မိမိစီးမည့်လေယာဉ် Flight Delay ဖြစ်ပါက Transit လေယာဉ်ထွက်ပြီးမှရောက်တဲ့အခါ Transit လေယာဉ်မမှီလိုက်တာမျိုးမကြုံရလေအောင် ဘာတွေပြင်ဆင်ထားသင့်လဲ?ကြုံခဲ့ရင်ရော ဘာဆက်လုပ်ရမလဲ?
ကြိုတင်ပြင်ဆင်ခြင်း (Before Your Flight)
၁။ ခရီးစဉ်တစ်ခုလုံးကို လေကြောင်းလိုင်းတစ်ခုတည်းကနေ သို့မဟုတ် မိတ်ဖက်လိုင်းတွေကို ချိတ်ဆက်ပေးတဲ့ ခရီးစဉ်တစ်ခုလုံးကို တစ်ခါတည်း လက်မှတ်ဖြတ်တာဟာ အကောင်းဆုံးဖြစ်ပါတယ်။
🔹အကျိုးကျေးဇူးအနေနဲ့ကတော့ ပထမလေယာဉ် နောက်ကျရင်၊ လေကြောင်းလိုင်းက သင့်ကို နောက်လေယာဉ်နဲ့ အလိုအလျောက် အစားထိုးပေးပြီး သင့်ခရီးအာမခံ (Travel Insurance) ရှိရင်လည်း ဟိုတယ်ခန်း၊ အစားအသောက် စတာတွေ စီစဉ်ပေးနိုင်ပါတယ်။
၂။ Transit Time ကို လုံလောက်အောင်ယူပါ
🔹နိုင်ငံတကာ လေဆိပ်ကြီးတွေမှာ လုံလောက်တဲ့ Transit Time ထားဖို့ အရေးကြီးပါတယ်။
🔹အနည်းဆုံး 2 နာရီ ကနေ 6 နာရီ ခန့် ခြားပေးပါ။ 🔹လေဆိပ်ကို ရောက်တဲ့အခါ Immigration, Security Check, နောက်လေယာဉ်စီးတဲ့ Terminal ကို ရွေ့ဖို့ အချိန်လိုအပ်ပါတယ်။
၃။ ခရီးစဉ်အချက်အလက်အားလုံးကို သိမ်းဆည်းထားပါ
🔹လေယာဉ်လိုင်း Customer Service ဖုန်းနံပါတ်၊ Booking Reference Number, နောက်ဆုံး Flight Number တွေကို Screenshot ရိုက်၍ သို့မဟုတ် စာရွက်ကူးယူသိမ်းထားပါ။ ဖုန်းဘက်ထရီကုန်တဲ့အခါ အားသွင်းဖို့ Power Bank လည်း ယူသွားပါ။
၄။ ခရီးသွားအာမခံ (Travel Insurance) ထားပါ
🔹Flight Delay/Delay Missed Connection ဆိုတဲ့ အချက်ပါတဲ့ အာမခံစနစ်ကို ဝယ်ထားပါ။ ဒါမှ ဟိုတယ်ခန်း၊ အစားအသောက်၊ နောက်လေယာဉ်လက်မှတ်အသစ် စတာတွေအတွက် လျော်ကြေးရနိုင်မှာဖြစ်ပါတယ်။
📌လေယာဉ်နောက်ကျပြီး Transit မမီတော့ဘူးဆိုရင် (What to Do If You Miss Your Connection)
၁။ လေယာဉ်ဆင်းဆင်းချင်းတည်းက အနီးဆုံး လေကြောင်းလိုင်း Ground Staff ကို ချက်ချင်းသွားပြီး ပြောပါ။ သူတို့က အနီးဆုံး နောက်လေယာဉ်ကို စီစဉ်ပေးမှာဖြစ်ပါတယ်။
၂။ လေကြောင်းလိုင်းရဲ့ Transfer Desk/Lounge ကိုသွားပါ
🔹Transit Area ထဲမှာရှိတဲ့ လေကြောင်းလိုင်းရဲ့ Transfer Desk (သို့မဟုတ်) Customer Service Counter ကို ချက်ချင်းသွားပါ။ သင့်အခြေအနေကို ရှင်းပြပြီး အကူအညီတောင်းပါ။
၃။ လေကြောင်းလိုင်းက စီစဉ်ပေးတာကို လက်ခံပါ
🔹လေကြောင်းလိုင်းက နောက်လေယာဉ်တစ်စီးကို Rebook လုပ်ပေးမှာဖြစ်ပါတယ်။ နောက်တစ်နေ့မှ ထွက်ရင်လည်း ဟိုတယ်ခန်း၊ Voucher စတာတွေ စီစဉ်ပေးနိုင်ပါတယ်။
၄။ Transit ခရီးစဉ်ကို သီးသန့် စီ ဖြတ်ထားတဲ့ လေယာဉ်လက်မှတ်ဆိုရင်
🔹ပထမလေယာဉ်ကို Aလိုင်း၊ ဒုတိယလေယာဉ်ကို Bလိုင်းနဲ့ သီးသန့် လက်မှတ်ဖြတ်ထားတာဆိုရင် ပိုဂရုစိုက်ရပါမယ်။ ပထမလေယာဉ်နောက်ကျရင် ဒုတိယလေယာဉ်အတွက် လေကြောင်းလိုင်းက တာဝန်မယူတော့ပါဘူး။ ဒါကြောင့် ကြားထဲမှာ အချိန်အများကြီး ခြားထားဖို့ လိုအပ်ပါတယ်။
၅။ အင်တာနက်သုံးပြီး အချက်အလက်ရှာပါ
🔹လေဆိပ်မှာ Free Wi-Fi ရရင် ကိုယ်စီးမယ့်လေယာဉ်ရဲ့ Status ကို Online ကြည့်ပါ။ လေကြောင်းလိုင်းရဲ့ App မှာ Rebooking လုပ်လို့ရမရ စစ်ဆေးပါ။
၆။ Receipt အားလုံးကို သိမ်းထားပါ
🔹လေယာဉ်နောက်ကျတဲ့အတွက် စားသောက်စရိတ်၊ ဟိုတယ်ခန်း စတာတွေအတွက် Receipt အားလုံးကို သေချာသိမ်းထားပါ။ နောက်ပိုင်း အာမခံကနေ လျော်ကြေးတောင်းတဲ့အခါ လိုအပ်မှာဖြစ်ပါတယ်။
"ခရီးသွားမိတ်ဆွေများအားလုံးအဆင်ပြေကြပါစေ"
#crd
