YBS ပေါ်က ခါးပိုက်နှိုက် ၁၂၀ ကို နှစ်ပတ်ကျော်အတွင်း ဖမ်းဆီး၊ ဖုန်း ၂၈၂ လုံးအပြင် ငွေကျပ် ၁၀ သိန်းနဲ့ ကားတစ်စီးပါ သက်သေခံအဖြစ် ဖမ်းမိ

ဖေဖော်ဝါရီ ၉

YBS ပေါ်က ခါးပိုက်နှိုက် ၁၂၀ ကို နှစ်ပတ်ကျော်အတွင်း ဖမ်းဆီးလိုက်နိုင်ခဲ့ရာမှာ ဖုန်း ၂၈၂ လုံးအပြင် ငွေကျပ် ၁၀ သိန်းနဲ့ ကားတစ်စီးပါ သက်သေခံအဖြစ် ဖမ်းမိခဲ့တယ်လို့ ရန်ကုန်တိုင်းဒေသကြီး ပုဂ္ဂိကသယ်ယူပို့ဆောင်ရေးကြီးကြပ်မှုကော်မတီ တွဲဘက်အတွင်းရေးမှူး ဦးလျန်ကျင့်မန်က လူမှုကွန်ရက်မှာ ရေးသားဖော်ပြထားပါတယ်။

" ၁၄-၁-၂၅ မှ ၃၁-၁-၂၅ ထိ YBS ပေါ် ခါးပိုက်နှိုက်တရားခံ ၁၂၀ ဦး ဖမ်းဆီး။ သက်သေခံ ကား ၁ စီး၊ ဖုန်း ၂၈၂လုံး၊ အိတ် ၁၁ လုံး၊ ငွေ၁၀သိန်း။" လို့ ဦးလျန်ကျင့်မန်က အသိပေးထားပါတယ်။

ရန်ကုန်မြို့မှာ ဖေဖော်ဝါရီ ၇ ရက်စာရင်းအရ YBS ယာဉ်လိုင်း ၁၃၂ လိုင်းက ယာဉ်အစီးရေ ၃၆၃၀ နဲ့ ပြေးဆွဲပေးခဲ့ပြီး ခရီးသည် ၁၄၉၈၀၃၆ ဦး စီးနင်းခဲ့သလို YBS စီးသူတွေ စုဖွဲ့ထားတဲ့ Group တွေမှာ ခါးပိုက်နှိုက်တွေကြောင့် ဖုန်း၊ မှတ်ပုံတင်၊ ငွေသား၊ ဘဏ်ကတ် စတာတွေ ဆုံးရှုံးရမှုအပြင် ရန်ပြုမှုတွေပါကြုံနေရတယ်လို့ ခရီးသည်တွေက မကြာခဏရေးသားကြတာတွေ့လည်း တွေ့ရှိရပါတယ်။

ဒါ့အပြင် ပြီးခဲ့တဲ့ ဇန်နဝါရီ ၁ ရက်နေ့မှာ ဗိုလ်ချုပ်စျေးသစ်ရှေ့တာဝန်ချထားတဲ့ YRTC စစ်ဆေးရေးဝန်ထမ်း ၂ ဦးကို ခါးပိုက်နှိုက်အဖွဲ့က အလုပ်လုပ်လို့မရတာကြောင့် ဓားနဲ့ ထိုးသတ်မယ်လို့ ခြိမ်းခြောက်မှုဖြစ်ခဲ့ပြီး ဒီလိုခြိမ်းခြောက်တာကြောင့် လိုက်လံဖမ်းဆီးရာမှာ ဇန်နဝါရွ ၂၀ ရက်နေ့မှာပဲ ခြိမ်းခြောက်သွားတဲ့ ခါးပိုက်နှိုက် ငြိမ်းချမ်း(ဘ) ဦးတင်ရွှေ အသက် (၄၀) ရွှေအောက်ရုံရပ်ကွက်၊ ကြည့်မြင်တိုင်နေသူနဲ့ ဇန်နဝါရီ ၂၃ ရက်မှာ ခါးပိုက်နှိုက် လင်းလင်း(ဘ)ဦးမောင်စန်း မ/၁၈ ဆိပ်ကမ်းသာလမ်း (၆၇)ရပ်ကွက် ဒဂုံဆိပ်ကမ်းနေသူတို့ကို ရဲတပ်ဖွဲ့က ဖမ်းဆီးမိအပြီး YBS ပေါ်က ခါးပိုက်နှိုက်တွေကို စီမံချက်နဲ့ ဖမ်းဆီးရှင်းလင်းရာမှာ ခါးပိုက်နှိုက်ပေါင်း ၁၂၀ ကို သက်သေခံပစ္စည်းတွေနဲ့အတူ ဖမ်းမိခဲ့တာပဲ ဖြစ်ပါတယ်။

