Americana ရုပ်ရှင်ထဲမှ Sydney Sweeney နဲ့ Halsey တို့ရဲ့ New Look ဖြစ်ပါတယ်။

Deathwatch (2002)

ပထမကမ္ဘာစစ်ကာလကို အခြေခံပြီးရိုက်ထားတဲ့ သည်းထိပ်ရင်ဖို ဇာတ်လမ်းတစ်ပုဒ်ဖြစ်ပါတယ်။

ပထမကမ္ဘာစစ်အတွင်း ဗြိတိသျှစစ်သားအချို့ အဖွဲ့ ကွဲ၍ ဂျာမန် ရှေ့တန်းတပ်စခန်းတစ်ခုကိုရောက်သွားသောအခါ တပ်စခန်းမှာ ဂျာမန်စစ်သားတစ်ဦးကို ဖမ်းဆီးရရှိခဲ့ပါတယ်။

ဗြိတိသျှစစ်သားများက ပုန်းခိုနေနိုင်မည့် နောက်ထပ်ဂျာမန် တပ်သားတွေကို ရှာဖွေရင်း ထူးဆန်းတဲ့အဖြစ်ပျက်တွေတစ်ခုပြီး တစ်ခုဖြစ်ကာ အဖွဲ့သားအချင်းချင်းရန်လိုမှုတွေ စတင်ဖြစ်ပွါးလာ ပါတယ်။

ရန်သူ့နယ်မြေမှာ လမ်းပျောက်နေတဲ့ ဗြိတိသျှတပ်သားအဖွဲ့ အန္တရာယ်ကင်းကင်းနဲ့ပြန်ထွက်သွားနိုင်ပါ့မလား သူတို့အဖွဲ့ကိုနှော င့်ယှက်နေတဲ့

ထူးဆန်းတဲ့အရာကရော ဘာဖြစ်မလဲ စသည်ဖြင့် သည်းထိပ်ရင်ဖို ကြည့်ရမည့် ဇာတ်ကားတစ်ကားဖြစ်ပါတယ်။

Peace maker 2 trailer sneak peek

သမိုင်းထဲက ဒိန်းမက်နိုင်ငံရဲ့ ပြောင်းလဲပုံအကြောင်းကို ကြည့်ရှုရမယ့် သမိုင်းဝင်ရုပ်ရှင်တစ်ကား

The Promised Land
2023 ‧ Western/Thriller ‧ 2h 7m

ဒိန်းမတ်ရဲ့ ၂၀၂၄ အော်စကာအတွက် တင်သွင်းထားတဲ့ရုပ်ရှင်အသစ်လာပါပြီ။
IMDb 7.7 ရရှိထားပြီး မင်းသားကြီး Mads Mikkelsen ပါဝင်ထားပါတယ်။
The Dark Tower ရဲ့ ဒါရိုက်တာ Nikolaj Arcel ရိုက်ကူးထားတာပဲဖြစ်ပါတယ်။
ဇာတ်လမ်း၊ ရိုက်ချက်၊ သရုပ်ဆောင်အားလုံးကောင်းတာမို ကြည့်သင့်တဲ့

