\မေတ္တာတရားတွေထပ်တူကျမှ သစ္စာပန်းတွေစိုက်ပါ\

ကြွေမလိုနဲ့ဝေ ဝေမလိုနဲ့ကြွေ - မိုးမိုးအင်းလျား
" ချစ်တာကို ဘာ့ကြောင့် ချစ်တယ်လို့
ပြောလို့မရသလိုဘဲ မချစ်တာကိုလဲ ဘာကြောင့်
မချစ်ဘူးလို့ ပြောလို့ရပါ့မလား မချစ်လို့
မချစ်တာပဲပေါ့ "
"လင်း" ဆိုတဲ့ ကလေးဆန်တဲ့ ကောင်မလေး
တက္ကသိုလ်မှာ ဘောလီဘောပုတ် သူငယ်ချင်းတွေနဲ့ ပျော်ပျော်နေပြီး အချစ်ကို စိတ်မဝင်စားတဲ့
အချစ်ကို နားမလည်တဲ့ ပတ္တမြားတွေထွက်ရာ
ဇာတိ မိုးကုတ်မြို့သူလေး ။
အချစ်ကို အရေးမထားသလို စိတ်မဝင်စားတဲ့ အကြောင်းက မိဘတွေ သဘောတူထားတဲ့သူကို
ကျောင်းပြီးရင် ယူရမှာမို့တဲ့လေ ။
" လင်းက ကိုကိုကြီးကိုပဲ ယူရမှာပါ " တဲ့ ။
ကိုကိုကြီး ဆိုတာက လင်းထက် ဆယ်နှစ်လောက်ကြီးပြီး ငယ်ငယ်ကတည်းက ဘေးနားက အစ်ကိုတစ်ယောက်လို ကြည့်နေပြီး ဂရုစိုက်ခဲ့တဲ့သူ ။
လူကြီးဆန်ပြီး တည်ငြိမ်တဲ့သူတစ်ယောက်ပေါ့ ။
မိဘချင်း သဘောတူကြပေမဲ့ ကိုကိုကြီးကရော
လင်း ကို ချစ်သလား ။ လင်းကရော ကိုကိုကြီးကို
ချစ်လေသလား ။
ကိုကိုကြီး နဲ့ အဖေတူ မအေကွဲညီတစ်ယောက်က
ကိုဇော် တဲ့ ၊ သွက်လက်ပြီး လူငယ်စရိုက်အပြည့်နဲ့ ပျိုတိုင်းကြိုက်တဲ့ နှင်းဆီခိုင် ကိုဇော်မိန်းကလေးတွေကြား ရေပန်းစားလောက်အောင် စွံတဲ့ ကိုဇော် ။
လင်း နဲ့ ရွယ်တူဖြစ်ပြီး လိုက်ဖက်လွန်းလို့ ဝါတော်ရှစ်ဆယ်ရ ဘုန်းကြီးလို နေတဲ့ ကိုကိုကြီးကို မယူဘဲ ကိုဇော့်ကို ယူပါလားလို့ သူငယ်ချင်းတွေက ပြောတဲ့အထိ လင်း နဲ့ ကိုဇော်က သိပ်လိုက်ပါတယ် ။
ကိုကိုကြီး ၊ ကိုဇော် နဲ့ လင်း ။
ကိုဇော် နဲ့ အေးအေးအောင်ဆိုတဲ့ အမျိုးသမီး အတူတွဲသွားလာနေတာကို မြင်တဲ့ လင်းတစ်ယောက်ရဲ့ ရင်ထဲမှာ ဘယ်တုန်းကမှ မဖြစ်ခဲ့ဖူးတဲ့ မနာလိုစိတ်နဲ့ ကြည်နူးစိတ်တွေ ဖြစ်ပေါ်လာခဲ့တယ် ။
လင်းတစ်ယောက် မိဘစကားနားထောင်ပြီး
ကိုကိုကြီးကိုပဲ လက်ထပ်ယူမှာလား ။
အချစ်အတွက် သတ္တိရှိစွာ နဲ့ ကိုဇော့်ကို ရွေးချယ်
မလား ။
ရေခဲတုံးလို အေးစက်တဲ့ ကိုကိုကြီး ရဲ့ နှလုံးသားကရော လင်းအတွက် နွေးထွေးမှုတွေ အချစ်တွေ
ရှိနေသလား ။
ဝေမလိုနဲ့ ကြွေကျသွားတဲ့ ပန်းကလေးတွေ
ကြွေမလိုနဲ့ ဝေသွားတဲ့ ပန်းကလေးတွေ
အမြင်နဲ့ ဆုံးဖြတ်မရနိုင်တဲ့ အရာတွေပေါ့ ။
လင်း ရဲ့ ရင်ထဲက ပန်းကလေးက ဘယ်သူ့အတွက် ဝေဆာဖူးပွင့်မှာလဲ ။
ဆရာမိုးမိုးအင်းလျား ရဲ့ ဒီအချစ်ဇာတ်လမ်းလေးမှာ ဖတ်ရှုကြည့်လိုက်ပါ ။

မေတ္တာရှင်မလေးပေါ်လီယာနာ(Rating4.5/5)
"ခြေနှစ်ချောင်းရှိခြင်းရဲ့တန်ဖိုးကိုလမ်းမလျှောက်နိုင်တဲ့အချိန်ကြမှ သိပါလိမ့်မယ်..."