#သတင်းဟင်းလေးအိုးကြီး

တရုတ်မြောက်ပိုင်း မြေပြိုမှု လူ ၃၀ ထက်မနည်း ပျောက်ဆုံးနေ

ပေကျင်း၊ ဖေဖော်ဝါရီ ၉

တရုတ်နိုင်ငံ အနောက်တောင်ပိုင်းမှာ မြေပြိုမှုဖြစ်ပွားပြီးနောက် လူ ၃၀ ထက်မနည်း ပျောက်ဆုံးနေကြောင်း တာဝန်ရှိသူတွေက ပြောပါတယ်။

မြေပြိုဲမှုဟာ စီချွမ်ပြည်နယ် ကျင်ပင်းကျေးရွာမှာ ယမန်နေ့ ဒေသစံတော်ချိန် မနက် ၁၁ နာရီ ၅၀ မိနစ်မှာ စတင်ဖြစ်ပွားခဲ့ပြီး နေအိမ် ၁၀ လုံးနစ်မြုပ်ခဲ့ကာ ပိတ်မိနေသူတွေထဲက လူနှစ်ဦးကို အသက်ရှင်လျက် ကယ်ထုတ်နိုင်ခဲ့တယ်လို့ ဆိုပါတယ်။

အနီးဝန်းကျင်မှ ဒေသခံ ၂၀၀ ကျော်ကို ဘေးလွတ်ရာသို့ ရွေ့ပြောင်းပေးထားရပြီး ရာနဲ့ချီတဲ့ ကယ်ဆယ်ရေးသမားတွေက ရှာဖွေကယ်ဆယ်ရေးတွေ ဆက်လုပ်နေပါတယ်။ အသေအပျောက်အနည်းဆုံးဖြစ်ဖိုနဲ့ နောက်ဆက်တွဲအကျိုးဆက်တွေကို စနစ်တကျ ကိုင်တွယ်စီမံဖို့ တရုတ်သမ္မတ ရှီကျင်းပင်က အမိန့်ပေးထားပါတယ်။

အဲဒီဒေသမှာ လွန်ခဲ့တဲ့ ခြောက်လကစပြီး တောင်ပေါ်ကနေ ကျောက်တုံးကျောက်ခဲတွေ ပြိုကျမှု မကြာခဏ ဖြစ်ပွားခဲ့ကြောင်း ရွာသားတွေကို ကိုးကားပြီး သတင်းဌာနတွေက ဖော်ပြထားပါတယ်။ တရုတ်နိုင်ငံ အနောက်တောင်ဘက် ဝေးလံခေါင်သီတဲ့ ဒေသတွေမှာ မကြာခဏဆိုသလို မြေပြိုမှုတွေ ဖြစ်ပွားလေ့ရှိပါတယ်။

၂၀၂၄ ခုနှစ် ဇန်နဝါရီလကလည်း ယူနန်ပြည်နယ်မှာ မြေပြိုမှုဖြစ်ပွားလို့ ကျေးရွာတဝက်လောက် ပျက်စီးကာ လူဒါဇင်နဲ့ချီသေဆုံးခဲ့ပါတယ်။ ပြီးခဲ့တဲ့ ၁၁ နှစ်ကလည်း အလားတူဒေသမှာပဲ မြေပြိုမှုကြောင့် လူ ၁၈ ယောက် သေဆုံးခဲ့ဖူးပါတယ်။

