LATEST: Pres. Trump is expected to meet on Wednesday with Syrian Pres. Ahmed al-Sharaa, according to the White House.
Follow live updates:
https://abcnews.go.com/Politic....s/live-updates/trump

တက္ကသိုလ်ဝင်စာမေးပွဲ ပြန်လည်ဖြေဆိုမည့် ဝန်ထမ်းသား၊ သမီး ကျောင်းသား/ကျောင်းသူများထောက်ပံ့ငွေပေးအပ်
*****************
(ပြည်တွင်း) မေ ၁၄
၂၀၂၅ ခုနှစ် ဇွန်လအတွင်း ပြန်လည်ကျင်းပသွားမယ့် ၂၀၂၄ – ၂၀၂၅ တက္ကသိုလ်ဝင်စာမေးပွဲ ပြန်လည်ဖြေဆိုမယ့် ဝန်ထမ်းသား၊သမီး Grade-12 ကျောင်းသား/ကျောင်းသူများကို ထောက်ပံ့ငွေ ပေးအပ်ပွဲအခမ်းအနားကို မေလ ၁၃ ရက် မွန်းလွဲပိုင်းက နေပြည်တော်ရှိ ရုံးအမှတ်-၃ မှာ ကျင်းပရာ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စု ဝန်ကြီး ဦးထွန်းအုံ တက်ရောက်အမှာစကားပြောကြားခဲ့ပါတယ်။

အဆိုပါအခမ်းအနားသို့ ဒုတိယဝန်ကြီးများဖြစ်တဲ့ ဦးမင်းမင်း၊ ဦးကျော်ရွှေထွန်း၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဒုတိယအမြဲတမ်းအတွင်းဝန်နှင့် တာဝန်ရှိသူများ၊ ကျောင်းသား မိဘများနှင့် Grade- 12 ပြန်လည်ဖြေဆိုမည့် ကျောင်းသား/ကျောင်းသူများ တက်ရောက်ကြပါတယ်။

အဆိုပါအခမ်းအနားမှာ ပြည်ထောင်စုဝန်ကြီးနှင့် ဒုတိယဝန်ကြီးများက ဇွန်လအတွင်း ပြန်လည်ကျင်းပ စစ်ဆေးသွားမယ့် ၂၀၂၄-၂၀၂၅ တက္ကသိုလ်ဝင်စာမေးပွဲ ပြန်လည်ဖြေဆိုမည့် ဝန်ထမ်း သား၊ သမီး Grade -12 ကျောင်းသား ကျောင်းသူ ၂၈ ဦးကို ထောက်ပံ့ငွေများ ပေးအပ်ခဲ့ကြောင်း သိရပါတယ်။

သံရုံးနေအိမ်က မဆင်းဘဲ ပေကပ်နေထိုင်နေတဲ့ ဗြိတိန်နိုင်ငံဆိုင်ရာ မြန်မာသံအမတ်ဟောင်းကို ဗြိတိန်ရဲတပ်ဖွဲက တရားစွဲ
*****************
(နိုင်ငံတကာ) မေ ၁၄
လန်ဒန်မြို့က မြန်မာ သံရုံးနေအိမ်ကနေ မဖယ်ပေးဘဲ အတင်းပေကပ်နေထိုင်နေတဲ့ ဗြိတိန်နိုင်ငံဆိုင်ရာ မြန်မာသံအမတ်ဟောင်း ဦးကျော်စွာမင်းကို ဗြိတိန်ရဲတပ်ဖွဲ့က တရားစွဲဆိုလိုက်တယ်လို့ သိရပါတယ်။ဦးကျော်စွာမင်းမှာ နစကအစိုးရတက်လာပြီးနောက် သံအမတ်ရာထူးကနေ ဖြုတ်ချခံရပေမယ့် သံရုံးနေအိမ်ကနေ ထွက်ခွာပေးဖို့ ငြင်းဆန်နေခဲ့တာဖြစ်တဲ့အတွက် ဗြိတိန်ရဲတပ်ဖွဲ့က ပိုင်နက်ကျူးလွန်မှုနဲ့ စွဲချက်တင်ထားတယ်လို့ Reuters က သတင်းဌာနက ရေးသားထားပါတယ်။

