Discover postsExplore captivating content and diverse perspectives on our Discover page. Uncover fresh ideas and engage in meaningful conversations
စပါးကနေ ထွက်ခွာချင်တယ်လို့ မပြောဖူးကြောင်း ရိုမဲရိုးဖွင့်ဟ
စက်တင်ဘာ ၁၇
အာဂျင်တီးနားနောက်ခံလူ ရိုမဲရိုးက နွေရာသီမှာ စပါးအသင်းကနေ ထွက်ခွာချင်တယ်ဆိုပြီး သူဘယ်တုန်းကမှ မပြောခဲ့ဖူးကြောင်း သတင်းထောက်တွေနဲ့ တွေ့ဆုံချိန်မှာ ဖွင့်ဟခဲ့ပါတယ်။
ရိုမဲရိုးက “ကလပ်ကနေ ထွက်ခွာချင်တယ်လို့ ကျနော် ဘယ်တုန်းကမှ မပြောခဲ့ဖူးပါဘူး။ ဒါက ကျနော့်အတွက် ဘာသက်ရောက်မှုမှ မရှိပါဘူး။ စပါးအသင်းမှာ အလွန်ပျော်ရွှင်ပြီး မိသားစုလိုပါပဲ။ ကျနော်နည်းပြကို နှစ်သက်ပြီး ကျနော်တို့ရဲ့ အလုပ်လုပ်ပုံတွေ၊ လေ့ကျင့်ပုံတွေကို ကျနော် သဘောကျပါတယ်။ အရာရာတိုင်းက အမြဲတမ်း တိုးတက်နိုင်ပေမယ့် ဒီနေရာရဲ့ အဆင့်တိုင်းမှာရှိတဲ့ လူတွေဟာ တိုးတက်ဖို့အတွက် မှန်ကန်တဲ့ ခြေလှမ်းတွေ လှမ်းနေကြပါတယ်။ ဒီမှာအလွန်ပျော်ပါတယ်”လို့ ပြောခဲ့တာပါ။
ရိုမဲရိုးဟာ ပြီးခဲ့တဲ့ နွေရာသီ အပြောင်းအရွှေ့မှာ အက်သလက်တီကိုအသင်းရဲ့ ချိတ်ဆက်မှုတွေ ခံခဲ့ရသလို နည်းပြဟောင်း ပိုစတီကိုဂလူး ထုတ်ပယ်ခံခဲ့ရတာကြောင့် စပါးအသင်းကနေ ထွက်ခွာဖွယ်ရှိတယ်လို့ သတင်းတွေ ထွက်ခဲ့ပါတယ်။
ဒါပေမယ့် ရိုမဲရိုးဟာ စပါးအသင်းနဲ့ ကာလရှည် စာချုပ်ချုပ်ဆိုခဲ့ပြီး နည်းပြသောမတ်စ်ဖရန့်ခ်က သူ့ကို အသင်းခေါင်းဆောင်သစ်အဖြစ် ခန့်အပ်ခဲ့တာပါ။
အခုအချိန်မှာတော့ ရိုမဲရိုးဟာ စပါးအသင်းကနေ သူထွက်ခွာ ချင်နေတယ်ဆိုတဲ့ သတင်းတွေကို ပြန်ပြီး တုံ့ပြန်ခဲ့တာ ဖြစ်ပါတယ်။
ရိုမဲရိုးဟာ စပါးအသင်း နည်းပြသောမတ်စ်ဖရန့်ခ်ရဲ့ အဓိက ကစားသမားအဖြစ် သတ်မှတ်ခံထားရပြီး ဒီရာသီ အသင်း ကစားထားတဲ့ ပွဲတိုင်းမှာ ပွဲချိန်ပြည့် ပါဝင်ကစားထားတာပါ။
ရိုမဲရိုးဟာ PSG အသင်းနဲ့ ဥရောပစူပါဖလားပွဲစဉ်မှာ စပါးအသင်းအတွက် ဂိုးသွင်းယူနိုင်ခဲ့သလို ပရီးမီးယား လိဂ်ပြိုင်ပွဲမှာ ဂိုးဖန်တီးမှု ပြုလုပ်ထားပါတယ်။
