ရန်ကုန်တွင် အမျိုးသားတစ်ဦး နောက်စေ့တည့်တည့် သေနတ်ဖြင့် ပစ်ခတ်သတ်ဖြတ်ခံရ

ဇန်နဝါရီ ၇

ရန်ကုန်တိုင်းဒေသကြီး၊ ကြည့်မြင်တိုင်မြို့နယ်တွင် အမျိုးသားတစ်ဦး သေနတ်ဖြင့် ပစ်ခတ်သတ်ဖြတ်ခံခဲ့ရကြောင်း လုံခြုံရေးတပ်ဖွဲ့နှင့်နီးစပ်သူများထံမှ သိရသည်။ ဖြစ်စဉ်မှာ ယမန်နေ့(ဇန်နဝါရီလ ၆ ရက်) ညနေ ၄နာရီ ၄၅မိနစ်အချိန်ခန့်က ကြည့်မြင်တိုင်မြိုနယ်၊ စျေး ကလေးရပ်ကွက်၊ ကမ်းနားလမ်း နှင့် ဗားကရာလမ်းထောင့်တွင် ဖြစ်ပွားခဲ့ခြင်းဖြစ်ကြောင်း သိရသည်။

သတင်းအရ လုံခြုံရေးအဖွဲ့ကသွားရောက်စစ်ဆေးရာ ကမ်းနားလမ်းပေါ် ဗားကရာမီးပွိုင့်နှင့်ပေ(၁၀၀)အကွာ အလုံမြို့နယ်ဘက်သွားသည့်အခြမ်းတွင် ကျောပိုးအိတ်နှင့်ဘေးလွယ်အိတ်အသေးလွယ်ထားသည့်အသက်(၅၀)နှစ်ခန့် အမျိုးသားကြီးတစ်ဦးသည် နောက်စေ့တည့်တည့် ကျည်ထိမှန်ဒဏ်ရာဖြင့်သေဆုံးနေသည်ကို တွေ့ရှိခဲ့ရကြောင်း သိရသည်။

သေဆုံးသူ အမျိုးသား၏ဘေးလွယ်အိတ်အတွင်း ဦးအောင်ရှိန်အမည်ပါ AYA ဘဏ်စာအုပ်ကို တွေ့ရသဖြင့်သေဆုံးသူမှာ မည်သူမည်ဝါဖြစ်သည်ကို စုံစမ်းလျက်ရှိကြောင်သိရသည်။ လက်ရှိတွင် သေဆုံးသူအမျိုးသားအား ရန်ကုန်ပြည်သူ့ဆေးရုံကြီးသို့ပို့ဆောင်ပေးထားပြီး ကျူးလွန်သူအား ဥပဒေနှင့်အညီအပြစ်ပေး အရးယူနိုင်ရေး စုံစမ်းစစ်ဆေးမှုများ ဆက်လက်လုပ်ဆောင် လျက်ရှိကြောင်း သိရသည်။

#သတင်းဟင်းလေးအိုးကြီး

ကနေဒါဝန်ကြီးချုပ် ရာထူးမှ နုတ်ထွက်ဖွယ်ရှိ

အော့တဝါ၊ ဇန်နဝါရီ ၇

ကနေဒါဝန်ကြီးချုပ် ဂျပ်စတင်ထရူဒိုး (Justin Trudeau) သည် ရာထူးမှ နုတ်ထွက်မည်ဟု ကြေညာဖွယ်ရှိကြောင်း ရိုက်တာမှ ဖော်ပြခဲ့သည်။

သူသည် လက်ရှိအချိန်အထိ အပြီးသတ် ဆုံးဖြတ်ချက်ကို မချမှတ် ရသေးသော်လည်း ရာထူးမှ နုတ်ထွက်ချင် နေကြောင်း ထရူဒိုးနှင့် နီးစပ်သည့် သတင်းရင်းမြစ်တစ်ဦးက Globe and Mail သတင်းစာကို ဇန်နဝါရီ ၄ ရက်က ပြောကြားခဲ့သည်။

