K›atak : The B›rave B›elug[2023]
<><><><><><><><><><><><><><>

Family/Adventure

ခတဒ်ဆိုတဲ့ဝေလငါးလေးဟာ အဘွားပြောပြတဲ့ဘယ်သူမှမယုံကြည်‌တဲ့အဘိုးရဲ့ပုံပြင်တွေကို ယုံကြည်သဘောကျတဲ့သူပေါ့။ အဘွားရဲ့နောက်ဆုံးအချိန်လေးမှာ သူ့အဘိုးနဲ့ပြန်ဆုံစည်း‌စေချင်တဲ့ဆန္ဒရှိလို မြစ်ထဲနေရာကနေ အဘိုးရှိရာသမုဒ္ဒရာဘက်ကိုခရီးဆက်ခဲ့တယ်။

အခြားဝေလငါးတွေနဲ့မတူပဲ ဖွံဖြိုးဖိုနောက်ကျနေတဲ့ခတဒ် မြစ်ထဲမှာပဲ နေဖူးတဲ့ ခတဒ် သမုဒ္ဒရာထဲမှာဘယ်လိုခရီးဆက်မလဲ ဘယ်လိုအခက်အခဲတွေနဲ့တွေ့မလဲ အဘိုးကိုရောတွေ့ခွင့်ရ‌သွားလားဆိုတာ စိတ်ဝင်စားဖွယ် ကြည့်ရှူနိုင်ပါတယ်။
ဒီကားလေးကြည့်ပြီး စိတ်ခွန်အားတွေရရှိမယ်လိုမျှော်လင့်ပါတယ်။

တရုတ်က နှစ်ပေါင်း ၁၀၀ အထိ အသုံးပြုနိုင်တဲ့ အကြွေစေ့အရွယ် နယူးကလီးယား ဘက်ထရီကို တီထွင်
==========================================================
တရုတ်က နှစ်ပေါင်း ၁၀၀ အထိ အသုံးပြုနိုင်တဲ့ နယူးကလီးယား ဘက်ထရီကို တီထွင်လိုက်ပြီး အရွယ်အစားက အကြွေစေ့လောက်ပဲ ရှိပါတယ်။
Carbon-14 နဲ့ တည်ဆောက်ထားပြီး နယူးကလီးယား ဘက်ထရီဟာ အာကာသစူးစမ်းလေ့လာရေး၊ ကျန်းမာရေး စောင့်ရှောက်တဲ့ကိရိယာနဲ့ နေ့စဉ်သုံး အီလက်ထရောနစ် ကိရိယာတွေအတွက် အလွန် အသုံးဝင်ပါတယ်။
နယူးကလီးယား ဘက်ထရီကို တီထွင်နိုင်တဲ့အတွက် တရုတ်ဟာ အဆင့်မြင့် စွမ်းအင် နည်းပညာမှာ ကမ္ဘာ့ ထိပ်တန်းကို ရောက်လာပြီ ဖြစ်ပါတယ်။
"Nuclear battery" ဆိုတာ နယူးကလီးယားစွမ်းအင်ကို အသုံးပြုပြီး လျှပ်စစ်ထုတ်လုပ်ပေးတဲ့ ဘက်ထရီအမျိုးအစားတစ်ခုပါ။ သမားရိုးကျ ဓာတုဘက်ထရီတွေလို ဓာတုတုံ့ပြန်မှုတွေနဲ့ လျှပ်စစ်ထုတ်လုပ်တာမဟုတ်ဘဲ၊ ရေဒီယိုသတ္တိကြွတဲ့ အိုင်ဆိုတုပ်တွေရဲ့ ပြိုကွဲမှုကနေ ထွက်လာတဲ့ စွမ်းအင်ကို တိုက်ရိုက် ဒါမှမဟုတ် သွယ်ဝိုက်တဲ့နည်းနဲ့ လျှပ်စစ်အဖြစ် ပြောင်းလဲပေးပါတယ်။
နယူးကလီးယား ဘက်ထရီတွေရဲ့ အားသာချက်ကတော့ သက်တမ်းရှည်ကြာခြင်းနဲ့ တည်ငြိမ်တဲ့ ပါဝါကို အချိန်အတော်ကြာ ထုတ်ပေးနိုင်ခြင်းပဲဖြစ်ပါတယ်။ ဒါပေမဲ့ ရေဒီယိုသတ္တိကြွ ပစ္စည်းတွေကို အသုံးပြုတဲ့အတွက် ဘေးကင်းလုံခြုံရေးနဲ့ စွန့်ပစ်ခြင်းဆိုင်ရာ စိန်ခေါ်မှုတွေလည်း ရှိပါတယ်။

