"အိန္ဒိယ ဝယ်လိုအားကျဆင်းနေခြင်း နှင့် ငွေလဲနှုန်းကြောင့် မတ်ပဲနှင့်ပဲစင်းငုံဈေးကျနေ"

ပြည်တွင်းပဲဈေးကွက်အတွင်း၌ အမေရိကန်ဒေါ်လာနှင့်မြန်မာငွေလဲလှယ်နှုန်း ကျဆင်းနေသည့်အပြင် အိန္ဒိယနိုင်ငံဘက်မှ ပဲဝယ်လိုအားကျဆင်းနေခြင်းကြောင့် ပြည်တွင်း ပဲဈေးနှုန်းများကျဆင်းနေကြောင်း ဈေးကွက်အတွင်းမှသိရသည်။

ဒီဇင်ဘာလ (၃) ရက် ဘုရင့်နောင်ပွဲရုံ ဈေးကွက်ပေါက်ဈေးများအရ မတ်ပဲတစ်တန်လျှင် ငွေကျပ် ၃၅ သိန်းခွဲ ဝန်းကျင်သာပေါက်ဈေးရှိပြီး ပဲစင်းငုံတစ်တန်လျှင် ၃၈ သိန်းကျပ်ဝန်းကျင်သာ ပေါက်ဈေးရှိကြောင်းသိရသည်။ “အိန္ဒိယနဲ့ မြန်မာအကြားမှာ ပဲတင်ပို့မှု MOU သက်တမ်းကုန်သွားပါပြီ ၊ အိန္ဒိယဘက်မှာလည်း ပဲပေါ်ချိန်ဆိုတော့ ပြည်ပကတင်သွင်းတာတွေရပ်နားထားပါတယ်။ မြန်မာငွေကလဲပြင်ပပေါက်ဈေးတောင် တစ်ဒေါ်လာ ၄၅၀၀ ကျပ်ဝန်းကျင်ဘဲ ရှိနေတော့ ပဲဈေးကအကျဘက်မှာဘဲငြိမ်နေတာပေါ့”ဟု ပြည်တွင်း ပဲနှမ်းကုန်သည်တစ်ဦးက ပြောသည်။

မြန်မာနိုင်ငံ၏ မတ်ပဲနှင့်ပဲစင်းငုံသည် ပြည်ပသို့တင်ပို့မှု အများဆုံးပဲအမျိုးအစားများဖြစ်ကြပြီး နိုင်ငံခြားငွေအများဆုံးရှာဖွေပေးသည့် ပို့ကုန်များဖြစ်ကြသည်။ သက်ဆိုင်ရာက ပို့ကုန်ရငွေအပေါ် ၇၅/၂၅ ရာခိုင်နှုန်း သတ်မှတ်ချက်များ ထွက်ပေါ်လာအပြီးတွင် ပဲတင်ပို့သည့်လုပ်ငန်းရှင်အချို့သည် အခြားစီးပွားရေးလုပ်ငန်းများ လုပ်ကိုင်လာကြသည်။

NP News

မန္တလေးတိုင်းဒေသကြီး၊ ရမည်းသင်းမြိုနယ်၊ မိုးထိမိုးမိဒေသရှိ သပြေပင်ကျေးရွာအနီး၌ တရားမဝင်ရွှေတူးဖော်လုပ်ကိုင်နေသူများအား ရွှေတူးဖော်ရာတွင် အသုံးပြုသည့် ဆက်စပ်ပစ္စည်းများနှင့်အတူ ဖမ်းဆီးရမိ

မန္တလေးတိုင်းဒေသကြီး၊ ရမည်းသင်းမြိုနယ်၊ မိုးထိမိုးမိဒေသ၌ တရားမဝင်ရွှေတူးဖော်လုပ်ကိုင်မှုများကြောင့် နိုင်ငံတော်၏အခွန်ဘဏ္ဍာငွေဆုံးရှုးရခြင်းနှင့် သဘာဝပတ်ဝန်းကျင်ထိခိုက် ပျက်စီးခြင်းများဖြစ်ပေါ်စေကာ ၎င်းဒေသအနီး ကျေးရွာများရှိ ဒေသခံပြည်သူများမှာ ရေကြီးရေလျှံခြင်း၊ မိုးသည်းထန်စွာ ရွာသွန်းမှုကြောင့် တောင်ကျရေများနှင့်အတူ မြေပြိုခြင်းစသည့် သဘာဝဘေးအန္တရာယ်များအား ရင်ဆိုင်ကြုံတွေ့နေရကြောင်း ဒေသခံပြည်သူများ၏ သတင်းပေးပို တိုင်တန်းချက်များအရ လုံခြုံရေးတပ်ဖွဲဝင်များပါဝင်သော ပူးပေါင်းအဖွဲက အဆိုပါတရားမဝင်ရွှေတူးဖော်လုပ်ကိုင်နေသူများအား ဖော်ထုတ်ဖမ်းဆီးအရေးယူခြင်းများ ဆောင်ရွက်ခဲ့ကြသည်။

