ရန်ကုန်မြိုမှာ မီးစက်နှင့် ဆိုလာစွမ်းအင်သိုလှောင်မှုကုန်စည်ပြပွဲကို ဒုတိယအကြိမ်အဖြစ် ထပ်မံကျင်းပမည်
*****************
(ပြည်တွင်း) ဧပြီ ၃၀
ရန်ကုန်မြို့မှာ ဒုတိယအကြိမ်အဖြစ် မီးစက်နှင့် ဆိုလာစွမ်းအင်သိုလှောင်မှုကုန်စည်ပြပွဲကို လေးရက်တာ ကျင်းပသွားမည် ဖြစ်ကြောင်း သိရပါတယ်။ MYANMAR POWER & SOLAR ENERGY STORAGE LIGHTING EXPO 2025 ဟု အမည်ပေးထားတဲ့ မီးစက်နှင့် ဆိုလာစွမ်းအင်သိုလှောင်မှုကုန်စည်ပြပွဲကို မေလ ၁ ရက်မှ ၄ ရက်အထိ ရန်ကုန်မြို့၊ အင်းလျားလိတ်ဟိုတယ်ရှိ Yangon Convention Center မှာ ပြုလုပ်သွားမည်ဖြစ်ပါတယ်။

အဆိုပါပြပွဲကို မေလ ၁ ရက်မှ ၃ ရက်အထိ Yangon Convention Center မှာ နံနက် ၉ နာရီမှ ညနေ ၅ နာရီ အထိ၊ မေလ ၄ ရက်မှာ နံနက် ၉ နာရီ မှ နေ့လယ် ၂ နာရီအထိ ပြုလုပ်သွားမည်ဖြစ်ပါတယ်။

နိုင်ငံတကာကုမ္ပဏီ အမှတ်တံဆိပ်ပေါင်း ၁၅ဝ ကျော်က ဆိုင်ခန်းပေါင်း ၇ဝ ကျော်လာရောက်ပြသရောင်းချခဲ့တဲ့ မီးစက်နှင့် ဆိုလာစွမ်းအင် သိုလှောင်မှုကုန်စည်ပြပွဲ ပထမအကြိမ်ကို ဇန်နဝါရီလ ၁၀ ရက်က ရန်ကုန်မြို့ ကွန်ဗင်းရှင်းစင်တာမှာ နံနက် ၉ နာရီမှ စတင်ကျင်းပခဲ့ပြီးဖြစ်ပါတယ်။

အဆိုပါ မီးစက်နှင့် စွမ်းအင်သိုလှောင်မှု ကုန်စည်ပြပွဲမှာ တရုတ်၊ ထိုင်းနှင့် အိန္ဒိယနိုင်ငံတို့က ကုမ္ပဏီပေါင်း ၁၅၀ ကျော်က လာရောက်ပြသရောင်းချခြင်းဖြစ်ပြီး၊ ဇန်နဝါရီလ ၁၀ ရက်မှ ၁၂ ရက်အထိ ရန်ကုန်မြို့ ကွန်ဗင်းရှင်း စင်တာတွင် နံနက် ၉ နာရီမှ ညနေ ၅ နာရီအထိ ပြုလုပ်ခဲ့ပြီး ပြပွဲတွင် ဆိုလာနှင့် မီးစက်များအပြင် အီလက်ထရွန်နစ် ထုတ်ကုန်များလည်း ပါဝင်ပြသခဲ့ပြီးဆိုလာပြားများမလိုအပ်ဘဲ ဘက်ထရီစနစ်တွဲရက် စမတ်အင်ဗာတာများနှင့် ဆိုလာစွမ်းအင်များကို စိတ်ဝင်တစားလာရောက် ကြည့်ရှုဝယ်ယူသူများ အထူးများပြားခဲ့ကြောင်း သိရပါတယ်။

