Grok 3 ထုတ်ပြီး Subscriber ကြေး နှစ်ဆနီးပါး တိုးကောက်လိုက်တဲ့ X

အီလွန်မတ်စ်ကတော့ X ရဲ့ လစဉ်ကြေးကို နှစ်လအတွင်း ၂ ဆတိုး တင်လိုက်ပြန်ပါတယ်။

ပြီးခဲ့တဲ့ ဒီဇင်ဘာကမှ ၁၆ ဒေါ်လာတန် Premium+ plan ကို ၄၀% တိုးပြီး ၂၂ ဒေါ်လာတိုးကောက်ခဲ့တာပါ။ အခုတစ်ခေါက် ကမ္ဘာ့အကြမ်းဆုံးဆိုတဲ့ Grok 3 AI ထုတ်ပြီးနောက်မှာတော့ ၂၂ ဒေါ်လာကို နှစ်ဆနီးပါးတိုးပြီး ဒေါ်လာ ၄၀ ကောက်လာတာပါ။

ဒါတောင် Premium+ မှာ Grok 3 ရဲ့ deep search နဲ့ reasoning လို feature တချို့ပဲ ရမှာပါ။ features အကုန် full access သုံးချင်ရင် SuperGrok plan သုံးရမှာပါ။ SuperGrok နဲ့ဆို တစ်လဒေါ်လာ ၅၀ နဲ့ တစ်နှစ်စာ နှစ်စဉ်ကြေး ဒေါ်လာ ၃၅၀ ရှိမယ်လို့ ဆိုပါတယ်။

premium ဝင်ထားသူတွေပဲ Grok မော်ဒယ်အကုန် သုံးလို့ရမှာ ဖြစ်လို့ ပိုက်ဆံတိုးတောင်းလို့ကောင်းအောင် AI model သစ် ချပြလိုက်တာလို့တောင် ပြောရမလိုပါပဲ။ X subscription ‌ဈေးနှုန်းတွေက အမေရိကန်ပြင်ပက တခြားဈေးကွက်တွေမှာလည်း တက်သွားပါတယ်။

Twitter ကို အီလွန်မတ်စ် ဝယ်ပြီးနောက်ပိုင်း ၂၀၂၃ နှစ်ကုန်ပိုင်းမှာ Premium+ plan ကို စခဲ့တာပါ။ Premium+ တွေက ကြော်ငြာလုံးဝ မပါတဲ့ subscription အစီအစဉ် ဖြစ်ပြီး စာနဲ့ ဗွီဒီယိုအရှည်တွေ တင်နိုင်သလို ၊ ပို့စ်တွေ ပြန် edit ခွင့်ပြုတာ ၊ Grok AI features တွေ သုံးနိုင်တာတွေ လုပ်နိုင်ပါတယ်။

နောက်ဆုံးထွက်ထားတဲ့ Grok 3 ကတော့ အဆင့်မြင့်ဆုံး AI chatbot ဖြစ်ပြီး Grok 2 ထက် ၁၀ ဆပို စွမ်းဆောင်ရည်မြင့်တယ်လို့ ဆိုပါတယ်။ Nvidia H100 GPUs ၂ သိန်းကျော်နဲ့ train ထားတဲ့ ဒီ chatbot က beta ဗားရှင်းမှာတောင် AI Benchmarking မှာ ပြိုင်ဘက်တွေကို ဖြတ်ကျော်ပြီး score အမြင့်ဆုံးရထားပါတယ်။

ချန်ပီယံလိဂ်ဖလားကို ရယူနိုင်မယ့် အသင်း ၄ သင်းကို ဂွာဒီယိုလာပြော

ဖေဖော်ဝါရီ ၂၁

ရီးရယ်လ်အသင်းကို အရေးနိမ့်ပြီး ချန်ပီယံလိဂ်ပြိုင်ပွဲကနေ မန်စီးတီးအသင်း ထွက်ခွာခဲ့ရပြီးနောက် နည်းပြ ဂွာဒီယိုလာက ဒီရာသီ ချန်ပီယံလိဂ်ဖလားကို ရယူနိုင်မယ့်အသင်း ၄ သင်းကို ပြောခဲ့ပါတယ်။

ဂွာဒီယိုလာက “ရီးရယ်လ်အသင်းက ဆုဖလား ရယူနိုင်ဖို့ ရေပန်းအစားဆုံးဆိုတာ သေချာပါတယ်။ ဒါပေမယ့် တခြားကောင်းမွန်တဲ့ အသင်းတွေလည်းရှိတာကြောင့် စိတ်ဝင်စားစရာကောင်းတဲ့ ချန်ပီယံလိဂ် ရာသီဖြစ်လာမှာ ပါ။ ချန်ပီယံလိဂ် ဆုဖလားနဲ့ပတ်သက်ရင် ရီးရယ်လ်အသင်းက အမြဲတမ်း ရေပန်းအစားဆုံးဖြစ်ပါတယ်။ လီဗာပူးလ်အသင်းက အခုအချိန်ထိ အလွန်ကောင်းမွန်တဲ့ ရာသီတစ်ခုကို ပိုင်ဆိုင်ထားပြီး ဘာစီလိုနာအသင်းရဲ့ စွမ်းဆောင်ရည်ကလည်း အံ့သြစရာကောင်းပါတယ်။ ကျနော့် သူငယ်ချင်း အင်းနရစ် ကိုင်တွယ်နေတဲ့ ပီအက်စ်ဂျီ အသင်းကလည်း အလွန်ကောင်းမွန်ပါတယ်။ ဒါပေမယ့် သေချာတာကတော့ ရီးရယ်လ်အသင်းက ရေပန်းအစား ဆုံးပါ”လို့ ပြောခဲ့တာပါ။

