လူတူစက်ရုပ်က ဆန်ဖရန်စစ္စကို ညကလပ်မှာ DJ နဲ့ ဖျော်ဖြေခဲ့
===================================
စက်ရုပ်တွေကို နယ်ပယ်ပေါင်းစုံမှာ အသုံးပြုလာကြပြီး အခုတော့ အနုပညာရှင် စက်ရုပ်တွေလည်း ထွက်ပေါ်လာပါပြီ။
Foundation Robotics Lab က တီထွင်ထားတဲ့ Phantom MK1 လူတူစက်ရုပ်ဟာ ဆန်ဖရန်စစ္စကို ညကလပ်ရဲ့ ၂၅ နှစ်ပြည့် အထိမ်းအမှတ် “GigaParty” မှာ DJ နဲ့ ဖျော်ဖြေခဲ့ပါတယ်။ စက်ရုပ်ဟာ သီချင်းတွေ ပြောင်းဖွင့်တဲ့အခါမှာ လျှင်မြန်သလို တိကျပါတယ်။ DJ တီးခတ်စဉ်မှာ လက်ချောင်းတွေဟာ ချောမွတ်ပြီး တည်ငြိမ်တာကို တွေ့ရပါတယ်။
စက်ရုပ်ရဲ့ အောက်ပိုင်းမှာ ဟန်ချက်ညီအောင် ပြုလုပ်ပေးတဲ့ စနစ်ကို ထည့်သွင်းထားပြီး ကိုယ်ထည် အထက်ပိုင်းမှာ Processor , Cameras , Batteries နဲ့ Sensors တွေ တပ်ဆင်ထားပါတယ်။
Phantom MK1 ရဲ့ အလေးချိန်ဟာ ၁၇၅ ပေါင် ရှိပြီး အရပ်အမြင့်က ၁.၇၅ မီတာ (၅ ပေ ၉ လက်မ) ရှိပါတယ်။ စက်ရုပ်ဟာ ၂၀ ကီလိုဂရမ် (၄၄ ပေါင်) အလေးချိန်ရှိတဲ့ ပစ္စည်းတွေကို သယ်ဆောင်နိုင်ပါတယ်။ စက်ရုပ်ဟာ DJ တီးခတ်တာတင်မကဘဲ အဖျော်ယမကာကိုလည်း ဖျော်နိုင်ပါတယ်။

AI လူတူစက်ရုပ်ထုတ်ဖို့ အပြိုင်အဆိုင် သတင်းထွက်လာတဲ့ Apple နဲ့ Meta
Meta ကနေ AI နည်းပညာသုံး လူတူစက်ရုပ်တွေထုတ်ဖို့ ဘတ်ဂျက်များများသုံးသွားမယ်လို့ သတင်းထွက်နေသလို တစ်ဖက်မှာလည်း Apple ကလည်း လူသားတွေကို အကူအညီပေးနိုင်တဲ့ ဈေးနှုန်းအသက်သာဆုံးနဲ့ ဝယ်ယူနိုင်အောင် စီစဉ်နေတယ်လို့ ဆိုပါတယ်။
Meta အနေနဲ့ စက်ရုပ်ထုတ်ဖို့ သတင်းတွေထွက်ခဲ့ဖူးပေမဲ့ နောက်ပိုင်းမှာတော့ စက်ရုပ်ကုမ္ပဏီတွေကိုသာ AI နည်းပညာတွေ ရောင်းချသွားမယ်ဆိုပြီး ရည်ရွယ်ခဲ့တာပါ။ အဲ့အတွက်လည်း Figuer AI တို့လို စက်ရုပ်ကုမ္ပဏီတွေနဲ့ ဆွေးနွေးခဲ့ပါသေးတယ်။ ဒါပေမဲ့လည်း ဘယ်အကြောင်းကြောင်းနဲ့ Meta နာမည်နဲ့ စက်ရုပ်တွေ ထုတ်ဖို့ ရည်ရွယ်လာသလဲမပြောတတ်ပါဘူး။
နောက်တစ်ခု လူတူစက်ရုပ်တွေ ထုတ်လာဖို့ သတင်းထွက်နေတဲ့ ကုမ္ပဏီတွေထဲ Apple ပါလာတာပါ။ Apple ဟာ လူတူစက်ရုပ်တွေ ထုတ်လုပ်သွားဖို့ ထိပ်တန်းအင်ဂျင်နီယာတွေကို ငှားရမ်းနေတယ်ဆိုပြီး သတင်းထွက်လာတာပါ။ ဒါပေမဲ့လို့ အတိအကျတော့ မဟုတ်သေးပါဘူး။ ခန့်မှန်းထားတာပဲ ရှိသေးတယ်။ ပြီးတော့ ထုတ်မယ်ဆိုရင်တောင် 2028 လောက်မှ တွေ့နိုင်မှာပါ။ နောက်ပြီး Apple ရဲ့ လူတူစက်ရုပ်တွေဟာ ဈေးနှုန်းသက်သာဦးမယ်လို့လည်း ဆိုပါတယ်။
နယ်ပယ်တစ်ခုချင်းစီမှာ အပြိုင်အဆိုင်တွေကတော့ တစ်နေ့ထက်တစ်နေ့ ပိုပိုများပြားလာနေတာပါပဲ။ ကျွန်တော်တို့ကတော့ စောင့်ကြည့်မယ်။ ဝေဖန်မယ်။ အသုံးပြုမယ်။ ဒါပဲပေါ့ဗျာ...

