Ranbir Kapoor ရဲ့ Dhoom 4 ကို ၂၀၂၆ မှာ စတင်ရိုက်ကူးဖွယ်ရှိနေ
ဇွန် ၃၊ ၂၀၂၅။
Hindi ရုပ်ရှင်လောကရဲ့ နာမည်ကြီးအက်ရှင်ရုပ်ရှင် Franchise တစ်ခုဖြစ်တဲ့ Dhoom ဟာ Dhoom 3 အပြီးမှာ နောက်ထပ် စတုတ္ထမြောက်ရုပ်ရှင် Dhoom 4 ကို ဆက်လက်ထုတ်လုပ်ဖို့ စီစဥ်နေကြောင်းသိရပါတယ။
Dhoom ရုပ်ရှင်တွေရဲ့ထုတ်လုပ်ရေးကုမ္ပဏီဖြစ်တဲ့ YRF ဟာ Dhoom 4 ကို Barfi, Animal နဲ့ Sanju သရုပ်ဆောင် Ranbir Kapoor နဲ့ ဆက်လက်ရိုက်ကူးသွားမှာဖြစ်ပြီး Brahmastra Part One နဲ့ War 2 ဒါရိုက်တာ Ayan Mukerji က တာဝန်ယူရိုက်ကူးပေးဖွယ်ရှိနေပါတယ်။ နောက်ဆုံးသိရှိရတဲ့သတင်းတွေအရ Dhoom 4 ကို ၂၀၂၆ မှာ စတင်ရိုက်ကူးမှာဖြစ်ပြီး ၂၀၂၇ မှာ ရုံတင်ပြသဖို့စီစဥ်နေကြောင်းသိရပါတယ်။ သို့ပေမယ့် YRF ဘက်က တစ်စုံတစ်ရာအတည်ပြုထားခြင်းမရှိပါဘူး။
Dhoom 4 မှာ Ranbir Kapoor က ယခင် Dhoom ရုပ်ရှင်တွေကလိုမျိုး သူခိုးဇာတ်ကောင်နေရာကနေ ပါဝင်မှာလား၊ ပင်တိုင်သရုပ်ဆောင်တွေဖြစ်တဲ့ Abhishek Bachchan နဲ့ Uday Chopra တို့ ပြန်လည်ပါဝင်လာမှာလား စတဲ့ အချက်တွေကိုတော့ မသိရသေးပါဘူး။
ယခင် Dhoom သုံးကားမှာ John Abraham, Hrithik Roshan နဲ့ Aamir Khan တို့က အဓိကပါဝင်သရုပ်ဆောင်ခဲ့ကြပါတယ်။

သရဲလောက်မှမကြူးတတ်သော ကိုယ့်ဘဝကိုပြန်တွေးမိသွားသောအခါ ? <br>Video: Beetlejuice Beetlejuice (2024)

ဘယ်တော့မှ ရုပ်ရှင်ရုံမသွားတော့ဘူးဆိုတဲ့ Martin Scorsese
Martin Scorsese ကတော့ ရုပ်ရှင်ရုံမှာ ဖုန်းတွေသုံးနေတာ၊ စကားတွေများနေတာ၊ မုန့်သွားဝယ်ဖို့ ထထွက်သွားတာတွေ ၊ သရုပ်ဆောင်တွေ ပြောတဲ့ အသံတွေ ဖုံးသွားလောက်အောင် ဆူညံနေတဲ့ သူတွေကြောင့် ရုပ်ရှင်မကြည့်တော့ပါဘူးတဲ့။
ဒီအကြောင်းကို သူ့ရဲ့ ရင်းနှီးတဲ့ မိတ်ဆွေဖြစ်တဲ့ ရုပ်ရှင်ဝေဖန်ရေးဆရာ Peter Travers နဲ့ စကားပြောရင်း ဖွင့်ဟခဲ့တာပါ။ Peter Travers ကလည်း ရုပ်ရှင်လောကမှာ ၄၀ နှစ်ကျော် ဝေဖန်ရေးဆရာလုပ်လာခဲ့သူဖြစ်ပြီး၊ မကြာသေးခင်က ABC နဲ့ Good Morning America ကနေ ထွက်လာပြီး သူ့ရဲ့ကိုယ်ပိုင် Vlog ဖြစ်တဲ့ “The Travers Take” ကို စတင်ဖို့ ပြင်ဆင်နေပါတယ်။