မန်စီးတီးအသင်းဟာ ရီးရယ်လ်အသင်းကို ချန်ပီယံလိဂ် ပလေးအော့ဖ် နှစ်ကျော့ပေါင်း ရလဒ် ၆ ဂိုး-၃ ဂိုးနဲ့ အရေးနိမ့်ပြီး ပြိုင်ပွဲကနေ စောစီးစွာ ထွက်ခွာခဲ့ရတာ ဖြစ်ပါတယ်။

ချန်ပီယံလိဂ်ပြိုင်ပွဲရဲ့ လက်ရှိချန်ပီယံဖြစ်တဲ့ ရီးရယ်လ်အသင်း ၁၆ သင်းအဆင့်ကို တက်နိုင်ခဲ့တာကြောင့် ဂွာဒီယိုလာ အပါအဝင် အများအပြားက ရီးရယ်လ်အသင်း ချန်ပီယံဆုကို ဆက်ထိန်းနိုင်မယ်လို့ သုံးသပ် ထားကြတာပါ။

ချန်ပီယံလိဂ်ပြိုင်ပွဲရဲ့ ၁၆ သင်းအဆင့်ကို ရီးရယ်လ်အသင်း အပါအဝင် လီဗာပူးလ်၊ အာဆင်နယ်၊ အက်စတွန်ဗီလာ၊ အသလက်တီကို၊ ဘာစီလိုနာ၊ အင်တာ၊ ဘိုင်ယန်မြူးနစ်၊ လေဗာကူဆင်၊ ဒေါ့မွန်၊ ပီအက်စ်ဂျီ၊ လိုင်လီ၊ ဖီယင်နု၊ ပီအက်စ်ဗွီ၊ ကလပ်ဘရုဂျက်နဲ့ ဘင်ဖီကာအသင်းတို့ တက်နိုင်ခဲ့တာဖြစ်ပါတယ်။

ဒီရာသီ ချန်ပီယံလိဂ်ပြိုင်ပွဲမှာ ချန်ပီယံဖြစ်ဖို့ ရေပန်းစားနေတဲ့ အသင်းတွေထဲမှာ လီဗာပူးလ်၊ အာဆင်နယ်၊ ဘာစီလိုနာနဲ့ ပီအက်စ်ဂျီအသင်းတို့လည်း ပါဝင်နေတာပါ။

ချန်ပီယံလိဂ် ၁၆ သင်းအဆင့် မဲခွဲမှုကို ဖေဖော်ဝါရီ ၂၁ ရက်မှာ ပြုလုပ်ပြီး ပွဲစဉ်တွေကို မတ်လ ပထမအပတ်နဲ့ ဒုတိယအပတ်မှာ ကျင်းပသွားမှာဖြစ်ပါတယ်။

Source: Metro

ပုံ - ရီးရယ်လ်အသင်းနဲ့ မန်စီးတီးအသင်း ယှဉ်ပြိုင်နေစဉ်

#ဘောလုံးသတင်းစုံ

"ကျွန်တော်မန်ချက်စတာယူနိုက်တက်နဲ့ ပတ်သက်ရင် ကျေးဇူးတင်စကားပဲ ပြောစရာရှိပါတယ်။ ခက်ခဲတဲ့ ကာလတွေဖြစ်ခဲ့ပေမယ့် ယူနိုက်တက်အတွက်ကစားတာ ဂုဏ်ယူရသလို ဆုဖလားတွေတောင် ရရှိခဲ့တယ်လေ။" 🇧🇷

🗣️အန်တိုနီ

နိုင်ငံကျော် မြန်မာဂန္ထဝင်အဆိုတော်ကြီး ဒေါ် ခင်ညွန့်ရည် ကွယ်လွန်

ဖေဖော်ဝါရီ ၂၁

နိုင်ငံကျော် မြန်မာ့ဂန္တဝင်အဆိုတော်ကြီး ဒေါ် ခင်ညွန့်ရည်ဟာဖေဖော် ဝါရီ ၂ဝ ရက်၊ ည ၁၁ နာရီ ၅ မိနစ်အချိန်မှာ ကွယ်လွန်သွားခဲ့ပြီဖြစ်တယ်လို့ ကျန်ရစ်သူ ကာယကံရှင် မိသားစုဝင်တွေက ပြောပါတယ်။

