အ၀လွန်လွယ်တဲ့ ခွေးမျိုးစိတ် ၃ မျိုးအကြောင်း
➡️ လက်ဗရာဒေါ ရီထရီးဗာ (Labrador Retriever)
သူတို့ရဲ့ ဗီဇကိုက အဆာမခံနိုင်ဘဲ အမြဲဆာလောင်နေတတ်ပါတယ်။
ပိုင်ရှင်များကလည်း သူတို့ အစာတောင်းတိုင်းကျွေးမိပြီး အလွန်အကျွံဖြစ်လေ့ရှိပါတယ်။
ကမ္ဘာပေါ်မှာ လူကြိုက်အများဆုံး မျိုးစိတ်ထဲပါ၀င်ပြီး အ၀လွန်မှုပြဿနာ ပိုဖြစ်ကြရပါတယ်။
➡️ ပတ်ခ် (Pug)ကို
ခန္ဓာသေးငယ်ပြီး ဇီဝဖြစ်စဉ်နှုန်း နှေးကွေးပါတယ်။
နှာခေါင်းတိုခြင်းကြောင့် အသက်ရှုလမ်းကြောင်းဆိုင်ရာ ပြဿနာများ အဖြစ်များလည်းရှိပြီး လှုပ်ရှားမှုနည်းကြပါတယ်။
ဒါကြောင့် pug လေးတွေကလည်း အ၀လွန်လွယ်ကြပါတယ်။
➡️ ဘီဂဲ (Beagle)အ
စာရှာဖွေစားသောက်တတ်သော ဗီဇ (Food-driven instinct) ကြောင့် မည်သည့်အစားအစာကိုမဆို ရှာဖွေစားသောက်လိုစိတ် ရှိကြတယ်။
ဒါကြောင့် အမဲလိုက် ခွေးများအဖြစ်အသုံးပြုလေ့ရှိကြပြီး အိမ်မွေးခွေးအဖြစ် မွေးမြူထားပါက လေကျင့်ခန်းပြည့်ဝစွာ မပေးနိုင်လျှင် အ၀လွန်လာနိုင်ပါတယ်။
📌 ဒီမျိုးစိတ်များဟာ ဗီဇအရ အ၀လွန်လွယ်သော်လည်း၊ ပိုင်ရှင်၏ထိန်းသိမ်းမှုပုံစံ (အစားအလွန်ကျွေးခြင်း၊ လေ့ကျင့်ခန်းနည်းခြင်း) က အဓိကတရားခံဖြစ်ပါတယ်။
ဒါကြောင့် ခွေးတိုင်းကို ကယ်လိုရီထိန်းညှိပေးပြီး ပုံမှန် လေ့ကျင့်ခန်းများ လုပ်ပေးခြင်းဖြင့် ကျန်းမာသော ကိုယ်အလေးချိန်ကို ထိန်းသိမ်းနိုင်မှာ ဖြစ်ပါတယ်။
