ကလောမြို့အလှ

ကလောမြို့အလှ

ကြီးမားတဲ့နိုင်ပွဲလို့ ဝက်စ်ဟမ်းကို အနိုင်ရပြီးနောက် မာရက်စ်ကာပြော

ဖေဖော်ဝါရီ ၄

ချယ်လ်ဆီးအသင်းဟာ ဝက်စ်ဟမ်းအသင်းကို အနောက်ကနေ လိုက်ကစားကာ ၂ ဂိုး-၁ ဂိုးနဲ့ အနိုင်ရခဲ့ပြီးနောက် နည်းပြမာရက်စ်ကာက အသင်းရဲ့ကြီးမားတဲ့ နိုင်ပွဲလို့ပြောခဲ့ပါတယ်။

မာရက်စ်ကာက “ကြီးမားတဲ့နိုင်ပွဲပါ။ စိတ်ပိုင်းဆိုင်ရာ ခက်ခဲတဲ့ပွဲဖြစ်ခဲ့ပြီး ခံစစ်ကိုအထိုင်ချကာ စောင့်ဆိုင်းနေတဲ့ အသင်းတွေနဲ့ ကစားရတာဟာ ဘယ်တော့မှ မလွယ်ကူပါဘူး။ စိတ်ရှည်ဖို့ လိုအပ်ခဲ့ပါတယ်။ ဒုတိယပိုင်းမှာတော့ ကျနော်တို့ ပြန်လာနိုင်ခဲ့ပြီး ပွဲကိုခြုံပြီးပြောရရင် ကျနော်တို့ အနိုင်ရဖို့ ထိုက်တန်ပါတယ်။ သူတို့ဟာ ကျနော်တို့ရဲ့ အမှားတွေကို စောင့်ဆိုင်းနေခဲ့ကြတာပါ။ ကျနော်တို့ဟာ ရခဲ့တဲ့ အခွင့်အရေးတွေကို ပိုပြီးအသုံးချနိုင်ဖို့ လိုအပ်ပါ တယ်”လို့ ပြောခဲ့တာပါ။

ချယ်လ်ဆီးအသင်းဟာ ဒီပွဲမှာ ဘိုဝင်ရဲ့ သွင်းဂိုးနဲ့ ဝက်စ်ဟမ်းအသင်းရဲ့ ဦးဆောင်ခြင်းကို ခံခဲ့ရပေမယ့် လူစားဝင် လာတဲ့ နက်တိုက ချေပဂိုး သွင်းယူပေးခဲ့ပြီး ဝမ်ဘစ်ဆာကာက ကိုယ့်ဂိုးကိုယ် သွင်းယူခဲ့တာကြောင့် ပရီးမီးယားလိဂ်မှာ နိုင်ပွဲပြန်လည် ရယူနိုင်ခဲ့တာ ဖြစ်ပါတယ်။

ဒီနိုင်ပွဲဟာ ချယ်လ်ဆီးအသင်းအတွက် နောက်ဆုံးကစားခဲ့တဲ့ ပရီးမီးယားလိဂ် ၈ ပွဲမှာ ဒုတိယမြောက်နိုင်ပွဲလည်း ဖြစ်ခဲ့တာပါ။

ချယ်လ်ဆီးအသင်းဟာ ဒီနိုင်ပွဲကြောင့် ပရီးမီးယားလိဂ် အမှတ်ပေးဇယား အဆင့် ၄ နေရာကို ပြန်တက်နိုင် ခဲ့ပါတယ်။

ချယ်လ်ဆီးအသင်းဟာ အဆင့် ၄ နေရာကို ပြန်ရောက်ရှိခဲ့ပေမယ့် အနောက်မှာ ရပ်တည်နေတဲ့ မန်စီးတီး၊ နယူးကာဆယ်၊ ဘုန်းမောက်အသင်းတို့နဲ့ ရမှတ်ကွာဟမှု နည်းပါးနေတာပါ။

အဲဒါကြောင့် ဒီနေရာမှာ ဆက်ပြီး ရပ်တည်နိုင်ဖို့ဆိုရင် လာမယ့်ပွဲတွေမှာလည်း နိုင်ပွဲရယူနိုင်ဖို့ လိုအပ်နေတာ ဖြစ်ပါတယ်။

