MySPACE

8 w - Translate

😒

Comment

8 w - Translate

မရောနိစ်လုပ်နည်း (၄) နည်း
---------------------
မရောနစ်လုပ်နည်းလေးကိုသင်တန်းတက်စဉ်ကာလနဲ့ဟိုတယ်မှာအလုပ်ဝင်ခဲ့တုန်းကသာလုပ်ဖြစ်ခဲ့တာမို့မေးလာတဲ့မိတ်ဆွေများကိုပြောပြဖို့ကျကိုယ်တိုင်ပြန်လုပ်ပြီးမှပြောပြနိုင်မှာမို့အချိန်တွေကြာနေခဲ့တာပါ။မြို့ကြီးပြကြီးတွေမှာတော့အလွယ်တကူဝယ်ယူရရှိနိုင်ပေမဲ့နယ်မြို့ကသူတွေအတွက်တော့အနည်းငယ်အခက်အခဲရှိကြမယ်ထင်ပါတယ်။မရောနစ်ကိုအတော်များများနေရာမှာအသုံးဝင်တာမို့မိမိကိုယ်တိုင်စမ်းသပ်ပြုလုပ်လိုတဲ့အိမ်ရှင်မများအသေးစားလုပ်ငန်းသုံးများအတွက်အသုံးတည့်စေမဲ့နည်းဘဲဖြစ်ပါတယ်။ပါဝင်ပစ္စည်းအနည်းငယ်နဲ့အချိန်အနည်းငယ်အတွင်းပြုလုပ်နိုင်ပြီးတခါပြုလုပ်ပြီးရေခဲသေတ္တာတွင်တပတ်ခန့်ထားပြီးအသုံးပြုနိုင်ပါတယ်။လုပ်ကြည့်ရအောင်နော်။
ပါဝင်ပစ္စည်း
********
ကြက်ဥအနှစ် - တစ်လုံး
သံပုရာရည် - တစ်ဇွန်းခွဲ လ္ဘက်ဇွန်း
ရှာလကာရည် - တစ်ဇွန်း
ဆား - ဇွန်း တဝက်
ဆီ - ၂၀၀ ml
(Salad Oil, Olive Oil)
ပြင်ဆင်ပြုလုပ်ပုံ
***********
1.ဦးစွာပထမဇလုံတခုနှင့်မွေတံကိုသန့်ရှင်းခြောက်သွေ့အောင်ပြုလုပ်ထားပါ။
2.ကြက်ဥကိုအကာအနှစ်ခွဲထုတ်ပြီးအနှစ်ကိုဇလုံတွင်ထည့်ပါ။
3.သံပုရာရည်ရှာလကာရည်နှင့်ဆားကိုထည့်ပြီးစက္ကန့်၃၀ခန့်သမအောင်မွေပေးပါ။
4.ပြီးလျှင်ဆီကိုတဖက်မှဖြေးညင်းစွာထည့်ပြီးတဖက်မှအဆက်မပျက်မွေပေးပါ။လက်တဖက်တည်းမနိုင်ပါကနည်းနည်းထည့်မွေထပ်ထည့်ထပ်မွေပြုလုပ်ပါ။နှစ်ယောက်လည်းပြုလုပ်နိုင်ပါတယ်။
5.တဖြည်းဖြည်းပျစ်လာပါကဆက်ပြီးမွေပေးပါအရောင်ဖြူလာသည်ထိ၈မိနစ်ခန့့်မွေပေးပြီးသန့်ရှင်းခြောက်သွေ့သောဘူးပုလင်းတို့တွင်ထည့်ပြီးရေခဲသေတ္တာတွင်သိမ်းဆည်းကာဘာဂါဆန်းဒွစ်အသုပ်များတွင်လိုသလိုအသုံးပြုနိုင်ပြီဖြစ်ပါတယ်။
❀မုန်ညင်းစေ့အနှစ်ထည့်လိုပါကဆီထည့်မမွေခင်လ္ဘက်ဇွန်းတဝက်ထည့်ပေးနိုင်ပါတယ်။မရှိလျှင်မထည့်လည်းရပါတယ်။
❀ကြက်ဥအနှစ်တလုံးစာပြုလုပ်လျှင်မရောနစ်၂၃၀ဂရမ်ရရှိပါတယ်။(ပုံပါအတိုင်း)
❀သံပုရာရည်ဗီနီကာမရောဘဲနှစ်သက်ရာတမျိုးတည်းအသုံးပြုနိုင်ပါတယ်။
❀ဆီကိုsoy bean oil ,Sunflower oil,Olive Oil ,Canola Oil တို့ကိုသုံးနိုင်ပါတယ်။
❀မွေနေစဉ်တွင်အတတ်နိုင်ဆုံးတဖက်တည်းသာမွေပါ။အမွေမလွန်အောင်လ ည်းဂရုပြုပါ။လိုအပ်တဲ့အနေရောက်ပါက ဆက်မမွေရပါ။ဆီပြန်ကွဲသွားတတ်ပါတ ယ်။
#credit Sofia