တေးသံရှင်ကြီး ဒေါ်ခင်ညွန့်ရီဟာ အဆုပ်ကင်ဆာရောဂါကို ရန်ကုန်ပြည်သူ့ဆေးရုံကြီးကင်ဆာဌာနမှာ တက်ရောက်ဆေးကုသမှုခံယူရင်း ကွယ်လွန်သွားခဲ့တာဖြစ်ပါတယ်။

"ဟုတ်ပါတယ်။မနေ့ညက ဆုံးတာပါ။အခုတော့ အမေရဲ့ နာရေးကိစ္စတွေအတွက် စီစဉ်ဆောင်ရွက်နေပါတယ်။ရန်ကုန်ဆေးရုံကြီးမှာ ပဲဆုံးတာပါ။အဆုပ်ကင်ဆာနဲ့ပါ"လို့တေးသံရှင်ကြီး ဒေါ်ခင်ညွန့်ရည်ရဲ့သမီးဖြစ်သူက VOM ကို ပြောပါတယ်။

ဂီတအသိုင်းအဝိုင်းနဲ့ ဂီတနယ်ပယ်က အနုပညာရှင်တွေကတော့ မြန်မာ့ဂန္တဝင်အဆိုတော်ကြီး ဒေါ် ခင်ညွန့်ရည် ကွယ်လွန်သွားခဲ့ခြင်းနဲ့ ပတ် သက်လို့ ဝမ်းနည်းစကားတွေကို Facebook လူမှုကွန်ရက်ပေါ်မှာ ပြောကြားထားကြတာကိုလည်းတွေ့ရပါတယ်။

"သူချစ်တဲ့အနုပညာ သူချစ်တဲ့ပရိတ်သတ်တွေကို ထာဝရစွန့်ခွာသွားပါပြီ"လို့နိုင်ငံကျော်တေးသံရှင် ဒေါ်ခင်ညွန့်ရည် ကွယ်လွန်တာနဲ့ ပတ်သက်ပြီး ဂီတအနုပညာနယ်ပယ်က ဝမ်းနည်းစကားဆိုထားပါတယ်။

ကွယ်လွန်သူ တေးသံရှင်ကြီး ဒေါ်ခင်ညွန့်ရည်ရဲ့ ကျန်ရစ်သူ မိသားစုဝင်တွေကတော့ လက်ရှိမှာ နာရေးကိစ္စတွေအတွက် လိုက်လံစီစဉ်ဆောင်ရွက်နေပြီး နာရေးအစီအစဉ် အသေး စိတ်တွေကို ဒီကနေ့ နေ့လည်ပိုင်းလောက်မှာထုတ်ပြန်ပေးသွားမယ်လို့ ဆိုပါတယ်။

နိုင်ငံကျော် တေးသံရှင်ကြီး ဒေါ် ခင်ညွန့်ရည်ဟာ ကွယ်လွန်ချိန်မှာ အသက်(၇၅)ရှိပြီဖြစ်တယ်လို့ သိရပါတယ်။

သူဟာ မြန်မာ့သံစဉ်စစ်စစ် တေးသီချင်းတွေကို ဖန်တီးသီဆိုခဲ့တဲ့ မြန်မာ့ဂန္တဝင် နိုင်ငံကျော်
အဆိုတော်ကြီး တယောက်လည်းဖြစ်ပါတယ်။

တေးသံရှင်ကြီး ဒေါ် ခင်ညွန့်ရည်ရဲ့ နာမည်ကျော် လူသိများလှတဲ့ တေးသီချင်းတွေကတော့ "အဓိပတိလမ်းမှာ ရွာတဲ့မိုး၊ဆောင်းအမီ၊ တိမ်ပလီနွေနှောင်း၊လက်ပံပွင့်ကောက်အရောက်လာမယ်၊ချစ်တံခြူရှင်၊ နှင်းဆီမလေး ချစ်ပုံပြင်၊ပန်းနဲ့ပေါက်တာလည်း နာချင်တယ် အစရှိတဲ့ တေးသီချင်းတွေဟာ မြန်မာသံပရိတ်သတ်တွေကြားမှာ ရေပန်းစား ကျော်ကြားခဲ့တဲ့
တေးသီချင်းတွေပဲ ဖြစ်ပါတယ်။

Photo - CJ

#centralnewsnaypyitaw

စစ်ကိုင်း၊ ပဲခူး၊ ဧရာဝတီနဲ့ နယ်စပ်ဘက်တွေကို ပါဆယ်ကုန်ပစ္စည်းပို့ခွင့်ပိတ်ထားလို့ လုပ်ငန်းရှင်အချို့အခက်ကြုံနေ

ဖေဖော်ဝါရီ ၂၁

စစ်ကိုင်း၊ ပဲခူး၊ ဧရာဝတီနဲ့ နယ်စပ်ဘက်တွေကို ပါဆယ်ကုန်ပစ္စည်းပို့ခွင့်ပိတ်ထားလို့ လုပ်ငန်းရှင်အချို့အနေနဲ့ အခက်ကြုံနေရတယ်လို့ သိရှိရပါတယ်။

