Birthday numbers month tattoo designs

Birthday numbers month tattoo designs

အန်ဂျလီနာဂျိုရား : ဘာလာလာ

This Day in History
Voice of Myanmar
ဂရင်းလန်းကျွန်းသည် ကိုယ်ပိုင်အုပ်ချုပ်ခွင့်ကို ၂၀၀၉ ခုနှစ် ဇွန် ၂၁ ရက်ရက်တွင် ဒိန်းမတ်ထံမှ ရရှိခဲ့ပြီး နိုင်ငံခြားရေးမူဝါဒကိုမူ ဒိန်းမိတ်အစိုးရက ဆက်လက်ထိန်းချုပ်ထားသည်။

#နိုင်ငံတကာသတင်း
◼ရာထူးမှနုတ်ထွက်ရမည့်အရေးနှင့် ထိုင်းဝန်ကြီးချုပ် ရင်ဆိုင်နေရ
အစိုးရညွန့်ပေါင်းအဖွဲ့မှ အရေးပါသောပါတီတစ်ခုက ၎င်းအား ရာထူးမှနုတ်ထွက်ရေး တောင်းဆိုရန်ရှိနေချိန်တွင် တိုက်ပွဲဝင်နေရသော ထိုင်းဝန်ကြီးချုပ် ပေထုန်တန်သည် အစိုးရအဖွဲ့အတွင်း လူများစုနေရာကို ဆုံးရှုံးမည့်အရေးနှင့် ရင်ဆိုင်နေရကြောင်း သိရသည်။
ပေထုန်တန်၏ ဖွေထိုင်းပါတီ ဦးဆောင်သောညွန့်ပေါင်းအဖွဲ့တွင် ၎င်းတို့ ဆက်လက်ပူးပေါင်းပါဝင်ရေးကို အလိုရှိပါက အသက် (၃၈) နှစ်အရွယ် ထိုင်းနိုင်ငံ၏အသက် အငယ်ဆုံး ဝန်ကြီးချုပ် နုတ်ထွက်ရမည်ဖြစ်ကြောင်း ညွန့်ပေါင်းအဖွဲ့တွင် ဒုတိယအကြီးဆုံး ပါတီ ဖြစ်သည့် စည်းလုံးညီညွတ်‌သောထိုင်းနိုင်ငံ (UTN) ပါတီ က တောင်း ဆိုသွားမည်ဖြစ်ကြောင်း ပါတီသတင်းရင်းမြစ် နှစ်ဦး က ရိုက်တာသတင်းအား ပြောကြားသည်။
“ သူ မနုတ်ထွက်ဘူးဆိုရင် ပါတီက အစိုးရအဖွဲ့ကနေ ထွက်မယ်” ဟု မီဒီယာများကို တရားဝင်ပြောဆိုခွင့်မရှိသဖြင့် အမည်မဖော်ခဲ့သော သတင်းရင်းမြစ်တစ်ဦး ဆိုသည်။
ယင်းကိစ္စအား ဝန်ကြီးချုပ်အား ပါတီခေါင်းဆောင်ကလေးစားသမှုဖြင့် အသိပေးသွားမည်ဖြစ်ကြောင်း အဆိုပါသတင်းရင်းမြစ်က ဆိုသည်။
