ဘုရင်မနားဆွဲ (ခ) မီးပုံးပန်း
#အခြေခံအချက်
အစေ့ကစိုက်မယ်ဆိုရင် ၄လပိုင်း မှ ၆လပိုင်း(ဂျပန်ရာသီ)မှာ စိုက်သင့်ပါတယ်။
အပင်ဝယ်စိုက်မယ်ဆိုရင်တော့ ၄လပိုင်းမှ၅လပိုင်းအတွင်းစိုက်သင့်ပါတယ်။
အိုးလဲခြင်း..၄လပိုင်းမှ၅လပိုင်းအတွင်းလဲပေးပါ။
အရွက်ကိုင်းရှင်းပေးခြင်း..၃လပိုင်းမှ၅လပိုင်းအတွင်းမှ ပြုလုပ်ပေးပါ။
ကိုင်းကူးနည်း..အသစ်ထွက်သည့်ကိုင်း(ကိုင်းအိုကိုင်းဟောင်းကိုမသုံးရပါ)ကို ၁၀စင်တီမီတာ (လက်ညိုးတစ်ချောင်းစာလောက်) ဖြတ်ပြီး အောက်နားအရွက်တွေခြွေကာ မြေအိုးမှာထိုးပါ။ ထို့နောက်ရေအလုံအလောက်လောင်းပေးပါ နေတစ်ဝက်ရိပ်နေရာမှာ ထားပေးပါက ၁လလောက်နေလျှင် အရွက်သစ်ထွက်လာပါမည်။
#ပြုစုနည်းနှင့်အထွေထွေ
ဒီအပင်က ပြုစုရခက်တယ်လို့ အပြောများကြပါတယ်။
စုပေါင်းစိုက်လိုက်တာ ညိုးသွားတာမျိုး၊ ပြုစုရခက်တယ်လို့ ပြောကြပါတယ်။
စိုက်နည်းသာသိသွားရင် နွေဦးနှင့်ဆောင်းဦး ၂ရာသီစလုံးမှာ ပွင့်တဲ့ပန်းဖြစ်ပါတယ်။
တကယ်က နည်းသိသွားရင် ထိန်းသိမ်းရလွယ်ကူပြီး ရေလောင်းနည်းလည်း လွယ်ကူပါတယ်။
#ပြောပြပေးချင်တာလေးက
(1).အပင်ရွေးနည်း
ပန်းအပင်ဟာအများအားဖြင့် အပွင့်ပါတဲ့အပင်ရောင်းတာများလို့ အပွင့်တွေ အဖူးတွေနဲ့ကြောင့် ပင်စည်ကိုသေချာကြည့်ရခက်ပါတယ်။
ဒါကြောင့်အမြစ်သန်သန်မာမာရှိတာကို အမင်ရတဲ့ အပင်က်ိုရွေးယူရပါမယ်။
နောက်တခုက ပင်စည်အရင်းကို သာသာယာယာလှုပ်ကြည့် ယိုင်နဲ့နဲ့ ဖြစ်မနေတဲ့အပင်ကိုရွေးရပါမယ်။
(2)ရေလောင်းနည်း
ရေကြိုက်ပေမယ့် နေပူလွန်းခြင်း နဲ့ စိုစွတ်မှုက်ို မကြိုက်သေကြောင့် ရေလောင်းလွန်လျှင်သေတတ်ပြီး ရေနည်းလွန်းလျှင်လည်း ရေဓာတ်ခန်းခြောက်ပြီး သေတတ်ပါတယ်။ရေလောင်းနည်းနဲ့ ပမာဏက အိုးရဲ့မျက်နှာပြင်က ခြောက်သွေ့စပြုလာပြီဆိုမှလောင်းပါ။ မလောင်းပဲ အချိန်ကြာကြာထားလျှင် အခြောက်လွန်လျှင်လည်း သေတတ်တာကို သတိထားပေးပါ။ တဖန် ရေဓာတ်ခမ်းခြောက်မှာ စိုးရိမ်ပြီး ရေကို