မြိတ်မြို့တွင် သိန်း ၆၀၀၀ တန်ဖိုးရှိ စိတ်ကြွရူးသွပ်ဆေးပြားများနှင့်အတူ တရားခံနှစ်ဦးအား ဖမ်းဆီးရမိ

ဖေဖော်ဝါရီ ၇

တနင်္သာရီတိုင်းဒေသကြီး၊ မြိတ်မြို့တွင် ငွေကျပ်သိန်း ၆၀၀၀ တန်ဖိုးရှိ စိတ်ကြွရူးသွပ်ဆေးပြားများနှင့်အတူ တရားခံနှစ်ဦးအား ဖမ်းဆီးရမိခဲ့ကြောင်း မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ သိရသည်။

ဖြစ်စဉ်မှာ ဇန်နဝါရီ ၃၁ ရက် ညနေ ၅ နာရီခွဲတွင် ရဲတပ်ဖွဲ့ဝင်များပါဝင်သော ပူးပေါင်းအဖွဲ့သည် မြိတ်မြို့ ကန်ဖျားရပ်ကွက် ကန်ဖျားလမ်းမကြီးတွင် အောင်ဖြိုးသူ(ခ)ဖြိုးငယ်မောင်းနှင်လာသည့် ဆိုင်ကယ်ကို ရပ်တန့်စစ်ဆေးရှာဖွေရာ စိတ်ကြွရူးသွပ်ဆေးပြား ၄၀၀၀၀ သိမ်းဆည်းရမိခဲ့ပြီး စစ်ဆေးချက်အရ ညနေ ၆ နာရီခွဲတွင် မြိတ်မြို့ မြိတ်တောင်ရပ်ကွက်ရှိ ၎င်း၏နေအိမ်ကို ဆက်လက်ရှာဖွေရာ စိတ်ကြွရူးသွပ်ဆေးပြား ၁၆၀၀၀၀ ထပ်မံသိမ်းဆည်းရမိခဲ့ကြောင်း သိရသည်။

ကွင်းဆက်အရ ဖေဖော်ဝါရီ ၃ ရက် နံနက် ၁ နာရီတွင် စိတ်ကြွရူးသွပ်ဆေးပြားများ သယ်ဆောင်ရောင်းဝယ်ရာ၌ ပူးပေါင်းပါဝင်သူ ဇော်နိုင်ဦး(ခ)ဆရာပွေးအား ကျွန်းစုမြို့နယ် ရေကန်တောင်ကျေးရွာ၌ ဆက်လက်ဖမ်းဆီးရမိခဲ့သဖြင့် ၎င်းတို့အား မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာ ဥပဒေအရ အရေးယူထားကြောင်း သိရသည်။

#သတင်းဟင်းလေးအိုးကြီး

အုတ်ဖိုမြို့နယ် ပြည်မင်းသားကားဂိတ်အနီး၌ လက်လုပ်မိုင်နှစ်လုံးပေါက်ကွဲမှုကြောင့် အမျိုးသားတစ်ဦး သေဆုံး

ဖေဖော်ဝါရီ ၇

ပဲခူးတိုင်းဒေသကြီး၊ အုတ်ဖိုမြို့နယ်၊ အမှတ်(၁) ရပ်ကွက်ရှိ ပြည်မင်းသားကားဂိတ်အနီး၌ ဖောဖော်ဝါရီလ ၅ ရက်နေ့ နံနက် ၄ နာရီ ၄၀ မီနစ်တွင် လက်လုပ်မိုင်းပေါက်ကွဲမှုကြောင့် အမျိုးသားတစ်ဦး သေဆုံးခဲ့ကြောင်း မြန်မာနိုင်ငံရဲတပ်ဖွဲ့မှ သိရသည်။

အုတ်ဖိုမြို့ နယ်၊ အမှတ်(၁)ရပ်ကွက်ရှိ ပြည်မင်းသားကားဂိတ်အနီး၌ ပေါက်ကွဲမှုဖြစ်ပွားကြောင်း သတင်းအရ လုံခြုံရေးတပ်ဖွဲ့ ဝင်များစာ သွားရောက်စစ်ဆေးခဲ့ရာ အဆိုပါကားဂိတ်အနီး၌ အများပြည်သူထိခိုက်စေရန် ရည်ရွယ်၍ ထောင်ထားသည့် လက်လုပ်မိုင်းနှစ်လုံးပေါက်ကွဲခဲ့ခြင်းဖြစ်ပြီး ပေါက်ကွဲမှုဖြစ်ပွားသည့်နေရာအနီးရှိနေသည့် ပြည်မြို့နယ်၊ ရွာဘဲရပ်ကွက်နေ ဦးသန်းဖဏ်မျိုး(၄၄)နှစ်တွင် မိုင်းပေါက်ကွဲစထိမှန်ဒဏ်ရာ များရရှိကာ သေဆုံးသွားကြောင်း သိရသည်။

