Relax your eyes 👀✨✨✨

Relax your eyes 👀✨✨✨

Relax your eyes 👀✨✨✨

Relax your eyes 👀✨✨✨

Relax your eyes 👀✨✨✨

အမျိုးသားတွေကြား အဝတ်နည်းတဲ့ Overalls ဟာ တကယ်တော့ ၈၀ရော ၉၀ပြည့်နှစ်တွေမှာပါ
အမျိုးသားတွေ တော်တော်လေးရွေးချယ်ဆင်မြန်းခဲ့ကြတဲ့
အရာပေါ့။
အနုပညာရှင်တော်တော်များများလည်း Overalls အတွဲအစပ်ကို
စိတ်ဝင်တစားတွဲဝတ်ခဲ့သေးတာ။
ဒီမှာကတော့ music festival နဲ့
ပွဲတစ်ခုခုရှိမှသာ
ဒီလိုတွဲဝတ်တတ်ကြပေမယ့်
ထသွားထလာတော့
အဝတ်နည်းပါတယ်...😎

အခုပဲ အားကစား တစ်ခုခု လုပ်လိုက်ပါ

“အခုပဲ အားကစား တစ်ခုခုလုပ်လိုက်ပါ “ လို့ တိုက်တွန်းလာရင် ဒါဟာ လက်တွေ့မဆန်တဲ့ အကြံပြုချက်ပဲ လို့ တချို့က သုံးသပ်ကြပါလိမ့်မယ်။

ဒီဘက်ခေတ်ကြီးက အရှိန်အဟုန်နဲ့ စီးဆင်းနေတဲ့ ခေတ်ကြီးဆိုတော့ ကျွန်တော်တို့ဟာ ခေတ်ကို အမီလိုက်နေရတယ်။ တခြားသူတွေထက် နောက်မကျရအောင် ပညာရပ်အသစ်တွေ၊ စီးပွားရေးအခွင့်အလမ်းအသစ်တွေ နောက်ကို မလွတ်တမ်းလိုက်နေရတယ်။ အဲဒါတွေ နောက်ပိုင်း အပန်းဖြေမှုအနေနဲ့ကျတော့ရော ဘာလုပ်ဖြစ်သလဲ။ အရသာ ရှိသလောက် ကျန်းမာရေးအတွပ် မကောင်းတဲ့ အစားအသောက်တွေကို စားကြတယ်။ တီဗီရှေ့ မှာ ထိုင်ရင်း ၊ လဲလျောင်းရင်း ဇာတ်လမ်းတွဲတွေ၊ ဇာတ်ကားတွေကို နာရီပေါင်းများစွာ ကြည့်ကြတယ်။ အိပ်ယာထဲမှာ ဖုန်းကို အကြာကြီး ထိုင်ပွတ်ရင်း အိပ်ချိန်နည်းပါးလာရတယ်။

ကျန်းမာရေးနဲ့ ဆေးလောက ပညာရှင်တွေကတော့ “ကိုယ်လက် လှုပ်ရှားမှု နည်းပါးခြင်း “ကို “အသံတိတ် လူသတ်သမား (silent killer) “ လို့ ခေါ်ကြတယ်။ အကြောင်းရင်းကတော့ အဲဒီကနေ ဖြစ်ပွားလာနိုင်တဲ့ ရောဂါတွေ အများအပြား ရှိလို့ပဲ။ ဒါကြောင့် ကိုယ်လက်လှုပ်ရှားမှုတွေ၊ အားကစားတွေ ပြုလုပ်တာဟာ ကိုယ်လက်ကျန်းမာကြံ့ခိုင်ရေးအရ လုပ်တယ်ဆိုတဲ့ အပြင် မလှုပ်မရှားနဲ့ ကုန်ဆုံးနေရတဲ့ အချိန်တွေအတွက် ပြန်လည်ဟန်ချက်ထိန်းညှိပေးရာ ရောက်ပါတယ်။

ဆေးဘက်ဆိုင်ရာ သုတေသနတွေအရ ပုံမှန်ကိုယ်လက်လှုပ်ရှားမှု ပြုလုပ်ခြင်းဟာ အရိုးအဆစ်ရောင်ရမ်းမှု ဖြစ်ပွားနိုင်ချေကို ၈၃ % အထက်၊ တင်ပါးဆုံရိုး ကျိုးကြေမှု ဖြစ်နိုင်ချေကို ၆၈ % အထက်၊ ဆီးချိုရောဂါ (type-2) ဖြစ်ပွားနိုင်ချေကို ၅၀ % အထက် လျော့ချပေးနိုင်ပါတယ်။ ပြီးတော့ စောစီးစွာ သေဆုံးမှုကို ၃၀ % အထက်၊ စိတ်ကျရောဂါကို ၃၀% အထက် ကာကွယ်ပေးနိုင်ချေ ရှိပါသတဲ့။ ရင်သားကင်ဆာ၊ နှလုံးရောဂါစတာတွေကိုလည်း ထိရောက်စွာကာကွယ်ပေးနိုင်ပါသတဲ့။