ခဏခဏလောင်းလွန်းလျှင်လည်း အမြစ်ပုတ်ပြီးသေတတ်တာကြောင့် ဂရုစိုက်ရန် လိုအပ်ပါတယ်။ ထို့ကြောင့် ရေလောင်းနည်းမှာ အိုးမျက်နှာပြင်ကို လက်နှင့်စမ်းကြည့်ပြီး ခြောက်သွေ့နေပါက ရေကိုတခါတည်းနဲ့များများလောင်းပေးပါ။ မြေမျက်နှာပြင် မခြောက်သွေ့သရွေ့ လုံးဝမလောင်းနှင့်။ဒီနည်းကို သေချာလိုက်နာပါက ကောင်းစွာ အဆင်ပြေပါတယ်။
(3) ထားစရာနေရာ
အခန်းတွင်းမထားရ။ နေရောင်မလောက်ခြင်း၊ လေမထိခြင်း က မှိုတက်စေပြီးအပင်ကို ထိခိုက်စေပါတယ်။
ထို့ကြောင့် ဆောင်းတွင်း(မြန်မာပြည်ရာသီဥတု နွေမိုးဆောင်း အကုန် အပြင်မှာ ထားနိုင်ပါတယ်။) ကလွဲလို့ အပြင်မှာပဲထားပေးပါ ။ အပြင်မှာထားတဲ့အခါမှာလည်း အိမ်ရဲ့အရှေ့အရပ်မှာ ထားပေးခြင်းက အကောင်းဆုံးပါ။
နွေရာသီအင်မတန်ပူတဲ့အခါမှာသာ မြောက်အရပ် လေဝင်လေထွက်ကောင်းသောနေရာမှာ ထားပေးပါ။
တောင်အရပ်တွင်ထားပါကနေပူရှိန်ပြင်းသေကြောင့် ေအနောင်နေဝင်ချိန်ရဲ့ အပူဒဏ်မခံနိုင်ပဲသေတတ်လို့ပါ။ နေရိပ်ထဲထားပါက အပင်က အေးအေးဆေးဆေးကြီးနိုင်သော်လည်း အပွင့်နည်းခြင်းအပွင့်မတင်ခြင်း ဖြစ်တတ်ပါတယ်။
(4) အပင်စိုက်နည်း(အိုးပြောင်းနည်း)
အပင်ရဲ့ ပါလာတဲ့အမြစ်က နည်းလို့ ဝယ်လာတဲ့အပင်က ပျိုးအိတ်နဲ့အပင်ဖြစ်ပါက ပြောင်းစ်ိုက်ရမယ့်အိုးအရွယ်ကိုလဲ မူလပါလာသည့် ပျိုးအိတ် အရွယ်အစားအတိုင်း တူညီသောအိုးကိုသုံးပေးပါ။ အိုးနဲ့စိုက်ပြီးသားအပင်ဆိုရင် အိုးမလဲပေးပဲ ဒ်ီတိုင်းပဲ စိုက်ပေးပါ။ အပင်အမြစ် မူရင်းသူ့မျိုးစိတ်က အမြစ်သန်တဲ့အမျိုးမဟုတ်လို့ ပျိုးပင်လေးတွေရဲ့အမြစ်ဟာ နုနယ်ပြီး အထိခိုက်မခံပါဘူး။
ဒါကြောင့် အိုးပြောင်းစိုက်တဲ့အခါ အောက်ခြေက အမြစ်ထိပ်အနည်းငယ်ကိုသာ ဖဲ့ပေးပါ( မဖဲ့တတ်ရင်မဖဲ့ပါနဲ့)။ စိုက်ပြီးနောက်နှစ်မှ သာ ကြီးတဲ့အိုးနဲ့ပြောင်းစိုက်ပါ။
ပြောင်းစိုက်ပေးသင့်တဲ့ရာသီဥတုက နွေဦး(ဂျပန်က ၃လပိုင်းမှ၅လပိုင်း/မြန်မာပြည်က ၂လပိုင်းမှ ၃လပိုင်းလောက်)အပူချိန် 20°C ရှိချိန်က အသင့်တော်ဆုံးပါ။
