ကမ္ဘာ့အမြင့်ဆုံး အဆောက်အအုံထိပ်မှာ ရင်သပ်ရှုမောဖွယ် ကြော်ငြာရိုက်ကူးမှု
ကမ္ဘာ့ထိပ်တန်းလေကြောင်းလိုင်းတစ်ခုဖြစ်တဲ့ Emirates ဟာ ကမ္ဘာ့အကြီးဆုံးနဲ့ အအောင်မြင်ဆုံး လေကြောင်းလိုင်းတွေထဲက တစ်ခုဖြစ်သလို ဆန်းသစ်တီထွင်မှုရှိတဲ့ ကြော်ငြာတွေကြောင့်လည်း နာမည်ကျော်ကြားပါတယ်။
၂၀၂၁ ခုနှစ်၊ ဩဂုတ်လမှာ ထုတ်လွှင့်ခဲ့တဲ့ သူတို့ရဲ့ ကြော် ငြာတစ်ခုဟာ ကမ္ဘာတစ်ဝှမ်းက လူတွေကို အံ့အားသင့်စေခဲ့ပါတယ်။
ဒီရင်သပ်ရှုမောဖွယ် ကြော်ငြာ ရိုက်ကူးမှုမှာ အဓိက ပါဝင်ခဲ့သူကတော့ လေယာဉ်မယ်တစ်ဦးလည်းဖြစ်၊ကျွမ်းကျင် တဲ့ မိုးပျံဒိုင်ဗင်သမားတစ်ဦးလည်းဖြစ်တဲ့ Nicole Smith-Ludvik ပဲ ဖြစ်ပါတယ်။
ဒီကြော်ငြာရဲ့ ထူးခြားချက်ကတော့ ရိုက်ကူးရေးတည် နေရာပါ။ ကမ္ဘာ့အမြင့်ဆုံး အဆောက်အအုံဖြစ်တဲ့ ဒူဘိုင်းက Burj Khalifa ရဲ့ အမြင့်ဆုံးနေရာမှာ ရိုက်ကူးခဲ့တာပါ။
Nicole Smith-Ludvik ဟာ အဆောက်အဦရဲ့ အင်တနာထိပ်၊ ၁ စတုရန်းပေလောက်ပဲ ကျယ်တဲ့ပလက်ဖောင်းလေးပေါ်မှာ ရပ်ကာ Emirates ရဲ့ A380 လေယာဉ်ကြီးကို နောက်ခံထားပြီး ပို့စ်ပေးခဲ့ပါတယ်။
အန္တရာယ်အလွန်များတဲ့ အခြေအနေမှာ Nicole ဟာ တည်တည်ငြိမ်ငြိမ် နဲ့ပဲ လေယာဉ်ကြီး သူမအနီး ပတ်ဝဲပျံသန်းနေချိန်မှာ လှပတဲ့ ပို့စ်တွေနဲ့အတူ အကောင်းဆုံးစွမ်းဆောင်ရည်တွေကို ပြသနိုင်ခဲ့တာပါ။
ဒီကြော်ငြာဟာ Nicole ရဲ့ သတ္တိ၊ Emirates လေကြောင်းလိုင်းရဲ့ ဆန်းသစ်တီထွင်နိုင်မှုနဲ့ Burj Khalifa ရဲ့ ခမ်းနားထည်ဝါမှုတို့ကို ပေါင်းစပ်ပြသလိုက်တဲ့ အလွန်လက်ရာမြောက်တဲ့အနုပညာဖန်တီးမှု တစ်ခုလို့ ဆိုနိုင်ပါတယ်။
ကြည့်ရှုသူတွေကို အံ့သြမှု၊ ရင်ခုန်မှုနဲ့ Emirates လေကြောင်းလိုင်းကို စီးနင်းလိုက်ပါချင်စိတ်တွေ ဖြစ်ပေါ်လာအောင် ဖန်တီးနိုင်ခဲ့တာ အမှန်ပါပဲ။ ဒီရိုက်ကူးမှုဟာ Emirates ရဲ့ "Fly Better" ဆိုတဲ့ ဆောင်ပုဒ်နဲ့အညီ အကောင်းဆုံးတွေကို ပေးစွမ်းနိုင်ကြောင်း သက်သေပြနိုင်လိုက်တာလည်း ဖြစ်ပါတယ်။
#knowledgezone #burjkhalifadubai
#emirates #a380
