ဘန်ကောက်ကိုရောက်ရင် မဖြစ်မနေသွားသင့်တဲ့ အထင်ကရနေရာ (၁၀) ခု 🇹🇭💯😍
ကမ္ဘာလှည့်ခရီးသွားတွေရဲ့ ပါးစပ်ဖျားမှာ ရေပန်းစားနေဆဲ ထိုင်းနိုင်ငံရဲ့မြို့တော် ဘန်ကောက်ဟာ စီးပွားရေး၊ ကျန်းမာရေးနဲ့ ဖျော်ဖြေရေးတို့အတွက် အချက်အချာကျတဲ့ နေရာတစ်ခုဖြစ်ပါတယ် 🇹🇭✅💯
ရှေးဟောင်းအမွေအနှစ်တွေနဲ့ ခေတ်မီတိုးတက်မှုတွေ ရောယှက်နေတဲ့ ဒီမြို့ကြီးမှာ အသစ်အဆန်းတွေ၊ လည်ပတ်စရာနေရာတွေနဲ့ လုပ်ဆောင်စရာတွေ အမြဲပြည့်နှက်နေပါတယ် 🇹🇭🚐
ဘန်ကောက်ကို အလည်အပတ်လာရောက်သူတွေအနေနဲ့ အချိန်ကုန်သက်သာပြီး အကောင်းဆုံးနေရာတွေကို ရွေးချယ်နိုင်အောင် မဖြစ်မနေ သွားသင့်တဲ့ နေရာ (၁၀) ခုကို တည်နေရာ၊ ဖွင့်ချိန်တွေနဲ့တကွ စုစည်းဖော်ပြပေးလိုက်ပါတယ် 🫶🏻💕
၁။ Wat Arun - အရုဏ်ဦးကျောင်းတော် 🌅
ကျောက်ဖရားမြစ်ကမ်းနဘေးမှာ တည်ရှိပြီး "အရုဏ်ဦးကျောင်းတော်" လို့ အဓိပ္ပာယ်ရတဲ့ ဒီဘုရားကျောင်းဟာ ဘန်ကောက်ရဲ့ အလှပဆုံး ကမ္ဘာ့အမွေအနှစ်တစ်ခုအဖြစ် ကမ္ဘာကျော်ပါတယ်။ 🏯🙏🏻
📍 တည်နေရာ: ကျောက်ဖရားမြစ် အနောက်ဘက်ကမ်း၊ သာသီမ်ဆိပ်ကမ်း (Tha Thien Pier) ရဲ့ တစ်ဖက်မှာ တည်ရှိပါတယ်။
⏰ ဖွင့်ချိန်: နေ့စဉ် မနက် ၈ နာရီ မှ ညနေ ၆ နာရီအထိ။
၂။ Wat Pho - လျောင်းတော်မူဘုရားကြီး 🏯
ထိုင်းနိုင်ငံရဲ့ ရှေးအကျဆုံးနဲ့ အကြီးဆုံးကျောင်းတော်တွေထဲက တစ်ခုဖြစ်ပြီး ၄၆ မီတာရှည်လျားတဲ့ လျောင်းတော်မူရုပ်ပွားတော်ကြီးကြောင့် ကမ္ဘာလှည့်ခရီးသွားတွေ အများဆုံး လာရောက်တဲ့ နေရာတစ်ခုပါ။ 🏯
📍 တည်နေရာ: Phra Nakhon ခရိုင်၊ Rattanakosin ကျွန်းပေါ်မှာ တည်ရှိပါတယ်။ Grand Palace နဲ့ လမ်းလျှောက်သွားနိုင်တဲ့ အကွာအဝေးမှာပါ။
⏰ ဖွင့်ချိန်: နေ့စဉ် မနက် ၈:၃၀ နာရီ မှ ညနေ ၆:၃၀ နာရီအထိ။
၃။ နန်းတော်ကြီး (The Grand Palace) 👑