ဒီစာအုပ်လေးကိုကြားဖူးတာကြာပြီ
အခုသင်္ကြန်အတွင်းမှဖတ်လိုက်တာတကယ့်ကိုဘဝအတွက်လိုအပ်တဲ့စာအုပ်ကောင်းလေးတစ်အုပ်ဖြစ်နေပါတယ်
ဒီစာအုပ်လေးဖတ်လိုက်တော့Positive Energyနဲ့Positive Vibesလေးတွေအများကြီးရခဲ့ပါတယ်🥰
ဇာတ်လမ်းအကျဉ်းကိုပြောပါဆိုရင်
11နှစ်အရွယ်သာရှိတဲ့ပေါ်လီယာနာဆိုတဲ့ကောင်မလေးဟာမိဘနှစ်ပါးဆုံးပါးသွားပြီးတဲ့နောက်သူမနေထိုင်ရာအရပ်နဲ့ဝေးရာ ရပ်ဝေးဆီကအပေါက်ဆိုးဆိုးသူ့အဒေါ်ဆီမှာမွေးစားခိုလုံခွင့်ရခဲ့ပါတယ်
သူမ အဒေါ်ဟာသူမကိုတာဝန်ဝတ္တရားအရသာမွေးစားထားပြီး
သူမကိုစိတ်ပျက်အောင်စိတ်ဓာတ်ကျအောင်တွေအမျိုးမျိုးလုပ်ပြီးမျက်နှာထားနဲ့ခပ်ထန်ထန်ဆက်ဆံခဲ့ပါတယ်🥺
သို့သော်ပေါ်လီယာနာလေးကသူမအဖေမသေခင်ကမှာထားခဲ့တဲ့အတိုင်း
အခက်အခဲဒုက္ခတွေနဲ့ရင်ဆိုင်ခဲ့ရရင်တောင်ဝမ်းသာစရာအကြောင်းကိုရှာပြီးဝမ်းသာစရာကစားနည်းလေးကိုအမြဲကစားပြီးသူကိုယ်တိုင်တင်မဟုတ်ဘဲဘေးပတ်ဝန်းကျင်ကလူတွေကိုပါထိုကစားနည်းကိုကစားစေပြီပျော်ရွှင်အောင်လုပ်ပေးပါသေးတယ်
သူမကိုအမြင်မကြည်တဲ့သူမအဒေါ်ဖြစ်သူတောင်တဖြေးဖြေးနဲ့သူမရဲ့စကားတတ်ပုံတွေချစ်စရာကောင်းတဲ့အမူအရာလေးတွေကြောင့်သူမအပေါ်ကိုချစ်လာပါတော့တယ်
အရင်ကရန်ငြိုးတွေအမုန်းတရားတွေနဲ့ပြည့်နေတဲ့အရပ်ဟာပေါ်လီယာနာလေးရောက်လာတဲ့အချိန်ကစပြီးသူမရဲ့မေတ္တာကြောင့်နေချင်စဖွယ်နဲ့ပျော်ရွယ်ဖွယ်နေလို့ကောင်းလာပါတော့တယ်
လီယံတို့ဘဝမှာလည်းမကောင်းဘက်ကဘဲအမြဲကြည့်နေမယ်ဆိုစိတ်ချမ်းသာစရာကိုတွေ့မှာမဟုတ်ပါဘူး
ဝမ်းသာစရာကိုရှာ၊ဝမ်းသာစရာကိုရင်ဝယ်ပိုက်မှဘဝမှာနေလို့ပျော်မှာဖြစ်ပါတယ်🤍
လီယံတို့နေထိုင်ရာရပ်ရွာမြို့နယ်တိုင်းမှာ
ပေါ်လီယာနာလို(ဆည်းလည်း)လေးတစ်လုံးစီသာရှိရင်ကမ္ဘာကြီးဟာအခုထက်နေလိုကောင်းမှာအသေချာပါဘဲ‎🤍

စောက်ရေးမပါတဲ့ ဒီနှစ်တွေမှာ ငါဟာ
ဘာမှဖြစ်ဖြစ်မြောက်မြောက် မဖြစ်ခဲ့တာကို
ဂုဏ်ယူနေမိတယ် ။
- အောင်ခင်မြင့်