ထိုသိုဆောင်ရွက်ခဲ့ရာ ၂၀၂၄ ခုနှစ်၊ နိုဝင်ဘာလ ၂၇ ရက်နေ့ ည ၆ နာရီတွင် မန္တလေးတိုင်းဒေသကြီး၊ ရမည်းသင်းမြိုနယ်၊ မိုးထိမိုးမိဒေသရှိ သပြေပင်ကျေးရွာအနီး ဒေသအခေါ် ဘက်ဟိုးတောင်ကုန်းသို လုံခြုံရေးတပ်ဖွဲဝင်များ ပါဝင်သော ပူးပေါင်းအဖွဲက သွားရောက်စစ်ဆေးခဲ့ရာ အဆိုပါတောင်ကုန်းအနီး၌ တရားမဝင်ရွှေတူးဖော်လုပ်ကိုင်နေသော ပျော်ဘွယ်မြိုနယ်၊ ကြူတောဝကျေးရွာနေ ဦးဇော် (၅၂) နှစ် (ဘ) ဦးထွန်းကြည်နှင့် ရမည်းသင်းမြိုနယ်၊ သပြေပင်ကျေးရွာနေသူများဖြစ်ကြသည့် လွင်ကိုနိုင် (၂၈) နှစ် (ဘ) ဦးအေး၊ ကျော်သက်ပိုင် (၂၂) နှစ် (ဘ) ဦးရဲသွေး၊ ဦးမောင် (၆၀) နှစ် (ဘ) ဦးညို၊ နိုင်ကောင်းထက် (၂၂) နှစ် (ဘ) ဦးအေးတို ၅ ဦးအား တရားမဝင်ရွှေတူးဖော်ရာတွင် အသုံးပြုသည့် ဆက်စပ်ပစ္စည်းများနှင့်လည်းကောင်း၊

နိုဝင်ဘာလ ၂၈ ရက်နေ့ နံနက် ၁၀ နာရီတွင် တရားမဝင်ရွှေတူးဖော်လုပ်ကိုင်နေသူ သပြေပင်ကျေးရွာနေ တင်လင်း (၄၅) နှစ် (ဘ) ဦးမြိုင်၏နေအိမ်အား ဝင်ရောက်စစ်ဆေးခဲ့ရာ တင်လင်းအား တွေ့ရှိခြင်းမရှိဘဲ တရားမဝင်ရွှေတူးဖော်လုပ်ကိုင်သူများဖြစ်ကြသည့် အဆိုပါကျေးရွာနေ ဝင်းစိုး (၃၂)နှစ် (ဘ) ဦးလှသန်းနှင့် ညောင်အိုင်ကျေးရွာနေ အောင်စိုးဦး (၁၆) နှစ် (ဘ) ဦးအောင်ဌေးဝင်းတို ၂ ဦးအား နေအိမ်ခြံဝင်းအတွင်းမှ ရွှေပါသည်ဟု ယူဆရသည့် ဗြုန်းကျောက်အိတ်ပိုင်း ၃၅ ပိုင်း၊ သဲစာ အိတ်ပိုင်း ၂၀ ပိုင်း၊ ဗြုန်းကျောက်များကြိတ်ရာတွင် အသုံးပြုသည့် ရိုက်ပြား ၅ ပြားနှင့် ဆက်စပ်ပစ္စည်းများနှင့်လည်းကောင်း၊

