ပုလဲမြို့နယ်မှာ လေကြောင်းတိုက်ခိုက်ခံရလို့ ထိခိုက်သေဆုံးသူ သုံးဦးထက်မနည်းရှိ
မေ ၊၁၉ ၊၂၀၂၅
SP (VOM)
စစ်ကိုင်းတိုင်း ယင်းမာပင်ခရိုင် ပုလဲမြို့နယ် ချင်ပြစ်ကျေးရွာအုပ်စု ၊နွယ်အင်းကျေးရွာမှာ မနေ့က လေကြောင်းက တိုက်ခံရလို့ အနည်းဆုံး လူသုံးယောက်ထက်မနည်း ထိခိုက်သေဆုံးတာတွေရှိခဲ့တယ်လို့ ချင်ပြစ်ကျေးရွာအုပ်စုနေ ဒေသခံတွေက ပြောပါတယ် ။
မနေ့ ေမ ၁၈ရက် နေ့လယ်ပိုင်း ၁၂ နာရီနောက်ပိုင်း ၁ နာရီ ၀န်းကျင် နွယ်အင်းရွာမှာ လေကြောင်းတိုက်ခိုက်ခံရတယ် ၊ ထိခိုက်သေဆုံးသူ အနည်းဆုံး လူသုံးယောက်ထက်မနည်း ရှိတယ်လို့ သိရတယ် ၊ရွာခံတွေက လေကြောင်းရန် ကာကွယ်ဖို့ ဘေးလွတ်ရာကို ထွက်ပြေးတိမ်းရှောင်နေလို့ အသေအပျောက် စာရင်းအတိအကျ မသိရသေးဘူး " လို့ ချင်ပြစ်ဒေသခံတယောက်က ပြောပါတယ်။
အဲ့ဒီ နွယ်အင်းကျေးရွာ၀န်းကျင်မှာ ဟိုအရင်က ဗိုလ်နဂါးတပ်ဆိုပြီး ဒေသတွင်း လက်နက်ကိုင် အဖွဲ့တွေ ရှိခဲ့တယ်လို့ သိရပါတယ်။
" ထိခိုက် သေဆုံးသူတွေကတော့ မကြယ်စင်ဦး (၁၂ တန်း ကျောင်းသူ ) မောင်ဖုန်းမင်းသန့် ၊ဒေါ်မရီ ဆိုသူအပါအ၀င် သုံးယောက်ဟာ အခင်းဖြစ်နေရာမှာ သေဆုံးသွားတယ်လို့ သိရပါတယ်။
ဒါ့အပြင် အဲ့ဒီဖြစ်စဥ်မှာ မသင်းမြတ် ဆိုသူလည်း ဆေးကုသခံရင်း ထပ်မံသေဆုံးသွားတယ်လို့ နောက်ဆက်တွဲကြားသိရပါတယ်။
နွယ်အင်းရွာခံတယောက် ပြောတာက " ကိုဖိုးတုပ် ကိုလင်းစိန် ၊မောင်​ေ၀ယံစိုး ၊ မဆွေမာ၀င်း ၊ မဖြူဖြူလုံး နဲ့ သုံးနှစ်အရွယ် ကလေးငယ် တယာက်လည်း ဒဏ်ရာတွေရခဲ့တယ် " လို့ ပြောပါတယ်။
ပြီးခဲ့တဲ့ ရက်ပိုင်းက ပုလဲမြို့နယ်နဲ့ ယင်းမာပင်မြို့နယ်အစပ် မြောက်ယမားဆည်ဘောင်နားမှာ သစ်ကုန်သည်လို့ ယူဆရတဲ့ လူနှစ်ယောက် သတ်ဖြတ်ခံရပြီး ပိုက်ဆံ သိန်းသုံးရာကျော် အပါအ၀င် လက်စွပ် ၊ ဆွဲကြိုး ၊ ဖုန်းနဲ့ ဆိုင်ကယ်တွေပါ ပျောက်ဆုံးနေတဲ့ မှုခင်းဖြစ်စဥ်တခု ဖြစ်ခဲ့တယ်လို့ သိရပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ
(မေ - ၁၉ ရက်)
#ရွှေဈေး
-ကမ္ဘာ့ရွှေဈေး
တအောင်စ ၃၂၂၆ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၅၇၁၀၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
* စနစ်ဟောင်း
(၁ိ - ၁၆.၆၀၆ ဂရမ် = ၁၂၈ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၇၄၈၀၀၀၀ ကျပ်
ဝယ်ဈေး ၇၄၄၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၇၀၈၀၀၀၀ ကျပ်
ဝယ်ဈေး ၇၀၄၀၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၇၃၆၀၀၀၀ ကျပ်
ဝယ်ဈေး ၇၃၂၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၆၉၆၀၀၀၀ ကျပ်
ဝယ်ဈေး ၆၉၂၀၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)
#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၅၉၉ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၄၁၀ ကျပ်
ဝယ်ဈေး - ၄၃၆၀ ကျပ်
-စင်္ကာပူဒေါ်လာ
ရောင်းဈေး - ၃၄၀၀ ကျပ်
ဝယ်ဈေး - ၃၃၆၀ ကျပ်
-ယူရို
ရောင်းဈေး - ၄၉၇၀ ကျပ်
ဝယ်ဈေး - ၄၈၇၀ ကျပ်
-ထိုင်းဘတ်
ရောင်းဈေး - ၁၃၂.၇၈ ကျပ်
ဝယ်ဈေး - ၁၃၁.၂၈ ကျပ်
-မလေးရှားရင်းဂစ်
ရောင်းဈေး - ၁၀၃၀ ကျပ်
