- As a family ဆိုတာနဲ့
Fantastic Four မှာ ပါလာတော့မယ့်
ဗင်ဒီဇယ်ကတုံး

#internationalmovienews

အိပ်ရေးဝအောင် အိပ်စက်နိုင်ဖို့ အထောက်အကူပြု Apps များ

အိပ်ရေးဝဖို့ဆိုတာ လူတိုင်းအတွက် အရေးကြီးပါတယ်။ ဒါပေမယ့် ခေတ်ကာလရဲ့ စိတ်ဖိစီးမှုတွေ၊ ဖုန်းကြည့်တာတွေကြောင့် အိပ်ပျော်ဖို့က လူတိုင်းအတွက် ခက်ခဲတဲ့ကိစ္စတစ်ရပ်ဖြစ်လာပါတယ်။(ကျွန်တော်အပါအဝင်) ဒါပေမယ့် ဒီနေ့ခေတ်မှာတော့ နည်းပညာအကူအညီနဲ့ အိပ်ရေးဝအောင် အိပ်စက်နိုင်ဖို့ အထောက်အကူပြု Mobile Apps တွေ ပေါ်ထွက်လာပါပြီ။ အဲဒီထဲက အသုံးဝင်တဲ့ App ငါးခုအကြောင်း မျှဝေပေးချင်ပါတယ်။ သတိမူရမှာက App အများစုက ပိုက်ဆံပေးပြီးဝယ်ရတာ ဒါမှမဟုတ် Subscription တွေဖြစ်နေပါတယ်။

၁။ Calm
Calm ဆိုတာ စိတ်ငြိမ်အောင် တရားထိုင်တာကနေစပြီး အိပ်ယာဝင်ချိန်အထိ လိုအပ်တဲ့ အကူအညီတွေပေးတဲ့ App တစ်ခုဖြစ်ပါတယ်။ သဘာဝအသံတွေ၊ meditation သီချင်းတွေ၊ အိပ်ရာဝင်ပုံပြင်တွေနဲ့ အတူ အိပ်စက်ဖို့ အထောက်အကူပြုပေးပါတယ်။ အထူးသဖြင့် သူ့ရဲ့ Sleep Stories တွေက အရမ်းထင်ရှားပြီး၊ နာမည်ကြီး အနုပညာရှင်တွေက ဖတ်ပြထားတာမို့ နားထောင်ရတာ အရသာရှိပါတယ်။

၂။ Headspace
Headspace က meditation နဲ့ mindfulness ကို အဓိကထားတဲ့ App ဖြစ်ပေမယ့် အိပ်စက်ခြင်းအတွက် သီးသန့်ပရိုဂရမ်တွေ ပါဝင်ပါတယ်။ Sleep music တွေ၊ sleepcasts တွေနဲ့ wind-down exercises တွေကို ထည့်သွင်းထားပါတယ်။ သူ့ရဲ့ထူးခြားချက်က အိပ်မပျော်မီ စိတ်ကိုဖြေလျှော့ဖို့ လေ့ကျင့်ခန်းတွေ ပါဝင်တာပါ။ တစ်ခါတစ်လေမှာ Free Lifetime ပေးတတ်တဲ့ App တစ်ခုမို့ စောင့်ကြည့်ထားသင့်ပါတယ်။

၃။ White Noise Lite
White Noise Lite က ရိုးရှင်းပေမယ့် ထိရောက်တဲ့ App တစ်ခုပါ။ မိုးသံ၊ လှိုင်းသံ၊ လေတိုက်သံစတဲ့ သဘာဝအသံတွေကို နားထောင်ပြီး အိပ်စက်နိုင်အောင် ကူညီပေးပါတယ်။ ကိုယ်ကြိုက်တဲ့အသံတွေကို ရွေးချယ်နိုင်သလို၊ အသံတွေကို ရောစပ်ပြီးလည်း နားထောင်နိုင်ပါတယ်။ အိပ်ယာထဲမှာ လျှောက်တွေးနေတဲ့သူတွေအတွက် အထူးသင့်တော်ပါတယ်။ တစ်ကယ်လို့ ကိုယ်နားထောင်ချင်တဲ့အသံတွေကို YouTube မှာလည်း အခမဲ့ရှာပြီး နားထောင်လိုက်ပါ။

