လသာတွင် တရုတ်နှစ်သစ်ကူးပွဲတော် အထိမ်းအမှတ် ခြင်္သေ့ တိုင်တက် အကအလှနှင့် အထိမ်းအမှတ်ပွဲဈေး ကျင်းပနေ

မြွေနှစ် တရုတ်နှစ်သစ်ကူးပွဲတော်ကို ကြိုဆိုသည့်အနေဖြင့် ရန်ကုန်မြို့၊ လသာမြို့နယ်၊ စဉ့်အိုးတန်းလမ်းတွင် ခြင်္သေ့ တိုင်တက် အကအလှနှင့် အထိမ်းအမှတ်ပွဲဈေးကို ဇန်နဝါရီ (၂၅) ရက်၌ စတင်ကျင်းပနေသည်။

အဆိုပါပွဲတော်ကို ဇန်နဝါရီ (၂၅) ရက်မှ (၃၁) ရက်အထိ မဟာဗန္ဓုလလမ်း(လမ်းမတော်လမ်းမှ လသာလမ်း)တလျှောက် နံနက် (၇) နာရီမှ နေ့လယ် (၁၁) နာရီထိ ၊ ညနေ (၄) နာရီမှ ည (၁၁) နာရီထိ (၇)ရက်တိုင်တိုင်ကျင်းပသွားမည် ဖြစ်သည်။

ယင်းပွဲတော်တွင် လူသုံးကုန်၊ အလှကုန်၊ အစားအသောက်မျိုးစုံကို ရောင်းချပေးမည့် ဈေးဆိုင်ခန်းများလည်းပါဝင်ကြောင်း၊ ထို့ပြင် ခြ‌င်္သေ့နဂါးအလှအကပြိုင်ပွဲများ၊ နာမည်ကြီး DJ များ၏ ဖျော်ဖြေတင်ဆက်မှု၊ အနုပညာရှင်များ၊ အပျော်စီးလှေ၊ ကလေ-းကစားကွင်းများ၊ အလှဓာတ်ပုံရိုက်ရန် နေရာများကို ဖန်တီးပေးထားခြင်း အစရှိသည့် ပျော်ပွဲရွှင်ပွဲများ ပါဝင်ကြောင်း သိရသည်။

K Pop မှာ သမိုင်းမှာ ဘယ်သူမှမရဖူးတဲ့ ဂင်းနစ်စံချိန်ကို ရရှိခဲ့တဲ့ BLACKPINK အဖွဲ့ဝင် Rose

ဇန်နဝါရီ ၂၇

BLACKPINK ရဲ့ အဖွဲ့ဝင် Rose ဟာ K-Pop လောကမှာ ဘယ်သူမှ မရဖူးခဲ့တဲ့ ဂင်းနစ်ကမ္ဘာ့စံချိန်ကို ရရှိခဲ့ပြီး ကမ္ဘာ့စံချိန်ငါးခုထိ ပိုင်ဆိုင်ထားတဲ့ K Pop အနုပညာရှင်ဖြစ်လာခဲ့ပါတယ်။

ယခုသီတင်းပတ်အတွင်းမှာ Rosé ဟာ "APT" သီချင်းနဲ့ Apple Music Top 100 Global Chart မှာ နံပါတ် တစ်နေရာ ရောက်ရှိခဲ့တဲ့ ပထမဆုံး K-Pop အနုပညာရှင် ဖြစ်လာခဲ့ကာ ဂင်းနစ်ကမ္ဘာ့စံချိန် မှတ်တမ်း ဝင်ခဲ့ပါတယ်။

