တောင်ကိုရီးယား ခရီးသည်လေယာဉ်တစင်း ဘူဆန်မှာမီးလောင်လို့ ခရီးသည် ၁၇၆ ယောက်ကို ကယ်ထုတ်
ဆိုးလ်၊ ဇန်နဝါရီ ၂၉
တောင်ကိုရီးယားနိုင်ငံ ဘူဆန်မြို့ရှိ လေဆိပ်တခုမှာ အဲဘတ်စ်လေယာဉ်တစင်း မီးလောင်မှုဖြစ်ပွားခဲ့တာကြောင့် ခရီးသည် ၁၇၆ ယောက်ကို ဘေးလွတ်ရာ ကယ်ထုတ်ခဲ့ရတယ်လို့ မီးသတ်တာဝန်ရှိသူတွေက ပြောပါတယ်။
ဘူဆန်လေကြောင်းလိုင်းက ခရီးသည်လေယာဉ်ဟာ နိုင်ငံအရှေ့တောင်ပိုင်းလေဆိပ်မှာ မီးလောင်ခဲ့တာဖြစ်ပြီး အရေးပေါ်လှေကားကနေ ခရီးသည်တွေအရေးပေါ်ဆင်းသက်ရာမှာ လူလေးယောက်ဒဏ်ရာရခဲ့တယ်လို့ ဆိုပါတယ်။
ဟောင်ကောင်ကို ထွက်ခွာမယ့် အဲဒီလေယာဉ်ရဲ့ အမြီးပိုင်းကနေ မီးစတင်လောင်ကျွမ်းခဲ့တာဖြစ်ပြီး လေယာဉ်ကိုယ်ထည်ထိ ပျံ့နှံ့သွားတဲ့မီးကို မိနစ်ပိုင်းအတွင်းရောက်ရှိလာတဲ့ မီးသတ်သမားတွေက ငြှိမ်းသတ်ခဲ့ရပါတယ်။
ဂျယ်ဂျူလေကြောင်းလိုင်း ခရီးသည်တင်လေယာဉ်တစင်း နိုင်ငံအနောက်တောင်ပိုင်း မူအန်းလေဆိပ်မှာ ပျက်ကျခဲ့ပြီး လူ ၁၇၉ ယောက်သေဆုံးခဲ့တဲ့ အဆိုးရွားဆုံး လေကြောင်းမတော်တဆဖြစ်ပြီး တလမပြည့်ခင်မှာ အခုလို လေယာဉ်မီးလောင်မှု ဖြစ်ပွားခဲ့တာပါ။
မီးလောင်ခဲ့တဲ့ လေယာဉ်ပေါ်မှာ ခရီးသည် ၁၆၉ ယောက်နဲ့ လေယာဉ်အမှုထမ်း ခုနှစ်ယောက်တို့ လိုက်ပါခဲ့ပြီး မီးလောင်ရတဲ့အကြောင်းရင်းကို စုံစမ်းစစ်ဆေးနေသည်။ ဘူဆန်လေကြောင်းလိုင်းဟာ ဘက်ဂျက်လေကြောင်းလိုင်းတခုဖြစ်ပြီး မိခင်ကုမ္ပဏီကတော့ အေရှာနာ လေကြောင်းလိုင်းဖြစ်ပါတယ်။
Ref:BBC
Photo:AFP
#သတင်းဟင်းလေးအိုးကြီး