၄။ Sleep Cycle
Sleep Cycle က နည်းပညာအသုံးပြုပြီး အိပ်စက်မှုကို လေ့လာတဲ့ App ပါ။ သင့်ရဲ့အိပ်စက်မှုပုံစံတွေကို စောင့်ကြည့်ပြီး၊ အကောင်းဆုံးနိုးချိန်ကို တွက်ချက်ပေးပါတယ်။ နိုးစက်သံကိုလည်း အိပ်စက်မှုပုံစံပေါ်မူတည်ပြီး ချိန်ညှိပေးတာမို့ မနက်မှာ ကြွက်သားတွေ တင်းမနေပဲ နိုးထလာနိုင်မှာပါ။ သင့်ရဲ့အိပ်စက်မှုပုံစံတွေကို ဂရပ်နဲ့ပြပေးတာမို့ အိပ်စက်မှုအလေ့အထတွေကို ပိုကောင်းအောင် ပြုပြင်နိုင်ပါတယ်။

၅။ Pzizz
Pzizz က သိပ္ပံနည်းကျ အသံပေါင်းစပ်မှုတွေကို အသုံးပြုထားတဲ့ App တစ်ခုပါ။ ဦးနှောက်လှိုင်းတွေကို ထိန်းညှိပေးနိုင်တဲ့ အသံတွေကို ဖန်တီးထားပါတယ်။ သူ့မှာထူးခြားတာက တစ်ညနဲ့တစ်ည မတူညီတဲ့အသံတွေကို ထုတ်ပေးနိုင်တာပါ။ ဒါ့အပြင် power nap အတွက် သီးသန့်ပရိုဂရမ်တွေလည်း ပါဝင်ပါတယ်။

ဒီ Apps တွေက အိပ်စက်မှုကို ပိုကောင်းစေဖို့ အထောက်အကူပြုနိုင်ပေမယ့် အဓိကအချက်ကတော့ အိပ်ရာဝင်ချိန် ပုံမှန်ရှိဖို့နဲ့ အိပ်ရာမဝင်ခင် screen time ကို လျှော့ချဖို့ပါ။ နေ့စဉ်အလုပ်တွေကိုလည်း စနစ်တကျထားရှိပြီး၊ ညဘက်မှာ စိတ်အေးလက်အေး အနားယူနိုင်မယ်ဆိုရင် ဒီ Apps တွေရဲ့အကူအညီနဲ့ ပိုပြီးထိရောက်တဲ့ အိပ်စက်မှုကို ရရှိမှာ ဖြစ်ပါတယ်။

