ကြက်ဥအကြောင်း သိကောင်းစရာ
ကြက်ဥတွေမှာ မရှိမဖြစ်လိုအပ်တဲ့ amino acid တွေ အားလုံးပါဝင်တယ်ဆိုတာ သင်သိပါသလား။
Amino acids ဆိုတာ ပရိုတင်းဓာတ်ရဲ့ အခြေခံအုတ်မြစ်တွေပေါ့။ သူတို့ဟာ ဟော်မုန်းလုပ်ဆောင်ချက် (Hormone Functions) တွေ၊ ကိုယ်ခံအားစနစ်လုပ်ဆောင်ချက် (Immune Functions) တွေနဲ့ ကြွက်သားတည်ဆောက်ခြင်း (Building Muscle) တို့အတွက် မရှိမဖြစ်လိုအပ်ပါတယ်။ ဒါကြောင့် ကြက်ဥဟာ သင့်ခန္ဓာကိုယ်အတွက် အကောင်းဆုံးနဲ့ ပြည့်စုံတဲ့ အာဟာရရင်းမြစ်တစ်ခု ဖြစ်ပါတယ်။
ဒါကြောင့် ဥစားပါ။

#ဘာလိုနေသေးလဲ #ရေမွန်

သုံ့ပန်း - IDIOTS

#ဘာလိုနေသေးလဲ #ရေမွန်

တွေ့ရတာဝမ်းသာတယ် - iDIOTS

ယုံကြည်မူ - idiots

“ငါသိချင်မိတယ်၊ ဘုရားက ငါတို့အချင်းချင်း လုပ်နေကြတဲ့ အရာတွေအပေါ် ခွင့်လွှတ်ရဲ့လား၊ ငါ့ဘေးနားတဝိုက်ကိုကြည့်ပြီး သိလိုက်ရတာက ဘုရားသခင်က ဒီနေရာကို စွန့်ပစ်ခဲ့တာ အတော်ကြာခဲ့ပြီဆိုတာပဲ”
ဒီဇာတ်ကားထဲက အကြိုက်ဆုံး စာသားလေးတစ်ခု၊Leonardo ရဲ့ ရုပ်ရှင်ကောင်းထဲက တစ်ခုလည်းဖြစ်တာမလို့မလွှတ်တမ်းကြည့်သင့်တဲ့ရုပ်ရှင်လည်းဖြစ်ပါတယ်။သရုပ်ဆောင်တွေကတော့ ဒန်ဒီ အဖြစ် Leonardo DiCaprio,ဆိုလိုမွန်အဖြစ် Djimon,မက်ဒီ အဖြစ် Jennifer Connelly တို့ဖြစ်တာမလို့ သရုပ်ဆောင်ပိုင်းကတော့ ပြောစရာလိုမထင်ပါဘူး။

ဇာတ်လမ်းကတော့ ဒီလို ပြည်တွင်းစစ်တွေကြားမှာ တရားမ၀င်လက်နက်ကုန်သည် ဇင်ဘာနိုင်ငံသားလေး အာဖရိကသားလူဖြူ ဒန်ဒီ အာချာ ရယ်၊ အာဖိရိကသား တံငါသည် ဆိုလိုမွန် ဗန်ဒါ နှင့် အာဖရိကကို စွန့်စားဖို့ရောက်ရှိလာတဲ့ သတင်းသမားမလေး မတ်ဒီ ဘိုဝင် တို့အကြောင်းဖြစ်ပါတယ်။တံငါသည် ဆိုလိုမွန် ဗန်ဒါက သူပုန်တွေ ဖမ်းတာ ခံလိုက်ရပြီး စိန်ရှာတဲ့အလုပ်သမားအဖြစ်ခိုင်းတော့ တကယ့်တန်ဖိုးအကြီးဆုံး ပန်းရောင် စိန်ကြီးကိုရှာတွေ့သွားပါတယ်။တွေ့တွေ့ချင်းပဲ အစိုးတပ်တွေ ဝင်စီးတော့ ဆိုလိုမွန်ဗန်ဒါက ‌နေရာတစ်ခုမှာ မြှပ်ခဲ့ပြီး သူလည်း အစိုးရတပ်တွေ ဖမ်းတာထပ်ခံလိုက်ရပြန်ပါတယ်။ဆိုလိူမွန်ဗန်ဒါ ကတော့ သူ့မိသာစုနဲ့ ကွဲသွားတာမလို့ သူ့မိသားစုအတွက်ပဲ စိတ်ပူနေပါတယ်။ဒါပေမယ့် သူ့ ပန်းရောင်စိန်အကြောင်းကို အာဖရိက ကနေထွက်ပြေးဖို့ကြိုးစားနေတဲ့ လက်နက်ကုန်သည်လေး ဒန်ဒီ အာချာ ကသိသွားပါတယ်။သတင်းသမားမလေး မတ်ဒီဘို၀င် ကလည်း ဒီကစိန်တွေကို နိုင်ငံခြားကို ဘယ်လိုတင်သွင်းလည်းသိအောင်လုပ်ပြီး လူထုကို ချပြချင်တာမလို့ လက်နက်ကုန်သည် ဒန်ဒီ အာချာ ကိုမရမက လိုက်မေးပါတယ်။သူတို့သုံးယောက်ရဲ့ ရည်ရွယ်ချက်ကတော့ ဆိုလိုမွန်ဒီက‌ သူ့မိသားစုနှင့် သူ့သာလေး ဒီရာ နောက်ကိုလိုက်ပါတယ်။ဒန်ဒီ အာချာ လည်း ပန်းရောင်စိန်နောက်ကို‌လိုက်တယ်။မတ်ဒီဘို၀င် ကလည်း တရားမ၀င် စိန်သတင်းတွေနောက်လိုက်တယ်။ပန်းရောင်စိန်ကိုတော့ အစိုးရတပ်ကရော သူပုန်တပ်ကပါလိုချင်နေတော့ သူတို့ သုံးယောက် ကိုယ်လိုချင်တဲ့ အရာနောက်ကိုလိုက်ရင်း ပြည်တွင်းစစ်ကြီးကြားမှာ ဘယ်လိုများ ကြိုးစားရုန်းကန် ရှင်သန်သွားမလဲ။ဒါကိုတော့ ‌ဇာတ်ကားထဲမှာ တ၀ကြီး ကြည့်ရှုရမှာဖြစ်ပါတယ်။

