❝ရှစ်မိုင်ဂုံးတံတားပေါ်မှာ ယာဥ်ဆင့်တိုက်မှုဖြစ်လို့ အမျိုးသား ၂ ဦးသေဆုံး❞
အောက်တိုဘာ ၄
ရန်ကုန်တိုင်းဒေသကြီး၊ မရန်းကုန်းမြို့နယ် (၆) ရပ်ကွက်၊ ပြည်လမ်းရှိ ရှစ်မိုင်ဂုံးတံတားပေါ်တွင် ယာဉ် ၃ စီးဆင့်တိုက်သည့်ဖြစ်စဥ်တစ်ခု အောက်တို့ဘာ ၃ ရက်၊ ည ၁၁ နာရီခွဲဝန်းကျင်အချိန်ခန့်တွင် ဖြစ်ပွားခဲ့သည်ဟု မြန်မာနိုင်ငံမီးသတ်တပ်ဖွဲ့နှင့် ဒေသခံ လူမှုကူညီရေးအသင်းများထံမှ သိရသည်။
ယင်းဖြစ်စဥ်အတွင်း လူညှပ်နေကြောင်းသတင်းအရ မရန်းကုန်မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီးဖြင့် ထွက်ခွာကူညီခဲ့သလို ကြက်ခြေနီအသင်းများ၊ လူမှုကူညီကယ်ဆယ်ရေးအဖွဲ့ရန်ကုန် YRO မှ ရတနာဖြိုးလူမှုကူညီရေးအသင်းနှင့် လူထဲကလူ ကူညီရေးအသင်းတို့က ပူးပေါင်းကူညီခဲ့ကြသည်။
အဆိုပါဖြစ်စဉ်ကြောင့် လိုက်ထရပ်ယာဉ်ပေါ်မှ အသက် ၂၆ နှစ်နှင့် ၃၀ နှစ်အရွယ် အမျိုးသား (၂)ဦး သေဆုံးခဲ့သဖြင့် ရတနာဖြိုးလူမှုကူညီရေးအသင်းနှင့် လူထဲကလူမှုကူညီရေးအသင်း သူနာတင်ယာဉ်တို့ဖြင့် ရန်ကုန်ပြည်သူ့ဆေးရုံးကြီးသို့ ပို့ဆောင်ပေးခဲ့သည်ဟု သိရသည်။
#သတင်းဟင်းလေးအိုးကြီး