ဆက်လက်ပြီး ဖေဖော်ဝါရီလ ၅ ရက်နေ့တွင် မန္တလေးတိုင်းဒေသကြီး၊ မတ္တရာမြို့နယ်၊ သုန္ဒရကျေးရွာသို့ လက်နက်ကြီးဖြင့် ပစ်ခတ်တိုက်ခိုက် ကျေးရွာအတွင်း လက်နက်ကြီးဗုံးသီးတစ်လုံးကျရောက်ပေါက်ကွဲခဲ့မှုကြောင့် အဆိုပါကျေးရွာ နေသူများဖြစ်ကြသည့် ဒေါ်ခင်မာလွင်(၆၂)နှစ်၊ ဒေါ်သင်းသင်း(၄၂)နှစ်၊ ဒေါ်ဝန်းတင်(၅၇)နှစ်နှင့် ဒေါ်ခင်စောဦး(၆၃)နှစ်တို့တွင် ဗုံးသီးပေါက်ကွဲစထိမှန်ဒဏ်ရာများရရှိခဲ့သဖြင့် ချမ်းအေးသာစံမြို့ နယ်ရှိ မန္တလေးပြည်သူ့ဆေးရုံကြီးသို့ ပို့ဆောင်ထားရကြောင်း သိရသည်။

#centralnewsnayptitaw

နော်

ရေသန့်လုပ်ငန်းများအတွက် ကုန်ကြမ်းဈေးနှုန်းများ မြင့်တက်နေ

ဖေဖော်ဝါရီ ၇

​ရေသန့်လုပ်ငန်းများအတွက် ကုန်ကြမ်းများဖြစ်သော‌ ရေသန့်စစ်ဇကာ(filter)များဈေးမြင့်လာသည့်အပြင် မီးပျက်ချိန်ကြာရှည်မှုကြောင့် ရေသန့်လုပ်ငန်းများအခက်အခဲဖြစ်ပေါ်နေ‌ကြောင်း မြန်မာနိုင်ငံရေသန့်လုပ်ငန်းရှင်များအသင်းမှ သိရသည်။ ရေသန့်စစ်ဇကာများသည် ယခင်ကအမျိုးအစားအလိုက် တစ်သိန်းဝန်းကျင်ခန့်သာရှိသော်လည်း လက်ရှိကာလတွင်သုံးသိန်းအထက်ပေါက်ဈေးဖြစ်ပေါ်နေကြောင်း သိရသည်။

“ရေသန့်စက်ရုံသုံးပစ္စည်းတွေ အကုန်ဈေးတက်နေချိန်မှာ မီးကလည်းမမှန်တော့ပိုဆိုးတာပေါ့၊နောက်ဆုံးကုန်ချောဖြစ်တဲ့ရေသန့်ဘူးကြီး (၂၀)လီတာကို ငွေတစ်ထောင်အောက်ဘဲဈေးရတော့ စက်ရုံတွေအတွက်ရပ်တည်ဖို့ခက်လာပါတယ်”ဟု မြန်မာနိုင်ငံရေသန့်လုပ်ငန်းရှင်များအသင်းအတွင်းရေးမှူးက ပြောသည်။

လက်ရှိတွင် လျှပ်စစ်မီးမီတာခများကြီးမြင့်လာခြင်း၊ ရေသန့်ဘူးခွံများဈေးမြင့်တက်လာခြင်းများလည်းရှိကြောင်း သိရသည်။ ရန်ကုန်အပါအဝင်မြို့ကြီးများတွင် ရေသန့်ဘူးသုံးစွဲမှု နှစ်စဉ်မြင့်တက်လာပြီး ရေသန့်လုပ်ငန်းနှင့်ဆက်စပ်သော ကုန်စည်များသည်လည်းနိုင်ငံခြားမှတင်သွင်းမှု နှစ်စဉ်မြင့်တက်လျက်ရှိကြောင်း သိရသည်။

