MySPACE

12 w - Translate

တကူးတကပို့ထားတဲ့စာတွေကို
တကူးတကပဲ ပြန်ဖျက်ခဲ့ရတာပါ
လူပဲသိမ်ငယ်ရတာမဟုတ်ပါဘူး
စာတွေလဲသိမ်ငယ်ရတာပါပဲ ….
ကိုယ့်ဆီကမှန်းသိလို့ ဝင်မဖတ်ခံရတဲ့ စာတွေဟာ ဘယ်လောက်တောင် အထိအရှများလိုက်မလဲ
ဘာတစ်ခုမှ ပြန်စာမရှိ
ဘာတစ်ခုမှ တရေးတယူမရှိ
ဒီလို ရှက်စရာကောင်းတဲ့နေ့စွဲတွေမှာ
တစ်ဖက်က လိုလိုလားလားမရှိတော့ဘူး ဆိုတာ
သေချာနေခဲ့ရင် ငါတို့ဟာ
အဲ့ဒီလိုကြီး လှည့်ပြန်ရတော့တာမဟုတ်လား ..
#မယ်ညို

Comment

12 w - Translate

တကယ်တော့ လူတွေက ရယ်ရတယ်
သူတို့အမြင်နဲ့တင်
ဆင်းရဲနုံချာတယ်ဆိုပြီး
နှိမ်ကြတယ်
အဲဒီ့လူကိုပဲ သူတို့မျက်လုံးထဲ
လူရာ၀င်တယ်ထင်လာတဲ့တစ်နေ့
အတင်းတွေ ခယကြပြန်ရော

တကယ်တော့ လူတွေကရယ်ရတယ်
သူတို့စိတ်နဲ့ အသက်ရှင် နေရင်တော့
တစ်ကမ္ဘာလုံးမှာ
အကောင်းဆုံးလူလို
ဆက်ဆံတတ်ကြတယ်
ကိုယ့်စိတ်ကိုချပြတဲ့တစ်နေ့
ကိုယ်က လူဆိုးကြီးဖြစ်သွားပြန်ရော

တကယ်တော့ လူတွေက ရယ်ရတယ်
အပေါ်ယံ ၀တ်စားထားသမျှကိုကြည့်ပြီး
သူတို့ပဲ
အလေးထားနေရာပေးကြတယ်
အပေါ်ယံပိုင်ဆိုင်မှုတွေ
ဘာမှမကျန်တော့တဲ့တစ်နေ့
သူတို့ပဲ... ရှောင်ဖယ်ကြပြန်ရော

တကယ်တော့လူတွေက ရယ်ရတယ်
အဲဒီ့လိုအကျင့်တွေရှိမှန်းသိလို့
ကွယ်ရာကျ နှာခေါင်းရှုံ့ကြပြီး
သူတို့ပဲ ဖက်လှဲတကင်း
ရင်းနှီးတဲ့ပုံစံ ဖမ်းကြပြန်ရော

တကယ်တော့ လူတွေဟာရယ်ရတယ်
အမှန်တွေပြောပြန်တော့လည်း
စိတ်ဆိုးကြသေးရဲ့........

တကယ်တော့ လူတွေဟာ
အင်မတန်ရယ်ရတဲ့ပြက်လုံးတစ်ခုလိုပါပဲ

တခါတခါ
အူလှိုက်သည်းလှိုက် ရယ်ပစ်ချင်စရာကောင်းတယ်
ကိုယ်ကတော့
အဲဒီလို...လူတွေကို
ခပ်လှောင်လှောင်ရယ်ပစ်လိုက်တာပဲ

ကိုယ်ရယ်ပစ်လိုက်လို့ စိတ်ဆိုးသွားတဲ့
လူအချို့လည်း
တစ်နေ့ သူတို့အလိုရှိတဲ့အခါ
ကိုယ့်ဆီ မျက်နှာချိုလာသွေးကြအုံးမယ်မလား

အဲဒါကြောင့်ပြောတာ
တကယ်တော့
လူတွေဟာ ရယ်ရတယ်လို့ပေါ့......