Rievaulx, North Yorkshire, UK 💚💚💚

❝ ပါးနပ်တဲ့ အပြောအဆို ❞

လူတစ်ယောက်ကို
“ခင်ဗျား လွဲနေတယ်” လို့ပြောရင်
ဘယ်သူမှ လက်ခံမှာ မဟုတ်ဘူး။

ဒါပေမယ့် လူတစ်ယောက်ကို
“ဒီလိုလေး လုပ်လိုက်ရင်
ခင်ဗျား ပိုပြီးအဆင်ပြေလိမ့်မယ်” လို့ပြောရင်
လက်ခံချင် လက်ခံလာလိမ့်မယ်။

ကိုယ်ဆိုလိုတဲ့ အဓိပ္ပာယ်နဲ့
ကိုယ်ပြောချင်တဲ့စကားတွေကို
တစ်ဖက်သားက လက်ခံဖို့ဆိုရင်
ပြောတတ် ဆိုတတ်ဖို့က သိပ်အရေးကြီးတယ်။

ဘယ်တော့မှ “နင်မှားတယ်၊ငါမှန်တယ်”
ဆိုတာမျိုး မပြောမိစေနဲ့။
ပြောမယ့်ပြော “နင်ပြောတာ မှားတော့မမှားဘူး။
ဒါပေမယ့် ဒီလိုလေးဆို ပိုပြီးတောင် မှန်ဦးမယ်”
ဆိုတဲ့အပြောမျိုး ပြောတတ်အောင်ပြော။

အပြောအဆိုကြောင့်ပဲ
လူတွေရဲ့အထင်ကြီးကိုးစားတာကို ခံရတတ်သလို
အပြောအဆိုကြောင့်ပဲ
လူမုန်းများတတ်တယ်မဟုတ်လား။
ဘာပဲဖြစ်ဖြစ် ပါးပါးနပ်နပ် ပြောတတ်ဆိုတတ်
သူတစ်ယောက်အတွက်ကတော့
အပြောအဆိုကြောင့် လူမုန်းမခံရတတ်ပါဘူးလေ။

#credit_ရွှေညာမောင်
photo. crd

ကိုယ့်ရဲ့ ရပ်တည်မှုက ရိုးရှင်းပါတယ်

ကိုယ့်ထက်သာတဲ့သူကိုလည်း
မနာလိုတဲ့စိတ် မရှိခဲ့ဘူး

ကိုယ်ပြောလို့ရတယ် ဆိုတိုင်းလည်း
နိုင့်ထက်စီးနင်း
ပြုမူတယ်ဆိုတာ မရှိခဲ့ပါဘူး

ကိုယ်ကတော့သာစေ သူများတော့
နာပါစေဆိုတဲ့
အတ္တတွေနဲ့လည်း မရှင်သန်ခဲ့ဘူး

ဘယ်သူအပေါ်ကိုမှ
အနိုင်မယူတတ်ခဲ့သလို
မောက်မာခြင်းမရှိခဲ့တာတောင်

ကိုယ့်အပေါ်ကိုကြ
ယုတ်မာ ကောက်ကျစ်တဲ့သူက
ခပ်များများရယ် ပါ။

ဘယ်သူတွေ ဘယ်လိုပုံစံမျိုးနဲ့
ဘဝကိုရပ်တည်နေပါစေ
ကိုယ့်ရဲ့ဘဝကိုတော့
ဖြူစင်တဲ့ စိတ်ထားနဲ့သာနေထိုင်ပါတယ်

သူများမကောင်းတာက သူများပဲလေ
ကိုယ်ကကောင်းအောင်နေထိုင်ရမှာက
ကိုယ့်ရဲ့ တန်ဖိုးပဲ မဟုတ်လား

ကိုယ့်ရဲ့ စိတ်ထား မှန်ခဲ့ရင်
တစ်နေ့ကြ အကျိုးပေးလာလိမ့်မယ်လို့
ကျွန်မယုံကြည်မိပါတယ်...