#centralnewsnaypyitaw

မန္တလေးမြို့ပေါ်ရှိ နာမည်ကြီး ဆေးရုံ ခုနစ်ရုံ သုံးလ ယာယီပိတ်ခံရမယ်လို့ သတင်းထွက်

ဖေဖော်ဝါရီ ၇

မန္တလေးမြို့ပေါ်ရှိ နာမည်ကြီးဆေးရုံ ခုနစ်ရုံကို နစက က သုံးလ ယာယီ ပိတ်သိမ်းခိုင်းလိုက်တယ်လို့ လုံခြုံရေးအဖွဲ့နဲ့ နီးစပ်သူတွေဆီက သိရပါတယ်။

ချမ်းအေးသာစံမြို့နယ်က ပန်းလှိုင်ဆေးရုံ၊ မြတ်ချယ်ရီ၊ မြတ်ဝေလျှံ၊ မင်္ဂလာမျိုးဆက်နဲ့ ပြည်ကြီးတံခွန်မြို့နယ်က လန်ဒန်၊ ဇီဝကအပြင် ပုသိမ်ကြီးမြို့နယ်က ငြိမ်းချမ်း စတဲ့ ဆေးရုံတွေ ပိတ်သိမ်းရမှာဖြစ်တယ်လို့ သိရပါတယ်။

“လိုင်စင် သက်တမ်းတိုးကာလမို့ စိစစ်ချိန် ခေတ္တ ပိတ်ရမှာပါ။ အခု ၂၀၂၅ ခုနှစ်၊ မတ်လ ၁ ရက်နေ့ကနေစပြီး ပိတ်သိမ်းရမှာပါ” လို့ လုံခြုံရေးအဖွဲ့နဲ့ နီးစပ်သူက ပြောပါတယ်။

လွန်ခဲ့တဲ့ ၂၀၂၃ခုနှစ်၊ ဇန်နဝါရီလကလည်း CDM ဆရာဝန်တွေကို လက်ခံတယ်ဆိုတဲ့ အကြောင်းပြချက်နဲ့ မန္တလေးမြို့က ပုဂ္ဂလိကဆေးရုံ ငါးရုံဖြစ်တဲ့ နန်းတော်ဆေးရုံ၊ မြို့တော်ဆေးရုံ၊ ကံ့ကော်ဆေးရုံ၊ စိန်ပန်းဆေးရုံ၊ ထက်နေလင်းဆေးရုံတို့ကို ငါးလကြာ ပိတ်သိမ်းခဲ့ပြီး ညှိနှိုင်းပြီး ပြေလည်မှုရမှသာ ပြန်လည် ဖွင့်ခွင့်ရရှိခဲ့တယ်လို့ သိရပါတယ်။

ဒါအပြင် ရန်ကုန်မြို့မှာလည်း နာမည်ကြီး ဆေးရုံတချို့ ယာယီ ပိတ်သိမ်းခံရတယ်လို့ သတင်းတွေ ထွက်ပေါ်နေပြီး ဒီအကြောင်းအရာနဲ့ ပတ်သက်လို့ ဂရန်း(ဒ်)ဟံသာ အင်တာနေရှင်နယ်ဆေးရုံကြီးကို ဆက်သွယ်မေးမြန်းရမှာ တာဝန်ရှိသူတယောက်က “ကျွန်မတို့ဆီတော့ ဒီတိုင်းပဲနော်။ ဖွင့်နေတယ်။ ဆေးရုံပိတ်တာ မဟုတ်ပါဘူး” လို့ ပြန်လည် ဖြေကြားခဲ့ပါတယ်။

ပြီးခဲ့တဲ့ ၂၀၂၄ ခုနှစ်အတွင်းကလည်း ရန်ကုန်တိုင်း၊ မြောက်ဒဂုံမြို့နယ်၊ ၂၇ ရပ်ကွက်၊ ဆရာစံလမ်းမှာ ဖွင့်လှစ်ထားတဲ့ ပင်လုံ ပုဂ္ဂလိကဆေးရုံကို နစက က ဖေဖော်ဝါရီလနဲ့ မတ်လမှာ နှစ်လ ယာယီ ပိတ်သိမ်းခိုင်းခဲ့ပါသေးတယ်။