ကိုယ်တို့လမ်းခွဲခြင်းလေးက
သေသပ်လိုက်တာ အချစ်ရယ်
ရန်လဲမဖြစ်ခဲ့ဘူး မုန်းတယ်လို့လဲမပြောခဲ့ဘူး
ချစ်တယ်လို့လဲ မပြောတော့ဘူး
- မယ်ညို

"ဘယ်တော့မှ ပြန်မတွေ့ဖြစ်တော့မဲ့
လူတစ်ယောက်ရဲ့ ပါးကို အဝေးကနေ
လှမ်းနမ်းရတာ ဆန်းပါတယ် . . . ။
လွမ်းတယ်လို့ မပြောပဲ လွမ်းနေရတာမျိုးကို
အချစ်ဟောင်းလို့ခေါ်တယ် Emily . . . ။"
#စစ်ငြိမ်း - ချစ်သောEmily

မေဇော်နုဘေးနားကနေ သူမ လိုအပ်သမျှ
လိုက်ဖြည့်ဆည်းပေးနေတဲ့
ရည်းစားမကျ၊ သူငယ်ချင်းမကျ
💓မင်းညိုစင်
မေဇော်နုတစ်ယောက် ဆရာမကြီး မြဦးမေအကြောင်းစုံစမ်းဖို့ မင်းညိုစင်မပါဘဲ
မြဦးမေ နေခဲ့သောအိမ်ဆီသို့ထွက်လာခဲ့တယ်
စကားပင်ပေါင်း၃၁၇ပင်ရှိတဲ့ခြံကြီးထဲမှာ
ချစ်ခြင်းတွေ၊အမုန်းတရားတွေ၊
လျှိုဝှက်မှုတွေပြည့်နေတဲ့ မြ နဲ့ ဥယျာဉ်မှူးတို့ရဲ့အချစ်ဇာတ်လမ်းလေးကို
စကားပင်တွေကြားမှထွက်ထွက်လာကာ
မေဇော်နုကို ပြောပြနေတဲ့
💓ခွန်သာ
ခွန်သာဟာ မြ နဲ့ဥယျာဉ်မှူးတို့ရဲ့အချစ်ဇာတ်လမ်းတွေကိုပြောပြရင်းကနေ
စကားပင်မျိုးစိတ်တွေကိုလည်းပြောပြလို့
လီယံတော်တော်များများ
လေ့လာသိရှိရပါတယ်🧐
မေဇော်နုကိုခွန်သာဟာ
"မေ"လို့တစ်လုံးတည်းသာခေါ်တယ်🥺
မြ တို့ဇာတ်လမ်းလေးကိုပြောပြနေတဲ့
ခွန်သာသည်လည်း
လူလား၊ဝိညာဉ်တစ်ခုဘဲလား
ဆိုတာ စိတ်လှုပ်ရှားစွာဖတ်ရပါသေးတယ်🥲
ခွန်သာရဲ့ရင်ခုန်သံကိုကြားတော့မှ
"အော် လူပါ့လား"ဆိုပြီး
သက်ပြင်းချနိုင်တော့တယ်🥲
(ဆရာမသည်လည်းInterviewတစ်ခုတွင်
ခွန်သာဟာ လူဖြစ်ကြောင်းအတည်ပြုခဲ့ပါတယ်)
မြ သေဆုံးမှုဟာလည်း
သွေးရိုးသားရိုးရောဟုတ်ပါ့မလား၊
ဒါမှမဟုတ် သူ့ကိုယ်သူသတ်သေတာများလား😕
ခြံကြီးထဲမှာမြကြိုက်တဲ့စကားပင်မျိုးစိတ်အစုံကိုရှာစိုက်ပေးခဲ့တဲ့
ဥယျဉ်မှူးနဲ့မြရဲ့အချစ်ဇာတ်လမ်းလေးကရော ဇာတ်သိမ်းလှပါ့မလား🥺
မေဇော်နုအိပ်ရာပေါ်ကိုစကားပန်းလေးတင်ပေးခဲ့သူဟာ
မင်းညိုစင်လား၊ခွန်သာလား ဆိုတာတော့ဖတ်ကြည့်လိုက်ပါတော့နော်🤭