“ ငါ့မှာ မွေးကတည်းက အပေါ်ရှေ့သွားလေးချောင်းအပိုပါလားတယ်

အဲ့တာကြောင့် သူများတွေထက် အသံကျယ်ကျယ်ပိုအော်နိုင်တယ်လေ ”

ကမ္ဘာကျော် "Queen" အဖွဲ့ကြီးရဲ့ ပဲ့ကိုင်ရှင် Freddie Mercury အကြောင်းကိုရိုက်ကူးထားတဲ့ ဖြစ်ရပ်မှန်ရုပ်ရှင်လေးတစ်ခုကို ဒီနေ့အတွက် ပြောပြချင်ပါတယ်။အော်စကား လေးခု အထိ ရရှိထားတဲ့ ရုပ်ရှင်တစ်ခုမလို့ ကြည့်ရကျိုး နပ်စေမယ့် ရုပ်ရှင်ဖြစ်ပါတယ်။

ဇတ်လမ်းကတော့ Frrokh Bulsara ဆိုတဲ့လူငယ်လေးရဲ့ ဘ၀ဇာတ်ကြောင်းပဲဖြစ်ပါတယ်။Freddie Mercury ဆိုတဲ့နာမည်ဖြစ်မလာခင် သူ့မိဘတွေပေးထားတဲ့ နာမည်ဖြစ်ပါတယ်။Frrokh က ဂီတကို အရမ်းရူးသွပ်ပါတယ်။သီချင်းတွေ ရေး၊ဆို လုပ်ပြီး ဖျော်ဖြေပွဲတွေလိုက်ပါတယ်။ဒါပေမယ့် သူမိဘတွေကတော့ ဒါတွေကို သိပ်မသဘောကျလှပါဘူး။ဒီလို မိဘတွေနဲ့ပါ ဆန့်ကျင့်နေတဲ့ Frrokh ရဲ့ဘ၀ကို ကံကြမ္မာက အဆိုတော်မရှိတဲ့ တီးဝိုင်းတစ်ခုနဲ့တွေ့ဆုံပေးပြီး ပြောင်းလဲပေးလိုက်ပါတယ်။ဇာတ်လမ်းအကျုံးကတော့ ဒီလောက်ပါဘဲ။R and Roll ဂီတက တစ်ခတ်ဆန်းစေအောင် လုပ်ဆောင်ပေးခဲ့တဲ့ Farrokh ရဲ့ တွေ့ကြုံခဲ့ရတဲ့ အခက်အခဲတွေ ၊ ပြသနာတွေ သူဘယ်လိုကြိုးစားဖြစ်ကျော်ရင်း နာမည်ကြီး Queen အဖွဲ့ရဲ့ ပဲ့ကိုင်ရှင်ဖြစ်လာသလဲဆိုတာကို စိတ်၀င်တစားကြည့်ရှုရမှာဖြစ်ပါတယ်။