Ref:BBC
Photo:AP

#centralnewsnayptitaw

ယနေ့ ရွှေဈေးနဲ့ နိုင်ငံခြားငွေလဲနှုန်းများ

ဖေဖော်ဝါရီ ၉

#ရွှေဈေး

-ကမ္ဘာ့ရွှေဈေး
တအောင်စ ၂၈၆၁ ဒေါ်လာ

ပြင်ပ အရောင်းအဝယ်ဖြစ်တဲ့ ရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၆၅၅၀၀၀၀ ကျပ်
ဝယ်ဈေး ၆၅၁၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၆၃၅၀၀၀၀ ကျပ်
ဝယ်ဈေး ၆၃၁၀၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၅၉၃ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၅၁၀ ကျပ်
ဝယ်ဈေး - ၄၄၁၀ ကျပ်

-စင်္ကာပူဒေါ်လာ
ရောင်းဈေး - ၃၃၅၀ ကျပ်
ဝယ်ဈေး - ၃၂၆၀ ကျပ်

-ယူရို
ရောင်းဈေး - ၄၆၃၅ ကျပ်
ဝယ်ဈေး - ၄၅၁၅ ကျပ်

-ထိုင်းဘတ်
ရောင်းဈေး - ၁၃၂.၄၅ ကျပ်
ဝယ်ဈေး - ၁၂၉.၀၃ ကျပ်

-မလေးရှားရင်းဂစ်
ရောင်းဈေး - ၁၀၂၂ ကျပ်
ဝယ်ဈေး - ၁၀၀၀ ကျပ်

-တရုတ်ယွမ်
ရောင်းဈေး - ၆၁၅ ကျပ်
ဝယ်ဈေး - ၆၀၀ ကျပ်

-ဂျပန်ယန်း
ရောင်းဈေး - ၂၉.၆၃ ကျပ်
ဝယ်ဈေး - ၂၈.၈၆ ကျပ်

-အိန္ဒိယရူပီး
ရောင်းဈေး - ၅၁.၁၇ ကျပ်
ဝယ်ဈေး - ၄၉.၈၄ ကျပ်

-ကိုရီးယားဝမ်
ရောင်းဈေး - ၃.၀၈ ကျပ်
ဝယ်ဈေး - ၃.၀၀ ကျပ်

-စတာလင်ပေါင်
ရောင်းဈေး - ၅၅၆၅ ကျပ်
ဝယ်ဈေး - ၅၄၂၅ ကျပ်

-ဩစတြေးလျဒေါ်လာ
ရောင်းဈေး - ၂၈၁၅ ကျပ်
ဝယ်ဈေး - ၂၇၄၀ ကျပ်

-ကနေဒါဒေါ်လာ
ရောင်းဈေး - ၃၁၄၀ ကျပ်
ဝယ်ဈေး - ၃၀၅၅ ကျပ်

-ဟောင်ကောင်ဒေါ်လာ
ရောင်းဈေး - ၅၇၅ ကျပ်
ဝယ်ဈေး - ၅၆၀ ကျပ်

-ယူအေအီး
ရောင်းဈေး - ၁၂၂၀ ကျပ်
ဝယ်ဈေး - ၁၁၉၀ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

#သတင်းဟင်းလေးအိုးကြီး

ဆာလီဘာကို နွေရာသီအဓိကပစ်မှတ်အဖြစ် ရီးရယ်လ်သတ်မှတ်

ဖေဖော်ဝါရီ ၉

ရီးရယ်လ်အသင်းဟာ အာဆင်နယ်အသင်း နောက်ခံလူ ဆာလီဘာကို လာမယ့်နွေရာသီ အပြောင်းအရွှေ့မှာ ခေါ်ယူဖို့ အဓိကပစ်မှတ်အဖြစ် သတ်မှတ်ခဲ့ပါတယ်။

အာဆင်နယ်အသင်း နောက်ခံလူ ဆာလီဘာဟာ ပြီးခဲ့တဲ့နှစ်တွေအတွင်း ပြသခဲ့တဲ့ စွမ်းဆောင်ရည်တွေကြောင့် ကမ္ဘာ့အကောင်းဆုံး နောက်ခံလူတွေထဲက တစ်ဦးအဖြစ် သတ်မှတ်ခံထားရပြီး ၂၀၂၄ ခုနှစ်အတွက် FIFA The Best အကောင်းဆုံး ၁၁ ဦးမှာ ပါဝင်ခဲ့တာပါ။