ချဲလ်ဆီးအသင်းဟာ လီဗာပူးလ်အသင်းဂိုးသမားကယ်လ်ဗင်ကလာဟဲလ်ရဲ့အနေအထားကိုအနီးကပ်စောင့်ကြည့်မှုရှိနေပြီး နွေရာသီကာလမှာအသင်းဆီခေါ်ယူအားဖြည့်ဖို့ရှေ့ဆက်လုပ်ဆောင်ဖွယ်ရှိတယ်လို့ မန်ချက်စတာယူနိုက်တက်အသင်းရဲ့ကင်းထောက်အဖွဲ့ခေါင်းဆောင်ဟောင်းမက်ခ်ဘရောင်းန်က Football Insider သတင်းကိုပြောဆိုခဲ့ပါတယ်။

အသက် ၂၆ နှစ်အရွယ်ကလာဟဲလ်ဟာ အသင်းဆီ ဂိုးသမားဂျော်လ်ဂျီမာမာလ်ဒါချဗီလီပြောင်းရွှေ့လာခဲ့ပြီးနောက်ပိုင်း အသင်းရဲ့တတိယဂိုးသမားဖြစ်လာခဲ့တဲ့နောက် အန်ဖီးလ်ကွင်းကနေပြောင်းရွှေ့ထွက်ခွာဖွယ်ရှိနေပါတယ်။ဒီရာသီကာလမှာအယ်လ်လီဆွန်ဒဏ်ရာရရှိနေတုန်းပွဲထွက်ကစားခွင့် ၁၇ ပွဲပါဝင်ကစားထားခဲ့ရပေမဲ့ အာလ်နေးစလော့ဒ်ရဲ့နံပါတ်တစ်ဂိုးသမားနေရာရရေးအတွက်ခက်ခဲနေပုံရပါတယ်။

သူတို့အသင်းဟာ လီဗာပူးလ်အသင်းကကလာဟဲလ်ကိုစောင့်ကြည့်မှုရှိနေပါတယ်။သူဟာ ကောင်းမွန်တဲ့ဂိုးသမားဖြစ်ပြီး ချဲလ်ဆီးအသင်းအတွက်ကောင်းမွန်တဲ့ရွေးချယ်မှုဖြစ်တယ်လို့ကျနော်ထင်ပါတယ်။သူကစားရတဲ့ဘယ်အခါမဆို အထင်ကြီးစရာကောင်းတဲ့ကစားပုံတွေပြသနိုင်ပြီး တိုက်ဆိုင်ရုံပဲ့လက်စွမ်းပြနိုင်တာမျိုးမဟုတ်ပါဘူး။ဒီဟာကသူ့ရဲ့အဆင့်အတန်းဖြစ်ပါတယ်လို့ ဘရောင်းန်ကဖွင့်ဟပြောဆိုခဲ့ပါတယ်။