သူရယ် Scorsese ရယ်က နှစ်ပေါင်းများစွာ ခင်မင်လာခဲ့တော့ ဒီတစ်ခေါက်စကားဝိုင်းမှာလည်း သူ ရုပ်ရှင်ရုံမှာ ဘာလို့ ရုပ်ရှင်မကြည့်တော့ဘူးဆိုတဲ့ အကြောင်းကို ပြောပြခဲ့ပါတယ်။
Travers က “မင်း ဘာလို့ ရုပ်ရှင်ရုံမှာ မကြည့်တော့တာလဲ Martin ” လို့ မေးတော့ Martin က “ရုပ်ရှင်ကြည့်ရင်း ဖုန်းတစ်ချိန်လုံး ပြောနေတဲ့သူတွေ၊ သရေစာဝယ်ဖို့ ထွက်သွားတဲ့သူတွေ၊ ဆူညံသံက သရုပ်ဆောင်တွေရဲ့ အသံထက်တောင် ကျယ်နေတာ!”။ Travers က “နေပါဦး Martin ငါတို့ ငယ်ငယ်ကလည်း ဒီလိုပဲ စကားများခဲ့ကြတာပဲလေ” လို့ ပြောတော့ Scorsese က “ဟုတ်လည်း ဟုတ်မယ်၊ ဒါပေမယ့် ငါတို့ စကားပြောခဲ့ရင် ရုပ်ရှင်အကြောင်းပဲ ပြောခဲ့တာ၊ ဇာတ်ကွက်တွေကို ဝိုင်းပြီး အတွေးဖလှယ်ရင်း ပျော်ခဲ့ကြတာ” လို့ ပြန်ဖြေခဲ့ပါတယ်။
အခုတော့ Martin Scorsese က ရုပ်ရှင်ရုံတွေမသွားတော့ပါဘူး။ သူ့ရဲ့ ရုပ်ရှင်အငွေ့အသက်နဲ့ ပြည့်နှက်နေတဲ့ အိမ်မှာ ကိုယ်ပိုင် ရုပ်ရှင်ပြခန်း လုပ်လိုက်ပါပြီ။ ဒီပြခန်းမှာ ရှေးကျတဲ့ ရုပ်ရှင်ပိုစတာတွေ၊ ရုပ်ရှင်အမှတ်တရပစ္စည်းတွေ၊ အဖြူအမဲ ဂန္တဝင်ရုပ်ရှင်တွေ ပြသဖို့ ကြီးမားတဲ့ ဖန်သားပြင်တစ်ခုလည်း ထားထားပါတယ်။ ၂၀၀၇ ခုနှစ်ကတည်းက ဒီရုပ်ရှင်ပြန်ခန်းဟာ သူ့ဘဝရဲ့ အရေးပါတဲ့ အစိတ်အပိုင်းတစ်ခုဖြစ်လာပြီး၊ ရုပ်ရှင်တွေကို အကောင်းဆုံး အရည်အသွေးနဲ့ ပြန်ကြည့်နိုင်အောင်ဖန်တီးပေးခဲ့ပါတယ်။
ဒီလိုနဲ့ပဲ သူက “TÁR”၊ “Pearl”၊ “Nosferatu”၊ “Hereditary”၊ “I Saw the TV Glow” လို မကြာသေးခင်က ထွက်ခဲ့တဲ့ ရုပ်ရှင်တွေကို ကြည့်ပြီး ချီးကျူးခဲ့တာပါ။
ဒီနေ့ခေတ် လူတွက ရုပ်ရှင်ရုံသွားကြည့်ရတာကို သိပ်မကြိုက်ကြတော့ဘူး။ အကြောင်းကတော့ ရုပ်ရှင်ရဲ့ မှော်ဆန်မှုကို ဖျက်ဆီးတဲ့ အာရုံထွေပြားစရာတွေ၊ ဖုန်းတွေ သုံးနေတာ၊ မရိုသေတဲ့ စကားတွေပြောနေတာ၊ ရုပ်ရှင်တစ်ကားကို အတူတူခံစားရမယ့် အတွေ့အကြုံကို ဂရုမစိုက်တာတွေကြောင့်ပါ။
Martin Scorsese က ရုပ်ရှင်ကို သန့်ရှင်းတဲ့အရာလို့ မြင်တဲ့သူအတွက်ကတော့ အမှောင်ခန်းထဲမှာ ဖုန်းတွေ လင်းနေတာဟာ သန့်ရှင်းတဲ့အရာကို ညစ်ညမ်းစေသလို ခံစားရပါတယ်။