ေ-သဆုံးသွားသူရဲ့ AI ပုံတူက တရားရုံးမှာ ထွက်ဆိုချက်ပေးပြီး တရားခံကို အမှုစီရင်ခဲ့
================================================
ဒီဖြစ်ရပ်က တော်တော်ထူးဆန်းပါတယ်။ ‌ေ-သဆုံးသွားသူရဲ့ AI ပုံတူက တရားရုံးမှာ ထွက်ဆိုချက်ပေးပြီး တရားခံကို အမှုစီရင်ခဲ့တဲ့ ကမ္ဘာ့ ပထမဆုံး ဖြစ်ရပ်လို့ ပြောနိုင်ပါတယ်။
ဖြစ်ပုံက ဒီလိုပါ။ အသက် ၃၇ နှစ်အရွယ် Chris Pelkey ဟာ ၂၀၂၁ ခုနှစ်မှာ အရီဇိုးနား ပြည်နယ်၊ ချန်ဒလာမှာ ယာဉ်မတော်တဆမှုနဲ့ ‌ေ-သဆုံးခဲ့ပါတယ်။ ဒီလ အစောပိုင်းမှာ AI နည်းပညာ အကူအညီနဲ့ Pelkey ဟာ တရားရုံးကိုရောက်လာခဲ့ပြီး တရားခံကို အမိန့်ချမှတ်တဲ့အခါမှာ ထွက်ဆိုချက်တွေ ပေးခဲ့ပါတယ်။ အဲဒီအတွက် တရားခံကို တရားရုံးက အမှုစီရင်နိုင်ခဲ့ပါတယ်။
သူ့ရဲ့ မိသားစုဟာ AI Video ကို ဖန်တီးဖို့ AI , Voice Recordings , Photos, Videos တွေကို အသုံးပြုခဲ့ကြပြီး တရားရုံးမှာ သူ့အတွက် တရားမျှတမှုရအောင် လုပ်ဆောင်ပေးနိုင်ခဲ့ကြပါတယ်။
ဒီဖြစ်ရပ်ကြောင့် အံ့ဩသွားသူတွေ ရှိသလို ဝေဖန်သူတွေလည်း ထွက်ပေါ်လာပါတယ်။ AI ဟာ ‌ေ-သဆုံးသွားသူ တရားလို အတွက် အမြဲ ကိုယ်စားမပြုနိုင်ဘူးလို့ ပညာရှင်တချို့က ဝေဖန်ထောက်ပြကြပါတယ်။

