ဒေါ်နယ်ထရမ့်သဘောကျ ကမ္ဘာ့ဖလားအပြောင်းအလဲလုပ်ဆောင်ပေးဖို့ အသင့် ဖြစ်နေတဲ့ ဖီဖာ
===================
ဖီဖာဥက္ကဌဂျီယန်လူဂီအင်ဖန်တီနိုက အမေရိကန်သမ္မတဒေါ်နယ်ထရမ့်ဘက်ကသာ တောင်းဆိုလာပါက ကမ္ဘာ့ဖလားလက်ခံကျင်းပမယ့် မြို့ကို အပြောင်းအလဲ ပြုလုပ်လာနိုင်ကြောင်း အရိပ်အမြွက် ပြောကြားလာပါတယ်။
ဖီဖာဥက္ကဌအင်ဖန်တီနိုဟာ ဒုဥက္ကဌ ကနေဒါနိုင်ငံသားဗစ်တာမွန်တာဂလီယန်နှင့်အတူ ဒေါ်နယ်ထရမ့်ရဲ့ သမ္မတအိမ်ဖြူတော်သို့ ရောက်ရှိနေပါတယ်။
ယင်းသို့ ရောက်ရှိနေစဉ်အတွင်း ဆွေးနွေးမှုများ ပြုလုပ်ပြီးနောက် ဖီဖာဥက္ကဌဒေါ်နယ်ထရမ့်က ကမ္ဘာ့ဖလားဘောလုံးပြိုင်ပွဲတွင် ပြည်ဝင်ခွင့် ပိတ်ပင်ခံထားရတဲ့ နိုင်ငံမှ ပရိသတ်များကိုလည်း ကမ္ညာ့ဖလားပွဲ လက်မှတ်ပြသနိုင်ပါက ပြည်ဝင်ခွင့်ဗီဇာပေးလာမယ်လို့ ကြေညာလာပါတယ်။
ထရမ့်ဟာ အစောပိုင်းတုန်းက လုံခြုံမှု မရှိဘူးလို့ သူယူဆတဲ့ မြို့များမှ ကမ္ဘာ့ဖလားပွဲ လက်ခံကျင်းပရေးကို အခြားမြို့သို့ ရွှေ့ဆိုင်းနိုင်ကြောင်း ပြောကြားခဲ့ဖူးပါတယ်။ ထရမ့်ဟာ ဆက်တယ်၊ ဘော်စတွန်၊ ဆန်ဖရန်ဆစ္စကိုတိ့တွင် ကမ္ဘာ့ဖလားပွဲ လက်ခံကျင်းပရေးအား ဖယ်ရှားလာနိုင်တယ်လို့ သတင်းထွက်နေပါတယ်။
ပြီးခဲ့တဲ့အပတ်တုန်းက ဆက်တယ်မြို့တော်ဝန်သစ်အဖြစ် ရွေးချယ်ခံခဲ့ရတဲ့ ဒီမိုကရက်တစ်ပါတီဝင် ကေတီဝီလ်ဆင်က ဒေါ်နယ်ထရမ့်က ကမ္ဘာ့ဖလားပွဲ ကျင်းပရန် လျာထားတဲ့ မြို့ ၃ မြို့ကို ဒုစရိုက်မှုထူပြောတဲ့ မြို့အဖြစ် ပြောဆိုခဲ့ကြောင်း ဖွင့်ဟခဲ့ဖူးပါတယ်။
ဒါ့အပြင် ထရမ့်က "တကယ်လို့ ဒီမြို့သုံးမြို့က ပြဿနာရှိနိုင်တယ်လို့ ယူဆလာရင် အခြားမြို့သို့ ပြောင်းဖို့ ဂျီယန်နီကို တောင်းဆိုမယ်။ ကမ္ဘာ့ဖလားပွဲကျင်းပချင်တဲ့ မြို့တွေ အများကြီးပါ။ နံပါတ်တစ် ကျွန်တော်တို့ အဓိက လုပ်မယ့်အရာက လုံခြုံရေး အရမ်းစိတ်ချရဖို့ပါ။ အစိုးရနဲ့ မြို့တော်ဝန်တွေကလည်း ဒီအတွက်ပဲ လုပ်ရမယ်။ ကယ်လီဖိုးနီးယားမှာဆို ပြဿနာရှိတယ်။ အကြီးအကျယ်ပစ်ခတ်မှု ဖြစ်နေတဲ့ နေရာပါ။ အယ်လ်အေကို ကျွန်တော် ချစ်တယ်။ ပြိုင်ပွဲကာလအတွင်း အကူအညီလိုအပ်လာရင် National Guard သို့မဟုတ် အခြားလိုအပ်တာတွေ ပေးပို့သွားမယ်။ ကျုပ်က ကြီးကျယ်တဲ့ ပြိုင်ပွဲပဲ ဖြစ်စေချင်တယ်။ အယ်လ်အေကို ချစ်တယ်။ ဒီနေရာကို အရမ်းသဘောကျတယ်"လို့ ပြောကြားသွားပါတယ်။
ယခုအခါ ဖီဖာဥက္ကဌအင်ဖန်တီနိုက "လုံခြုံရေးနဲ့ လုံခြုံမှု ရှိဖို့က အောင်မြင်တဲ့ ကမ္ဘာ့ဖလားဖြစ်ဖို့ အရေးအကြီးဆုံး နံပါတ်တစ်ပါ။ ကျွန်တော်တို့ လက်မှတ်ရောင်းချတဲ့အခါ လူတွေက အမေရိကန်အပေါ် ယုံကြည်မှု ရှိတာ ဒီကနေ့ တွေ့နိုင်ပါတယ်။ ကမ္ဘာ့စံချိန်တင် နှစ်သန်းနီးပါး ရောင်းခဲ့ရတယ်။ သူတို့က ဒီနေရာကို လာနိုင်တယ်ဆိုတာ သိနေလို့ပါ။ သူတို့ဟာ ကမ္ဘာ့ဖလား လုံခြုံစိတ်ချရတဲ့ အတွေ့အကြုံခံစားရပါမယ်။ ဒီကိစ္စအတွက် ကျွန်တော်တို့ ဆွေးနွေးပါမယ်။ အတူတကွဲလက်တွဲလုပ်ပါမယ်။ နိုင်ငံခြားက ပရိသတ်တွေ သေချာပေါက် လာလို့ရအောင် လုပ်သွားမယ်။ လာမယ့်အားကစားမှာ အတွဲတကွ အောင်ပွဲခံကြမယ်။ ရာနှုန်းပြည့်လုံခြုံမှု ရှိရပါမယ်"လို့ ပြောကြားသွားပါတယ်။