စိတ်ထားတတ်ရင်မြတ်ပါတယ်..။

ကြာညိုသင်း
Everyone
@everyone
ကြာညိုသင်း စာပေ- တန်ဖိုးထားသူများ
ကြာညိုသင်း စာပေများ
📖ကြာညိုသင်း-စာပေ📖
Kyarnyo Thin Fan
ညီမလေး . . . ဖတ်ဖို့
ဘဝအတွက်ခွန်အားဖြစ်စေသောစာပေများ

ခြေကုန်လက်ပမ်းကျတယ်ဆိုတာမျိုး
တကယ်ရှိတယ်နော်

ဘယ်သူနဲ့မှလည်း စကားမပြောချင်ဘူး
ဘယ်သူ့ကိုမှလည်း မလိုအပ်ဘူး
ဘယ်သူနဲ့မှ မတွေ့ချင်ဘူး

ဒီအတိုင်းပဲ
အိပ်ရာထဲ ခွေခေါက်ပြီး
စိတ်ကိုလွှတ်ချပေးလိုက်တယ်

ဖုန်းလည်းပိတ်ထားတယ်
မီးလည်း ပိတ်ထားတယ်
ဘာမှလည်း မတွေးဘူး
ငါဟာ တစ်ယောက်ထဲပေမယ့်
ဒီလိုနေရတာကို ကြိုက်တယ်

ငါအဆင်ပြေတယ်
အခုတော့ ငါနားမှ ဖြစ်မယ်
ငါအဆင်ပြေတယ်
အခုတော့ ငါအနားယူမှဖြစ်မယ်
ငါအဆင်ပြေတယ်
အခုတော့ မဟုတ်ဘူး
ဒါပေမယ့် အဆင်ပြေသွားမှာ ။

#လူငယ်များအတွက့်စာကြည့်တိုက့် #??????photo #ဗဟုသုတစာပေများစုစည်းရာ #ခွန်အားဖြစ်စေသောစာများ #??????_??_????????_?????? #?????? #လူငယ်များအတွက် #စာပေ #မိသားစု #topnews
#ht #htwe

မိုးရာသီအပြင်သွားရတာအဆင်ပြေလား*
Me :

🤍
နွေ မိုး ဆောင်း ရာသီတွေ ကိုယ်အားလုံးချစ်တာပေါ့.....
မင်းသိတယ်မဟုတ်လား ....
သဘာဝတရားတွေ ပန်းတွေအပင်တွေ နဲ့ပတ်သက်လာရင် ကိုယ်ဟာမျက်နှာများတယ်လေ.....
မိုးရာသီရောက်လာတော့လည်း အင်း.....အချစ်ဆုံးဟာမိုးရာသီပါပေါ့......
ဟိုအရင်အချိန်တွေမှာ.....
ငယ်ဘဝရဲ့အမှတ်တရတွေ နဲ့ မေ့မရတဲ့နေ့စွဲတွေရှိတယ်....
ခုအချိန်တွေမှာ.....
ငိုချင်လာတဲ့အခါအဖော်ပြုပေးတဲ့မိုးစက်တွေ နဲ့ ဂီတသံတွေမလိုတဲ့ညတွေရှိမယ်....
အပြာရောင်ကောင်းကင်ကိုသိပ်မတွေ့ရတော့လည်း မီးခိုးရောင်တိမ်တွေဟာ ကိုယ့်အတွက်တော့လှတာပဲ....
နံနက်ခင်းနေရောင်တွေသိပ်မတွေ့ရတော့လည်း မိုးရေစက်တွေဟာကိုယ့်အတွက်တော့လှတာပဲ....
အရာရာပြောင်းလည်းနေတဲ့ လောကကြီးထဲမှာ မပြောင်းလည်းပဲ ရောက်ရောက်လာတတ်တဲ့
ဇွန်လနဲ့မိုးရေတွေကို ချစ်တယ် မိုးရာသီကိုချစ်တယ် အချစ်ဆုံးဟာမိုးရာသီပါပဲ.....
မင်းသိတယ်မဟုတ်လား.....
သဘာဝတရားတွေ ပန်းတွေအပင်တွေနဲ့ပတ်သက်လာရင် ကိုယ်ဟာမျက်နှာများတယ်လေ....
#ideal?
#crdphoto

တိမ်တွေ ငိုတော့ မိုး ဖြစ်သတဲ့
တကယ်က
မိုးတွေ ငို လို့ တိမ်ဖြစ်ပါတယ်

ခင်ဗျား လွမ်းနေကြောင်း
တိမ်တွေဆီက ရပါတယ်

ကျွန်တော် လွမ်းကြောင်း
မိုးတွေဆီက ကြားပါရဲ့လား

ဘယ်သူ ငိုငို
နှစ်ယောက်လုံးစိုတဲ့ ရာသီခွင်ကိုတော့
“ မုဒိတာ “ လို့ ခေါ်ပါတယ်

#ကိုး
#crushcoffee

ကိုယ့်လက်ထဲငွေဘယ်လောက်ရှိတာ၊ ကိုယ့်အခြေအနေဘယ်လိုမျိုးရှိတာ
ကိုယ်တိုင်ပဲအသိဆုံးပါ . . .