အလားတူ ၂၀၂၄ ခုနှစ်အတွင်းမှာပဲ ရန်ကုန်တိုင်း၊ သင်္ဃန်းကျွန်းမြို့နယ်က အောင်ရတနာ ပုဂ္ဂလိကဆေးရုံကို မေလ ၁ ရက်နေ့ကစပြီး အချိန်နှစ်လကြာ ယာယီ ပိတ်သိမ်းထားမှု ပြုလုပ်ခဲ့ပါသေးတယ်။

Photo:CJ

Credit - VOM News Agency

#သတင်းဟင်းလေးအိုးကြီး

2007 ခုနှစ် က ဆွစ်ဇာလန် အမျိုးသမီးတစ်ဦး ဟာ Adermatoglyphia လို့ အမည်ရတဲ့ ရှားပါးမျိုးဗီဇ
ရောဂါကြောင့် လက်ဗွေရာမရှိဘဲဖြစ်ကာ အမေရိကန်နိုင်ငံ သို့ ဝင်ရောက်ခွင့်မရရှိခဲ့ပါဘူး ဒီ လက်ဗွေရာ မရှိတဲ့
ဖြစ်ရပ်ဟာ ကမ္ဘာတစ်ဝှမ်းက မိသားစု ငါးစု မှာသာ
ဖြစ်ပွါးကြောင်းတွေ့ရှိရပါတယ်
#knowledge

မင်္ဂလာဒုံမြို့နယ်တွင် လင်မယားနှစ်ဦး စကားများရန်ဖြစ်၍ မီးခြစ်လုမီးရှို့ရာမှ ဇနီးဖြစ်သူ မီးလောင်သေဆုံး

ဖေဖော်ဝါရီ ၇

ရန်ကုန်တိုင်းဒေသကြီး၊ မင်္ဂလာဒုံမြိုနယ်တွင် အမျိုးသားဖြစ်သူ အရက်သောက်သည်ကို မကြိုက်၍ စကားများ ရန်ဖြစ်ပြီး မီးခြစ်လု မီးရှို့ရာမှ ဇနီးဖြစ်သူမီးလောင်သေဆုံး၍ အမျိုးသားမှာ မီးလောင်ဒဏ်ရာအပြင်းအထန် ရရှိခဲ့ ကြောင်း မင်္ဂလာဒုံမြို့နယ်မီးသတ်စခန်းထံမှ သိရသည်။
အဆိုပါဖြစ်စဉ်မှာ ဖေဖော်ဝါရီလ ၆ ရက်၊ နံနက် ၁ နာရီအချိန်ခန့်က မင်္ဂလာဒုံမြို့နယ်၊ ဧကရာဇ်ရပ်ကွက်၊ ရန်ကုန်-ပဲခူး လမ်းမကြီးဘေးရှိ လယ်တဲတွင် ဖြစ်ပွားခဲ့ခြင်းဖြစ်ကြောင်း သိရသည်။

“အမျိုးသားဖြစ်သူက အရက်သောက်လို့ မိန်းမက မကြိုက်ရာကနေ စကားများရန်ဖြစ်ကြတာ။ အဲဒီကနေ နင်ရှို့ မယ် ငါရှို့မယ်နဲ့ မီးခြစ်ကို လုတယ်။ အဲဒီတော့ ယောက်ျားက မူးပြီးတော့ မီးခြစ်ကိုပေးလိုက်တယ်။ ပေးလိုက်တဲ့ အချိန်မှာ မိန်းမက တစ်အိမ်လုံးကို ဓာတ်ဆီနဲ့ဖြစ်ဖြစ်၊ ဒီဇယ်တွေနဲ့ဖြစ်ဖြစ် ပက်ထားတယ်ပေါ့နော်။ ဓာတ်ဆီပုံးတွေ နဲ့လျှောက်ဖြန်းတော့ အောက်တွေကို၊ မြေကြီးတွေပေါ် ကိုလည်း အစက်တွေကျတယ်။ ဟိုလိုဒီလိုတွေနဲ့ ဆီနဲ့ လိုက်ပက်တာ။ မိန်းမက တကယ် ရှို့ချလိုက်တယ်။ ရှို့လိုက်တဲ့အချိန်မှာ ဝုန်းဆိုပြီး ထလောင်တယ်။ ထလောင် တော့ သူ့(မိန်းမ)ကိုလည်း လောင်တယ်။ အဲဒီမှာ ယောက်ျားကလည်း ထွက်ပြေးတော့ လွတ်တယ်။ မိန်းမက သူကိုယ်တိုင်ရှို့ပြီး မီးလောင်ပြီး သေသွားတယ်” ဟု မင်္ဂလာဒုံမြို့နယ်မီးသတ်စခန်းမှ တာဝန်ရှိသူတစ်ဦးက ပြောသည်။

