တိပိဋကဓရ တိပိဋကကောဝိဒ သာသနာ့အာဇာနည်ဆရာ‌တော်တစ်ပါး ထပ်မံပေါ်ထွန်း

၃၃ရက်ကြာ ကျင်းပပြီးစီးခဲ့တဲ့ (၇၇)ကြိမ်မြောက် တိပိဋကဓရ တိပိဋကကောဝိဒ ရွေးချယ်ရေးစာမေးပွဲကြီးကနေ တိပိဋကဓရ တိပိဋကကောဝိဒ သာနာ့အာဇာနည် ဆရာတော်တစ်ပါးတစ်ပါး ထပ်မံပေါ်ထွန်းလာတယ်လို့ သာသနာရေးဦးစီးဌာနကနေသိရပါတယ်။

အခုပေါ်ထွန်းလာတဲ့ သာသနာ့အာဇာနည် ဆရာတော်က ရန်ကုန်တိုင်းဒေသကြီး၊ ဒဂုံမြို့သစ်(အရှေ့ပိုင်း)မြို့နယ်၊ တိပိဋကမဟာဂန္ထဝင်နိကာယ်ကျောင်းတိုက်မှာ သတင်းသုံးတော်မူတဲ့ အရှင်သေဋ္ဌဉာဏာလင်္ကာရ ဖြစ်တယ်လို့ဆိုပါတယ်။

ဆရာတော်ဟာ သက်တော်၄၅နှစ်၊ သိက္ခာတော်၂၃ဝါရှိပြီဖြစ်တယ်လို့လည်း သိရပါတယ်။

တိပိဋကဓရ တိပိဋကကောဝိဒ ရွေးချယ်ရေးစာမေးပွဲကြီးမှာ ဝိနယပိဋက ဝိနည်းပထမပိုင်းနှစ်ကျမ်း၊ ဝိနယပိဋက ဝိနည်းဒုတိယပိုင်းသုံးကျမ်း၊ သုတ္တန္တပိဋက ဒီဃနိကာယ်သုံးကျမ်း၊ အဘိဓမ္မပိဋက အဘိဓမ္မာပထမပိုင်းငါးကျမ်းနဲ့ အဘိဓမ္မပိဋက အဘိဓမ္မာဒုတိယပိုင်းနှစ်ကျမ်းတို့ကို တိပိဋကဘွဲ့အတွက် အာဂုံပြန်ဆိုရပြီး တိပိဋကကောဝိဒဘွဲ့အတွက် သဘောရေးဖြေစာမေးပွဲ ဖြေဆိုရတယ်လို့ သိရပါတယ်။

၇၇ကြိမ်မြောက် တိပိဋကဓရ တိပိဋကကောဝိဒရွေးချယ်ရေးစာမေးပွဲကြီးပြီးတဲ့အချိန်ထိ တိပိဋကဓရ တိပိဋကကောဝိဒ သာသနာ့အာဇာနည်၁၇ပါး ပေါ်ထွန်းခဲ့ပြီဖြစ်ပြီး ပထမဆုံးတိပိဋကဓရ တိပိဋကကောဝိဒဆရာတော်ကတော့ မင်းကွန်းဆရာတော်ဘုရားကြီးဖြစ်တယ်လို့ သိရပါတယ်။

တရုတ်နှစ်ကူး

Other: Feb 14 ကိုရည်းစားနဲ့အတူဖြတ်သန်းမှာ

Me & My fri:

မြောက်ကိုရီးယားက ရုရှားကိုစစ်သားများ ထပ်မံပို့ဆောင်ဖွယ်ရှိ

ဆိုးလ်၊ ဇန်နဝါရီ ၂၆

ရုရှား-ယူကရိန်းစစ်ပွဲတွင် မြောက်ကိုရီးယားစစ်သားများ ထိခိုက်သေဆုံးမှုများရှိခဲ့ပြီးနောက် မြောက်ကိုရီးယား သည် ရုရှားကို စစ်သားများ ထပ်မံပို့ဆောင်ပေးရန် ပြင်ဆင်နေသည်ဟု တောင်ကိုရီးယားက ဇန်နဝါရီ ၂၄ ရက်တွင် ပြောကြားခဲ့သည်ဟု အေပီမှ ဖော်ပြခဲ့သည်။