နစကအစိုးရတက်လာပြီး လအနည်းငယ်အကြာမှာ ဦးကျော်စွာမင်းဟာ ဒေါ်အောင်ဆန်းစုကြည်ကို လွှတ်ပေးဖို့ တောင်းဆိုခဲ့ပြီးနောက် သံရုံးအတွင်း ဝင်ရောက်ခွင့်မရတော့သလို နစကအစိုးရဘက်ကလည်း သံတမန် ကိုယ်စားလှယ်တွေနဲ့ အစားထိုးခဲ့တာ ဖြစ်ပါတယ်။

ဦးကျော်စွာမင်းကို သံတမန်ရေးရာဌာနကို အတင်းလုယူထားတဲ့ ပိုင်နက်ကျူးလွန်မှုနဲ့ ပြီးခဲ့တဲ့ အပတ်က စွဲချက်တင်ထားတာဖြစ်တယ်လို့ လန်ဒန်ရဲတပ်ဖွဲ့ရဲ့ ပြောဆိုချက်ကို Reuters က သတင်းဌာနက အတည်ပြုရေးသားထားပါတယ်။

အဆိုပါစွဲချက်တင်ထားတဲ့ သံအမတ်ဟောင်းရဲ့ ပိုင်နက်ကျူးလွန်မှုကို လာမယ့် မေလ ၃၀ ရက်နေ့မှာ Westminster Magistrates တရားရုံးမှာ တရားရင်ဆိုင်ရမှာ ဖြစ်ပြီး အဆိုပါအမှုကို ရပ်တန့်ပေးဖို့ ဗြိတိန်ရှေ့နေချုပ်ကို လူ့အခွင့်အရေးအဖွဲ့ Myanmar Accountability Project မှ ဒါရိုက်တာ Chris Gunness က တိုက်တွန်းထားတယ်လို့လည်း သိရပါတယ်။

ဥရုဂွေးသမ္မတဟောင်း Jose Mujica ဟာ အသက် ၉၃ နှစ်အရွယ်မှာ ကွယ်လွန်
*****************
(နိုင်ငံတကာ) မေ ၁၄
ရိုးရှင်းလွန်းပြီး ပကာသနမဖက်တဲ့ ဘ၀နေထိုင်မှုပုံစံနဲ့ နေထိုင်ခဲ့တာကြောင့် ကမ္ဘာ့အဆင်းရဲဆုံးသမ္မတလို ခေါ်ဝေါ်ခံခဲ့ရတဲ့ ဥရုဂွေးသမ္မတဟောင်း Jose Mujica ဟာ အသက် ၉၃ နှစ်အရွယ်မှာ ကွယ်လွန်သွားခဲ့ပြီလို့ သိရပါတယ်။

သူဟာ ၂၀၁၀ ကနေ ၂၀၁၅ အထိ ဥရုဂွေးသမ္မတအဖြစ် တာဝန်ထမ်းဆောင်ခဲ့ပြီး လူလတ်တန်းစားမိသားစုက မွေးဖွားခဲ့သူဖြစ်လည်း ဖြစ်ပါတယ်။

သူ့ရဲ့ ရိုးရှင်းတဲ့နေထိုင်မှုပုံစံကြောင့် ပြည်သူတွေချစ်ခင်သူ တစ်ဦးအဖြစ်နဲ့လည်း ကျော်ကြားခဲ့သူပါလည်း ဖြစ်ပါတယ်။

ရှမ်းပြည်တောင်ပိုင်း မဲနယ်တောင်တန်း

ရှမ်းပြည်တောင်ပိုင်း မဲနယ်တောင်တန်း

ရှမ်းပြည်တောင်ပိုင်း မဲနယ်တောင်တန်း

ရှမ်းပြည်တောင်ပိုင်း မဲနယ်တောင်တန်း

ရှမ်းပြည်တောင်ပိုင်း မဲနယ်တောင်တန်း

ရှမ်းပြည်တောင်ပိုင်း မဲနယ်တောင်တန်း