Comment

8 w - Translate

၂၀၂၅ ခုနှစ်၊ စက်တင်ဘာလ လပတ်အတွက် မိုးလေ၀သနှင့်ဇလဗေဒခန့်မှန်းချက်
--------------------------------------------------------------------
ဘင်္ဂလားပင်လယ်အော်အခြေအနေ
====================
၁။ ဘင်္ဂလားပင်လယ်အော်တွင် လေဖိအားနည်းရပ်‌၀န်း (၂) ကြိမ် ဖြစ်ပေါ်နိုင်ပြီး၊ (၁) ကြိမ်တွင် ပိုမို အားကောင်းလာကာ မုန်တိုင်းငယ်အဖြစ်သို့ ‌ရောက်ရှိနိုင်ပါသည်။ အနောက်တောင်မုတ်သုံလေသည် ၂၀၂၅ ခုနှစ်၊ စက်တင်ဘာလ ၁၄ ရက်နေ့မှ ၁၉ ရက်နေ့အတွင်း မြန်မာနိုင်ငံမြောက်ပိုင်းဒေသများမှ လည်းကောင်း၊ စက်တင်ဘာလ ၂၀ ရက်နေ့မှ ၂၅ ရက်နေ့အတွင်း မြန်မာနိုင်ငံအလယ်ပိုင်းဒေသ များမှလည်းကောင်း၊ စက်တင်ဘာလ ၂၆ ရက်နေ့မှ အောက်တိုဘာလ ၁ ရက်နေ့အတွင်း မြစ်ဝကျွန်းပေါ် ဒေသများမှလည်းကောင်း ဆုတ်ခွာသွားဖွယ်ရာရှိပါသည်။ အနောက်တောင်မုတ်သုံလေသည် ကပ္ပလီ ပင်လယ်ပြင်နှင့် ဘင်္ဂလားပင်လယ်အော်တို့တွင် အားအနည်းငယ်မှ အားအသင့်အတင့် ရှိနိုင်ပါသည်။
မိုးအခြေအနေနှင့် မိုးရွာရက်
================
၂။ မိုးရွာသွန်းမှုအ‌ခြေအနေမှာ နေပြည်တော်၊ မန္တလေးတိုင်းဒေသကြီး၊ ကယားပြည်နယ်နှင့် ရှမ်းပြည်နယ်(တောင်ပိုင်းနှင့် အရှေ့ပိုင်း)တို့တွင် ရွာသွန်းမြဲထက်ပိုနိုင်ပြီး၊ စစ်ကိုင်းတိုင်းဒေသကြီး အထက်ပိုင်းနှင့် ကချင်ပြည်နယ်တို့တွင် ရွာသွန်းမြဲအောက် လျော့နည်းနိုင်ကာ၊ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်း ပြည်နယ်(မြောက်ပိုင်း)တို့တွင် ရွာသွန်းမြဲခန့် မိုးထစ်ချုန်းရွာနိုင်ပါသည်။
