Discover postsExplore captivating content and diverse perspectives on our Discover page. Uncover fresh ideas and engage in meaningful conversations
#နိုင်ငံတကာသတင်း
◼ ထရန့်နှင့်ကုန်သွယ်ရေးစစ်ပွဲကို အနိုင်တိုက်မည်ဟု ကနေဒါဝန်ကြီးချုပ်သစ်ဖြစ်လာမည့်မာ့ခ်ကာနေး ကြွေးကြော်
အမေရိကန်သမ္မတ ဒေါ်နယ်ထရန့်နှင့်ကုန်သွယ်ရေးစစ်ပွဲကို အနိုင်တိုက်သွားမည်ဟု ကနေဒါဝန်ကြီးချုပ်အဖြစ် ဂျပ်စတင်ထရူးဒူးနေရာဆက်ခံမည့် ယှဉ်ပြိုင်မှုအနိုင်ရရှိခဲ့ပြီးနောက်မာ့ခ်ကာနေးက ကြွေးကြော်လိုက်သည်။
ကနေဒါဗဟိုဘဏ်နှင့် ဗြိတိန်ဗဟိုဘဏ်အကြီးအကဲအဖြစ် တာဝန်ထမ်းဆောင်ခဲ့သော မာ့ခ်ကာနေးသည် လစ်ဘရယ်ပါတီခေါင်းဆောင်ရွေးပွဲတွင် အခြားပြိုင်ဘက်သုံးဦးကို အပြတ်အသတ်အနိုင်ရရှိခဲ့ပြီး ကြီးမားသောမတည်မငြိမ်မှုများဖြစ်နေချိန်တွင် နိုင်ငံကိုဦးဆောင်ရမည်ဖြစ်သည်။
အသက် ၅၉ နှစ်အရွယ် မာ့ခ်ကာနေးက ၎င်း၏အောင်ပွဲခံမိန့်ခွန်း ပြောချိန်အများစုတွင် ကနေဒါအပေါ် အခွန်အကောက်များ ချမှတ်ခဲ့ကာ ကနေဒါအား အမေရိကန်၏ ၅၁ ခုမြောက်ပြည်နယ်ဖြစ်လာရေးကို လိုလားနေသော ဒေါ်နယ်ထရန့်ကို တိုက်ခိုက်ပြောကြားခဲ့သည်။
“ အမေရိကန်အနေနဲ့ အမှားမလုပ်သင့်ပါဘူး။ ဟော်ကီမှာသူတို့ကိုနိုင်သလိုပဲ ကုန်သွယ်ရေးမှာလည်း ကနေဒါက အနိုင်ယူသွားပါမယ်။” ဟု၎င်းက ပြောကြားသည်။
ကာနေးသည် ရှေ့လာမည့်ရက်များတွင် ကနေဒါဝန်ကြီးချုပ်အဖြစ် ကျမ်းသစ္စာကျိန်ဆိုမည်ဟု မျှော်လင့်ရပြီး သီတင်းပတ်အနည်းငယ်အတွင်း ရွေးကောက်ပွဲ ခေါ်ယူမည်ဟုလည်း မျှော်လင့်ရသည်။
ယခုအခါ ဝန်ကြီးချုပ်လောင်းဖြစ်နေသည့် ကာနေးသည် ရွေးကောက်ခံအစိုးရအဖွဲ့ ရာထူးတစ်ခုတွင် ယခင်ကတာဝန်ထမ်းဆောင်ဖူးခြင်းမရှိကြောင်း သိရသည်။
ကနေဒါဝန်ကြီးချုပ်အဖြစ် ဆယ်နှစ်နီးပါးတာဝန်ထမ်းဆောင်ခဲ့သော ဂျပ်စတင်ထရူးဒူးသည် အိမ်ရာ အ ကျပ် အတည်း ၊ နေထိုင်စားသောက်စရိတ်ကုန်ကျမှုများ အပေါ် မကျေနပ်ကြသော မဲဆန္ဒရှင် များကြားတွင် လူ ကြိုက်နည်းလာခဲ့ပြီးနောက် နုတ်ထွက်ရန်ပါတီတွင်း ဖိအားများနှင့် ရင်ဆိုင်ခဲ့ရပြီး ဇန်နဝါရီလတွင် နုတ် ထွက်သွားခဲ့ကာလစ်ဘရယ်ပါတီခေါင်းဆောင်မှုပြိုင်ပွဲ စတင်ခဲ့ခြင်းဖြစ်သည်။
ကနေဒါနိုင်ငံမှ ကုန်ပစ္စည်းများအပေါ် အခွန် ၂၅ ရာခိုင်နှုန်းချမှတ်လိုက်သော ဒေါ် နယ်ထရန့်က ကနေဒါ မိသားစုများ၊ အလုပ်သမားများနှင့် စီးပွားရေးလုပ်ငန်းများအား တိုက်ခိုက်နေကြောင်း ပါတီခေါင်း ဆောင်သစ်ဖြစ်လာသူ မာ့ခ်ကာနေးက ပြောကြားသည်။
“ ကျွန်တော်တို့ သူ့ကိုအောင်မြင်ခွင့်ပေးလို့မရပါဘူး။” ဟု ကာနီက ပြောသည်။
အမေရိကန် က မိမိတို့အား လေးစားမှုပြသသည့်အချိန်အထိ မိမိတို့အစိုးရက အမေရိကန်သွ င်းကုန် များအပေါ် အခွန်အကောက်များ ဆက်လက်ထားရှိသွားမည်ဖြစ်ကြောင်း ကာနီက ဆက်လက်ပြောကြားသည်။
“ ဒါဟာမှောင်မိုက်တဲ့ နေ့ရက်တွေဆိုတာ ကျွန်တော်သိပါတယ်။ ဒီလိုမှောင်မိုက်တဲ့ နေ့ရက်တွေကို ကျွန်တော်တို့ ယုံကြည်စိတ်ချလို့မရတော့တဲ့ နိုင်ငံတစ်နိုင်ငံက သယ်ဆောင်လာခဲ့တာပါ။” ဟု ၎င်းတို့၏ အကြီးမားဆုံးကုန်သွယ်ဘက်အမေရိကန် နှင့် ပတ်သက်၍ ကနေဒါခေါင်းဆောင်သစ်က ပြောသည်။
သတင်း-ရဲမင်း
ကိုးကားBBC
Like
Comment
Share
Showing 5235 out of 10270