ချယ်လ်ဆီးအသင်း နည်းပြမာရက်စ်ကာက သူတို့ဟာ ရာသီအကုန်ထိ ထိပ်ဆုံး ၄ သင်းထဲမှာ ဆက်ပြီးရှိနေနိုင်ဖို့ မျှော်လင့်တယ်လို့ ပြောခဲ့တာပါ။

ချယ်လ်ဆီးအသင်းဟာ ဒီတစ်ပတ်မှာ FA ဖလား စတုတ္ထအဆင့် ပွဲစဉ်အဖြစ် ဘရိုက်တန်အသင်း အိမ်ကွင်း သွားရောက် ယှဉ်ပြိုင်ရမှာ ဖြစ်ပါတယ်။

Source: CNA

ပုံ - ချယ်လ်ဆီးအသင်းကို တွေ့ရစဉ်

#ဘောလုံးသတင်းစုံ

ရွေးကောက်ပွဲအတွက် ပါတီများ လိုအပ်တာကြိုပြင်ရမည်ဟု ပြော

ဖေဖော်ဝါရီ ၄

ရွေးကောက်ပွဲအတွက် နိုင်ငံရေးပါတီများအနေဖြင့် လိုအပ်သည့် ကြိုတင်ပြင်ဆင်မှုများ ဆောင်ရွက်သွားရမည်ဟု နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ပြောသည်။

၂၀၂၅ ခုနှစ်၊ ဖေဖော်ဝါရီ ၃ ရက်က ပြည်ထောင်စုအစိုးရအဖွဲ့ လုပ်ငန်းညှိနှိုင်းအစည်းအဝေးတွင် ၎င်းက ပြောကြား ခဲ့ခြင်းဖြစ်သည်။

မိမိတို့အနေဖြင့် အထွေထွေရွေးကောက်ပွဲ ကျင်းပပေးပြီး ပေါ်ပေါက်လာသည့် လွှတ်တော်များအတွင်းတွင်လည်း တိုင်းရင်းသားများနှင့် လူထုလူတန်းစား အလွှာများကို ကိုယ်စားပြုသူများ ကျယ်ပြန့်စွာ ပါဝင်လာရေးအတွက် ဆောင်ရွက်သွားမည်ဟု နစကဥက္ကဋ္ဌက ပြောသည်။

နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က “ နိုင်ငံရေးပါတီများအနေဖြင့် လိုအပ်သည့် ကြိုတင်ပြင်ဆင်မှုများ ဆောင်ရွက်သွားရမည်ဖြစ်ပြီး မဲဆွယ်စည်းရုံးမှုများ ဆောင်ရွက်နိုင်ရေးအတွက် လုံခြုံရေးနှင့် တည်ငြိမ်အေးချမ်းမှု ရှိရန် လိုအပ်မည်”ဟု ပြောသည်။

နိုင်ငံရေးပါတီများ လိုအပ်သည့် ကြိုတင်ပြင်ဆင်မှုများ ဆောင်ရွက်သွားရမည်ဆိုသည်မှာ မည်သည့် ကိစ္စရပ်များကို ဆိုလိုကြောင်း တိတိကျကျ ပြောကြားသွားခြင်းမရှိပေ။

ထို့နောက် နိုင်ငံတော်အပိုင်းမှ ရွေးကောက်ပွဲ အောင်မြင်မှုရှိစေရေး ကြိုတင်ပြင်ဆင်ရမည့်ကိစ္စရပ်များကို စနစ် တကျတွက်ချက်၍ ဥပဒေများနှင့်အညီ ဆောင်ရွက်ရမည်ဖြစ်ကြောင်း၊ တိုင်းဒေသကြီးနှင့် ပြည်နယ်ဝန်ကြီးချုပ် များ၊ တာဝန်ရှိသူများအနေဖြင့် ရွေးကောက်ပွဲနှင့် သက်ဆိုင်သည့် ဥပဒေများကို စေ့စပ်ကျယ်ပြန့်စွာ လေ့လာထား ရန်လိုကြောင်း၊ နိုင်ငံရေးပါတီများမှလည်း လိုအပ်သည်များ ကြိုတင်ပြင်ဆင်ထားရမည်ဖြစ်ကြောင်း ၎င်းက ပြောသည်။

ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေသကြီးနှင့် ပြည်နယ်လွှတ်တော် လွှတ်တော် ၃ ရပ်အတွက် ရွေးကောက်တင်မြှောက်မှုများကို ဥပဒေနှင့်အညီ ဆောင်ရွက်သွားရမည်ဟု နစကဥက္ကဋ္ဌက ပြောသည်။

၂၀၂၅ ခုနှစ်တွင် ရွေးကောက်ပွဲ ကျင်းပပေးမည်ဖြစ်ပြီး အနိုင်ရရှိသည့် နိုင်ငံရေးပါတီကို နိုင်ငံတော်အာဏာ လွှဲပြောင်းပေးမည်ဟု ဗိုလ်ချုပ်မှူးကြီးမင်းအောင်လှိုင်က ပြောထားသည်။

သို့သော် လက်ရှိ မြန်မာနိုင်ငံတစ်ဝှမ်းတွင် မြန်မာ့တပ်မတော်နှင့် လက်နက်ကိုင် အင်အားစုများကြား တိုက်ပွဲများ အပြင်းအထန်ဖြစ်ပွားနေသလို မြို့ကြီးများတွင် တရားဥပဒေစိုးမိုးမှု အားနည်းပြီ တည်ငြိမ်မှုပျက်ပြားနေသည်။

ပုံ - ဗိုလ်ချုပ်မှူးကြီးမင်းအောင်လှိုင်ကိုတွေ့ရစဉ်

#centralnewsnaypyitaw

ဂွမှာ စစ်ကျန်ဗုံးသီးပေါက်ကွဲလို့ ကလေးအပါအဝင် သုံးယောက်သေပြီး နှစ်ယောက်ဒဏ်ရာရ

ဖေဖော်ဝါရီ ၄

ရခိုင်ပြည်နယ် ၊ဂွမြို့နယ်၊တိုင်ကျိုးကျေးရွာမှာ ဖေဖော်ဝါရီ ၃ ရက်နေ့က စစ်ကျန်လက်နက်ပစ္စည်းဗုံးသီး ပေါက်ကွဲပြီး လူသုံးယောက်သေဆုံးကာနှစ်ယောက် ထိခိုက်ဒဏ်ရာရရှိခဲ့တယ်လို့သိရပါတယ်။

ဗုံးပေါက်ကွဲမှုကြောင့်သေဆုံးသူတွေထဲမှာ အသက် ၅ နှစ်အရွယ်ကလေး ပါဝင်ပြီး နောက်ထပ်အသက် ၂၀ အရွက်မိန်းကလေးနဲ့ အသက်၄၀ အရွယ်အမျိုးသားတို့သေဆုံးခဲ့တာဖြစ်တယ်လို့သိရပါတယ်။

" တိုင်ကျိုးရွာ-အုန်းတောဘက်အခြမ်းမှာပါ။ စစ်ကျန်လက်နက်ပစ္စည်းဗုံးသီးကို ဆော့ကစားရာကနေ ပေါက်ကွဲပြီး ကလေးငယ်ကျားတယောက်ဉမတယောက်နဲ့လူကြီးကျားတယောက် သေဆုံးခဲ့တယ်။" လို့ စစ်ရှောင်အရေးကူညီပေးနေသူကပြောပါတယ်။

သေဆုံးသူသုံးယောက်ကို ဂွမြို့နယ်စစ်ဘေးရှောင်ကူညီရေးပူးပေါင်းအဖွဲ့က ပို့ဆောင်သဂြိုလ်ပေးခဲ့ပြ ထိခိုက်ဒဏ်ရာရရှိသူတွေကို လည်း ဆေးကုသဖို့အတွက်ပို့ဆောင်ကာ အကူအညီတွေပေးနေတယ်လို့သိရပါတယ်။

အရင်လ ဇန်နဝါရီ ၁၈ ရက်ကလည်း ဂွမြို့နယ် ကင်းပုံရွာမှာ စစ်ကျန်လက်နက်ကိုတွေ့ရှိပြီး ဆော့ကစားရာမှ ပေါက်ကွဲမှုဖြစ်ပြီး အသက် ၄ နှစ်အရွယ်ကလေးငယ်သေဆုံးခဲ့တယ်လို့သိရပါတယ်။