မြောက်ကိုရီးယား ကင်းထောက်ဂြိုဟ်တု တစ်စင်းနှင့် အမေရိကန်အထိ ပစ်ခတ်ရောက်ရှိနိုင်သည့် တိုက်ချင်းပစ် ပဲ့ထိန်းဒုံးကျည်တစ်စင်း ပစ်လွှတ်ရန် ပြင်ဆင်နေသည်ဟုလည်း တောင်ကိုရီးယား ပူးတွဲစစ်ဦးစီးချုပ်များအဖွဲ့ (JCS) က ထုတ်ပြန်ခဲ့သည်။

အမေရိကန်တွင် သမ္မတဒေါ်နယ်ထရမ့် (Donald Trump) အာဏာပြန်ရလာမှုနှင့်အတူ အမေရိကန်နှင့် မြောက်ကိုရီးယားအကြား ထိပ်သီးအဆင့် သံတမန်ဆွေးနွေးပွဲများ ဖြစ်မြောက်မည့် အလားအလာများလည်း ထွက်ပေါ်လာခဲ့သည်။

ထရမ့်သည် ပထမသက်တမ်းအတွင်း မြောက်ကိုရီးယားခေါင်းဆောင် ကင်မ်ဂျုံအန် (Kim Jong Un ) နှင့် ၃ ကြိမ် တွေ့ဆုံခဲ့ဖူးသည်။

မြောက်ကိုရီးယားသည် ယူကရိန်းစစ်ပွဲအတွင်း ရုရှားကို လက်နက်ကြီးများနှင့် အခြားလက်နက်ခဲယမ်းများ ထောက်ပံ့ပေးခဲ့ကာ ပြီးခဲ့သည့်နှစ် အောက်တိုဘာလတွင် ရုရှားအား မြောက်ကိုရီးယားစစ်သား ၁၀,၀၀၀ မှ ၁၂,၀၀၀ အကြား ပို့ဆောင်ပေးခဲ့ကြောင်း အမေရိကန်၊ တောင်ကိုရီးယားနှင့် ယူကရိန်းထောက်လှမ်းရေး အေဂျင်စီများက ပြောကြားခဲ့သည်။

အပြန်အလှန်အားဖြင့် မြောက်ကိုရီးယားသည် ရုရှားထံမှ ခေတ်မီဆန်းသစ်သည့် လက်နက်နည်းပညာများကို ရရှိခဲ့ကြောင်း တောင်ကိုရီးယားနှင့် အမေရိကန်တို့က ပြောကြားခဲ့သည်။

“ရုရှား-ယူကရိန်း စစ်ပွဲအတွက် မြောက်ကိုရီးယားစစ်သားတွေ စေလွှတ်ခဲ့တာ ၄ လကျော်လာတာနဲ့အမျှ စစ်မြေပြင်မှာ မြောက်ကိုရီးယားစစ်သားတွေ ထိခိုက်သေဆုံးတာတွေ၊ ဖမ်းဆီးခံရတာတွေ ရှိခဲ့ပါတယ်။ မြောက်ကိုရီးယားဟာ နောက်ထပ်စစ်သားတွေကို စေလွှတ်ဖို့ ပြင်ဆင်နေပြီး နောက်ထပ် အစီအစဉ်တွေကို တိုးမြှင့်လုပ်ဆောင်နေတယ်လို့ ယူဆရပါတယ်”ဟု JCS က ထုတ်ပြန်ခဲ့သည်။