ကမ္ဘာကြီးမှာ အပြောင်းအလဲတွေ အမြဲဖြစ်နေတယ် ။ နည်းပညာတွေက အပြောင်းအလဲ သိပ်မြန်လွန်းသလို စီးပွားရေးအခြေအနေတွေ ၊ လူတွေရဲ့ အကြိုက်တွေကလည်း လျင်လျင်မြန်မြန် ပြောင်းလဲနေပါတယ် ။ တကယ်လို့ ကိုယ့်ရဲ့စီးပွားရေးကို ယခင်က လုပ်တဲ့နည်းအတိုင်းပဲ ဆက်သွားနေမယ်ဆိုရင်တော့ အားလုံးထက် နောက်ကျကျန်နေခဲ့မှာ သေချာပါတယ် ။
အပြောင်းအလဲတိုင်းဟာ လှိုင်းလုံးကြီးတွေနဲ့ တူပါတယ် ။ လှိုင်းလုံးလာရာကို ကောင်းကောင်း ခန့်မှန်းနိုင်ပြီး နေရာယူမှန်ခဲ့ရင်တော့ လှိုင်းလုံးထိပ်ထိ အားနဲ့မြင့်တက်သွားနိုင်သလို နေရာယူမှားရင်တော့ လှိုင်းပုတ်အားနဲ့ ရေအောက်ထိ စုံးစုံးမြုပ်သွားနိုင်တာကို သတိပြုမိဖို့လိုပါတယ် ။
အပြောင်းအလဲကြီးကြီး တစ်ခုခုဖြစ်တိုင်းမှာ Natural Selection (သဘာ၀တရားရဲ့ ရွေးချယ်မှု) ဆိုတာ ရှိနိုင်ပါတယ် ။ ဒါကြောင့် အပြောင်းအလဲကြီးကြီး ကြုံတိုင်း ကြောက်ဖို့ ၊ ထွက်ပြေးဖို့ ၊ အကုန်ရုပ်သိမ်းလိုက်ဖို့ မစဉ်းစားဘဲ မိမိလုပ်ငန်းဟာ Natural Selection အဖြစ် ရောက်နိုင်သလားကို သုံးသပ်ဖို့ပါပဲ ။
လူသားသမိုင်းတစ်လျှောက် ကြုံတွေ့ခဲ့ရတဲ့ အပြောင်းအလဲကြီးတွေကို ကျော်ဖြတ်ရှင်သန် အောင်မြင်နိုင်သူတွေဟာ အသန်မာဆုံး မျိုးစိတ်တွေ မဟုတ်သလို အကြီးမားဆုံးမျိုးစိတ်တွေလည်း မဟုတ်ကြပါဘူး ။ အမြန်ဆုံး လိုက်လျောညီထွေ ပြောင်းလဲနိုင်တဲ့မျိုးစိတ်တွေပဲ ရှင်ကျန်ခဲ့တာပါ ။
ဒီလိုပဲ စီးပွားရေးလုပ်ငန်းတွေအနေနဲ့လည်း အပြောင်းအလဲတွေနဲ့ကြုံရတဲ့အခါ ရှင်သန်နိုင်ဖို့အတွက် Adaptation လိုက် လုပ်ဖို့လိုပါတယ် ။ ပြောင်းလဲမှုနဲ့အတူ လိုက်လျောညီထွေရှိစွာ ရှင်သန်နိုင်ဖို့ပါပဲ ။ တကယ်လို့ Adaptation လုပ်လို့မရဘူးဆိုရင် Exaptation ဆိုတဲ့ ကိုယ့်ရဲ့ အစိတ်အပိုင်းတစ်ခုခုက လုပ်ဆောင်ချက်တွေကို ပြောင်းလဲလိုက်ပြီး အပြောင်းအလဲမှာ ရှင်သန်ဖို့ လုပ်ဆောင်ရမှာပါပဲ ။
“ ရှင်သန်တိုးတက်ရေးအတွက် အလိုက်သင့်ပြောင်းလဲနိုင်စွမ်း” စာအုပ်ထဲက ကောက်နုတ်ထားတာပါ ။ ဒီစာအုပ်မှာ ဘ၀ ၊ အလုပ် နဲ့ စီးပွားရေးမှာ ကြုံရနိုင်တဲ့ ထောင်ချောက်တွေ ၊ အပြောင်းအလဲတွေ ကြုံရချိန် တုံ့ပြန်ပုံအလိုက် ရှင်သန်တိုးတက်နိုင်စွမ်း အခြေအနေတွေ ၊ အပြောင်းအလဲကို အကောင်းဆုံး ကျော်ဖြတ်ဖို့အတွက် အရေးကြီးတဲ့ အလိုက်သင့်ပြောင်းလဲနိုင်စွမ်း (Adaptability) ၊ လိုက်လျောညီထွေဖြစ်အောင် ပြောင်းလဲကြရင်း အကျိုးမဲ့တဲ့ ပြိုင်ဆိုင်မှု သံသရာထဲ ပိတ်မိနိုင်တာကို သတိချပ်သင့်တဲ့အကြောင်းတွေ စသဖြင့် ဖတ်ရှုရမှာ ဖြစ်ပါတယ် ။
#ရှင်သန်တိုးတက်ရေးအတွက်အလိုက်သင့်ပြောင်းလဲနိုင်စွမ်း #ကောင်းဟိန်းစိုး

Ne Zha (2019)