လက်ရှိတွင် ရန်ကုန်မြို့အပါအဝင် ဒေသများစွာမှာ လျှပ်စစ်မီး ပြတ်တောက်မှု များရှိနေကြောင်း သိရပါတယ်။ ဓာတ်အားထုတ်လုပ်မှုလျော့နည်းအနေနဲ့ ရန်ကုန်၊ နေပြည်တော်၊ မန္တလေးအပါအဝင် တစ်နိုင်ငံလုံးတွင် အလှည့်ကျ စနစ်နဲ့ လျှပ်စစ်မီးပေးနေရတယ်လို့ လျှပ်စစ်စွမ်းအားဝန်ကြီးဌာနက ထုတ်ပြန်ထားပါတယ်။

ခုတလော နင် အဆင်ပြေလား
Me :

ဒီနေ့မှ ဒီဇာတ်လမ်းတစ်ခန်းမရပ်ရင် ငါပဲ အမှတ်မရှိတာနေမှာ …
နာကျင်ရခြင်းတွေကို
ဝှက်ပြီး
ဖက်တွယ်ထားခဲ့မိတဲ့
ငါ့ဖက်ကို
ဘာလို့ နည်းနည်းလေးမှ
ပြန်မငဲ့ကြည့်ပေးရတာလဲလို့ မေးချင်တယ် …
မင်းလုပ်နေတဲ့အရာတွေ
မင်းရှုပ်နေတဲ့ခြေလှမ်းတွေ
အမှန်အတိုင်း ဝန်ခံရရင်
ငါ့မျက်စိရှေ့ပေါ်မလာစေချင်သလို
ငါကိုယ်တိုင်လည်း သိမနေချင်ဘူး
မင်းကို အပြစ်ကင်းနေသလိုမျိုးပဲ
သံသယကင်းကင်းနဲ့
ဆက်ပြီးပဲ ချစ်ချင်တယ် ။
အမှားတွေ
ခွင့်လွှတ်ပေးခဲ့တယ်ဆိုတာ
မစွန့်လွှတ်နိုင်နိုင်လို့ဆိုတဲ့တစ်ဖက်မှာ
နောက်တစ်ကြိမ်တော့
မမှားလောက်ပါဘူးဆိုတဲ့
မျှော်လင့်ချက်တွေလဲ ပါတယ်
ဒါပေမယ့်
ဘာလို့များ …
အမှားတစ်ခုကို
ထပ်တလဲလဲ ပြုမူပြီး
ထပ်ခါ ထပ်ခါ နာကျင်စေရတာလဲ မေးချင်တယ်
ဒီနေ့မှ
မင်းနဲ့ ငါ့ရဲ့ဇာတ်လမ်းတစ်ခန်းမရပ်ရင်
ငါပဲ အမှတ်မရှိတာ ဖြစ်မှာပါ …
နာကျင်ခြင်းတွေကို ခုန်မင်ပြီး
မျက်ရည်တွေနဲ့ အသားကျနေတာပဲ ဖြစ်မှာ …
#ကျေးကို

#ပြည်တွင်းသတင်း
◼ မြန်မာပြည်သူများကိုကူညီရန် ရန်ပုံငွေများအရေးပေါ်လိုအပ်နေဟု UN ထုတ်ပြန်
မြန်မာနိုင်ငံ၌ လူသားချင်းစာနာထောက်ထားမှုဆိုင်ရာ အကူအညီလိုအပ်နေသူ များကိုကူညီရန် အ‌ရေးပေါ်ရန်ပုံငွေများလိုအပ်နေကြောင်း ကမ္ဘာ့ကုလသမဂ္ဂ (UN) က ယနေ့(ဧပြီ ၃၀ ရက်) တွင် ထုတ်ပြန်သည်။
ယခုနှစ်တွင် လူသားချင်းစာနာထောက်ထားမှုလိုအပ်ချက်နှင့် တုံ့ပြန်ရေးအစီအစဉ်(HNRP) ထံသို့ ဒေါ်လာ ၂၇၅ သန်းတောင်းဆိုထားသော်လည်း ဘဏ္ဍာရေးစနစ်အရ ဒေါ်လာ ၃၅ သန်းသာထုတ်ပေးထားကြောင်း အဆိုပါထုတ်ပြန်ချက်တွင်ဖော်ပြထားသည်။
မြန်မာနိုင်ငံ၌ငလျင်လှုပ်ခတ်ပြီးရက်ပိုင်းအတွင်း UN က ဒေါ်လာသန်း ၂၀ ထောက်ပံ့ပေးထားပြီး ကျွမ်းကျင်ပညာရှင်များပါဝင်သည့် United Nations Disaster Assessment and Coordination (UNDAC) အဖွဲ့ကိုလည်းစေလွှတ်ပေးခဲ့ကြောင်း UN ကထုတ်ပြန်ထားသည်။