ကိုယ့်ရဲ့တစ်လဝင်ငွေက သိန်းဆယ်ချီဝင်နေတာမျိုး
မဟုတ်ဘူးဆိုရင် ကိုယ့်အတွက်အကျိုးမရှိနိုင်တဲ့
တကိုယ်ရေအသုံးပြုဖို့
ဇိမ်ခံပစ္စည်းတွေအတွက် သိန်းဆယ်ချီတဲ့ အသုံးအဆောင်တွေ
ဝယ်ကိုင်ဖို့ မသင့်တော်သေးပါဘူး။

သူများ အိုင်ဖုန်းကိုင်လို့ ကိုယ်ကလည်း အိုင်ဖုန်းကိုင်ချင်တာ၊
သူများကားဝယ်စီးလို့ ကိုယ်လည်းကားဝယ်စီးချင်တာ၊
သူများတွေ Luxury Branded တွေ ဝယ်သုံးလို့
ကိုယ်လည်းဝယ်သုံးချင်တာ ကိုယ့်ရဲ့အပြစ်မဟုတ်ပါဘူး။
ကိုယ့်ရဲ့ စိတ်ဆန္ဒအရဖြစ်ပေါ်လာတဲ့ လိုချင်တပ်မက်မှုလေးတွေပါ။

ဒါပေမယ့် ကိုယ်က သူများတွေကိုင်သလို
သူများတွေသုံးသလို သုံးချင်ရင်
တခြားလူရဲ့ ဝင်ငွေနဲ့ကိုယ့်ရဲ့ဝင်ငွေ
အခြေအနေချင်း တူမတူကို အရင်စဉ်းစားပါ။

သူများကိုအားကျပြီး ကိုယ်ရဲ့ဝင်ငွေနည်းနည်းလေးနဲ့
အိုင်ဖုန်းဝယ်ကိုင်လိုက်ပါပြီတဲ့
ကိုယ့်အတွက်လိုအပ်လို့ အသုံးလိုလို့ဆိုရင်တော့
ပြဿနာသိပ်မရှိပေမယ့်
ပေါ်ပင်ဖြစ်ချင်လို့ လူကြားထဲထင်ပေါ်ချင်လို့
ဝယ်ကိုင်လိုက်တာဆိုရင်တော့ ကိုယ့်အတွက်
ဘာမှအကျိုးမရှိပါဘူး။

ကိုယ့်အတွက် အဆင်မပြေနိုင်သေးပဲ
ဇိမ်ခံပစ္စည်းတွေကို ငွေကြေးအကုန်ခံပြီး
ပေါ်ပင်ဖြစ်အောင်လုပ်မယ့်အစား
ကိုယ့်ဘဝတိုးတက်ဖို့ ကိုယ့်လုပ်ငန်းတိုးတက်ဖို့
လိုအပ်တဲ့အထောက်အပံ့ရစေမယ့် ပစ္စည်းလေးတွေ၊
အသုံးအဆောင်လေးတွေကို အနာဂါတ်အတွက်
အရင်းအနှီးတစ်ခုအနေနဲ့ အသုံးပြုလိုက်မယ်ဆိုရင်
ဘယ်လောက်တောင် အကျိုးရှိလိုက်မလဲလေနော် . . .

ကိုယ့်အတွက်အကျိုးရှိစေမယ့်အရာတွေအတွက်
ကိုယ့်ရဲ့ငွေကို ကောင်းကောင်းမွန်မွန်အသုံးချမယ်ဆိုရင်
ကိုယ်အောင်မြင်လာတဲ့အခါ Branded တွေ
Luxury Product တောင်မလိုတော့ပဲ
တကိုယ်တော် တောက်ပနေမှာ သေချာပါတယ်။
Casper Lin (Online စီးပွားရေး အကြံပေး)

ချစ် ခင် လေး စား စွာဖြင့်

#မိုး ☂

ပိတ်ရက်ဆို အဲလိုပဲ 😴

heavy metal လိုမျိုးသီချင်းများကို နားထောင်ခြင်းက စိတ်တည်ငြိမ်စေနိုင်

သီချင်းတွေဟာ မယဉ်ပါးတဲ့ တိရစ္ဆာန်တစ်ကောင်ကိုတောင် ယဉ်ပါးလာအောင်လုပ်ယူနိုင်တယ်လို့ ဆိုပါတယ်။ ဒါပေမယ့် heavy metal လို သီချင်းအမျိုးအစားများဟာ နွေးထွေးပြီး စိတ်တည်ငြိမ်အောင်လုပ်ပေးနိုင်မယ်လို့ တွေးမိကြဖူးပါသလား။