အခြား မဟာမိတ်ပါတီတစ်ခုဖြစ်သော ဒီမိုကရက်တစ်ပါတီ က ဝန်ကြီးချုပ်အား ထောက်ခံသွားမည်ဟု ပြော ကြား ခဲ့သဖြင့် အားတက်စရာဖြစ်သော်လည်း ဗုဒ္ဒဟူးနေ့က ပိုမိုကြီးမားသော ဘန်ဂျေထိုင်းပါတီ ညွန့်ပေါင်းအဖွဲ့မှနုတ်ထွက်သွားခဲ့ပြီးနောက် ပေထုန်တန် အနေဖြင့် UTN ပါတီ၏ ထောက်ခံမှုကို မဖြစ်မနေလိုအပ်နေကြောင်း သိရသည်။
သို့သော် UTN ပါတီ က ၎င်းတို့၏ရပ်တည်ချက်အား မည်သည့်အချိန်၌ ပြောကြားမည်ကို မပြောသေးပေ။
၎င်းတို့၏ ဆုံးဖြတ်ချက်နှင့် ပတ်သက်၍ မေးမြန်းချိန်တွင်လည်း ပါတီ ပြောခွင့်ရပိုဂ္ဂုလ် က အသေးစိတ်ပြောရန် ငြင်းဆိုခဲ့သည်။
“ ပါတီ ခေါင်းဆောင်က ဝန်ကြီးချုပ်ကို အသိပေးတာကို ကျွန်တော်တို့စောင့်ဆိုင်းရပါမယ်။” ဟုသာ ပြောခွင့်ရသူ ဝေါင်ပစ်တာခရော့ က ပြောသည်။
ပေထုန်တန် နှင့် ကမ္ဘောဒီးယားဝန်ကြီးချုပ်ဟောင်း ဟွန်ဆန် တို့ကြားက ဖုန်းပြောဆိုမှု ပေါက်ကြားခဲ့ပြီးနောက် ၎င်းသည် ပြည်တွင်း အမျက်ထွက်မှု ၊ မဟာမိတ်ပုန်ကန်မှုများကို ရင်ဆိုင်နေခဲ့ရသည်။
ယင်းဖုန်းခေါ်ဆိုမှုအတွင်း နှစ်နိုင်ငံကြားက နယ်စပ်ပြဿနာအား ငြိမ်းချမ်းစွာ ဖြေရှင်းရေး ပေထုန်တန် က ပြောကြားသော်လည်း စကားပြောပွင့်လင်းသော ထိုင်းဗိုလ်ချုပ်ကြီးတစ်ဦးအား အိုက်တင်များသူဟု မလေးမစားပြောကြားခဲ့ရာ နိုင်ငံရေးတွင်စစ်တပ်အရှိန်အဝါကြီးမားသော နိုင်ငံတွင် အနီရောင်စည်းကို ကျော်ဖြတ်ခြင်းဖြစ်သည်။
နိုင်ငံ‌ရေးတက်ကြွလှုပ်ရှားသူများကလည်း ပေထုန်တန်နုတ်ထွက်ရန် နှင့် မဟာမိတ်ပါတီများ အစိုးရအဖွဲ့မှ ထွက်ရေး တောင်းဆိုရန် ဇွန် ၂၈ ရက်မှစ၍ ဘန်ကောက်မြို့တွင် ဆန္ဒပြပွဲများလုပ်ရန် စီစဉ်ထားကြသည်။
သတင်း-ရဲမင်း
ကိုးကား-Reuters