ယင်းနေ့ ည ၆ နာရီခွဲတွင် မိုးထိမိုးမိဒေသရှိ သပြေပင်ကျေးရွာအနီး ဒေသအခေါ် ဘက်ဟိုးတောင်ကုန်းအနီးဝန်းကျင်သို သွားရောက်စစ်ဆေးခဲ့ရာ အဆိုပါနေရာတွင် တရားမဝင်ရွှေတူးဖော်လုပ်ကိုင်နေသူများအား တွေ့ရှိရခြင်းမရှိဘဲ ရွှေပါသည်ဟု ယူဆရသည့် ဗြုန်းကျောက်အိတ်ပိုင်း ၁၅ ဝိုင်း၊ တရားမဝင်ရွှေတူးဖော်ရာတွင် အသုံးပြုသည့် ဆိုလာပြား ၁ ချပ်၊ ဘတ္ထရီအိုး ၁ လုံး၊ လက်ဆွဲ မီးစက် ၁ လုံး၊ ဒီဇယ်အင်ဂျင် ၁ လုံး၊ ဒိုင်နမို ၁ လုံး၊ လက်တွန်းလှည်း ၁ စီး၊ SHAYAN-125 ဆိုင်ကယ် ၁ စီးပါ ဆိုင်ကယ်မျိုးစုံ ၁၃ စီးအားလည်းကောင်း အသီးသီးတွေ့ရှိသိမ်းဆည်းရမိခဲ့သည်။

စစ်ဆေးမှုများအတွင်း ဖမ်းဆီးရမိသည့် တရားမဝင်ရွှေတူးဖော်လုပ်ငန်းလုပ်ကိုင်သူ ဦးဇော်ပါ တရားခံ ၇ ဦး၊ ဖမ်းဆီးရန်ကျန်တရားခံ တင်လင်းနှင့် တရားခံ (စိစစ်ဆဲ) များအား ရမည်းသင်းမြိုမရဲစခန်း၌ မြန်မာ့သတ္ထုတွင်းဥပဒေပုဒ်မ ၃၀ (က) ဖြင့် အမှုများအသီးသီးရေးဖွင့်ကာ တရားဥပဒေနှင့်အညီ အရေးယူနိုင်ရေး ဆက်လက်ဆောင်ရွက်လျက်ရှိသည်။

လုံခြုံရေးတပ်ဖွဲဝင်များပါဝင်သော ပူးပေါင်းအဖွဲများအနေဖြင့် ရမည်းသင်းမြိုနယ်၊ မိုးထိမိုးမိဒေသရှိ နိုင်ငံတော်ပိုင် ရွှေသတ္တုတူးဖော်ရေးလုပ်ကွက်များအတွင်း ဝင်ရောက်၍ တရားမဝင်ရွှေတူးဖော်လုပ်ကိုင်မှုကြောင့် သဘာဝပတ်ဝန်းကျင်ထိခိုက်ပျက်စီးစေသည့်အပြင် နိုင်ငံတော်၏ အခွန်ဘဏ္ဍာငွေဆုံးရှုးရခြင်းများမဖြစ်ပေါ်စေရေး နယ်မြေအတွင်း တရားဥပဒေစိုးမိုးရေးနှင့် နယ်မြေလုံခြုံရေးလုပ်ငန်းများအား တည်ဆဲဥပဒေနှင့်အညီ ဆက်လက်ဆောင်ရွက်လျက်ရှိကြောင်း သတင်းရရှိသည်။