Part-4
*သောကြာပိုင်းအစ ဒို့ကျောင်းသားက

ရွှေ့ဖြစ်တဲ့အကြောင်းက အဓိကပုဂ္ဂိုလ်ဖြစ်တဲ့ ဆရာမိုးနဲ့ ကျွန်တော်တို့က တက္ကသိုလ်ဘာသာပြန်နှင့် စာအုပ်ထုတ်ဝေရေးဌာနမှာ လုပ်နေကြတာရယ်။ နေတော့ လည်း ပုဂံခြံဝင်းမှာပဲ အတူနေကြတယ်ဆိုတော့ သောကြာနေ့ ရုံးဆင်းချိန် လူစု လိုက်ရင် အားလုံးအဆင်ပြေတယ်။
တက္ကသိုလ်ဘာသာပြန်နဲ့ စာအုပ်ထုတ်ဝေရေးဌာနက ဘီအိုစီ ကောလိပ် နောက်ဘက်တစ်ခြမ်းမှာပါ။ ရှေ့ဘက်တစ်ခြမ်းက ဆေး(၁)က သင်ကြားရေးအတန်း တွေရှိတယ်။ အဲဒီအချိန်မှာ တက္ကသိုလ်ဘာသာပြန်ဌာနမှူး (ပါမောက္ခ)က ဆရာ ဦးတင်ဇ(ရှမ်းပြည်) ဖြစ်ပါတယ်။ ဆရာကြီး မင်းသုဝဏ်က ပင်စင်ယူသွားပြီဖြစ်လို့ ကျွန်တော်တို့ မမီလိုက်တော့ပါ။ နောင်မှ ဆရာနိုး၊ ဆရာမိုးတို့အကြောင်း ပြုပြီး ရင်းနှီးခွင့်ရခဲ့ပါတယ်။
ဘီအိုစီကန်တင်းက ရုံးဘေး သထုံလမ်း ခရေပင်တန်းလမ်းဘေးက အဆောင် နှစ်ဆောင်ဖြစ်ပါတယ်။ အဆောင်တစ်ခုမှာ ဈေးသည်နှစ်ဦးကျစီ ကန်ထရိုက်ချထား ပါတယ်။ ရှေ့ကအဆောင်မှာ “ဦးနီ+ဒေါ်ကြည်” လက်ဖက်ရည်ဆိုင်နဲ့ “ဦးချစ်စိန်+ ဒေါ်သောင်းကြည်” ဆီချက်ခေါက်ဆွဲဆိုင်။ မျက်နှာချင်းဆိုင်အဆောင်မှာတော့ အအေးစုံရောင်းတဲ့ “ဦးအောင်မြင့်” အအေးဆိုင်။
ကျွန်တော်တို့ “သောကြာဝိုင်း” စခန်းချကြတာကတော့ “ဦးနီ+ဒေါ်ကြည် လက်ဖက်ရည်ဆိုင်”မှာပါ။ ဦးနီ+ဒေါ်ကြည်တို့ကလည်း အဖွဲ့သားတွေအတွက် ရေနွေး ကြမ်း အလုံအလောက် တည်ပေးထည့်ပေးတယ်။
ဆရာမိုးနဲ့ ကျွန်တော်က သွားအတူ လာအတူ နေအတူ ( ပုဂံခြံဝင်းမှာ)၊ လုပ်အတူ (ဘာသာပြန်ဌာနမှာ)၊ စားအတူ (ရုံးမှာပဲ ထမင်းချိုင့်ယူလာပြီး ဝိုင်းဖွဲ့ စားကြတယ်)၊ ညနေ ရုံးဆင်းတော့မှ သောကြာနေ့မှာ အိမ်မပြန်ကြတော့ဘဲ ထမင်းချိုင့်လေးတွေကိုယ်စီဆွဲပြီး “ဦးနီ+ဒေါ်ကြည်”တို့ဆိုင်ကို ချီတက်ခဲ့ကြပါတော့တယ်။