ပျော်ပါးချင်လို့

ဂျက်ကီလုံး : ဘာလာလာ

#နိုင်ငံတကာသတင်း
◼အစ္စရေးတိုက်ခိုက်မှုတွင် အမေရိကန် ပါဝင်ပါက ငရဲကျသဖွယ်ဖြစ်လိမ့်မည်ဟု အီရန်ပြော
အစ္စရေးတိုက်ခိုက်မှုများတွင် အမေရိကန်ပါဝင်လာခဲ့ပါက ‌ဒေသတစ်ခုလုံးအတွက် ငရဲကျသဖွယ် ဖြစ်နိုင်ကြောင်း အီရန် ဒုတိယနိုင်ငံခြားရေးဝန်ကြီး က ဘီဘီစီသတင်းအား ပြောကြားသည်။
ယခုစစ်ပွဲမှာ အမေရိကန်၏စစ်ပွဲမဟုတ်ကြောင်း နှင့် အကယ်၍ အမေရိကန်သမ္မတဒေါ်နယ်ထရန့် က ပါဝင်ပတ်သက်ခဲ့ပါက ၎င်းနှင့် မသက်ဆိုင်သောစစ်ပွဲတွင် ပါဝင်ခဲ့သူ အဖြစ် အမြဲတမ်း အမှတ်ရနေကြမည် ဖြစ်ကြောင်း မစ္စတာ ဆာအက် ခါတစ်ဇာဒေး က ပြောသည်။
အမေရိကန်ပါဝင်မှုဖြင့် စစ်ပွဲအား ကြီးမားသောအရှုပ်တော်ပုံ အဖြစ် ပြောင်းလဲစေရုံသာမက ၊ရန်လိုမှုများ ပိုများလာကာ ရက်စက်ကြမ်းကြုတ်မှုများအား ရပ်တန့်ရန် နှောင့်နှေးသွားမည် ဖြစ်ကြောင်း ၎င်းက ဆက်ပြောသည်။
အီရန်တို့၏ ဒုံးကျည်တိုက်ခိုက်မှုတစ်ခုအတွင်း အစ္စရေးတောင်ပိုင်းမှ ဆိုရိုကာဆေးရုံထိမှန်ခဲ့ပြီးနောက် ၎င်း၏ မှတ်ချက်များ ထွက်ပေါ်လာခြင်းဖြစ်သည်။
ယင်းတိုက်ခိုက်မှုတွင် ဆေးရုံဘေးရှိ စစ်စခန်းအား ပစ်မှတ်ထားခြင်းဖြစ်ကြောင်း နှင့် ဆေးရုံအား ပစ်မှတ်ထားခဲ့ခြင်းမဟုတ်ကြောင်း အီရန် အစိုးရ မီဒီယာက ပြောသည်။
ဆိုရိုကာဆေးရုံ တိုက်ခိုက်ခံရမှုတွင် လူပေါင်း ၇၁ ဦး ဒဏ်ရာရခဲ့ကြောင်း အစ္စရေးကျန်းမာ‌‌ရေး ဝန်ကြီးဌာနက ပြောသည်။
ထိုအတောအတွင်း အီရန်၏ နျူကလီးယားစခန်းများအား ပစ်မှတ်ထားခဲ့ကြောင်း နှင့် ယင်းတွင် အရက်ခ် ရေအရင်းအမြစ်ဓာတ်ပေါင်းဖိုဟောင်း နှင့် နာတန့်ဇ် ယူရေနီယံ သန့်စင်စက်ရုံများလည်း ပါဝင်ကြောင်း အစ္စရေးစစ်ဘက် က ပြောကြားသည်။
သံတမန်‌ရေး က ပထမဦးစားပေးဖြစ်သော်လည်း ဗုံးကြဲတိုက်ခိုက်ခံနေရစဉ် အီရန်က မည်သည့်ဆွေးနွေးပွဲကိုမျှ စတင်မည် မဟုတ်ကြောင်း အီရန် ဒုတိယနိုင်ငံခြားရေးဝန်ကြီး ခါဘစ်ဇာဒေး က ဆက်လက်ပြောသည်။
ယခုပဋိပက္ခမှာ ရန်စမှုမရှိဘဲ မလိုအပ်ဘဲ ဖြစ်ပေါ်လာသော စစ်ပွဲဖြစ်ကြောင်း အီရန် ဒုတိယနိုင်ငံခြားရေးဝန်ကြီးက ပြောကြားသည်။
အမေရိကန်နှင့်နျူကလီးယားသဘောတူညီချက်အား အီရန်က လက်သင့်ခံခဲ့ပါက ပဋိပက္ခကို ရှောင်လွဲလိုက်နိုင်မည်ဖြစ်ကြောင်း အမေရိကန်သမ္မတ ထရန့် ၏ ထပ်တလဲလဲ ပြောကြားမှုများအား တုံ့ပြန်ရာတွင် အီရန်အပေါ် တိုက်ခိုက်မှုများ စတင်ပြီး အစ္စရေးက ကဖျက် ယဖျက် လုပ်လိုက်သည့်အချိန်အထိ အီရန် က ဆွေးနွေးညှိနှိုင်းမှုများ လုပ်ဆောင်နေခဲ့ကြောင်း အီရန် ဒုနိုင်ငံခြား‌ရေး ဝန်ကြီး က ထောက်ပြသည်။
“ ကျွန်တော်တို့က( အိုမန်မြို့တော်)မတ်စကတ်မြို့မှာ ခြောက်ကြိမ်မြောက် ဆွေးနွေးဖို့ လုပ်နေခဲ့ကြတာပါ။ တစ်ကယ်တမ်းကျရင် ကျွန်တော်တို့ က သဘောတူညီချက်တစ်ခု ရလု နီးနေပါပြီ။ သဘောတူညီချက်ရခါနီးနေပြီ ဆိုတာကို သမ္မတ ထရန့် က တခြားလူတွေထက် ပိုပြီး သိပါတယ်။” ဟု၎င်းက ပြောသည်။
သတင်း-ရဲမင်း
ကိုးကား-BBC

သူတောင်းစား အင်ပါယာ : 4.7M Views Aung Thu Lwin (Kelvin Kate)