ခြင်္သေ့ပြာအသင်းမှာလည်း ရောဘတ်ဆန်းချက်ဇ်နဲ့ပတ်သက်ပြီးယုံကြည်မှုပိုင်းအရပြသနာရှိနေပါတယ်။သူတို့အသင်းအနေနဲ့နွေရာသီကာလမှာဂိုးသမားသစ်ခေါ်ယူရေးအတွက်ငွေကြေးပုံအောသုံးဖို့ကြောက်ရွံ့မှုမရှိဘူးဆိုတာလည်းသိပါတယ်။

ဒါကြောင့်သူတို့အသင်းအနေနဲ့ကလာဟဲလ်ရဲ့အနေအထားကိုတဖြေးဖြေးစောင့်ကြည့်နေပြီးတကယ်လို့သူ့အနေနဲ့ပြောင်းရွှေ့ဖို့အဆင်သင့်ဖြစ်မယ်ဆိုရင် ချဲလ်ဆီးအသင်းကလည်း စိတ်ဝင်စားနေတဲ့အသင်းတွေထဲကတသင်းဖြစ်လာမှာဖြစ်ပြီး သူ့အနေနဲ့ချဲလ်ဆီးအသင်းနဲ့ဒီထက်မကပိုကောင်းအောင်လုပ်ဆောင်နိုင်မယ်ဆိုတာကျနော်ထင်ပါတယ်လို့ ထပ်မံဖြည့်စွက်ပြောဆိုခဲ့ပါတယ်။
 
#ဘောလုံးသတင်းစုံ

Action/ Spy ( IMDb - 7.8 )
———————————————
၂၀၁၈ ခုနှစ်ရဲ့ အကောင်းဆုံး ရုပ်ရှင်ဇာတ်ကားဆုရရှိထားတဲ့ မိန်းမသူလျို စပိုင်ကားကောင်း တစ်ကားပါ။ 🥰

အိန္ဒိယနဲ့ပါကစ္စတန် နှစ်နိုင်ငံဟာ မတည့်လိုအမြဲစစ်ဖြစ်နေတဲ့ နိုင်ငံနှစ်ခုပါ။ အခုလည်း စစ်ဖြစ်မဲ့အနေအထားမှာ လင်မယား နှစ်ယောက်။ ယောက်ျားဖြစ်သူက ပါကစ္စတန်စစ်တပ်ရဲ့ထိပ်တန်းအကြီးအကဲမိသားစု၊ မိန်းမဖြစ်သူက အိန္ဒိယကလွှတ်လိုက်တဲ့ အထူးလေ့ကျင့်ထားတဲ့အိန္ဒိယစပိုင် သူလျို။ ဒီလောက်ဆို စိတ်ဝင်စားဖိုကောင်းနေပြီထင်ပါတယ်။

ကလေးဆန်ပြီး ချစ်စရာကောင်းတဲ့ မင်းသမီးလေး Alia Bhatt အဓိကပါဝင်သရုပ်ဆောင်ထားပြီး Rating 7.8 အထိရရှိထားတဲ့ စပိုင် ကားလေးပါ။ 1971 ခုနစ် အိန္ဒိယနဲ့ ပါကစ္စတန် စစ်ပွဲ ကို အခြေတည် ရိုက်ကူးထားတဲ့ကားဖြစ်ပြီး ဒီကားလေးမှာ ပေးချင်တဲ့ မက်ဆေ့တွေက အရမ်းကောင်းပါတယ်။

ကိုယ့်နိုင်ငံရဲ့အကြီးအကဲတွေ ဘယ်လောက်ပဲ မကောင်းဖြစ်နေပါစေ။ ကိုယ့်နိုင်ငံကိုတော့ ကိုယ်ချစ်တတ်ရပါမယ်ဆိုတဲ့စိတ်လေးပါ။