၂၀၂၄ ခုနှစ်၊ ဒီဇင်ဘာလ ၁၈ ရက်နဲ့၁၇ ရက် နေ့ကလည်း ဂွမြို့နယ် ဂျိုင်ကောက်ကျေးရွာနဲ့ ကုလားပြင်ရွာမှာ မိုင်းနင်းမိလို အမျိုးသားတယောက်နဲ့အမျိုးသမီးတယောက် ခြေထောက်တဖက်စီဆုံးရှုံးခဲ့ရတယ်လို့သိရပါတယ်။

ဂွမြို့နယ်အတွင်းဖြစ်ပွားခဲ့တဲ့ တိုက်ပွဲကာလက စစ်လက်ကျန် ဗုံးသီးတွေ၊ မြေမြုပ်မိုင်းတွေနဲ့ မပေါက်ကွဲပဲကျန်ရစ်ခဲ့တဲ့ လက်နက်ကြီးကျည်ဆန်တွေ တွေ့ ရှိပါက ဒေသခံပြည်သူတွေအနေနဲ့ အဝေးမှရှောင်ရှားရန်နဲ့ ထိတွေ့ကိုင်တွယ်ဆော့ကစားခြင်းမလုပ်ရန်ပညာပေး လုပ်ငန်းတွေ ဆောင်ရွှက်နေပေမယ့် လည်း ဗဟုသုတအားနည်းမှု ကြောင့် ခုလိုသေဆုံးသူနဲ့ထိခိုက်ဒဏ်ရာရသူတွေရှိနေဆဲဖြစ်တယ်လို့ သိရပါတယ်။

Photo - ဂွမြို့နယ်စစ်ဘေးရှောင်ကူညီရေးပူးပေါင်းအဖွဲ့

Credit - VOM News Agency

#သတင်းဟင်းလေးအိုးကြီး

Part-5
*မောင်သာနိုး(သို့မဟုတ်) ကျောက်ဆောက်က ကျောက်ဆောင်
(အပိုင်း- ၂)
သန္တိကေနိဒါန်းကတော့-
၁၉၇၅ ခုလောက်မှာ မိမိလည်း ဒေးဒရဲကွင်းကျောင်းမှာပြုလုပ်တဲ့ “အရှင် အာဒိစ္စဝံသမူ နိကယ်သင်တန်း” တက်အပြီး ရန်ကုန်မှာ တိုင်းရင်းဆေးသင်တန်း တစ်ဖက်၊ အကူစာချဘုန်းကြီးတစ်ဖက်နဲ့ ရန်ကုန်မှာပဲ နှစ်နှစ်လောက် ဆက်တိုက် နေရတော့၊ တက္ကသိုလ်အတွင်း ဆရာဂျမ်းရုံးအနီးက ‘ဦးနီလက်ဖက်ရည်ဆိုင်’မှာ သောကြာနေ့ညနေတိုင်း ဆရာဂျမ်း၊ ဆရာနိုး၊ ဆရာစွမ်းအပါအဝင် စာရေးဆရာများ၊ ကျောင်းဆရာများ၊ စာပေဝါသနာရှင်များနဲ့ ပြန်ဆုံမိကြပါတယ်။
အဲဒီတုန်းက အမှတ်တရဖြစ်စရာတစ်ခုကတော့-
ဦးပုညရဲ့ ရေသည်ပြဇာတ်ကို ဆယ်တန်းမြန်မာစာမှာ စပြီးပြဌာန်းတဲ့နှစ်၊ ပြဇာတ်စာထဲမှာ “ဤမြို့ သိမ်ငယ်၊ ဇင်္ဂလယ်၌”ဆိုတဲ့ စာပိုဒ်ပါတယ်၊ ဒီစာပိုဒ်ရဲ့ အောက်ချေမှာ‘ဇင်္ဂလယ်’ကို ‘ဂျင်ဂလယ်'လို့ ပြင်ထားတာ ပါတယ်။
အဲဒါနဲ့ပတ်သက်လို့ အမှားအမှန်ဆွေးနွေးကြတာ၊ ဆရာစွမ်းက 'ကျောင်းသုံး စာအုပ်ထုတ်ဝေရေးမှာ လုပ်နေတာဆိုတော့ ဒီကိစ္စမှာ သူက တာဝန်အရှိဆုံးအဖြစ်နဲ့ ဖြေရှင်းနေရပုံရပါတယ်။ မိမိရောက်သွားတော့-
“ကဲ...ဟိုတခေတ်က “ဖားတင်္ဂါပြဿနာ'မှာလည်း ဆရာတော် ရဝေထွနဲ့ က ပါဠိအကိုးနဲ ့ဖြေရှင်းခဲ့ဖူးတယ်၊ ခုလည်း တို့ဘုန်းကြီးလာပြီ၊ ဖြေရှင်းခိုင်းပါဦး ဆိုပြီး ဆရာဂျမ်းက ဖြစ်ပုံအကျိုးအကြောင်းကို ရှင်းပြတယ်။ အဲဒီတုန်းက မိမိက နိကာယ်သင်တန်းတက်ပြီးစဆိုတော့ စာတချို့ မမေ့သေးဘူး။
ဒါနဲ့ မိမိက-
“ဒီစာမှာ ဦးပုညရဲ့မူလအသုံးအနှုန်း ‘ဇင်္ဂလယ်’က အမှန်ဖြစ်တယ်၊ ဒီ နိကာယ်၊ သုတ်မဟာဝါ၊ မဟာသုဒဿနသုတ်မှာ 'မြို့သိမ်မြို့ငယ်’ဆိုတာနဲ့ ပတ်သက်လို့-
“ခုဒ္ဒကနဂရက= မြို့ငယ်လေး၊
*ဥဇ္ဇင်္ဂလနဂရက= ကုန်းခြောက်လွင်ပြင်မှာရှိတဲ့ မြို့လေး၊
(အပူပိုင်းကျတဲ့ မြေကြမ်းမြို့ခြောက်ကလေး)၊

