ရွေးချယ်မှု မှန်ကန်ခဲ့တယ်လို့ပြောရမယ့် Lisa
ဖေဖော်ဝါရီ ၊ ၂၈၊ ၂၀၂၅
HBO Max ရဲ့ နာမည်ကြီး ဇာတ်လမ်းတွဲဖြစ်တဲ့ The White Lotus Season 3 ကတော့ ဇာတ်လမ်းအစမှာတင် စိတ်ဝင်စားဖို့ ကောင်းအောင်လုပ်ထားလို့ အားရနေတယ်လို့ပြောလို့ရပါတယ်။
The White Lotus က Newtopia လို Lisa ကိုပဲ ပြစားနေတဲ့ ဇာတ်လမ်းမဟုတ်ဘူးလို့တော့မြင်တယ်။ Lisa ကိုပြသင့်သလောက်ပြထားတယ် တစ်ခန်းနှစ်ခန်းလောက်ပေမယ့် သူပါတဲ့အခန်းတင်မဟုတ်ဘူး တခြား Cast တွေရဲ့ အလွဲတွေနဲ့တင်ကြည့်ရတာ ပိုစိတ်ဝင်စားဖို့ကောင်းလာတယ်။ ပြောရရင် ဇာတ်လမ်းအစမှာတင်ပျင်းစရာကောင်းတယ်လို့ကို မခံစားရတာပါ။
ဒီဇာတ်လမ်းမှာ Lisa က တခြား သရုပ်ဆောင်လုပ်နေကြတဲ့ Blackpink Member Jennie Kim နဲ့ Jisoo ထက်ကို Character ရွေးချယ်မှုပိုင်းမှာ မှန်ကန်ခဲ့တယ်လို့ သတ်မှတ်ရပါမယ်။
The White Lotus Season 3 မှာ Lisa ကို Side Character သဘောမျိုးကိုမှ သူ့ကို Target သိပ်မလုပ်ပဲ Hotel လာတည်းတဲ့ မိသားစုတွေကို Target ဖြစ်အောင်လုပ်ထားပါတယ်။ အဓိကကတော့ Lisa ဆိုတဲ့ ပုံရိပ်ကို ချိုးထားပြီး ဟိုတယ်ဝန်ထမ်း Mook ဆိုတာကို ပေါ်အောင်လုပ်ထားတာတော့ သဘောကျပါတယ်။
ဒီလိုချိုးထားတာလည်း တစ်ခုကောင်းပါတယ်၊ Main Lead အနေနဲ့ပွဲထွက်လာမယ်ဆိုရင် သရုပ်ဆောင် Skill တွေကြောင့်ရော ဇာတ်လမ်းကြောင့်တွေပါ Jisoo လိုမျိုး ပြောစရာတွေဖြစ်လာမှာမို့လို့ Side Character နဲ့ ခြေလှမ်းအသစ်ကို စထားတာက ပိုပြီးကောင်းပါတယ်။
ပြီးတော့ Lisa က သူ့နေရာ၊ သူ့ဒေသဖြစ်တဲ့အတွက် သရုပ်ဆောင်မှုပိုင်းနဲ့ စကားပြောရာတွေမှာ သာမာန်ထက် ပိုလွတ်လပ်နေသလိုဖြစ်နေတာကို တွေ့ရမှာပါ။ ဒါကလည်း အားသာချက်ပါပဲ။
တခြား Character တွေမှာဆိုရင်လည်း Lisa တာဝန်ယူရတဲ့ အတွဲတစ်တွဲကတော့ စိတ်ဝင်စားဖို့ကောင်းတဲ့အပြင် Lisa တို့ ဟိုတယ်ပိုင်ရှင်နဲ့ ဒီ အတွဲ ဘယ်လိုတွေပတ်သက်လည်းဆိုတာကိုပါ Twist အနေနဲ့ထားခဲ့ပါသေးတယ်။
တစ်ခုသဘောကျတာက ထိုင်းတွေပါ။ ထိုင်းတွေက အခုဆိုရင် သူတို့ရဲ့ ဒေသနဲ့ ကျွန်းတွေကို ဇာတ်လမ်းတွေမှာ Promote လုပ်ပြီး ရိုးရာ၊ ယဥ်ကျေးမှုတွေကို နိုင်ငံတကာက ပိုသိအောင်လုပ်ထားတာကိုတော့ ချီးကျူးရမယ်။ ပြောရရင်တော့ ထိုင်းက မြန်မာနိုင်ငံထက် အများကြီးတိုးတက်သွားတာတော့ အမှန်ပါပဲ။
အခုဆို The White Lotus Season 3 မှာပါဝင်တဲ့ Koh Samui ကျွန်းကလည်း Phuket ပြီးရင် ဒုတိယ အကြီးဆုံး ကျွန်းလည်းဖြစ်သလို လှလည်း လှတော့ The White Lotus Season 3 ကြောင့် ခရီးသွားတွေ ပိုများလာတယ်လို့လည်း သိရပါတယ်။