*တိုက်ရိုက် ဒီမိုကရေစီ
ဒီမိုကရေစီ (လူထု-အုပ်စိုးမှု) ဟူသည် တိုင်းပြည်ရေးရာ စီမံခန့်ခွဲရာ၌ ပြည်သူ့ သဘောဆန္ဒနှင့်အညီ ဆောင်ရွက်ခြင်းကို ဆိုသည်။
ဤသည်ကိုပင်
ဒီမိုကရေစီနိုင်ငံတွင် နိုင်ငံတော်၏ အချုပ်အခြာ အာဏာသည် ပြည်သူများ၏ လက်ဝယ်၌ရှိသည်၊ သို့မဟုတ် ပြည်သူတို့မှ ဆင်းသက်သည်၊ စသဖြင့် ဆိုကြသည်။
အာဏာသည် ပြည်သူတို့လက်ဝယ်၌ ရှိ၍ ထိုအာဏာကို ပြည်သူတို့ ကိုယ်တိုင် (တိုက်ရိုက်) အသုံးပြုသော အနေအထားရှိသော် တိုက်ရိုက် ဒီမိုကရေစီ (direct democracy) (ပြည်သူတို့ကိုယ်တိုင် အုပ်စိုးမှု)ဟု ခေါ်၍၊ ပြည်သူတို့က မိမိတို့ လက်ဝယ်ရှိ အာဏာကို မိမိတို့ကိုယ်စား သုံးစွဲပေးရန်အတွက် ကိုယ်စားလှယ်များ ရွေးချယ် လွှဲအပ် သုံးစွဲစေခဲ့သော်ကိုယ်စားပြု ဒီမိုကရေစီ (representative democracy) (ကိုယ်စားလှယ်တို့ အုပ်စိုးမှု) ဟု ခေါ်ကြသည်။
တစ်ဖန်၊ ယနေ့ခေတ်တွင် နိုင်ငံတော်၏ အချုပ်အခြာအာဏာ ဟူသည်ကို ဥပဒေပြုရေးအာဏာ၊ အုပ်ချုပ်ရေးအာဏာ၊ တရားစီရင်ရေး အာဏာဟူ၍ ကဏ္ဍသုံးရပ် ခွဲခြားထားရှိရာ ကိုယ်စားလှယ်တို့ အုပ်စိုးသော စနစ်၌ ၎င်းအာဏာ သုံးရပ်လုံးကိုပင် ကိုယ်စားလှယ်များအား အပ်နှင် ထားရကြောင်း အများသိသည်။ ထို့ကြောင့် ၎င်းမှ ပြန်၍ကြည့်သော် ပြည်သူတို့ကိုယ်တိုင် အုပ်စိုးသည့် တိုက်ရိုက် ဒီမိုကရေစီစနစ်၌မူ ၎င်းအာဏာ သုံးရပ်လုံးကို ပြည်သူတို့ကိုယ်တိုင် ကိုင်တွယ် သုံးစွဲခြင်းမျိုး ဖြစ်ရလိမ့်မည်ဟု စဉ်းစားမိနိုင်သည်။
ဒါဆိုလျှင် မည်သို့ သုံးစွဲသလဲ။