ကြောင်တွေမရှိတဲ့ကမ္ဘာ - မျိုးဇော်ဝင်း
" အသက်တစ်ရက်ရှင်သန်ခွင့်ရဖို့
တစ်ခုခုကိုစတေးရမယ်ဆိုရင်
သင်ဘာကိုရွေးချယ်မလဲ "
စာအုပ်နာမည်လေးနဲ့ စာအုပ်ကျောဖုံးမှာပါတဲ့ စာကြောင်းတွေက စိတ်ဝင်စားဖို့ကောင်းတဲ့အပြင် လူပြောများနေလို့ ဝယ်ပြီးဖတ်မယ်ဆိုပြီး
ဖတ်တာ တကယ့်ကိုစိတ်ဝင်စားဖို့ကောင်းပြီး
စဥ်းစားဆင်ခြင်တွေးတောစရာတွေရခဲ့ပါတယ်။
ကြောင်ကလေးတစ်ကောင်နဲ့ နေတဲ့ စာပို့သမားကောင်လေးတစ်ယောက်ရှိတယ်။တစ်ရက်တော့သူအအေးမိပြီးခေါင်းကိုက်လို့ဆေးဝယ်ပြီး စွဲသောက်ပေမဲ့ မသက်သာလို့ ဆေးခန်းသွားပြတဲ့အခါ
ဘရိန်းကျူမာ ဖြစ်နေပြီး အများဆုံး ခြောက်လပဲအသက်ရှင်ရတော့မယ်ဆိုတာသိသွားခဲ့တယ်။
ဆေးခန်းကနေ အိမ်အပြန် သူ့အိမ်ပေါက်မှာ လဲကျပြီး ပြန်နိုးလာတော့ သိပ်ဆန်းကြယ်တဲ့အရာတွေဖြစ်လာခဲ့တော့တယ်။
သူ့တိုက်ခန်းမှာ သူနဲ့ချွတ်စွပ်တူတဲ့ လူတစ်ယောက်ရောက်နေပြီး ကမ္ဘာပေါ်က အရာတစ်ခုကိုပျောက်ကွယ်အောင်လုပ်ပေးတိုင်း အသက်တစ်ရက် ရှင်သန်ခွင့်ပေးမယ်လို့ ပြောတော့တယ်။
အဲ့ဒီလူက မာရ်နတ်ပါ။
ပျောက်ကွယ်ရမယ့်ပစ္စည်းကို မာရ်နတ်က
သူ့စိတ်ခံစားချက်အရရွေးချယ်မယ်ဆိုပြီး
ကောင်လေးနဲ့သဘောတူညီမှုလုပ်တော့တယ်။
အဲ့လိုနဲ့ မာရ်နတ်ပထမဆုံးပျောက်ကွယ်အောင်
လုပ်ခဲ့တဲ့အရာ ကတော့ "ဖုန်း" ပါ။အဲ့နောက်တော့ "ရုပ်ရှင်" ၊ "နာရီ" ၊"ကြောင်"...။
ကမ္ဘာပေါ်ကနေ ဖုန်းတွေပျောက်ကွယ်ခဲ့ရင် ကျွန်ုပ်တို့ ဘာဖြစ်ကြမလဲ။ ဖုန်းတွေမရှိပဲနဲ့ရောနေနိုင်ကြ
မလား။ လက်ကိုင်ဖုန်းတွေကမရှိ မဖြစ်လိုအပ်တဲ့အရာတစ်ခုဖြစ်ခဲ့ပေမယ့် သူမရှိရင်မနေနိုင်လောက်ဘူးဆိုတဲ့ အသိတရား ကို ခေါင်းထဲရိုက်သွင်းပေးထားပါတာတဲ့။
တကယ်ရောအဲ့လိုတွေဖြစ်နေပြီလား။ တစ်ခြားစိတ်ဝင်စားတာတစ်ခုခုလုပ်ဖို့ထက် ဖုန်းနဲ့ပဲအချိန်ကုန်နေကြပြီလား။ နေ့ခင်းထမင်းစားအားလပ်ချိန်၊ညအိပ်ယာဝင်အနားယူချိန်ထိ
