အသစ်တစ်ဖန် ပြန်လည်ထွက်ရှိလာတဲ့
ကလေးမလေး ပေါ်လီယာနာရဲ့ စာအုပ်အလှလေး 🌸
လူတစ်ယောက်အတွက် စိတ် ဆိုတဲ့ အရာက အရမ်းကို အရေးကြီးပါတယ်။စိတ်က သတ်ရင် လူကိုတောင် သေစေနိုင်ပါတယ်။ ဒါကြောင့် မင်မင်ကတော့ အမြဲတမ်းလိုလို ကောင်းမွန်တဲ့အတွေးလေးတွေ တွေးဖြစ်အောင် ကြိုးစားခဲ့တယ်။
လူတွေ တော်တော်များများက လူတိုင်းကို အသိမပေးဘဲ ကိုယ့်ဒဏ်ရာတွေနဲ့ ကိုယ် ရုန်းကန်နေကြရတာပါ။ ဒါကို မသိဘဲ သူတစ်ပါးကို ပြောချင်ရာပြောလိုက်လို့ တစ်ဖက်လူရဲ့ စိတ်ထဲမှာ တစ်ခုခု အနာတရဖြစ်သွားမှာကို အရမ်းကြောက်ပါတယ် ။ ကိုယ်တိုင်လည်း အဲ့လိုဒဏ်တွေ မခံနိုင်ဘူးရယ် ။
တစ်ရက်မှာတော့ ဒီ 11နှစ်အရွယ် ကလေးမလေး
ပေါ်လီယာနာ အကြောင်းရေးသားထားတဲ့ ဒီစာအုပ်လေးကို ဖတ်လိုက်ရပါတယ် ။ ဒီစာအုပ်လေးထွက်တာ ကြာပြီဆိုပေမယ့် ဘယ်တော့မှမရိုးတဲ့ စာအုပ်လေးပဲ ဖြစ်ပါတယ် ။ ပေါ်လီယာနာလေးကလည်း ကောင်းမွန်တဲ့အတွေးလေးတွေ အမြဲတွေးနေတတ်ပြီး ကစားနည်းတစ်ခုလိုတောင်ကစားနေခဲ့တာပါတဲ့ ။
ပြီးတော့ သူက တခြားသူတွေကိုပါ ကစားဖို့ အကြုံပြုတတ်သေးတယ်။ဘယ်လို အခက်အခဲမျိုးပဲဖြစ်ဖြစ် ကောင်းတဲ့ဘက်ကနေပဲ တွေးနေတတ်တာ....
ဒါကြောင့် သူနဲ့တွေ့ပြီးနောက်ပိုင်း ကောင်းမွန်တဲ့ အတွေးတွေ တွေးဖြစ်ဖို့ကို အရမ်းကြီး အာရုံစိုက်မနေဘဲ ကစားနည်းတစ်ခုလိုပဲ ပျော်ရွှင်စရာတစ်ခုအနေနဲ့ လွတ်လွတ်လပ်လပ် တွေးတတ်လာတယ်။
အခုဆိုရင် အရမ်းစိတ်ချမ်းသာလာရတယ် ။ ဆိုးရွားတဲ့အခြေအနေတွေမှာတောင် ဘာမှမဖြစ်သလိုပဲ လှပမှုတွေကို ခံစားပြီး ကောင်းကောင်းကြီးရပ်တည်နိုင်လာတယ် ။ ပိုပြီးလည်း သန်မာလာတယ်လို့ ခံစားရတယ် ။
လူတွေအများကြီး မဟုတ်ရင်တောင် ကိုယ့်အနီးနားက လူတိုင်းကို ကောင်းမွန်တဲ့ အတွေးလေးတွေ ဝေမျှပေးချင်တယ်။ လူတိုင်းကိုလည်း ပေါ်လီယာနာလေးလို ကောင်းမွန်တဲ့အတွေးလေးတွေ တွေးစေချင်တယ် ။
လူတစ်ယောက်ကို စိတ်ချမ်းသာစေချင်တယ်ဆိုတာ ပစ္စည်းတွေ လက်ဆောင်တွေပေးနေမှရယ် မဟုတ်ပါဘူး ။ လူတစ်ယောက်ကို အပြုံးလေးတစ်ပွင့် ဖန်တီးပေးတာ ၊ ကိုယ့်ကြောင့် သူတစ်ပါးစိတ်ချမ်းသာသွားရတာ ဘယ်လောက်တောင် တန်ဖိုးရှိလိုက်သလဲနော် ။
ဘယ်အလုပ်ပဲ လုပ်လုပ် ၊ ဘယ်လိုစကားပဲပြောပြော သူ့နေရာမှာ ငါသာဆိုရင် ဆိုတဲ့စိတ်လေးနဲ့ နေထိုင်သွားမယ်ဆိုရင် လောကကြီးက ဘယ်လောက်သာယာလိုက်မလဲ ။
ဒါကြောင့် စာဖတ်သူတို့လည်း အချိန်တစ်ခုရတဲ့အခါ
ဒီစာအုပ်လေးကိုဖတ်ကြည့်ပြီး ကိုယ့်ရဲ့ကောင်းမွန်တဲ့ အတွေးလေးတွေကို အချိန်တိုင်းတွေးနေနိုင်အောင် ကြိုးစားကြရအောင်နော်.......
#ထင်လင်း #ပေါ်လီယာနာ #မြကြေးမုံ_စာအုပ်ဆိုင်