Textual Domain
Rhetorical Structures
==================
စာရေးတဲ့အခါ စကားပြောတဲ့အခါ အတွေးကို ပုံစံချပြီး မိမိလိုချင်တဲ့ရည်ရွယ်ချက်ဆီ ရောက်ရှိအောင်ရေးသားရတယ်။ (ဒီစာအုပ်ထဲမှာ Retorical Structure Theory အကြောင်းလည်း ပါရှိပြီးဖြစ်တယ်။)
ရေးတဲ့အခါ သုံးတဲ့ အတွေ့များတဲ့ ပုံစံချပြီးသား စကားပုံစံကွက် Rhetorical Structures တွေကို အောက်မှာ နမူနာအဖြစ် ပုံစံများပေးထားလိုက်ပါတယ်။
မိမိတို့ စာဖတ်ရင်း၊မိန့်ခွန်းစတဲ့ စကားပြောများ နားထောင်ရင်း ဒီလိုစကားအဆင်တွေကို ဘယ်လိုဖန်တီးရတယ်၊ ချီတက်ရတယ်၊ ထိန်းရတယ်၊ အပိတ်သတ်နိဂုံးအုပ်တယ် စသဖြင့် ဆင်ခြင်တွေးဆ နှလုံးသွင်းရင်း တပြိုင်နက်တည်း သင်ကြားနေနိုင်တယ်။
အခြေခံပုံစံကတော့ အခံနဲ့အအုပ်ပါပဲ။ စကားဖြစ်စဉ်ဆိုရင် အခင်း - အခက် (ဖြစ်ရပ်) - အဖြည် (ကောက်ချက်နီတိ သင်္ဂဟဂါထာစကား) ပါ။ စကားကြောင်းရပ်ဆိုရင် နိဒါန်း စာကိုယ် နိဂုံးဖြစ်တယ်။ အဲ့ခဒဲမစ် ဆန်အောင် ဆိုရင် ခေါင်းစဉ်ခွဲ၆ပါအတိုင်း ဖြစ်တယ်။ နည်းနည်း ဖြည့်ပြီး Toumin's Model တို့ဘာတို့မှာ အဆာသွတ်နိုင်တယ်
ပုံစံရိုးက (1). Statement - Explication- Analysis - Consensus - Restatement ဖြစ်တယ်။ သက္ကတနျာယမှာ ပဋိညာဉ်နဲ့ နိဂုံးကြား လက္ခဏ ဟေတု ဥဒါဟရုဏ် နျာယ ချိတ်ဆက်တယ်။
Debate
(2) Introduction - Argument - Evidence - Counter argument - Conclusion
Reflection
(3) Description - Comparison - Implication - Application
Proposal-Based
(4) Situation - Problem - Solution - Evaluation
Narration
(5) Observation - Reflection - Connection - Projection
Academic
(6) Claim - Reasoning - Evidence - Reinforcement
Essays
(7) Hook - Context - Thesis - Argumentation - Recap
Philosophical Essays
(😎 Question - Exporation - Conclusion
Story
(9) Narration - Exposition - Climax - Resolution
ဒီပုံစံတွေဟာ အသေသဘောရယ်လို့ မဟုတ်ပေမယ့် များသောအားဖြင့် စာဆိုတို့ လက်တွေ့ပြီး ဒီသဘောနှင်နှင် အကြိမ်ကြိမ်သုံးနှုန်း ဖော်ဆောင်ကြတဲ့ ''စာစကားအဆင်ကွက်တွေ'' ဖြစ်ပါတယ်။ တခုချင်းစီကို အသေးစိတ်ရေးလို့ရတဲ့အပြင် ပုံစံကွဲတွေ ဖြာထုတ်ပေးလို့လည်း ရပါသေးတယ်။ ပုံစံတခုချင်းပါ Elements အစိတ်အပိုင်းများဟာလည်း တကျမ်းနဲ့တကျမ်း သုံးနှုန်းခေါ်ဝေါ်ပုံချင်း မတူတတ်ကြပေမယ့် လိုရင်းသဘောတရားကတော့ ဆင်ဆင်တွေပဲဖြစ်တယ်။ စာဖတ်ရင်း နာရင်း မှတ်သားစိတ်ဖြာ အတုယူဖန်တီးတတ်ကြပါစေ။

ဆရာ zaw min-oo facebook မှ

အမေရိကန်အရာရှိများက ကုဒ်ဝှက်ထားသောစာတိုပို့အက်ပ်များကို အသုံးပြုရန် အမေရိကန်များကို တိုက်တွန်း။

AT&T နှင့် Verizon ကဲ့သို့သော ဆက်သွယ်ရေးကုမ္ပဏီများကို မကြုံစဖူး ဆိုက်ဘာတိုက်ခိုက်မှုအတွင်း အမေရိကန်တာဝန်ရှိသူများက ၎င်းတို့၏ ဆက်သွယ်ရေးကို နိုင်ငံခြားဟက်ကာများထံမှ ဝှက်ထားရန် အမေရိကန်လူမျိုးများအား ကုဒ်ဝှက်ထားသော စာတိုပေးပို့ခြင်းအက်ပ်များကို အသုံးပြုရန် အကြံပြုထားသည်။

Microsoft ၏ Salt Typhoon ဟု အမည်ဝှက်ပေးထားသည့် ဟက်ကာတိုက်ခိုက်မှုသည် အမေရိကန်သမိုင်းတွင် အကြီးဆုံးသော ထောက်လှမ်းရေး ကျိုးပေါက်မှုများထဲမှ တစ်ခုဖြစ်ပြီး ၎င်းကို အပြည့်အဝ ပတားဆီးနိုင်ခြင်းမရှိသေးပေ။