လူတွေက ရုပ်ရှင်ကြည့်နေရင်းနဲ့ တစ်ဝက်လောက်မှာ “ဖုန်းကြည့်” ချင်စိတ်နဲ့ ဖုန်းကို စစ်ဆေးကြတယ်၊ ဒါဟာ ရုပ်ရှင်တစ်ကားကို ခံစားသက်ဝင်မှုမှာ အများကြီးသက်ရောက်နိုင်တာပါပဲ။​
ယနေ့ ခေတ်တော်တော်များများဟာ ရုပ်ရှင်ရုံထဲက ဇာတ်ကားထက် ရုပ်ရှင်ရုံထဲ ဖုန်းသုံးရတာ၊ သမီးရည်းစားချင်း ချိန်းတွေ့ကြတာ၊ စကားများတာ စသဖြင့်လုပ်နေကြတဲ့ နေရာကြီးဖြစ်နေပါပြီ။

‘LILO & STITCH’ က ၂၀၂၅ မှာ ဒေါ်လာ ၁ ဘီလီယံကျော်ရဖို့ လမ်းကြောင်းပေါ်ရောက်နေပါပြီ။
အခုဆိုရင် ကမ္ဘာတဝှမ်း ဒေါ်လာ ၆၀၀ မီလီယံကျော် ရရှိထားပြီဖြစ်ပါတယ်။

ဒီနေ့ဟာ လွန်ခဲ့တဲ့ ၃၆ နှစ်က ‘DEAD POETS SOCIETY’ ရုံတင်ခဲ့တဲ့နေ့ဖြစ်ပါတယ်။
အခုအချိန်ထိ ကျောင်းသားဇာတ်ကားတွေထဲမှာ မမေ့နိုင်စရာ ဇာတ်လမ်းတစ်ပုဒ်ပါပဲ။

120Hz လည်းပါမယ်၊ အားသွင်းရင်လည်း 50W ကို Wireless နဲ့ရတော့မယ်.. ဒီနှစ် iPhone 17 ကို ဘယ်လိုအပြစ်ပြောရတော့မလဲပဲ 🫠
.
Apple ကနေ MagSafe Wireless Charging စနစ်ကို iPhone 12 Series မှာ စထည့်ပေးလိုက်တယ်။ အဲ့အချိန်တုန်းက iPhone တွေမှာ စပြီး MagSafe နဲ့သွင်းရင် 15W Wireless Charging ရလာတယ်၊ ပုံမှန် Qi Standard Wireless Charger တွေနဲ့ဆိုရင် 7.5W နဲ့ပဲ​ အားဝင်မယ်။
ဒါကို Apple ကနေ MagSafe ရဲ့ နည်းပညာတော်တော်များများကို Qi Wireless Charging Standard တွေကို ထုတ်နေတဲ့ Wireless Power Consortium (WPC) ကို ထောက်ပံ့ပေးလိုက်တယ်။ အဲ့မှာစပြီး Qi2 ဆိုပြီး iPhone တွေမှာလည်း MagSafe အတိုင်း 15W Wireless Charigng အပြည့်အားသွင်းပေးနိုင်တဲ့ Standard တစ်ခုထပ်ရှိလာတယ် - အခုဆိုရင် Qi2 Wireless Charger တွေအများကြီး ရှိလာပြီး စျေးလည်း MagSafe ထက် ပိုသက်သာသွားပြီ။​
နောက်ဆုံး iPhone 16 Series မှာကြတော့ Apple ကနေ ကိုယ်ပိုင် MagSafe Charging ကိုပါ တိတ်တဆိတ် Upgrade လုပ်ခဲ့တယ် - 15W ကနေ 25W အထိ Upgrade ဖြစ်သွားတယ်။ Qi2 မှာတော့ 15W ပဲဖြစ်နေတုန်းပေမယ့် Apple MagSafe Charger ကို 30W Charger လောက်နဲ့တွဲသုံးရင် 25W ရမယ်။