IMDb Rating (7.4)
ဒါကတော့ Classic novel တစ်ခုဖြစ်တဲ့ The Investiture of the Gods ကိုအခြေခံထားတဲ့ နာမည်ကြီး Chinese Donghua ပါ။
၀တ္ထုအရ အရှေ့ပင်လယ်နဂါးမင်းအောင်းကွမ်းနဲ့သူ့ရဲ့တတိယသားတော်အောင်းပင်း၊ နီကျားတိုရဲ့ အကြောင်းကိုတော့ တော်တော်များများရင်းနှီးကြပါတယ်။
မဟာရန်သူတော်အောင်းပင်းနဲ့နီကျားက ဒီ Movie မှာတော့ သူငယ်ချင်းတွေဖြစ်သွားကြပါတယ်။
တပည့်တွေအနက် တပည့်အကြီး ထိုက်ယီကျန်းရန်ကို အဲ့ဒီတာ၀န်အပ်နှင်းခဲ့တော့ ‌
ကျန်တပည့်ရှန်းကုန်းပေါင်က မနာလိုမုန်းတီးစိတ်တွေဖြစ်လာပြီး ကောင်းကင်ပုလဲလုံးကိုခိုးကာ ‌
အရှေ့ပင်လယ်အောက်နဂါးနန်းတော်မှာချုပ်နှောင်ထားခြင်းခံရတဲ့ နဂါးမင်းအောင်းကွမ်းရဲ့တတိယသားတော်နဲ့
ကောင်းကင်ပုလဲလုံးကိုပေါင်းစပ်ပေးဖိုအပေးအယူထားထားခဲ့ပါတယ်။
မိစ္ဆာပုလဲလုံးကတော့ လီကျန့်ဇနီးသည်ဆီမှာ ဖွားမြင်ခဲ့ပြီး ထိန်းချုပ်မရလို ချန်းခွင်းရွှေကွင်းနဲ့ထိန်းထားခဲ့ရပြီး
လီကျင့်နဲ့သူ့ဇနီးသည်မျက်နှာနဲ့ ထိုက်ယီကျန်းရန်က မတတ်နိုင်ပဲ ရှင်သန်ခွင့်ပေးခဲ့ရပါတယ်။
ဒါပေမယ့်လည်း သုံးနှစ်အကြာမှာ ကောင်းကင်စီရင်ချက်အရ မိုးကြိုးဒဏ်နဲ့ဖျက်ဆီးခံရမှာမို
အဲ့ဒီသတ်မှတ်ခံထားရတဲ့ကံကြမ္မာကို နီကျားတစ်ယောက် ဘယ်လိုရင်ဆိုင်သွားမလဲဆိုတာကိုတော့ ကိုယ်တိုင်ပဲကြည့်ကြည့်လိုက်ကြပါ။
အဆက်ကလည်း ရုံတင်နေပြီဖြစ်ဖို ကြည့်ပြီးရင်လည်းပြန်ကြည့်လိုက်ကြပါ။
ဒုတိယကားမှာဆိုလည်းပင်လယ်နဂါးမင်းအောင်းကွမ်းရဲ့လူပုံစံကြီးကိုပါမြင်ရတော့မှာပါ။
အရှေ့ပင်လယ်နဂါးမင်းအောင်းကွမ်းမှာသား‌တော်သုံးပါးရှိပါတယ်။
သူတိုအကြောင်းပိုသိချင်ရင်တော့ ဒါကိုအခြေခံထားတဲ့ Aobing Zhuan ဆိုတဲ့ Manhua လေးလည်းရှိတယ်နော်။
ဒီ Movie ကတရုတ်မှာတင်မက နိုင်ငံတစ်ဝှမ်းမှာတော်တော်လေးအောင်မြင်ခဲ့ပြီး
Donghua တွေထဲမှာ Animation ကလည်းမိုက်ပြီး တော်တော်လေးကိုကောင်းတဲ့ကားပါ။
မကြည့်ရသေးရင် ကြည့်ကြည့်လိုက်ကြပါ။