အဆိုပါ မီးလောင်သွားသောတဲမှာ ဆယ်ပေပတ်လည်ရှိ လယ်တဲမျိုးဖြစ်ပြီး အမျိုးသမီးမှာ မီးလောင်ဒဏ်ရာများဖြင့် ပွဲချင်းပြီးသေဆုံးသွားကြောင်း သိရသည်။

“သူတို့နေတဲ့တဲက ဆယ်ပေပတ်လည် တဲမျိုးလေးတော့ ရှိတယ်။ လယ်ကွင်းထဲမှာ။ လူသူလည်း နည်းနည်းတော့ ဝေးတယ်။ ဖြစ်တာလည်း မြန်ဆန်တယ်။ လယ်ကွင်းထဲဆိုတော့ လေတိုက်အားလည်း အရမ်းကောင်းတယ်” ဟု အခြားမီးသတ်ဌာနမှ တာဝန်ရှိသူတစ်ဦးက ဆိုသည်။

မီးလောင်သေဆုံးသူအမျိုးသမီးမှာ အသက်(၄၇)နှစ်အရွယ်ရှိပြီး အသက် (၄၀)အရွယ်ရှိ ၎င်း၏ အမျိုးသားမှာလည်း မီးလောင်ဒဏ်ရာများ ပြင်းထန်စွာရရှိခဲ့ကြောင်း သိရသည်။

၎င်းတို့မှာ အဆိုပါတဲသို့ လယ်ထွန်ရန် ရောက်ရှိနေခြင်းဖြစ်ပြီး သေဆုံးသူရုပ်အလောင်းနှင့် ဒဏ်ရာရရှိသူတို့ကို အင်းစိန်ပြည်သူ့ဆေးရုံကြီးသို့ ကူညီပို့ဆောင်ပေးထားကြောင်း မင်္ဂလာဒုံမီးသတ်စခန်းမှ တာဝန်ရှိသူတစ်ဦးက ဆက်လက်ပြောသည်။

#centralnewsnaypyitaw

မနက်ဖြန် (၈-၂-၂၀၂၅) ရန်ကုန် (၆) မြို့နယ် မီးပြတ်မည် (မလာတဲ့ မီးကို ပြတ်မယ်ဆိုပြီး ကြိုပြောနေတဲ့ အဖြစ်)
၈-၂-၂၀၂၅ ရက်နေ့ စနေနေ့မှာ ကျိုက္ကဆံ (၂) ဓာတ်အားလိုင်သစ်အတွက် မလွတ်ကင်းသော သစ်ပင်သစ်ကိုင်းများ ရှင်းလင်းမှာ ဖြစ်တာကြောင့် ရန်ကုန် (၆) မြို့နယ် မီးပြတ်မယ်လို့ သိရပါတယ်။ သင်္ဃန်းကျွန်း၊ တောင်ဥက္ကလာ၊ ရန်ကင်း၊ တာမွေ၊ မင်္ဂလာတောင်ညွှန့်၊ ဗဟန်း မြို့နယ် (၆) မြို့နယ်မှာ မနက်ဖြန် မနက် (၁၀) နာရီကနေ နေ့လည် (၂) နာရီအထိ မီးပြတ်မှာ ဖြစ်ပါတယ်။
လတ်တလောမှာ ရန်ကုန်အနောက်ပိုင်းခရိုင်တခုပဲ (၄) နာရီခြား မီးပြတ်နေပြီး တခြားမြို့နယ်တွေမှာတော့ (၄) နာရီလာ (၈) နာရီပြတ်အချိန်ဇယားနဲ့ပဲ ရှိပါသေးတယ်။ လျှပ်စစ်မီး ရရှိမှု မညီမျှရတဲ့အထဲ ယခုလို သီးသန့် ဖြတ်တောက်မှုတွေကြောင့် အဆိုပါမြို့နယ်တွေမှာရှိတဲ့ ပြည်သူတွေအနေနဲ့ တနေ့မှာ ၄ နာရီပြည့်အောင် မီးမရဘူးလို့ သိရပါတယ်။
လက်ရှိအချိန်ဟာ ဆောင်းရာသီဖြစ်တာကြောင့် ရန်ကုန်မှာရှိတဲ့ အဲကွန်း အများစုကို ပိတ်ထားကြတာပဲ ဖြစ်ပါတယ်။ မကြာခင်မှာ နွေဦးရာသီရောက်လာတော့မှာ ဖြစ်ပြီး အပူချိန် မြင့်တက်လာမှုနဲ့အတူ လျှပ်စစ်အသုံးများလာချိန်မှာတော့ ရန်ကုန်မြို့ကြီးဟာ တနေ့ ၂ နာရီခန့်တောင် မီးလာပါ့မလားဆိုတာကို ပြည်သူတွေက စိုးရိမ်နေကြပါတယ်။

