ကြာပန်းစိုက်နည်း
တနှစ်လုံးအဖူးအပွင့်မပျက်တဲ့မျိုးကို ကွန်ကရစ်ကန် အမြင့် ၃ပေ၊အကျယ်၃ပေခွဲ ကန်ဝိုင်းလေးထဲစိုက်ပေမဲ့ တချို့ကအဖူးအပွင့်အမြဲမထွက်ဖူး အပင်မသန်ဘူးပြောပြီး ဘယ်လိုစိုက်တာလဲမေးလို့ ကျနော်စိုက်တဲ့နည်းလေးကို သိခြင်သူများအတွက် မျှလိုက်ပါတယ်။
ရွှံ့နွင်မြေအစိုအပျော့ကို ကျနော် မသုံးပါဘူး။ မြစ်နုံးမြေ၊ ရေကန်ထဲမှနုံးမြေအနက်၊ ချုံထဲမှမြေဆွေးရှာပြီး မြေသုံးမျိုးလုံးအခြောက်လှန်းပြီး သုံးမျိုးဆတူရောစပ်ပါတယ်။
မစိုက်ခင် ရေကန်ထဲကို နွားခြေအခြောက် ၁ လက္မဒုလောက် ပထမဖြန့်ထည့်ပြီး စပ်မြေကို ၉လက္မ ၁၀လက္မလောက်ထည့်ပါတယ် နွားခြေးအခြောက်က ရေပေါ်ကိုပေါ်လို့ အောက်မှခံထည့်တာပါ မြေထည့်ပြီးရင် ကြာအုံနှင့်အမြစ်တွေကို မြေမြုတ်အောင်စိုက်ပြီးရေကို မြေအနေအထားမပျက်အောင် ဖြေးဖြေးလေးထည့်ပေးပါ၊ ရေဖြေးဖြေးထည့်ပြီးမှ ကြာစိုက်ရင်လဲရပါတယ် ရေမထည့်မှီစိုက်သလောက့်တော့စိတ်တိုင်းမကျပါဘူးဗျ။
ကြာစိုက်ပြီး အရွက်သစ်လေးငါးရွက်ထွက်လျှင် ကြာကန်ထဲကို နွားချီးယိုပြီးစ အစိုလေးဗူးခန့်ထည့်ပေးပါ နွားချေးအစိုက အပူလောင်မှာ မီသိန်းဓါတ်ကြောင့် အပင်နာမှာမစိုးရိမ်ပါနှင့် ရေထဲမှကြာပင်က ဘာမှမဖြစ်ပဲ အပင်စိမ်းစိုသန်မာ ဖူးပွင့်ခြင်းကို လက်တွေ့ ဖြစ်စေပါတယ်။ နွားချေးထည့်စမှာ ရေနီပြီး လေးရက်လောက်ဆို ရေပြန်ကြည်သွားပါတယ်။
ရေကန်အသေးနှင့်စိုက်သူများမှာ ကြာပန်းပွင့်ပြီးအရိုးနဲ့ အရွက်ဟောင်းတွေကို အောက်ခြမှဖြတ်ဆယ်ဖယ်ရှားပေးနိုင်ရင် အပင်ပိုသန်ပြီးအဖူးအပွင့်အမြဲမပျက်ထွက်ပါတယ်။
အမှတ်တရ အနေနှင့် နွာချေးအစိုကို အနည်းဆုံး ၆လတကြိမ်ထည့်ပေးပါဗျာ အပင်ပွါးနှုန်းလဲကောင်းပါတယ်။
အထက်ပါနည်းမှာ ကျနော်လက်တွေ့စိုက်သည့်နည်းဖြစ်ပါတယ် တခြားနည်းများစွာလည်းရှိမှာပါ၊
ကြာပန်းစိုက်သူများ ကြာပန်းများအမြဲဖူးပွင့်လျှက် ပျော်ရွင်နိုင်ပါစေဗျာ။
+4