ဝယ်ဈေး - ၁၀၁၅ ကျပ်
-တရုတ်ယွမ်
ရောင်းဈေး - ၆၁၅ ကျပ်
ဝယ်ဈေး - ၆၀၄ ကျပ်
-ဂျပန်ယန်း
ရောင်းဈေး - ၃၀.၅၆ ကျပ်
ဝယ်ဈေး - ၃၀.၂၁ ကျပ်
-အိန္ဒိယရူပီး
ရောင်းဈေး - ၅၁.၇၆ ကျပ်
ဝယ်ဈေး - ၅၀.၇၅ ကျပ်
-ကိုရီးယားဝမ်
ရောင်းဈေး - ၃.၁၈ ကျပ်
ဝယ်ဈေး - ၃.၁၄ ကျပ်
-စတာလင်ပေါင်
ရောင်းဈေး - ၅၉၀၀ ကျပ်
ဝယ်ဈေး - ၅၇၉၀ ကျပ်
-ဩစတြေးလျဒေါ်လာ
ရောင်းဈေး - ၂၈၄၅ ကျပ်
ဝယ်ဈေး - ၂၈၁၃ ကျပ်
-ကနေဒါဒေါ်လာ
ရောင်းဈေး - ၃၁၇၀ ကျပ်
ဝယ်ဈေး - ၃၁၁၀ ကျပ်
-ဟောင်ကောင်ဒေါ်လာ
ရောင်းဈေး - ၅၆၉ ကျပ်
ဝယ်ဈေး - ၅၅၈ ကျပ်
-ယူအေအီး
ရောင်းဈေး - ၁၂၁၀ ကျပ်
ဝယ်ဈေး - ၁၁၈၅ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

#ယနေ့ထုတ်သတင်းစာ_နိုင်ငံတကာသတင်း
◼ အစ္စတန်ဘူလ်ဆွေးနွေးပွဲအပြီး ရက်ပိုင်းအတွင်း မောင်းသူမဲ့လေယာဉ် ၂၇၀ ကျော်ဖြင့် ယူကရိန်းကို ရုရှားအပြင်းထန်ဆုံးတိုက်ခိုက်
ယူကရိန်းစစ်ပွဲ တင်းပြည့်ကျပ်ပြည့် စတင်ခဲ့သည့် ၂၀၂၂ ခုနှစ် နောက်ပိုင်း အပြင်းထန်ဆုံးနှင့် အကြီးမားဆုံး မောင်းသူမဲ့လေယာဉ် တိုက်ခိုက်မှုကိုရုရှားနိုင်ငံက မေ ၁၈ ရက် တွင် ပြုလုပ်ခဲ့ကြောင်း သိရသည်။
ယူကရိန်းစစ်ပွဲကို အဆုံးသတ်နိုင်ရေးအတွက် တူရကီနိုင်ငံ အစ္စတန် ဘူလ်မြို့တော်၌ သုံးနှစ်တာ ကာလအတွင်း ပထမဆုံးနှစ်နိုင်ငံ တိုက်ရိုက် ဆွေးနွေးပွဲများ ကျင်းပခဲ့ပြီး ရက်ပိုင်းအတွင်းမှာပင် စစ်ကာလတစ်လျှောက် အပြင်းထန်ဆုံး မောင်းသူမဲ့လေယာဉ် တိုက်ခိုက်မှုကို ရုရှားနိုင်ငံက ပြုလုပ်ခဲ့ခြင်းဖြစ်ကြောင်း ယူကရိန်းတာဝန်ရှိသူများက ပြောကြားသည်။
မေ ၁၈ ရက် မောင်းသူမဲ့လေယာဉ်တိုက်ခိုက်မှုတွင် ရုရှားတပ်များသည် မောင်းသူမဲ့လေယာဉ် ၂၇၃ စင်း အသုံးပြု၍ ယူကရိန်းအရှေ့ပိုင်းဒွန်းနက်စ်ဒေသနှင့် ကိယက်ဗ်ဒေသကြီးများကိုတိုက်ခိုက်ခဲ့ကြောင်း ယူကရိန်းလေတပ်ကသတင်းထုတ်ပြန်ထားသည်။
ယူကရိန်းစစ်ဘက်၏ သတင်းအချက်အလက်များအရ မေ ၁၈ ရက် မောင်းသူမဲ့လေယာဉ်တိုက်ခိုက်မှုသည် ယူကရိန်းစစ်ပွဲကာလတစ်လျှောက် မောင်းသူမဲ့လေယာဉ်စင်းရေ အများဆုံးပါဝင်ခဲ့သော တိုက်ခိုက်မှုဖြစ်ကြောင်း သိရသည်။
ရုရှားနိုင်ငံသည် ယူကရိန်းစစ်ပွဲဖြစ်ပွားမှုသုံးနှစ်ပြည့် နှစ်ပတ်လည်အကြိုနေ့ဖြစ်သည့် ယခုနှစ်ဖေဖော်ဝါရီ ၂၃ ရက်ကလည်း ယူကရိန်းနိုင်ငံကို မောင်းသူမဲ့လေယာဉ်များဖြင့် အကြီးအကျယ်တိုက်ခိုက်ခဲ့ရာ ထိုစဉ်ကမောင်းသူမဲ့လေယာဉ် ၂၆၇ စင်းအထိ အသုံးပြုခဲ့သည်။
အစ္စတန်ဘူလ်မြို့တော်၌ မေ ၁၆ ရက်တွင် ကျင်းပခဲ့ပြီး အချိန်ကာလအားဖြင့် တစ်နာရီနှင့်မိနစ် ၄ဝ သာကြာမြင့်ခဲ့သော နှစ်နိုင်ငံတိုက်ရိုက်ဆွေးနွေးပွဲတွင် ရုရှားနှင့်ယူကရိန်းတာဝန်ရှိသူများအနေဖြင့် အပစ်အခတ်ရပ်စဲရေးသဘောတူညီချက် ရယူနိုင်မှုမရှိခဲ့ပေ။
မေ ၁၈ ရက် မောင်းသူမဲ့လေယာဉ်တိုက်ခိုက်မှုတွင် ယူကရိန်းလေကြောင်းရန်ကာကွယ်ရေးတပ်များက ရုရှားမောင်းသူမဲ့လေယာဉ် ၈၈ စင်းကို ပစ်ချနိုင်ခဲ့ကြောင်း သိရသည်။
အဆိုပါ တိုက်ခိုက်မှုအတွင်း ရုရှားနိုင်ငံသည် အယောင်ပြမောင်းသူမဲ့လေယာဉ် ၁၂၈ စင်းကိုလည်း အသုံးပြုခဲ့ရာ ယင်းလေယာဉ်များအနေဖြင့်မည်သည့်ပစ်မှတ်ကိုမျှ ထိမှန်ခဲ့ခြင်းမရှိကြောင်း ယူကရိန်းလေတပ်က ထုတ်ဖော်ပြောကြားထားသည်။