#crd
#storymode

ကျားဖြန့်နှိမ်နင်းရေး ထိုင်းက စက်သုံးဆီဖြတ်မှု လူထုပိုထိခိုက်

ဖေဖော်ဝါရီ ၁၇

ထိုင်း-မြန်မာနယ်စပ်ဒေသရှိ ကျားဖြန့်လုပ်ငန်းများအား နှိမ်နင်းရန် ထိုင်းအစိုးရမှ လျှပ်စစ်မီးနှင့် လောင်စာဆီ ဖြန့်ဝေမှုများကို ဖြတ်တောက်ထားခြင်းကြောင့် ကျားဖြန့်လုပ်ငန်းထက် ဒေသခံလူထုကို ပိုမိုထိခိုက်စေကြောင်း မြဝတီဒေသခံအချို့က ပြောသည်။

ထိုင်းနိုင်ငံမှပေးသည့် လျှပ်စစ်မီးများကို မြဝတီဆေးရုံကြီး၊ ဘဏ်လုပ်ငန်းနှင့် အခြား တရုတ်စီးပွားရေး လုပ်ငန်း များကသာ အသုံးပြုကြခြင်းဖြစ်ပြီး ဒေသခံလူထုမှာမူ ဒေသတွင်း လျှပ်စစ်မီးကိုသာ သုံးစွဲကြသဖြင့် ပြဿနာမရှိ ကြောင်း ၎င်းက ပြောသည်။

ထိုင်း-မြန်မာနယ်စပ် ဒေသခံများသည် ထိုင်းဘက်မှ စက်သုံးဆီများကို အားထားနေရသောကြောင့် ယခုကဲ့သို့ ထိုင်းဘက်မှ ပိတ်လိုက်သဖြင့် တစ်လီတာကို ပုံမှန် ၇၀၀၀ ကျပ် ဝန်းကျင်ပေးရသည်မှ ယခုအခါတွင် ၁၅,၀၀၀ ကျပ်အထိ ပေးနေရကြောင်း အလင်းသစ်လူမှုကူညီရေးအသင်းမှ တာဝန်ရှိသူတစ်ဦးက ပြောသည်။

၎င်းက “လောင်စာဆီ ဖြတ်တောက်တာနဲ့ပတ်သက်ပြီး မြဝတီပြည်သူတွေကတော့ အကုန်လုံးလိုလို အားလုံးပေါ့။ ကျနော်တို့ အပါအဝင် အားလုံး အခက်တွေ့သွားတယ်။ အခက်တွေ့သွားတယ်ဆိုတာက ကျနော်တို့ အဓိကက ထိုင်းဘက်ကမ်းက လောင်စာဆီကိုပဲ အားကိုးပြီး ရပ်တည်နေရတာဆိုတော့ သူတို့ဖြတ်တောက်လိုက်တော့ ဆိုင်တွေမှာ ဆီကို အချိန်ပိုင်းပဲ ရောင်းပေးတယ်။ ရှိတဲ့အချိန်ပေါ့။ မရှိရင်တော့ ဆိုင်ပိတ်ထားတာပေါ့။ ရှိတဲ့အချိန် ရောင်းပေးတဲ့အချိန်မှာ တိုးဝှေ့ပြီး ဝယ်ကြရတာပေါ့။ စက်သုံးဆီကတော့ ပုံမှန်ထက် ဈေးတက်တယ်။ အခုက မြဝတီမှာ မှောင်ခိုဈေးကွက်တစ်ခု ပေါ်လာတာပေါ့ နှစ်ဆလောက်ကို တင်ပြီးတော့ အပြင်ဈေးတွေနဲ့ ရောင်း နေကြတာ။ မြဝတီမြို့ထဲကို တစ်ပိုင်တစ်နိုင်လောက်ပဲ ဝင်တာရှိတယ်။ ဆီဘောက်စာ ကားကြီးတွေနဲ့ ဝင်တာ တော့ မရှိဘူး။ အောက်ကနေတက်တာ ရိုးရိုး ဆီပေပါပေါ့ လီတာ ၂၀၀ ကျော်တွေနဲ့ပဲ ဝင်တာရှိတယ်။ တစ်ပိုင် တစ်နိုင်ကားတွေနဲ့ အပေါ်တင်ပြီး ရောင်းတာမျိုးတွေပဲ ရှိတယ်။ စက်သုံးဆီကတော့ ဒေသခံ ပြည်သူ အားလုံးပဲ ပြောရမှာပေါ့။ ဒုက္ခရောက်နေတာမျိုးတွေ့ရတယ်” ဟု ပြောသည်။

