အိုကလာဟိုးမား၌ ကျောင်းအပ်လျှင် နိုင်ငံသားဖြစ်ရန်လိုအပ်လာ
.........................
အမေရိကန်နိုင်ငံ အိုကလာဟိုးမား ပြည်နယ် ပညာရေးဘုတ်အဖွဲ့က မိသားစုတွေအနေနဲ့ ကလေး ကျောင်းအပ်နှံချိန်မှာ အမေရိကန်နိုင်ငံသားဖြစ်ကြောင်း သက်သေအထောက်အထားပြဖို့ဆိုတဲ့ လိုအပ်တဲ့ စည်းမျဉ်းကို ထုတ်ပြန် လိုက်ပါတယ်။

အဲဒီစည်းမျဉ်းဟာ အကျိုးသက်ရောက်မှုရှိလာအောင် ဥပဒေပြုကဏ္ဍ နဲ့ ပြည်နယ်အုပ်ချုပ်ရေးမှူး က အတည်ပြုပေးရမှာဖြစ်တယ်လို့ ပြည်နယ်အုပ်ချုပ်ရေးစည်းမျဉ်းစည်းကမ်းအရ သိရပါတယ်။

အဲ့ဒီကိစ္စနဲ့ ပတ်သက်ပြီး ပညာရေးတာဝန်ခံတစ်ယောက်က အခု ထုတ်ပြန်တဲ့ စည်းမျဉ်းဟာ မီဒီယာတွေမှာ ပြောနေသလို မဟုတ်ဘဲ စာသင်ကျောင်းတွေမှာ တရားမဝင် ရွှေပြောင်းအခြေချ ကျောင်းသားတွေ ဘယ်လောက်ရှိနေသလဲဆိုတာကို စာရင်းပြုစုမှတ်သားဖို့ ဖြစ်တယ်လို့ပြောပါတယ်။

တက်ကြွလှုပ်ရှားသူတွေကတော့ အဲဒီစည်းမျဉ်းဟာ ရွှေ့ပြောင်းအခြေချလာတဲ့ မိသားစုတွေကို စိုးရိမ်ကြောက်လန့်စေမှာဖြစ်ပြီး ဥပဒေအရ နိုင်ငံသားဖြစ်မှုကို ထည့်မစဉ်းစားဘဲ ကလေးငယ်တိုင်းကို ပညာရေးပံ့ပိုးဖို့ ၀တ္တရားရှိတဲ့ စာသင်ကျောင်းတွေနဲ့လည်း ဝေးကွာသွားစေမှာ ဖြစ်တယ်လို့ ဝေဖန်နေကြပါတယ်။

အိုကလာဟိုးမား၌ ကျောင်းအပ်လျှင် နိုင်ငံသားဖြစ်ရန်လိုအပ်လာ
.........................
အမေရိကန်နိုင်ငံ အိုကလာဟိုးမား ပြည်နယ် ပညာရေးဘုတ်အဖွဲ့က မိသားစုတွေအနေနဲ့ ကလေး ကျောင်းအပ်နှံချိန်မှာ အမေရိကန်နိုင်ငံသားဖြစ်ကြောင်း သက်သေအထောက်အထားပြဖို့ဆိုတဲ့ လိုအပ်တဲ့ စည်းမျဉ်းကို ထုတ်ပြန် လိုက်ပါတယ်။

အဲဒီစည်းမျဉ်းဟာ အကျိုးသက်ရောက်မှုရှိလာအောင် ဥပဒေပြုကဏ္ဍ နဲ့ ပြည်နယ်အုပ်ချုပ်ရေးမှူး က အတည်ပြုပေးရမှာဖြစ်တယ်လို့ ပြည်နယ်အုပ်ချုပ်ရေးစည်းမျဉ်းစည်းကမ်းအရ သိရပါတယ်။

အဲ့ဒီကိစ္စနဲ့ ပတ်သက်ပြီး ပညာရေးတာဝန်ခံတစ်ယောက်က အခု ထုတ်ပြန်တဲ့ စည်းမျဉ်းဟာ မီဒီယာတွေမှာ ပြောနေသလို မဟုတ်ဘဲ စာသင်ကျောင်းတွေမှာ တရားမဝင် ရွှေပြောင်းအခြေချ ကျောင်းသားတွေ ဘယ်လောက်ရှိနေသလဲဆိုတာကို စာရင်းပြုစုမှတ်သားဖို့ ဖြစ်တယ်လို့ပြောပါတယ်။

တက်ကြွလှုပ်ရှားသူတွေကတော့ အဲဒီစည်းမျဉ်းဟာ ရွှေ့ပြောင်းအခြေချလာတဲ့ မိသားစုတွေကို စိုးရိမ်ကြောက်လန့်စေမှာဖြစ်ပြီး ဥပဒေအရ နိုင်ငံသားဖြစ်မှုကို ထည့်မစဉ်းစားဘဲ ကလေးငယ်တိုင်းကို ပညာရေးပံ့ပိုးဖို့ ၀တ္တရားရှိတဲ့ စာသင်ကျောင်းတွေနဲ့လည်း ဝေးကွာသွားစေမှာ ဖြစ်တယ်လို့ ဝေဖန်နေကြပါတယ်။