#ဆက်ရန်ရှိ

Part-1
နိဒါန်း
ကျွန်တော်တို့အားလုံးစကားပြောရမည်
၁။ လေထီးမပါဘဲ လေယာဉ်ပျံတစ်စီးက ခုန်ချမလား။
သို့မဟုတ်
၂။ ညစာစားပွဲတစ်ခုမှာ တစ်ခါမျှမဆုံဖူးသူရဲ့ ဘေးမှာ ထိုင်မလား။
အကယ်၍ သင်သည် နံပါတ် ၁ ကိုရွေးချယ်လျှင် သင့်လို လူ တွေအများကြီးရှိသည်။ စကားပြောသည့်ကိစ္စသည် ကျွန်တော်တို့အားလုံး နေ့စဉ်လုပ်နေသည့်ကိစ္စ ဖြစ်သော်လည်း ကျပ်တည်းသည့် အခြေအနေများစွာ ကြုံရသလို ပို၍အဆင်ပြေ နိုင်သည့် အခြေအနေများလည်းရှိသည်။ လူအများနှင့် ဆက်ဆံ ရာ၌ဖြစ်စေ၊ လုပ်ငန်းသဘောအရဖြစ်စေ စကားပြောဆိုရာတွင် အောင်မြင်ရန်နည်းလမ်းမှာ စကားပြောခြင်းဖြင့် စတင်ရန်ဖြစ် သည်။ စကားပြောသူ တစ်ယောက်အနေဖြင့် သင့်ကိုယ်သင် မယုံကြည်လျှင်၊ စကားပြောရမည်ကို ကြောက်နေလျှင် ထိုလမ်း သည် ကြမ်းတမ်းခက်ထန်နိုင်သည်။
ထို့ကြောင့်ပင် ဤစာအုပ်ကို ချောမွေ့ သည့်လမ်း တစ် လမ်းဖြစ်ရန်အတွက် ကျွန်တော်ရေးခြင်းဖြစ်သည်။ ကျွန်တော့်အနေဖြင့် စကားပြောပြီး အသက်မွေးလာသည်မှာ ၃၇ နှစ် ရှိပြီး ရေဒီယိုနှင့် ရုပ်မြင်သံကြား အသံလွှင့်ထုတ်မှုများ၌ မီခေးလ်ဂေါ်ဗာချော့မှ အစ မိုက်ကယ်ဂျော်ဒန်အဆုံး ပုဂ္ဂိုလ်ပေါင်းများစွာနှင့် စကားပြောဆိုခဲ့ရသည်။ ရဲများ မှအစ အရောင်းသမားများအဆုံး အုပ်စုပေါင်းများစွာကို လည်းမိန့်ခွန်းများ မှန်မှန်ပြောဆိုခဲ့သည်။ နောက်လာမည့် စာမျက်နှာများ၌ တစ်ဦးချင်းကို ပြောသည်ဖြစ်စေ၊ ရာပေါင်းများ စွာကို ပြောသည်ဖြစ်စေ ကျွန်တော်ဆည်းပူးခဲ့ရသည့် သင်ခန်းစာ များအကြောင်းကို ဖော်ပြထားသည်။
ကျွန်တော့်အတွက် စကားပြောဆိုခြင်းသည် ဘဝ အတွက် ပျော်စရာအကောင်းဆုံး ကိစ္စတစ်ခုဖြစ်ပြီး ကျွန်တော် အမြဲတမ်း လုပ်ချင်သည့် ကိစ္စတစ်ခုဖြစ်သည်။ ကျွန်တော် ငယ်စဉ်ကကိစ္စနှင့်ပတ်သက်၍ မှတ်မိသမျှတစ်ခုမှာ ဘရုကလင်း တွင် ၈၆ လမ်းနှင့် ဘေးပတ်ခ်ဝေးထောင့်၌ ရပ်ကာ ဖြတ်သန်း မောင်းနှင်လာသည့် ကားများကို မည်သည့်နိုင်ငံကလုပ်ကြောင်း ကြေညာသည့်အချိန်က ဖြစ်သည်။ ထိုအချိန်က ကျွန်တော်သည် ခုနစ်နှစ်သား အရွယ်သာဖြစ်ပြီး ကျွန်တော့်သူငယ်ချင်းများက ကျွန်တော့်ကို “လေအိုးကြီး”ဟုခေါ်ကြသည်။ ထိုအချိန်ကစတင် ၍ ကျွန်တော် စကားပြောနေသည်။
ထိုအချိန်ကစ၍ ယခုအချိန်ထိ ကျွန်တော့်၏ မိတ်ဆွေ ကောင်းဖြစ်နေသော ဟာ့ဘ်ကိုဟင်က အဲဘတ်စ်ကစားကွင်း၌ ဒေါ့ဂျား ဘယ်လိုကစားသည်ကို ဘယ်လိုအသံလွှင့်ကြောင်း ပြော လေ့ရှိသည်။ ကျွန်တော့်ဘာသာ ကျွန်တော် အမှတ်ပေးသည့် ကတ်ပြားများယူကာ ထိုပွဲစဉ်ကို အသံလွှင့်ပုံလုပ်လေ့ရှိသည်။ ထို့နောက် အိမ်ပြန်လာပြီး ကျွန်တော့်မိတ်ဆွေများအား ကစားပွဲ နှင့်ပတ်သက်၍ အစစအရာရာ ပြန်ပြောသည်။ ဟာ့ဘ်က “လယ်ရီဟာ အဲဘတ်ကစားကွင်းကို သွားတယ်၊ အဲဒီပွဲဟာ ၂ နာရီနဲ့ ၁ဝ မိနစ် ကြာတယ်ဆိုရင် လယ်ရီက အဲဒီပွဲကို ၂ နာရီ ၁ဝ မိနစ်ကြာအောင် ပြောနိုင်တယ်” ဟူ၍ ပြောလေ့ရှိ သည်။ ဟာဘီနှင့်ကျွန်တော် ၁၀ နှစ်သားအရွယ်က ကျောင်း အုပ်ကြီးရုံးခန်းတွင် ပထမဆုံးတွေ့ ခဲ့ကြသည်။ ကျွန်တော် ရုံးခန်း ထဲဝင်သွားသည့်အခါ သူကရောက်နေသည်။ ယခုအခါ ကျွန်တော်တို့ အဘယ်ကြောင့် ကျောင်းအုပ်ကြီးရုံးခန်းသို့ အပို့ ခံရသည်ကို မမှတ်မိကြသော်လည်း ကျွန်တော်တို့နှစ်ယောက် စလုံး အတန်းထဲမှာ စကားပြော၍ဖြစ်နိုင်သည်။