အွန်လိုင်းငွေလိမ်လုပ်ငန်း ကျားဖြန့်များအား နှိမ်နှင်းရန် ထိုင်းအာဏာပိုင်များက မြဝတီမြို့ အပါအဝင် ထိုင်း-မြန်မာနယ်စပ် နေရာ ၅ ခုကို ဖေဖော်ဝါရီ ၅ ရက်နေ့မှ စတင်ကာ လျှပ်စစ်မီး၊ အင်တာနက်နှင့် လောင်စာဆီများ ဖြတ်တောက်ထားခြင်းဖြစ်သည်။

ထို့ပြင် ဖေဖော်ဝါရီ ၁၂ ရက်နေ့မှ စတင်ကာ မိုဘိုင်းဖုန်း၊ အင်ဗက်တာ၊ ဆိုလာပြား စသည့် လျှပ်စစ်ပစ္စည်းများ အပါအဝင် ထိုင်းနိုင်ငံ၏ ထုတ်ကုန် ၁၂ မျိုးကိုလည်း မြန်မာပြည်ထဲ တင်ပို့ခွင့်ကို ထပ်မံပိတ်ပင်လိုက်ခြင်းဖြစ်သည်။

လျှပ်စစ်မီးကို ထိုင်းဘက်မှ ဖြတ်တောက် လိုက်သည့်အတွက် မြဝတီဆေးရုံကြီးတွင် အနည်းငယ် ဒုက္ခရောက် သွားစေကြောင်းလည်း ဒေသခံများထံက သိရသည်။

ယခုကဲ့သို့ လျှပ်စစ်မီး ဖြတ်တောက်တာလောက်က ကျားဖြန့်လုပ်ငန်းတွေအတွက် လုပ်ငန်းနှောင့်နှေးသွားစေရုံ ဖြစ်ပြီး လူထုကိုသာ ထိခိုက်စေခြင်းဖြစ်သည်ဟု ငြိမ်းချမ်းရေးလုပ်ငန်းစဉ်တွင် ပါဝင်လုပ်ဆောင်နေသူ ဦးခွန်းဆိုင် က CNI သတင်းဌာနသို့ ပြောသည်။

၎င်း “အခုလောလောဆယ် ကျနော်တို့ အပေါ်ယံ ကြည့်မယ်ဆိုရင်တော့ မထိရောက်သေးဘူး။ လျှပ်စစ်မီးဖြတ် တာတို့က ရေတိုမှာ ကြည့်လိုက်မယ်ဆိုရင် ကျားဖြန့်လုပ်နေတဲ့ လူတွေအတွက်ကတော့ သူတို့ရဲ့ လုပ်ငန်း နည်းနည်း နှောင့်နှေးသွားတာပဲ ဖြစ်လိမ့်မယ် မပျက်ဘူးပေါ့။ ထိသွားတာကတော့ လူထုပဲဖြစ်တယ်ဆိုတာ အားလုံးမြင်နေကြရတာပဲ။ ဒါကြောင့်မို့လို့ မငြိမ်မသက်ဖြစ်အောင် ဆွပေးချင်တဲ့ လူတွေအတွက်ကလည်းအကွက် ကောင်း ဖြစ်တာပေါ့ လူထုက မကျေနပ်တော့။ ဒီကိစ္စကို ထိုင်းဘက်ကို မေးကြည့်တော့ ထိုင်းဘက်ကလည်း ဒါတွေကို သူတို့လည်း မျက်ခြေမပြတ် ကြည့်နေပါတယ်ပေါ့။ မကြာခင်လည်း သူတို့ ပြန်ဆန်းစစ်သုံးသပ်ပြီး ဘယ်လို ပြောင်းလဲသင့်တယ်ဆိုလည်း သူတို့ပြောင်းပါ့မယ်လို့ ပြောတယ်” ဟု ပြောသည်။

လက်ရှိတွင် ထိုင်းနှင့်မြန်မာတို့ ပူးပေါင်း၍ အွန်လိုင်းငွေလိမ်လုပ်ငန်း ကျားဖြန့်များအား နှိမ်နင်းရေးကို တင်းကြပ် စွာ ကိုင်တွယ်ဆောင်ရွက်နေသကဲ့သို့ တရုတ်ဘက်မှလည်း ဖိအားပေးမှုများ ရှိနေသည်။