ပညာရေး၊ စီးပွားရေးတွေ နောက်ကို လိုက်တာဟာ ကောင်းပါတယ်။ ဒါပေမယ့် အဲဒါတွေက ရတဲ့ အသီးအပွင့်တွေကို ခံစားနိုင်ဖို့ဆိုတာ ကျန်းမာရေးကောင်းနေဖို့ကလည်း လိုသေးတယ် မဟုတ်လား။ ဒါကြောင့် အားကစားနဲ့ ကိုယ်လက်လှုပ်ရှားမှုတွေ ပုံမှန်လုပ်ဖြစ်ဖို့ အတွက် အချိန်အနည်းအကျဉ်းဖယ်ထားပြီး ကိုယ့် ကျန်းမာရေးအတွက်လည်း ဂရုစိုက်ပေးသင့်တဲ့အကြောင်း သတိပေးနှိုးဆော်လိုက်ရပါတယ် ။

အင်တာနက်မလိုတဲ့ စပိုင် AI များကို Microsoft ဖန်တီး

Microsoft မှ အမေရိကန်စပိုင်အေဂျင်စီများအတွက် အထောက်အကူပြုနိုင်မယ့် လျှို့ဝှက် AI မော်ဒယ်အသစ်တစ်ခုကို အင်တာနက်မလိုပဲ အသုံးပြုနိုင်အောင် အထူးဖန်တီးပေးခဲ့ပါတယ်။

Microsoft အနေနဲ့ ဒီ AI မော်ဒယ်ကို ၁၈လ ကြာအောင် ဖန်တီးခဲ့တာဖြစ်ပြီး လျှို့ဝှက်ထိပ်တန်းသတင်းတွေကို လုံခြုံစွာထားရှိနိုင်ဖို့အတွက် ရည်ရွယ်ပြီး ထုတ်လုပ်ထားတာပါလို့ ပြောကြားခဲ့ပါတယ်။ လူအပါအဝင် အခြားသော အင်တာနက်နဲ့ချိတ်ဆက်ထားတဲ့ ပစ္စည်းတွေထက်စာရင် ဒီ AI မော်ဒယ်ဟာ လျှို့ဝှက်သတင်းတွေ ပေါက်ကြားနိုင်မယ့် အခွင့်အရေးနည်းပါးသွားစေဖို့အတွက်လည်း အထောက်အကူပြုစေမှာဖြစ်ပါတယ်။

Open AI ရဲ့ GPT4 ကို အခြေခံပြီး တည်ဆောက်ထားတဲ့ ဒီမော်ဒယ်ကတော့ “air-gapped” ဖြစ်တာကြောင့် US အစိုးရမှသာ ဝင်ရောက်နိုင်မှာဖြစ်ပါတယ်။ US အစိုးရအဖွဲ့ထဲမှာမှ အထူးခွင့်ပြုချက်ရရှိသူများသာ သုံးနိုင်တဲ့အထိ လုံခြုံရေးကန့်သတ်ထားတာကြောင့်လည်း အင်တာနက်သာမက အခြားသော source များနှင့်လည်း ချိတ်ဆက်ထားခြင်းမရှိပဲ ဖန်တီးပေးထားတာဖြစ်ပါတယ်။ လက်ရှိမှာတော့ US အစိုးရအဖွဲ့ထဲမှ လူဦးရေ ၁ သောင်းဝန်းကျင်လောက်က စတင်အသုံးပြုနေကြပါပြီ။

ထောက်လှမ်းရေးအေဂျင်စီအချို့ကလည်း လုံခြုံရေးအချက်အလက်များကို အရင်ထက်ပိုပြီး ထိရောက်စွာ ကိုင်တွယ်နိုင်ဖို့ရာ AI ကို အသုံးပြုချင်နေချိန်မှာပဲ ဒီ AI မော်ဒယ်ကို ထုတ်လုပ်ပေးခဲ့တာဖြစ်ပါတယ်။ ဒါပေမဲ့ ထောက်လှမ်းရေးအေဂျင်စီတွေဘက်က ဒီ AI မော်ဒယ်ကို စမ်းသပ်ခြင်းလည်း မရှိသေးသလို အသိအမှတ်ပြုထားခြင်းတော့ လောလောဆယ်မရှိသေးပါဘူး။