အခုကာလမှာ မြန်မာနိုင်ငံအတွင်းက တိုင်းနဲ့ ပြည်နယ်အချို့က မြို့တွေနဲ့ နယ်စပ်ဘက်က မြို့တွေကို ကုန်ပစ္စည်းပို့ခွင့်ပိတ်ထားသလို ပို့ရခက်တာတွေနဲ့ လမ်းခရီးမှာစစ်ဆေးမှုတွေများစွာရှိနေတဲ့အတွက် ကုန်ပစ္စည်း (သို့မဟုတ်) ပါဆယ်ပစ္စည်းပို့ဆောင်ရာတွေမှာ နှောင့်နှေးကြန့်ကြာမှုတွေလည်းရှိနေတာဖြစ်တယ်လို့ ဆိုပါတယ်။

ဒီလိုပို့ရခက်တဲ့ နေရာတွေကိုပါဆယ်ကုန်ပစ္စည်းပို့ဝန်ဆောင်မှုလုပ်ငန်း လုပ်တဲ့ သူတွေအနေနဲ့ အခုကာလမှာ ပါဆယ်ပစ္စည်းပို့ဖို့ လက်မခံကြတာများတယ်လို့လည်း Delivery ဝန်ဆောင်မှုလုပ်ငန်း လုပ်ကိုင်သူတွေက ပြောပါတယ်။

"တချို့နေရာတွေက ပို့ရခက်တော့ ပစ္စည်း လက်မခံကြတော့တာပါ။ လမ်းကြောင်း အစစ်ဆေး ဘာညာတွေကြောင့်လေ၊တချို့ဝန်ဆောင်မှုတွေကတော့ ရတယ်ထင်တယ်။အခုက စစ်ကိုင်း၊ ပဲခူး၊ ဧရာဝတီ နေရာအချို့ကို ပိတ်ထားတယ်။တချို့က ရတယ်၊တချို့မရဘူး။အဓိကက နယ်စပ်ဘက်တွေဆိုရင် ပို့ဖို့ခက်တာပါ။လမ်းခရီးမှာ ကြန့်ကြာတယ်။ပစ္စည်းတွေက အချိန်မီ မရောက်ဘူး၊ဒီလိုအခြေအနေလေးတွေတော့ကြုံနေရတာရှိပါတယ်"လိုပြည်တွင်းက Delivery Service ဝန်ဆောင်မှုလုပ်ငန်း လုပ်ကိုင်သူ တယောက်က ပြောပါတယ်။

ဒါအပြင် မြန်မာ နယ်စပ်တချို့ကို ဒလီနဲ့ပစ္စည်းပို့ခွင့်တွေကို ပိတ်ထားတဲ့အတွက် ကုန်ပစ္စည်းအချို့ပို့ဆောင်ရာမှာ အခက်အခဲတွေကြုံနေရတာဖြစ်တယ်လို့ ပြောပါတယ်။

"နယ်စပ်ဘက် တွေကို ဒလီပိတ်လိုက်တော့ အခုစာအုပ်တွေပို့ဖို့ရှိတာ တိုင်ပတ်ကုန်ရော"လို့ ပြည်တွင်းက လုပ်ငန်းရှင်တယောက်က ပြောပါတယ်။

အုပ်ချုပ်ရေးအသိုင်းအဝိုင်းနဲ့ နီးစပ်သူတယောက်ကတော့ မြို့အချို့ကို အခုလိုပစ္စည်းတွေ ပို့ဖို့တင်းကြပ်ထားတာဟာ လုံခြုံရေးပိုင်းဆိုင်ရာအတွက် အဓိက ဖြစ်တယ်လို့ သူက အခုလို ဆက်ပြီး ပြောပြပါတယ်။

"ပစ္စည်းတွေပို့တာက ဘာနဲ့ပဲပို့ပို့ မပို့ခင်ထဲက ကားဂိတ်မှာ အကုန်ဖောက်စစ်တာပါ။အဝေးပြေးကားနဲ့ ပဲပို့ပို့ ကုန်ကားနဲ့ပဲ ပို့ပို့ အခုက အဲလိုစနစ်ဖြစ်သွားပြီ၊ဒါကလည်း ကြာနေပါပြီ။ ဒီလိုဖောက်စစ်ဖို့ကိုလည်း အစထဲကပြော ထားတာရှိတယ်လို့ကြားတယ်။အဝေးပြေးကားဂိတ်တွေမှာ ပစ္စည်းတွေကိုဖောက်စစ်တာကကြာပါပြီ၊အခုလည်း အဲလိုစစ်ပြီးမှ ပို့ပေးနေတာပါ"လို့ သူက ပြောပြပါတယ်။

