ပြည်ပသို့ ပျားရည်တန်ချိန် နှစ်ထောင်ကျော် တင်ပို့နိုင်ခဲ့
--------------------------
၂၀၂၄-၂၀၂၅ ဘဏ္ဍာရေးနှစ် ဧပြီလကနေ ဒီဇင်ဘာလအထိ (၉)လတာကာလအတွင်း ပြည်ပကို ပျားရည် တန်ချိန် နှစ်ထောင်ကျော် တင်ပို့နိုင်ခဲ့တယ်လို့ မွေးမြူရေးနှင့်ကုသရေးဦးစီးဌာန၊ ပျားမွေးမြူမှု ဖွံ့ဖြိုးရေးဌာနကနေ သိရပါ တယ်။ အဲဒီလိုတင်ပို့မှုကနေ အမေရိကန်ဒေါ်လာ ၂သန်းနီးပါး ရရှိခဲ့တယ်လို့လည်း မွေးမြူရေးနှင့်ကုသရေးဦးစီး ဌာန၊ ပျားမွေးမြူမှုဖွံ့ဖြိုးရေးဌာနက ညွှန်ကြားရေးမှူးဦးစိုးနိုင်က ပြောပါတယ်။
ပျားရည်ကို ဂျပန်၊ တောင်ကိုရီးယား၊ ထိုင်း၊ တရုတ်နဲ့ တရုတ်(တိုင်ပေ)တို့ကို ပုံမှန်တင်ပို့နေတာဖြစ်ပြီး ဂျပန်နိုင်ငံ ကို အများဆုံးတင်ပို့နေတာပါ။ အခုဘဏ္ဍာရေးနှစ်မှာလည်း ပျားရည်တင်ပို့ရောင်းချတာက ပုံမှန်အတိုင်းရှိတယ်လို့ ဦးစိုးနိုင်က ပြောပါတယ်။
ပျားရည်ကို မကွေးတိုင်း၊စစ်ကိုင်းတိုင်း၊မန္တလေးတိုင်း၊ပဲခူးတိုင်းနဲ့ ရှမ်းပြည်နယ်တွေက အများဆုံးထုတ်လုပ်နေ တာဖြစ်ပြီး ပြည်ပကို တင်ပို့ကြသလို ပြည်တွင်းမှာလည်း ဆေးဝါးတွေအဖြစ် နှမ်းပျားရည်၊ ဆီး(ဇီး)ပျားရည်၊ ပန်းနှမ်းပျားရည်၊ နေကြာပျားရည်၊ ရော်ဘာပျားရည်၊ လိုက်ချီးပျားရည်၊ ရှောက်ပျားရည်၊ ဆင်တုံးမနွယ်ပျားရည်နဲ့ သဘာဝပျားရည်တွေအဖြစ် ထုတ်လုပ်ရောင်းချကြတယ်လို့ သိရပါတယ်။