ရိုက်တာ

မင်္ဂလာပါရှင် ဖတ်ဖြစ်ခဲ့တဲ့စာအုပ် ဆရာမနုနုရည်(အင်းဝ)ရဲ့ လဝန်းစက်ဝိုင်းထက်ပိုင်းပြတ်ကြွေ ဆိုတဲ့ ရသစာပေဝတ္ထုတစ်ပုဒ်ကို sharing လုပ်ပေးချင်ပါတယ်ရှင်။
စာအုပ်အမည် _ လဝန်းစက်ဝိုင်းထက်ပိုင်းပြတ်ကြွေ
စာရေးဆရာ _ နုနုရည်(အင်းဝ)
အမျိုးအစား _ ရသစာပေ( စိတ်ပညာနှင့်ဆက်နွှယ်ပြီးရေးဖွဲ့ထားသော မိန်းကလေးတစ်ယောက်ရဲ့ဘဝအကြောင်း)
စာမျက်နှာ _ ၂၃၇
ဒီစာအုပ်ကလွန်ခဲ့တော့၂၈နှစ်ခန့်ကရေးသားခဲ့တဲ့စာအုပ်တစ်အုပ်လို့အမှာစာမှာဖော်ပြထားပါတယ်။ဆရာမကဒီစာအုပ်ကိုရေးဖို့ စံလွဲစိတ်ပညာအကြောင်း၊ ကျားမခွဲခြားမှု၊ အိမ်တွင်းအကြမ်းဖက်မှု ( Domestic Violence) စသည့် စိတ်ပညာဘာသာရပ်ဆိုင်ရာ စာအုပ်တွေဖတ်ခဲ့ရတယ်လို့ သိရပါတယ်။
ထူးခြားတာတစ်ခုကတော့ စာအုပ်ထဲက ဇာတ်လိုက်ဖြစ်တဲ့မိန်းကလေးဟာ သူ့စိတ်ထဲမှာ ဖြစ်ပေါ်နေတဲ့အကြောင်းတွေ၊ မြင်ရတွေ့ရတဲ့အရာတွေ၊ ဖြစ်ချင်တာတွေကို သူချစ်ရတဲ့ သူ့အရုပ်လေး “ ဒေါ်လီ” ကိုပြန်ပြောပြနေတဲ့ပုံစံမျိုးရေးဖွဲ့ထားတာဖြစ်ပါတယ်။
ဇာတ်လိုက်မိန်းကလေးက သူ့ဘဝမှာ ‌နာမည် ၃ ခုနဲ့နေထိုင်ခဲ့ရတယ်။ ဘာလို့နာမည်၃ခုနဲ့ နေခဲ့ရတဲ့အကြောင်း‌ကိုပြောပြချင်တာဖြစ်လို့ spoil ဖြစ်သွားရင် တောင်းပန်ပါတယ်ရှင်။
“ အမှောင်ကို ကြောက်တယ် . .
နှင်းဆီပန်းတွေကို မုန်းတယ် . . .
ပုလဲလုံးတွေကို မုန်းတယ် . . .
အတွယ်တာဆုံးကတော့ . . .
ငယ်ငယ်လေးကတည်းက
မခွဲမခွာအတူနေခဲ့တဲ့
ဒေါ်လီအရုပ်ကလေးပေါ့ . . . ။”
လဝန်းစက်ဝိုင်း ထက်ပိုင်းပြတ်ကြွေ
ခွေးနီမ
ခွေးနီမတဲ့ ကြီးတော်ခေါ်တဲ့နာမည်လေ သူသိပ်မုန်းတဲ့နာမည်ပေါ့။ ၇လနှင့်မွေးလို့ အဖေကသူ့သမီး မဟုတ်ဟုစွပ်စွဲကာ သူ့မိဘတွေရန်‌တွေဖြစ်၊ ကွဲကြကွာကြပြီး ငယ်စဉ်အခါကတည်းက သူ့ကိုကြီးတော်ဆီမှာပစ်ထားခဲ့ကြတယ်။ ကြီးတော်ရဲ့ လက်အောက်မှာ ကြီးပြင်းခဲ့တဲ့သူဟာ ငယ်ငယ်ကတည်းကမပြောရဲမဆိုရဲ၊ ‌ကြီးတော်ကို အင်မတန် ကြောက်ခဲ့ရသူဖြစ်တယ်။ ထိုချိန်ကတည်းက ဒေါ်လီ အရုပ်ကလေးဟာ သူ့အတွက် တွယ်တာရာ၊ သူ့ခံစားချက်တွေကိုထုတ်ဖော်ရာ ထွက်ပေါက်လေးတစ်ခု ဖြစ်လာတယ်။ လူကြီးတစ်ယောက်ရဲ့ဆိုဆုံးမမှု မှားယွင်းပုံကြောင့် ထိုစဉ်ကတည်း ကလေးငယ်တစ်ယောက်ဟာ စိတ်တွင်းအနာတရ ဖြစ်လာတတ်တယ်။
ခင်ကျော်လေး
ခင်ကျော်လေးတဲ့ မိဘတွေနာမည်နှစ်ခုစလုံးပါတဲ့နာမည်လေးပေါ့၊ သူ့အမေပေးထားတဲ့ သူသိပ်ကြိုက်တဲ့နာမည်လေးပေါ့။
ကြီးတော်ဆုံးပါးပြီးနောက်မှာ သူဟာ သူ့‌အမေကလာခေါ်ခဲ့တယ်။ သူ့အမေနှင့် နေရမယ်ဆိုတော့သူပျော်ခဲ့တာပေါ့။ သို့သော် သူသည် သူ့အမေရဲ့နောက်အိမ်ထောင်ရယ်၊ သူ့ရဲ့မအေတူ‌ဖအေကွဲ မောင်နှမတွေရှိသော ထိုအိမ်၌ ကျောင်းတက်ရင်း ကျဉ်းကျပ်စွာ လိုက်နေခဲ့ရတယ်။ အမေရဲ့ ချစ်မေတ္တာကိုတစ်ယောက်ထဲအပိုင်ရချင်သောသူဟာ မောင်နှမတွေအပေါ်မနာလိုဝန်တိုမှု‌တွေတိုးလာခဲ့တယ်။ ကျောင်းတွေပိတ်ချိန်မှာတော့ အဖေ့အိမ်မှာသွားနေခဲ့ရတယ်။ အဖေ့နောက်အိမ်ထောင်ရယ်၊ ‌ကျန်းမာရေးမကောင်းသော ဖအေတူမအေကွဲမောင်နှင့် ထပ်၍နေထိုင်ခဲ့ရပြန်တယ်။ အဲဒီနောက်မှာ သူရဲ့စိတ်အတွင်း မှာလည်း အနာတရဖြစ်စရာတွေပိုများလာခဲ့ပြန်ပါတယ်။