စပါးအသင်းဟာ ဒီရာသီမှာ ချန်ပီယံလိဂ်ပြိုင်ပွဲ ယှဉ်ပြိုင်ခွင့် ရရှိထားသလို ပရီးမီးယားလိဂ် ပြိုင်ပွဲမှာလည်း ရလဒ်ကောင်းတွေ ရရှိထားတာပါ။
စပါးအသင်းဟာ ဒီရာသီ ပရီးမီးယားလိဂ် ၄ ပွဲ ကစားအပြီးမှာ ၃ ပွဲနိုင်၊ ၁ ပွဲရှုံး၊ ရမှတ် ၉ မှတ်နဲ့ အမှတ်ပေးဇယား အဆင့် ၃ နေရာမှာ ရပ်တည်နေတာ ဖြစ်ပါတယ်။
Source: Goal
ပုံ - ရိုမဲရိုးကို တွေ့ရစဉ်
#ဘောလုံးသတင်းစုံ
ဝန်ကြီးချုပ်ဦးညိုစောနှင့် တရုတ်ဒုသမ္မတ တွေ့ဆုံ
စက်တင်ဘာ ၁၆
ဝန်ကြီးချုပ်ဦးညိုစောနှင့် တရုတ်ဒုသမ္မတ ဟန်ကျိန့်တို့ တရုတ်နိုင်ငံ၊ နန်နင်းမြို့ရှိ လိယွမ်နိုင်ငံတော် ဧည့်ဂေဟာ၌ ၂၀၂၅ ခုနှစ်၊ စက်တင်ဘာ ၁၆ ရက်တွင် တွေ့ဆုံ ဆွေးနွေးခဲ့ကြသည်။
ထိုသို့ တွေ့ဆုံစဉ် နှစ်နိုင်ငံ ဆက်ဆံရေးနှင့် ပြည်သူလူထု၏ လူမှုစီးပွားဘဝ ဖွံ့ဖြိုးတိုးတက်ရေးဆိုင်ရာ လုပ်ငန်း များ ဆက်လက် တိုးမြှင့်ဖော်ဆောင်ရေး၊ နှစ်နိုင်ငံ အပြန်အလှန် အထောက်အကူပြုလျက်ရှိသည့် ကုန်သွယ်ရေး နှင့် ရင်းနှီးမြှုပ်နှံမှု လုပ်ငန်းများ တိုးမြှုင့်ဆောင်ရွက်ရေး စသည့်ကိစ္စများကို ဆွေးနွေးခဲ့ကြကြောင်း သိရသည်။
ထို့ပြင် နှစ်နိုင်ငံအကြား မူးယစ်ဆေးဝါး၊ လူကုန်ကူးမှုနှင့် အွန်လိုင်းလိမ်လည်မှု၊ နယ်စပ်ဖြတ်ကျော် မှုခင်း တိုက်ဖျက်ရေး လုပ်ငန်းများတွင် ပူးပေါင်းဆောင်ရွက်ရေး၊ တရုတ်နိုင်ငံ အနေဖြင့် မန္တလေးငလျင်ကြီး အပါအဝင် လူသားချင်းစာနာ ထောက်ထားမှုဆိုင်ရာ ကိစ္စရပ်များတွင် ဆက်လက်ပံ့ပိုး ကူညီဆောင်ရွက်ပေးနိုင်ရေး တို့ကို လည်း ဆွေးနွေးခဲ့သည်ဟု နေပြည်တော်ဘက်က သတင်းထုတ်ပြန်ခဲ့သည်။
အဆိုပါ တွေ့ဆုံပွဲသို့ မြန်မာဘက်က ဝန်ကြီးချုပ်ဦးညိုစော၊ ပြည်ထောင်စုဝန်ကြီးများဖြစ်သည့် ဒေါက်တာချာလီ သန်း၊ ဦးချစ်ဆွေ၊ ဒေါက်တာသက်ခိုင်ဝင်း၊ ကချင်ပြည်နယ်ဝန်ကြီးချုပ် ဦးခက်ထိန်နန်၊ တရုတ်နိုင်ငံဆိုင်ရာ မြန်မာ သံအမတ်ကြီး ဦးတင်မောင်ဆွေတို့ တက်ရောက်ခဲ့သည်။