ရီးရယ်လ်အသင်းဟာ ဆာလီဘာကို ခေါ်ယူဖို့ မကြာခဏ ချိတ်ဆက်မှုတွေရှိနေပြီး နွေရာသီမှာ ခေါ်ယူနိုင်ဖို့ ကြိုးစားတော့မယ်လို့ RMC Sport က ဖော်ပြခဲ့ပါတယ်။

ရီးရယ်လ်အသင်းဟာ သူတို့ရဲ့ခံစစ်ပိုင်းကို အားဖြည့်ဖို့ လုပ်ဆောင်နေတာမှာ ဆာလီဘာဟာ သူတို့လိုချင်နေတဲ့ အရည်အသွေးတွေ ရှိနေတာပါ။

ဒါပေမယ့် အာဆင်နယ်အသင်းကလည်း ဆာလီဘာကို ဆက်ပြီးထိန်းသိမ်းနိုင်ဖို့ လုပ်ဆောင်နေတာ ဖြစ်ပါတယ်။

ဆာလီဘာနဲ့ အာဆင်နယ်အသင်းတို့ ချုပ်ဆိုထားတဲ့ စာချုပ်ဟာ ၂ နှစ် ကျန်ရှိနေသေးတာပါ။

အာဆင်နယ်အသင်းကတော့ ဆာလီဘာကို ရောင်းချခဲ့ရမယ်ဆိုရင် နောက်ခံလူတွေထဲမှာ ကမ္ဘာ့ဈေးအကြီးဆုံး ကစားသမားဖြစ်မယ့် ပြောင်းရွှေ့ကြေး ရရှိချင်နေတာဖြစ်ပါတယ်။

၂၀၂၂ ခုနှစ်က မာဆေးလ်အသင်းကနေ ပြန်လည် ရောက်ရှိလာခဲ့တဲ့ ဆာလီဘာဟာ ပြီးခဲ့တဲ့ရာသီက အာဆင်နယ် အသင်းအတွက် ပရီးမီးယားလိဂ် ၃၈ ပွဲစလုံး ပါဝင်ကစားခဲ့ပြီး ဘရာဇီးလ်နောက်ခံလူ ဂါဘရီရယ်လ်နဲ့ အတွဲအဖက် ညီခဲ့တာပါ။

ရီးရယ်လ်အသင်းဟာ ဆာလီဘာကို မာဆေးလ်အသင်းမှာ အငှားကစားချိန် ကတည်းက ခေါ်ယူဖို့ စောင့်ကြည့် မှုတွေ ပြုလုပ်ခဲ့တာဖြစ်ပါတယ်။

ရီးရယ်လ်အသင်းဟာ ပြီးခဲ့တဲ့နှစ်တွေအတွင်း ခံစစ်ပိုင်းအတွက် ငွေကြေးသုံးစွဲမှုမရှိခဲ့တာပါ။

ရီးရယ်လ်အသင်းဟာ ချယ်လ်ဆီးအသင်းက ရူဒီဂါနဲ့ ဘိုင်ယန်မြူးနစ်အသင်းက အလာဘာတို့ကို အလွတ်နဲ့ ခေါ်ယူခဲ့ပြီး နွေရာသီမှာ လီဗာပူးလ်အသင်းက အာနိုးလ်ကို အလွတ်နဲ့ ခေါ်ယူနိုင်ဖို့ ချိတ်ဆက်နေပါတယ်။

ရီးရယ်လ်အသင်းဟာ လက်ရှိအချိန်မှာ ခံစစ်ပိုင်းဒဏ်ရာ အခက်အခဲတွေကြောင့် ဆာလီဘာကို ခေါ်ယူဖို့ ပစ်မှတ်ထားနေတာဖြစ်ပါတယ်။