ခင်ငြိမ်းအေး
“ခင်ငြိမ်းအေး” သူကိုယ်တိုင်ပြောင်းခဲ့တဲ့နာမည်‌လေးပေါ့။ သူ့ကိုကြီးခေါ်တာတော့ငြိမ်းတဲ့။
မူလတန်းပြဆရာမလေးငြိမ်း၊ သူချစ်ခင်နှစ်သက်ရ‌သူ ကိုကြီးနှင့် လက်ထက်ခဲ့သောငြိမ်း။
ထိုနာမည် သုံးခုနှင့် မိန်းကလေးဟာ သူ့ဘဝဘယ်လိုနေထိုင်ခဲ့ရလဲ၊ ဘယ်လိုကြီးပြင်း လာခဲ့လဲ၊ သူ့ရဲ့အိမ်ထောင်ရေးကရော ဘယ်လိုဖြစ်မလဲ၊ သူမျှော်မှန်းထားသလို အေးချမ်း သာယာတဲ့ဘဝမျိုးရနိုင်မလားဆိုတာဖတ်ရှုရမှာဖြစ်ပါတယ်။ ပုံစံတစ်မျိုးကွဲထွက်နေတဲ့ စာအုပ်လေးမလို့ ဖတ်ကြည့်ကြဖို့အကြံပြုချင်ပါတယ်ရှင်။
ဒီစာအုပ်ကိုဖတ်နေရင်း တော်တော်ကိုမွန်းကြပ်ရပါတယ်၊ အရေးအသားက ကိုယ်တိုင် တွေ့ကြုံနေရသလို ဖတ်နေရင်းနဲ့ကို မွန်းကြပ်ပြီးစိတ်ညစ်သွားတယ်။ ဇာတ်လိုက် မိန်းကလေးကိုတော့ သနားဂရုဏာသက်ရပြန်ပါရော။ စိတ်အဆင်မပြေတဲ့အချိန်မှာ တော့မဖတ်သင့်ဘူးလို့ထင်ပါတယ်။
Rating _3.9/5 မကြိုက်တဲ့အချက်တော့ရှိပါတယ်။ ဇာတ်အရမ်းနာပါတယ်။ ကိုယ့်အမြင်အရ အဲလိုပုံစံမျိုးသိပ်မကြိုက်လို့ပါ။
အမှားပါရင်နားလည်ခွင့်လွှတ်ပေ

စာအုပ်အမည် – မေတ္တာမီးအိမ်
စာရေးသူ – ဆရာမ ကြည်အေး
"မေတ္တာမီးအိမ်" ဟာ ဆရာမ ကြည်အေး ရေးသားထားတဲ့ စိတ်ထိခိုက်စရာ၊ သံသရာသဘောအပြည့်အဝ ထင်ဟပ်စေတဲ့ စာအုပ်တစ်အုပ်ဖြစ်ပါတယ်။ စာအုပ်အမည်အတိုင်းပင် မေတ္တာဆိုတဲ့အကြောင်းအရာကို အဓိကထားပြီး၊ ၅၂၈ မေတ္တာနဲ့ ၁၅၀၀ မေတ္တာဟုခေါ်ဆိုသော မေတ္တာနှစ်မျိုးကို ပေါင်းစပ်ကာ ဖော်ပြထားပါတယ်။
စာအုပ်ထဲမှာ မေတ္တာပေးနည်းမှန်ကန်ဖို့၏ အရေးပါမှုကို ထင်ဟပ်စွာဖော်ပြထားပြီး၊ “မေတ္တာပေးနည်းကို မှန်မှန်ကန်ကန် သိထားဖို့က အရေးကြီးတယ်” ဆိုတဲ့ သင်ခန်းစာဟာ စာဖတ်သူရဲ့စိတ်ထဲမှာ ကျန်နေစေမှာ သေချာပါတယ်။
ဇာတ်လမ်းအစမှာ မိဘတစ်ဦးကို မုန်းနေတဲ့ စိတ်ဒဏ်ရာနဲ့ ပြည့်နေတဲ့ မိန်းကလေးတစ်ဦး — အဖြူ ကိုမိတ်ဆက်ပေးချင်ပါတယ်။ သူမအဖေ ဦးကိုလေး နှင့် သူမရဲ့ချစ်သူ ဒေါက်တာလှဦး တို့က အဓိက ဇာတ်ကောင်များဖြစ်ပြီး၊ သူတို့သုံးဦးလုံးရဲ့ ဆက်နွယ်မှုတွေ၊ စိတ်ထဲက မေတ္တာနဲ့နာကျင်မှုတွေကို တဖြည်းဖြည်းဖော်ပြလာပါတယ်။
ဤဇာတ်လမ်းသည် လူမှုဘောင်ထဲက မိသားစုဆိုင်ရာ အမှားအယွင်းများ၊ မေတ္တာပေးနည်းအမှားများကြောင့် ဖြစ်ပေါ်လာနိုင်တဲ့ စိတ်ဒဏ်ရာများကို အနုစိတ်ဖော်ပြထားပြီး၊ မိဘများအနေနဲ့ မေတ္တာကိုဘယ်လိုပေးသင့်သလဲ၊ မိမိလုပ်ဆောင်မှုက သားသမီးစိတ်ဓာတ်အပေါ် ဘယ်လိုသက်ရောက်မှုရှိနိုင်သလဲဆိုတာကို ပြန်စဉ်းစားစေပါတယ်။
ဒီထဲမှာနောက်ထပ် သူစိမ်းကလည်း မိဘကောင်းဖြစ်လာနိုင်တာကို ဒေါက်တာလှဦးရဲ့ မွေးစား မိဘ တို့ကို သာဓက ဖြင့်‌ဖော်ပြထားတာကိုတွေ့ရပါလိမ့်မယ်။ကြည်နူးစရာ အချစ် ဇာတ်လမ်းလေးပါ ပါတာမို့ ဖတ်ရှုသင့်ပါတယ်။
(စာဖတ်သူအနေနဲ့စိတ်ဝေဒနာရှင်ကို အဖြူအဖြစ်မမြင်ဘဲ သူမရဲ့အဖေ ဦးကိုလေး ကိုသာရောဂါကျွမ်းနေသူ တစ်ယောက်အဖြစ်သာတွေ့မြင်ပါတယ်။)
စာဖတ်သူ အမြင်အရ မေတ္တာမီးအိမ် သည် မေတ္တာပေးနည်းအပေါ် ပြန်လည်စဉ်းစားစေဖို့၊ မိသားစုအတွင်းနားလည်မှုတိုးစေဖို့အတွက် အသင့်တော်ဆုံးစာအုပ်တစ်အုပ်ဖြစ်ပါတယ်။ စိတ်ညစ်နေတဲ့အချိန်ထက် စိတ်အေးချမ်းတဲ့အချိန်မှာဖတ်ဖို့ အထူးသင့်တော်ပါတယ်။ မိဘများ၊ လူငယ်များအတွက် တန်ဖိုးရှိတဲ့ သင်ခန်းစာများနဲ့ ပြည့်နှက်နေတဲ့ စာအုပ်လေးတစ်အုပ်ပါပဲ။