ထို့ပြင် ကျားဖြန့်လုပ်ငန်း၌ ပါဝင်သည်ဟု သံသယရှိသူများကိုလည်း ထိုင်းအရာရှိများမှ စုံစမ်းအရေးယူမှုများ ရှိကြောင်း ထိုင်းသတင်းတွေ၌ ဖော်ပြထားသည်။

ပုံ - မြဝတီမြို့မှ ဒေသခံများ ထိုင်းဘက်ကို စက်သုံးဆီထည့်ရန်သွားနေကြစဉ်

#centralnewsnaypyitaw

ရေဘေးကြောင့် ပုံးအင်းဒေသ ကျေးရွာပေါင်း ၂၅ ရွာမှာ မျိုးစပါး အကူအညီ လိုအပ်နေ

ဖေဖော်ဝါရီ ၁၇

ရေဘေးကြောင့် စပါးမျိုးတွေ ပျက်စီးသွားတဲ့ ရှမ်းပြည်နယ်တောင်ပိုင်း၊ ပုံးအင်းဒေသက ကျေးရွာပေါင်း ၂၅ရွာဟာ လက်ရှိအချိန်မှာ မျိုးစေ့အတွက် အကူအညီ လိုအပ်နေပြီး စပါးစိုက်တောင်သူတွေအနေနဲ့ အခက်အခဲတွေ ကြုံတွေ့နေရတယ်လို့ ဒေသခံတောင်သူတွေထံကနေ သိရပါတယ်။

ရှမ်းပြည်နယ်တောင်ပိုင်းမှာ ဆန်စပါးအများဆုံးထွက်ရှိပြီး စပါးကျည်လို့ ခေါ်ဝေါ်ကြတဲ့ ပုံးအင်းဒေသဟာ တောင်ကြီး၊ ဆီဆိုင်၊ ဟိုပုံးစတဲ့မြို့နယ် ၃ခုထဲမှာ ပါဝင်သလို အဲဒီဒေသမှာ ပြီးခဲ့တဲ့ စက်တင်ဘာလ၊ ဒုတိယပါတ်အတွင်းက မိုးသည်းထန်စွာရွာသွန်းကာ ရေကြီးရေလျှံကာ ရေလွှမ်းမိုးမှုဖြစ်ပေါ်ခဲ့တာကြောင့် လာမယ့် စပါးစိုက်ရာသီအတွက် သိမ်းဆည်းထားတဲ့ စပါးမျိုးစေ့ တင်းပေါင်းသိန်းချီ ပျက်စီးခဲ့ရတယ်လို့ ဆိုပါတယ်။

ဟိုပုံးနဲ့ ဆီဆိုင်မြို့နယ်ဖက်အခြမ်းကတော့ ဒေသဦးစီးအဖွဲ့ကို စာတင်ထားတယ်။ တောင်ကြီးဖက် အခြမ်းကတော့ စိုက်ပျိုးရေးဦးသီးဌာနကို စာတင်ထားတယ်။ ပြီးခဲ့တဲ့ လကတည်းက တင်ထားတာ၊ အခုထိတော့ အကြောင်းမပြန်လာသေးဘူး။ နွေစပါးက စိုက်ရတော့မှာဆိုတော့ အခက်အခဲက တော်တော်ဆိုးတယ်။ မျိုးစေ့က ရေဘေးကြောင့် လုံးဝမကုန်တော့တာလို့ တောင်သူတယောက်က ပြောပါတယ်။

ရေဘေးကြောင့် ကျေးရွာ ၂၅ရွာက စပါးစိုက်ဧကပေါင်း ၃၀၀ ဧကကျော် ပျက်စီးကုန်သလို စပါးမျိုးတွေပါ ပျက်စီးကုန်လို့ လယ်တွေပြန်မစိုက် နိုင်တော့တာ၊ စိုက်ဖို့အရင်းအနှီးမရှိတော့တာတွေအတွက် လယ်သမားရာချီဒုက္ခ ရောက်နေသလို မိသားစုဝင် ထောင်ချီအခက်ကြုံနေကြရတာလို့ သိရပါတယ်။

