#ခွာညိုပန်း
#flowerinheart #beauty #beautifulflowers #flowers

#ခွာညိုပန်း
#flowerinheart #beauty #beautifulflowers #flowers

တို့တော့မလိုက်ရဲဘူး တျောက်တည်းသွား

*အမျိုးသမီးများ ဆန္ဒမဲပေးခွင့်
ယနေ့ လူများအတွက် အံ့ဩစရာ ဖြစ်နိုင်သည့် အချက်တစ်ခုက များမကြာခင် ကာလအထိပင် ကမ္ဘာတစ်လွှား၌ အမျိုးသမီးများ မဲပေးခွင့်မရခဲ့ခြင်း ဖြစ်သည်။
သည်အတွက် နိုင်ငံအသီးသီးမှာပင် အမျိုးသမီးများ လှုပ်ရှားတောင်းဆို ခဲ့ကြပြီး ၁၉ ရာစု နှောင်းပိုင်းလောက်ကမှ စတင်ကာ ဆွီဒင်၊ ဗြိတိန်၊ ဖင်လန်၊ အမေရိကန် စသည်တို့တွင် မဲပေးခွင့်များ ကြိုးကြားကြိုးကြား ရကြသည်။
အရွယ်ရောက်သော အမျိုးသမီးများ အားလုံး မဲပေးခွင့်ရသည့် ပထမဆုံး နိုင်ငံမှာ နယူးဇီလန် (၁၈၉၃ ခုနှစ်) ဖြစ်သည်။ ၁၉ဝ၇ ခုနှစ် ဖင်လန်နိုင်ငံ (Grand Duchy of Finland) တွင်မူ အမျိုးသမီးများ မဲပေးရုံမက ရွေးကောက်ပွဲတွင် ပါဝင်ယှဉ်ပြိုင်ခွင့် ရကြ၍ ကမ္ဘာ့ပထမဆုံး အမျိုးသမီး လွှတ်တော်အမတ်များ ပေါ်ထွက်ခဲ့သည်။
ဥရောပနိုင်ငံ အများစုတွင် ပထမ ကမ္ဘာစစ်ကြီး အပြီးလောက်ကမှ စတင်ကာ အမျိုးသမီးများ မဲဆန္ဒပေးခွင့်ရကြပြီး၊ ၁၈ ရာစုကတည်းက အမျိုးသမီး အခွင့်အရေး တောင်းဆိုခဲ့သော ပြင်သစ်ပြည်မှာ သူများထက် နောက်ကျ၍ ၁၉၄၄ ခုနှစ်တွင်မှ စတင်ရရှိသည်။
ဗြိတိန်တွင် ၁၉၁၈ ခုနှစ်က စတင်ကာ အမျိုးသမီးများ မဲပေးခွင့်ရကြပြီး ထိုစဉ်က ၎င်း၏ ကိုလိုနီနိုင်ငံတစ်ခုဖြစ်သော မြန်မာပြည်၌လည်း ၁၉၂၂ ခုနှစ်က စတင်ကာ အသက် ၁၈ နှစ်ပြည့်ပြီးသော အမျိုးသမီးတိုင်း မဲပေးပိုင်ခွင့် ရှိခဲ့သည်။
နိုင်ငံတကာ စာရင်းများတွင် ဖော်ပြထားသည့်အရ မနေ့တစ်နေ့ကမှ အမျိုးသမီးများ မဲပေးခွင့်ရသည့် နိုင်ငံတချို့ ရှိတာလည်း တွေ့ရသည်။
ဥပမာ ဘာရိန်းနိုင်ငံ (၂၀၀၂ ခုနှစ်) အိုမန်နိုင်ငံ (၂၀၀၃ ခုနှစ်)၊ ကူဝိတ်နိုင်ငံ (၂၀၀၅ ခုနှစ်) တို့ ဖြစ်သည်။
သို့သော် သူတို့ထက် နောက်ကျတာ ရှိသေးသည်။ ဆော်ဒီအာရေဗျ နိုင်ငံတွင် ၂၀၁၅ ခုနှစ်တွင် ကျင်းပမည့် မြူနီစီပယ် ရွေးကောက်ပွဲများမှ စတင်၍ အမျိုးသမီးများ မဲပေးခွင့်နှင့် ရွေးကောက်ခံခွင့်များ ရရှိမည်ဖြစ်ကြောင်း ဘုရင်အဗ္ဗဒူလာက ပြီးခဲ့သည့် နှစ်အတွင်းက ကြေညာခဲ့ရာ ဆော်ဒီသူများ စောင့်မျှော်ကြဆဲ ဖြစ်သည်။