ရုပ်ရှင်ကောင်းတစ်ခုပါပဲ။
ဇာတ်လမ်းကတော့ သမိုင်းဖြစ်ရပ်မှန်တစ်ခုကိုအခြေခံထားတာဖြစ်ပြီး
ဒိန်းမတ်နိုင်ငံရဲ့ မြေပုံကိုပါ ပြောင်းလဲစေခဲ့တဲ့ လူတစ်ယောက်အကြောင်းပါပဲ။
၁၇၀၀ ပြည့်နှစ်အကျော်တွေမှာ ဒိန်းမတ်ဘုရင်ဟာ မြေရိုင်းတွေဧကပေါင်းများစွာမှာ
လူတွေအခြေချစေချင်ပြီး စိုက်ပျိုးစေချင်ပေမဲ့ နှစ် ၅၀ ကြာတဲ့တိုင်အောင် ဘယ်သူမှ
မအောင်မြင်နိုင်ခဲ့ပါဘူး။ မြေတွေက အရမ်းကြမ်းတော့ စိုက်ပျိုးလိုမရတဲ့အပြင်
ခြေသလုံးအိမ်တိုင် ဂျစ်ပစီတွေက ခိုးဝှက်လုယက်နေတာလည်းရှိနေလိုပါ။
အဲဒီအချိန်မှာပဲ စစ်ပြန်အငြိမ်းစားဗိုလ်ကြီး လက်ဗစ်ခေလန်က အဲဒီမြေရိုင်းတွေ
ပေါ်မှာ စိုက်ပျိုးပြီး အခြေချခွင့်တောင်းလာပါတယ်။ ဘုရင့်ဘဏ္ဍာရေးအဖွဲက
သူအောင်မြင်မယ်လို မယုံကြည်ပေမဲ့ ဟန်ပြလုပ်နေတဲ့သူရှိရင်ပြီးတာပဲဆိုပြီး
ခွင့်ပြုလိုပါတယ်။ အထောက်အပံ့တော့ မပေးပါဘူး။ ခေလန်ဟာ သူ့ရဲ့ ပင်စင်
လစာလေးနဲ့ ရှိမဲ့စုမဲ့ လူတွေငှား ပစ္စည်းတွေဝယ်ပြီး မြေရိုင်းဒေသကိုထွက်လာပေမဲ့
သူ့ဆီက ခိုးမဲ့လုမဲ့ ဂျစ်ပစီတွေနဲ့ မြေရိုင်းဒေသကို အပိုင်စီးချင်နေတဲ့ မြေရှင်
သူဌေးကြီးတစ်ယောက်က မျိုးစုံတိုက်ခိုက်လာတဲ့အခါ နဂိုကမှ ခက်ခဲနေတဲ့အလုပ်ဟာ
မဖြစ်နိုင်စရာဖြစ်လာပါတယ်။ ဒါတွေကို ဘယ်လိုအောင်မြင်အောင်လုပ်မလဲ၊
အောင်မြင်ဖိုအတွက် ဘာတွေပေးဆပ်လိုက်ရလဲဆိုတာတော့ ရုပ်ရှင်ထဲမှာ
ဆက်ကြည့်ရမှာပါ။

အားကောင်းသောလေဖိအားနည်းရပ်ဝန်းအခြေအနေ ထုတ်ပြန်ချက်
April 10, 2025
(မိုး/ဇလ) ဧပြီ ၁၀

ယနေ့မြန်မာစံတော်ချိန် ၀၅:၃၀ နာရီအချိန် တိုင်း ထွာချက်များအရ ဘင်္ဂလား ပင်လယ်အော်အနောက်အလယ်ပိုင်းနှင့် ယင်းနှင့်ဆက်စပ်လျက်ရှိသော ဘင်္ဂလားပင်လယ်အော်အနောက်တောင်ပိုင်း တို့တွင် ဖြစ်ပေါ်နေသော အားကောင်းသောလေဖိအားနည်းရပ်ဝန်း (Well Marked Low Pressure Area) သည် ဘင်္ဂလားပင်လယ်အော်အနောက်အလယ်ပိုင်းသို့ ရောက်ရှိခဲ့ပြီး လေဖိ အားနည်းရပ်ဝန်း (Low Pressure Area) အဖြစ်သို့ အားလျော့သွားခဲ့ပါသည်။ အဆိုပါ လေဖိအားနည်းရပ်ဝန်းသည် မြောက်-အရှေ့မြောက်ဘက်သို့ ရွေ့လျား နိုင်ပြီး၊ နောက် ၂၄ နာရီအတွင်း ဘင်္ဂလားပင်လယ် အော်အလယ်ပိုင်း၌ တဖြည်းဖြည်း အားလျော့သွားနိုင်သည်ဟု ခန့်မှန်းရပါသည်။ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် တိမ်အသင့်အတင့်မှ တိမ်ထူထပ် နေပါ သည်။

ယနေ့ညနေအထိခန့်မှန်းချက်မှာ တနင်္သာရီ တိုင်းဒေသကြီးနှင့် ကချင်ပြည်နယ်တို့တွင် နေရာစိပ်စိပ်၊ ရန်ကုန် တိုင်းဒေသကြီး၊ ကရင်ပြည်နယ်၊ ချင်းပြည် နယ်၊ မွန်ပြည်နယ်နှင့် ရှမ်းပြည်နယ်တို့တွင် နေရာကျဲကျဲနှင့် ကျန် တိုင်းဒေသကြီးနှင့် ပြည်နယ်တို့တွင် နေရာကွက်ကျား မိုးထစ်ချုန်းရွာမည်။ ရွာရန်ရာနှုန်း ၈၀ ဖြစ်ပါသည်။