ယူကရိန်းတပ်ဖွဲ့များနှင့်ဖြစ်ပွားနေသည့် တိုက်ပွဲများအတွင်း မြောက်ကိုရီးယားစစ်သား ၃၀၀ ခန့်သေဆုံးပြီး ၂၇၀၀ ခန့် ဒဏ်ရာရခဲ့ကြောင်း ပြီးခဲ့သည့် သီတင်းပတ်အတွင်း တောင်ကိုရီးယားထောက်လှမ်းရေးအေဂျင်စီက ပြောကြား ခဲ့သည်။

ယူကရိန်းသမ္မတ ဇာလန်းစကီး (Volodymyr Zelenskyy) ကမူ မြောက်ကိုရီးယားစစ်သား ၄၀၀၀ ခန့်သေဆုံး သို့မဟုတ် ဒဏ်ရာရခဲ့ကြောင်း ပြောကြားခဲ့ပြီး အမေရိကန်ကမူ ထိခိုက်၊ သေဆုံးခဲ့သည့် မြောက်ကိုရီးယား စစ်သား အရေအတွက်ကို ၁၂၀၀ ခန့်ရှိကြောင်း ခန့်မှန်းထုတ်ပြန်ခဲ့သည်။

Source: အေပီ

ပုံ - မြောက်ကိုရီးယား စစ်သားတွေကိုတွေ့ရစဉ်

#centralnewsnaypyitaw

အေစီမီလန်ထံ ဝေါ်လ်ကာရဲ့ အငှားအပြောင်းအရွှေ့ အပြီးသတ်

ဇန်နဝါရီ ၂၆

မန်စီးတီးအသင်းခေါင်းဆောင် ဝေါ်လ်ကာရဲ့ အေစီမီလန်အသင်းထံ ရာသီအကုန်ထိ အငှားနဲ့ ပြောင်းတဲ့ အပြောင်းအရွှေ့ဟာ အပြီးသတ်နိုင်ခဲ့ပြီဖြစ်ပါတယ်။

အေစီမီလန်အသင်းဟာ ဝေါ်လ်ကာကို အငှားစာချုပ်ကုန်ဆုံးမယ့် နွေရာသီမှာ အပြီးသတ် ဝယ်ယူဖို့အတွက် ရွေးချယ်ခွင့်လည်း ရှိနေတာပါ။

မန်စီးတီးအသင်းနဲ့ ၂၀၂၆ ခုနှစ် နွေရာသီအထိ စာချုပ်ရှိနေတဲ့ ဝေါ်လ်ကာဟာ ဇန်နဝါရီ ၄ ရက်က ဝက်စ်ဟမ်း အသင်းကို အနိုင်ရရှိခဲ့တဲ့ ပွဲစဉ်ပြီးကတည်းက မန်ချက်စတာကလပ်အတွက် ပါဝင်ကစားခြင်း မရှိတော့တာ ဖြစ်ပါတယ်။

ဝေါ်လ်ကာကို ခေါ်ယူဖို့ ဆော်ဒီကလပ်တွေက စိတ်ဝင်စားခဲ့ပေမယ့် သူက အေစီမီလန်အသင်းထံ ပြောင်းရွှေ့ဖို့ ရွေးချယ်ခဲ့တာပါ။