#ဆက်ရန်ရှိ

The Farm (2018)
IMDb - 3.7/10

ကျေးလက်ဒေသတစ်ခုဘက်ကို ခရီးထွက်ကြမယ်ရင်စိုက်ပျိုးရေးခြံ၊မွေးမြူရေးခြံတစ်ခုတော့ တွေ့ဖြစ်မှာပါ…။ဒါက မထူးဆန်းပါဘူး …။ တွေ့တဲ့မွေးမြူရေးခြံဟာ လူသားမွေးမြူရေးခြံဆိုရင်တော့ထူးဆန်းသွားပါပြီ….။ ဒီဇာတ်လမ်းလေးက အဲ့လိုဇာတ်လမ်းပါ….သမီးရည်းစားတွေဖြစ်ကြတဲ့ နိုရာနဲ့ အဲလက်ဟာ ကျေးလက်ဒေသတစ်ခုဆီအပျော်ခရီးထွက်ခဲ့ကြတယ်….ကားမောင်းရတာလည်းပင်ပန်း ခရီးကလည်းဝေးဆိုတော့ လမ်းဘေးကမိုတယ်လေးတစ်ခုမှာ ဝင်နားခဲ့ကြပါတယ်….။လူကလည်းခပ်ရှင်းရှင်း အေးအေးဆေးဆေးဆိုတော့ ချက်ချင်းပဲအိပ်‌ပျော်သွားကြတယ်….နိုးလာတဲ့အခါမှာတော့ ခုနကပြောတဲ့ လူသားမွေးမြူရေးခြံကိုရောက်နေခဲ့ပြီးပဲဖြစ်ပါတယ်….ဘာတွေဆက်ဖြစ်ကြမလဲဆိုတော့ ဇာတ်လမ်းလေးထဲမှာ ဆက်ကြည့်လိုက်ပါဗျာ….။
#horrorvibe

ကြက်ဥပူတင်းကျောက်ကျော

ကြက်ဥ၄ လုံး
ကျောက်ကျော၂၅ ဂရမ်(အထုပ်သေး)
နိုစိမ်းဗူး၀က်
သကြား၂၀သား
ရေသန့်၁ လီတာခွဲ
နိုဆီ၃ ဇွန်း(မထည့်လည်းရ)
ဆားအနည်းငယ်
အရင်ဆုံးကြက်ဥကို ခလောက်ထားပါ။ရေကို ဆူအောင်တည်ထားပါ
ရေဆူလာရင်ဆား၊ ကျောက်ကျောနဲ့ သကြားထည့်ပြီးအဆက်မပြတ်မွှေပေးနော်။ခဲကုန်မယ်။
ကျောက်ကျောမှုန့်ကြေပြီဆို ၁၀မိနစ်လောက်ထပ်မွှေပေးပါ။
ပြီးရင်အအေးခံမဲ့ ဗန်းထဲကို ၃ ပုံ ၁ ပုံလောင်းထည့်ပါ။