ICC ကို အရေးယူပိတ်ဆို့မှု ချမှတ်ကြောင်း အမေရိကန်ကြေညာ

ဝါရှင်တန်၊ ဖေဖော်ဝါရီ ၇

နိုင်ငံတကာ ရာဇဝတ်တရားရုံး (ICC) ဟာ တရားမဝင် အခြေအမြစ်မရှိတာတွေ လုပ်ဆောင်နေတယ်ဆိုကာ အရေးယူပိတ်ဆို့မှုတွေ ချမှတ်ဖို့ အမေရိကန်သမ္မတ ဒေါ်နယ်ထရန့်က အမိန့်ထုတ်ပြန်လိုက်ပါတယ်။

အမေရိကန်နဲ့ မဟာမိတ်အစ္စရေးအပေါ် ပစ်မှတ်ထားပြီး တရားမဝင် လုပ်ရပ်တွေလုပ်ဆောင်နေတယ်လို့ ထရန့်က ပြောဆိုထားပြီး အမေရိကန်နိုင်ငံသားတွေနဲ့ မဟာမိတ်များအပေါ် အိုင်စီစီရဲ့ စုံစမ်းစစ်ဆေးမှုမှာ ကူညီဆောင်ရွက်ပေးနေတဲ့ လူပုဂ္ဂိုလ်တွေနဲ့ မိသားစုတွေကိုပါဘဏ္ဍာရေးနဲ့ ခရီးသွားကန့်သတ်ချက်တွေ ချမှတ်လိုက်ပါတယ်။

အစ္စရေးဝန်ကြီးချုပ် နေတန်ယာဟု ဝါရှင်တန်ကို ရောက်ရှိနေချိန်မှာ ICC နဲ့ပတ်သက်ပြီး အရေးယူပိတ်ဆို့မှုများကို ဒေါ်နယ်ထရန့်က လက်မှတ်ရေးထိုးခဲ့တာဖြစ်ပါတယ်။ ဂါဇာကမ်းမြှောင်ဒေသမှာ စစ်ရာဇဝတ်မှုတွေ ကျူးလွန်သည်ဆိုကာ အစ္စရေးဝန်ကြီးချုပ် နေတန်ယာဟုကို အိုင်စီစီက နိုဝင်ဘာလမှာ ဖမ်း၀ရမ်းထုတ်ခဲ့ပါတယ်။

အစ္စရေးကတော့ စွပ်စွဲချက်တွေကို ငြင်းဆိုထားပါတယ်။ အိုင်စီစီဟာ ဟားမတ်စ်ထိပ်တန်းတပ်မှူးကိုလည်း ဖမ်း၀ရမ်းထုတ်ပြန်ခဲ့ပါတယ်။ ကျင့်ဝတ်နဲ့ လုပ်ရပ်အရ မတူညီတဲ့အခြေအနေမှာ ဟားမတ်စ်နဲ့ အစ္စရေးကို တန်းတူထားတဲသဘော သက်ရောက်တယ်လို့ ထရန့်ကပြောပါတယ်။