ဆောင်းရာသီမှာ 20°C ရှိသော်လည်း ဆောင်းဝ်လျှင် အအေးဒဏ်ပြင်းမှာဖြစ်ပြီး ဆောင်းကိုမကျော်ဖြတ်ခင် အမြစ်ခိုင်နေဖို့လိုအပ်လို့ ဆောင်းမှာ အိုးသစ်လဲပေးခြင်းကို မလုပ်သင့်ပါ။ အိုးလဲသင့်သည့် နှစ်အကြာအားဖြင့် ပထမတ်ခေါက်လဲပီး ၂နှစ်ကြာမှ နောက်တစ်ကြိမ်လဲသင့်ပါတယ်။ နှစ်တိုင်းအိုးမလဲရပါ။
(5) ဆောင်းတွင်းဖြတ်သန်းရမည့်ပုံ
ဂျပန်မှာ ဆောင်းက အေးလွန်းသောနိုင်ငံ ဒေသများတွင် ဆောင်းဝင်လျှင် 5°C အောက်ရောက်လာပါက အရွက်များကြွေပြီး ဆောင်းခိုကာလသို့ ဝင်ရောက်မှာ ဖြစ်ပါတယ်။ ဆောင်းခိုအိပ်ခိုင်းချင်လို့ အမိုးအောက်မှာ ထားပြီးမှာ ထားပြီး စိုက်လို့ရသော်လည်း အခန်းပြင်ဘက်ဖြစ်လျှင် နွေဦးရောက်ချိန် အပွင့်ရာသီတွင် အပွင့်ပွင့်ချိန်တိုခြင်း အပွင့်နည်းခြင်း ဖြစ်တတ်လိ့ု အခန်းတွင့်ထားကပီး နေရေင်ခြည်ရနိုင်သည့်နေရာတွင်ထားပါ..(ဟီတာပေးလို့ရပါတယ်)..ဟီတာတိုက်ရိုက် မထိစေရပါ။
ဆောင်းတွင်းစာကူလေတာ တပ်ထားရင် ပိုကောင်းပါတယ်။
(6)မြေသြဇာ (အားဆေးထည့်နည်း)
မြေသြဇာ အခံမထည့်ရပါ။ အိုးလဲသည့်အခါတွင်လည်း မြေသြဇာ ထည့်ရန်မလိုပါ။ သာမာန် ရေဆင်းကောင်းသည့်မြေနှင့်ဆို အဆင်ပြေပါတယ်။ မြေသြဇာ သုံးပါက အပွင့်အတွင်ကောင်းတဲ့ဆေးရည်ကိုပဲ သုံးပေးပါ။ အားဆေးကို ဆောင်းဦးနှင့်နွေဦးတွင်သာ သုံးပေးရပါမည်ဖြစ်ပြီး ၂ပတ်တစ်ကြိမ်ထည့်ပေးခြင်းဖြင့် အပွင့်များဆက်တိုက်ပွင့်စေပါတယ်။ နွေနှင့်ဆောင်းတွင် အားဆေး မထည့်ရပါ။ အဘယ့်ကြေင့်ဆိုသော် အာဟာရကို အမြစ်မှ မစုပ်ယူသော ရာသီဖြစ်တာကြောင့်ပါ။ အပူချိန်အားဖြင့် 20°C မှ 30°C ကြား ရှိသည့် ရာသီတွင် အားဆေးထည့်ပေးပါ။
(7)ပိုးမွှားကာကွယ်ရန်
လေဝင်လေထွက်ကောင်းတဲ့နေရာဖြစ်ဖို့ အလွန်အရေးကြီးပါတယ်။
နားဆွဲလေးလိုလှပတဲ့ မီးပုံးပန်းလေးတွေ စိုက်ပျိုးလို့ အဆင်ပြေကြပါစေ🙏🙏🙏
#crd_to_owner
ပျိုးပင်ငယ်လေးတွေလဲရပါတယ်
တစ်ပင်..၁၅၀၀