ထရူဒိုးသည် ကနေဒါ၏ အာဏာရပါတီဖြစ်သည့် လစ်ဘရယ်ပါတီ၏ ခေါင်းဆောင်အဖြစ် ဝန်ကြီးချုပ်တာဝန်ကို ၉ နှစ်ကြာ ထမ်းဆောင်ပြီးနောက် ရာထူးမှ နုတ်ထွက်မည့်အကြောင်းကို ဇန်နဝါရီ ၆ ရက်တွင် ကြေညာဖွယ်ရှိသည် ဟု အမည်မဖော်လိုသော သတင်းရင်းမြစ်က ရိုက်တာသတင်းဌာနကို ပြောကြားခဲ့သည်။

ထရူးဒိုးသည် ရာထူးမှ နုတ်ထွက်သွားမည်ဆိုပါက လစ်ဘရယ်ပါတီသည် ခေါင်းဆောင်ရှိတော့မည် မဟုတ်ဘဲ နောက်ထပ် ခေါင်းဆောင်အသစ်ကို အလျင်အမြန် ရွေးချယ်ရမည်ဖြစ်သည်။

မကြာသေးမီက ပြုလုပ်သည့် စစ်တမ်းများတွင်မူ လစ်ဘရယ်ပါတီသည် အောက်တိုဘာ လကုန်ပိုင်းတွင် ပြုလုပ် မည့် ရွေးကောက်ပွဲ၌ အတိုက်အခံ ကွန်ဆာဗေးတစ်များကို ရှုံးနိမ့်ဖွယ်ရှိကြောင်း ရလဒ်များ ထွက်ပေါ်ခဲ့သည်။

ထရူဒိုးသည် ရာထူးမှ ထွက်ခွာမည့် အစီအစဉ်ကို မည်သည့်အချိန်တွင် ကြေညာလိမ့်မည်ဆိုခြင်းအား အသေးစိတ် မသိရသေးသော်လည်း ဖေဖော်ဝါရီ ၈ ရက်တွင် ပြုလုပ်မည့် လစ်ဘရယ် လွှတ်တော်အမတ်များ၏ အရေးပေါ် အစည်းအဝေးမတိုင်မီ နုတ်ထွက်ဖွယ်ရှိကြောင်း သတင်းရင်းမြစ်များက ပြောကြားခဲ့သည်။

မကြာသေးမီက ပြုလုပ်ခဲ့သည့် လူထုစစ်တမ်းများတွင် လွှတ်တော်အတွင်း လစ်ဘရယ်များ များပြားလာမှုကို စိုးရိမ်ကြောင်း ဖော်ပြခဲ့ပြီး ထိုလစ်ဘရယ်များက ထရူဒိုးကို ရာထူးမှနုတ်ထွက်ရန် လူသိရှင်ကြား တိုက်တွန်းခဲ့ သည်။

ယခုထွက်ပေါ်နေသည့် သတင်းများနှင့်ပတ်သက်ပြီး ရိုက်တာသတင်းဌာန၏ မှတ်ချက်ပေးရန် တောင်းဆိုချက်ကို ဝန်ကြီးချုပ်ရုံးက တုန့်ပြန်ခဲ့ခြင်းမရှိပေ။

ထရူဒိုးသည် နောက်ထပ် လစ်ဘရယ် ခေါင်းဆောင်သစ်တစ်ဦး ရွေးချယ်ပြီးသည့် အချိန်အထိ ဝန်ကြီးချုပ်အဖြစ် ဆက်လက် တာဝန်ယူရန် ရှိ/မရှိနှင့် ချက်ချင်း နုတ်ထွက်ရန် အစီအစဉ် ရှိ/မရှိကို တိကျစွာမသိရကြောင်း Globe and Mail သတင်းစာက ဖော်ပြခဲ့သည်။