အိုကလာဟိုးမား၌ ကျောင်းအပ်လျှင် နိုင်ငံသားဖြစ်ရန်လိုအပ်လာ
.........................
အမေရိကန်နိုင်ငံ အိုကလာဟိုးမား ပြည်နယ် ပညာရေးဘုတ်အဖွဲ့က မိသားစုတွေအနေနဲ့ ကလေး ကျောင်းအပ်နှံချိန်မှာ အမေရိကန်နိုင်ငံသားဖြစ်ကြောင်း သက်သေအထောက်အထားပြဖို့ဆိုတဲ့ လိုအပ်တဲ့ စည်းမျဉ်းကို ထုတ်ပြန် လိုက်ပါတယ်။

အဲဒီစည်းမျဉ်းဟာ အကျိုးသက်ရောက်မှုရှိလာအောင် ဥပဒေပြုကဏ္ဍ နဲ့ ပြည်နယ်အုပ်ချုပ်ရေးမှူး က အတည်ပြုပေးရမှာဖြစ်တယ်လို့ ပြည်နယ်အုပ်ချုပ်ရေးစည်းမျဉ်းစည်းကမ်းအရ သိရပါတယ်။

အဲ့ဒီကိစ္စနဲ့ ပတ်သက်ပြီး ပညာရေးတာဝန်ခံတစ်ယောက်က အခု ထုတ်ပြန်တဲ့ စည်းမျဉ်းဟာ မီဒီယာတွေမှာ ပြောနေသလို မဟုတ်ဘဲ စာသင်ကျောင်းတွေမှာ တရားမဝင် ရွှေပြောင်းအခြေချ ကျောင်းသားတွေ ဘယ်လောက်ရှိနေသလဲဆိုတာကို စာရင်းပြုစုမှတ်သားဖို့ ဖြစ်တယ်လို့ပြောပါတယ်။

တက်ကြွလှုပ်ရှားသူတွေကတော့ အဲဒီစည်းမျဉ်းဟာ ရွှေ့ပြောင်းအခြေချလာတဲ့ မိသားစုတွေကို စိုးရိမ်ကြောက်လန့်စေမှာဖြစ်ပြီး ဥပဒေအရ နိုင်ငံသားဖြစ်မှုကို ထည့်မစဉ်းစားဘဲ ကလေးငယ်တိုင်းကို ပညာရေးပံ့ပိုးဖို့ ၀တ္တရားရှိတဲ့ စာသင်ကျောင်းတွေနဲ့လည်း ဝေးကွာသွားစေမှာ ဖြစ်တယ်လို့ ဝေဖန်နေကြပါတယ်။

ကျေးလက်ဟာသဇာတ်လမ်းပုံစံ “ကတ်သီးကတ်ဖဲ့ ရွာ ” ဇာတ်လမ်းတွဲ ကန်တော့ပွဲပေး၊ မိတ်ဆက်

ဇန်နဝါရီ ၂၉

MTN Entertainment Video Production ရဲ့ပွဲဦးထွက် ကျေးလက်ဟာသဇာတ်လမ်းပုံစံ “ကတ်သီးကတ်ဖဲ့ ရွာ ” ဇာတ်လမ်းတွဲ ကန်တော့ပွဲပေးမှုနဲ့ မိတ်ဆက်ပွဲကို ဇန်နဝါရီ ၂၈ ရက် နံနက်ပိုင်းက ရန်ကုန်မြို့ ဗိုလ်တထောင်ဘုရားအောင်မြေနဲ့ The Love Boat မှာ ကျင်းပခဲ့ပါတယ်။

“ကျွန်တော်တို့ ဒီဇာတ်လမ်းတွဲလေးကတော့ ကတ်သီးကတ်ဖဲ့ ရွာ ဆိုတဲ့ အတိုင်းပေါ့ ကျေးလက်ဟာသ ဇာတ်လမ်းလေးပါ။ ကိုနိုင်ကြီး@ကျော်ရဲအောင်က ကျွန်တော့်ရဲ့ ဆရာဆိုလည်း မမှားပါဘူး။ လက်ဦးဆရာနဲ့ အတူ ပြန်လည် ဆုံတွေ့ပြီး အနုပညာလုပ်ခွင့်ရတာပါ။ ယုံကြည်စွာနဲ့ လက်တွဲပေးကြတဲ့ အနုပညာရှင်‌တွေ အကုန်လုံးကိုလည်း ကျေးဇူးတင်ပါတယ်။ ကျေးလက်ဓလေ့နဲ့ ဟာသဇာတ်လေးမို့ ပရိသတ်တွေလည်း ကြိုက်နှစ်သက်လိမ့်မယ်လို့လည်း မျှော်လင်ပါတယ်”လို့ သရုပ်ဆောင် မင်းသူနိုင်က ပြောပါတယ်။