ကျန်တဲ့ကျောက်ကျောကို အပူပြန်ပေးပါ။
ဆူလာရင် ခလောက်ထားတဲ့ ကြက်ဥထည့်ပါ။
နိုစိမ်းနဲ့ နိုဆီထည့်ပါ။
ဝေကျတတ်လိုမီးလျှော့ထားပြီး အဆက်မပြတ်မွှေပေးပါ။
ပထမအအေးခံထားတဲ့ ကျောက်ကျောကို ကိုင်ကြည့်လို အပေါ်ယံလေးတင်းနေပြီဆို နောက်တစ်ထပ်လောင်းလို ရပါပြီ။
ဒုတိယတစ်ထပ်ကိုလောင်းရင် တခါတည်းအကုန်မလောင်းချပဲ ဗန်းရဲ့ ထောင့်နားလေးကနေ ဇွန်းခံပြီး ဖြေးဖြေးလောင်းချပါ။
တခါတည်းလောင်းချရင် အပူချိန်နဲ့ အောက်ထပ်ကို ပေါက်ကျပြီး အထပ်မဖြစ်ပဲ ရောသွားတတ်ပါတယ်။
အေးသွားရင် ရေခဲသေတ္တာထဲထည့်ပါ။
တစ်နာရီလောက်ထားပြီးရင်တော့ ကလေးလူကြီးအကြိုက် အရသာရှိတဲ့ ကြက်ဥပူတင်းကျောက်ကျောလေးရပါပြီဗျ
#မြိန်မြိန်

ဖန်တွေအစောင့်မျှော်နေကြဆုံးတွေထဲက Anime နှစ်ခုဖြစ်တဲ့ Demon Slayer Infinity Castle ဟာလည်း 2025 ထဲမှာရုံတင်ထွက်ရှိတော့မှာဖြစ်သလို One Punch Man Season 3 ဟာလည်း 2025 ထဲမှာထွက်ရှိလာတော့မှာဖြစ်ပါတယ်။ 🍿