Source: Dailymail

ပုံ - ဆာလီဘာကို တွေ့ရစဉ်

#ဘောလုံးသတင်းစုံ

ဖေဖော်ဝါရီ ၉ ရက်နေ့ စက်သုံးဆီစျေးနှုန်းများ

#centralnewsnaypyitaw

ဖေဖော်ဝါရီ ၉ ရက်နေ့ စက်သုံးဆီစျေးနှုန်းများ

#သတင်းဟင်းလေးအိုးကြီး

မြဝတီဘက်သို့ စက်သုံးဆီမှောင်ခိုတင်ပို့သည့် ကားကို ထိုင်းနိုင်ငံတွင် ဖမ်းမိ

ဖေဖော်ဝါရီ ၈

မြဝတီဘက်သို့ စက်သုံးဆီမှောင်ခိုတင်ပို့သည့် ကားကို ထိုင်းနိုင်ငံတွင် ဖမ်းမိခဲ့ကြောင်း ထိုင်းဒေသတွင်း သတင်းများတွင် ဖော်ပြနေကြသည်။

ဖေဖော်ဝါရီလ ၇ ရက် ည ၁၁ နာရီအချိန်ခန့်က ထိုင်း-မြန်မာ နယ်စပ်၊ ထိုင်းနိုင်ငံ၊ တာ့က်ခရိုင်၊ ဖိုးဖ မြို့နယ်၊ ချောင့်ခဲ့ကျေးရွာ၊ စစ်ဆေးရေးဂိတ်တွင် ဖြတ်သန်းမောင်းနှင်လာသည့် ပစ်ကပ်ကားတစ်စီးကို သက်ဆိုင်ရာက တားဆီးစစ်ဆေးစဉ် ဖမ်းမိခဲ့ခြင်းဖြစ်ကြောင်း သိရသည်။

အဆိုပါကားပေါ်တွင် မြဝတီဘက်သို့ တရားမဝင်ပို့ဆောင်မည့် စက်သုံးဆီများကို ထည့်ထားသည့် ပလပ်စတစ်ပုံး အလုံး ၂၀ ကိုတွေ့သောကြောင့် ထိုင်းနိုင်ငံသား ယာဉ်မောင်း၊ မြန်မာနိုင်ငံသူ အမျိုးသမီးတစ်ဦးတို့ကို ဖမ်းဆီးထားကြောင်း သိရသည်။

ဖော်ထုတ်စစ်ဆေးချက်အရ အဆိုပါ စက်သုံးဆီများကို မြန်မာနိုင်ငံ၊ မြဝတီဘက်သို့ ပြန်လည်ရောင်းချရန် မဲဆောက်မြို့နယ်၊ မယ်ကုကျေးရွာရှိ စက်သုံးဆီဆိုင်တစ်ဆိုင်မှ ဝယ်ယူလာခြင်းဖြစ်ကြောင်း ဖော်ထုတ်သိရှိခဲ့ရသောကြောင့် ယခုအခါဖိုးဖမြို့နယ်ရဲစခန်းတွင် ထိန်းသိမ်းထားပြီး ထိုင်းနိုင်ငံ ဥပဒေအရ အရေးယူမည် ဖြစ်ကြောင်း သိရသည်။

Credit - Myanmar Transparency News Agency

#သတင်းဟင်းလေးအိုးကြီး

လျှပ်စစ်မီး၊ စက်သုံးဆီနှင့် အင်တာနက်ဖြတ်တောက်ခံရသော မြဝတီဒေသခံများ ယနေ့ ဆန္ဒပြ၊ ထိုင်းမြန်မာချစ်ကြည်ရေးတံတားနှစ်စင်းနှင့် ထိုင်းသွင်းကုန်များ ပိတ်ပစ်ရန်ပါ ​တောင်းဆို

ဖေဖော်ဝါရီ ၈

မြဝတီ၊ တာချီလိတ်နှင့် ဘုရားသုံးဆူတို့တွင် လျှပ်စစ်ဓာတ်အား၊ လောင်စာဆီနှင့် အင်တာနက် ပြတ်တောက်မှုဒဏ်ခံနေရသော မြန်မာနိုင်ငံသားများသည် မြန်မာဘက်ခြမ်းရှိ အမှတ် (၁) နှင့် အမှတ် (၂) ချစ်ကြည်ရေးတံတားများတွင် ယနေ့ နံနက် ၈ နာရီခွဲတွင် ဆန္ဒထုတ်ဖော်ခဲ့သည်။