အခုကြတော့ Apple က ထပ်ပြီး iPhone 17 Series ဖုန်းတွေမှာ Wireless Charging ကို Upgrade ထပ်လုပ်ပေးတော့မယ်။ ဘာကြောင့်လဲဆိုတော့ Apple ကနေ A3503 နဲ့ A3502 ဆိုပြီး MagSafe Charger အသစ် (၂) ခုကို ထပ်ထုတ်ဖို့လုပ်နေပြီ - Model ကွာတာက ကြိုးက 1-Meter နဲ့ 2-Meter Version ကွာသွားတာကြောင့်ပါ။
ဒီ MagSafe Charger အသစ်တွေမှာ ထူးခြားသွားတာက Qi2.2 Standard အသစ်ကိုပါ Support လုပ်သွားမယ်။ လက်ရှိ Qi2.2 Wireless Charger တွေ မထွက်သေးပေမယ့် Standard အရ 50W အထိ Wireless Charging နဲ့သွင်းနိုင်မယ် - ဒါက လက်ရှိ Qi2 ရဲ့ 15W ထက်လည်း ၃ ဆ ကျော်မြန်တယ်၊​ MagSafe ထက်လည်း ၂ ဆလောက် မြန်သွားပြီ။​
ပြီးတော့ MagSafe Charger အသစ်ရဲ့ ပုံမှာလည်း Specs မှာ အမြင့်ဆုံး 15V 3A လို့ ရေးထားတယ်၊ ဆိုတော့ 50W Charger နဲ့တွဲသုံးပြီး MagSafe ကနေလည်း 45W တော့ အနည်းဆုံး ပြန်အားသွင်းပေးနိုင်တော့မယ့် ပုံစံပဲ။​
တစ်ခုထူးခြားတာက Apple က MagSafe ထုတ်ပြီးတဲ့အချိန်ထဲက တဖြည်းဖြည်း Wireless Charging ကိုပဲ Upgrade လုပ်လာတယ် - ကြိုးနဲ့ အားသွင်းတာက အခုဆို MagSafe နဲ့ Cable နဲ့သွင်းတာက 25W ဝန်းကျင်နဲ့ အတူတူပဲတောင် ဖြစ်နေပြီ​။
ဆိုတော့ MagSafe/Qi2.2 သာ 50W Wireless Charging တွေဖြစ်လာရင် Cable နဲ့ အားသွင်းရင်ရော Upgrade ဖြစ်လာမလား.. နောက်ပိုင်း USB-C Port ပါ ဖြုတ်ချင်လို့ Wireless Charging ကိုပဲ​ Upgrade တော့မလားပဲ 👀

UFC အဖွဲ့အစည်းမှာ ထိချက် (၇၅၀) ကို Joshua Van က အမြန်ဆုံးပြည့်သွားတာတဲ့။ (၇) ပွဲအတွင်းမှာ ပြည့်တာပါ။ စတောဝိတ်ချန်ပီယံဟောင်း ပိုလန်သူ Joanna Jedrzejczyk လည်း ဒီအတိုင်းပါပဲ။ ပူးတွဲပေါ့လေ။ ထိချက်ဆိုတာ ခြေ၊ လက်၊ ဒူး၊ တံတောင်အကုန်အကျုံးဝင်ပါတယ်။ တစ်ပွဲချင်းဆိုရင် (၁၀၇) ချက်ထိုးထားတယ်။
UFC အဖွဲ့အစည်းမှာ ထိချက်အများဆုံးထိုးနိုင်တဲ့ ကစားသမားက Max Holloway ဖြစ်ပါတယ်။ (၃,၇၀၆) ချက်ထိုးထားတယ်တဲ့။ ဒါပေမယ့် ဆရာသမားက ပွဲ (၃၀) ကစားထားတာလေ။ Joshua Van က ခြေထွက်လက်ထွက်ကောင်းပါတယ်။