ဒါဟာ Rosé ရဲ့ "APT” သီချင်းနဲ့ နံပါတ်တစ်ချိတ်ခဲ့တဲ့ Global Chart တွေထဲက တစ်ခုဖြစ်ပါတယ်။ "APT" သီချင်းနဲ့ပဲ သူမဟာ UK singles chart မှာ ထိပ်တန်း 10 hit ရရှိတဲ့ ပထမဆုံး အမျိုးသမီး K-Pop တစ်ကိုယ်တော် အဆိုတော်ဖြစ်လာခဲ့သလို အမေရိကန်ရဲ့ရေပန်းအစားဆုံး ရေဒီယိုသီချင်း အဆင့်သတ်မှတ်ချက် Pop Airplay ဇယားမှာလည်း “တစ်နှစ်တာအကောင်းဆုံးသီချင်း” ဆု ရရှိခဲ့ပြီး iHeartRadio Music Awards မှာ “အကောင်းဆုံးတေးဂီတဗီဒီယို” ဆန်ကာတင်စာရင်းထဲ ပါဝင်ခဲ့ပါတယ်။

Rosé ဟာ BLACKPINK အဖွဲ့ အမည်နဲ့လည်း မှတ်တမ်းများစွာကို ကိုင်ဆောင်ထားနိုင်သလို တစ်ကိုယ်တော် အဆိုတော်အဖြစ် စတင်ချိန်မှာလည်း Billboard Global chart မှာ ရှားပါးတဲ့ တစ်ကိုယ်တော် စံချိန်တွေကို ရရှိခဲ့ပါတယ်။

#celecele

အ၀တ်စားအသစ်တွေ ၀ယ်၀တ်ပြီး မှန်ရှေ့ရောက်သောအခါ :

ဒိုင်လူကြီးအိုလီဗာအား ခြိမ်းခြောက်ဆဲဆိုမှုအား ရဲတပ်ဖွဲ့ စုံစမ်းစစ်ဆေးနေ
====================
ရဲတပ်ဖွဲ့ဟာ စနေနေ့တုန်းက ဝုဗ်အား အနိုင်ရတဲ့ အာဆင်နယ်ရဲ့ ပွဲစဉ်အပြီးတွင် အွန်လိုင်းမှတဆင့် ခြိမ်းခြောက်တိုက်ခိုက်မှုများ ကြုံနေရတဲ့ ဒိုင်လူကြီးမိုက်ကယ်အိုလီဗာရဲ့ ဖြစ်ရပ်ကို စုံစမ်းစစ်ဆေးနေပါတယ်။
အိုလီဗာဟာ ပွဲချိန် ၄၃ မိနစ်တွင် ဝုဗ်တို့ တန်ပြန်တိုက်စစ်ဆင်စဉ် မတ်ဒိုဟာတီရဲ့ ခြေကျင်းဝတ်ကို တားခဲ့တဲ့ အာဆင်နယ်နောက်ခံလူမိုင်လက်စ်လူးဝစ်စကယ်လီအား အနီကတ်ပြသခဲ့ပါတယ်။
ယင်းဆုံးဖြတ်ချက်ကို VAR ဒိုင်လူကြီးဒါရင်းအင်္ဂလန်ကလည်း ပြောင်းလဲ ဆုံးဖြတ်စေခဲ့ခြင်း မရှိဘဲ ထောက်ခံခဲ့ပါတယ်။
တဖက်တွင် ပရီးမီးယားလိဂ်နှင့် ဒိုင်အဖွဲ့ချုပ် (PGMOL)တို့ဟာ မိုက်ကယ်အိုလီဗာအား တိုက်ရိုက်ခြိမ်းခြောက်ဆဲဆိုမှုများကို ရှုံ့ချနေပါတယ်။
အိုလီဗာဟာ ယင်းပွဲစဉ်နှောင်းပိုင်းတွင်လည်း ဝုဗ်အလယ်တန်းကစားသမားဂျာအိုဂိုမက်စ်ကို ထုတ်ပယ်ခဲ့ပါတယ်။
အာဆင်နယ်ဟာ နောက်ခံလူရီကာဒိုကာလာဖီအိုရီရဲ့ တစ်လုံးတည်းသော အနိုင်ဂိုးဖြင့် ဝုဗ်ကို ၁-၀ ဂိုးဖြင့် အနိုင်ရခဲ့ပါတယ်။
ဒိုင်လူကြီးအိုလီဗာဟာ ယင်းဆုံးဖြတ်ချက်အတွက် ဒိုင်လူကြီးများရဲ့ ဝေဖန်မှုများ ကြုံနေရပါတယ်။