မြန်မာနိုင်ငံတွင် ငလျင်ဘေးကြီးသင့်ခဲ့သည်မှာ တစ်လပြည့်ခဲ့ပြီဖြစ်ပြီး ငလျင်ဘေးသင့်ပြည်သူများမှာ ယာယီတဲမျာတွင်ဆက်လက်နေထိုင်နေကြရကြောင်း၊ သန့်ရှင်းသည့်သောက်သုံးရေ၊ ကျန်းမာရေးစောင့်ရှောက်မှုနှင့် ကာကွယ်စောင့်ရှောက်ပေးမှုများ အလုံအလောက်မရရှိနိုင်ကြသေးကြောင်း၊ပြန်လည်ထူထောင်နိုင်ရေးအတွက် အကူအညီများလိုအပ်လျက်ရှိနေကြောင်း UN Myanmar ကလည်းထုတ်ပြန်ထားသည်။
ပြီးခဲ့သည့်မတ်လ ၂၈ ရက်မွန်းလွဲပိုင်းကလှုပ်ခတ်ခဲ့သည့် အင်အားပြင်းငလျင်ကြောင့် မြန်မာနိုင်ငံတွင် လူပေါင်း ၃၇၀၀ ကျော်သေဆုံးကာ ၅၀၀၀ ကျော်ဒဏ်ရာရရှိခဲ့ပြီး လူဦးရေခြောက်သိန်းကျော် ငလျင်ဘေးသင့်ခဲ့သည်ဟု နစက ၏ထုတ်ပြန်ချက်များအရသိရသည်။
သတင်း - နေသစ်ဦး
ဓာတ်ပုံ - UN

#နိုင်ငံတကာသတင်း
◼မြောက်ကိုရီးယားသို့ ကားလမ်းတံတားဖောက်လုပ်နေကြောင်း ရှရှားဝန်ကြီးချုပ်ပြော
တူမင်မြစ်ကို ဖြတ်ကျော်၍ ရုရှားနှင့် မြောက်ကိုရီးယား နှစ်နိုင်ငံကြား ကားလမ်းတစ်ခုကို တည် ဆောက်နေကြောင်း ရုရှားဝန်ကြီးချုပ် က ပြောကြားပြီး ယင်းမှာ နှစ်နိုင်ငံကြား မဟာ ဗျူ ဟာမြောက်ပူးပေါင်းဆောင်ရွက်မှုကိုခိုင်မာစေရေး တစ်စိတ်တစ်ပိုင်း ဖြစ်ကြောင်း ရိုက်တာသတင်းအရ သိရသည်။
အဆိုပါကားလမ်းတံတားက ကိုရီးယားစစ်ပွဲပြီးနောက် ၁၉၅၉ ခုနှစ်တွင် ဖွင့်လှစ်ခဲ့သည့် မိတ်ဆွေသင်္ဂဟရထားလမ်းတံတား အနီးတွင် တည်ဆောက်နေခြင်းဖြစ်သည်။
ယင်းမှာ ရုရှား-မြောက်ကိုရီးယား ဆက်ဆံ‌ရေးတွင် ကြီးကျယ်သောအခမ်းအနား တစ်ခုဖြစ်ကြောင်း တံတားသစ် တည်ဆောက်မှုစတင်ခြင်း အခမ်းအနားတွင် ဝန်ကြီးချုပ် မီခေးလ်မီရှူတင်က ပြောကြားခဲ့ကြောင်း ရုရှားအစိုးရ တာ့စ်သတင်းဌာနကပြောသည်။
“ဒီကြီးကျယ်မှုက အင်ဂျင်နီယာလုပ်ငန်းတွေထက် ပိုပါတယ်။ ဒါက ရင်းနှီးတဲ့ ၊ အိမ်နီး ချင်း ကောင်းပီသတဲ့ဆက်ဆံရေး နဲ့ ဒေသတွင်းပူးပေါင်းဆောင်ရွက်မှုကို မြှင့်တင်လိုတဲ့ ကျွန်တော်တို့ရဲ့တူညီတဲ့ ဆန္ဒကို လည်း ကိုယ်စားပြုပါတယ်။