ပထမအချီမှာ Joshua Van က အထလေးပေမယ့် အချီကြာလေ ပိုကောင်းလာလေပါ။ သူအကြိုက်ဆုံးက ဒုတိယအချီလို့ ပြောထားဖူးတယ်။ ဒုတိယအချီဆိုရင် လွှတ်ကြမ်းတာပါ။ ချင်းလေးမောင်ဗန်က ခံယူချက်ကောင်းတယ်။ ဒီအဆင့်ရောက်နေတာတောင် ပေါ်ပင်မမက်ဘဲ လုပ်စရာရှိတာ လုပ်ပြနိုင်တယ်။
တကယ်ဆိုရင် Joshua Van က ကမ္ဘာ့အဆင့်ဖိုက်တာဖြစ်ပါတယ်။ ကမ္ဘာ့အဆင့်မို့လို့လည်း UFC အဖွဲ့အစည်းမှာ အဆင့်ချိတ်တာပါ။ UFC Contract ရဖို့တောင် လွယ်တာမှတ်လို့။ စာချုပ်ရရင်လည်း အဆင့်ချိတ်ဖို့ မနည်းကြိုးစားရတာပါ။ UFC အဖွဲ့အစည်းမှာ (၆) ပွဲနိုင်ပြီး (၁) ပွဲပဲ ရှုံးထားတယ်။
Joshua Van ရဲ့ အားနည်းချက်က လက်တံတိုတာပါ။ အကောင်သေးတာက ကြွက်သားထုထည်တင်လို့ရပေမယ့် လက်တံက ဆွဲဆန့်လို့ မရပါဘူး။ Henry Cejudo တို့လည်း လက်တံတိုပေမယ့် ဝိတ်တင်ပြီး ဘင်တန်ဝိတ်တန်းမှာ ကစားနေတာမလား။ ဘောက်ဆင်စကေးကောင်းတာမို့ လက်တံတိုတာက အခုချိန်မှာ သိပ်မသိသာသေးဘူး။ ထိပ်တန်းအဆင့်ရောက်ရင် ရုန်းကန်ရနိုင်တယ်။

$200 ဝန်းကျင် Global အနေနဲ့ ရွေးစရာ REDMI Pad 2 Tablet
.
Xiaomi ကနေ Global စျေးကွက်အတွက် စျေးသက်သာတဲ့ REDMI Pad 2 Tablet အသစ်ကို မိတ်ဆက်လိုက်ပါတယ်။ ဒီ Tablet က လွန်ခဲ့တဲ့ ၂၀၂၂ တုန်းက ထွက်ခဲ့တဲ့ REDMI Pad ရဲ့ မျိုးဆက်သစ်ဖြစ်လာပြီး တချို့နေရာတွေမှာ Upgrade တွေလုပ်ထားပါတယ်။
အရင်ဆုံး Display ပိုင်းမှာ 11" QHD+ (2560x160 90Hz IPS LCD Display ဖြစ်သွားမယ်၊ Maximum Brightness ကလည်း 600nits အထိ ထုတ်ပေးနိုင်မယ်။ ဒါ့အပြင် Redmi Smart Pen ကိုလည်း Support လုပ်ဦးမယ်။​ Audio ပိုင်းမှာလည်း Quad Speaker Setup ကို သုံးပေးထားတယ်။
Battery ပိုင်းမှာလည်း 9000mAh Battery ဖြစ်သွားပြီ၊ ပြန်အားသွင်းရင်တော့ 18W Charging နဲ့ပဲ​ အားသွင်းလို့ရမယ်။ Camera ပိုင်းမှာဆိုရင်လည်း 8MP Back Camera နဲ့ 5MP Selfie Camera တွေပဲ​ထည့်ပေးထားမယ်။
Chipset ပိုင်းမှာလည်း လွန်ခဲ့တဲ့ ၃ နှစ်တုန်းက REDMI Pad ရဲ့ MediaTek Helio G99 Chipset ကနေ Helio G100-Ultra Chipset ကို Upgrade လုပ်ပေးလိုက်တယ်။ အခု Helio G200 Chipset အသစ်ထွက်ထားပေမယ့် Helio G100 ပဲ သုံးထားတာပဲ။