အဆိုပါ ဇာတ်ကားကို ဇာတ်လမ်းအောင်ချစ်၊ ရဲရင့်သစ္စာ ၊ ဇာတ်ညွှန်း ဖိုးကျော်(သန်လျင်)နဲ့ အောင်ချစ်တို့က ရေးသားထားပြီး ရိုက်ကွင်းမန်နေဂျာ ကျော်ကျော် (ထီလာ)၊ ဒါရိုက်တာ ရဲရင့်သစ္စာက ကျေးလက် ဟာသဇာတ်လမ်းပုံစံကို လာမယ့် ဖေဖော်ဝါရီလ ဒုတိယအပတ်လောက်မှာ စတင်ရိုက်ကူးသွားမှာလည်း ဖြစ်ပါတယ်။

သရုပ်ဆောင်တွေဖြစ်တဲ့ မင်းသူနိုင်၊ အကယ်ဒမီ ကျော်ရဲအောင်၊ မင်းသုနိုင်၊ အကယ်ဒမီ မြတ်ကေသီအောင်၊ ရွှေပိုးအိမ်၊ နေဆန်း၊ အကယ်ဒမီမိုးဒီ၊ ငှက်ပျော်ကြော်၊ မင်းသူ၊ မင်းညီ၊ ခင်မိုမို့အေး၊ အောင်ဖြိုးလင်း၊ ဇော်ဝိုင်း၊ အဆိုတော် မင်းထက်၊ ဧည့်သည်သရုပ်ဆောင် မှုံနံ့သာကျော်ရဲအောင်၊ နန်း၊ နန္ဒာဝင်းစတဲ့သူတွေ ပါဝင်ကြမှာ ဖြစ်ပါတယ်။

#celecele

ဟာသဇာတ်လမ်းပုံစံ ” ရှယ်ယောက္ခမများ” ရုပ်ရှင်ဇာတ်ကားကြီး Red Carpet Show အခမ်းအနားကျင်းပ

ဇန်နဝါရီ ၂၉

အောင်သီရိထုတ်လုပ်ရေးက ဟာသ ဇာတ်လမ်းပုံစံ ” ရှယ်ယောက္ခမများ” ရုပ်ရှင်ဇာတ်ကားကြီး Red Carpet Show အခမ်းအနားကို ယနေ့ ဇန်နဝါရီ ၂၈ ရက် ညနေပိုင်းက ရန်ကုန်မြို့ သမ္မတအဆင့်မြင့်ရုပ်ရှင်ရုံမှာ ကျင်းပခဲ့ပါတယ်။

“ဒီဇာတ်ကားမှာ ခင်ခင်ချစ်ဆိုတဲ့ စကားမပြောတတ်တဲ့ ကောင်မလေးနေရာက ခြူးလေးက သရုပ်ဆောင်ထားပါတယ်။ နားကတော့ ကြားရတယ်ပေါ့နော်။ စကားပဲ မပြောတတ်တာပါ။ အရမ်းလည်း ချစ်တတ်တဲ့ အချစ်ရူးမလေးပေါ့။ သူချစ်တဲ့ကောင်လေး ပြန်ချစ်ဖို့အတွက်ကို ကြိုးစားထားရတယ်။ ယောက္ခမတွေ အကြိုက်တွေကို လိုက်ပြီး လုံးရတော့တာပေါ့နော်။ ကိုယ်တိုင်လည်း တော်တော်လေးကို ကြိုးစားသရုပ်ဆောင်ထားပါတယ်။ ရုံတင်ရင်လည်း အားပေးကြပါဦး”လို့ သရုပ်ဆောင် ခြူးလေးက ပြောပါတယ်။

ဒီဇာတ်ကားကို ဇာတ်လမ်း၊ ဇာတ်ညွှန်း နတ်ရဲ (ရူပဗေဒ)၊ ရိုက်ကွင်း ဇာတ်ညွှန်းလူညိုချော၊ ဒါရိုက်တာ ကိုဇော်(အရုဏ်ဦး)က သရုပ်ဆောင်တွေအနေနဲ့ လွှမ်းပိုင်၊ ကျော်ထက်၊ ခင်လှိုင်၊ ခြူးလေး၊ အကယ်ဒမီမို့မို့မြင့်အောင်၊ ခိုင်နှင်းဝေ၊ အကယ်ဒမီတက္ကသိုလ် ဂွမ်းပုံ၊ ဆင်မ၊ သွက်လက်၊ ဘဲတော၊ ဝါဝါအောင် ၊ မျိုးမျိုးခိုင်၊ ရန်ပြေ၊ သီရတီ စတဲ့သူတွေ ပါဝင်ထားကြပါတယ်။

“ရှယ်ယောက္ခမများ”ရုပ်ရှင်ဇာတ်ကားကြီးကို လာမယ့် ဇန်နဝါရီ ၃၁ ရက်နေ့မှာ တစ်ပြည်လုံးက ရုပ်ရှင်ရုံတွေမှာ ရုံတင်ပြသမှာဖြစ်ပါတယ်။