တည်ဆောက်နေသည်မှာ နှစ်ချီကြာမြင့်နေပြီဖြစ်သော ကားလမ်းတံတားသစ်သည် ၂၇၉၀ ပေ ရှည်လျားပြီး ရုရှား အဝေးပြေးလမ်းစနစ်နှင့် ချိတ်ဆက်ထားခြင်းဖြစ်ပြီး ၂၀၂၄ ခုနှစ်တွင် ရုရှားသမ္မတ ပူတင် မြောက်ကိုရီးယားသို့ အလည်သွားရောက်စဉ်က တံတားတည်ဆောက်ရေးကို သဘောတူခဲ့ခြင်းဖြစ်သည်။
အဆိုပါတံတားသစ်သည် ၂၀၂၆ ခုနှစ်တွင် အသုံးပြုရန် အသင့်ဖြစ်မည်ဟု ရုရှား ကွန်မာဆင့် သတင်စာက ဆိုသည်။
တံတားသစ်ကြီးကြောင့် သယ်ယူပို့ဆောင်နိုင်သောပမာဏတိုးတက်လာခြင်း၊ ကုန်ကျစရိတ်လျော့ကျခြင်း၊ လိုအပ်သောပစ္စည်းများကို ပုံမှန်ထောက်ပံ့နိုင်ခြင်းများ ဖြစ်ပေါ်လာမည်ဖြစ်ကာ နှစ်နိုင်ငံကြားကုန်သွယ်‌ရေးနှင့် စီးပွား‌‌ရေးပူးပေါင်းဆောင်ရွက်မှု ကျယ်ပြန့်လာမည်ဖြစ်ကြောင်း ရုရှားဝန်ကြီးချုပ် မီရှူတင် က ပြောကြားခဲ့သည်။
ထိုအတောအတွင်း ယူကရိန်းနှင့်စစ်ပွဲတွင် ရုရှားအတွက် ပါဝင်တိုက်ခိုက်ရန် စေလွှတ်ခဲ့သော မြောက်ကိုရီးယားတပ်ဖွဲ့ဝင် ၁၅၀၀၀ ဦး အနက် ၆၀၀ ဦး သေဆုံးခဲ့ကြောင်း တောင်ကိုရီးယားထောက်လှမ်းရေးအား ကိုးကား၍ တောင်ကိုရီးယားလွှတ်တော်အမတ်များက ယနေ့ တွင်ပြောကြားခဲ့ကြသည်။
သတင်း-ရဲမင်း
ကိုးကား-Reuters

လူဆိုတာ မာနကြီးရင်လည်း
မအောင်မြင်တတ်သလို
မနာလိုစိတ် အရမ်းများရင်လည်း
အရောင် သိပ်မထွက်ပါဘူး ။
အ၀တ်တွေဘယ်လိုကောင်းကောင်း
ရတနာတွေ ဘယ်လောက်တန်တန်
စိတ်ဓါတ်မမှန်ရင် အဖိုးမတန်ပါဘူး ။
ပိုင်ဆိုင်တာများလို့လည်း
ပေးကမ်းမှုမရှိရင် လူ့အကာပါပဲ ။
ဘွဲ့အာဏာပါဝါ ဘယ်လိုရှိရှိ
ကိုယ်ကျင့်တရားမရှိရင် လူအပိုပါပဲ ။
အသက်ဘယ်လောက်ရှည်ရှည်
အမှန်သိတဲ့စိတ်မရှိရင် ဆင်းရဲသူပါပဲ ။
နေရတာချင်း မတူကြပေမယ့်
သေရမှာချင်းဟာ အတူတူပဲဖြစ်လို့
မသေခင် ကူညီတတ်တဲ့လူတွေ
သူများဒုက္ခမပေးတဲ့လူတွေဖြစ်အောင်
နေထိုင်တတ်ဖို့ အရေးကြီးပါတယ် ။

အဆင်မပြေတိုင်းသာ ငိုနေရရင်
မင်းမျက်ရည် ဘယ်ကျန်တော့မှာလဲ
ငိုမနေပါနဲ့ မျက်ရည်တွေသုတ်လိုက် သူငယ်ချင်း..