မျိုးစပါးဝယ်ဖို့နဲ့ စိုက်ဖို့ အရင်းအနှီးကလည်း မရှိကြတော့ဘူး။ ရေဘေးကြောင့် စပါးကလည်း မထွက်ပေမယ့် စိုက်ပျိုးရေးချေးငွေအပါအဝင် ချေးငွေတွေလည်း ဆပ်လိုက်ရတယ်လေ။ ရေဘေးတုန်းကတော့ ဆန်တွေ၊ ရိက္ခာတွေနဲ့ ပိုက်ဆံတချို့လာလှူကြပေမယ့် စပါးပြန်စိုက်ဖို့အတွက်တော့ ဘယ်လိုမှ မလုံလောက်ဘူးလို့ နောက်ဒေသခံတယောက်က ပြောပါတယ်။

ပုန်းအင်းဒေသမှာ အသုံးတော်၊ နားဟီး၊ ကက္ကူ (နမ့်တဘက်ချောင်းအနောက်ကမ်း)၊ ပေါင်းစင်း၊ နမ့်ခုတ်၊ ကုန်းကျိုင်း၊ နောင်မွန်၊ ပုံးအင်း၊ ဘန်းယဉ် စတဲ့ အုပ်စု ၉ စု၊ ကျေးရွာပေါင်း ၆၂ ရွာရှိပြီး ရွာတွေအားလုံးဟာ ပြီးခဲ့တဲ့ ဇွန်လက တကြိမ်၊ ဩဂုတ်လက တကြိမ်၊ စက်တင်ဘာထဲမှာ တကြိမ်၊ စုစုပေါင်း ၃ကြိမ်အထိ ရေလွှမ်းမိုးတဲ့ဒဏ်ကို ခံစားခဲ့ရတာဖြစ်တယ်လို့လည်း သိရပါတယ်။

ဓာတ်ပုံ-gg

Credit - VOM News Agency

#သတင်းဟင်း​လေးအိုးကြီး

Sunflower always make me happy 🌻💐🫶

#flowers

တရုတ်က EV ကားတွေမှာ DeepSeek AI ကို သုံးနေပြီ
===============================
တရုတ် ကုမ္ပဏီက ဖန်တီးထားတဲ့ DeepSeek AI ဟာ မကြာခင်က တစ်ကမ္ဘာလုံးမှာ ရေပန်းစားခဲ့ပါတယ်။ သူ့ရဲ့ အားသာချက်က ကုန်ကျစားရိတ်နည်းပါးစွာ ဖန်တီးထားပြီး စွမ်းရည်မြင့်မားလို့ ဖြစ်ပါတယ်။
အခုတော့ တရုတ်က EV ကားတွေမှာ DeepSeek AI ကို အသုံးပြုနေကြပါပြီ။ တရုတ် EV ကား ကုမ္ပဏီ Geely က သူ့ရဲ့ ကားတွေမှာ DeepSeek ကို အသုံးပြုမှာ ဖြစ်ပါတယ်။ ကုမ္ပဏီက DeepSeek ကို အသုံးပြုပြီး ဉာဏ်ရည်မြင့် ကားမောင်းနှင်တဲ့ နည်းပညာကို ဖန်တီးမှာ ဖြစ်ပါတယ်။
Geely ဟာ ကားရဲ့ နည်းပညာကို တိုးတက်စေဖို့အတွက် ကုမ္ပဏီရဲ့ AI Model နဲ့ DeepSeek R1 Model ကို ပေါင်းစပ် အသုံးပြုမှာ ဖြစ်ပါတယ်။ DeepSeek ရဲ့ AI ဟာ Geely ရဲ့ Xingrui ကားထိန်းချုပ်စနစ်ကို ပိုမို စွမ်းဆောင်ရည်မြင့်မားအောင် ပြုလုပ်ပေးနိုင်ပါတယ်။
Geely အပြင် နောက်ထပ် တရုတ် ကုမ္ပဏီ Dongfeng ကလည်း သူ့ရဲ့ Zeekr နဲ့ Yoyah EV ကားတွေမှာ DeepSeek AI ကို ထည့်သွင်းနေပါတယ်။ တရုတ်ရဲ့ EV ကားတွေမှာ DeepSeek AI ကို အသုံးပြုမှု ပိုမိုများပြားလာတော့မယ်လို့ ခန့်မှန်းရပါတယ်။