#celecele

မြန်မာ – ထိုင်းနယ်စပ် ​ဖော့ဖရာ့မြို့နယ်အတွင်း တရားမဝင် ဝင်ရောက်လာသည့် မြန်မာနိုင်ငံသား ၂၁ ဦးတွေ့ရှိ ဖမ်းဆီးခံရပြီး တစ်ဦးထံမှ မူးယစ်ဆေးဝါးပါ ဖမ်းမိ

ဇန်နဝါရီ ၂၉

ထိုင်း – မြန်မာနယ်စပ်ဒေသ ထိုင်းနိုင်ငံ တာ့ခ်ခရိုင်၊ ဖော့ဖရာ့မြို့နယ်အတွင်း တရားမဝင် ဝင်ရောက်လာတဲ့ မြန်မာနိုင်ငံသား ၂၁ ဦး ဖမ်းမိခဲ့ရာမှာ မြန်မာနိုင်ငံသားတစ်ဦးထံက စိတ်ကြွရူးသွပ်ဆေးပြား ၃၅ ပြားကိုပါ ဖမ်းမိခဲ့တယ်လို့ သိရပါတယ်။

အမှတ်(၄၂၁)ခြေမြန်တပ်ရင်း ရာမာနု တပ်ဖွဲ့ဝင်တွေ ဖော့ဖရာ့မြို့နယ်ရဲစခန်းကတပ်ဖွဲ့ဝင်တွေနဲ့ အုပ်ချုပ်ရေးတာဝန်ရှိသူတွေ ပါဝင်တဲ့ ပူးပေါင်းအဖွဲ့ဟာ ဇန်နဝါရီ ၂၉ ရက်အကူး နံနက် ၁ နာရီဝန်းကျင်အချိန်မှာ ဖော့ဖရာ့မြို့နယ်အတွင်း မြန်မာ နယ်စပ်နဲ့ထိတွေ့နေတဲ့ ဘန်ဟွေ့နမ့်နတ်ကျေးရွာဘက် ကင်းလှည့်နေချိန် ညည့်နက်မှ အမှောင်အားပြုဝင်လာတဲ့ မြန်မာနိုင်ငံသားတွေကို ဖမ်းမိခဲ့တာလည်းဖြစ်ပါတယ်။

ဖမ်းဆီးခံရတဲ့သူတွေထဲ မြန်မာအမျိုးသား ၁၅ ဦးနဲ့ အမျိုးသမီး ၆ ဦး ပါဝင်ပြီး တရားခံတွေကို စစ်ဆေးမှု ပြုလုပ်ချိန် အမျိုးသားတစ်ဦးရဲ့ အိတ်အနက်ထဲက အနက်ရောင် တိပ်နဲ့ ပတ်ထားတဲ့ ဘောပင်ထဲ သိုဝှက်သယ်ယူလာတဲ့ တရားမဝင် စိတ်ကြွရူးသွပ်ဆေးပြား Methamphetamine ၃၅ ပြားကို ရှာဖွေတွေ့ရှိခဲ့တယ်လို့ သိရပါတယ်။

ထိုင်းလုံခြုံရေးပူးပေါင်းအဖွဲ့စစ်ဆေးချက်အရ ဒီ မူးယစ်ဆေးဝါးတွေကို မြန်မာဘက်က ဝယ်ယူလာတာဖြစ်ပြီး တစ်ပြား ဘတ် ၃၀ နဲ့ ဝယ်ယူလာတာလို့ ထွက်ဆိုခဲ့ကြောင်း သိရပါတယ်။

ဖမ်းဆီးခံရတဲ့မြန်မာနိုင်ငံသားတွေက စမွတ်ပရာကန်ကနေ ဘန်ကောက်ကို သွားရောက် အလုပ် လုပ်ကိုင်ဖို့အတွက် ပွဲစားခ တစ်ဦး ထိုင်းဘတ်ငွေ ၁၈၀၀၀ ဘတ် ပေးခဲ့ရတယ်လို့ပါ ထွက်ဆိုခဲ့သလို လက်ရှိမှာတော့ ဖမ်းဆီးခံ မြန်မာနိုငငံသား ၂၁ ဦးကို ဖော့ဖရာ့ရဲစခန်းမှာ ချုပ်နှောင်ထားပြီး သက်ဆိုင်ရာဥပဒေတွေနဲ့အညီ တရားစွဲ အရေးယူသွားမယ်လို့ ကနဦးသိရပါတယ်။

Ref & Photo: เเอก เกียรติศักดิ์ แม่สอด

#centralnewsnaypyitaw

ဧရာ၀တီ သာပေါင်းမြို့နယ်အစပ်က ကျေးရွာတွေကို AA ဝင်တိုက်လာလို့ တိုက်ပွဲတွေ ဆက်လက်ဖြစ်ပွားနေ