အဲဒါအပြင် နယ်စပ်ကုန်သည်တွေရဲ့ထပ်လောင်းပြောပြမှုတွေအရ အခုကာလမှာ ကုန်ပစ္စည်းတွေကို ပို့ဆောင်ပါက ကုန်လမ်းကြောင်းထက် လေကြောင်းလမ်းကိုသာ အဓိက အားထားနေရာတဲ့ အတွက် သယ်ဆောင်ရတဲ့ စရိတ်စက ကြီးမြင့်လာသလို လေကြောင်းက ကုန်ပစ္စည်းတွေကို အကန့်အသတ်နဲ့ သာတင်တဲ့ အတွက် မိမိတို့လိုသလောက်ကုန်ပစ္စည်းတွေကို မပေးပို့နိုင်ဘူးလို့လည်း ဆိုပါတယ်။

"ကုန်လမ်းက အခုကာလမှာဘယ်လိုမှ ပို့မရဘူးပေါ့၊ပို့ရခက်တယ်ပေါ့။တချို့တပတ် လောက်နဲ့ ရောက်ရမယ့် ပစ္စည်းက တလလောက်ကြာရင်လည်း ကြာသွားတတ်တယ်။အချိန်မီမရောက်တာတွေလည်း အများကြီးရှိတယ်။တခါတလေ ကုန်လမ်းက ပို့ရခက်လို့ လေယာဥ်နဲ့ ပို့ပြန်ရင်လည်း သူက ဘာရှိလဲဆိုရင် ကိုယ်တင်ချင်သလောက်ကုန်တွေကို တင်ခွင့်မရဘူး။သူတို့ သတ်မှတ်ထားတဲ့ အလေး ချိန်ပဲတင်လို့ရတယ်။နောက် လေယာဉ်နဲ့ဆို တော့ကုန်ကျစရိတ်ပိုများတယ်။ဒီလိုအခက် အခဲတွေတော့ အများကြီးရှိနေတယ်"လို့ နယ်စပ်ကုန်သည် တယောက်က ထပ်မံပြောပြခဲ့ပါတယ်။

Photo - CJ

Credit - VOM News Agency

#သတင်းဟင်းလေးအိုးကြီး

လုပ်သင့်တာကို လုပ်
-----------------------
တစ်နေ့တွင် မြည်းတစ်ကောင်သည် မြက်ခြောက်တွေကို စားနေသည်။
ကျားသစ်က ဖြတ်သွားဖြတ်လာ မြည်းကိုတွေ့သည့်အခါ မေးကြည့်လိုက်သည်။
“ဟေ့မြည်း … ဟိုဘက်မှာ မြက်နုတွေက စိမ်းနေတာပဲ … ဘာဖြစ်လို့များ မြက်ခြောက်တွေကို စားနေရတာလဲ။ စိမ်းနေတာတွေကို စားရောပေါ့”
ကျားသစ်ပြောတာမှန်သည်။ အနီးနားကွင်းပြင်တွင် စိမ်းစိုသော မြက်တို့ရှိနေသည်။
မြက်ခြောက်တွေကို ဝါးနေသော မြည်းက ကျားသစ်ကို ပြန်ပြောသည်
“ဟေ့ကောင် … မင်းပြောတဲ့ မြက်တွေက အစိမ်းရောင်မဟုတ်ဘူး … အပြာရောင်တွေ”
ကျားသစ်က အံ့အားသင့်စွာဖြင့်
“မြည်းရာ မင်းလည်း နေ့တိုင်း မြက်တွေကို စားနေတာပဲ။ မြက်မှာ အပြာရောင်ဆိုတာ ရှိလို့လားကွာ။ မြက်ဆိုတာ အစိမ်းရောင်ပဲ မဟုတ်လား”
“အပြာကွ”
“အစိမ်းကွ”
“အပြာ”
“အစိမ်း”
တိရစ္ဆာန်နှစ်ကောင် ငြင်းခုံနေမှုက ပိုပြီးပြင်းထန်လာသည်။ နှစ်ကောင်စလုံး အပြာနှင့် အစိမ်းဇာတ်လမ်းသည် ပြီးဆုံးနိုင်တော့မည်မဟုတ်။ ထို့ကြောင့် နောက်ဆုံးတွင် တောဘုရင် ခြင်္သေ့ထံ အဆုံးအဖြတ်ခံယူရန် သွားကြ လေတော့သည်။
“အရှင် … မြက်ကို ကျွန်တော်မျိုးက အစိမ်းဟုပြောသည်။ မြည်းက အပြာဟု ငြင်းသည်။ အရှင်က အမှန်အတိုင်း အဆုံးအဖြတ် ပေးစေချင်ပါသည်။
“မြက်ဆိုတာ အပြာရောင်မဟုတ်ပါလားအရှင်”
ခြင်္သေ့က မြည်းနှင့် ကျားသစ်တို့၏ စကားကို နားထောင်သည်။ ထို့နောက် ခြင်္သေ့က
“မြည်းပြောတာ မှန်တယ် … မြက်က အပြာရောင်” ဟု အဆုံးအဖြတ်ပေးလိုက်လေတော့သည်။
ကျားသစ်က အံ့အားလည်းသင့်၊ ဒေါသလည်းထွက်သွားသည်။
ခြင်္သေ့က ကျားသစ်ကို
“မဟုတ်မမှန် ပြောဆိုသည့် ကျားသစ်ကို ကြိမ်ဒဏ်ပေးစေ” ဟုလည်း အမိန့်ချသည်။
ကြိမ်ဒဏ်လည်းခံ၊ မြည်းလည်း ပြန်သောအခါမှ ကျားသစ်က ခြင်္သေ့ကို ပြောသည်။
“အရှင် … မြက်ဆိုသည်မှာ အစိမ်းရောင်ဆိုသည်ကို အရှင်လည်း သိပါလျက် အဘယ်ကြောင့် အပြာရောင်ဟု ဆုံးဖြတ်ကာ ကျွန်တော်မျိုးအား အပြစ်ပေးရသနည်း။ ကျွန်တော်မျိုးကို ကြိမ်ဒဏ်ပေးခြင်းထက် အမှန်ကို အမှန် အတိုင်း အဆုံးအဖြတ်မပေးခြင်းအပေါ် ခံပြင်းလှပါသည်”
ခြင်္သေ့က ဆိုသည်
“ကျားသစ်မိုက် … ငါသည် သင့်ကို အပြစ်ပေးခြင်းမှာ မြက်သည် အပြာရောင်ဖြစ်ခြင်း၊ အစိမ်းရောင်ဖြစ်ခြင်းနှင့် မဆိုင်။ သင်သည် မြည်းလိုကောင်နှင့် ဖက်ပြိုင်ပြီး ငြင်းခုံသောကြောင့် အပြစ်ပေးခြင်းဖြစ်သည်”
“ပညာမဲ့ လူ့ဗာလတစ်ဦးသည် ပညာရှိ သူတော်ကောင်း တစ်ရာကို အနိုင်ယူ၍ရသည်”
“ပညာမဲ့သူတွင် ကောက်ကျစ် ယုတ်မာသောစိတ် အစဉ်ရှိနေသဖြင့် သူအနိုင်ရရေးကို အစဉ်တွေးကာ နည်းမျိုးစုံဖြင့် ယုတ်မာနေမည်သာဖြစ်သည်”
“အကျိုးမဲ့ ငြင်းခုံခြင်းဖြင့် အချိန်ရော အင်အားကိုပါ မဖြုန်းသင့်”
“ထိုလူမိုက်တို့ကို ငြင်းခုံခြင်းထက် လုပ်သင့်လုပ်ထိုက်တာကို မလုပ်ခြင်းက သင်လည်း မိုက်မဲရာကျသဖြင့် သင့်ကို အပြစ်ပေးခြင်းဖြစ်သည်”
(အာရပ်ပုံပြင်တစ်ပုဒ်ကို မှီငြမ်းပါသည်)