မန်စီးတီးအသင်းရဲ့နည်းပြဖြစ်သူဆရာပတ်ဟာ ဘာနေဗျူးမှာသွားရောက်ကစားရမယ့် လာမယ့်ချန်ပီယံလိဂ်ဒုတိယအကျော့ပွဲစဉ်အတွက် ဘာစီလိုနာအသင်းရဲ့နည်းပြ ဟန်စီဖလစ်ထံချဉ်းကပ်ဆွေးနွေးမှုတွေပြုလုပ်ခဲ့တယ်လို့ စပိန်ကလာတဲ့သတင်းရင်းမြစ်တွေအရ သိရပါတယ်။
ဆရာပတ်ဟာ ယခုအချိန်အထိဘာစီလိုနာနဲ့အဆက်အသွယ်ကောင်းတွေရှိနေသေးတာဖြစ်ပြီး၊ အသင်းရဲ့နည်းစနစ်တာ၀န်ရှိသူတွေနဲ့ နည်းပြဟန်စီဖလစ်ထံ ရီးရဲလ်မက်ဒရစ်အသင်းရဲ့ အားနည်းချက်၊အားသားချက်တွေအပြင် ဘာနေဗျူးမှာကွင်းအလုံပိတ်ကစားရတဲ့ဖိအားတို့ကိုပါ သေသေချာချာ မေးမြန်းခဲ့တယ်လို့ ပြောကြပါတယ်။
ဘာစီလိုနာအသင်းဟာ ယခုရာသီမှာ ရီးရဲလ်မက်ဒရစ်အသင်းနဲ့ 2ကြိမ်ထိပ်တိုက်တွေ့ဆုံထားပြီး ဂိုးပြတ်တွေချည်းဖြုတ်ပြထားတဲ့အသင်း ဖြစ်ပါတယ်။

The 8th Night (2021)

လွန်ခဲ့တဲ့ နှစ်ပေါင်း ၂၅၀၀ ခန့်က မကောင်းဆိုးဝါးတစ်ကောင်က လူသားကမ္ဘာနဲ့ငရဲကို ဆက်ထားတဲ့ တံခါးကိုဖွင့်ပြီးတော့ လူတွေကို အန္တရာယ်ပြုဖို့ ကြိုးစားခဲ့ပါတယ်။

အဲ့ဒီချိန်မှာ ဗုဒ္ဓက မကောင်းဆိုးဝါးကို တားမြစ်ပြီးသူရဲ့စွမ်းအားအရင်းမြစ်ဖြစ်တဲ့ မျက်လုံးနှစ်လုံးကိုထုတ်ယူခဲ့ပါတယ်။

အဲဒီစွမ်းအားအရင်းအမြစ်ဖြစ်တဲ့ မျက်လုံးနှစ်လုံးကိုလည်း တစ်နေရာစီမှာ ထားပြီး ချိတ်ပိတ်ပြီး သိမ်းဆည်းခဲ့ပါတယ်။

အဲဒီအရာတွေကို စောင့်ရှောက်ဖို့အတွက် ဗုဒ္ဓဟာ သူရဲ့တတပည့် ဘုန်းတော်ကြီးတစ်ပါးနဲ့ နတ်ဆရာကို မှာကြားခဲ့တယ်။

အချိန်တွေကြာလာတဲ့အခါမှာ လူတွေရဲ့သဘာဝအရ စူးစမ်းချင်တယ်...ရှေးရှေးတုန်းကပြောထားတဲ့အရာတွေကို အမှန်ဖြစ်ကြောင်းသက်သေပြချင်လာကြတယ်။

အဲ့လိုစူးစမ်းချင်တဲ့ စိတ်တွေကနေ ဘာတွေ ဘယ်လိုဆက်ဖြစ်မလဲဇာတ်ကားမှာ ဆက်လက်စောင့်ကြည့်ကြပါဦးနော်။
#horror