တစ်ချိန်က ထိုင်းဘုရင်များ စံမြန်းခဲ့တဲ့ ဒီနန်းတော်ကြီးဟာ ထိုင်းဗိသုကာပညာရဲ့ အထွတ်အထိပ်ကို ပြသနေတဲ့ ခမ်းနားကြီးကျယ်တဲ့ နေရာတစ်ခုဖြစ်ပြီး ဘန်ကောက်ခရီးစဉ်တိုင်းရဲ့ အဓိက ဆွဲဆောင်မှုတစ်ခု ဖြစ်ပါတယ်။ 🙏🏻
📍 တည်နေရာ: Na Phra Lan လမ်း၊ Phra Nakhon လမ်းမပေါ်မှာ တည်ရှိပါတယ်။
⏰ ဖွင့်ချိန်: နေ့စဉ် မနက် ၈:၃၀ နာရီ မှ ညနေ ၃:၃၀ နာရီအထိ။
၄။ မြဘုရား (Emerald Buddha) 🙏
နန်းတော်ကြီး (The Grand Palace) ပရဝုဏ်အတွင်းမှာ တည်ရှိပြီး ထိုင်းနိုင်ငံရဲ့ အထွတ်အမြတ်ဆုံး ရုပ်ပွားတော်အဖြစ် သတ်မှတ်ထားတဲ့ မြဘုရားဟာ အင်မတန်တန်ခိုးကြီးတယ်လို့ ယုံကြည်ကြပါတယ်။ 🪙🥇
📍 တည်နေရာ: The Grand Palace အတွင်း၊ Na Phra Lan လမ်း၊ Phra Nakhon, Bangkok.
⏰ ဖွင့်ချိန်: နေ့စဉ် မနက် ၈:၃၀ နာရီ မှ ညနေ ၃:၃၀ နာရီအထိ။
၅။ ဒမ်နွန်ဆဒူအက် ရေပေါ်ဈေး (Damnoen Saduak Floating Market) 🛶
လှေလေးတွေပေါ်မှာ ရောင်စုံသစ်သီးဝလံတွေ၊ ဒေသအစားအစာတွေ ရောင်းချနေတဲ့ မြင်ကွင်းဟာ ကမ္ဘာကျော် ရုပ်ရှင်ဇာတ်ဝင်ခန်းတွေထဲအထိ ထည့်သွင်းရိုက်ကူးရလောက်အောင် ထင်ရှားပါတယ်။ 🥑
📍 တည်နေရာ: Damnoen Saduak, Ratchaburi (ဘန်ကောက်မြို့ပြင်တွင် တည်ရှိသည်)။
⏰ ဖွင့်ချိန်: နေ့စဉ် မနက် ၇ နာရီ မှ ညနေ ၅ နာရီအထိ။
၆။ ခေါက်ဆန်လမ်း (Khaosan Road) 🌃
ဘန်ကောက်မြို့ရဲ့ ညအလှနဲ့ အသက်ဝင်မှုကို အပြည့်အဝခံစားနိုင်တဲ့ နေရာပါ။ ကျောပိုးအိတ်တစ်လုံးနဲ့ Backpacker တွေရဲ့ သုခဘုံလို့ တင်စားခေါ်ဝေါ်ကြပြီး လမ်းဘေးအစားအစာတွေ၊ ဘားတွေ၊ ကလပ်တွေနဲ့ အမြဲစည်ကားနေပါတယ်။ 🍻🥂🪩
📍 တည်နေရာ: Banglamphu ၊ Grand Palace မှ ၁ ကီလိုမီတာခန့် အကွာမှာ တည်ရှိပါတယ်။
၇။ အိပ်မက်ကမ္ဘာ (Dream World) 🎡