New York, USA ❤❤❤

ခေါင်းစည်းကြိုးတွေကို လက်မှာမစည်းသင့်တဲ့အကြောင်းရင်း

အခုအခါမှာ ခေါင်းစည်းကြိုးတွေကို လက်မှာလက်ပတ်အဖြစ် ပတ်ထားတဲ့ဖက်ရှင်က ခေတ်စားနေပါတယ်။ တစ်ချိုခေါင်းစည်းကြိုးတွေဟာ ဒီလိုပတ်လိုရအောင် တမင်ဒီဇိုင်းထွင်ထုတ်လုပ်လာတာကို တွေ့ရပါတယ်။

သင်လဲဖတ်နေရင်းနဲ့ လက်မှာခေါင်းစည်းကြိုးလေး ပတ်ထားချင်ပတ်ထားမှာပေါ့။ အလှအပရှုထောင့်ကကြည့်ရင် စတိုင်ကျသလိုဖြစ်နေပေမယ့် ကျန်းမာရေးရှုထောင့်ကကြည့်ရင်တော့ ဒါဟာမလုပ်သင့်တဲ့ အမှားတစ်ခုပါ။ ခေါင်းစည်းကြိုးတွေကို ဆံနွယ်တွေကို စည်းနှောင်ရာမှာပဲ အသုံးပြုသင့်ပါတယ်။ ဘာလိုမလုပ်သင့်သလဲဆိုတဲ့ အကြောင်းပြချက်တွေကို ရှင်းလင်းဖော်ပြထားပါတယ်။

ခေါင်းစည်းကြိုးဟာ ဆံပင်ကို စည်းနှောင်ထားချိန်မှာ ဆံပင်က ချွေးတွေဖုန်တွေကပ်ညိနေတတ်ပြီး ဟိုချဒီချဆိုရင် ဘက်တီးရီးယားတွေ ကပ်ညိနေတတ်ပါတယ်။ ကန်တက်ဂီ(Kentucky)ပြည်နယ်က အမျိုးသမီးတစ်ဦးဟာ မကြာခဏဒီလိုစည်းထားတဲ့အကျင့်ရှိပြီး တစ်နေ့မှာ သူမလက်မှာ အနီရောင်အပိန့်တွေ အများကြီးထွက်လာပါတယ်။ အဲ့ဒီနောက်မှာ အတော်ဆိုးရွားလာတာကြောင့် ဆေးရုံပြေးရတဲ့အထိဖြစ်သွားပါတယ်။ ဆရာဝန်က သူမရဲ့ဒီအကျင့်ဟာ သူမကိုဒုက္ခရောက်စေတာလိုဆိုပါတယ်။ “အရေပြားဟာ နုနယ်ပါတယ်။ ဒီလိုဘက်တီးရီးယားတွေပြည့်နေတဲ့ ခေါင်းစည်းကြိုးနဲ့ အရေပြားကို အချိန်အတော်ကြာထိတွေ့စေတာ အန္တရာယ်များပါတယ်။”လို ဆိုပါတယ်။

တစ်ခါတစ်လေ အရေပြားမှာ ထိခိုက်ဒဏ်ရာရနေရင် ပိုးဝင်လွယ်ပါတယ်။ သတ္တုတွေနဲ့ အချွန်အတက်တွေ၊ အလက်လက်တွေပါတဲ့ ခေါင်းစည်းကြိုးတွေက လက်ကို ခြစ်မိတာတွေဖြစ်တတ်ပါတယ်။ ဒီဒဏ်ရာနဲ့ ဘက်တီးရီးယားပိုးနဲ့ထိတွေ့တဲ့အခါ ရောင်ရမ်းတာ နာကျင်တာကအစပြုလို အသားအရည်အလိုက် အရေပြားပြဿနာတွေ ပေါ်ပေါက်နိုင်ပါတယ်။ တစ်ကယ်လို လက်မှာစည်းချင်တယ်ဆိုရင်တော့ သက်သက်သာထပ်ဝယ်လိုက်ပါ။ ခေါင်းစည်းကြိုးတွေကိုလည်း အမြဲသန့်စင်ဆေးကြောပေးဖို လိုအပ်ပါတယ်။ သန့်စင်ဆေးရည်နဲ့ဖြစ်ဖြစ် ဆပ်ပြာနဲ့ဖြစ်ဖြစ် သေချာဆေးကြောပေးသင့်ပါတယ်။