ပြင်းထန်သော အစာအဆိပ်သင့်ခြင်း၏ လက္ခဏာ (၅) ရပ်
အောက်ပါရောဂါလက္ခဏာတစ်ခုခု ဖြစ်ပွားပါက ဆရာဝန်နှင့် ပြသပါ။
▪️ ဝမ်းသွားသည့်အခါ သွေးပါခြင်း (သွေးဝမ်းသွားခြင်း)
▪️ အပူချိန် ၁၀၂°F အထက် ဖျားခြင်း
▪️ မကြာခဏအန်ပြီး အရည်ဆုံးရှုံးမှု များခြင်း
▪️ အရည်ဓာတ် ခန်းခြောက်ခြင်း
▪️ သုံးရက်ထက်ပိုပြီး ဝမ်းလျှောခြင်း
#ကျန်းမာရေးဗဟုသုတ
#knowledge

~~~အမှတ်တရ ~~~ { ၉ } (ဇာတ်သိမ်းပိုင်း)
#ဂျူး
အခန်း -၉
“သြော် ..ခက်နေပါပြီ။ တကယ်ပြောတာ ၊သူ ဟင်းချက် သိပ်ကောင်းတာပဲ။ ဒါပေမယ့် ကော်ဖီဖျော်တာ ၊ သံပုရာရည်ဖျော်တာ ချစ်လောက် သောက်မကောင်းဘူးလေ။
မောင် မရှက်ပါဘူး။ နည်းနည်းတော့ တမ်းတမိတာပါ။ ဆေးတိုက်တော့လဲ နင်က နာရီအတိအကျနဲ့ ၄၅ မိနစ်လောက် အစာနဲ့ခြားပြီး ကြိုတိုက်ထားတာလေ။
ခုတော့ မောင့်ဘာသာ မောင် ယူသောက်ရတယ် ညညဆို အားနည်းလွန်းလို့ အိပ်မပျော်ဘူးဆိုရင် ဟိုတွေးဒီတွေနဲ့ သိပ်ဖျားလွန်းလို့ ဆေးထိုးချင်ပြီဆိုရင် မောင့်ဘေးမှာ ဆေးထိုးပေးမယ့်လူ မရှိဘူး။
အဲဒါမျိုးတွေကျတော့ သတိရတာပဲ။ တစ်နာရီတစ်ခါ သွေးတိုးနှုန်းတိုင်းပေးမယ့် လူမရှိဘူး။ နောက်ပြီး အလျင်တစ်ခါ ဖျားပြီး နေကောင်းခါစမှာ နင်လုပ်ပေးတဲ့ ကြက်စွပ်ပြုတ် မောင်သိပ်ကြိုက်တာပဲ။
အခုတော့ ဟောလစ် နဲ့ နလန်ထရတယ်။ ဟောလစ်ကို မောင် သိပ်မုန်းတာ နင်သိသားပဲ။ တစ်လနီးပါးလောက် ခံလိုက်ရတယ်။
လူကလဲ ပိန်ကျသွားတာပဲ ။ပြန်ပြီး အားပြည့်အောင် ဘာကျွေးရမယ်ဆိုတာ မောင့်မိန်းမက မသိဘူးလေ။
မောင့်ကိုတော့ မေးရှာပါတယ်။ ဒါပေမယ့် ပြောပြနေရတာထက်စာရင် အစစအရာရာ မလိုအောင် လုပ်ပေးသွားတဲ့ တက်ကျွမ်းသူတစ်ယောက်ကို ဘယ်မှီမလဲ။ နောက်ပြီး နင့်လို ညညမောင့်ကို ထပြီး အဖျားစမ်း မကြည့်တတ်ဘူး။ ဆေးသောက်ဖို့ မနှိုးတတ်ဘူး။ နှိုးစက်နဲ့ ဆေးသောက်ရတယ်”
“ဒါပေမယ့် ကျွန်မရဲ့တန်ဖိုးက ဒါပါပဲမောင်ရယ် ။ ဆရာ၀န်ဆိုတာ နေမကောင်းနေတဲ့လူအတွက်ပဲ တန်ဖိုးရှိတာပါ”
“မောင် ပြောတဲ့အထဲမှာ တန်ဖိုးမဲ့တာတွေ ရှိတာတွေ မပါဘူး ။ နင့်ကို သတိရတမ်းတတဲ့အကြောင်းပဲ”
“ဟုတ်ပါပြီလေ။ ဒါပေမယ့် မောင် တ,တာကတော့ ဆရာ၀န် စုစုထွေးကို တ, တာပဲ”
“နင့်လိုတော့ ငါက စကားမတတ်ဘူးနော် ။ ပြောလို့ မနိုင်ရင် ဆွဲထိုးပစ်မှာပဲ”
ထို့နောက် နှစ်ယောက်သား လက်ရှိအခြေအနေများကို မေ့လျော့ပြီး စိတ်လွတ်လက်လွတ် ရယ်မောမိသည်။ ကျွန်မမောင့်ကို ခပ်ဖွဖွဖက်ပြီး နဖူးမှ ဆံစများ ချွေးစက်ကလေးများကို လက်ဖြင့်ပွတ်သပ်ပေးနေမိသည်။
“မောင် အဖျားကျသွားပြီ ၊ အိပ်တော့မလား”
“မောင် ပြန်မှဖြစ်မယ်”
“ကျွန်မကို စိတ်မချလို့လား”
“အဲလို မပြောပါနဲ့ ၊ မင်းကိုလဲ စိတ်ချတယ်။ ကိုယ့်ကိုယ်ကိုလဲ စိတ်ချတယ်။ ဒါပေမယ့် ပတ်၀န်းကျင် …”
“ပြန်မနေနဲ့တော့ မောင်မနက်စောစောကျမှပြန် ၊အခုပဲ ၁၀နာရီလောက် ရှိပြီ။ မောင် မန္တလေးမှာ နေဦးမလား”
“အင်း .. ချစ်ရှိနေရင်တော့ နေချင်တာပေါ့။ နေခွင့်ရှိတယ်ဆိုရင်လေ”
“ကျွန်မ မနက်ဖြန် ပြန်ရမလားလို့ ။ မောင်နေကောင်းရင်”
“ပြန်စရာရှိရင်တော့ ပြန်လေ။ ကိုယ်က ကိစ္စမရှိပါဘူး”
မောင်က နာကျင်ထိခိုက်သွားသော မျက်နှာမျိုးဖြင့် သက်ပြင်းရှိုက်၏ ။

#ဆက်ရန်ရှိ