ဝေါ်လ်ကာက “၂၀၁၇ မှာ မယုံနိုင်စရာကောင်းတဲ့ ကလပ်ရဲ့ ခေါ်ယူခြင်းခံရတာဟာ အိပ်မက်တစ်ခု အမှန်တကယ် ဖြစ်ခဲ့ပြီး ၇ နှစ်အကြာမှာ ဆုဖလား ၁၇ လုံးကို ရယူနိုင်ခဲ့ပါတယ်။ အီးတီဟတ်မှာ ရခဲ့တဲ့ အခွင့်အရေးအတွက် အမှန်တကယ် ကျေးဇူးတင်မိပြီး အနောက်ကွယ်ကနေ မမောမပန်း အလုပ်လုပ်ခဲ့တဲ့ လူတွေအားလုံးကို ကျေးဇူး တင်ပါတယ်။ ကောင်းမွန်တဲ့ အမှတ်တရတွေနဲ့ အတူတူမျှဝေပေးခဲ့တဲ့ အောင်မြင်မှုတွေအတွက် အသင်းဖော်တွေ ကိုလည်း ကျေးဇူးတင်ပါတယ်။ ကျနော့်ကို ယုံယုံကြည်ကြည်နဲ့ ခေါ်ပေးခဲ့တဲ့ နည်းပြဂွာဒီယိုလာနဲ့ ပရိသတ်တွေ အားလုံးကို ကျေးဇူးတင်ပြီး ဘယ်တော့မှမမေ့ဘူး”လို့ သူ့ရဲ့ဆိုရှယ်မီဒီယာမှာ မန်စီးတီးအသင်းကို နှုတ်ဆက်စာ ရေးသားခဲ့ပါတယ်။

၂၀၁၇ ခုနှစ်က စပါးအသင်းကနေ ပြောင်းရွှေ့လာခဲ့တဲ့ ဝေါ်လ်ကာဟာ မန်စီးတီးအသင်းအတွက် ပွဲပေါင်း ၃၁၉ ပွဲ ပါဝင်ကစားခဲ့ပြီး ၆ ဂိုးသွင်းယူနိုင်ခဲ့တာပါ။

မန်စီးတီးအသင်းဟာ ဝေါ်လ်ကာ ထွက်ခွာမှုကြောင့် ဈေးကွက်ထဲမှာ ညာနောက်ခံလူတစ်ဦးကို ခေါ်ယူနိုင်ဖို့ ရှာဖွေမှုတွေ ပြုလုပ်နေပြီး ဂျူဗင်တပ်စ်အသင်း ကစားသမား ကမ်ဘီယာဆိုကို ခေါ်ယူဖို့ စိတ်ဝင်စားနေပါတယ်။

မန်စီးတီးအသင်းဟာ ဇန်နဝါရီအပြောင်းအရွှေ့မှာ အိုမာမာမွတ်ရှ်၊ ခူဆာနော့ဗ်နဲ့ ဗစ်တာရိုက်စ်တို့ကို ခေါ်ယူ အားဖြည့်ထားတာပါ။

အေစီမီလန်အသင်းဟာ ယူနိုက်တက်အသင်း ကစားသမား ရက်ရှ်ဖို့ဒ်ကို ခေါ်ယူဖို့ စိတ်ဝင်စားကြောင်း ဖော်ပြခဲ့ပေမယ့် ဝေါ်လ်ကာကို ခေါ်ယူခဲ့မှုကြောင့် ဒီအပြောင်းအရွှေ့ကို အဆုံးသတ်ခဲ့ရတာဖြစ်ပါတယ်။

Source: ESPN

ပုံ - ဝေါ်ကာကို တွေ့ရစဉ်

#ဘောလုံးသတင်းစုံ

စစ်မှုထမ်းကိစ္စနဲ့ ဖွဲ့စည်းပုံကိစ္စ ပြည်သူ့ပါတီဥက္ကဌ ဦးကိုကိုကြီး သတင်းစာရှင်းလင်းပွဲလုပ်

ဇန်နဝါရီ ၂၆

ယခုပြည်သူလူထုတွေကြားမှာ ဝေဖန်မှုတွေ မြင့်တက်နေတဲ့ ပြည်သူ့စစ်မှုထမ်းကိစ္စရပ်တွေနဲ့ ပတ်သက်လို့ နိုင်ငံရေးပါတီများအစုအဖွဲ့တွေက နစက ရဲ့ NSPNC နဲ့ တင်ပြဆွေးနွေးခဲ့တာမျိုးမရှိဘူးလို့ နိုင်ငံရေးပါတီအစုအဖွဲ့ တွေရဲ့ခေါင်းဆောင် ပြည်သူ့ပါတီ ဥက္ကဌ ဦးကိုကိုကြီး က ငြင်းဆို ပြောကြား လိုက်ပါတယ်။

