ့တာဖြစ်ပါတယ်။

အဲဒီအဆိုပြုချက်ဟာ ဖီယူထိုင်းပါတီနဲ့ ထိုင်းတပ်မတော်ကြား တင်းမာမှုတွေဖြစ်ပေါ်လာစေနိုင်တယ်လို့လည်း စောင့် ကြည့်လေ့လာသူတချို့က ပြောပါတယ်။

အဆိုပြုချက်ကြောင့် ထိုင်းတပ်မတော်အနေနဲ့ စိတ်အနှောင့်အယှက်ဖြစ်ပြီး ပဋိပက္ခဖြစ်ပေါ်လာနိုင်သလားလို့ မေးမြန်း တဲ့အခါ “တပ်မတော်အနေနဲ့ ဒီအဆိုပြုချက်နဲ့ပတ်သက်ပြီး ဘာပြဿနာမှမရှိကြောင်း” မစ္စပေထောင်တန်က ပြောပါတယ်။

ကာကွယ်ရေးဝန်ကြီး ဖမ်သမ်ဝီချာရာချိုင်းဟာ တပ်မတော်ခေါင်းဆောင်တွေနဲ့ အနီးကပ်ပူးပေါင်း ဆောင်ရွက်လျက်ပြီး အစိုးရအနေနဲ့ ပဋိပက္ခဖြစ်ပွားစေမှာထက် ငြိမ်းချမ်းတည်ငြိမ်ရေးပိုမိုအားကောင်းလာ အောင်သာ အာရုံစိုက်ဆောင်ရွက်နေကြောင်း ၎င်းက ပြောပါတယ်။

စီးပွားရေးတိုးတက်လာအောင်ဆောင်ရွက်ဖို့ ညွှန်ကြားထားတဲ့အတွက် တိုးတက်မှုကို အဟန့်အတားဖြစ်စေမယ့် ဘာ ပဋိပက္ခမှ ရှိလာမှာမဟုတ်ကြောင်း ၎င်းက ပြောပါတယ်။

ဒီဥပဒေကြမ်းဟာ ပါတီက အဆိုတင်သွင်းတာမဟုတ်တဲ့အတွက် မစ္စတာပရာယွတ်အနေနဲ့ အဲဒီပြင်ဆင်ချက် ဥပဒေကြမ်းကို ပြန်လည်ရုပ်သိမ်းဖို့ ကြိုးပမ်းနိုင်ကြောင်း ဖီယူထိုင်းပါတီခေါင်းဆောင်လည်းဖြစ်တဲ့ မစ္စပေထောင်တန်က ပြောပါတယ်။

မစ္စတာပရာယွတ်က “တိုင်းပြည်မှာ စစ်တပ်က အကြိမ်ကြိမ်အာဏာသိမ်းတာကို နောက်ထပ်မမြင်လိုတော့တဲ့ အတွက်” ဒီဥပဒေမူကြမ်းကို တင်သွင်းခဲ့တာဖြစ်ပေမဲ့ အများစုက ကန့်ကွက်ရင် အဆိုပြုချက်ကို ပြန်လည်ရုပ်သိမ်းသွားမှာဖြစ်တယ် လို့ ပြောပါတယ်။

မစ္စတာပရာယွတ်ရဲ့ ဥပဒေမူကြမ်းဟာ ပါတီကအဆိုတင်သွင်းတာမဟုတ်တဲ့အတွက် အဲဒီဥပဒေကြမ်း တင်သွင်းမှုနဲ့ ဝေး ဝေးရှောင်နေကြဖို့ မစ္စပေထောင်တန်က ဖီယူထိုင်းပါတီဝင်တွေကို ပြောကြားထားပါတယ်။

ဥပဒေကြမ်း ပြန်လည်ရုပ်သိမ်းဖို့ မစ္စပေထောင်တန်ရဲ့ ပြောကြားချက်ကို မစ္စတာပရာယွတ်က ကြိုဆိုလိုက်ပါ တယ်။

မစ္စတာပရာယွတ်ရဲ့ ဥပဒေမူကြမ်းနဲ့ပတ်သက်ပြီး လွှတ်တော်က လူဦးရေ ၂၇၁၁၃ ဦးကို ဆန်းစစ်လေ့လာပြီး သဘော ထားကောက်ခံခဲ့ရာမှာ ၇၂.၄၇% က အဲဒီဥပဒေမူကြမ်းကို ကန့်ကွက်ပြီး ၂၇.၅၃% က ထောက်ခံခဲ့ပါတယ်။

Ref: Govt 'won't mess with military'

#centralnewsnaypyitaw

ဒီဇင်ဘာ ၁၃ ရက်နေ့ စက်သုံးဆီစျေးနှုန်းများ

#centralnewsnaypyitaw