တို့တွေငယ်ငယ်တုန်းကလဲ ငိုခဲ့တယ်
ခုထိငိုနေခဲ့တာ ငိုလို့မဝသေးဘူးလား
သူငယ်ချင်း..
မင်းမှာ သန်မာတဲ့လက်တွေရှိတယ်
မင်းမှာ ကြံ့ခိုင်တဲ့ ခြေတစ်စုံရှိတယ်
မင်းလဲကျလို့ရတယ် ဒါပေမယ့်
မင်းပြန်မထလို့ မရဘူး..
မင်းမှာ အမှားအမှန်ခွဲခြားနိုင်တဲ့ ခေါင်းရှိတယ်
မင်းမှာ ခံစားတတ်တဲ့ နှလုံးသားရှိတယ် ။
မင်းကို အားကိုးပြီး မှီခိုနေတဲ့
မိသားစုတွေရှိတယ် ။
မင်းရှေ့ဆက်သွားမှရမယ် သူငယ်ချင်း..
မင်းအခက်အခဲတွေနဲ့ ကြုံလို့
မင်းကို ဘယ်သူမှ ကူညီမဲ့သူမရှိလဲ
မင်းအခက်အခဲကို မင်းကိုယ်တိုင်
ဖြေရှင်းနိုင်ရမယ် သူငယ်ချင်း..
အရှုံးကိုကြောက်နေရင် ပိုကြိုးစားလိုက်ပါ
လူမှန်ရင် ပြီးပြည့်စုံတဲ့လူရယ်လို့ မရှိပါဘူး
မင်းဘာလိုအပ်နေတာလဲ လိုအပ်တဲ့အရာကို
မင်းလက်နဲ့ယူလေ ကြောက်ရွံ့မနေပါနဲ့
သူငယ်ချင်း..
မင်းရောက်ချင်တဲ့ ပန်းတိုင်ကို
မင်းခြေထောက်နဲ့ လျှောက်လှမ်းပါ သူငယ်ချင်း
မင်းနာကျင်ရင် မင်းပိုခံစားရမယ် ။
မင်းခလုပ်တိုက်ရင် မင်းလဲကျမယ်..
မျက်ရည်တွေနဲ့ ရှေ့ဆက်သွားရင်
လမ်းကို မင်းရှင်းရှင်းလင်းလင်း မြင်ရမှာ
မဟုတ်ဘူး သူငယ်ချင်း..
ဘဝကကြမ်းတယ်ဆိုတာ မင်းအပြစ်မဟုတ်ပါဘူး..
လဲရင် ပြန်မထနိုင်တာကမှ မင်းအပြစ်ဖြစ်သွားပီ
သူငယ်ချင်း..
ဘယ်သူကမှ အဆင်ပြေနေတယ်လို့
ဘယ်ဟုတ်ပါ့မလဲ..
ကိုယ်စီ အခက်အခဲဆိုတာ ရှိတတ်စမြဲပါ
သူငယ်ချင်း..