ဇန်နဝါရီ ၂၉

ရခိုင့်တပ်တော် AA အဖွဲ့က ဧရာဝတီတိုင်း သာပေါင်းမြို့နယ်အစပ်က ကျေးရွာတွေကို ဝင်တိုက်လာလို့ ဒီကနေ့ ဇန်နဝါရီ ၂၉ ရက်၊ နံနက်ပိုင်းအထိ နှစ်ဖက်တပ်တွေအကြား တိုက်ပွဲတွေ ဖြစ်ပွားနေတယ်လို့ အဲဒီမြို့နေ ဒေသခံတွေရဲ့ပြောပြမှုတွေအရ သိရှိရပါတယ်။

တိုက်ပွဲတွေဟာ ယမန်နေ့ ဇန်နဝါရီ ၂၈ ရက်၊ညနေပိုင်းအချိန်ကစတင်လို့ ဧရာဝတီတိုင်း သာပေါင်းမြို့နယ်အစပ်က မကျီးဇင်၊သဲဖြူ အစရှိတဲ့ကျေးရွာတွေအနီးမှာ ဖြစ်ပွားခဲ့တာဖြစ်တယ်လို့ ဆိုပါတယ်။

အဲဒီတိုက်ပွဲအတွင်း သာပေါင်းမြို့နယ်ရဲစခန်းမှူးတယောက်လည်း ကျဆုံးမှုတွေရှိခဲ့တာကို ကြားရတယ်လို့လည်း ပုသိမ်မြို့ခံတယောက်က VOM ကို ပြောပြပါတယ်။

"AA က မကျီးဇင်နဲ့ သဲဖြူဘက်ကနေ သာပေါင်းကိုဝင်လာတာပါ။တိုက်ပွဲတွေက အဲနားအစပ်ကရွာတွေမှာ ဖြစ်တာပါ။ သာပေါင်းရဲစခန်းမှူးကျသွားတယ်ဆိုတဲ့သတင်းကတော့ အတည်ဖြစ်တယ်။ ကွန်ဖန်းဖြစ်တယ် ။စခန်းမှူးရဲ့ Body ကိုပြန်သယ်ဖို့ ဒီဘက်ကနေ လူနာ တင်ယာဉ်တွေလည်းထွက်သွားတာလည်းရှိတယ်။AAက မကျီးဇင်ဘက်ကနေ သာပေါင်းကိုးထိုးလာတာ မကျီးဇင်၊သဲဖြူ၊သာပေါင်းပေါ့ဗျာ၊ဟိုဘက် ရေကြည်၊ကျုံပျော်၊အသုတ်၊ငါးသိုင်းချောင်းက တခြမ်းပေါ့၊အခုက သာပေါင်းကိုဝင်လာတာဟာ AA က ပုသိမ်ကိုဝင်ချင်တဲ့သဘောလား မသိဘူးဗျာ့၊သာပေါင်းအစပ်မှာ တိုက်ပွဲတွေကတော့ အခုအထိဖြစ်နေတယ် ပြောတယ်"လို့ ပုသိမ်မြို့ခံ တယောက်က ပြောပါတယ်။

ရခိုင့်တပ်တော် AA အဖွဲ့က သာပေါင်းမြို့နယ်ကို ဝင်ရောက်တိုက်ခိုက်တယ်ဆိုတဲ့ သတင်းတွေကြောင့် ပုသိမ်မှာလည်း လှုပ်ခတ်မှုတွေရှိလာပြီး ပုသိမ်မြို့ခံတွေက မြို့ပေါ်အထိ တိုက်ပွဲတွေကူးစက်ဖြစ်ပွားလာမှာကိုလည်း စိုးရိမ်နေကြတယ်လို့ အဲဒီမြို့နေ ဒေသခံတွေက ပြောပါတယ်။

"သာပေါင်းကို ဝင်လာပြီဆိုရင် ပုသိမ်ဘက်တွေကိုပါဝင်လာမှာစိုးရိမ်တာပေါ့။ပုသိမ်မှာလည်း ဒီသတင်းတွေကြာင့်နည်းနည်းလေးတော့လှုပ်နေတယ်"လို့ ပုသိမ်မြို့ခံ တယောက်က ဆက်ပြီး ပြောပြခဲ့ပါတယ်။

ဧရာဝတီတိုင်း အခြပြုဒေသတွင်း သတင်းဌာနတွေရဲ့ဖော်ပြမှုတွေအရ ဇန်နဝါရီလ ၂၈ ရက်နေ့၊ညနေပိုင်းမှာ သာပေါင်းမြို့မရဲစခန်းမှူး ဒုရဲမှူး၀င်းနိုင်ဦးဟာ သာပေါင်းမြို့နယ်အစပ်က ရှေ့တန်းစခန်းတွေဆီကို ရိက္ခာပို့စစ်ကြောင်းနဲ့ အတူ ရိက္ခာသွားပို့စဉ်မှာ AA ဘက်က ပစ်ခတ်လာတဲ့ စနိုက်ပါထိမှန်ကာ ကျဆုံးခဲ့တာဖြစ်တယ်လို့ ရေးသားဖော်ပြထားတာကို တွေ့ရပါတယ်။

