အမေရိကန်ဒေါ်လာ ၂.၉၅၀ သန်း ဗဟိုဘဏ် ရောင်းပေး
အောက်တိုဘာ ၂၄
CMP ကုမ္ပဏီတွေဆီက ဝယ်ယူထားတဲ့ နိုင်ငံခြားငွေတွေထဲက အမေရိကန်ဒေါ်လာ ၂.၄၀၂ သန်းကို မြန်မာနိုင်ငံတော်ဗဟိုဘဏ်က အောက်တိုဘာလ ၂၃ ရက်နေ့မှာ စားသုံးဆီတင်သွင်းတဲ့ ကုမ္ပဏီတွေထံ ထုတ်ရောင်းပေးခဲ့ပါတယ်။
ဒါ့အပြင် အမေရိကန်ဒေါ်လာ ၅၄၇,၉၆၈ ကိုလည်း စက်သုံးဆီတင်သွင်းတဲ့ လုပ်ငန်းရှင်တွေထံ ထုတ်ရောင်းပေးခဲ့ပါတယ်။
FX Trading မှာ ဆောက်လုပ်ရေးပစ္စည်း၊ တိရစ္ဆာန်အစာ၊ ပေါင်းသတ်ဆေး၊ ဓာတ်မြေသြဇာ၊ ကတ္တရာ၊ ဆေးဝါးနှင့် ဆေးဝါးကုန်ကြမ်း၊ စက်မှုကုန်ကြမ်း၊ တိရစ္ဆာန်အစာ၊ ကား/ဆိုင်ကယ်အပိုပစ္စည်း၊ ထုတ်ပိုးမှုပစ္စည်း၊ ဆက်သွယ်ရေးပစ္စည်း၊ သံမဏိ၊ စားသုံးကုန်စည် တင်သွင်းတဲ့ Importer များမှ နိုင်ငံခြားငွေ ဝယ်ယူရရှိခဲ့ပါတယ်။
ဗဟိုဘဏ်အနေနဲ့ အောက်တိုဘာလ ၂၃ ရက်နေ့၊ FX Trading Platform မှာတော့ အမေရိကန်ဒေါ်လာငွေလဲနှုန်းကို ၃၆၃၈ ကျပ် သတ်မှတ်ရောင်းဝယ်ခဲ့ပါတယ်။