#ဆက်ရန်ရှိ

မစ်ဒယ်ဝိတ်တန်းမှာ အောင်မြင်မလား
Michael Venom Page နဲ့ Sharabutdin Magomedov တို့က မစ်ဒယ်ဝိတ်တန်းမှာ ကစားကြမယ်ဆိုတော့ ဗြိတိန်ကွန်ဖူးမင်းသားအတွက် စိတ်ပူမိတယ်။ ရင်ဆိုင်ရမယ့် ဖိုက်တာက ဒါဂတ်စတန်ငကြမ်း Sharabutdin Magomedov လေ။ ရှုံးပွဲရှိသေးတာလည်း မဟုတ်ဘူး။
တကယ်တမ်းကျတော့ Michael Venom Page က ထင်ထားတာထက် ပိုကောင်းနေတယ်။ ဝိတ်တန်းတက်ထိုးပေမယ့် သွက်လက်ချက်ပဲ။ မစ်ဒယ်ဝိတ်တန်းလို့ မယုံကြည်နိုင်လောက်အောင် သွက်လက်လျင်မြန်နေတယ်။ Sharabutdin Magomedov က Michael Venom Page ရဲ့ အမြန်နှုန်းကို လိုက်မမီပါဘူး။ (၁၅) မိနစ်လုံးမှာ ရုန်းကန်ရတယ်။ တတိယအချီမှာ နည်းနည်းပိုကောင်းလာပေမယ့် ဆေးမမီဘဲ အရှုံးပေးလိုက်ရတယ်။
တကယ်ဆိုရင် Michael Venom Page က မစ်ဒယ်ဝိတ်တန်းမှာ ကစားဖူးတယ်။ ဒါကလည်း ဟိုးလွန်ခဲ့တဲ့ (၁၂) နှစ်လောက်တုန်းက ထိုးဖူးတာပါ။ နောက်ပိုင်းမှာ ဝယ်တာဝိတ်တန်းမှာပဲ ကစားပြီး နာမည်ကြီးလာတာပါ။ UFC အဖွဲ့အစည်းရဲ့ ဝယ်တာဝိတ်တန်းမှာ နပန်းသမားတွေ များနေတယ်။ အစောပိုင်းမှာ Michael Venom Page က Kevin Holland ကိုနိုင်ပေမယ့် Ian Garry ကို ရှုံးပြန်တယ်။
Ian Garry ရဲ့ Ground Game က ထိပ်တန်းအဆင့်မဟုတ်တာတောင် Michael Venom Page က မကျော်နိုင်ပါဘူး။ ကိုယ့်အခြေအနေကို ကိုယ်သိတယ်ထင်တယ်။ မစ်ဒယ်ဝိတ်တန်းကို ပြောင်းလာလိုက်တယ်။ မစ်ဒယ်ဝိတ်တန်းမှာ Striker တွေများတယ်လေ။ Sharabutdin Magomedov ကိုနိုင်ပြီး တာထွက်လှသွားပါပြီ။