REDMI Pad 2 ကို စိတ်ဝင်စားရင် RAM 4GB (သို့) 8GB နဲ့ 128GB (သို့)​ 256GB Storage Option ဆိုပြီး ရွေးလို့ရမယ်။ Wi-Fi ရော Cellular (4G) Version ၂ မျိုးရွေးလို့ရပြီး စျေးနှုန်းအနေနဲ့က $200 ဝန်းကျင်ကနေ စရောင်းမယ်။​ မြန်မာမှာဆိုရင် ၈ သိန်းနဲ့ ၁၀ သိန်းဝန်းကျင်ဖြစ်မလားပဲ။​
ဘာပဲဖြစ်ဖြစ် Xiaomi Tablet ကိုမှ Global သုံးမယ်၊​ စျေးသက်သာတဲ့ Option လိုချင်ရင် ရွေးစရာတစ်ခုရှိလာပါပြီ 👀

တတိယအချီမှာ Joshua Van က Bruno Gustavo da Silva ကို အလဲထိုးသွားပါတယ်။ Joshua Van ရဲ့ ဘောက်ဆင်စကေးက တော်တော်ကောင်းတာပါ။ ပါဝါလည်း တက်လာတယ်။ တစ်ပွဲထက် တစ်ပွဲက ပိုကောင်းလာတာပါ။ ပွဲတွင်းဝိတ်က သိပ်မကွာပါဘူး။
ဘရာဇီးသား Bruno Gustavo da Silva က အောက်ခြေကန်ပြီး Joshua Van ရဲ့ လှုပ်ရှားမှုတွေကို ဖျက်ဆီးချင်တာပါ။ အစောပိုင်းမှာ အောက်ခြေကန်ချက်ကြောင့် Joshua Van လည်း ထိုင်လဲသွားရတယ်။ မထင်မှတ်ဘဲ အငိုက်မိသွားရတာပါ။
Joshua Van က ဘယ်ထောက်လက်သီးတွေသုံးပြီး အစပြုလာတယ်။ ညာဝိုက်လက်သီးက တော်တော်ကောင်းတာပါ။ ကောင်တာညာဝိုက်လက်သီးကြောင့် Bruno Gustavo da Silva က လဲကျသွားရတယ်။ Bruno Gustavo da Silva ရဲ့ အောက်ခြေကန်ချက်တွေက အန္တရာယ်များပါတယ်။ ပထမအချီမှာ Joshua Van က သာပါတယ်။
ဒုတိယအချီမှာလည်း Joshua Van ရဲ့ ဘောက်ဆင်စကေးကို Bruno Gustavo da Silva က မခံနိုင်ပါဘူး။ အကြိမ်ကြိမ်လဲကျပြီး အထိနာရတယ်။ Bruno Gustavo da Silva က အောက်ခြေကန်တာပဲ။ Joshua Van ရဲ့ လက်သီးတွေက တော်တော်ကောင်းနေတာပါ။ ကြမ်းပြင်ပေါ်မှာ ခွထိုးခွင့်ရတယ်။ ဒုတိယအချီမှာလည်း Joshua Van သာပါတယ်။
Bruno Gustavo da Silva လည်း မာဂုဏ်မြင့်ပေမယ့် တတိယအချီမှာ မလိုက်နိုင်တော့ပါဘူး။ ဒုတိယအချီမှာတည်းက အထိနာသွားရတာပါ။ Joshua Van ရဲ့ ကောင်တာညာဝိုက်လက်သီးက တော်တော်ကောင်းတာပါ။ Hand Speed က လန့်စရာကြီး။

One-Tap Infinix AI ∞ နဲ့ 90W အဆင့်မြင့် အားသွင်းစနစ်ပါဝင်ပြီး MLBB နဲ့ ပူးပေါင်းထုတ်လုပ်ထားတဲ့ NOTE 50 SERIES လာပါပြီ!