မင်္ဂလာပါရှင်
ဒီနေ့ ဆရာမမိုးမိုး(အင်းလျား)ရဲ့ ဘယ်သူလာကူပါ့မယ် ဆိုတဲ့စာအုပ်လေးကို sharing လုပ်ပေးချင်ပါတယ်ရှင်။
ဒီစာအုပ်လေးမှာတော့ အသက်ငယ်ငယ်နဲ့ မိသားစုတာဝန်ကိုထမ်းပိုးခဲ့တဲ့ မိန်းကလေး တစ်ယောက်အကြောင်းကို ပုံဖော်ရေးသားထားတာဖြစ်ပါတယ်။
“အိုဆရာရယ်၊ နွယ်မှောင်ခိုလုပ်တာ နွယ်ကောင်းစားဖို့မဟုတ်ပါဘူး၊ နွယ်လုပ်လဲမလုပ်ချင်ပါဘူး၊ သူတို့အတွက်လုပ်ရတာပါ၊ မိဆွေလေ နွယ့် ညီမပေါ့ သူကျောင်းဆက်တက်ချင်တယ်ဆိုတာ တက်ချင်တက်ပါဆိုပြီး၊ ပြီးတော့ဖေဖေကနေကောင်းတာမဟုတ်ဘူး၊ မေမေဆုံးတာကြာပြီဆရာ၊ အငယ်ဆုံးကောင်မလေးကိုးနှစ်သမီးကပေါ့”
ဘယ်သူလာကူပါ့မယ်
နွယ်တို့မိသားစုဟာ သိပ်ပြီးအဆင်ပြေလှရယ်တော့မဟုတ်ခဲ့ပါ။ နွယ့်ဖခင်ကရိုးသားတဲ့ရဲအရာရှိတစ်ယောက်၊ ဖခင်ရဲ့လစာကလေးရယ် နွယ့်မိခင်ရဲ့ခြစ်ကုပ်စုဆောင်းမှုနှင့် တစ်ဖက်တစ်လမ်းကဝင်ငွေကြောင့်သာ နွယ်တို့ပူပန်မှုမရှိနေနိုင်ခဲ့ကြတယ်။ နွယ်ဟာမိသားစုရဲ့သမီးကြီးတစ်ယောက်ဖြစ်ကာ ညီအစ်မလေးယောက်အနက် အစ်မကြီးတစ်ယောက် ဖြစ်တယ်။ သားသမီးများကို ပညာတတ်ကြီးဖြစ်စေချင်သောမိဘများမှာ သမီးကြီးနွယ့်ကို ရန်ကုန်၌ ပညာသင်စေခဲ့တယ်။ နွယ်သည် ပညာကိုကြိုးစားသင်ယူရင်းနှင့်ပင် လူငယ်တို့သဘာဝအရ အချစ်ကိုရှာတွေ့ခဲ့လေတယ်။ ထိုချိန်ထိမိသားစုနှင့် ချစ်ရသူမောင်ရှိသော သူမရဲ့ဘဝလေးဟာ အေးချမ်းသာယာခဲ့လေတယ်။
မိခင်ဖြစ်သူရုတ်တရက်ဆုံးပါးသွားသောအခါ၌ သူမရဲ့ဘဝကား တစ်ဆစ်ချိုးပြောင်းလဲသွားခဲ့တယ်။ အစ်မကြီးအမိရာဆိုတဲ့စကားတိုင်း သူ့ရည်မှန်းချက်ဖြစ်တဲ့ တက္ကသိုလ်ဆက်တက်မည့်အရေးကို စွန့်လွှတ်ကာ အရွယ်နှင့်မလိုက်အောင် မိသားစုတာဝန်ကို ထမ်းပိုးခဲ့တယ်။ ညီမငယ်များ စာ၌စိတ်မဝင်စားပဲ အတုယူမမှားရလေအောင် သူမအချစ်ကိုလည်း စွန့်လွှတ်ခဲ့ပြန်ပါတယ်။ ဒီလိုနဲ့နွယ်ဟာ ဖခင်ရဲ့လစာ‌လေးနှင့်မလောက်ငှလို့ တစ်ဖက် တစ်လမ်းကဝင်ငွေရအောင် မိခင်ချန်ထားခဲ့တဲ့ငွေတိုငွေစကလေးနဲ့ မှောင်ခိုလုပ်ကာ စီးပွားရှာပါတော့တယ်။ အစမှာကြောက်ကြောက်နှင့်လုပ်ရရှာသော်လည်း နောက်ပိုင်း မိသားစုစားဝတ်နေရေးနှင့် ညီမငယ်များ၏ပညာရေးအတွက် ဒီအလုပ်တွင်းထဲကို နက်သထက်နက်လာခဲ့ပါတော့တယ်။ မိသားစုအတွက်ရုန်းကန်နေရင်းနှင့်ပင် ကိုယ်ကိုယ်တိုင်အတွက်မေ့လျှော့ကာ ဘဝမှာပျော်စရာရယ်လို့မရှိခဲ့ရဘူး။ မိသားစုနှင့် စားဝတ်နေရေးအတွက်ပူပန်နေရင်းမှပင် သူမရဲ့စိတ်ဟာပင်ပန်းလာခဲ့တော့တယ်။အဲဒီလိုနဲ့ မိသားစုအတွက်ကြိုးစားရုန်းကန်‌နေရှာတဲ့သူမရဲ့ဘဝလေးကဘယ်လိုဆက်ဖြစ်မလဲ။ မိသားစုအတွက် ဘယ်လောက်တောင်ကြိုးစားရုန်းကန်ခဲ့ရလဲ။ သူမရဲ့အလုပ်က ဘယ်လောက်ထိအခက်အခဲတွေရှိလဲဆိုတာကို ရင်တမောမောနှင့် စိတ်ဝင်စားဖွယ် ဖတ်ရှုရမှာဖြစ်ပါတယ်။