ဒီလိုပဲ လဲကျလိုက် ပြန်ထလိုက်နဲ့
အခက်အခဲတွေကြာမှာ ရင်ဆိုင်ဖြေရှင်းနေနေရတာပါ.....။ ။

အဆုတ်ပွပီး
#ချောင်းဆိုး မပျောက်ဘူး ဆိုသူများအတွက် ဆေးနည်း
သာမန် ချောင်းဆိုးတာပဲ ဖြစ်ဖြစ် နာတာရှည် ချောင်းဆိုးတာပဲ ဖြစ်ဖြစ်
အခု သဘာဝဆေးနည်း ကို
သုံးစွဲကြည့်ဖို့ မျှဝေပေးလိုက်ရပါတယ်နော်
ဆေးနည်းကတော့
၁/ရှားစောင်းလက်ပတ် ၁ထွာခန့်
၂/သံပရာသီး တစ်လုံး
၃/ဆားအနည်းငယ်
ပြုလုပ်ရန်
ပန်းကန်လုံးလေးထဲ
ရှားစောင်းလက်ပတ် အတွင်းသား
jelly ဖတ်လေးတွေ ခြစ်ထုတ်ပါ။ သံပရာသီးတစ်လုံး ညှစ်ထည့်ပါ။
ဆားလေး အနည်းငယ် ထည့် ပါ။
၃ မျိုးလုံး ရောသမအောင် ခေါက်ပြီး သောက်ပါ။
(အစာအိမ် သမားများ သံပရာသီးအစား
(Lemon) သံပုယိုသီး ကို သုံးပါ)
သောက်သုံးရမည့်အချိန်
မနက်စာ စားပြီး တစ်ကြိမ်
ညစာ အပြီး တစ်ကြိမ်
ကိုဗစ် ကြောင့် ရော
တချို့ အိုမီခရွန် Omicron အပြီး ချောင်းတွေ တဟွပ်ဟွပ် ဆိုးကျန်နေတာ
ဒီနည်းလေး နဲ့ တစ်ရက် ၂ ကြိမ်
၄ ရက်လောက် သောက်လိုက်တာ ပျောက်သွားကြတာမို့ လိုအပ်သူများ
အသုံးပြုနိူင်ဖို့မျှဝေလိုက်ပါတယ်။

အိမ်ထောင်စုတစ်စုကိုတစ်လစာအတွက် စားအုန်းဆီ ၂ ပိဿာ ၇၅ ကျပ်သား နှုန်းဖြင့်ရောင်းချပေးမည်
ရန်ကုန်တိုင်းဒေသကြီးအတွင်းရှိ မြို့နယ်များမှ အိမ်ထောင်စုတစ်စုကိုတစ်လစာအတွက် စားအုန်းဆီ ၂ ပိဿာ ၇၅ ကျပ်သား နှုန်းဖြင့် ပစ္စည်းရောက်ငွေချေ စနစ်ရောင်းချပေးမည် ဖြစ်ကြောင်း သိရသည်။
ရန်ကုန်တိုင်းဒေသကြီးအတွင်းရှိ မြို့နယ် (၄၄) မြို့နယ်သို့ စားအုန်းဆီများကို မိသားစုတစ်စု တစ်လစာဝယ်ယူနိုင်ရန်၊ လျင်မြန်လွယ်ကူစွာဖြင့် အိမ်အရောက်ဝယ်ယူနိုင်စေရန် ရည်ရွယ်ပြီး အိမ်ထောင်စုတစ်စုလျှင် တစ်လအတွက်တစ်ကြိမ်လျှင် ၂ ပိဿာ ၇၅ ကျပ်သား (၅လီတာ)နှုန်းဖြင့် ဝယ်ယူနိုင်ရေးကို ရန်ကုန်တိုင်းဒေသကြီး စားအုန်းဆီ အိမ်တိုင် ရာရောက် ဖြန့်ဖြူးရောင်းချရေးကော်မတီမှ စီစဉ်ဆောင်ရွ က်ထားသည်။
အိမ်ထောင်စုတစ်စုလျှင် တစ်လ ၂ ပိဿာ ၇၅ ကျပ်သား (၅ လီတာ) နှုန်းဖြင့် ဝယ်ယူရရှိနိုင်ရန် ခရိုင် (၁၄)ခု၊ မြို့နယ် (၄၄)မြို့နယ်တွင် ခရိုင်အလိုက် Call Center များထားရှိပြီး မှာကြားချက်များကို လက်ခံမှတ်သားသွားမည်ဖြစ်သည်။