အင်္ဂါနေ့က သတင်းစာရှင်းလင်းပွဲတစ်ခုတွင် တာဝန်ရှိသူများက နိုင်ငံ၏ တယ်လီဖုန်းဆက်သွယ်ရေးစနစ်များကို ကြားဖြတ်နားထောင်မှုများ မရှိတော့ကြောင်း ကြေညာရန် ငြင်းဆိုခဲ့သည်။ တာဝန်ရှိသူများက တရုတ်နိုင်ငံ သည် AT&T၊ Verizon နှင့် Lumen Technologies တို့ကို hack လုပ်ခဲ့ကြောင်း NBC News သို့ ပြောကြားခဲ့သည်။

ဖိလစ်ပိုင်နိုင်ငံရဲ့ အချမ်းသာဆုံးပုဂ္ဂိုလ် Manuel Villar က ဘယ်သူလဲ။
အသက် 74 နှစ်အရွယ် Manuel Villar သည် အိမ်ခြံမြေသူဌေးကြီးဖြစ်ပြီး အသားတင်ပိုင်ဆိုင်မှု US$ 18.1 ဘီလီယံဖြင့် ဖိလစ်ပိုင်၏အချမ်းသာဆုံးပုဂ္ဂိုလ်ဖြစ်ကြောင်း Forbes မဂ္ဂဇင်းက ဖော်ပြခဲ့သည်။

သူ့တွင် မြောက်မြားစွာသော စတော့စျေးကွက်ဝင်စီးပွားရေးလုပ်ငန်း အများအပြားရှိပြီး အကြီးမားဆုံးသော အိမ်ရာစီမံကိန်းများနှင့် အမှတ်တရပန်းခြံများကို အထူးဆောင်ရွက်သည့် Golden MV Holdings မှာ အကြီးမားဆုံးဖြစ်သည်။

အခြားအိမ်ခြံမြေလုပ်ငန်း ဖြစ်သည့်Vista Land & Lifescapes၊ ရှော့ပင်းမောလ်ဆိုင်ခွဲ Vista Malls၊ အိမ်ခြံမြေရင်းနှီးမြှုပ်နှံမှုယုံကြည်မှု VistaREIT၊ အိမ်တိုးတက်ရေးဆိုင်ခွဲ AllHome၊ စူပါမားကတ် AllDay Marts နှင့် Premiere Island Power REIT တို့ ပါဝင်သည်။

ဘန်ကောက်က ကားစက်ရုံမှာ မြန်မာလုပ်သား ၄၀၀ ကျော်ဆန္ဒထုတ်ဖော်

ဒီဇင်ဘာ ၄

ထိုင်းနိုင်ငံ၊ ဘန်ကောက်မြို့၊ စမွတ်ပကန်ခရိုင် က CH ကားပစွည်း ထုတ်လုပ်ရေးစက်ရုံမှာ မြန်မာလုပ်သား ၄၀၀ ကျော်ဆန္ဒပြနေတဲ့မြင်ကွင်းဖြစ်ပါတယ်။

မြန်မာအလုပ်သမားတွေရဲ့ ပတ်စ်ပို့အနီနဲ့ CI စာအုပ်တွေအပါအဝင် အလုပ်လုပ်ကိုင်ခွင့် Work Permit ကို သက်တမ်းတိုးဆောင်ရွက်ဖို့အတွက် သူဌေးလူယုံကိုယ်စားလှယ်က တဆင့်ညှိနှိုင်းရာကနေ အငြင်းပွားမှုဖြစ်ခဲ့တာလို့ စက်ရုံကအလုပ်သမားတစ်ဦးကပြောပါတယ်။

''ကျွန်တော်တို့ရဲ့ ပတ်စ်ပို့နဲ့ CI တွေက ၂၀၂၅ ဖေဖော်ဝါရီဆိုရင်သက်တမ်းကုန်မယ်။အဲဒါကို သူတို့သက်တမ်းတိုးပေးမယ်။ တစ်ယောက်ကို ဘတ် ၁,၃၀၀၀ ပေးရမယ်လို့ လူယုံကတဆင့် ပြောတယ်။ ကျွန်တော်တို့က ၁,၃၀၀၀ ကများတယ်။ ၉၀၀၀နဲ့ ၁၀၀၀၀ ပဲအများဆုံးပေးမယ်ပြောတယ်။ စက်ရုံဘက်ကလက်မခံဘူး'' လို့ CH ကားစက်ရုံ အလုပ်သမား တစ်ဦးက ပြောပါတယ်။

