ရှာဖွေပါ။ ပို့စ်များExplore captivating content and diverse perspectives on our Discover page. Uncover fresh ideas and engage in meaningful conversations
ကိုယ်ပိုင်အတတ်ပညာလေးနဲ့
စီးပွားရှာရအောင်ကလည်း
စက္ကူနဲ့ လှေလောက်ပဲ့ ခေါ"က်တတ်တာ..."
Demon Slayer: Kimetsu no Yaiba Infinity Castle Movie ဂျပန်မှာထွက်ရှိမယ့်ရက်ကို March လ 1 ရက်နေ့ 7pm (JST) မှာကြေညာမယ်လို့ အတည်ပြုသွားခဲ့ပါပြီ။
သင်သိပါသလား?
#ယနေ့ထုတ်သတင်းစာ_သတင်း
◼ မြန်မာပြည်တွင်း တိုင်းရင်းသားအုပ်စု ခေါင်းဆောင်များနှင့် စတင်တွေ့ ဆုံနေကြောင်း ထိုင်းဝန်ကြီးချုပ်ဟောင်း သက်ဆင် ပြောကြား
မြန်မာ့နိုင်ငံရေးအကျပ်အတည်းကို ဖြေရှင်းရေးအတွက် နည်းလမ်းများရှာသည့်အနေဖြင့် မြန်မာပြည်တွင်းတိုင်းရင်းသား အုပ်စုအမျိုးမျိုးမှ အဓိကခေါင်းဆောင်များနှင့် စတင်တွေ့ဆုံဆွေးနွေးနေကြောင်း ထိုင်းဝန်ကြီးချုပ်ဟောင်း သက်ဆင်က မလေးရှားအစိုးရ ဘာနားမားသတင်းဌာနနှင့်ပြုလုပ်ခဲ့သော တွေ့ဆုံမေးမြန်းခန်းတစ်ခု၌ ထုတ်ဖော်ပြောကြားလိုက်သည်။
မြန်မာပြည်တွင်းရှိခေါင်းဆောင်များအနေဖြင့် တောင်းဆိုချက်အများအပြားဖြင့် ရောက်လာခဲ့ပြီး မိမိကလည်း ပို၍လက်တွေ့ကျသည့် အတိုချုံးတောင်းဆိုချက်စာရင်းဖြင့် တစ်ကျော့ပြန်လာရန် ၎င်းတို့ကိုတိုက်တွန်းခဲ့ကြောင်း ထိုင်းဝန်ကြီးချုပ်ဟောင်း သက်ဆင်က ဘာနားမားသတင်းဌာနသို့ ထုတ်ဖော်ပြောကြားခဲ့သည်။
ဝန်ကြီးချုပ်ဟောင်းသက်ဆင်သည် လက်ရှိတွင် ၂ဝ၂၅ ခုနှစ် အာဆီယံအလှည့်ကျဥက္ကဋ္ဌ မလေးရှားဝန်ကြီးချုပ် အန်ဝါအီဘရာဟင်၏အကြံပေးအဖြစ် တာဝန်ထမ်းဆောင်နေသူဖြစ်သည်။
အာဆီယံအလှည့်ကျဥက္ကဋ္ဌ မလေးရှားဝန်ကြီးချုပ်၏ အလွတ် သဘောအကြံပေးတာဝန်ကို မရယူမီ ထိုင်းဝန်ကြီးချုပ်ဟောင်းသက်ဆင်သည် မြန်မာပြည်တွင်းရှိ တိုင်းရင်းသားလက်နက်ကိုင် အုပ်စုအချို့မှ ခေါင်းဆောင်များနှင့် ပြီးခဲ့သည့်နှစ် မတ်လနှင့် ဧပြီလအကြား ထိုင်းနိုင်ငံ ချင်းမိုင်ပြည်နယ်၌ တွေ့ဆုံဆွေးနွေးခဲ့ဖူးကြောင်း သတင်းပေါ် ထွက်ခဲ့သည်။
အာဆီယံအလှည့်ကျဥက္ကဋ္ဌ၏ အကြံပေးအဖြစ် မြန်မာပြည်တွင်းတိုင်းရင်းသားအုပ်စုခေါင်းဆောင်များနှင့် မည်သည့်အချိန်တွင် တွေ့ဆုံခဲ့သည်ကို သက်ဆင်ရှင်နာဝပ်က ထုတ်ဖော်ပြောကြားခြင်း မရှိခဲ့ပေ။
မြန်မာနိုင်ငံအနေဖြင့် ရွေးကောက်ပွဲကျင်းပရေးမကြိုးပမ်းမီ ပြည်တွင်းတိုင်းရင်းသားအုပ်စု အမျိုးမျိုးယင်းရွေးကောက်ပွဲ၌ ပါဝင်နိုင်ရေးအတွက် ပိုမိုကျယ်ပြန့်လွှမ်းခြုံနိုင်မှုရှိသော လမ်းစဉ်တစ်ရပ်ကျင့်သုံးရန်လိုအပ်ကြောင်း ထိုင်းဝန်ကြီးချုပ်ဟောင်း သက်ဆင်က ပြောကြားထားသည်။