သိပ္ပံပညာအရ ဒါဟာအမှန်တကယ်ပါပဲ
သီချင်းနားထောင်ခြင်းက လူကိုစိတ်ရောကိုယ်ပါ သွက်လက်စေပါတယ်။ ကိုယ့်ကိုယ်ကိုယ်လည်း ပိုငယ်ရွယ်သွားတယ်ထင်ရစေပြီး ကောင်းကောင်းအိပ်ပျော်စေပါတယ်။ ပုံမှန်အားဖြင့် classical အမျိုးအစားက လူကို စိတ်တည်ငြိမ် ငြိမ်းချမ်းစေတယ်လို့ တော်တော်များများက မှတ်ယူကြပါတယ်။ ဒါပေမယ့် အသံကျယ်ကျယ်နဲ့ ခပ်မြူးမြူးသီချင်းတွေကလည်း ဒီလို အကျိုးသက်ရောက်မှုမျိုး ရနိုင်ပါတယ်လို့ သိပ္ပံပညာက သက်သေပြထားပါတယ်။ heavy metal, emo, hardcore နဲ့ punk သီချင်းအမျိုးအစားတွေဟာလည်း ဒေါသထွက်တာတို့၊ စိတ်မတည်မငြိမ် အခြေအနေမျိုးတွေမှာ စိတ်ကိုတည်ငြိမ် အေးချမ်းစေတယ်လို့ သြစတြေးလျနိုင်ငံရှိ ကွင်းစ်လန်းတက္ကသိုလ် (University of Queensland) က လေ့လာချက်တစ်ရပ်က ဆိုပါတယ်။

လေ့လာချက်အရ ကျယ်လောင်ပြီး အစီအစဉ်မကျပဲနဲ့ သီချင်းစာသားထဲတွေမှာ စိုးရိမ်စိတ်၊ စိတ်ဓာတ်ကျမှုနဲ့ အထီးကျန်မှုတွေကို ပြေပြစ်စွာ ထည့်သွင်း သီကုံးရေးဖွဲ့ထားတဲ့ သီချင်းအမျိုးအစားတွေဟာ နားထောင်သူတွေကို အဆိုးမြင်စိတ်တွေကို တဖြည်းဖြည်းတိုက်ထုတ်နိုင်ပြီး အကောင်းမြင်စိတ်ဘက်ကို တွန်းပို့ပေးနိုင်တယ်လို့ ဆိုပါတယ်။ သုတေသနပညာရှင် ဂျန်နီဗီးလ်ဒင်ဂယ်လ် (Genevieve Dingle) နဲ့ သူမရဲ့တပည့်ဖြစ်သူ လီယာ့ရှာမန် (Leah Sharman) တို့ဟာ heavy music ကြိုက်နှစ်သက်တဲ့ အသက် ၁၈ မှ ၃၄နှစ်ကြား လူ ၃၉ ယောက်ကို စမ်းသပ်ခဲ့ပါတယ်။ ပထမဆုံးသူတို့ကို ဒေါသထွက်အောင် လုပ်ပါတယ်။ အဲ့ဒီနောက်မှာ နှစ်ဖွဲ့ခွဲပြီး တစ်ဖွဲ့ကို ခဏလောက် ငြိမ်သက်စွာ နေခိုင်းပါတယ်။ တစ်ဖွဲ့ကိုတော့ သီချင်းကို ပေးနားထောင်ပါတယ်။

မျှော်လင့်ထားသလိုပါပဲ။ သီချင်းနားထောင်သူများရဲ့ နှလုံးခုန်နှုန်းဟာ ပိုကောင်းလာတာကို တွေ့ရပါတယ်။ စိတ်ပိုင်းဆိုင်ရာဟာလည်း အကောင်းဘက်ကို ဦးတည်သွားတာတွေ့ရှိရပါတယ်။ တစ်ခြားလေ့လာချက်အချို့မှာလည်း metal၊ punk နဲ့ hardcore အမျိုးအစားသီချင်းတွေဟာ လူကိုပိုပြီးယုံကြည်မှုရှိစေပြီး အလုပ်လုပ်ရာမှာလည်း အဆင်ပြေစေတယ်လို့ ဆိုပါတယ်။ ဒီလေ့လာချက်ဟာ ဒီသီချင်းအမျိုးအစား ကြိုက်နှစ်သက်သူများအတွက် ဝမ်းသာစရာသတင်းတစ်ခု ဖြစ်ပါတယ်။