NOTE 50 SERIES ကတော့ One-Tap Infinix AI∞၊ ချောမွေ့လှပတဲ့ သတ္တုဘောင်ဒီဇိုင်းနဲ့ အဆင့်မြင့် အားသွင်းစွမ်းဆောင်ရည်သစ်များအပါအဝင် ဆန်းသစ်တဲ့ နည်းပညာတွေပါဝင်တဲ့ True Flagship စမတ်ဖုန်း စီးရီးတစ်ခုဖြစ်ပါတယ်။ ဒီဖုန်းမှာဆိုရင် ထုတ်လုပ်မှုစွမ်းရည်နဲ့ ထိရောက်မှုကို မြှင့်တင်ပေးဖို့ ဒီဇိုင်းထုတ်ထားတဲ့ Infinix AI∞ စမတ်အကူစနစ်ကို မိတ်ဆက်ပေးထားပါတယ်။ Power ခလုတ်ကို တစ်ချက်နှိပ်ရုံနဲ့ မေးခွန်းတွေကို ချက်ချင်းဖြေရှင်းနိုင်တာ၊ ဓာတ်ပုံတွေကို အလွယ်တကူပြုပြင်နိုင်တာ၊ စာသားတည်းဖြတ်တာနဲ့ AI ဖန်တီးမှုတွေကိုလည်း လွယ်ကူစွာ ရှာဖွေလေ့လာနိုင်ပါတယ်။
NOTE 50 PRO ကို 90W All-Round Fast Charge 3.0 နည်းပညာနဲ့ Hyper Mode ကို အသုံးပြုပြီး ၁% မှ ၁၀၀% အထိ ၃၈ မိနစ်အတွင်း အားပြည့်စေနိုင်တဲ့ အဆင့်မြင့် အမြန်အားသွင်းစနစ်အတွက် ပထမဆုံးသော စံချိန်သစ်တစ်ခုကို စိုက်ထူထားပါတယ်။ ၆.၇၈ လက်မ 144Hz AMOLED ဖန်သားပြင်၊ 50MP OIS Night Master Camera တွေနဲ့ ညဘက်မှာ ဓာတ်ပုံတွေကို ရှင်းလင်းစွာ ရိုက်ကူးနိုင်ပါတယ်။ Game Assistant XBOOST နဲ့ E-Sport Mode ကို တစ်ချက်နှိပ်ရုံနဲ့ power-saving balance နှင့် performance modes ကြား လွယ်ကူစွာ ပြောင်းလဲအသုံးပြုနိုင်ပါတယ်။ NOTE 50 Pro မှာ JBL Dual Speakers၊ IP64 Dust & Water Resistance၊ NFC Support နဲ့ Infrared Remote Control တို့ပါဝင်ပြီး ပိုမိုပြည့်စုံတဲ့ အတွေ့အကြုံကို ပေးစွမ်းနိုင်ပါတယ်။ NOTE 50 Pro ဟာ သုံးစွဲသူတွေရဲ့ တက်ကြွလှုပ်ရှားတဲ့ နေထိုင်မှုပုံစံကို အပြည့်အဝ အထောက်အကူပြုမယ့် စမတ်ဖုန်းတစ်လုံးဖြစ်ပါတယ်။
NOTE 50 PRO မှာ ရရှိနိုင်မယ့် အရောင်တွေကတော့ Titanium Grey၊ Enchanted Purple၊ Racing Grey နဲ့ Special Racing Edition တို့ပဲဖြစ်ပါတယ်။ Infinix NOTE 50 Series ဖုန်းတွေကို အနိမ့်ဆုံးဈေးနှုန်း ၈၄၉,၉၀၀ ကျပ်ကနေ စတင်ဝယ်ယူနိုင်မှာဖြစ်ပြီး ၈၉,၉၀၀ ကျပ် တန်ဖိုးရှိတဲ့ Power Bank ကို အထူးလက်ဆောင်အဖြစ် ရရှိမှာဖြစ်ပါတယ်။