"လွဲတာကို ကျွန်တော်နားလည်ပေးလို့ရတယ်။ ဒါပေမယ့် လွဲပြီးနောက် နူနက်စ်ရဲ့အပြုအမူကို လက်ခံဖို့ခက်ခဲတာပါ။ အဲ့လွဲတာကြီးက သူ့ခေါင်းထဲအရမ်းအတွေးလွန်နေပြီး အရင်ဒါဝင်နူနက်စ်မဖြစ်တော့ဘူး။ သူကိုယ်တိုင် ဒီလွဲချော်မှုကို တော်တော်စိတ်ပျက်သွားတာပဲ ထင်ပါတယ်"
🗣️အာနီစလော့ (ဗီလာနဲ့ပွဲက နူနက်စ်ရဲ့အလွဲအပေါ် သူ့အမြင်)

ညကောင်းကင်ယံကို မော့ကြည့်လိုက်တဲ့အခါ ကြယ်တာ ရာတွေ ပြည့်နှက်နေတဲ့ အဆုံးအစမဲ့ အာကာသကြီးကို မြင်တွေ့ရမှာပါ။
ဒီလို လှပတဲ့ မြင်ကွင်းတွေထဲမှာ လူသားတွေ သတိမထားမိတဲ့ အရာဝတ္ထုများစွာဟာလည်း လျှို့ဝှက်စွာ ရွေ့လျားနေကြပါတယ်။
အဲဒီအထဲကမှ 2024 YR4 လို့ အမည်ပေးထားတဲ့ ဂြိုဟ်သိမ်တစ်ခုဟာ မကြာတော့တဲ့ အနာဂတ်မှာ ကမ္ဘာနဲ့ အနီးဆုံးကို ရောက်ရှိလာဖို့ ရှိနေပါတယ်။
2024 YR4 ဟာ ၂၀၂၄ ခုနှစ် ဒီဇင်ဘာလ ၂၇ရက်‌
နေ့မှာမှ အသစ်စက်စက် ရှာဖွေတွေ့ရှိထားတဲ့ ဂြိုဟ်သိမ်တစ်ခုဖြစ်ပါတယ်။
ကမ္ဘာပတ်လမ်းကြောင်းနဲ့ နီးကပ်စွာ ဖြတ်သန်းသွားမယ့် Near-Earth Object (NEO) အုပ်စုထဲမှာ ပါဝင်ပြီး၊ လက်ရှိ ခန့်မှန်းချက်တွေအရ သူ့ရဲ့ အချင်းဟာ မီတာ ၄၀ ကနေ ၉၀ ကြားမှာ ရှိမယ်လို့ သိရပါတယ်။
ဒါပေမယ့် ဒီအရွယ်အစားဟာ ခန့်မှန်းခြေသာဖြစ်ပြီး၊ ၂၀၃၂ ခုနှစ်မှာ ရေဒါနဲ့ တိုင်းတာနိုင်တဲ့ အကွာအဝေးကို ရောက်မှသာ အတိအကျ သိနိုင်မှာ ဖြစ်တဲ့အတွက် လက် ရှိမှာတော့ အတိအကျ မသိနိုင်သေးပါဘူး။
၂၀၃၂ ခုနှစ်၊ ဒီဇင်ဘာလဝန်းကျင်မှာ 2024 YR4 ဟာ ကမ္ဘာနဲ့ အနီးဆုံး အကွာအဝေးကို ရောက်ရှိလာမယ်လို့ တွက်ချက်ထားပါတယ်။
ဒီအချိန်မှာ ကမ္ဘာနဲ့ ဘယ်လောက်အထိ နီးကပ်မယ်ဆိုတာကိုတော့ အတိအကျ မသိရသေးပေမယ့်၊ သိပ္ပံပညာရှင်တွေက သူ့ရဲ့ လမ်းကြောင်းကို အနီးကပ် စောင့်ကြည့်နေကြပါတယ်။
အရေးကြီးဆုံး မေးခွန်းတစ်ခုဖြစ်တဲ့ ဒီဂြိုဟ်သိမ်ဟာ ကမ္ဘာကို တိုက်မိနိုင်ခြေ ရှိသလား ဆိုတာကို ဖြေရရင်တော့၊ NASA ရဲ့ တွက်ချက်မှုတွေအရ လက်ရှိအချိန်မှာ တိုက်မိနိုင်ခြေ ၃.၁% ရှိတယ်လို့ သိရပါတယ်။