အဆိုပါ ချီတက်ပွဲသည် ပန်းခြံတစ်ခုမှ စတင်ကာ တံတားများဆီသို့ ဦးတည်သွားမည်ဖြစ်ပြီး အရပ်သားများအပေါ် လျှပ်စစ်နှင့် စက်သုံးဆီကဲ့သို့ စွမ်းအင်ရင်းမြစ်များ ဖြတ်တောက်မှု၏ သက်ရောက်မှုကို ဖြေရှင်းပေးရန် မြန်မာနှင့် ထိုင်းအာဏာပိုင်များကို တိုက်တွန်းခဲ့သည်။

လျှပ်စစ်မီးဖြတ်တောက်ခြင်းနှင့် အင်တာနက်တာဝါတိုင်များ ဖျက်သိမ်းခြင်းများအပြင် ထိုင်း-မြန်မာနယ်စပ်တစ်လျှောက် လောင်စာဆီတင်ယာဉ်များကို ထိုင်းရဲနှင့် စစ်တပ်က တိုးမြှင့်ထိန်းချုပ်ထားကြောင်း သတင်းများက ဖော်ပြသည်။ ယင်းကြောင့် မြဝတီတွင် စက်သုံးဆီပြတ်လပ်မှု ဆိုးဆိုးရွားရွား ဖြစ်ပေါ်ခဲ့ပြီး မော်တော်ဆိုင်ကယ် အသုံးပြုသူများ ထိခိုက်မှု အများဆုံးဖြစ်ခဲ့သည်။ ယခုအခါတွင် ၎င်းတို့သည် လောင်စာဆီဖြည့်ရန် မဲဆောက်သို့ မကူးနိုင်တော့ဘဲ ထိုင်းဆီဆိုင်များတွင် ကားများ ဆီဖြည့်နေရသည်။

မြဝတီတွင် စက်သုံးဆီဆိုင်ကြီးများ ဖွင့်လှစ်ထားသော်လည်း လောင်စာဆီ ဖြည့်တင်းမှု ကန့်သတ်ထားသလို စက်သုံးဆီဆိုင်ငယ်များပိတ်ထားပြီး စက်သုံးဆီဈေးများလည်း မြင့်တက်လာသည်။

မြဝတီတွင် အစိုးရရုံးများ၊ ဈေးများနှင့် ဆေးရုံများသည် လျှပ်စစ်မီးအတွက် မီးစက်များကို အသုံးပြုနေကြပြီး အချို့အိမ်များမှာ ဆိုလာစွမ်းအင်ကို အားကိုးကြရသည်။ သာမန်ပြည်သူလူထုက ဆီမီးခွက်ကို သုံးနေရသော်လည်း ကျားဖြန့်နာမည်ပျက် ရွှေကုက္ကိုလ်တွင် လျှပ်စစ်မီးကို အဓိကအားဖြင့် မီးစက်များမှ ရရှိပြီး သုံးစွဲမှု ၅၀ ရာခိုင်နှုန်း လျှော့ချခဲ့သလို KK Park တွင် ဓာတ်အားအသုံးပြုမှု ၄၀ ရာခိုင်နှုန်း ကျဆင်းခဲ့သည်။

ယနေ့နံနက်တွင် ဆန္ဒပြသူများက လျှပ်စစ်မီး၊ စက်သုံးဆီနှင့် အင်တာနက်ဖြတ်တောက်ခံရမှုအတွက် ထိုင်း- မြန်မာ ချစ်ကြည်ရေးတံတားနှစ်ခုကို ပိတ်ပစ်ရန်နှင့် ထိုင်းကုန်စည်များဝင်ရောက်ခွင့်မပြုရန် တောင်းဆိုခဲ့သလို အဆိုပါတောင်းဆိုချက်များကို မြန်မာအစိုးရနှင့် နယ်ခြားစောင့်တပ်များထံ တင်ပြရန် စီစဉ်ထားသည်။ အဆိုပါ ဆန္ဒပြမှုကို နယ်စပ်တစ်လျှောက်လုံခြုံရေးရယူထားသည့် ထိုင်းအာဏာပိုင်များက ငြိမ်းချမ်းစွာ စောင့်ကြည့်ခဲ့သည်။