၃။ ရန်ကုန်တိုင်းဒေသကြီး၊ ပဲခူးတိုင်းဒေသကြီးအရှေ့ပိုင်း၊ ဧရာဝတီတိုင်းဒေသကြီး၊ တနင်္သာရီ တိုင်းဒေသကြီး၊ ကရင်ပြည်နယ်၊ မွန်ပြည်နယ်နှင့် ရခိုင်ပြည်နယ်တို့တွင် ၂၁ ရက်မှ ၂၅ ရက်ခန့်၊ နေပြည်တော်၊ မန္တလေးတိုင်းဒေသကြီး၊ ပဲခူးတိုင်းဒေသကြီးအနောက်ပိုင်း၊ စစ်ကိုင်းတိုင်းဒေသကြီး အထက်ပိုင်း၊ ကချင်ပြည်နယ်၊ ချင်းပြည်နယ်နှင့် ရှမ်းပြည်နယ်(တောင်ပိုင်းနှင့် အရှေ့ပိုင်း)တို့တွင် ၁၆ ရက်မှ ၂၀ ရက်ခန့်နှင့် မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ကယား ပြည်နယ်နှင့် ရှမ်းပြည်နယ်(မြောက်ပိုင်း)တို့တွင် ၁၁ ရက်မှ ၁၅ ရက်ခန့် မိုးထစ်ချုန်းရွာနိုင်ပါသည်။
မြစ်ရေအခြေအနေ
===========
၄။ ၂၀၂၅ ခုနှစ်၊ စက်တင်ဘာလအတွင်း ဧရာဝတီမြစ်ရေသည် ရွှေကူမြို့၊ ပခုက္ကူမြို့၊ ညောင်ဦးမြို့၊ ဆိပ်သာမြို့၊ ဟင်္သာတမြို့နှင့် ဇလွန်မြို့တို့တွင် (၁)ကြိမ်ခန့်စီ၊ ချင်းတွင်းမြစ်ရေသည် ဟုမ္မလင်းမြို့၊ ဖောင်းပြင်မြို့နှင့် မုံရွာမြို့တို့တွင် (၁)ကြိမ်ခန့်စီ၊ ဒုဋ္ဌဝတီမြစ်ရေသည် မြစ်ငယ်မြို့တွင် (၁)ကြိမ်ခန့်၊ စစ်တောင်းမြစ်ရေသည် တောင်ငူမြို့နှင့် မဒေါက်မြို့တွင် (၁)ကြိမ်ခန့်စီ၊ ရွှေကျင်မြစ်ရေသည် ရွှေကျင် မြို့တွင် (၁)ကြိမ်ခန့်၊ ပဲခူးမြစ်ရေသည် ပဲခူးမြို့တွင် (၁)ကြိမ်ခန့်၊ သံလွင်မြစ်ရေသည် ဘားအံမြို့တွင် (၁)ကြိမ်ခန့်၊ သောင်ရင်းမြစ်ရေသည် မြဝတီမြို့တွင် (၁)ကြိမ်ခန့်၊ ငဝန်မြစ်ရေသည် ငါးသိုင်းချောင်းမြို့နှင့် သာပေါင်းမြို့တို့တွင် (၁) ကြိမ်ခန့်စီ၊ တိုးမြစ်ရေသည် မအူပင်မြို့တွင် (၁)ကြိမ်ခန့်နှင့် ဘီးလင်း မြစ်ရေသည် ဘီးလင်းမြို့တွင် (၁)ကြိမ်ခန့် ယင်းမြို့များ၏ စိုးရိမ်ရေမှတ်အသီးသီးအထက်သို့ ကျော်လွန် ရောက်ရှိနိုင်ပါသည်။