ဒါဟာ တခြားဂြိုဟ်သိမ်တွေနဲ့ ယှဉ်ရင် အနည်းငယ် ပိုများပေမယ့်၊ ၉၆.၉% ဟာ ကမ္ဘာကို မတိုက်နိုင်ဘူးဆိုတဲ့ အချက်ကလည်း အရေးကြီးပါတယ်။
ဒီဖြစ်နိုင်ခြေဟာ အချိန်နဲ့အမျှ ပြောင်းလဲနိုင်တာကြောင့် လက်ရှိအချိန်မှာတော့ စိုးရိမ်တကြီး ဖြစ်စရာ မလိုသေးပါဘူး။
NASA ရဲ့ Sentry System နဲ့ Center for Near-Earth Object Studies (CNEOS) တို့က ဒီဂြိုဟ်သိမ်ကို အမြဲမပြတ် စောင့်ကြည့်နေပြီး အချက်အလက်အသစ်တွေ ရတာနဲ့အမျှ ဖြစ်နိုင်ခြေကို ပြန်လည်တွက်ချက်ပေးနေမှာပါ။
သို့သော်လည်း အကယ်၍ 2024 YR4 သာ ကမ္ဘာကို တိုက်မိခဲ့မယ်ဆိုရင်၊ သူ့ရဲ့ အရွယ်အစားပေါ် မူတည်ပြီး သက် ရောက်မှုတွေ ကွာခြားနိုင်ပါတယ်။
လူနေထူထပ်တဲ့ မြို့ကြီးတစ်မြို့ပေါ် တည့်တည့်ကျရောက်ခဲ့ရင်တော့ ကီလိုမီတာ ဆယ်ဂဏန်းဝန်းကျင်အထိ ကြီးမားတဲ့ ပျက်စီးဆုံးရှုံးမှုတွေ ဖြစ်ပေါ်နိုင်ပြီး အဆောက်အအုံတွေ ပြိုကျပျက်စီးနိုင်သလို၊ ပြတင်း ပေါက်မှန်တွေ ကွဲအက်တာမျိုးတွေလည်း အတော်ဝေးတဲ့နေရာအထိ ဖြစ်နိုင်ပါတယ်။
2024 YR4 ရဲ့ လမ်းကြောင်းနဲ့ ပတ်သက်ပြီး အသေ အချာ သိနိုင်ဖို့အတွက် NASA အပါအဝင် ကမ္ဘာတစ်ဝန်းက သိပ္ပံပညာရှင်တွေဟာ အနီးကပ် စောင့်ကြည့်လေ့လာမှုတွေကို ဆက်လက်လုပ်ဆောင်နေကြပါတယ်။
ရရှိလာတဲ့ အချက်အလက် အသစ်တွေပေါ်မူတည်ပြီး ကမ္ဘာကို တိုက်မိနိုင်ခြေ ရှိ/မရှိ ဆိုတာကို ပိုမိုတိကျစွာ ခန့်မှန်းနိုင်မှာ ဖြစ်ပါတယ်။
နိဂုံးချုပ်အနေနဲ့ ပြောရရင်တော့ 2024 YR4 ဂြိုဟ်သိမ်ဟာ အနာဂါတ်မှာ စိတ်ဝင်တစား စောင့်ကြည့်ရမယ့် အာကာသ အရာဝတ္ထုတစ်ခုဖြစ်ပါတယ်။
လက်ရှိအခြေအနေမှာ စိုးရိမ်စရာ အဆင့်မရှိသေးပေမယ့်၊ သိပ္ပံပညာရှင်တွေရဲ့ လေ့လာမှုတွေကို အမြဲနားစွင့်နေဖို့ လိုအပ်ပြီး၊ အနာဂတ်မှာ ဘယ်လို အပြောင်းအလဲတွေ ဖြစ်လာမလဲဆိုတာကိုတော့ ဆက်လက်စောင့်ကြည့်ရဦးမှာ ဖြစ်ပါတယ်။
#knowledge