ထိုင်းနိုင်ငံမှ ပြည်နယ်လျှပ်စစ်အာဏာပိုင်အဖွဲ့ (PEA) သည် မြန်မာနိုင်ငံနှင့် ထိုင်းနိုင်ငံ နိုင်ငံခြားရေး ဝန်ကြီးဌာနတို့က ထောက်ခံချက် ရရှိထားသည့် ကုမ္ပဏီငါးခုမှတစ်ဆင့် မြန်မာနိုင်ငံသို့ ချိတ်ဆက်၍ လျှပ်စစ်ဓာတ်အား ဖြန့်ဖြူးပေးလျက်ရှိပြီး အဆိုပါကုမ္ပဏီများမှာ မြပန်းရင်းနှီးမြှုပ်နှံမှု ကုမ္ပဏီမှ မွန်ပြည်နယ် ဘုရားသုံးဆူ၊ Allure Group (P&E) မှ မိုင်းတုံ-တာချီလိတ်မြို့နယ်နှင့် ထိုင်း-မြန်မာချစ်ကြည်ရေးတံတား( တာချီလိတ်)၊ Nyi Naung Oo Co., Ltd. & Enova Grid Enterprise (Myanmar) Co., Ltd မှ ထိုင်း-မြန်မာချစ်ကြည်ရေးတံတား အမှတ် ၂ (မြဝတီ)နှင့် ရွှေမြစ်သောင်ရင်း စက်မှုကုန်ထုတ်လုပ်ငန်း ကုမ္ပဏီလီမိတက်မှ ကရင်ပြည်နယ် မြဝတီဒေသတို့ကို လျှပ်စစ်မီးပေးနေခြင်းဖြစ်ပြီး အဆိုပါ မီးပေးမှုများမှာ မြဝတီဒေသမှ ကျားဖြန့်ဂိုဏ်းများအသုံးပြုနေသည်ဟုဆိုကာ ဖေဖော်ဝါရီ ၅ ရက် နံနက် ၉ နာရီမှ စတင်ကာ လျှပ်စစ်မီးဖြတ်တောက်ခဲ့ခြင်းဖြစ်သည်။

Ref, Thai Enquirer / Photo – CJ

Credit - MT News Agency

#centralnewsnaypyitaw

ကန် အကူအညီဖြတ်မှု ရုရှားနှင့်ဘယ်လာရုစ်က မီဒီယာများ ရပ်တည်ဖို့ခက်လာ

ဝါရှင်တန်၊ ဖေဖော်ဝါရီ ၈

အမေရိကန်အစိုးရက ပြည်ပအကူအညီများကို လျှော့ချဖြတ်တောက်နေသဖြင့် ရုရှားနှင့် ဘယ်လာရုစ်နိုင်ငံများ တွင် အာဏာပိုင်များ၏ ထိန်းချုပ်မှုများနှင့် ရင်ဆိုင်နေရသည့် လူ့အခွင့်အရေးအဖွဲ့များ၊ တက်ကြွလှုပ်ရှားသူများနှင့် လွတ်လပ်သည့် မီဒီယာများအတွက် စိန်ခေါ်မှုများနှင့် ရင်ဆိုင်လာရကြောင်း အေပီမှ ဖော်ပြခဲ့သည်။

အမေရိကန်သမ္မတ ဒေါ်နယ်ထရမ့် (Donald Trump) သည် ပြည်ပနိုင်ငံများနှင့် အဖွဲ့အစည်းများအား ထောက်ပံ့ပေးနေသည့် အမေရိကန်၏ အကူအညီများကို ရက်ပေါင်း ၉၀ ဆိုင်းငံ့ရန် ဆုံးဖြတ်ခဲ့ခြင်းဖြစ်သည်။

ထိုအကူအညီများကို USAID နှင့် အမေရိကန်အစိုးရက ရန်ပုံငွေ ထောက်ပံ့ပေးထားသည့် အခြားအဖွဲ့အစည်းများ က ထောက်ပံ့ပေးခဲ့ခြင်းဖြစ်ပြီး ပြည်ပနိုင်ငံများရှိ လူ့အခွင့်အရေး တက်ကြွလှုပ်ရှားသူများနှင့် လွတ်လပ်သည့် မီဒီယာများအတွက် အဓိက ထောက်ပံ့ငွေ အရင်းအမြစ်ဖြစ်ခဲ့သည်။