လက်ထဲက ဖုန်းတွေကို ထုတ်ယူကြည့်ဖြစ်နေကြတာ။မာရ်နတ်လုပ်သလို ကမ္ဘာကြီးပေါ်မှာ ဖုန်းတွေ မရှိတော့ဘူးဆို ဘာဖြစ်ကြမလဲ.....။
အဲ့လိုပဲ နောက် ရုပ်ရှင်တွေ၊နာရီတွေ၊သိပ်ချစ်ရတဲ့အိမ်မွေးကြောင်ကလေးတွေ....။
တစ်ခုချင်းပျောက်ကွယ်အောင်လုပ်ရင်း
ကောင်လေးက ဘဝရှင်သန်မှုအဓိပ္ပါယ်ကို
သိလာခဲ့တယ်။ဘဝကဘယ်လောက်ပျော်စရာကောင်းမှန်းသိလာခဲ့တယ်။ကိုယ့်အတွက်ဘယ်သူကအရေးကြီးတယ်၊ဘယ်အရာကအစားထိုးမရဘူး
ဆိုတာသိလာပြီး နောက်ထပ် ကမ္ဘာပေါ်က
ဘယ်အရာမှ ပျောက်ကွယ်အောင်မလုပ်တော့
ပါဘူး။
အဲ့နောက်သူဟာ သေတမ်းစာအရှည်ကြီး
ရေးပြီးစာဖတ်သူတွေအတွက်ပေးထားခဲ့ပါတယ်။
"လူတွေကကိုယ့်ဘဝထဲကအရာတစ်ခုကို
စွန့်လွှတ်ရတော့မယ်ဆိုရင်တွေဝေလာတတ်ကြပါတယ်"တဲ့။
သင်ဟာ မကြာခင်သေရမဲ့ လူတစ်ယောက်လို့ တွေးကြည့်ပြီး သင့်ဘဝမှာ အရေးကြီးဆုံး အရာတွေကဘာတွေလဲ ၊ တကယ်စွန့်မလွှတ်သင့်တာ ဘာလဲ၊ ဖက်တွယ်မနေဘဲ စွန့်လွှတ်ကာသင့်အတွက် အရေးမကြီးတဲ့ အရာတွေက ဘာတွေလဲ စဥ်းစားကြည့်လို့ရပါတယ်။
နေခဲ့တဲ့သက်တမ်းတစ်လျှောက်ပျော်ရွှင်ခဲ့ကြသလား။ကျွန်ုပ်တို့အတွက်အရေးကြီးဆုံးအရာကဘာတွေလဲဆိုတာသိကြပြီလား။ ဖတ်လိုက်တွေး
ကြည့်လိုက်နဲ့ တကယ်စိတ်ဝင်စားပြီး နှစ်သက်ဖို့ကောင်းပါတယ်။
စဆုံးတစ်ထိုင်တည်းဖတ်ရှုလို့ရပြီးစဥ်းစားတွေးတောစရာအများကြီးနဲ့မို့ ဖတ်လို့ကောင်းတဲ့စာအုပ်တစ်အုပ်လို့ အကြုံပြုလိုပါတယ်။
မူရင်းဂျပန်စာရေးဆရာ Genki Kawamura ရေးသားပြီး ဆရာမျိုးဇော်ဝင်း မြန်မာ
ဘာသာပြန်ထားတဲ့ စာအုပ်လေးပဲဖြစ်ပါတယ်။
ဒီစာအုပ်ကိုရုပ်ရှင်အဖြစ်လည်းရိုက်ကူးထားပါတယ်တဲ့။
ဒီစာအုပ်လေးကိုသဘောကျနှစ်သက်
ရခြင်းကတော့ "ကိုယ့်ဘဝမှာ ဘယ်အရာတွေက
အရေးကြီးသလဲ၊ ဘယ်ဟာတွေ စွန့်လွှတ်သင့်သလဲ ဆိုတာကို ခံစားတွေးမိစေတဲ့ စာအုပ်လေးမို့ပါ။"
မင်းတစ်ခုကိုလိုချင်ရင်
တစ်ခုကိုစွန့်ပစ်ရပါမယ်တဲ့...။
(စကြာဝဠာရဲ့အခြေခံနိယာမ)