Source: ရိုက်တာ

ပုံ - ကနေဒါဝန်ကြီးချုပ် ထရူဒိုးကို တွေ့ရစဉ်

#centralnewsnaypyitaw

"ဒီ အကယ်ဒမီ ပေးပွဲ ကျင်းပတဲ့ အဖွဲ့က မဟုတ်တော့ဘူး။ အနုပညာအစည်းအရုံးက လူတွေကလည်း ဘာဖြစ်နေကြတာလဲ မသိဘူး။ အကယ်ဒမီပေးပွဲ တက်ဖို့ လျှောက်လွှာတင်နေရတယ်။ ကိုယ်က အနုပညာကို အများကြီး လုပ်ခဲ့တဲ့ ဇာတ်ပို့တစ်ယောက်ပါ။ အကယ်ဒမီပွဲလေး တက်ရဖို့အတွက် တက်ရောက်ခွင့် လျှောက်လွှာ တင်ပေးရမယ်တဲ့။ ဒါတောင် ကျွန်မတို့က ရုပ်ရှင် ဇာတ်ကားကြီးတွေမှာ ပါဝင်ဖူးတဲ့ ဝါရင့် ဇာတ်ပို့ သရုပ်ဆောင်တွေနော်။ အာ့လိုကြီး လျှောက်လွှာတင်နေရတာကြီးကို မကြိုက်တော့ဘူး။ ရုပ်ရှင် ဇာတ်ကားကြီးထဲတောင် မရောက်ဖူးတဲ့ သာမာန်ဆယ်လီတွေကျတော့ လက်မှတ် ရနေကြတာ။ ဒါကျတော့ တော်တော်ကြီး လွန်နေသလိုပဲ" ဆိုပြီး ရင်ဖွင့် ပြောပြလာတဲ့ ဇာတ်ပို့သရုပ်ဆောင် ဘိုမ။

"အကို့"ကို ချစ်မိလို့ ငရဲကြမယ်ဆိုရင်တောင်
အဲ့ငရဲဟာ ဘယ်လောက်ပူနိုင်မှာလဲ။
"အကို"အဆင်ပြေပါ့မလားလို့ တွေးပူနေတဲ့
ကျွန်မရင်ခွင်ကို မှီပါ့မလား......
#စာရယ်ကဗျာရယ်

"မေ" ငိုမှာထက်...
အဲ့အမျိုးသမီး ငိုမှာ "အကို"ပိုကြောက်တယ်
ဟုတ်တယ်မှတ်လား အကို...
ကျွန်မသိချင်တယ် "အကို"
"ထားခဲ့တာ"လား "ထားခဲ့လိုက်ရတာ"လားဆိုတာ.....
#စာတိုမယ်ညို

ပတ်စ်ပို့အတုလုပ်၍ တရားမဝင်လုပ်သားပို့သူများ ဖမ်းဆီးခံရ

ဇန်နဝါရီ ၇

မြန်မာနိုင်ငံကူးလက်မှတ်(ပတ်စ်ပို့)အတု လုပ်၍ ထိုင်းနိုင်ငံနှင့် မလေးရှားနိုင်ငံများသို့ တရားမဝင် အလုပ်သမားပို့ ဆောင်သူများအား ဖမ်းဆီးရမိခဲ့သည်ဟု ၂၀၂၅ ခုနှစ်၊ ဇန်နဝါရီ ၆ ရက်က နစကမှ သတင်းထုတ်ပြန်ခဲ့သည်။

၂၀၂၄ ခုနှစ်၊ ဒီဇင်ဘာ ၉ ရက်က မြဝတီမြို့၊ အမှတ်(၁) မြန်မာ-ထိုင်း ချစ်ကြည်ရေးတံတား လုံခြုံရေးပူးပေါင်းအဖွဲ့ က မဲဆောက်မြို့သို့ သွားမည့် သက်နန္ဒာဝင်း ခေါ်ဆောင်လာသည့် အမျိုးသမီးငယ် ၃ ဦး အပါအဝင် မြန်မာလူငယ် ၁၁ ဦးကို ပတ်စ်ပို့စာအုပ်အတု ၁၁ အုပ်နှင့်အတူ ဖမ်းဆီးရမိခဲ့သည်။