ဒီစာအုပ်လေးထဲမှာ မိသားစုအတွက်အကြီးတစ်ယောက်ရဲ့ စွန့်လွှတ်အနစ်နာခံမှု၊ ဘယ်လိုအခက် အခဲဒုက္ခပင်တွေ့ပါစေ ကိုယ့်အားကိုယ်ကိုးကာ အားမလျှော့ပဲ မိသားစုတာဝန်ကိုထမ်းရွက်ခဲ့တဲ့ မိန်းကလေးတစ်ယောက်ရဲ့ ခွန်အား၊ ညီမငယ်များအပေါ် ‌မိဘတစ်ယောက်သဖွယ်စောင့်ရှောက်နိုင်တဲ့ အစ်မတစ်ယောက်ရဲ့မေတ္တာ တွေကိုကွက်ကွက် ကွင်းကွင်းတွေ့ရှိရမှာဖြစ်ပါတယ်။ နောက်ပြီး ကိုယ်မမြင်ဖူးတဲ့ ထိုခေတ်အခါကစနစ်၊ စီးပွားရေးအခြေ အနေ၊ စားဝတ်နေရေးအတွက် ဘယ်လိုလုပ်ကိုင်စားသောက်ကြလဲဆိုတာကိုသိရှိရမှာဖြစ်ပါတယ်။
ဒီစာအုပ်လေးက ဆယ်ကျော်သက်မိန်းကလေးတွေအတွက် စိတ်ခွန်အားရနိုင်မယ့် စာအုပ်လေးဖြစ်သလို၊ မိသားစုတာဝန်နှင့်ကိုယ်ပိုင်ဘဝကြား ရုန်းကန်နေကြသူတွေ အတွက်စဉ်းစားစရာများပေးနိုင်တဲ့စာအုပ်ကောင်းတစ်အုပ်ဖြစ်တာမလို့ ဖတ်ကြည့်ကြပါလို့ အကြံပြုချင်ပါတယ်ရှင်။
Rating _ 4.5/5
ကိုယ်ပိုင်အမြင်အရ ဇာတ်သိမ်းကိုသိပ်မကျေနပ်ပါဘူး။ နွယ့်ကို ပိုကောင်းတဲ့ ဘဝလေးကိုရစေချင်မိတယ်။ နောက်ပြီးမိသားစုဆိုတာ ဘယ်တော့မှမပြတ်နိုင်တဲ့ကြိုးတစ်ချောင်းလိုပါပဲ၊ ဒါပေမယ့် ဒီကြိုးကို ကိုယ့်လည်ပင်းမှာပတ်ထားရင်းနဲ့ပဲ ကိုယ်ကိုယ်တိုင်ကိုတော့ မစွန့်လွှတ်သင့်ဘူးဆိုတာကို နားလည်စေတယ်။

နတ်နွယ် မြန်မာပြန်
ORIGINALLY -1947
"The Woman of Rome" ဟာ အီတလီစာရေးဆရာ Alberto Moravia ရဲ့ ထင်ရှားတဲ့ဝတ္ထုတစ်စောင်ဖြစ်ပြီး၊ စိတ်ခံစားမှုတွေကို တိုးတိုးတိတ်တိတ်နဲ့ဖော်ပြပေးထားပါတယ်။ မြန်မာဘာသာပြန်အဖြစ် ဖတ်ရတာနဲ့လည်း လက်လှမ်းမှုရှိပြီး စကားလုံးတွေထဲက ခံစားချက်တွေကလည်း ရှင်းလင်းစေပါတယ်။
ဒီထဲမှာ သူမအမေက တခါတရံ သူမဘဝကို ဘာအတွက်အသက်ရှင်နေတာလဲဆိုတာပဲ မသိတော့တဲ့အထိ စိတ်ပင်ပန်းလာတဲ့အခြေအနေတွေမှာAdrianaကို သူမယောကျာ်းယူမှားကြောင်း၊ချမ်းသာသူကိုယူသင့်ကြောင်း၊ဂျီဆယ်လာကိုအတုယူသင့်ကြောင်း ဆုံးမပုံတို့ကိုတွေ့မြင်ရမှာဖြစ်ပြီး၊သူမသမီးကိုသူမလိုမဆင်းရဲအောင်အမြဲဆုံးမနေပုံတို့ကိုတွေ့မြင်ရမှာဖြစ်ပါတယ်။
အဓိကဇာတ်ကောင် Adriana ဟာ ရောမခေတ် လူမှုဘောင်အတွင်းမှာ ကိုယ်တိုင်ရဲ့တန်ဖိုးနဲ့ ရှင်သန်နေဖို့ ကြိုးပမ်းနေတဲ့အမျိုးသမီးတစ်ယောက် ဖြစ်တယ်။သူမ၏ချစ်ခြင်း၊ဆင်းရဲပျက်စီးမှုနဲ့ တစ်ကိုယ်တော်ရုန်းကန်မှုတွေက သူမဘဝရဲ့အခြေခံဖြစ်လာပါတယ်။
ဂျီနို(driver)
သူမ၏ပထမချစ်သူ မိန်းကလေးတစ်ယောက်ရဲ့အလိုကို သိရှိသူဆိုလဲမမှားနိုင်ပါဘူး။သူကိုတော့ ရှောင်သင့်တဲ့ယောကျာ်းအမျိုးအစားဆို လဲမမှားနိုင်ပါဘူး။ မိန်းကလေးတစ်ယောက်ရဲ့ အပျိုစင်ကို အရယူပြီး လေပေါ် ကအိမ် လိုပဲဆောက်သွားတဲ့လူ အဖြစ်တွေ့မြင်ရမှာ ဖြစ်ပါတယ်။
ဂျီဆယ်လာ မိန်းမပျက်တစ်ဉီးသူမရဲ့သူငယ်ချင်းကောင်းလိုပြောနိုင်သလို သူငယ်ချင်းဆိုးလို.လဲပြောနိုင်ပါတယ်။Adriana ရဲ့အမေတောင် သူမကို မှားပြီးအတုယူစေခဲ့ဖူးပါတယ်။
သူမက ဂျီနိုရဲ့အမှန်တရားကို သိရှိလာပြီးနောက် မိန်းမပျက်ဘဝကို ခြေဆုံပစ်ဝင်ခဲ့တယ်။ ငွေရဲ့အရသာမှာပျော်မွေ့လာတယ်။သူမရဲ့ပထမဆုံး၀င်ငွေကို သူမအမေထံအပ်နှံချိန်တွင် လမ်းမှန်းညွှန်းမိသော အမေတစ်ယောက်ရဲ့‌‌ေနာင်တစကားသံမှာငါသေချင်တယ်ဟူသောစကားသံဖြစ်ပါတယ်။(သူမကို ရိုက်၍ဆုံးမမည့်အစား)
