ခွေးလေးတွေကိုနို့နဲ့နို့ထွက်ပစ္စည်းမကျွေးဖို့ ပြောတုန်းက တချို့တွေက "သူတို့ခွေးလေးတွေဆိုရင်မွေးကတည်းကတိုက်လာတာ ဘာမှမဖြစ်ဘူး" ဆိုပြီးလာပြောကြတယ်။
🔺 အရင်တုန်းကတိုက်လို့မပြဿနာရှိဘူး ဆိုပေမယ့် အချိန်ကြာရင် အူလမ်းကြောင်းပျက်စီးနိုင်ပါတယ်။ ခွေးကလေးဟာ အသက်ရှည်ရှည်နေနိုင်ဖို့ ခက်ခဲနိုင်ပါတယ်။
ကျွန်တော်သေချာလေး ပြောပြပေးပါမယ်။
နွားနို့ကဲ့သို့ နို့ထွက်ပစ္စည်းတွေကိုခွေးလေးတွေကိုမကျွေးဖို့ဘာကြောင့် ပြောနေရတာလဲ?
➡️ ခွေးအများစုဟာ အရွယ်ရောက်လာတဲ့အခါ နို့ထွက်ပစ္စည်းတွေမှာပါဝင်တဲ့ (Lactose) ကိုချေဖျက်နိုင်တဲ့ enzymes (Lactase) ဟာ နည်းသွားပြီး မချေဖျက်နိုင်တော့ပါဘူး။
ဆိုးကျိုးအနေနဲ့ ကလေးဟာ ၀မ်းလျှော၊ ၀မ်းပျက်တာ၊ အန်တာ တွေ ဖြစ်နိုင်ပါတယ်။
➡️ တချို့ခွေးတွေက နို့ထဲမှာ ပါ၀င်တဲ့ casein , whey လိုမျိုး proteins ဓာတ်တွေနဲ့ မတည့်တာမျိုး ဖြစ်တတ်ပါတယ်။
ဆိုးကျိုးကတော့ ယားယံ၊ အရေပြားနီရဲ တာမျိုးတွေဖြစ်တတ်ပါတယ်။
➡️ ခွေးအကြီးမျိုးစိတ်တွေထက် ခွေးအသေးစားမျိုးစိတ်တွေမှာ ပိုဖြစ်တတ်ပါတယ်။
➡️ တိုက်ချင်တယ်ဆိုရင် မိခင်နို့ ဒါမှမဟုတ် သူတို့လေးတွေအတွက်သီးသန့်ထုတ်ထားတဲ့ နို့ဘူးတွေကိုသာ တိုက်ကျွေးတာက ကျန်းမာရေးအတွက် ပိုမိုစိတ်ချရပါတယ်။
💬 အခြားတိချစ်သူလေးတွေလဲ သိရအောင် share သွားနိုင်ပါတယ်။