ငါသည်သာအစဉ်ထာဝရ ကိုကို့ကလေးလေးပဲ
နောက်မှ ရောက်တာ နောက်မှာပဲထိုင်

တရုတ်နယ်စပ်ဂိတ်တွေ အချိန်မရွေး ပြန်ပိတ်နိုင်တာကြောင့် စားနပ်ရိက္ခာ ဝယ်စုထားကြဖို့ MNDAA ညွှန်ကြား

ဇန်နဝါရီ ၂၇

MNDAA လက်နက်ကိုင် ကိုးကန့်ထိန်းချုပ် ဒေသမှာရှိတဲ့ တရုတ်နယ်စပ်ဂိတ်မှာ ကုန်စည်ဖြတ်သန်းခွင့် ပြန်လည်ခွင့်ပြုပြီးနောက် စားနပ်ရိက္ခာတွေ ဝယ်စုထားကြဖို့ လူထုတွေကို MNDAA ကညွှန်ကြားထားတယ်လို့ UWSA ထိန်းချုပ်မီဒီယာ Wa News Land က ဖော်ပြလာပါတယ်။

တရုတ်နယ်စပ်ဂိတ်တွေ အချိန်မရွေး ပြန်ပိတ်နိုင်တာကြောင့် တရုတ်နှစ်သစ်ကူး မကုန်ခင် လိုအပ်တဲ့ စားနပ်ရိက္ခာတွေ ဝယ်စုထားကြဖို့ ဇန်နဝါရီ ဒုတိယပတ်အတွင်း မြို့နယ်အလိုက် လပတ်အစည်းအဝေးမှာ ညွှန်ကြားထားတာ ဖြစ်တယ်လို့ ချင်းရွှေဟော်မြို့မှာ နေထိုင်တဲ့ ဒေသခံတစ်ဦးက”ဂိတ်တွေ ဖွင့်ထားတုန်း လိုအပ်တဲ့အစားအသောက်တွေ ဝယ်သိုလောင်ထားကြဖို့။ နိုင်ငံရေးကလည်း တရုတ်နှစ်သစ်ကူးပြီးရင် ပြန်ရှုပ်မှာတဲ့။ ဂိတ်တွေလည်း ပြန်ပိတ်နိုင်တာကြောင့် လို့ပြောတယ်”လို့ ဆိုပါတယ်။

လက်ရှိမှာ ရန်လုံကျိုင်းဂိတ်နဲ့ ချင်းရွှေဟော်ဂိတ်ကနေ ကုန်စည်ဖြတ်သန်းခွင့် ဖြေလျှော့ထားပြီး လူထုတွေအနေနဲ့ တစ်ပိုင်တစ်နိုင် စားသောက်ကုန်တွေ ဝယ်ယူလာနေတာကို တွေ့ရှိရပါတယ်။

တရုတ်အစိုးရဟာ ၁၀၂၇ စစ်ဆင်ရေး ဒုတိယလှိုင်းကစပြီး ရှမ်းမြောက်က တိုင်းရင်းသား လက်နက်ကိုင်တွေ ထိန်းချုပ်ထားတဲ့ နယ်စပ်ဂိတ် အားလုံးကို ပိတ်ခဲ့ပြီး “ဝ” တပ်ထိန်းချုပ်ထားတဲ့ နမ့်တစ် – မန်ခါးဂိတ်ကိုလည်း သြဂုတ်လထဲ ပိတ်ခဲ့ပေမဲ့ နစကနဲ့ MNDAA တို့ဟာ တရုတ်ကြားဝင်ညှိနှိုင်းပေးမှုနဲ့ ဇန်နဝါရီ ၂၀ ရက်က နှစ်ဖက်အပစ်ခတ်ရပ်စဲရေး သဘောတူခဲ့ကြပြီး တစ်ဆက်တည်းမှာပဲ နယ်စပ်ဂိတ်အပြင် “ဝ” – ကိုးကန့်ဒေသကို ဆက်သွယ်ထားတဲ့ ဖောင်ဆိပ်တံတားမှာ ကုန်စည်တွေ လွတ်လပ်စွာ ဖြတ်သန်းခွင့်ကို တရုတ်ညွှန်ကြားချက်အရ ပြန်လည်ဖွင့်လှစ်ခွင့် ပြုလိုက်တယ်လို့ UWSA ဦးစီးချုပ်ရုံးက ထုတ်ပြန်ခဲ့ပါတယ်။