“အခုအခါမှာတော့ တော်တော်ဆိုးပါတယ်။ ဒီလိုအခြေအနေမျိုးသာ မရောက်ခဲ့ဘူးဆိုရင် ကမ္ဘာတစ်ဝန်းက အဖွဲ့အစည်းတွေဟာ အခုထက်ပိုပြီး ကောင်းမွန်တဲ့ အရာတွေကို အများကြီးလုပ်နိုင်ပါလိမ့်မယ်”ဟု ရုရှားနိုင်ငံမှ အမည်မဖော်လိုသည့် တက်ကြွလှုပ်ရှားသူတစ်ဦးက အေပီသတင်းဌာနကို ပြောကြားခဲ့သည်။

ထရမ့်၏ ဆုံးဖြတ်ချက်ကို ရုရှားနှင့် ဘယ်လာရုစ်နိုင်ငံတို့ရှိ လူ့အခွင့်အရေးအဖွဲ့များနှင့် လွတ်လပ်သည့် မီဒီယာ အဖွဲ့များက အလွန်ဆိုးရွားသော ဆုံးဖြတ်ချက်ဖြစ်သည်ဟုဆိုကာ ဝေဖန်နေကြသည်။

ရုရှားနိုင်ငံသားများ ဖွဲ့စည်းထားသည့် လူ့အခွင့်အရေးအဖွဲ့အချို့သည် ထောက်ပံ့ငွေများ ဖြတ်တောက်ခံခဲ့ရသဖြင့် ၎င်းတို့၏ အသုံးစရိတ်များကို လျှော့ချပြီး လုပ်စရာရှိသော အစီအစဉ်များကိုလည်း ဆိုင်းငံ့ထားကာ လုပ်ငန်းစဉ် များကို ဆက်လက် လည်ပတ်နေရသည်။

၎င်းတို့သည် ပုဂ္ဂလိကကဏ္ဍမှ အလှူငွေများအား လက်ခံရရှိထားသဖြင့် ထရမ့်၏ အကူအညီများ ဆိုင်းငံ့မှုသည် ၎င်းတို့အဖွဲ့အပေါ် အနည်းငယ် သက်ရောက်မှုရှိခဲ့ကြောင်း OVD-Info အဖွဲ့၏ ပြောရေးဆိုခွင့်ရှိသူ ဒီမီထရီ အန်နီစီမော့ဗ် (Dmitry Anisimov) က ပြောကြားခဲ့သည်။

OVD-Info သည် ရုရှားတွင် နိုင်ငံရေးသမားများ ဖမ်းဆီးခံရမှုကို စစ်တမ်းကောက်ယူပြီး တရားရေးဆိုင်ရာ အကူအညီပေးနေသည့် လူ့အခွင့်အရေးအဖွဲ့ဖြစ်သည်။

သို့သော် ၎င်းတို့ အဖွဲ့အစည်းအား ကူညီထောက်ပံ့ပေးနေသည့် အဖွဲ့များသည် အမေရိကန်၏ ထောက်ပံ့ငွေ ဆိုင်းငံ့မှုဒဏ်ကို သိသိသာသာ ခံစားခဲ့ရကြောင်း ဒီမီထရီ အန်နီစီမော့ဗ်က ဆိုသည်။

ရုရှားအစိုးရကို ဆန့်ကျင်သည့် ပြည်ပြေးမီဒီယာတစ်ခု၏ အမည်မဖော်လိုသည့် အယ်ဒီတာတစ်ဦးကမူ အွန်လိုင်းမှ အလှူငွေ တောင်းခံမှုသည် ခိုင်လုံသည့် ဝင်ငွေ အရင်းအမြစ်များထဲမှ တစ်ခုအပါအဝင် ဖြစ်လာခဲ့ကြောင်း ပြောကြားခဲ့သည်။

Source: အပေီ

ပုံ - ဆန္ဒပြသူကို လုံခြုံရေးတပ်ဖွဲ့က ဖမ်းနေစဉ်

#centralnewsnaypyitaw