"သာပေါင်းစခန်းမှူးသတင်းကအတည်ဖြစ်ပါတယ်။သာပေါင်းအစပ်မှာနှစ်ဖက်တိုက်ပွဲတွေဖြစ်တယ်ဆိုတာလည်းဟုတ်ပါတယ်။တံတားထိပ်ဘက်မှာဖြစ်တယ်ပြောတယ်။စခန်းမှူးအပြင်ယာဥ်မောင်းတယောက်လည်းထိတယ်ပြောတယ်။ယာဉ်မောင်းက ရန်ကုန်က ကုန် ကားမောင်းတဲ့သူလို့ ပြောတယ်။စခန်းမှူးကတော့ ကျတယ်ပေါ့။ယာဉ်မောင်းက ဒဏ်ရာရတယ်ပြောတယ်။ရိက္ခာပို့ဖို့ ကုန်ကားနဲ့ သွားတဲ့အချိန်မှာ အခုလိုဖြစ်တာလို့ ပြောတယ်"လို့ ပုသိမ်မြို့အုပ်ချုပ်ရေးအသိုင်း အဝိုင်းနဲ့ နီးစပ်သူတယောက်က ထပ်လောင်း ပြောပြခဲ့ပါတယ်။

ဒေသတွင်းသတင်းတွေအရ သာပေါင်းမြို့နယ်အတွင်းက မကျီးဇင်-သာပေါင်းကားလမ်းတလျှောက်က ကျေးရွာတွေမှာ နှစ်ဖက်တပ်တွေကြားစစ်ရေးတင်းမာနေတာဖြစ်ပြီး နစက တပ်ဘက်ကလည်း ခံစစ်တွေပြင်ထားကာ လုံခြုံရေးပိုင်းကိုလည်းတိုးမြှင့်ထားတာဖြစ်တယ်လို့ သိရပါတယ်။

ရခိုင့်တပ်တော် AA အဖွဲ့ဘက်က သူတို့တပ်တွေဟာ ပဲခူးတိုင်း-ရခိုင်အစပ်နေရာတွေနဲ့ ရခိုင်ရိုးမတောင် တန်းတွေမှာ တိုက်ပွဲတွေ နေ့စဉ်ဖြစ်ပွားနေသလို ဧရာဝတီ-ရခိုင် အစပ်ကိုလည်း ရောက်ရှိနေပြီဖြစ်တယ်လို့ ယခု ဇန်နဝါရီ ၂၇ ရက်နေ့က သတင်းထုတ်ပြန်ထားတာကိုလည်း တွေ့ရပါတယ်။

Photo - CJ

Credit - VOM News Agency

#သတင်းဟင်းလေးအိုးကြီး

အာဆင်နယ်အသင်းဟာ ရိုစင်ဘော့အသင်းရဲ့နော်ဝေလူငယ်ကွင်းလယ်ကစားသမား စဗဲလ်နီပန်ကိုအသင်းဆီ ခေါ်ယူဖို့ရေပန်းစားနေတဲ့အသင်းဖြစ်လာခဲ့ပြီးပရီးမီးယားလိဂ်ပြိုင်ဘက်ကလပ်အက်စတွန်ဗီလာအသင်းကလည်းစိတ်ဝင်စားမှုရှိနေတယ်လို့ နော်ဝေသတင်း VG ကသတင်းဖော်ပြခဲ့ပါတယ်။

အာဆင်နယ်အသင်းဟာ ဒီဇန်နဝါရီကစားသမားအပြောင်းအရွှေ့စျေးကွက်မှာ ကစားသမားဝယ်ယူမရနိုင်သေးဘဲ ဂန်းနားအသင်းအနေနဲ့ ဒဏ်ရာပြသနာတွေကြောင့် ဘူခါယိုဆာကာနဲ့ဂါဘရီရယ်ဂျီးဆပ်စ်ကိုအသုံးမပြုနိုင်တဲ့လက်ရှိအသင်းအနေအထားကိုသုံးသပ်ကြည့်ရတဲ့အခါမှာတော့ ထူးဆန်းစရာဖြစ်တယ်လို့ယူဆရပါတယ်။

လက်ရှိမှာတော့အာဆင်နယ်အသင်းဟာ စဗဲလ်နီပန်ကိုအသင်းဆီခေါ်ယူဖို့ရေပန်းစားနေတဲ့အသင်းဖြစ်ပြီး အဆိုပါကစားသမားကလည်း လက်ရွေးစင်အသင်းဖော်မာလ်တင်အိုဒီဂတ်ဆီကနေသင်ယူလေ့လာနိုင်တာကြောင့် ဂန်းနားအသင်းအတွက်သင့်တော်မှုရှိတယ်လို့ VG သတင်းကဖော်ပြခဲ့ပါတယ်။