#ဆက်ရန်ရှိ

တံငါနားနီးတံငါတယ့်

DeepSeek လိုမျိုး AI Model တွေ ထုတ်မယ့် ယူအေအီး
AI နည်းပညာပြိုင်ဆိုင်မှုက အရှေ့အလယ်ပိုင်း အာရပ်သူဌေးတွေဆီပါ ကူးစက်လာနေပါတယ်။
အခုဆို ယူအေအီးကလည်း AI model သစ်တွေ ထုတ်သွားမယ့်အကြောင်း ပြောလာပါတယ်။ ယူအေအီးအာဏာပိုင်တွေက တန်ဖိုးနည်း တရုတ် DeepSeek နည်းပညာကို အားကျပြီး DeepSeek စတိုင် AI တွေ ဖန်တီးတော့မှာပါ။
ဒူဘိုင်းမှာ ဒီတစ်ပတ် ကျင်းပနေတဲ့ ကမ္ဘာ့အစိုးရများဆန်းမစ်မှာ ယူအေအီးနိုင်ငံ အဆင့်မြင့်နည်းပညာသုတေသနကောင်စီ ဥက္ကဌ ဖိုင်ဆယ် အယ်လ် ဘန်နိုင်းက ဒီသတင်းစကား ပေးသွားတာပါ။
"အံ့ဖွယ်သတင်းပါပဲ။ ဒီဂိမ်းက အခုမှ အစပဲ ရှိသေးတယ်လို့ သက်သေပြသွားတာ" ဆိုပြီး DeepSeek ကြောင့် အမေရိကန်စတော့တွေ ကသောင်းကနင်း ဖြစ်ကုန်တာကို ဘန်နိုင်းက ညွှန်းခဲ့ပါတယ်။
ဘန်နိုင်းက ယူအေအီးရဲ့ AI model ဖြစ်တဲ့ Falcon ကို ထုတ်ခဲ့တဲ့နောက်ကွယ်က ခေါင်းဆောင်ပါ။ ၂၀၂၃ မှာ ထွက်ခဲ့တဲ့ Falcon က Large Language Model လောကမှာ OpenAI ထုတ် ChatGPT လို ထိပ်တန်း မော်ဒယ်တွေနဲ့ ယှဉ်နိုင်စွမ်းရှိခဲ့ပါတယ်။
ယူအေအီးမှာက Falcon အပြင် အာရေဗျစကားသုံး Jais AI chatbot လည်း ထုတ်ထားပါတယ်။ အခုတော့ AI ခေတ်ဦးကို အမှီလိုက်ဖို့ အသေအချာပြင်ဆင်လာပုံပါပဲ။ ယူအေအီးလိုပဲ ဆော်ဒီအာရေဗျနိုင်ငံကလည်း AI ဒေတာစင်တာမှာ ဒေါ်လာ ၅ ဘီလျံ ရင်းနှီးမြှပ်နှံဖို့ ပြင်နေပါတယ်။
ရေနံလောင်စာနဲ့ ချမ်းသာတဲ့နိုင်ငံတွေတော့ နည်းပညာအစွမ်းနဲ့ စီးပွားရေးကို မြှင့်ဖို့ အသင့်ဖြစ်နေပြီလို့ ဆိုရမှာပါ။

မတ်လ ၂ ရက်မှာ Xiaomi 15 Ultra မိတ်ဆက်မည်
ဖေဖော်ဝါရီ ၂၆ လို့ ခန့်မှန်းနေကြပေမဲ့ Xiaomi ဘက်ကနေ နောက်လ မတ်လ ၂ ရက်နေ့မှာ မိတ်ဆက်သွားမယ်ဖြစ်ကြောင်း confrim လိုက်ပါပြီ။ လောလောဆယ် China မှာတော့ Blind Pre-order မှာယူနိုင်ပြီလို့ ဆိုထားပါတယ်။

စျေးကွက်အတွင်း ဆေးဝါးမှတ်ပုံတင်မရှိသော OXYTOCIN ဆေးများ သုံးစွဲရန်မသင့်ကြောင်း FDA သတိပေး

ဖေဖော်ဝါရီ ၁၇

စျေးကွက်အတွင်း၌ ဆေးဝါးမှတ်ပုံတင်မရှိသော OXYTOCIN ဆေးများ ရောင်းချမှုများရှိနေပြီး သုံးစွဲရန် မသင့်ကြောင်း အစားအသောက်နှင့် ဆေးဝါးကွပ်ကဲရေးဦးစီးဌာန (FDA) က ယနေ့ (ဖေဖော်ဝါရီလ ၁၇ရက်) တွင် အသိပေးထုတ်ပြန်ထားသည်။

အစားအသောက်နှင့်ဆေးဝါးကွပ်ကဲရေးဦးစီးဌာနအနေဖြင့် ဈေးကွက်ရှိဆေးဝါးများကို ပုံမှန်စစ်ဆေးလျက်ရှိပြီး အရည်အသွေး၊ အာနိသင၊ ဘေးအန္တရာယ်အာမခံချက်မရှိသည့် ဆေးဝါးမှတ်ပုံတင်မရှိသော OXYTOCIN ဆေးများကို ဈေးကွက်အတွင်းရောင်းချနေခြင်းအားတွေ့ရှိရသည်ဟုဆိုသည်။

ထိုသို့တွေ့ရှိရသဖြင့် ပြည်သူများ သတိပြုနိုင်ရန် နှင့် သုံးစွဲခြင်းမှရှောင်ကျဉ်နိုင်ရန် မှတ်ပုံတင်ရှိသောဆေးဝါးနှင့် တရားမဝင်ဆေးဝါးများကို FDA က နှိုင်းယှဉ်အသိ ပေးထုတ်ပြန်ထားသည်။