နေ့စဉ်မိုးလေဝသသတင်း
-------------------------
(၂၀၂၅ ခုနှစ်၊ မတ်လ ၂၅ ရက်နေ့ နံနက်(၇:၀၀)နာရီအချိန် ထုတ်ပြန်ချက်)
=========================================
ဘင်္ဂလားပင်လယ်အော်အ‌ခြေအနေ။ ကပ္ပလီပင်လယ်ပြင်တောင်ပိုင်းနှင့် ဘင်္ဂလားပင်လယ်အော်တောင်ပိုင်း တို့တွင် တိမ်အသင့်အတင့် ဖြစ်ထွန်းနေပြီး၊ ကပ္ပလီပင်လယ်ပြင်မြောက်ပိုင်းနှင့် ကျန်ဘင်္ဂလားပင်လယ်အော် တို့တွင် တိမ်အနည်းငယ် ဖြစ်ထွန်းနေပါသည်။
ယနေ့ညနေအထိခန့်မှန်းချက်။ တနင်္သာရီတိုင်းဒေသကြီး၊ ကချင်ပြည်နယ်နှင့် ရှမ်းပြည်နယ်(မြောက်ပိုင်း)တို့တွင် နေရာကွက်ကျား မိုးအနည်းငယ် ရွာနိုင်ပါသည်။ ရွာရန်ရာနှုန်း ၆၀ ဖြစ်ပါသည်။ မန္တလေးတိုင်းဒေသကြီး၊ စစ်ကိုင်း တိုင်းဒေသကြီး၊ ကရင်ပြည်နယ်၊ ချင်းပြည်နယ်၊ မွန်ပြည်နယ်နှင့် ရှမ်းပြည်နယ်(တောင်ပိုင်းနှင့် အရှေ့ပိုင်း)တို့တွင် တိမ်အသင့်အတင့် ဖြစ်ထွန်းပြီး၊ ကျန်တိုင်းဒေသကြီးနှင့် ပြည်နယ်တို့တွင် အများအားဖြင့် သာယာမည်။
မြန်မာ့ပင်လယ်ပြင်။ လှိုင်းအနည်းငယ်မှ လှိုင်းအသင့်အတင့်ရှိမည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၄ ပေမှ ၆ ပေခန့် ရှိနိုင်ပါသည်။
နောက်(၂)ရက်အတွက်ခန့်မှန်းချက်။ နေပြည်တော်၊ မန္တလေးတိုင်းဒေသကြီး၊ စစ်ကိုင်းတိုင်းဒေသကြီးနှင့် မကွေး တိုင်းဒေသကြီးတို့တွင် နေ့အပူချိန်များ အနည်းငယ်တိုးလာနိုင်ပါသည်။
နေပြည်တော်နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ အများအားဖြင့် သာယာမည်။
ရန်ကုန်မြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ အများအားဖြင့် သာယာမည်။
မန္တလေးမြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ အများအားဖြင့် သာယာမည်။

မမဝေ ကိုတော့
ဖြစ်နိုင်ရင် သင်္ကြန်ရောက်တိုင်း
ပိတောက်ပန်းတွေ ခူးပေးချင်သေးတယ်ဗျာ။
#တက္ကသိုလ်ဘုန်းနိုင်