စဗဲလ်နီပန်ဟာ မန်ချက်စတာမှာ ရုပ်ထွက်ပြခဲ့ပြီး မန်ချက်စတာစီးတီးအသင်းက ချဲလ်ဆီအသင်းကို ၃-၁ နဲ့အနိုင်ရခဲ့တဲ့ ပြီးခဲ့တဲ့ ဇန်နဝါရီ ၂၅ ရက်နေ့စနေနေ့တုန်းကပွဲစဉ်ကိုဝင်ရောက်ကြည့်ရှုခဲ့တာဖြစ်ပါတယ်။ဒါပေမဲ့လည်း အဆိုပါအသက် ၁၈ နှစ်အရွယ်ကစားသမားအနေနဲ့ ပပ်ဂွာဒီယိုလာရဲ့အသင်းအစီအစဉ်တွေမှာမရှိဘူးလို့ VG သတင်းကထောက်ပြဖော်ပြခဲ့ပါတယ်။

#ဘောလုံးသတင်းစုံ

မလေးရှားမှာ အသက်(၆)နှစ်အရွယ် ကလေးငယ်တစ်ဦးရဲ့ နားရွက်ကို မြင်းကိုက်ခံရ

ဇန်နဝါရီ ၂၉

မလေးရှားနိုင်ငံ၊ မြို့တော်ကွာလာလမ်ပူမှ (၆၅)ကီလိုမီတာအကွာ၊ ဆီရမ်ဘန်ရှိ စိုက်ပျိုးရေးခြံတစ်ခုမှာ မိသားစုတစ်စုဟာ အားလပ်ရက်အပန်းဖြေလာရင်း ခြောက်နှစ်အရွယ် ကလေးငယ်တစ်ဦး နားရွက်ကို မြင်းကိုက်ခံလိုက်ရပါတယ်။

ဒီအဖြစ်အပျက်ဟာ ဇန်နဝါရီလ ၁၉ ရက်က ဖြစ်ပွားခဲ့တာဖြစ်တယ်လို့ မလေးရှားမီဒီယာက ဇန်နဝါရီ ၂၇ ရက်မှာ ဖော်ပြခဲ့ပါတယ်။ ဖခင်ဖြစ်သူ မစ္စတာဆူဟိုင်မီမိုရာဖီ (၃၁ နှစ်) က ၎င်းနဲ့ ၎င်းရဲ့မိသားစုဟာ မြင်းတင်းကုပ်တွေဆီ လည်ပတ်နေတုန်း အော်တစ်ဇင် ဖြစ်နေတဲ့ သူ့သားငယ်ဟာ အခကြေးငွေပေးပြီး မြင်းစီးခဲ့တယ်လို့ ဆိုပါတယ်။

ဒါ့ပြင် မြင်းတင်းကုပ်ရဲ့ ခြံစည်း ရိုးခတ်ထားတဲ့ ဧရိယာမှာ မိသားစုနဲ့အတူ ဓာတ်ပုံရိုက်ခဲ့ကြပါတယ်။ အဲဒီအချိန်မှာ သူရဲ့ (၆)နှစ်အရွယ် သားငယ်ဟာ နားရွက်ကို မြင်းကိုက်ခံလိုက်ရတာ ဖြစ်ပါတယ်။ ဒဏ်ရာကြောင့် ကလေးကို ပုဂ္ဂလိကဆေးရုံတစ်ခုဆီ ပို့ဆောင်ခဲ့ရပြီး ခွဲစိတ်ကုသမှု ပြုလုပ်ခဲ့ရကာ သုံးရက်အကြာမှာတော့ ကလေးဟာ ဆေးရုံမှ ဆင်းနိုင်ခဲ့ပါတယ်။

ဒီအတွက် စိုက်ပျိုးရေးခြံကို လျော်ကြေးအဖြစ် ရင်းဂစ် (၅,၀၀၀)တောင်းခံခဲ့ပေမယ့် ခြံက ရင်းဂစ် (၅၀၀)သာ ပေးနိုင်ခဲ့တယ်လို့ သိရပါတယ်။

#centralnewsnaypyitaw

၂၀၂၄ ခုနှစ် မြန်မာ့ရုပ်ရှင်ထူးချွန်ဆုချီးမြှင့်ပွဲမှာ အကယ်ဒမီထူးချွန်ဆု ၁၂ ဆု ချီးမြှင့်ဖို့ လျာထား

ဇန်နဝါရီ ၂၉

လာမယ့် ဖေဖော်ဝါရီ ၉ ရက်နေ့မှာ ကျင်းပမယ့် ၂၀၂၄ ခုနှစ် မြန်မာ့ရုပ်ရှင်ထူးချွန်ဆုချီးမြှင့်ပွဲမှာ အကယ်ဒမီ ထူးချွန်ဆု ၁၂ ဆု ချီးမြှင့်ဖို့ လျာထားတယ်လို့ မြန်မာ့ရုပ်ရှင်ထူးချွန်ဆု အကဲဖြတ်အဖွဲ့ ဥက္ကဋ္ဌ ဦးဇော်မြင့်ဦးက ပြောပါတယ်။