ထို့နောက် ဖမ်းဆီးရမိသည့် ၁၁ ဦးအနက် မနှင်းအိဖြူ (တောင်တွင်းကြီးမြို့နယ်နေ)ပါ ၉ ဦးကို ရန်ကုန်တိုင်း ‌ဒေသကြီး၊ ကျောက်တံတားမြို့နယ်၊ ၃၇ လမ်း(အထက်)၊ ဒုတိယထပ်၊ အမှတ်(၂၂၀)ရှိ One Asia အလုပ်အကိုင်ရှာ ဖွေရေးအေဂျင်စီမှ မန်နေဂျင်း ဒါရိုက်တာ နွယ်နီလှိုင်မင်း၊ ဒါရိုက်တာ ခင်မောင်ရွှေ(ခေါ်)ဗလတို့က တစ်ဦးလျှင် ဝန်ဆောင်ခ ကျပ်သိန်း ၈၀ စီရယူ၍လည်းကောင်း၊ ကျောက်တံတားမြို့နယ်ရှိ Central Tower တတိယထပ်၊ အခန်း (၃၀၂)ရှိ လျမ်းထက်ခရီးသွားဝန်ဆောင်မှုလုပ်ငန်းမှ မန်နေဂျင်း ဒါရိုက်တာ စုမြတ်(ခေါ်)စုမြတ်နန္ဒာဝင်းက တစ်ဦးလျှင် ငွေကျပ်သိန်း ၇၀ စီရယူ၍ ပတ်စ်ပို့စာအုပ်အတု ပြုလုပ်ပေးကာ မြဝတီမြို့မှတဆင့် ထိုင်းသို့ပို့ဆောင် ပြီး မလေးရှားနိုင်ငံသို့ တရားမဝင်လမ်းကြောင်းများမှ ဆက်လက်ပို့ဆောင်ရန် စီစဉ်ထားကြောင်း သိရသည်။

ထို့ကြောင့် မြဝတီမြို့မရဲစခန်းက နွယ်နီလှိုင်မင်း၊ ဗလနှင့် စုမြတ်တို့ကို အမှုဖွင့်အရေးယူထားကြောင်း နစက-က သတင်းထုတ်ပြန်ခဲ့သည်။

ထို့နောက် One Asia အလုပ်အကိုင်ရှာဖွေရေးအေဂျင်စီမှ နွယ်နီလှိုင်မင်း၊ ဗလနှင့် လျမ်းထက်ခရီးသွားဝန်ဆောင်မှု လုပ်ငန်းမှ ဝဏ္ဏဇော်(ခေါ်)ကိုပေါက်၊ ပတ်စ်ပို့စာအုပ်အတုလုပ်သူ ကမာရွတ်မြို့နယ်နေ ညိုမင်း၊ လှိုင်မြို့ နယ်နေ ဂျွန်ကိုကို(ခေါ်)ဂျွန်ကိုနှင့် ၎င်း၏ဖခင်ဖြစ်သူ ထွန်းရီ၊ ပန်းဘဲတန်းမြို့နယ်နေ စန်းဝင်း(ခေါ်)ရဖီး၊ ဒဂုံမြို့သစ်(မြောက် ပိုင်း)နေ သန့်ဇင်ဦး စသည့် စုစုပေါင်း ၈ ဦး ဖမ်းဆီးရမိခဲ့သည်။

ဂျွန်ကိုကို အနေဖြင့် ဗလနှင့် စုမြတ်တို့အပါ ၁၄ ဦးတို့ အပ်နှံသည့် နိုင်ငံကူးလက်မှတ် အတု ၇၃၄ အုပ်အား အတုပြုလုပ်ပေးခဲ့ကြောင်း သိရသည်။

ထို့နောက် အမှုမှထွက်ပြေးတိမ်းရှောင်နေသည့် ကျန်တရားခံများ ဖမ်းဆီးရမိရေးအတွက် ဆက်လက် စစ်ဆေး ဖော်ထုတ်လျက်ရှိကြောင်း နစက-က သတင်းထုတ်ပြန်ခဲ့သည်။