ထိုင်းနိုင်ငံရဲ့ Disneyland လို့ တင်စားခေါ်ဝေါ်ကြတဲ့ ဒီအပန်းဖြေဥယျာဉ်ဟာ ကလေးရောလူကြီးပါ ပျော်ရွှင်စေမယ့် ရိုလာကိုစတာတွေ၊ ကစားနည်းမျိုးစုံနဲ့ စိတ်ကူးယဉ်ကမ္ဘာထဲ ရောက်သွားသလို ခံစားရစေမှာပါ။ 🌎🎢🐻
📍 တည်နေရာ: Pathum Thani ခရိုင်၊ Rangsit-Ongkharak လမ်းမကြီးပေါ်မှာ တည်ရှိပါတယ်။
⏰ ဖွင့်ချိန်: တနင်္လာ-သောကြာ: မနက် ၁၀ နာရီ မှ ညနေ ၅ နာရီအထိ။ / စနေ-တနင်္ဂနွေ: မနက် ၁၀ နာရီ မှ ညနေ ၆ နာရီအထိ။
၈။ တိရစ္ဆာန်ရုံကြီး (Safari World) 🦓🦒
အာဖရိကတောအုပ်ထဲ ရောက်သွားသလို တိရစ္ဆာန်မျိုးစုံကို သူတို့ရဲ့သဘာဝအတိုင်း လွတ်လပ်စွာ နေထိုင်ကျက်စားနေတာကို အနီးကပ်တွေ့မြင်နိုင်မယ့် နေရာပါ။ Safari Park နဲ့ Marine Park ဆိုပြီး အပိုင်းနှစ်ပိုင်းခွဲထားပါတယ်။ 🦁🦍
📍 တည်နေရာ: Khlong Sam Wa, Bangkok.
⏰ ဖွင့်ချိန်: အင်္ဂါ-သောကြာ: မနက် ၉ နာရီ မှ ညနေ ၅ နာရီအထိ။ / စနေ-တနင်္ဂနွေ: မနက် ၉ နာရီ မှ ညနေ ၅:၃၀ နာရီအထိ။
၉။ ကျောက်ဖရားမြစ် ဘူဖေးသင်္ဘော (Chao Phraya Dinner Cruise) 🛳️
ကျောက်ဖရားမြစ်ထဲမှာ အပျော်စီးသင်္ဘောစီးရင်း ညစာသုံးဆောင်ကာ မြစ်ကမ်းဘေးအလှနဲ့ တောက်ပနေတဲ့ ဘုရားကျောင်းတော်ကြီးတွေကို တစ်မူထူးခြားတဲ့ ရှုထောင့်ကနေ ဖူးမြော်ခံစားနိုင်မှာ ဖြစ်ပါတယ်။ 🚢🦀
📍 တည်နေရာ: သင်္ဘောအမျိုးအစားနဲ့ ကုမ္ပဏီပေါ်မူတည်ပြီး ဆိပ်ကမ်းအမျိုးမျိုးမှ ထွက်ခွာပါတယ်။
၁၀။ ချောကလက်ရွာ (Chocolate Ville) 🏡
ဥရောပကျေးရွာပုံစံတည်ဆောက်ထားတဲ့ ဒီစားသောက်ဆိုင်နဲ့ ပန်းခြံဟာ ဓာတ်ပုံရိုက်ကူးဖို့အတွက် အရမ်းမိုက်တဲ့ နေရာတစ်ခုပါ။ မိသားစု၊ သူငယ်ချင်းတွေနဲ့ အေးအေးဆေးဆေး အနားယူ အပန်းဖြေဖို့ အကောင်းဆုံးပါပဲ။ 🍫💝🎸
📍 တည်နေရာ: Khan Na Yao, Bangkok.
⏰ ဖွင့်ချိန်: တနင်္လာ-သောကြာ: ညနေ ၃ နာရီ မှ ည ၁၂ နာရီအထိ။ / စနေ-တနင်္ဂနွေ: နေ့လည် ၂ နာရီ မှ ည ၁၂ နာရီအထိ။
#crd