အမေရိကန်နဲ့ အစ္စရေးတို့ဟာ စစ်ဥပဒေတွေကို တင်းတင်းကြပ်ကြပ် လိုက်နာဆောင်ရွက်နေတဲ့ ဒီမိုကရေစီနို်ငငံတွေဖြစ်တယ်လို့ သူကဆိုပါတယ်။ အမေရိကန်ဟာ အိုင်စီစီအဖွဲ့ဝင်နိုင်ငံမဟုတ်တဲ့အပြင် အမေရိကန်နိုင်ငံသားတွေကို တရားစီရင်ပိုင်ခွင့်ကိုလည်း အကြိမ်ကြိမ် ပယ်ချခဲ့ပါတယ်။

ဒေါ်နယ်ထရန့်ရဲ့ ပထမကြိမ် သမ္မတသက်တမ်းအတွင်း အာဖဂန်မှာ အမေရိကန်တပ်ဖွဲ့ဝင်တွေ စစ်ရာဇဝတ်မှု ကျူးလွန်ခြင်းရှိမရှိ စုံစမ်းစစ်ဆေးနေတဲ့ အိုင်စီစီအရာရှိတွေ အရေးယူပိတ်ဆို့မှုများချမှတ်ခဲ့ပြီး သမ္မတဂျိုးဘိုင်ဒင်လက်ထက်မှာတော့ အရေးယူပိတ်ဆို့မှုတွေကို ပြန်လည်ရုပ်သိမ်းခဲ့ပါတယ်။

Ref:BBC
Photo:Reuters

#သတင်းဟင်းလေးအိုးကြီး

ဂန်းနားအသင်းအနေနဲ့ နယူးကာဆယ်အသင်းကို ၂-၀ နဲ့ရှုံးနိမ့်ခဲ့တာကြောင့်၂ကျော့ပေါင်း ၄-၀ ဆိုတဲ့၇လဒ်နဲ့ရှုံးနိမ့်ခဲ့ပါတယ်။နောက်ဆုံးပွဲစဉ်မှာလည်းသူတို့အနေနဲ့ ၁၁ ကြိမ်အထိအခွင့်အရေးရှာနိုင်ခဲ့ပေမဲ့ ဂိုးပေါက် ၃ ကြိမ်သာတည့်ခဲ့တာဖြစ်ပါတယ်။

အာဆင်နယ်အသင်းအနေနဲ့ ဒဏ်ရာရကစားသမားပြသနာတွေကြုံတွေ့နေရပြီးအထူးသဖြင့် တိုက်စစ်ပိုင်းကစားသမားတွေဖြစ်တဲ့ ဂါဘရီရယ်ဂျီးဆပ်စ်နဲ့ဘူခါယိုဆာကာတို့ဖြစ်ပါတယ်။ဒါပေမဲ့လည်းသူတို့အသင်းအနေနဲ့ ပြီးခဲ့တဲ့ဇန်နဝါရီကာလစျေးကွက်မှာအသင်းဆီကစားသမားတဦးတယောက်မှခေါ်ယူအားဖြည့်နိုင်ခြင်းမရှိခဲ့ဘဲစပိန်နည်းပြကြီးကိုယ်တိုင်ကလည်း ဒီတကြိမ်အပြောင်းအရွှေ့စျေးကွက်နဲ့ပတ်သက်ပြီးစိတ်ပျက်ကြောင်းဝန်ခံပြောဆိုထားခဲ့ပါတယ်။

သူတို့ဂိုးရခဲ့ပြီးနောက်မှာတော့ အရှိန်အဟုန်ဟာပြောင်းလဲသွားခဲ့ပါတယ်။ဒုတိယပိုင်းအစပိုင်းမှာငါတို့ဂိုးလိုချင်ခဲ့ပြီး ငါတို့မလုပ်ဆောင်နိုင်ခဲ့ပါဘူး။
သူတို့အသင်းဟာပယ်နယ်တီဧရိယာထဲထိုးဖောက်ရာမှာငါတို့အသင်းထက်ပိုပြီးအရည်အသွေးရှိပြီး ဒီဟာကကွာခြားမှုရှိပါတယ်။မင်းအနေနဲ့အရည်အသွေးရှိရှိကစားရမှာဖြစ်ပြီး ဒီဟာကမင်းအနေနဲ့ချန်ပီယံဆုရယူရာမှာနီးစပ်မှုရှိစေတဲ့အရာဖြစ်ပေမဲ့ဒီဟာကိုငါတို့မလုပ်ဆောင်နိုင်ခဲ့ဘူးလို့ အာတီတာကပြောဆိုခဲ့ပါတယ်။

#ဘောလုံးသတင်းစုံ