ဇာတ်ကားလင့်
https://t.me/c/2186686827/358

Channel Join ရန်လင့်
https://t.me/+snaCVmemMMBhNDRl

Your Name (2016)
===============================
(Kimono Na wa)
ဒီကားကတော့ မသိတဲ့သူမရှိသလောက်ကို ရှားပါလိမ့်မယ်…
ကမ္ဘာအနှံအောင်မြင်မှုတွေရခဲ့ပြီး
Your Name ကြောင့် Anime ပရိသတ် ဖြစ်လာကြတဲ့သူတွေဒုနဲ့ဒေးပါပဲ…
ဒါပေမဲ့ အခုထိမကြည့်ရသေးတဲ့သူတွေ ရှိနေနိုင်သေးတာကြောင့် နည်းနည်းလောက် ပြန်ညွှန်းပါရစေ…
ဇာတ်လမ်းအစမှာ သဘာဝလွန်ဖြစ်ရပ်ဆန်းနဲ့ စတယ်…တိုကျိုမှာနေတဲ့ အထက်တန်းကျောင်းသားလေး
တာချီဘာနာ တကိ နဲ့ အိတိုမိုရိ ဆိုတဲ့ နယ်မြိုလေးက မိယမိဇု မိဆုဟ ဆိုတဲ့ ကောင်မလေးတိုဟာ ခန္ဓာကိုယ်ချင်းလဲသွားကြသတဲ့…
အမှန်က ခန္ဓာကိုယ်လဲတယ်ဆိုတာထက် စိတ်ချင်းလဲသွားတယ်ဆို ပိုမှန်ပါတယ်…
ဒါကို သူတိုတွေက အိပ်မက်လို ထင်နေကြပေမယ့် တကယ်ဖြစ်နေမှန်းသိတဲ့အခါမှာတော့
သူတိုနှစ်ယောက်လုံး ဒီအဖြစ်ဆန်းကြီးကို အဖြေရှာဖို ကြိုးစားကြပါတော့တယ်..
ဒါပေမဲ့ ပြသနာက ခန္ဓာကိုယ်ချင်း(စိတ်ချင်း)လဲတာတင် မဟုတ်ပဲ
သူတိုနှစ်ယောက်ရဲ့အချိန်တွေပါ လွဲနေတယ်ဆိုတာကို သိလိုက်ရတဲ့ အခါမှာတော့….
ဒီအချိန်လွဲတယ်ဆိုတဲ့ကိစ္စကြီးက ကြည့်ရတာနည်းနည်းတော့ ရှုပ်နိုင်တယ်…
မြင်အောင်ပြောပြရရင် အခုလက်ရှိ ပစ္စုပန်အချိန်နဲ့
ဟိုးအရင်အတိတ်အချိန် နှစ်ခု ထိပ်တိုက်တွေ့တဲ့သဘောပါပဲ…
ဒါကို ဇာတ်ကားထဲမှာ ပြန်ပြီးရှင်းပြထားတာကို တွေ့ရမှာပါ…
ဒီလို ထူးဆန်းမှုတွေနဲ့ ဆွဲဆောင်ထားတဲ့ ဒီဇာတ်ကားလေးက
ကျွန်တော်တိုကို တစ်ခုပြောသွားသေးတယ်ခင်ဗျ
“မှတ်ဉာဏ်တွေဟာ မေ့ပျောက်ဖိုလွယ်ပေမယ့်
နှလုံးသားကတော့ အမြဲအမှတ်ရနေမှာပါ”
ကျွန်တော်တို ဘဝမှာလည်း နှလုံးသားထောင့်တစ်နေရာက
တစ်ယောက်သောသူဆိုတာမျိုး ရှိနေတုန်း ရှိနေနိုင်သေးတယ်မဟုတ်လား??
ဦးနှောက်က မေ့သွား/မေ့ထား ပေမယ့် အဖြစ်အပျက်လေးတစ်ခုလောက်က
ရင်ကိုလှိက်ခနဲဖြစ်စေခဲ့တာမျိုးပေါ့…
ဒီကားရဲ့ဇာတ်ဝင်တေးတွေကလည်း ကောင်းမွန်ပြီး လှပတဲ့
အန်နီမေးရှင်း ပြကွက်တွေနဲ့ ဆွဲဆောင်ထားတာကို ခံစားရမှာပါ..
ကဲ အညွှန်းကလည်း နည်းနည်းရှည်သွားပြီမို
ဒီဇာတ်ကားလေးကို ကြည့်ရှုခံစားရင်း တစ်နေ့တာကို အရသာရှိရှိဖြတ်သန်းလိုက်ကြရအောင်
(ဒါနဲ့ ဒီဇာတ်ကားထဲမှာ The Garden Of Words (2013) ဇာတ်ကားထဲက
ဆရာမ ယူကာရီ က cameo အနေနဲ့ ပြန်လည်ပါဝင်ပါသေးတယ်..
ဒါ့အပြင် အခု Your Name ထဲက ဇာတ်ကောင်တွေဖြစ်တဲ့
တကိ..မိဆုဟ..ယော့ဆုဟ..တက်ရှီ..ဆယက တိုတတွေလည်း
Weathering With You (2019) မှာ cameo အဖြစ်
ပြန်လည်ပါဝင်ကြပါသေးတယ်..
သေချာလေးကြည့်ကြနော် 😉…ကဲ ခံစားကြည့်ရှုလိုက်ကြပါဦး)