#ယနေ့ထုတ်သတင်းစာ_သတင်း
◼ ထိုင်းနိုင်ငံတွင် မြန်မာထွက်ကုန်ပစ္စည်းရောင်းချမှုဖြင့် ဆိုင်ပိုင်ရှင်နှင့် မြန်မာအလုပ်သမားတစ်ဦး ဖမ်းဆီးခံရ
ထိုင်းနိုင်ငံ စူလတ်ဌာနီ ကော့ဖန်ငန်၌ ရှိသည့် ကုန်စုံဆိုင် တစ်ဆိုင်တွင် မြန်မာထွက်ကုန်ရောင်းချမှုကြောင့် ဆိုင်ပိုင်ရှင် ထိုင်းလူမျိုးနှင့် မြန်မာအလုပ်သမားတစ်ဦး ဖမ်းဆီးအရေးယူခံရကြောင်း ထိုင်းသတင်းဌာနများ၏ ဖော်ပြချက်အရသိရသည်။
အဆိုပါ ကုန်စုံဆိုင်သည် တရားမဝင်တင်သွင်းလာသောမြန်မာ ထွက်ကုန်များရောင်းချနေသည်ဆိုသည့် တိုင်တန်းချက်အရ သက်ဆိုင်ရာ ဒေသအာဏာပိုင်များက ဖေဖော်ဝါရီ ၁၉ ရက်တွင် ဝင်ရောက်စစ်ဆေးမှုများပြုလုပ်ခဲ့ကြောင်း သိရသည်။
စစ်ဆေးပေါ်ပေါက်ချက်အရ ဆိုင်ပိုင်ရှင် ထိုင်းနိုင်ငံသားကို တရားမဝင် ကုန်ပစ္စည်းတင်သွင်းရောင်းချမှု၊ ၁၅ ရက်အတွင်း နိုင်ငံခြားသား အလုပ်သမားကို မှတ်ပုံတင်ရန် ပျက်ကွက်မှု၊ နိုင်ငံခြားသားအလုပ်သမားကို ခွင့်ပြုချက်မရှိဘဲ အလုပ်လုပ်ကိုင်ခွင့်ပြုထားခြင်း စသည့်အချက်များဖြင့် တရားစွဲဆိုထားကြောင်း သိရသည်။
မြန်မာအလုပ်သမား (အမျိုးသမီး)ကိုမူ ခွင့်ပြုချက်ကျော်လွန်ပြီး အလုပ်ရှင်၏ အချက်အလက်များကို အစီရင်ခံရန်ပျက်ကွက်သည်ဆိုသော အချက်ဖြင့် ဖမ်းဆီးထိန်းသိမ်းထားကြောင်းသိရသည်။
လက်ရှိအချိန်တွင် ထိုင်းနိုင်ငံသို့ အကြောင်းအမျိုးမျိုးကြောင့် ရောက်ရှိလာကြသော မြန်မာအပါအဝင် နိုင်ငံခြားသားများ ကိုစောင့်ကြည့်လျက်ရှိပြီး ထိုင်းအာဏာပိုင်အဖွဲ့အစည်းများအနေဖြင့် မြန်မာပြည်ဘက်မှ မည်သည့်ကုန်ပစ္စည်းမဆို တင်သွင်း၊ ရောင်းချခြင်းများကို တင်းကျပ်စွာ စစ်ဆေးလျက်ရှိကြောင်း သိရသည်။

Kakegurui ကိုအခြေခံပြီး "Bet" ဆိုတဲ့ English Live-Action လာတော့မည်။ 😳

ပါဝင်သရုပ်ဆောင်မယ့်သူတွေကတော့ - Miku Martineau, Ayo Solanke, Eve Edwards, Clara Alexandrova, Hunter Cardinal, Anwen O'Driscoll, Aviva Mongillo, Ryan Sutherland တိုပဲဖြစ်ပါတယ်။