MNDAA ရဲ့ စားနပ်ရိက္ခာဝယ်စုရေးညွှန်ကြားချက်ဟာ ၁၀၂၇ တတိယလှိုင်း အပိုင်း (၃) နဲ့ ဆက်စပ်နိုင်သလို အပစ်အခတ်ရပ်စဲရေးသဘောတူညီချက်ဟာ အချိန်ခဏအတွင်းမှာ ပျက်ပြယ်သွားနိုင်တဲ့အ​ခြေအနေလို့လည်း သုံးသပ်မှုတွေ ရှိနေပါတယ်။

ပုံစာ - ပုံစာ။ ကုန်စည်ဖြတ်သန်းခွင့်ပြုပြီးနောက် ဖောင်ဆိပ်တံတား မြင်ကွင်း။

Ref & Photo , Wa News Land

Credit - MT News Agency

#centralnewsnaypyitaw

ရိုးသားကြိုးစားတဲ့ ပြည်သူ့အချစ်တော်လေး❤️❤️❤️

တနှစ်ကျော်ကြာ ခရီးသွားမရှိခဲ့တဲ့ ဟိုက်ပါရေတံခွန်နဲ့ မိုင်းရှူးတိမ်ပင်လယ်တို့ ပြန်လည်စည်ကားလာ

ဇန်နဝါရီ ၂၇

ရှမ်းပြည်နယ်တောင်ပိုင်း၊ မိုင်းရှူးမြို့ရှိ မိုင်းရှူးတိမ်ပင်လယ်နဲ့ ဟိုက်ပါရေတံခွန်တို့မှာ အခု ဇန်နဝါရီလ၊ တတိယပါတ်မှာစတင်ပြီး လာရောက်လည်ပါတ်ကြတဲ့ ခရီးသွားဧည့်သည်တွေနဲ့ ပြန်လည်စည်ကား လာနေပြီဖြစ်တယ်လို့ ဒေသခံတွေထံကနေ သိရပါတယ်။

ပြီးခဲ့တဲ့ ၂၀၂၄ခုနှစ်၊ ဇန်နဝါရီအစပိုင်းကစတင်ပြီး ဒေသအခြေအနေ မတည်ငြိမ်မှုကြောင့် လာရောက်လည်ပတ်သူ မရှိသလောက် နည်းပါးခဲ့ရာကနေ အခုအခါမှာတော့ ရပ်ဝေးရပ်နီးက လာရောက် လည်ပါတ်သူတွေ တဖြည်းဖြည်းနဲ့ စည်ကားလာနေပြီဖြစ်တယ်လို့ ဆိုပါတယ်။

“နစကနဲ့ PNLOတို့ မနှစ်က တိုက်ပွဲစဖြစ်တော့ ခရီးသွားတွေက မရှိသလောက်ကို နည်းသွားတာ။ အခုတော့ ပြန်ဝင်လာကြပြီ။ ဒီဇင်ဘာမှာကတည်းက နည်းနည်းစဝင်လာတာ။ ပြီးခဲ့တဲ့တပါတ်ကနေစပြီးတော့ တော်တော်လေးပြန်စည်နေပြီ။ ခရီးသွားဧည့်သည်တွေ ပြန်ဝင်လာတော့ ဒေသခံတွေအတွက် အလုပ်အကိုင်၊ ဝင်ငွေတွေ အဆင်ပြေလာတာပေါ့”လို့ မြို့မမြို့ဖတယောက်က VOMကို ပြောပါတယ်။