iPhone တွေမှာ Starlink ဂြိုလ်တု အင်တာနက် သုံးနိုင်တော့မည်
=====================================
အမေရိကန်မှာ iPhone တွေမှာ Starlink ဂြိုလ်တု အင်တာနက်ကို အသုံးပြုနိုင်တော့မှာ ဖြစ်ပါတယ်။ Apple ဖြန့်ချိလိုက်တဲ့ iOS 18.3 Update မှာ Starlink ဂြိုလ်တု အင်တာနက်ကို သုံးနိုင်တဲ့ Feature ပါလာပါတယ်။
အမေရိကန်က T-Mobile User တွေဟာ Starlink ဂြိုလ်တု အင်တာနက်ကို သုံးနိုင်တော့မှာပါ။ Apple, SpaceX နဲ့ T-Mobile တို့က ဒီဝန်ဆောင်မှုအတွက် လျှို့ဝှက်စွာ ပူးပေါင်းလုပ်ဆောင်ခဲ့ကြတာလို့ သိရပါတယ်။
T-Mobile က အရင်တုန်းက Starlink ဂြိုလ်တု အင်တာနက်ကို ရမယ့် Android စမတ် ဖုန်း အနည်းငယ်ကိုပဲ ကြေညာထားပေမယ့် အခုတော့ iOS 18.3 Software Update ရတဲ့ iPhone တွေလည်း ပါဝင်လာပြီ ဖြစ်ပါတယ်။
iPhone တွေဟာ ဆယ်လူလာလိုင်း မရတဲ့ နေရတွေမှာ Starlink ဂြိုလ်တု အင်တာနက်ကို အသုံးပြုကာ စာသားတွေ ပေးပို့နိုင်မှာ ဖြစ်ပါတယ်။ ဒါ့အပြင် တည်နေရာ မျှဝေတာကိုပါ ပြုလုပ်နိုင်မှာ ဖြစ်ပါတယ်။

မြင်းခြံ တလုပ်မြို့ကျေးရွာမှာ တိုက်ပွဲ ပြင်းထန်နေ၊ လူထိခိုက် သေဆုံးတွေလည်း ရှိ

ဖေဖော်ဝါရီ ၄

မန္တလေးတိုင်း၊ မြင်းခြံမြို့ရဲ့မြောက်ဘက် ၈ မိုင်နီးပါးက တလုပ်မြို့ကျေးရွာမှာ တိုက်ပွဲ ပြင်းထန်နေပြီး လူထိခိုက်၊ သေဆုံးမှုတွေလည်းရှိတယ်လို့ ဒေသခံတွေက ပြောပါတယ်။

တလုပ်မြို့ကျေးရွာမှာ အထိုင်ချထားတဲ့ နစကတပ်ကို ဒေသတွင်း လက်နက်ကိုင်တပ်ဖွဲ့တွေက ပြီးခဲ့တဲ့ ဖေဖော်ဝါရီ ၁ ရက်နေ့၊ မနက်အစောပိုင်း ၅ နာရီဝန်းကျင်ကစပြီး ဝင်ရောက် တိုက်ခိုက်ခဲ့တာကြောင့် နှစ်ဖက်တိုက်ပွဲ ပြင်းထန်နေခြင်းဖြစ်တယ်လို့ သိရပါတယ်။