လက်ရှိမှာတောင်းဆိုထားတဲ့ စျေးကိုမပေးရင်အလုပ်ထွက်နိုင်တယ်လို့ စက်ရုံဘက်ကတုံ့ပြန်ထားတာကြောင့် အလုပ်သမားတွေဘက်ကလည်း မကျေနပ်မှုတွေရှိတယ်လို့ပြောပါတယ်။

အလုပ်သမားတွေဘက်ကလည်း စက်ရုံနဲ့ ဆက်ပြီးညှိနှိုင်းလို့မရရင် ဆန္ဒထပ်ပြမယ့်အခြေအနေရှိတယ်လို့ ပြောဆိုနေကြပါတယ်။

Credit - BBC

#သတင်းဟင်းလေးအိုးကြီး

ဆန်ဈေးနှုန်း သင့်တင့်မျှတစေရေး အထူးအလေးပေး လိုက်နာဆောင်ရွက်ရန် မြန်မာနိုင်ငံဆန်စပါးအသင်းချုပ် ထုတ်ပြန် သတိပေး

#centralnewsnaypyitaw

တက္ကသိုလ်ဝင် စာမေးပွဲ မတ်လလယ်ပိုင်းမှာ ကျင်းပပြုလုပ်မည်

ဒီဇင်ဘာ ၄

ပညာသင်နှစ် ၂၀၂၄ - ၂၀၂၅ ခုနှစ်ရဲ့ တက္ကသိုလ်ဝင် စာမေးပွဲကို လာမယ့် ၂၀၂၅ ခုနှစ် မတ်လ လယ်ပိုင်းမှာ ကျင်းပပြုလုပ်သွားမယ်လို့ ပညာရေးဝန်ကြီးဌာနကနေ သိရပါတယ်။

စာမေးပွဲကာလမှာ ၂၀၂၅ ခုနှစ် မတ်လ ၁၇ ရက်နေ့ နံနက် (၉)နာရီကနေ (၁၂) အထိ မြန်မာစာ ဘာသာရပ်ကို စတင်ဖြေဆိုကြရမှာ ဖြစ်ပါတယ်။

မတ်လ ၁၈ ရက်နေ့မှာ အင်္ဂလိပ်စာ၊ မတ်လ ၁၉ ရက်နေ့မှာ သချင်္ာ၊ မတ်လ ၂၀ ရက်နေ့မှာ ဓာတုဗေဒ နဲ့ ပထဝီ ဘာသာရပ်တွေကို ဖြေဆိုကြရမှာလို့သိရပါတယ်။

မတ်လ ၂၁ ရက်နေ့မှာတော့ ရူပဗေဒ နဲ့ သမိုင်း၊ မတ်လ ၂၂ ရက်နေ့မှာတော့ ဇီဝဗေဒနဲ့ ဘောဂဗေဒ ဘာသာရပ်တွေ ေဖြဆိုကြရမှာ ဖြစ်ပါတယ်။

#centralnewsnaypyitaw

မန်စီးတီး ဆက်တိုက်တွေရလဒ်ဆိုးရွားနေရခြင်းကကွင်းလယ်ကစားသမား
ဒီဘရိုင်းကို ခေါက်ထားခြင်းနဲ့အတူ
တောင်ပံနေရာက
မာသီယပ်နူးညက် ကို ယုံပြီး နေရာပေးနေတာတွေ ကြောင့်လည်းပါတယ်
သူပါတဲ့ ပွဲဆိုရင် ဘယ် တောင်ပံတစ်ဖက်က ဘောလုံး ထွက်မလာတာကို
သတိထားမိတယ် နည်းပြအနေနဲ့ ဘာတွေစဉ်းစားပြီး လုပ်နေလည်းဆိုတာ
သူမှသိမှာပဲ
ဒီပုံစံအတိုင်း ဆက်သွားမယ်ဆိုရင်
ဒီနေ့ညတွေ့မဲ့ နော်တင်ဟမ် ဖောရက်ပွဲတောင် လွယ်မယ်မထင်ဘူး
ဘယ်လိုထင်ကြလည်းဗျ

“Overthinking steals your life, steals your happiness and steals your smile.”