ဝယ်ယူလိုသူများအနေဖြင့် နံနက် (၉) နာရီမှ ညနေ (၄) နာရီ အတွင်း တနင်္လာနေ့မှ သောကြာနေ့အထိ (စနေနေ့၊ တနင်္ဂနွေနေ့နှင့် အစိုးရ ရုံးပိတ်ရက်မပါ) ဖော်ပြပါ ဖုန်းနံပါတ်သို့ မှာကြားနိုင်ကြောင်း သိရသည်။
ဆက်သွယ်နိုင်မည့်ဖုန်းနံပါတ်များမှာ ၀၁-၄၇၀၅၅၆၆ (လိုင်းခွဲ-၁၅ လိုင်း)၊ ၀၉-၉၄၀၁၇၁၂၂၂ (လိုင်းခွဲ- ၁၅ လိုင်း)၊ ၀၉-၇၇၁၀၀၂၇၂၂ (လိုင်းခွဲ- ၁၀ လိုင်း)၊ ၀၁-၄၇၀၆၇၂၂ (လိုင်းခွဲ-၁၀ လိုင်း) သို့ ဆက်သွယ်မှာယူနိုင်ကြောင်း သိရသည်။
ဈေးနှုန်းအနေဖြင့် တနင်္လာနေ့တိုင်း သတင်းစာများတွင် ထုတ်ပြန်သည့် လက်ကားရည်ညွှန်းဈေးနှုန်းကို အခြေခံ၍ ကုန်ကျစရိတ်ကို ထည့်သွင်းတွက်ချက်ထားသည့် ဈေးနှုန်းဖြင့် ရောင်းချသွားမည်ဖြစ်ပြီး Delivery ခကို မှာကြားသည့် ဝယ်သူဘက်မှ ပေးချေရမည်ဖြစ်ကြောင်း၊ ပစ္စည်းရောက်ငွေချေစနစ်ဖြင့်သာ ရောင်းချသွားမည်ဖြစ်ကြောင်း သိရသည်။

အိုသောသူများ..အခါးစားပါဆိုတာအလကားပြောနေတာမဟုတ်ဘူးဖတ်ကြည့်ပေးပါနော်
_______________
လူတို့တွင် အားနှစ်မျိုး လိုအပ်သည်။ အသက်ရှည်ရန် အတွက် အားရှိဖို့ လိုသည်။ ထိုအား နှစ်မျိုးမှာ သွေးအား နှင့် လေအားတို့ ပါ ဓာတ်သဘော အားဖြင့်ဆိုလျှင် သွေးသည် အာပေါဓာတ် ဖြစ်ပြီး လေသည် ဝါယောဓာတ် ြဖစ်တယ်ဆန့်ကျင်ဘက် ဓာတ်နှစ်မျိုး ဖြစ်သည်။ သို့သော် ထို ဆန့်ကျင်ဘက် နှစ်မျိုး ပေါင်းစပ်ကာ သွေးဟူသော အာပေါဓာတ်ကို ခန္ဓာကိုယ် အနှံ့သို့ ရောက်အောင် ဝါယောဓာတ်က တွန်းပို့လျက် ရှိပေသည်။ ဆန့်ကျင်ဘက် နှစ်ခု ပေါင်းလျှင် အကျိုးရှိသည်ကို ခန္ဓာကိုယ် တွင်းက သက်သေပြလျက် ရှိပေသည်။
အသက်ကြီး လာသောအခါ သွေးအား ယုတ်လာသည် ဟု ပြောစမှတ် ပြုကြသည်။ အမှန်က သွေးက ခန္ဓာကိုယ် အတွင်းတွင် အပြည့်ရှိ လျက်ပင်။ သွေးကို တွန်းပို့ပေးမည့် ဝါယောဓာတ် က အားယုတ် လာခြင်းကြောင့် အားနည်း လာခြင်း ဖြစ်သည်။ သွေးထောက်ပံ့မှု မရောက်ရှိသော လက္ခဏာကို အစွန်အဖျား နေရာများမှ ပြသည်။ ဦးခေါင်းငယ် ထိပ်တွင် ဆံပင်များ ကျွတ်ပြီး ပြန်မပေါက် တော့သောကြောင့် ထိပ်ပြောင် လာသည်။ ခြေထောက်ရှိ ခြေသန်း၊ ခြေသူကြွယ် ခြေချောင်း ကလေးများတွင် ခြေသည်းများ အက်ကွဲ လာသည်။ ဖနောင့် အရေပြား များတွင် အက်ကွဲကြောင်းများ ဖြစ်ပေါ် လာသည်ကို တွေ့ရမည် ဖြစ်သည်။ လယ်များတွင် ပပ်ကြားအက် သကဲ့သို့ ကိုယ်ခန္ဓာ အရေပြားတွင် အက်ကွဲရာများ ပေါ်လာသည်ကို တွေ့ရမည် ဖြစ်သည်။