အက်စတာရီတာ၊ဂျီယာစင်တီ ၊ ဂျီယာကိုမို၊စသော လူကုံ ထံတို့နဲ့ပျော်ပါးရတာကို ပျော်မွေ့လာပုံတွေ့ရှိရမှာဖြစ်ပါတယ်။နောက်ဆုံး ကြမ်းတမ်းရက်စက်သော လူသတ်သမားကြီး ဆွန်ဇနို၏ကလေးကိုလွယ်မိသည့်အထိပျော်မွေ့ခဲ့ပုံ၊နောက်ဆုံးသူ မရဲ့ ချစ်ရပါသော မတော်လိုက်ရသော ခင်ပွန်း ထိုခေတ်ကနိုင်ငံရေးသမား မီနို သူရဲ.မိန်းကလေးတစ်ယောက်အပေါ်တာဝန်ယူမှုကိုအထင်သားတွေ့မြင်ရမှာဖြစ်ပါတယ်။

#ယနေ့ထုတ်သတင်းစာ_နိုင်ငံတကာသတင်း
◼ ကမ္ဘာ့အပျော်ရွှင်ရဆုံး မြို့တော်ကြီးများစာရင်း တတိယနေရာတွင် စင်ကာပူရပ်တည်
၂ဝ၂၅ ခုနှစ်၏ အပျော်ရွှင်ရဆုံးကမ္ဘာမြို့တော်ကြီးများ စာရင်းကို ဗြိတိန်နိုင်ငံ လန်ဒန်မြို့တော်အခြေစိုက် ဘဝအရည်အသွေး အင်စတီကျုက မေ ၁၈ ရက်တွင် ထုတ်ပြန်ခဲ့ရာ ဒိန်းမတ်နိုင်ငံ ကိုပင်ဟေဂင်မြို့က ကမ္ဘာ့အပျော်ရွှင်ရဆုံးမြို့တော်အဖြစ် ရပ်တည်နေပြီး ဆွစ်ဇာလန်နိုင်ငံဇူးရစ်မြို့က ဒုတိယမြောက်အပျော်ရွှင်ရဆုံး ကမ္ဘာ့မြို့တော်အဖြစ် ရပ်တည်နေကြောင်း သိရသည်။
အရှေ့တောင်အာရှနိုင်ငံတစ်နိုင်ငံဖြစ်သည့် စင်ကာပူနိုင်ငံ၏ စင်ကာပူမြို့တော်မှာ အပျော်ရွှင်ရဆုံးကမ္ဘာ့မြို့တော်ကြီးများ စာရင်း၌ အဆင့်(၃)နေရာတွင် ရပ်တည်လျက်ရှိသည်။
အလားတူ တောင်ကိုရီးယားနိုင်ငံ ဆိုးလ်မြို့တော်နှင့် တရုတ်(တိုင်ပေ) ကျွန်း တိုင်ပေမြို့တော်တို့မှာ ဆဋ္ဌမမြောက်အပျော်ရွှင်ရဆုံးနှင့် အဋ္ဌမမြောက်အပျော်ရွှင်ရဆုံးကမ္ဘာ့မြို့တော်များအဖြစ် ရပ်တည်နေကြောင်း သိရသည်။
ကမ္ဘာ့အပျော်ရွှင်ရဆုံးမြို့တော်ကြီးများစာရင်း၌ တတိယနေရာတွင် စင်ကာပူမြို့တော်ရပ်တည်နိုင်မှုတွင် ပညာရေးနှင့်တီထွင်ဆန်းသစ်မှုတို့အဓိကအခန်းကဏ္ဍမှ ပါဝင်နေကြောင်း ဘဝအရည်အသွေး အင်စတီကျုက သုံးသပ်ထားသည်။
ဘဝအရည်အသွေး အင်စတီကျုအနေဖြင့်အပျော်ရွှင်ရဆုံးကမ္ဘာ့မြို့တော်ကြီးများ စာရင်းကိုပြုလုပ်ရာတွင် ယင်းမြို့တော်ကြီးများ၌ နေထိုင်သူများ၏ပျော်ရွှင်မှုအပေါ် အကျိုးသက်ရောက်မှုရှိသည့်အချက်များဖြစ်သော နိုင်ငံသား၊ အုပ်ချုပ်မှု၊ သဘာဝပတ်ဝန်းကျင်၊ စီးပွားရေး၊ ကျန်းမာရေးနှင့်လွတ်လပ်စွာ သွားလာနိုင်မှုတို့ကို လေ့လာဆန်းစစ်ပြီးနောက်ပြုလုပ်ခဲ့ခြင်းဖြစ်သည်။
မေ ၁၈ ရက်တွင် ထုတ်ပြန်ခဲ့သောကမ္ဘာ့အပျော်ရွှင်ရဆုံး မြို့တော်ကြီးများ စာရင်းသည် ဘဝအရည်အသွေးအင်စတီကျုက ထုတ်ပြန်ခဲ့သည့် ခြောက်ခုမြောက်စာရင်းဖြစ်သည်။
စီအင်န်အေ

ငြိမ်ငြိတွယ်-အယ်လီယာ(Rating-4/5)
ငြိမ်ငြိမ်လေးနဲ့ ငြိတွယ်ရတဲ့ဝတ္ထုလေး တစ်ပုဒ်
“ စောင့်မနေလို့ဆိုပြီး အပြစ်မပြောရက်နိုင်တဲ့လူတွေရှိသလို၊ လိုက်မရှာရကောင်းလားဆိုပြီး မငြိုငြင်ရက်တဲ့ လူတွေလဲရှိတယ်။ သူတို့ဟာ ဒီကမ္ဘာမှာ သနားစရာအကောင်းဆုံးပဲ”🥀
ဒီစာအုပ်မှာ ဆရာမရဲ့ ကိုယ်ပိုင်ရေးဟန်ကို ပြန်တွေ့ရပါတယ်💕
ဆရာမရဲ့ပထမဆုံး လုံးချင်းဝတ္ထုဖြစ်တဲ့အပြင်
အရင်ရေးခဲ့ဖူးတဲ့ဝတ္ထုတို ကို ဝတ္ထုရှည်အဖြစ်
ပြောင်းလဲ ရေးခဲ့တယ်လို့ သိရပါတယ်💕
ငယ်ငယ်လေးကတည်း ချစ်ရသူကိုဆုံးရှုံးရပြီး ဘဝကို ဖြစ်သလို ဖြတ်သန်းနေကာ လေနှင်ရာ ရွေ့နေတဲ့
သူမ ဘဝထဲကိုမှ အရင်ကအတိတ်တစ်ချို့ ပြန်ဝင်လာခဲ့တဲ့
-လှိုင်းရိပ်ငြိမ်(အရိပ်)
ကိုယ့်ဆီက ထွက်ပြေးသွားတဲ့ လူတစ်ယောက်ကိုမှ ပြန်လိုက်ရှာရင်း အရိပ်ဆိုတဲ့ ကောင်မလေးနဲ့ တွေ့ကာ အတိတ်ကပြဿနာမှာ သူကအဓိကဖြစ်နေသူ