ဒီ ရုပ်ရှင်ရဲ့ နာမည်ကတော့ Queen အဖွဲ့ရဲ့ ကမ္ဘာကျော်သီချင်းတစ်ပုဒ်ရဲ့နာမည်ဖြစ်ပါတယ်။အဲ့တာကြောင့် စိတ်ဓာတ်ကျနေလို့ပဲဖြစ်ဖြစ် အားယူစရာ တစ်ခုခုလိုအပ်နေတယ်ဆိုရင် "Bohemian Rhapsody(2018)” ကို ကြည့်ရှုခံစားကြဖို့ တိုက်တွန်းလိုက်ပါတယ်။

ဒီနေ့အတွက်ကဝောာ့ 2012 ခုနှစ်ကထွက်ရှိထားပြီး IMDb 7 ရထားတဲ့ ရုပ်ရှင်တစ်ခုကိုပြောပြချင်ပါတယ်။မင်းသား Bradley Cooper သရုပ်ဆောင်ထားပြီး ရုပ်ရှင်ထဲက character နဲ့လည်း အတော်လေး လိုက်ဖက်လွန်းပါတယ်။

ဇာတ်လမ်းကတော့ စာရေးဆရာ တစ်ယောက်အကြောင်းကို ရိုက်ကူးပြသထားပါတယ်။စာရေးစရာတစ်ယောက် သူရေးတဲ့ စာမူတွေကို ဘယ်အယ်ဒီတာကမှ လက်မခံချင်ကြပါဘူး။တစ်နေ့ လက်ဆွဲ‌အိတ်ထဲက စာမူဟောင်းလေးတစ်ခုကို မြင်တော့ ဖတ်ကြည့်ပြီး အယ်ဒီတာကို ပြတော့လည်း သဘောကျတော့ သူ့စာမူကို လက်ခံလိုက်ပါတယ်။အဲ့စာမူက အတော်လေးအောင်မြင်လာပြီး စာရေးဆရာ Rory လည်းနာမည်ကြီးလာပါတယ်။တကယ်တမ်းတော့ သူတွေ့ခဲ့တဲ့ စာမူက သူကိုယ်တိုင်ရေးထားတဲ့ စာမူမဟုတ်ပါဘူး။ငယ်ငယ်ရွယ်ရွယ် နဲ့ စာရေးဆရာ တစ်ယောက် သူကိုယ်တိုင်မရေးတဲ့ စာမူနဲ့ အောင်မြင်လာတော့ သူအတွက် ရင်ဆိုင်လာရမယ့် အရာတွေ ရှိနေပါတယ်။စာမူရေးတဲ့သူကရော ဘယ်သူလဲ Rory လည်း ဘာတွေကို ရင်ဆိုင်ရမလားဆိုတာကို ရင်သပ်ရှုမောဖွယ် ကြည့်ရှုရမှာဖြစ်ပါတယ်။

Rory တစ်ယောက် အကုန်လုံးကို ပြန်အဆင်ပြေအောင် ကြိုးစားနေတဲ့ ပုံစံကလည်း ကြည့်နေတဲ့သူတွေအတွက်ပါ အသက်ရှု ကြပ်လှပါတယ်။မင်းသားမင်းသမီးတွေ ရဲ့ ကောင်းမွန်လွန်းတဲ့ သရုပ်ဆောင်ချက်တွေကြောင့် "The Words (2012)"က ကြည့်ရှုသင့်တဲ့ ရုပ်ရှင်ဖြစ်တာမလို့ ကြည့်ရှုခံစားဖို့ တိုက်တွန်းလိုက်ပါတယ်ခင်ဗျာ။

“ ကျွန်မ ရှင့်ကိုချစ်ပါတယ် ၊ ဒါပေမယ့် ရှင့်က ကျွန်မအတွက်မဟုတ်ဘူး ”

ဒီနေ့အတွက်ကတော့ Romance Horror Animation ကားကောင်းလေးတစ်ကားကို ကြည့်ရှုဖို့အတွက် တင်ဆက်ပေးချင်ပါတယ်။IMDb မှာလည်း 7.4 ထိရရှိထားတဲ့ ကားကောင်းလေးတစ်ခုဖြစ်ပြီး တေးသီချင်းတွေ၊အချစ်ကိုပုံဖော်တာတွေက Animation ရုပ်ရှင်တစ်ခုထပ်ပိုလွန်းနေတာမလို့ ကြည့်ရကျိုးနပ်စေမယ့် ရုပ်ရှင်လေးဖြစ်ပါတယ်။