အသက်ကြီး လာလျှင် လေဆက် စေရန် အခါး စားပေးရမည် ဟု ရှေးလူကြီး များက ဆိုသည်။ အခါး ဟူရာတွင်လည်း နှစ်မျိုးရှိသည်။ ''ပူခါး'' နှင့် ''အေးခါး'' ဟူ၍ အာယုဗေဒ ဆေးကျမ်း များတွင် တမာအခါး ကို လည်းကောင်း၊ မုရားကြီးရွက် အခါးကို လည်းကောင်း၊ တောင်မရိုး အခါး ကိုလည်းကောင်း ဝါး၍လျှာဖြင့် စမ်းသပ် ကြည့်သော အခါ ''အပူခါး'' အရသာကို တွေ့ရမည် ဖြစ်သည်။ တမာအခါး ကား ပိုးကို နိုင်သည်။ တောင်မရိုး အခါးကား အဖျားကို နိုင်သည်။ မုရားကြီးရွက် အခါးကား ပန်းနာချောင်းဆိုး နှင့် အဆုတ်နာ ရောဂါအမျိုးမျိုး တို့ကို နိုင်သည် ဟု ကျမ်းက ဆိုသည်။
ခွေးတောက်ရွက် သည်လည်း ပူခါးမျိုး ဖြစ်တာကြောင့် လူကြီးများတွင် ဖြစ်သော အညောင်းများ သည့် ပါဒရက်ရောဂါ အမျိုးမျိုးကို နိုင်သဖြင့် ခွေးတောက်ရွက် ဟင်းချိုကို ကြက်ရိုးဖြင့် ချက်၍ ရှေးက ဆရာကြီးများ က ဓာတ်စာ ပေးတာကို
တွေ့ဘူးပါတယ်ခင်ဗျာ...
ရှေးကလူကြီး များသည် လက်ဖက် စစ်စစ်ကို နှမ်းဆီဖြင့် စိမ်ပြီး နေ့လယ် ထမင်းစားပြီး တိုင်း နည်းနည်းစီ စားပေး ကြသည်။ လူကြီးများ အတွက် လေဆက်ပြီး အသက်ရှည် စေသော ဆေးဖြစ်သည် ဟု ဆိုသည်။ လက်ဖက်သည် အေးခါး အရသာ ဖြစ်သဖြင့် ပူခါး အရသာ ဖြစ်သွားအောင် နှမ်းဆီဖြင့် စိမ်စားခြင်း ဖြစ်သည်။ အသက် ရာကျော် ရှည်သော ဘိုးဘွားများသည် ဤ ဓာတ်စာကို စားခဲ့ကြ သည်ဟု မှတ်သားရ ဖူးသည်။
''လေမသက် အနေခက်၊ လေမစုန်ငွေကုန်'' ဟု ရှေးလူကြီးများ ပြောကြသည်။ လူကြီးများ အတွက် ကျန်းမာရေး မှာ လေ က အရေးအကြီးဆုံး ဖြစ်သည်ဟု ဆိုသည်။ လေလည်ခြင်းကို ရှက်စရာဟု ယူဆ ကြ သော်လည်း လေလည် နေသည့် လူကြီးများမှာ ကျန်းမာ နေသည်ကို တွေ့ရပေသည်။ ဆေးပညာ အရလည်း အသက် (၆၅) နှစ်ကျော်လျှင် လေအရွယ် ရောက်ပြီ ဖြစ်သဖြင့် လေဆက်မည့် ဓာတ်စာများ စားပေး သင့်ကြောင်း တင်ပြ လိုက်ပါတယ်