ဇာတ်ကားလင့်
https://t.me/c/2186686827/360

Channel Join ရန်လင့်
https://t.me/+snaCVmemMMBhNDRl

အမုန်းဟာ ပိုပြီးမုန်းတီးခြင်းကို ဖြစ်ပေါ်စေတယ် ။ အခြားတစ်ဘက်မှာ အချစ်ဟာ အကြွေးဆပ်ပေးပါတယ် ။အသက်ရှင်သန်ခြင်း ၊ မျှော်လင့်ခြင်း နဲ့ ချစ်ခြင်းမေတ္တာအကြောင်း ရေးဖွဲ့ထားတဲ့ ကြေကွဲဖွယ် ဖြစ်ရပ်မှန် ဇာတ်လမ်းတစ်ပုဒ်
နိုင်ငံတကာ အရောင်းရဆုံးစာအုပ်စာရင်းမှာ နံပါတ်(၁) ဖြစ်ခဲ့သလို မကြာခင်က ပျံလွန်တော်မူသွားခဲ့တဲ့ ပုပ်ရဟန်းမင်းကြီး ဖရန်စစ်ကိုယ်တိုင် အမှာစာရေးပေးထားခဲ့တဲ့ စာအုပ်ပါ ။ ၂၀၂၁ ခုနှစ်တုန်းက လီဒီယာရဲ့ လက်ဖျံမှာ နာဇီတွေက တက်တူးထိုးခဲ့တဲ့ အကျဉ်းသားနံပါတ် ၇၀၀၇၂ ကို ပုပ်ရဟန်းမင်းကြီးကိုယ်တိုင် နမ်းခဲ့လို့ ကမ္ဘာ့သတင်းတွေမှာ ခေါင်းကြီးပိုင်း နေရာယူခဲ့ပါတယ် ။
နာဇီအကျဉ်းစခန်းတွေထဲမှာ အရက်စက်ဆုံး ၊ အကြမ်းကြုတ်ဆုံးလို့ နာမည်ကြီးတဲ့ အော့စ်ဝစ်ချ်အကျဉ်းစခန်းရဲ့ "သေမင်းတမန်" လို့ လူသိများတဲ့ ဒေါက်တာ ဂျိုးဇက်မင်းဂလေးရဲ့ လက်က လွတ်မြောက်ခဲ့တဲ့ ကလေးမလေးရဲ့ မမေ့နိုင်စရာ ၊ စိတ်ထိခိုက်စရာ အဖြစ်မှန် ဇာတ်လမ်းပါ ။
လီဒီယာရဲ့ မိခင်က ဘယ်လာရု့စ်က ခုခံတော်လှန်ရေးအဖွဲ့ဝင် တစ်ယောက် ဖြစ်တယ် ။ ဘယ်လာရု့စ်တောထဲမှာ ပုန်းနေတဲ့ သူတို့သားအမိကို နာဇီတွေက ဖမ်းပြီး ပိုလန်နိုင်ငံက အော့စ်ဝစ်ချ်စခန်းကို ရထားနဲ့ ပို့လိုက်တယ် ။
လူ့လောကကြီးအကြောင်း ကောင်းကောင်း မသိရှာသေးတဲ့ ကောင်မလေး လီဒီယာကို ဒေါက်တာ မင်းဂလေးက သူ့ရဲ့ ရက်စက်တဲ့ စမ်းသပ်မှုတွေအတွက် ရွေးချယ်ပြီး နာမည်ဆိုး နဲ့ ကျော်ကြားတဲ့ ကလေးတွေရဲ့ အဆောင်ကို ပို့ထားလိုက်တယ် ။ အဲဒီမှာ နေ့တိုင်းဟာ ကလေးတွေဟာ အသက်ရှင်ဖို့အတွက် ရုန်းကန်ရခဲ့တဲ့ နေ့ရက်တွေပါပဲ ။
ဆယ့်ရှစ်လကြာ ငရဲပြည်လို နေရာမှာ သူမဟာ အကြိမ်ပေါင်းများစွာ သေမင်းနဲ့ နီးကပ်ခဲ့ပါတယ် ။ သူမကို လာတွေ့ဖို့ သူ့အသက်ကိုတောင် စွန့်စားခဲ့တဲ့ သူမရဲ့ မိခင်က သူမကို ခွန်အားတွေ ပေးခဲ့ပါတယ် ။ ဒါပေမဲ့ စခန်းလွတ်မြောက်သွားတဲ့အခါ သူမရဲ့ မိခင်က မရှိတော့ပါဘူး ။ သေပြီလို့ ယူဆထားပါတယ် ။ အဲဒီအချိန်မှာ စိတ်ဒဏ်ရာတွေ အကြီးအကျယ်ရထားတဲ့ လီဒီယာကို ပိုလန်အမျိုးသမီးတစ်ယောက်က မွေးစားခဲ့တယ် ။
၁၉၆၂ ခုနှစ် သူ အသက် ၂၀ ကျော်အရွယ်ကျမှ မိဘအရင်းတွေဟာ ဆိုဗီယက်ယူနီယံမှာ အသက်ရှင်နေသေးတယ်ဆိုတာကို သိလိုက်ရလို့ လီဒီယာဟာ ခါးသီးတဲ့ ရွေးချယ်မှုတစ်ခုကို ရင်ဆိုင်ရပါတော့တယ် ။
လီဒီယာရဲ့ ထူးခြားတဲ့ ဇာတ်လမ်းဟာ ကမ္ဘာတစ်ဝှမ်းက လူတွေရဲ့ နှလုံးသားတွေကို ထိခိုက်စေခဲ့တယ် ။ သူဟာ အရွယ်ရောက်လာတဲ့အခါမှာ ဒုတိယကမ္ဘာစစ်အတွင်းက နာဇီတွေရဲ့ ရက်စက်ကြမ်းကြုတ်မှုတွေကို သက်သေခံဖို့ သူ့ရဲ့ ရည်မှန်းချက်အဖြစ် ထားရှိခဲ့တယ် ။ ဒါမှသာ အမှန်တရားဟာ ဘယ်တော့မှ မေ့ပျောက်မသွားမှာပါ ။
ဒါဟာ သူ့ကို နာကျင်အောင် လုပ်ခဲ့တဲ့သူတွေကို မုန်းတီးဖို့ ငြင်းဆန်တဲ့ ထူးချွန်သော အမျိုးသမီးတစ်ယောက်ရဲ့ ခွန်အားအပြည့်ရှိတဲ့ မျှော်လင့်ချက် မှတ်တမ်းတစ်ခုပါ ။ သူက "အမုန်းတရားဟာ အမုန်းကို ပိုပြီး အားကောင်းလာစေတယ် ။ ချစ်ခြင်းမေတ္တာကတော့ အမုန်းကို ကုစားနိုင်တဲ့ စွမ်းအားရှိပါတယ် " လို့ ပြောပါတယ်။
#အော့စ်ဝစ်ချ်အကျဉ်းစခန်းကကောင်မလေးတစ်ယောက်
#ဗန်းမော်သိန်းဖေ