ဇာတ်လမ်းကတော့ Victorian ရွာမှာ ဆွေစဉ်မျိုးဆက်ချမ်းသာလာခဲ့ပေမယ့် အထည်ကြီးပျက်ဘ၀ရောက်တော့မယ့် လူကုန်ထံမိသားတစ်ခု နှင့် လူကုန်ထံမိသားစုမဟုတ်ပေမယ့် ငါးရောင်းရင်း ချမ်းသာလာတဲ့ မိသားစုတစ်စုရှိပါတယ်။သူတို့မိသားစုတွေစီမှာ Victoria ဆိုတဲ့ကောင်မလေး နှင့် တစ်ဦးတည်းသော သား Victa တို့ရှိကြပြီး သူတို့ရဲ့ လိုအပ်နေတဲ့ ကွက်လပ်တွေအတွက် သားသမီးချင်း လက်ထပ်ထိမ်းမြှားပြီး ဖြည့်ဆည်းဖို့ သဘောတူလိုက်ကြပါတယ်။ဒီလိုနဲ့ တစ်ခါမှ မမြင်ဖူး မတွေ့ဖူးကြတဲ့ Victa နှင့် Victoria တို့က လက်မထပ်ချင်ကြပေမယ့် မိသားစုကို မလွန်ဆန်နိုင်ကြတာမလို့ လက်ထပ်ပွဲအတွက် အစမ်းလေ့ကျင့်ကြရပါတယ်။အဲ့ဒီမှာ ကောင်လေး Victa က အစမ်းမှာကို ခနခနမှားနေတဲ့အတွက် တကယ့်လက်ထပ်ပွဲမှာ အဆင်ပြေဖို့အတွက် အစမ်းကို အဆင်ပြေချောမွေ့အောင်ထိ လေ့ကျင့်ရတော့မှာဖြစ်ပါတယ်။ဒါကြောင့် Victa တစ်ယောက် တောထဲကို တစ်ယောက်တ်ည်းထွက်လာခဲ့ပြီး အစမ်းလေ့ကျင့်နေရင်း သူရဲ့ လေ့ကျင့်‌နေတဲ့ လက်ထပ်ခွင့်စကားကြောင့် ချစ်သူပြန်အလာကို စောင့်စားရင်း‌ သေဆုံးသွားတဲ့ Amali ဆိုတဲ့ မိန်းကလေးက သေရွာကနေ နိုးထလာခဲ့ပါတယ်။နောက်တော့ ကောင်လေး Victa ကသေရွာက Amali နဲ့လက်ထပ်လိုက်ရပြီး သေရွာကိုမှ လိုက်သွားခဲ့ရပါတယ်။တစ်ဖက်က လက်ထပ်မယ့်သူ့ကိုစောင့်နေရတဲ့ Victoria ကိုလည်း မိသားစုက နောက်ထပ် ကောင်လေးတစ်ယောက်ကို အရန်စီစဉ်ပါတော့တယ်။အရန်ကောင်လေးကလည်း တကယ်တော့ Amali ရဲ့ ချစ်သူဖြစ်ပြီး သူက စည်းစိမ်တွေကိုယူပြီး တောထဲမှာ စောင့်ခိုင်းရင်း Amili ဟာလည်း စောင့်မျှော်ရင်းသေဆုံးသွားခဲ့တာဖြစ်ပါတယ်။အခုလည်း Victoria ရဲ့ စည်းစိမ်တွေကိုလိုချင်လို့ အရန်အဖြစ်ရှိနေခဲ့တာဖြစ်ပါတယ်။တစ်ဖက်က သေရွာကို ပါသွားတဲ့ Victa နှင့် သေရွာက Amali တို့နှစ်ယောက်ရဲ့ အချစ်နှောင်ကြိုးလေးတွေက ငြိတွယ်သွားကြမလား... လူ့ဘ၀က ကောင်မလေးနဲ့ တမလွန်ဘ၀က ကောင်မလေးတို့ ပေါင်းဆည်းနိုင်ပေါ့မလား... Victa ပြန်မလာလို့ အရန်ထားတဲ့ကောင်လေးနဲ့ Victoria တစ်ယောက် လက်ထပ်သွားမလား... ဒါတွေကို ရုပ်ရှင်ထဲမှာ စီးမျော်လိုက်ပါ ကြည့်ရှုရမှာဖြစ်ပါတယ်။

အချစ်တစ်ခုကို အလှပဆုံး ပုံဖော်ပြသသွားတဲ့ ကာတွန်းရုပ်ရှင်လေးတစ်ခုဖြစ်ပြီး ရုပ်ရှင်လေးကြည့်ရင်း ဘေးနားမှာ တစ်ရှူးလေးဆောင်ထားဖို့တော့ အကြံပေးချင်ပါတယ်။ဘယ်လိုပဲဖြစ်ဖြစ် တစ်ခေါက်လောက်တော့ ကြည့်ကိုကြည့်သင့်တဲ့ ရုပ်ရှင်လေးတစ်ခုလို့ မြင်မိတာကြောင့်မလို့ 2005 ခုနှစ်ထွက် “Corpse Bride” ရုပ်ရှင်လေးကို တင်ဆက်ပေးလိုက်ပါတယ်ခင်ဗျာ။