ပန်းချီဆရာလေး
-မင်းယုမောင်(ဂရေး)
လူအများ လေးစားအားကျရတဲ့ ဆရာဝန်မ
ဖြစ်ပေမဲ့ မောင့်အတွက်ဆို အရာရာပေးဆပ်ရဲပြီး
မောင်နဲ့ဝေးရာကိုထွက်ပြေးနေတဲ့
-ဇလပ်နီ(နီနီ)
သူတို့သုံးဦးရဲ့အချစ်တွေသုံးပွင့်ဆိုင်လာတဲ့အခါ
ဘာတွေဆက်ဖြစ်သွားမလဲ🥺
မထင်မှတ်ထားရတဲ့ဇာတ်လမ်းအချို့အကွေ့တွေနဲ့
ဇာတ်သိမ်းဟာ လုံးဝမထင်မှတ်ပါဘူး🤌
ဆရာမ ထုံးစံအတိုင်း လူကိုမငိုငိုအောင်လုပ်ပါတယ်🥲
ဆရာမရဲ့ပထမဆုံးလုံးချင်းကတော့ လိုအပ်ချက်လေးတွေအနည်းအပါးရှိပေမဲ့ ငြိမ်ငြိမ်လေးနဲ့ငြိတွယ်ခဲ့ရတဲ့စာအုပ်လေးပါဗျာ💕

Tom Cruise ကတော့ Top Gun: Maverick ရဲ့ နောက်ဆက်တွဲရုပ်ရှင်လာမယ်လို့ အတည်ပြုလိုက်ပါပြီ။
မင်းသားကြီးက Mission: Impossible ရဲ့ နောက်ဆုံးရုပ်ရှင်ဖြစ်မယ့် The Final Reckoning ပြီးတဲ့နောက်မှာတော့ နောက်ထပ် Project တွေလုပ်နေပြီလို့ သိရပါတယ်။ Top Gun: Maverick (၂၀၂၃) ရဲ့ နောက်ဆက်တွဲရုပ်ရှင်ကို တကယ်လုပ်နေပြီဆိုပေမယ့် ဘယ်တော့ ထွက်မယ်ဆိုတာကိုတော့ သူကိုယ်တိုင်တောင် အတိအကျမသိသေးပါဘူး။
သြစတြေးလျရဲ့ Today တီဗီရှိုးမှာ သူက အခုလိုပြောခဲ့ပါတယ်။ Top Gun: Maverick နောက်ဆက်တွဲကို တကယ်လုပ်နေပြီဆိုပေမယ့် သူ့မှာ လုပ်စရာတွေ အများကြီးရှိတယ်တဲ့။ ဥပမာ၊ ၁၉၉၀ ခုနှစ်က သူ့ရဲ့ အက်ရှင်ရုပ်ရှင် Days of Thunder ရဲ့ နောက်ဆက်တွဲလည်းရိုက်ဖို့ စဉ်းစားနေတယ် လို့ပြောသွားခဲ့ပါတယ်။
“ဟုတ်တယ်၊ ကျနော်တို့ အခုဇာတ်လမ်းအမျိုးမျိုးကို စဉ်းစားနေတယ်၊ ဘာတွေလုပ်လို့ရမလဲ၊ ဘယ်လိုဖြစ်နိုင်မလဲဆိုတာတွေ ဆွေးနွေးနေတယ်။ Top Gun: Maverick ကို လုပ်ဖို့ဆိုတာ ကျနော့်ဘဝမှာ ၃၅ နှစ်လောက် စဉ်းစားခဲ့ရတာလေ။ အခုလည်း Days of Thunder နဲ့ Top Gun: Maverick အပြင် တခြားရုပ်ရှင်တွေလည်း အများကြီး လုပ်နေပါတယ်။ ကျနော်က အမြဲတမ်း ရုပ်ရှင်တစ်ခုခု ရိုက်နေတာ၊ ပြင်ဆင်နေတာ၊ တစ်ခုမဟုတ် တစ်ခုလုပ်နေရမှ ကျေနပ်နေတာလို့ပြောလာပါတယ်။
သူက အခုမကြာခင်က The Revenant ရိုက်ကူးခဲ့တဲ့ ဒါရိုက်တာ Alejandro Iñárritu နဲ့အတူ ရုပ်ရှင်တစ်ကား ရိုက်လို့ ပြီးသွားပြီလို့လည်း ပြောပါတယ်။ အဲဒီရုပ်ရှင်က ၂၀၂၆ နှောင်းပိုင်းမှာ ထွက်မယ်လို့သိရပါတယ်။ ပြီးတော့ Mission: Impossible ရုပ်ရှင်အသစ်တွေဆက်ထုတ်ဖို့ ဒါရိုက်တာ Christopher McQuarrie နဲ့ အမြဲလိုလို ဆွေးနွေးဖြစ်နေတယ်လို့ ဆိုပါတယ်။
Mission: Impossible နောက်ထပ်ရုပ်ရှင်ထပ်လုပ်ဖို့ ဖြစ်နိုင်ခြေကိုလည်း သူက လုံးဝလက်မလျော့သေးပါဘူ။ ထပ်ရိုက်လို့ရရင် ထပ်ရိုက်မယ့်အနေထားမှာရှိပါတယ်။ ဒါပေမယ့် အခုထွက်မယ့် Mission: Impossible – The Final Reckoning ကို ပရိသတ်တွေကို အရင်ခံစားစေချင်တယ်လို့ ပြောပါတယ်။ “ပရိသတ်တွေ ဒီရုပ်ရှင်ကို ကြည့်ပြီး ပျော်ရွှင်စရာကောင်းတဲ့ အတွေ့အကြုံကို ရစေချင်ပါတယ်။ ဒါက ပြီးခဲ့တဲ့ ၃၀ နှစ်လောက်က ဇာတ်လမ်းတွေရဲ့ အဆုံးသတ်တစ်ခုလို့ ပြောလို့ရပါတယ်။”
Mission: Impossible – The Final Reckoning က ဗြိတိန်မှာ မေလ ၂၁ ရက်နဲ့ အမေရိကမှာ မေလ ၂၃ ရက်မှာ ရုံတင်ပြသသွားမှာဖြစ်ပါတယ်။