တနင်္သာရီတိုင်းဒေသကြီးနှင့် မွန်ပြည်နယ်တို့တွင် မိုးတိမ်တောင်များ ဖြစ်ထွန်းလျက်ရှိပြီး၊ အဆိုပါ မိုးတိမ်တောင်များ ရွေ့လျားရာ နေရာတစ်လျှောက်တွင် မိုးရွာသွန်းခြင်းနှင့်အတူ လေ ပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသ ဖြစ်စဉ်များ ဖြစ်ပေါ်နိုင်ကြောင်း မိုးလေဝသနှင့် ဇလဗေဒဦးစီးဌာနမှ သတင်းထုတ်ပြန်ထားပါသည်။

Amulet (202
============
Amulet ဆိုတာက အဆောင် လက်ဖွဲ့ ပစ္စည်းတစ်ခုခုကိုပြောချင်တာဖြစ်ပါတယ်။
စစ်သားတစ်ဉီး ရှိပါတယ်သူက အကျင့်စာရိတ္တလည်း မကောင်းပါဘူးသူ တာဝန်ထမ်းဆောင်နေဆဲကာလမှာ ဆိုးရွားတဲ့ပြစ်မှုတစ်ခုကို ကျူးလွန်ခဲ့တယ် ပြီးတော့သူအဆောင် လက်ဖွဲ့တစ်ခုကို တောထဲမှာ ရှာတွေ့ခဲ့ပါတယ်
အဲ့ဒီ့လက်ဖွဲ့ကလေးရပြီးတဲ့နောက် သူ
ထူးထူးဆန်းဆန်းတွေနဲ့ပဲ ကြုံရပါတော့တယ်တစ်နေ့ သူမေ့လဲသွားပြီး မြို့က ဆေးရုံကို ရောက်သွားခဲ့ပါတယ်
အဲ့ဒီနောက် စစ်စတာ တစ်ယောက်နဲ့ အဆက်အသွယ်ရပြီးတော့မြို့က အကူညီလိုအပ်နေတဲ့ မက်ဂဒါလို့ခေါ်တဲ့အမျိုးသမီးအိမ် ကို သွားပြီးတော့ အိမ်အလုပ်တွေ ကူလုပ်ရင်း နေခဲ့ပါတယ်မက်ဂဒါ ရဲ့ အမေက မူမမှန်ပါဘူးဒါကို အစတည်းက တိုးမက်ဇ်က ရိပ်မိပါတယ် ဒါပေမယ့်အမေဖြစ်သူကိုတော့ သူ မမြင်ဖူးခဲ့ပါဘူးဒီအိမ်ကိုစရောက်တဲ့နေ့ကစပြီးတော့ တိုးမက်ဇ်ဟာ
ထူးဆန်းတာတွေ တစ်ခုပြီးတစ်ခုကြုံလာရပါတော့တယ်အိမ်ကနေ ဘယ်လိုပဲထွက်သွားဖို့ကြိုးစားကြိုးစားသူ ထွက်မသွားနိုင်ခဲ့ပါဘူး

ပင်လယ်ကုန်တင်သင်္ဘောတစ်စီးကို အာဖရိကပင်လယ်ဓားပြတွေက စီးနင်းပြီး ဓားပြတိုက်ကြတဲ့အခါ

