#ယနေ့ထုတ်သတင်းစာ_နိုင်ငံတကာသတင်း
◼ ကနေဒါနှင့် မက္ကဆီကိုအပေါ် အခွန်တိုးကောက်ရန် လျာထားမှု အမေရိကန် ရွှေ့ဆိုင်း
အမေရိကန်သမ္မတ ဒေါ်နယ်ထရန့်အနေဖြင့် ကနေဒါနှင့်မက္ကဆီကိုနိုင်ငံတို့အပေါ် အခွန်တိုးကောက်ရန်လျာထားမှုကို ရွှေ့ဆိုင်းလိုက်ကြောင်း မတ် ၇ ရက်တွင်ရိုက်တာသတင်းဌာန၏ ရေးသားဖော်ပြချက်အရ သိရသည်။
ကနေဒါနိုင်ငံနှင့် မက္ကဆီကိုနိုင်ငံတို့သည် အမေရိကန်နိုင်ငံ၏ အကြီးဆုံးကုန်သွယ်ဖက်နိုင်ငံများဖြစ်ပြီး ဒေါ်နယ်ထရန့် အမေရိကန်သမ္မတ ဖြစ်လာချိန်တွင် ကုန်တင်သွင်းမှုကိုစည်းကျပ် အခွန်ကောက်မည့် အစီအစဉ်ကိုချမှတ်ခဲ့ခြင်းဖြစ်သည်။
အခြားတစ်ဖက်တွင် အမေရိကန်၏အခွန်တိုးမြှင့် ကောက်ခံမည့် ကိစ္စရွှေ့ဆိုင်းလိုက်ခြင်းကို မက္ကဆီကိုသမ္မတက ကျေးဇူးတင်ကြောင်း ပြောကြားခဲ့သလို ကနေဒါနိုင်ငံမှဘဏ္ဍာရေးဝန်ကြီး ကလည်း အမေရိကန်ထုတ်ကုန်များအပေါ်လက်တုံ့ပြန်ပြီး အခွန်တိုးမြှင့်မည့်ကိစ္စကို မိမိတို့ဘက်က ရပ်တန့်ထားမည်ဖြစ်ကြောင်း ပြောဆိုထားသည်။
လက်ရှိအချိန်တွင် ကုန်သွယ်မှုစစ်ပွဲအရှိန်က ဈေးကွက်ကိုရိုက်ခတ်ကာ မငြိမ်မသက်ဖြစ်စေပြီး စီးပွားရေးဆိုင်ရာ ကမောက်ကမ ဖြစ်မှုနှင့်အတူ စိုးရိမ်စိတ်များကလည်း တိုးလျက်ရှိနေသည်။
အမေရိကန်နိုင်ငံ၏ သွင်းကုန်ပမာဏသည် မက္ကဆီကိုနိုင်ငံမှ ၅ဝ ရာခိုင်နှုန်းနှင့် ကနေဒါနိုင်ငံမှ ၆၂ ရာခိုင်နှုန်းရှိနေကြောင်း သိရသည်။
Source; Reuters