#centralnewsnaypyitaw

အမေရိကန်မှာ နှင်းမုန်တိုင်း ပိုမိုဆိုးရွားလာပြီး ပြည်နယ် (၇) ခုမှာ အရေးပေါ် အခြေအနေကြေညာ

ဝါရှင်တန်၊ ဇန်နဝါရီ ၇

အမေရိကန်နိုင်ငံ ဒေသအတော်များများမှာ နှင်းမုန်တိုင်းတိုက်ခတ်မှု ပိုမိုဆိုးရွားလာပြီး လက်ရှိချိန်ထိ လူခြောက်ယောက်ထက်မနည်း သေဆုံးသွားကြောင်း တာဝန်ရှိသူတွေက ပြောပါတယ်။

နှင်းမုန်တိုင်းကြောင့် စာသင်ကျောင်းတွေ၊ စီးပွားရေးလုပ်ငန်းတွေ ပိတ်ထားခဲ့ရပြီး ခရီးသွားလာမှုတွေ အနှောက်အယှက်ဖြစ်ပေါ်ကာ လျှပ်စစ်ဓါအားပြတ်တောက်မှုတွေ ဖြစ်ပေါ်ခဲ့ပါတယ်။ မေရီလန်း၊ ဗာဂျီးနီးယား၊ အနောက်ဗာဂျီးနီးယား၊ ကန်ဆတ်စ်၊ မစ်ဆူရီ၊ ကန်တပ်ကီနဲ့ အာကန်ဆတ်တို့မှာ အရေးပေါ်အခြေအနေ ကြေညာထားရပါတယ်။

မြောက်ဝန်ရိုးစွန်းကို လှည့်ပတ်နေတဲ့ အေးခဲဝင်ရိုးစွန်း လေစီးကြောင်းတွေကြောင့် ဖြစ်ပွားတဲ့ ပြင်းထန်တဲ့ရာသီဥတုအခြေအနေမှာ လေယာဉ်ခရီးစဉ်ပေါင်း နှစ်ထောင်ကျော်ကို ဖျက်သိမ်းပြီး နှောင့်နှေးမှု ၆၅၀၀ ရှိခဲ့တယ်လို့ တာဝန်ရှိသူတွေက ပြောပါတယ်။

အရှေ့ဘက်ကမ်းရိုးတန်းမှာ ဆီးနှင်းထူထပ်စွာ ကျရောက်နိုင်ကြောင်း အာဏာပိုင်များက သတိပေးထားပါတယ်။ အပူချိန်ကျဆင်းမှုဟာ ရက်သတ္တပတ်များစွာ နိုင်ငံတွင်းမှာ ဆက်ရှိနေမယ်လို့ ဆိုပါတယ်။ ဝါရှင်တန်ဒီစီမှာတော့ ဆီးနှင်း ၅ လက်မကနေ ၉ လက်မထိကျဆင်းခဲ့ပြီး အနီးနားရှိ မေရီလန်းနဲ့ ဗာဂျီးနီးယားတို့မှာ တပေခန့်ကျဆင်းခဲ့တယ်လို့ တာဝန်ရှိသူတွေက ပြောပါတယ်။

နှင်းမုန်တိုင်းကြောင့် ယာဉ်မတော်တဆမှုတွေလည်း များစွာဖြစ်ပွားခဲ့ပြီး မစ်ဆူရီမှာ လူတယောက်သေကာ ဒါဇင်များစွာ ဒဏ်ရာရခဲ့ကာ ကန်ဆတ်မှာတော့ လူနှစ်ယောက်သေဆုံးခဲ့တယ်လို့ တာဝန်ရှိသူတွေက ပြောပါတယ်။

Ref:BBC
Photo:Getty Images

Credit - VOM News Agency

#သတင်းဟင်းလေးအိုးကြီး

လက်မထပ်ခင် ကိုယ်ဝန်ရှိတဲ့နည်းလမ်းသုံးတာအောင်မြင်မယ်ထင်လို့လား

Tha Yee Kar Kyi ma loz par

မြူတွေလည်း လွမ်းတဲ့စိတ်ကိုတော့
မဖုံးနိုင်ခဲ့ပါဘူး။
#စာတို