Captain Phillips
2013 ‧ Thriller/Action ‧ 2h 14m

၂၀၀၉ ခုနှစ်မှာ အမေရိကန်တွေအတွက် အံ့အားသင့်ဖွယ်ရာကိစ္စတစ်ခု ဖြစ်ခဲ့ပါတယ်။ အဲဒါကတော့ နှစ်ပေါင်း ၂၀၀ အတွင်း ပထမဆုံးအကြိမ် အမေရိကန်ကုန်တင်သင်္ဘောတစ်စင်း ပြန်ပေးဆွဲခံရတာပဲ ဖြစ်ပါတယ်။
အိုမန် (Oman) နိုင်ငံ၊ ဆလာလဆိပ်ကမ်း (Port Of Salalah) ကနေ ကုန်ပစ္စည်းတွေသယ်ဆောင်လာတဲ့ အမေရိကန်ကုန်တင်သင်္ဘော အမ်ဗွီ မဲဆ်ခ် အာလဘာမား (MV Maersk Alabama) ဟာ ဆိုမာလီကမ်းရိုးတန်းကို ဖြတ်ကျော်ပြီး ကင်ညာနိုင်ငံ (Kenya)၊ မွမ်ဘာဆာမြို (Mombasa) ကို ခရီးအဆက်၊ လမ်းမှာ ဆိုမာလီပင်လယ်ဓားပြတွေရဲ့ ပြန်ပေးဆွဲခြင်းကို ခံလိုက်ရပါတယ်။
ဒီအခါ ဘာတွေဆက်ဖြစ်တယ်ဆိုတာကို စိတ်လှုပ်ရှားဖွယ် ရသအပြည့်နဲ့ ရိုက်ကူးတင်ပြထားတာဖြစ်ပါတယ်။ ထိုင်ရာမထတမ်း ကြည့်ရှုရလောက်အောင် ကောင်းမွန်တဲ့ အက်ရှင်၊ အတ္ထုပ္ပတ္တိဇာတ်ကားကောင်းတစ်ကား ဖြစ်ပါတယ်။
အကြိုက်ဆုံးကတော့ အခုမှ စပြီး ရုပ်ရှင်ရိုက်တဲ့ ဆိုမာလီဓါးပြဗိုလ် အဖြစ်သရုပ်ဆောင်တဲ့ (တကယ့် ဆိုမာလီလူမျိုး) Barkhad Abdi နဲ့ ၀ါရင့်မင်းသားကြီး Tom Hank တိုကြားက စကားပြောခန်းတွေဖြစ်ပါတယ်။
IMDB Rating (7.9/10 ) နဲ့ Rotten Tomatoes (93/10% အထိရရှိထားသော
ဇာတ်ကားကောင်းဖြစ်ပြီး Philips အဖြစ် Tom Hanks က ပါဝင်သရုပ်ဆောင်ထားပါတယ်။ Tom Hanks အပြင် ပင်လယ်ဓားမြတွေအဖြစ်သရုပ်ဆောင်ထားသော ဇတ်ကောင်တွေပါ အလွန် ပီပြင်ကြပါတယ်။ ကြည့်သင့်တဲ့ဇာတ်ကားကောင်းတစ်ခုဖြစ်ပြီး ဇာတ်လမ်းအဆုံးထိ စိတ်ဝင်စားဖွယ်ကောင်းပါတယ်။

#နည်းပညာသတင်း
◼ T. coronae Borealis ကြယ်စနစ် ယနေ့မှစ၍ အချိန်မရွေး ပေါက်ကွဲနိုင်
T. coronae Borealis လို့ခေါ်တဲ့ကြယ်စနစ်တစ်ခုဟာ ဒီနေ့ဒီညကစပြီး နောင်လာမယ့် ရက်တွေထဲမှာ ကြယ်သစ် တစ်စင်းအဖြစ် ကောင်းကင်ယံမှာ ပေါ် ပေါ်ထွက် လာမှာ ဖြစ်ပါတယ်။
ကမ္ဘာမြေနဲ့ အလင်းနှစ် ၃ဝဝဝ အကွာမှာတည်ရှိတဲ့ အဲဒီကြယ်စနစ်ဟာ ရက်ပိုင်းလပိုင်းထဲမှာပဲ ကြယ်ပေါက်ကွဲမှုဖြစ်ပွားတော့မှာပဲဖြစ်ပါတယ်။
T. coronae Borealis ကြယ်စနစ်ကိုသာမန်အချိန်မှာ မြင်ဖို့မလွယ်ပေမယ့် ကြယ်ပေါက်ကွဲမှုဖြစ်ပွားချိန်မှာတော့ ကမ္ဘာပေါ်ကနေ သာမန်မျက်စိနဲ့ သီတင်းတစ်ပတ်ကြာလောက် တွေ့မြင်နိုင်မှာပဲဖြစ်ပါတယ်။
ကြယ်ပေါက်ကွဲမှု ဖြစ်ပွားချိန်မှာ T. coronae Borealis ကြယ်ကို ဓူဝံကြယ်လောက် တောက်ပစွာတွေ့မြင်နိုင်မှာပါလို့ အမေရိကန် သိပ္ပံပညာရှင်တွေက ဆိုပါတယ်။ T. coronae Borealis ကြယ်စနစ် ပေါက်ကွဲမှုကို သာမန်မျက်စိနဲ့တွေ့မြင်နိုင်မယ့် အခွင့်အရေးဟာ လူသားတွေအတွက် တစ်သက်မှာတစ်ခါပဲ ရနိုင်မယ့် အခွင့်အရေးပါ။
ဘာဖြစ်လို့လဲဆိုတော့ T. coronae Borealis ကြယ်စနစ်ဟာ နှစ်ပေါင်း ၈ဝ လောက်မှသာ တစ်ကြိမ်ပေါက်ကွဲတတ်လို့ပဲဖြစ်ပါတယ်။

Game of thrones ပဲ့ကိုင်ရှင် George R.R. Martin နဲ့ နှစ် 10,000 အကြာမှ မွေးဖွားလာတဲ့ ဒိုင်းယားဝံပုလွေ