တရုတ်ဘက်က ဒုသမ္မတဟန်ကျိန့်၊ ကွမ်ရှီးကျွမ့်ကိုယ်ပိုင်အုပ်ချုပ်ခွင့်ရဒေသ၊ CPC ပါတီအတွင်းရေးမှူး မစ္စတာ ချန်ကန်း၊ အုပ်ချုပ်ရေးမှူး မစ္စတာဝေတောင်း၊ မြန်မာနိုင်ငံဆိုင်ရာ တရုတ်သံအမတ်ကြီး မစ္စမာကျားတို့ တက်ရောက်ခဲ့သည်။
#centralnewsnaypyitaw
❝ရုံးထုတ်လာသည့် အချုပ်သား ၄ ဦး ထွက်ပြေးလွတ်မြောက်သွားသည့်ဖြစ်စဥ် သထုံတွင်ဖြစ်ပွားခဲ့ဟုဆို❞
စက်တင်ဘာ ၁၇
မွန်ပြည်နယ်၊ သထုံမြို့နယ်တရားရုံးသို့ ရုံးထုတ်လာသည့် အချုပ်သား ၄ ဦး ထွက်ပြေးလွတ်မြောက်သွားသည့် ဖြစ်စဥ်တစ်ခု စက်တင်ဘာ ၁၅ ရက်၊ ညနေ ၄ နာရီက ဖြစ်ပွားခဲ့ကြောင်း လုံခြုံရေးတပ်ဖွဲ့နှင့် နီးစပ်သူများ၏ ပြောဆိုမှုကို ကိုးကား၍ ဒေသတွင်းသတင်းများက ဖော်ပြထားသည်။
သထုံမြို့နယ်အကျဉ်းထောင်မှ အချုပ်သား ၇ ဦးကိုတင်ဆောင်ကာ မြို့နယ်တရားရုံးသို့ ရုံးထုတ်လာပြီးနောက် အကျဉ်းထောင်၊ အချုပ်ဆောင်သို့ပြန်လည်ပို့ဆောင်ရန် အချုပ်ကားတံခါးဖွင့်နေစဥ် အချုပ်သား ၄ ဦးမှာ ထွက်ပြေးလွတ်မြောက်သွားခြင်းဖြစ်သည်ဟု ဆိုသည်။
ထွက်ပြေးလွတ်မြောက်သွားသည့် အချုပ်သား ၄ ဦးအနက် ၁ ဦးမှာ လူသတ်မှုကျူးလွန်သူဖြစ်သည်ဟုသိရပြီး ကျန် ၃ ဦးသည်လည်း အမှုကြီးများကို ရင်ဆိုင်နေရသူများဖြစ်ကြောင်း သတင်းများက ဖော်ပြထားသလို သထုံမြို့နယ် အကျဉ်းဦးစီးဌာနဘေးရှိ ရော်ဘာခြံအတွင်းသို့ ထွက်ပြေးသွားကြခြင်းဖြစ်ကြောင်း သိရသည်။
လက်ရှိတွင် ယင်းအချုပ်သားများကို ပြန်လည်ဖမ်းဆီးနိုင်ရေးအတွက် သထုံ-ဘားအံအမြန်လမ်းမကြီးနှင့် သထုံ-ပေါင်လမ်းမကြီးတို့တွင် လုံခြုံရေးတင်းကျပ်ထားသလို ခရီးသည်တင်ယာဉ်များပေါ်သို့ တက်ရောက်စစ်ဆေးနေကြောင်းလည်း ဒေသတွင်းသတင်းများအရ သိရသည်။
#သတင်းဟင်းလေးအိုးကြီး
အတ္တလန်တာအတွက် လွတ်ခ်မန်း ပြန်ပါဝင်နိုင်ဖို့ ခက်ခဲဖွယ်ရှိ
စက်တင်ဘာ ၁၇
လက်ချီအသင်းကို အနိုင်ရခဲ့တဲ့ စီးရီးအေပွဲစဉ်မှာ လူစာရင်းထဲ ချန်လှပ်ခြင်းခံခဲ့ရတဲ့ လွတ်ခ်မန်းဟာ အတ္တလန်တာ အသင်းအတွက် ပြန်ပါဝင်နိုင်ဖို့ ခက်ခဲဖွယ်ရှိတယ်လို့ သတိပေးခံထားရပါတယ်။
