ရုပ်ရှင်မြိုတော် တည်ဆောက်ရန် စိတ်ဝင်စားသူများကို ဖိတ်ခေါ်
*******************
(ပြည်တွင်း) ဇူလိုင် ၁
ရန်ကုန်တိုင်းဒေသကြီး၊ လှည်းကူးမြို့နယ်၊ မင်းကုန်းကျေးရွာအနီး ရုပ်ရှင်မြို့တော်တည်ဆောက်ရန်အတွက် စိတ်ပါဝင်စားသူများကို နိုင်ငံပိုင်သတင်းစာမှတစ်ဆင့် မြန်မာနိုင်ငံရုပ်ရှင်အစည်းအရုံးက ဖိတ်ခေါ်ထားပါတယ်။
ရုပ်ရှင်မြို့တော်တည်ဆောက်ရန်အတွက် မြေဧက ၂၀၀ လုပ်ပိုင်ခွင့်ရရှိထားပြီးဖြစ်ကြောင်း၊ အဆိုပါမြေနေရာ မှာ ရုပ်ရှင်မြို့တော်စီမံကိန်း Master Plan အရ အပိုင်းလိုက်လုပ်ငန်း ဖော်ဆောင် မည်ဖြစ်ကြောင်း သိရပါတယ်။
ဒါကြောင့် မြန်မာနိုင်ငံရုပ်ရှင်အစည်းအရုံးနှင့် အကျိုးတူပူးပေါင်းဆောင်ရွက်ရန် စိတ်ပါဝင်စားသူလုပ်ငန်းရှင်များအနေနဲ့ စိတ်ဝင် စားမှုဖော်ပြလွှာ(EOI Form)ကိုမြန်မာနိုင်ငံရုပ်ရှင်အစည်းအရုံးတွင် ဝယ်ယူနိုင်ပြီး ဇူလိုင်လ ၁၁ ရက် နောက်ဆုံးထားကာ ပြန်လည်တင်သွင်းနိုင်ကြောင်း အသိပေးထားပါတယ်။
အသေးစိတ်သိရှိလိုပါက အမှတ်(၁၆)၊ ဝင်္ကဘာလမ်း၊ ဗဟန်းမြို့နယ်ရှိ မြန်မာနိုင်ငံရုပ်ရှင်အစည်းအရုံးသို့ လာရောက်ဆက်သွယ်စုံစမ်းနိုင်ကြောင်း ဖော်ပြထားပါတယ်။