Robert Pattinson ကို Dune 3 ဇာတ်ကားအတွက် စိတ်ဝင်စားနေ

ဒါရိုက်တာ Denis Villeneuve ကတော့ နာမည်ကြီး သရုပ်ဆောင် Robert Pattinson ကို “Dune: Messiah” ဇာတ်ကားမှာ ပါဝင်သရုပ်ဆောင်လိုကြောင်းနဲ့ သူ့ရဲ့ A-list သရုပ်ဆောင်တွေနဲ့ပြည့်နေတဲ့ ဇာတ်ကားအဖွဲ့ထဲမှာ ထည့်ဖို့ စီစဥ်နေကြောင်းသိရပါတယ်။

Villeneuve ကတော့ Dune: Messiah ကို လာမယ့် နွေရာသီမှာ စတင်ရိုက်ကူးဖို့ စီစဉ်ထားခဲ့ပြီး နောက်ဆက်တွဲအတွက် ဇာတ်ညွှန်းကို အပြီးသတ်ရေးသားနေစဉ်၊ Pattinson ကို Timothée နဲ့ Zendaya တို့လို Dune မှာလည်း ပါဝင်စေလိုတဲ့ ဆန္ဒရှိတယ်လို့ ပြောခဲ့ပါတယ်။ ဒါပေမယ့် Pattinson နဲ့ တရားဝင် ကမ်းလှမ်းတာမျိုးတော့မလုပ်ရသေးသလို ဘယ်နေရာက သရုပ်ဆောင်ရမယ်လို့လည်း တိတိကျကျမသိရသေးပါဘူး။

Pattinson ကလည်း မကြာသေးမီက Zendaya နဲ့အတူ A24 ဇာတ်ကား “The Drama” မှာ အတူတူပါဝင်ခဲ့ကြပြီး၊ လက်ရှိမှာတော့ Christopher Nolan ရဲ့ “The Odyssey” ဇာတ်ကားမှာ ပါဝင်သရုပ်ဆောင်ပြီး ရိုက်ကူးနေပါတယ်။ ဒါ့အပြင် Warner Bros. ရဲ့ “The Batman 2 ” ဇာတ်ကားမှာလည်း အဓိကဇာတ်ဆောင်အဖြစ် ပါဝင်ထားပြီး၊ ၂၀၂၇ ခုနှစ်မှာ ရုံတင်ပြသမယ်လို့သိရပါတယ်။

ပြီးခဲ့သည့်နှစ်က Legendary မှ “Dune: Part 2” ရဲ့ အောင်မြင်မှုကြောင့် “Dune 3” ကို ရိုက်ကူးမယ်လို့ အတည်ပြုခဲ့သည်။ ပထမနှင့် ဒုတိယဇာတ်ကားများကတော့ ကမ္ဘာ့ရုံဝင်ငွေ စုစုပေါင်း ၁.၁၂ ဘီလီယံဒေါ်လာ ရရှိခဲ့ပြီး၊ အော်စကာဆု ၁၅ ဆုအတွက် ဆန်ခါတင်စာရင်းဝင်ခဲ့ကာ ၈ ဆုရရှိခဲ့ကြပါတယ်။ ဇာတ်ကားနှစ်ကားလုံးကလည်း အကောင်းဆုံးဇာတ်ကားဆုအတွက် ဆန်ခါတင်စာရင်းဝင်ခဲ့ကြပါတယ်။

Villeneuve ရဲ့ “Dune” ဇာတ်ကားများမှာတော့ ထိပ်တန်းသရုပ်ဆောင်တွေဖြစ်ကြတဲ့ Javier Bardem, Rebecca Ferguson, Josh Brolin, Austin Butler, Oscar Isaac, Stellan Skarsgard, Léa Seydoux, Charlotte Rampling, Dave Bautista နဲ့ Christopher Walken တို့ပါဝင်ခဲ့ကြပါတယ်။ နောက်ဆက်တွဲဇာတ်လမ်းမှာတော့ Florence Pugh နဲ့ Anya Taylor-Joy တို့ပါဝင်လာခဲ့ပြီး သူတို့ကလည်း Dune Part 3 မှာ ပြန်လည်ပါဝင်သွားမယ်လို့သိရပါတယ်။

ဒါ့အပြင် Jason Momoa ကလည်း Duncan Idaho ဇာတ်ကောင်အတွက် ပြန်လည်သရုပ်ဆောင်သွားမယ်လို့ပြောခဲ့ပါတယ်။