နိုင်ဂျီးရီးယားကြယ်ပွင့်ဟာ ပြီးခဲ့တဲ့နွေရာသီ အပြောင်းအရွှေ့က အင်တာမီလန်အသင်းထံ ပြောင်းရွှေ့နိုင်ဖို့ အပြင်းအထန် ကြိုးပမ်းခဲ့တာကြောင့် အတ္တလန်တာအသင်းနဲ့ အဆင်မပြေမှုတွေ ရှိခဲ့တာပါ။
လွတ်ခ်မန်းဟာ ပြီးခဲ့တဲ့ရက်ပိုင်းက အတ္တလန်တာအသင်း အကြီးအကဲတွေနဲ့တွေ့ဆုံကာ ကလပ်အသင်းမှာ သူ့ရဲ့ အခြေအနေနဲ့ ပတ်သက်ပြီး ဆွေးနွေးမှုတွေ ရှိခဲ့တာဖြစ်ပါတယ်။
ဒါပေမယ့် လွတ်ခ်မန်းဟာ လက်ချီအသင်းကို ၄ ဂိုး-၁ ဂိုးနဲ့ အနိုင်ရခဲ့တဲ့ပွဲစဉ်မှာ အတ္တလန်တာအသင်း လူစာရင်း ထဲမှာ ပါဝင်ခဲ့ခြင်း မရှိတာပါ။
အတ္တလန်တာအသင်း နည်းပြဂျူရစ်က “လွတ်ခ်မန်းကို ခေါ်မှာမဟုတ်ပါဘူး။ ဒါက ဆိုးရွားပြီး ကောင်းမွန်မှုမရှိတဲ့ အခြေအနေပါ။ ကျနော်တို့ဟာ တိုက်ပွဲဝင်စိတ်ဓါတ်၊ နှိမ့်ချမှု၊ ကြိုးစားအားထုတ်မှုနဲ့ အသင်းအတွက် ပေးဆပ်ဖို့ လိုပါတယ်။ ကျနော်တို့ရဲ့ ကစားသမားတွေဟာ ဒီလိုဖြစ်ဖို့လိုပြီး ကျနော်ဟာ မတူညီတဲ့ လူသားဆန်မှုအဆင့်ကို လိုချင်ပါတယ်”လို့ ပြောခဲ့ပါတယ်။
လွတ်ခ်မန်းဟာ အင်တာမီလန်အသင်းထံ ပြောင်းရွှေ့ချင်တာကြောင့် အသင်းကနေ ထွက်ခွာဖို့ တောင်းဆိုခဲ့တာကို အတ္တလန်တာအသင်းက ငြင်းဆန်ခဲ့တာပါ။
အဲဒါကြောင့် လွတ်ခ်မန်းက အတ္တလန်တာအသင်းဟာ ပေးထားတဲ့ ကတိကို ချိုးဖောက်တယ်ဆိုပြီး စွပ်စွဲကာ လူသိရှင်ကြား ဝေဖန်မှုပြုလုပ်ခဲ့တာ ဖြစ်ပါတယ်။
အတ္တလန်တာအသင်းကတော့ သူတို့ဟာ လွတ်ခ်မန်းကို အီတလီ မဟုတ်တဲ့ ကလပ်အသင်းတွေနဲ့သာ သတ်မှတ် ထားတဲ့ ပြောင်းရွှေ့ကြေးနဲ့ ရောင်းချဖို့ သဘောတူခဲ့တာလို့ ပြန်တုံ့ပြန်ခဲ့ပါတယ်။
လွတ်ခ်မန်းဟာ တစ်ဦးတည်း လေ့ကျင့်မှုပြုလုပ်ပြီး အသင်းကို ဆန္ဒပြခဲ့ပေမယ့် အတ္တလန်တာအသင်းဟာ သူ့ကို ချန်ပီယံလိဂ် လူစာရင်းထဲ ထည့်သွင်းခဲ့သလို သူကလည်း နည်းပြ ဂျူရစ် လက်အောက်မှာ ပါဝင်ကစားနိုင်တယ်လို့ ပြောခဲ့တာပါ။
အတ္တလန်တာအသင်းဟာ ချန်ပီယံလိဂ် အုပ်စုအဖွင့်ပွဲစဉ်အဖြစ် PSG အသင်းနဲ့ ယှဉ်ပြိုင်ရမှာဖြစ်ပြီး ဒီပွဲမှာ လွတ်ခ်မန်း ပြန်ပါဝင်နိုင်မလားဆိုတာ စောင့်ကြည့်ရမှာဖြစ်ပါတယ်။
Source: Goal
ပုံ - လွတ်ခ်မန်းကို တွေ့ရစဉ်
#ဘောလုံးသတင်းစုံ