“နစကဘက်က လက်နက်ကြီးရော၊ လေကြောင်းပစ်ကူတွေရော အဆက်မပြတ် အသုံးပြုနေတယ်။ ဖေဖော်ဝါရီ ၁ ရက်နေ့ကရော၊ ၂ ရက်နေ့ကရော လေကြောင်း တိုက်ခိုက်မှုတွေ ရှိတယ်။ လူထိခိုက်၊ သေဆုံးမှုတွေ၊ နေအိမ် ပျက်စီးတာတွေလည်း ရှိတယ်” လို့ ဒေသခံတယောက်က ပြောပါတယ်။

လေကြောင်း တိုက်ခိုက်မှုတွေကြောင့် လက်ရှိအချိန်အထိ ငါးယောက် သေဆုံးကာ ပြင်းထန်ဒဏ်ရာရရှိသူ ခုနစ်ယောက်ထက်မနည်းရှိပြီး နေအိမ် အလုံး ၃၀ ကျော် မီးလောင်ပျက်စီးသွားတယ်လို့ သူက ပြောပါတယ်။

တလုပ်မြို့ကျေးရွာဟာ မြင်းခြံ - ဆီမီးခုံ ကားလမ်းပေါ်မှာတည်ရှိပြီး အိမ်ခြေ ၁၀၀၀ ကျော်ရှိတဲ့ ကျေးရွာကြီးဖြစ်ကာ လူဦးရေ ၈၀၀၀ ကျော် နေထိုင်တယ်လို့ သိရပါတယ်။

လက်ရှိမှာ တိုက်ပွဲကြောင့် ဒေသခံတွေအားလုံး ဘေးလွတ်ရာကို တိမ်းရှောင်နေရတာကြောင့် စားသောက်နေထိုင်ရေးအတွက် အရေးပေါ် အကူညီတွေ လိုအပ်နေတယ်လို့ သူက ပြောပါတယ်။

ဒါအပြင် မန္တလေးတိုင်းအတွင်းက တောင်သာမြို့နယ်မှာလည်း စစ်ရေးတင်းမာမှုတွေ ဖြစ်ပေါ်လျက်ရှိတာမှာ လေကြောင်းတိုက်ခိုက်မှုကြောင့် လူသေဆုံး၊ ဒဏ်ရာရမှုတွေလည်း ရှိနေတယ်လို့ သိရပါတယ်။

ပြီးခဲ့တဲ့ ဇန်နဝါရီလ ၂၈ ရက်ကလည်း တောင်သာမြို့နယ်၊ ရွာတန်းရှည်ကျေးရွာမှာ လေထီးအသုံးပြုပြီး လေကြောင်းတိုက်ခိုက်မှု ဖြစ်ပွားခဲ့တာကြောင့် တယောက် သေဆုံးကာ နှစ်ယောက် ထိခိုက်ဒဏ်ရာ (စိုးရိမ်ရ) ရရှိခဲ့တယ်လို့ ဒေသခံတွေက ပြောပါတယ်။

အဲဒီဖြစ်စဥ်နဲ့ ပတ်သက်လို့ နစက သတင်းရင်းမြစ်တွေရဲ့ အသိပေး ရေးသားချက်မှာတော့ တပ်မတော်မှ တောင်သာ PDF တွေ စခန်းချရာနေရာကို လေထီးတပ် နဲ့ ဗုံးကြဲ ရှင်းလင်းခဲ့တာမှာ PDF ၃၆ ယောက်ခန့် သေဆုံးခဲ့ကာ ဒဏ်ရာရသူတွေလည်း များစွာ ရှိခဲ့တယ်လို့ ဖော်ပြထားပြီး ဒီဖြစ်စဉ်နဲ့ ပတ်သက်လို့ နစကဘက်က လက်ရှိအချိန်အထိ တရားဝင် သတင်းထုတ်ပြန်ထားခြင်း မရှိသေးပါဘူး။

Photo:CJ

Credit - VOM News Agency

#"သတင်းဟင်းလေးအိုးကြီး

ရှမ်းပြည်နယ်တောင်ပိုင်း ရွာငံလမ်း🏞️
တစ်ခါရောက်ဖူးရင် တစ်သက်လုံး
ချစ်သွားမယ့်မြို့ 😍
တောင်အထပ်ထပ်များစွာနဲ့ကာရန်ထားတဲ့`
ရွာငံ´လမ်းလေး🛤️