ပျော်ရွှင်တဲ့ဘဝတစ်ခုကို တည်ဆောက်ဖို့ဆိုတာ ကိုယ်ကိုယ်တိုင်မှာပဲ တာဝန်ရှိပါတယ် ။ တခြားသူတွေမှာ တာဝန် မရှိသလို ကိုယ်ပျော်ရွှင်ဖို့ သူများဆီမှာ မှီခိုဖို့လည်း မလိုပါဘူး ။ ကိုယ့်ရဲ့ပျော်ရွှင်မှုကို တခြားသူတစ်ယောက်ရဲ့ ထင်မြင်ချက်တွေ ဝေဖန်ချက်တွေနဲ့လည်း ဖျက်ဆီးခွင့်မပေးပါနဲ့ ။
ဒါကြောင့် ပျော်ရွှင်ချင်တယ်ဆိုရင် ပျော်ရွှင်စေမယ့် အ ကောင်းမြင်စိတ် အတွေးအာရုံပေါ်မှာပဲ အာရုံစိုက်ပေးပါ။ ကိုယ့်ရဲ့ ပျော်ရွှင်မှုကို ထိပါးနှောင့်ယှက်နိုင်တဲ့ အဆိုးမြင်တဲ့အတွေးတွေ ၊ ဖြစ်ပါ့မလား မဖြစ်နိုင်ပါဘူးဆိုတဲ့ သံသယအတွေးတွေ ၊ ကိုယ့်ကိုယ်ကိုယ် မလေးစားတဲ့စိတ်တွေ...အထင်သေးမိတဲ့စိတ်တွေကို ဖျောက်ပစ်လိုက်ပါ။ ကိုယ့်ကိုယ်ကိုယ်ချစ်ပါ ၊ လေးစားပါ ၊ အထင်ကြီးပါ ၊ ဂရုစိုက်ပါ ၊ ကိုယ့်ရဲ့ပျော်ရွှင်ခြင်းဆီမှာသာ အာရုံစိုက်ထား ပါ ။ သင် ပျော်ရွှင်လာရပါလိမ့်မယ် ။
#လွန်းထားထား