နစကရဲ့ အမျိုးသားစည်းလုံးညီညွတ်ရေးနဲ့ ငြိမ်းချမ်းရေးဖော်ဆောင်မှုကော်မတီ (NSPNC)နဲ့ နိုင်ငံရေးပါတီများအစုအဖွဲ့တွေရဲ့ တွေ့ဆုံ ဆွေးနွေးပွဲရလဒ် အတွေ့အကြုံတွေနဲ့ ပတ်သက်လို့ သတင်းစာရှင်းလင်းပွဲတရပ်ကို ဒီနေ့ ဇန်နဝါရီ ၂၆ ရက်၊နံနက်ပိုင်းအချိန်က ရန်ကုန်မြို့ရှိ ပြည်သူ့ပါတီ(ဗဟိုဌာနချုပ်)ရုံးမှာ ပြုလုပ်ခဲ့စဉ်မှာ ဦးကိုကိုကြီးက အခုလိုထည့်သွင်း ပြောကြားခဲ့ခြင်းဖြစ်ပါတယ်။

"ပြည်သူတွေအတွက်ဝမ်းသာအားရ သတင်းကောင်းတွေကိုသယ်ဆောင်လာတဲ့ အချိန်မှာ မမျှော်လင့်ဘဲနဲ့ ပြည်ပသတင်းဌာနတွေက ခေါင်းကြီးတင်လိုက်တဲ့သတင်းဟာကျွန်တော်တို့ ဆွေးနွေးပွဲရလဒ်တခုလုံးရဲ့ ပုံရိပ်ကိုပျက်သွားစေပါတယ်။စိတ်မကောင်းစရာပါ။အလုပ်သဘောဆွေးနွေးတယ်။ ဆွေးနွေးမယ့်သဘောတူညီချက်တွေကိုလည်းကြိုပြီးတော့တောင်းခံတယ်။ဆွေးနွေးရရှိတဲ့ သဘောတူညီချက်တွေကိုလက်မှတ်ရေးထိုးတယ်။အခုဟာတွေက ကျွန်တော်တို့ရဲ့ သဘောတူညီချက်ထဲမှာ မပါပါဘူး။နောက်တခုက အလုပ်အဖွဲ့ ကိုယ်စားပြုပြီး ပြောဆိုခြင်းလည်းမရှိပါဘူး။ဒါကနိုင်ငံရေးပါတီအစုအဖွဲ့နဲ့ မသက်ဆိုင်သလို NSPNC ရဲ့ သဘောတူညီချက်လည်း မဟုတ်ပါဘူး"လို့ ဦးကိုကိုကြီး က ပြောကြားခဲ့တာပါ။

နစက ရဲ့ NSPNC နဲ့ နိုင်ငံရေးပါတီများအစုအဖွဲ့တွေရဲ့ဆွေးနွေးမှုမှာ ဖွဲ့စည်းပုံပြင်ဆင်ရေးအတွက်သာ ဆွေးနွေးခဲ့ကြခြင်းဖြစ်ပြီး အဲဒီဆွေးနွေးပွဲတွေကနေတဆင့် အချက် ၄၃ ချက်ကို သဘောတူညီလက်မှတ်ရေးထိုးနိုင်ခဲ့တယ်လို့ နိုင်ငံရေးပါတီတွေရဲ့အစုအဖွဲ့ ခေါင်းဆောင်ဖြစ်သူ ပြည်သူ့ပါတီ ဥက္ကဌ ဦးကိုကိုကြီးက ဆက်လက် ပြောပြပါတယ်။