မိုင်းရှူးမြို့ရှိ ဟိုက်ပါရေတံခွန်ဟာ ရှမ်းပြည်နယ်မှာ အလှဆုံးရေတံခွန်ဖြစ်တာကြောင့် အရင်က ပြည်တွင်းသာမက နိုင်ငံခြားခရီးသွားဧည့်သည်တွေကိုပါ ဆွဲဆောင်နိုင်တဲ့ နေရာတစ်ခုဖြစ်ခဲ့ပေမယ့် တိုက်ပွဲဖြစ်စဉ်တွေ၊ လမ်းပိုင်းလုံခြုံရေးအခြေအနေတွေကြောင့် ခရီးသွားဧည့်သည်တွေ လာရောက်မှု မရှိတာ တနှစ်ကျော်ခဲ့ပြီဖြစ်တယ်လို့ သူက ဆက်ပြောပါတယ်။

ပြီးခဲ့တဲ့ ဇန်နဝါရီ(၂၁)ရက်ကလည်း မိုင်းရှူးမြို့ ဟိုက်ပါရေတံခွန်မှာ မိုင်းဖုန်းဆရာတော် ဘဒ္ဒန္တ ဉာဏသံဝရ နယ်လှည့် သာသနာပြု ခရီးစဉ်ရှိခဲ့ပြီး ဆရာတော်ဘုရားကို ယုံကြည်သက်ဝင်သူတွေ စည်ကား သိုက်မြိုက်စွာ အကြည်ညိုခံခဲ့ရာမှာလည်း အလည်အပတ်သွားသူတွေ ပိုမိုများခဲ့တယ်လို့လည်း သိရပါတယ်။

Photo-CJ

Credit - VOM News Agency

#သတင်းဟင်းလေးအိုးကြီး

၂၀၂၅ ဇန်နဝါရီလ ၂၇ရက်နေ့မှ နောက်လ ၄ ရက်နေ့အတွင်း မြန်မာတစ်နိုင်ငံလုံးမှာ မိုးရွာသွန်းနိုင်တဲ့အလားအလာမရှိပဲ အေးမြကြည်လင်သာယာတဲ့ရာသီဥတုကိုရရှိနေပါလိမ့်မယ်နော်
ISSUED TIME
27/01/2025 11;30am(MMT)

မုန့်လာဥအော်ကွေ့ကြည် လုပ်နည်း”
မုန်လာဥဖြူ၂လုံးကို ၁၅မိနစ်ပြုတ်ပြီး Blenderထဲမှာ ပုံထဲကပါဝင်ပစ္စည်းတွေနဲ့အချိုးအစားအတိုင်း ထည့်ကြိတ်ပါ ။ အရမ်းပျစ်နေရင် ရေနဲနဲစီထည့်ပြီးကြိတ်ပေးပါ ။ ( ပုံတပုံချင်းစီမှာ စာတွေရေးထားပေးပါတယ် )
မပျစ်မကျဲအနေတော်လောက်ဆိုရင် ဆီသုတ်ထားတဲ့ပေါင်းခံခွက်ထဲထည့်ပြီး မိနစ်၅၀ခန့်ပေါင်းပါ ။
အအေးခံပြီးရင် ပေါင်းခံခွက်ကနေထုတ်ပြီး အဆင်ပြေတဲ့ပုံစံလှီးကာကြော်လို့ရပါပြီ ။ ( ချက်ချင်းမစားချင်သေးရင် ရေခဲသေတ္တာထဲခွက်အတိုင်း သိမ်းထားလို့ရပါတယ် )
Blenderမရိှသူများက မုန်လာဥဖြူကိုပြုတ်ပြီးဆုံထဲထည့်ထောင်းလို့ရသလို ၊
အမျှင်လေးတွေခြစ်ပြီးပြုတ်ပြီးမှ...
ပါဝင်ပစ္စည်းများရောစပ်ပြီး ပေါင်းခံလို့လည်းရပါတယ်ခင်ဗျာ ။
အော်ကွေ့ကြည်ကို အချဥ်ရည်နဲ့တို့စားလို့ရသလို ခပ်သေးသေးညှပ်ပြီး သခွားသီးတို့ ဆလတ်ရွက်တို့နဲ့ အချဥ်ရည်ဆမ်းပြီးသုပ်စားလို့လည်းရပါတယ်