Meta-morphosis (2019)

နတ်ဆိုးနှင်တဲ့ကားလေးဖြစ်ပါတယ်။ ဒါပေမယ့် ရိုက်တာပီပြင်လွန်းလို ကိုယ်ပါအဲ့နား ရောက်နေသလိုပါပဲ။ ထမင်းစားနေတုန်းတော့ မကြည့်ပါနဲ့။ သွေးအလိမ်းလိမ်းနဲ့ တကယ်ဖြစ်နေသလိုကြီးကို ပီပီပြင်ပြင် ရိုက်ထားတာမိုလိုပါ။ ခရစ်ယာန်နတ်ဆိုးနှင်တဲ့ ဘုန်းကြီး တစ်ယောက်ရဲ့ အလုပ်ဟာ ဘဝတစ်ခုလုံးပေးပြီးတော့ လုပ်ရတဲ့အလုပ်ပါ။ ဒီလိုမျိုးမှာကိုမှ ကိုယ့်မိသားစုထဲကိုပါ နတ်ဆိုးတစ်ကောင်က ရောက်လာရင်တော့ ဘယ်လိုစိတ်အခြေအနေနဲ့ နှင်ရမှာပါလဲ။ ပြီးတော့ နာမည်နဲ့လိုက်အောင် ဒီကားထဲက နတ်ဆိုးက ရုပ်ပြောင်းရုပ်လွှနဲ့ ဝင်တာပါ။ ရင်တစ်ထိတ်ထိတ်နဲ့ ကြည့်ရမယ့် ဇာတ်ကားကောင်းလေးမို ကြည့်ရှုခံစားကြည့်ကြပါ။

Ha-rd Can-dy (2005)

ဇာတ်ကားသည် ၁၄ နှစ်အရွယ်ကလေးမလေး Hayley သည် အွန်လိုင်းမှတဆင့် လူကြီးဓာတ်ပုံဆရာ Jeff ကိုတွေ့ပြီး သူ့အိမ်သိုသွားရာမှ စတင်သည်။ Jeff သည် ကလေးငယ်များကို ဆွဲဆောင်လေ့ရှိသူဖြစ်နိုင်သည်ဟု သံသယရှိသောကြောင့် Hayley သည် အကြံအစည်ဖြင့် သူ့ကို မူးဝေစေကာ စမ်းသပ်မှုများပြုလုပ်သည်။ ဇာတ်လမ်းတွင် စိတ်ပိုင်းဆိုင်ရာဖိစီးမှုများ၊ တရားမျှတမှုအပေါ် စူးစမ်းမှုများနှင့် လူမှုရေးအကြောင်းအရာများပါဝင်သည်။ Hayley သည် သံသယဖြစ်စေသူကို တရားစီရင်လိုစိတ်ဖြင့် ကြံစည်သော်လည်း မည်သူကတကယ်အရေးပါသနည်းဆိုသည်ကို ဇာတ်လမ်းသည် မေးခွန်းထုတ်ထားသည်။