"ပြည်သူတွေကလည်း အခုကာလမှာ လက်ရှိနိုင်ငံရေးအကြပ်အတည်းရဲ့ထွက်ပေါက်ကိုလိုလားကြပါတယ်။ အခုသဘောတူညီမှုရရှိထားတဲ့ ၄၃ ချက်အပြင်ကိုနောက်ထပ် ၇ ချက်ကို ဆက်လက်ဆွေးနွေးနေဆဲဖြစ်ပါတယ်။ ၄၃ ချက်ထဲမှာထည့်သွင်းပြီးတော့ လက်မှတ်မရေးထိုး ပေမယ့်၊ထပ်ပြီးသဘောတူညီထားတဲ့ အချက်တွေလည်းရှိပါတယ်"လို့ ဦးကိုကိုကြီး က ပြောပါတယ်။

အဲဒါအပြင် နိုင်ငံရေးပါတီများအစုအဖွဲ့အနေနဲ့ နိုင်ငံရေးနည်းလမ်းတွေကိုဘယ်လိုဖန်တီးမလဲဆိုတာ ကျားကုတ်ကျားခဲကြိုးစားနေတယ်လို့ ဦးကိုကိုကြီးက အခုလို ဆက်ပြီး ပြောပြပါတယ်။

"စစ်မှုထမ်းတို့ လက်နက်ကိုင် ဋိပက္ခတို့ ဖြစ်နေတယ်ဆိုတာက အခြေခံက နိုင်ငံရေးပဲ၊တကယ်လို့သာ ကျွန်တော်တို့က နိုင်ငံရေးပြဿနာကိုစောစောစီးစီး စောလျင်စွာဖြေရှင်းနိုင်ရင် တချို့ပြဿနာတွေကမဖြစ်ပါဘူး။အခုကမတတ်နိုင်ဘူးဖြစ်နေတယ်။ဖြစ်နေတော့ ဘယ်လိုလျော့ချမလဲ၊သူတို့အတွက် နိုင်ငံရေးနည်းလမ်းတွေကိုဘယ်လိုဖန်တီးမလဲဆိုတာ ကျွန်တော်တို့ ကျားကုတ်ကျားခဲ ကြိုးစားနေကြပါတယ်။နောက်တခုကအချိန်ကိုက် ပြုပြင်ပြောင်းလဲမှုတွေမလုပ်နိုင်တဲ့ အတွက်တောက်လျှောက်အနိဌာရုံတွေကြုံခဲ့ရတယ်။အခုလည်းပဲ ပြောရရင်အချိန်က လွန်တောင်လွန်နေပြီ၊ ပြောင်းလဲမှုကို မကြောက်ပါနဲ့၊ရဲရဲတင်းတင်းပြုပြင်ပြောင်းလဲမှုကိုလုပ်ပါလို့ တပ်မတော်အကြီးအကဲတွေကို ကျွန်တော်မီဒီယာတွေကနေတဆင့်တိုက် တွန်းချင်ပါတယ်"လို့ ဦးကိုကိုကြီးက ပြောပါတယ်။

ဒါအပြင် အစိုးရအဆက်ဆက် လွှတ်တော်သက်တမ်း အဆက်ဆက်မှာ ပြင်ဆင်ခဲ့တဲ့ ဖွဲ့စည်းပုံပြင်ဆင်ရေးကိစ္စရပ်တွေနဲ့ ပတ်သက်လို့ ဦးကိုကိုကြီးက အခုလို ထပ်လောင်း ပြောကြားခဲ့ပါသေးတယ်။

လက်ရှိနိုင်ငံရေးအကြပ်အတည်းကို ဖြေရှင်းနိုင်ဖို့ နစက က အမျိုးသားစည်းလုံး ညီညွတ်ရေးနဲ့ ငြိမ်းချမ်းရေးဖော်ဆောင်မှုကော်မတီ (NSPNC)ကို ဖွဲ့စည်းခဲ့ပြီး အဲဒီအဖွဲ့မှာ နိုင်ငံရေးပါတီအစုအဖွဲ့တွေကိုလည်း ထည့်သွင်းဆွေးနွေးစေခဲ့တာဖြစ်တယ်လို့ သိရပါတယ်။