တရားဝင် တင်သွင်းထားသော OXYTOCIN ဆေးဘူးနှင့် ဆေးကဒ်များတွင် မြန်မာနိုင်ငံ၏ ဆေးဝါးမှတ်ပုံတင် အမှတ် (Mya Reg 2807EA02536) ပါရှိကြောင်း သိရသည်။ စာသားများကိုလည်း အင်္ဂလိပ်ဘာသာဖြင့် ဖော်ပြထားကြောင်း သိရသည်။

ထို့ပြင် တရားမဝင် တင်သွင်းထားသော OXYTOCIN ဆေးဘူးနှင့် ဆေးကဒ်များတွင် မြန်မာနိုင်ငံ၏ ဆေးဝါးမှတ်ပုံတင်အမှတ်မပါရှိသည့်အပြင် စာသားများမှာ ပါကစ္စတန်ဘာသာဖြင့် ဖော်ပြထားကြောင်း FDA က အသိပေး ထားသည်။

#သတင်းဟင်းလေးအိုးကြီး

Premium လို့ဆိုထားပေမဲ့ အခမဲ့သုံးနိုင်မယ့် Perplexity ရဲ့ DeepResearch

Perplexity AI က Research ပိုင်းနဲ့ပတ်သက်ပြီး နာမည်ကြီးတာဆိုတော့ ဒီတစ်ခေါက်အသစ်ထွက်လာတဲ့ DeepResearch ကတော့ ပိုပြီးတောင် ကောင်းမယ်လို့ ဆိုရမှာပါ။

DeepResearch ဆိုတော့ DeepSeek R1 နဲ့အလားတူပဲ ကိုယ်မေးလိုက်တဲ့ အကြောင်းအရာတွေကို AI ဘက်က ဘယ်လိုစဉ်းစားပေးလဲ၊ စဉ်းစားလို့ရလာတဲ့ အချက်အလက်တွေကို Research ပုံစံ အသေးစိတ်ဖော်ပြပေးမှာဖြစ်ပါတယ်။ (ဘယ်လိုမျိုးလဲဆိုတာ DeepSeek R1 သုံးတဲ့သူဆို သိပါလိမ့်မယ်)

Perplexity ဘက်က DeepResearch ကို Premium AI လို့လည်း ဆိုထားတာမို့ အခမဲ့သုံးတဲ့အခါမှာ ကန့်သတ်ချက်တော့ရှိပါတယ်။ သူက တစ်ရက်ကို ၅ ကြိမ်သုံးလို့ရမယ်။ အကယ်၍ သင်က Perplexity Pro user ဆိုရင်တော့ တစ်ရက်ကို အကြိမ် ၅၀၀ တောင် သုံးလို့ရနိုင်မှာပါ။ (Perplexity Pro က တစ်လကို ဒေါ်လာ 20 ပါ)

တစ်ရက် ၅ ကြိမ်အခမဲ့သုံးနိုင်တာက မဆိုးဘူးလို့ဆိုရမှာပါ။ ဘာလို့ဆို DeepResarch ကို ChatGPT Pro နဲ့ Gemini Advanced မှာဆိုရင် ဒေါ်လာ 200 နီးပါးပေးမှ သုံးလို့ရတာမို့ပါ။ နောက်ပြီး DeepResearch ဟာ အခြား AI model တွေ မိနစ် ၃၀ ကြာ reasearch လုပ်နေချိန်မှာ အချိန် ၃ မိနစ်ထဲနဲ့ အချက်အလက်တွေ ထုတ်ပေးနိုင်တဲ့အပြင် တိုတိုနဲ့လိုရင်း နားလည်လွယ်အောင် သေချာရှင်းပြပေးနိုင်တယ်လို့လည်း ဆိုပါတယ်။

ဘယ်လိုပဲဖြစ်ဖြစ် စမ်းသုံးကြည့်ပါ။ ကိုယ်မေးချင်တဲ့အကြောင်းအရာကို ရေးပြီး DeepResearch ကို နှိပ်လိုက်ရုံပါပဲ။ လောလောဆယ်တော့ DeepResearch ကို Web သီးသန့်ပဲ သုံးနိုင်ပါဦးမယ်။ Mac, iOS နဲ့ Android apps တွေမှာတော့ မကြာခင်သုံးနိုင်မယ်လို့ ဆိုထားပါတယ်။