“ကျွန်တော်တို့ လက်ရှိမှာ ရုပ်ရှင်ပြသခဲ့တဲ့ ရုပ်ရှင်ဇာတ်ကားတွေက ကြည့်ရှုအကဲဖြတ်တာတော့ အားလုံး ပြီးသွားပါပြီ။ ပထမအဆင့် ရုံပြပြသခဲ့တဲ့ ရုပ်ရှင်ဇာတ်ကားပေါင်း ၄၉ လုံးကို ကြည့်ရှုအကဲဖြတ်ကြတယ်။ ဒုတိယအဆင့် ၁၈ ကားထွက်လာပါတယ်။ အဲဒီ ၁၈ ကားစလုံးကို အသေးစိတ်ကြည့်ရှု အကဲဖြတ်ပြီးသွားပါပြီ။ နောက်ဆုံးအဆင့်အနေနဲ့ပဲ အဲဒီဇာတ်ကား ၁၈ ကားထဲကို Nomination ကနေ သတ်မှတ်လိုက်ပါတယ်။ ဒီဇာတ်ကား ၁၈ ကားထဲကနေ အကယ်ဒမီဆုပေါင်း ၁၂ ဆု ပေးအပ်ချီးမြှင့်ဖို့ လျာထားပါတယ်။ ဆုတွေကို အကုန်ပေးမယ်၊ မပေးဘူးဆိုတာကတော့ သေချာပြောလို့မရသေးပါဘူး။ အိတ်ဖောက်ဖွင့်ကြည့်မှ သိရမှာပါ”လို့ မြန်မာ့ရုပ်ရှင် ထူးချွန်ဆု အကဲဖြတ်အဖွဲ့ ဥက္ကဋ္ဌ ဦးဇော်မြင့်ဦးက MT Entertainment ကို ပြောပါတယ်။

၂၀၂၄ ခုနှစ် မြန်မာ့ရုပ်ရှင်ထူးချွန်ဆု ချီးမြှင့်ပွဲကို ၂၀၂၅ ခုနှစ် ဖေဖော်ဝါရီလ ၉ ရက် ညနေ ၅ နာရီမှာ နေပြည်တော်ရှိ MICC မှာ ကျင်းပမှာလည်းဖြစ်ပြီး Nomination စာရင်းဝင် မြန်မာရုပ်ရှင်ဇာတ်ကား ၁၈ ကားကတော့ ဘိုးတော်ကင်း၊ ချစ်သူသည်သာ ပန်းတစ်ပွင့်ဖြစ်ခဲ့လျှင်၊ အစိုးမရ အနတ္တ၊ ယောက်ျားကောင်း အတောင်နှစ်ဆယ်၊ သံယောဇဉ်တွေသာ ကျည်ဆံတွေဖြစ်ခဲ့ရင်၊ တခုတ်တရ၊ ဖုန်းရွှေ၊ မိတင်စိန်၊ နို့ထမင်း၊ စိတ်ကကြိုး၊ မီး၊ အရက်စက်ဆုံးအနမ်း၊ သဘင်သည် မြနှင်းဆီ၊ နှောင်၊ မရဲ့အေးခဲသွားကြသူများ၊ အိပ်မက်ကာရန်၊ တိမ်ပန်းချီနဲ့ မေတ္တာ ရုပ်ရှင်ဇာတ်ကားတွေ ဖြစ်ပါတယ်။

၂၀၂၃ ခုနှစ် မြန်မာ့ရုပ်ရှင်အကယ်ဒမီ ထူးချွန်ဆုပေးပွဲမှာတော့ ရုပ်ရှင်ဓာတ်ပုံဆု၊ ရုပ်ရှင်တေးဂီတဆု၊ ရုပ်ရှင် ဇာတ်ညွှန်းဆု၊ ရုပ်ရှင်ဇာတ်ကားဆု၊ ရုပ်ရှင်ဒါရိုက်တာဆု၊ အမျိုးသမီးဇာတ်ပို့ဆု၊ အမျိုးသားဇာတ်ပို့ဆု၊ အမျိုးသမီးဇာတ်ဆောင်ဆု၊ အမျိုးသားဇာတ်ဆောင်ဆု စတဲ့ အကယ်ဒမီဆုပေါင်း ၉ ဆုသာ ပေးအပ်ခဲ့တာလည်း ဖြစ်ပါတယ်။ ၂၀၂၃ ခုနှစ်အတွက် မြန်မာ့ရုပ်ရှင်အကယ်ဒမီ ထူးချွန်ဆုပေးပွဲမှာတော့ ရုပ်ရှင်တစ်သက်တာဆု ၃ ဆုပေးအပ်ခဲ့ပြီး အကောင်းဆုံး ရုပ်ရှင်အသံဆုနဲ့ အကောင်းဆုံး ရုပ်ရှင်တည်းဖြတ်ဆုတွေ ပေးအပ်ခဲ့ခြင်း မရှိခဲ့တာ တွေ့ရပါတယ်။

#သတင်းဟင်းလေးအိုးကြီး