"NSPNC နဲ့ နိုင်ငံရေးအစုအဖွဲ့တွေကို ဆွေးနွေးဖို့ တာဝန်ပေးခဲ့ပါတယ်။နိုင်ငံရေးပါတီများကိုယ်စားပြုစုဆိုပြီး အလုပ်အဖွဲ့ကို မဲစနစ်နဲ့ ရွေးချယ်ခဲ့ကြပါတယ်။နိုင်ငံရေးပါတီ ၁၆ ပါတီ အဲ့ကနေပြီးတော့မှ ဦးဆောင်ပါတီအဖြစ်နဲ့ လေးပါတီရွေးချယ်ပါတယ်။ အဲဒီလေးပါတီမှာ ကျွန်တော်တို့ ပြည်သူ့ပါတီ၊ ဦးစိုင်းအိုက်ပေါင်းတို့ရဲ့ ရှမ်းတိုင်းရင်းသားများဒီမိုကရက်တစ်ပါတီရယ်၊ဒေါက်တာအေးမောင်ရဲ့ ရခိုင်ဦးဆောင်ပါတီရယ် ဒေါက်တာအောင်မြတ်ဦးတို့ရဲ့ ကြံ့ခိုင်ရေးနဲ့ ဖွံ့ဖြိုးရေးပါတီ လေးပါတီက ပါတီအားလုံးရဲ့ ဦးဆောင်ပါတီအဖြစ်နဲ့ ရွေးချယ်သတ်မှတ်ထားခြင်းဖြစ်ပါတယ်။ကျွန်တော်ကတော့ နိုင်ငံရေးပါတီတွေရဲ့အစုအဖွဲ့ အနေနဲ့ ဦးဆောင်ပြီးတာဝန်ယူရပါတယ်"လို့ ဦးကိုကိုကြီးက ပြောပါတယ်။

ဒါအပြင် လက်ရှိနိုင်ငံရေးအကြပ်အတည်းတွေကို ဖြေရှင်းဖို့အတွက် အချိန်ကိုက် ပြောင်းလဲမှုတွေကို ပြုလုပ်ဖို့နဲ့အမုန်းတရားနဲ့ နိုင်ငံတော်ကို တည်ဆောက်လို့မရဘူးလို့လည်း ဦးကိုကိုကြီးက ဒီကနေ့ ပြုလုပ်တဲ့ သတင်းစာရှင်းလင်းပွဲမှာ ထည့်သွင်း ပြောပါတယ်။

"တကယ်တော့အမုန်းတရားနဲ့ နိုင်ငံတော်ကို တည်ဆောက်လို့မရပါဘူး။အမုန်းတရားဆိုတာ ဖျက်ဆီးအားပဲကောင်းပါတယ်။တည်တောက်အားမရှိပါဘူး။ အဲတော့အခိုက် အတန့်မှာ ကျွန်တော်တို့ ဘယ်လောက်ပဲ စိတ်ခံစားမှု တွေပြင်းထန်နေနေ လမ်းကြောင်းအမှန်ပေါ်ပြန်တည့်ဖို့အတွက် မချစ်ချင်နေပါ၊မမုန်းပါနဲ့ လူသားအသဲနှလုံးနဲ့ ကျွန်တော်တို့ ကျွန်မတို့ဖြစ်ပါစေလို့ ဝိုင်းဝန်းကြိုးစားကြဖို့ ဒီနေရာကနေပဲ တိုက်တွန်းနှိုးဆော်ပါတယ်"လို့ ဦးကိုကိုကြီးက ပြောပါတယ်။

Photo - VOM

#သတင်းဟင်းလေးအိုးကြီး

Lol