#ပြည်တွင်းသတင်း
◼ငလျင်ဒဏ်သင့်မန္တလေးနန်းမြို့ရိုးအားပြုပြင်ရာတွင် RC ကွန်ကရစ်ထည့်သွင်းခြင်းမပြုလုပ်ရန် တရုတ်ပညာရှင်အဖွဲ့အကြံပြု
ငလျင်ဒဏ်ကြောင့်ပျက်စီးခဲ့သည့် မန္တလေးနန်းမြို့ရိုးအားပြုပြင်ရာတွင် RC ကွန်ကရစ်ထည့်သွင်းခြင်း များမပြုလုပ်ရန် တရုတ်နိုင်ငံ၊ National Cultural Heritage Administration နှင့် Shaanxi Provincial Cultural Heritage Administration မှ ပညာရှင်များကအကြံပြုပြောဆိုထားကြောင်း ရှေးဟောင်း သုတေသနနှင့်အမျိုးသားပြတိုက်ဦးစီးဌာနထံမှသိရသည်။
ပြီးခဲ့သည့်မတ်လ ၂၈ ရက်တွင်လှုပ်ခတ်ခဲ့သည့် အင်အားပြင်းငလျင်ကြောင့် မန္တလေးတိုင်းအတွင်းရှိ နန်းမြို့ရိုး၊ ပြအိုး၊ ပြာသာဒ်များ၊ နန်းတော်နှင့် ရှေးဟောင်းအဆောက်အအုံများ ထိခိုက်ပျက်စီးခဲ့သည့်အတွက် ရှေးဟောင်းသုတေသနနှင့် အမျိုးသားပြတိုက်ဦးစီးဌာန၏ ညွှန်ကြားရေးမှူးချုပ်မှ မန္တလေး နန်းမြို့ရိုးပတ်လည်ဧရိယာရှိ မြို့ဝင်ပေါက်၊ သူရဲပြေး၊ သူရဲခို၊ ပြအိုး၊ ပြာသာဒ်၊ မီးတား အင်္ဂါအပြည့်အစုံ ပါသောတစ်နေရာကို ပြုပြင်ပေးရန် တရုတ်-မြန်မာချစ်ကြည်ရေးအနေဖြင့် တရုတ်ပညာရှင်အဖွဲ့ အားတောင်းဆိုခဲ့ကြောင်း၊ တန်ဖိုးကြီးမားပြီး အနုလက်ရာရှိသော ရှေးဟောင်းအဆောက်အအုံများကို ပျက်ပုံအတိုင်းထိန်းသိမ်းပြီး အန္တရာယ်ကင်းအောင်၊ ထပ်မံပြိုကျခြင်းမရှိအောင် မည်သို့ဆောင်ရွက် ရမည်ကို အကြံပြုပေးစေလိုကြောင်းတောင်းခံခဲ့သည်။
National Cultural Heritage Administration နှင့် Shaanxi Provincial Cultural Heritage Administration မှ ပညာရှင်များအဖွဲ့များကလည်း မြို့ရိုးတွင်ပျက်စီးခဲ့သည့်အစိတ်အပိုင်းများကို RC ကွန်ကရစ်ဖြင့် ငလျင်ဒဏ်ခံနိုင်အောင်ရည်ရွယ်၍ တည်ဆောက်ခြင်းကိုမပြုလုပ်သင့်ကြောင်း၊ ရှေးဟောင်းအဆောက်အအုံများကို ငလျင်ဒဏ်ခံနိုင်အောင်ဆောင်ရွက်ရန်မလိုဘဲ ရှေးမူမပျက် ဆောင်ရွက်ရန်လိုကြောင်း၊ RC ကွန်ကရစ်ဖြင့်တည်ဆောက်ပါက မိုးရေစိမ့်ဝင်လာလျှင် အတွင်းတွင် ရေပြန်မထွက်နိုင်ဘဲ မူလရှေးဟောင်းအုတ်ချပ်များအား တဖြည်းဖြည်းဆွေးမြေ့ပျက်စီးစေနိုင်ကြောင်း၊ အုတ်နှင့်သစ်သားတွဲဆက်သည့်ပုံစံသည် သဟဇာတမဖြစ်ကြောင်း၊ အုတ်များသည်သစ်သားတိုင်ကို ကာကွယ်သည့်အနေအထားတွင်သာရှိကြောင်း၊ အုတ်ပြန်စီသည့်အခါ အထူးသတိထားရန်လိုကြောင်း၊ ရှေးဟောင်းအဆောက်အအုံများကို ပျက်စီးမှဆောင်ရွက်သည်ထက် ပုံမှန်စစ်ဆေးပြီးထိန်းသိမ်းရေး ဆောင်ရွက်ရန်လိုကြောင်း၊ ထိန်းသိမ်းရေးဆောင်ရွက်ရာတွင်လည်းရှေးနည်းနှင့် သိပ္ပံနည်းပေါင်းစပ်၍ ဆောင်ရွက်ရန်လိုကြောင်း ပြန်လည်အကြံပြုပြောဆိုသည်။
ထို့ပြင်ရှေးဟောင်းသုတေသနနှင့် အမျိုးသားပြတိုက်ဦးစီးဌာန ညွှန်ကြားရေးမှူးချုပ်နှင့်အတူ တရုတ်နိုင်ငံ၊ National Cultural Heritage Administration နှင့် Shaanxi Provincial Cultural Heritage Administration မှ ပညာရှင်များက ငလျင်ဒဏ်ကြောင့်ထိခိုက်ပျက်စီးခဲ့သည့် မန္တလေးတိုင်းနှင့် စစ်ကိုင်းတိုင်းအတွင်းရှိ ရှေးဟောင်းအဆောက်အအုံ ၂၇ နေရာကိုလည်း သွားရောက်လေ့လာခဲ့ကြောင်း သိရသည်။
သတင်း-အင်ကြင်း
ဓာတ်ပုံ-CJ