အပြစ်ပြောခံရမှာကြောက်ရင်
ဘာမှမလုပ်ဘဲနေမှဖြစ်မယ်။
ဒါတောင်မှ
ဘာမှမလုပ်ဘူးဆိုပြီး အပြောခံရဦးမှာ
မဟုတ်လား။ အလုပ်လုပ်တဲ့သူကတော့
အပြောခံရမှာပဲ။
လူ့ပါးစပ်ဆိုတာ
အကောင်းလည်းပြော
မကောင်းလည်း ပြောတတ်ကြတာပဲလေ။
ဘယ်လိုပဲပြောပါစေ ကိုယ့်ဘက်က
မပြောင်းလဲဖိုဘဲ အရေးကြီးတယ်။
လူ့သဘောက
တည့်ရင် အကောင်းပြောမယ်။
မတည့်ရင် အစောင်းပြောမယ်။
ချစ်ရင် အပြစ် မကြည့်ဘူး။
မုန်းရင် အပြုံး မရှိဘူး။
အဆင်ပြေရင် ဆင်ခြေပေးပြီး
ကာကွယ်ပေးမယ်။
အဆင်မပြေရင် အထင်သေးပြီး
မညှာဘေးဖယ်မယ်။
ဒါဟာ ပြောင်းလဲတတ်တဲ့
ပုထုဇဉ်လူသားတွေရဲ့သဘာဝပဲ။
ဒါကြောင့်
အချစ်ပြောလိုလည်း မသာယာနဲ့။
အပြစ်ပြောလိုလည်း မခါပါနဲ့။
အကောင်းပြောခံရရင် သတိအားယူ။
အစောင်းပြောခံရရင် စိတ်အင်အားယူ။
စကားဆိုတာ ခံစားပြီး
ပူနေရမှာ မဟုတ်သလို
ပြန်ကြားပြီး ငူနေရမှာလည်း မဟုတ်ဘူး
မမြဲတဲ့ ပညတ်အသံလိုသာ
သဘောထား ကိုယ့်အလုပ်ကိုယ် ကြိုးစားဖိုပါပဲ။
ဟူးးးးးး
ပုဂံမှာ တရားရုံးထုတ် လုံခြုံရေးယူတဲ့ရဲတပ်ဖွဲ့ဝင်တွေ သေနတ်နဲ့ အပစ်ခံရလို့ နှစ်ယောက်သေဆုံး
ဖေဖော်ဝါရီ ၁၈
မန္တလေးတိုင်းဒေသကြီး၊ညောင်ဦးမြို့နယ်အတွင်းက ပုဂံမြို့မှာ တရားရုံးထုတ်လုံခြုံရေးယူဖို့ထွက်လာတဲ့ ရဲတပ်ဖွဲ့ဝင်တွေသေနတ်နဲ့ အပစ်ခံရလို့ ရဲတပ်ဖွဲ့ဝင်နှစ်ယောက်သေဆုံးသွားခဲ့တယ်လို့ သိရပါတယ်။
ပစ်ခတ်ခံရသူတွေဟာ ပုဂံနယ်မြေရဲစခန်းက ရဲတပ်ဖွဲ့ဝင်တွေ ဖြစ်တယ်လို့ ဒေသတွင်းသတင်းတွေနဲ့ အုပ်ချုပ်ရေးပိုင်းဆိုင်ရာနဲ့ နီးစပ်သူတွေက ဆိုပါတယ်။
ဖြစ်စဉ်ဟာ ဖေဖော်ဝါရီ ၁၈ ရက်၊နံနက် ၉ နာရီ ၂ဝ အချိန်မှာ ပုဂံနယ်မြေရဲစခန်းက ဒုရဲအုပ် ဝါဝါထွန်း ဦးစီးတဲ့ ရဲတပ်ဖွဲ့ဝင် သုံးယောက်ဟာ ညောင်ဦးမြို့နယ်၊ တရားရုံးထုတ် လုံခြုံရေးဆောင်ရွက်ဖို့အတွက် မော်တော်ဆိုင်ကယ် နှစ်စီးနဲ့ ထွက်ခွာလာရာ ညောင်ဦးမြို့၊အမှတ်(၇) ရပ်ကွက်၊ ဝက်ကြီးအင်းရပ်ကွက်၊ အလိုတော်ပြည့်ဘုရားအနီး၊ အနော်ရထာလမ်းမကြီးဘေး အရောက်မှာ အိမ်စီးကား Honda Fit (အရောင်စိစစ်ဆဲ)ပေါ်ကနေ ပြောက်ကျားဝတ် အမျိုးသား လေးယောက်က သေနတ်နဲ့ ပစ်ခတ်သွားခဲ့တာဖြစ်တယ်လို့ သိရပါတယ်။
အမည်မသိလက်နက်ကိုင်အဖွဲ့ရဲ့ သေနတ်နဲ့ အပစ်ခံရလို့ ရဲတပ်ကြပ် ခင်မောင်မြင့်နဲ့ ရဲတပ်သား ရီဝေဦးတို့ နှစ်ယောက်ဟာ ရရှိဒဏ်ရာတွေနဲ့ သေဆုံးသွားပြီး ဒုရဲအုပ် ဝါဝါထွန်းကတော့ ထွက်ပြေးလွတ်မြောက်ခဲ့တယ်လို့ အုပ်ချုပ်ရေးပိုင်းဆိုင်ရာနဲ့ နီးစပ်တဲ့ တယ်လီဂရမ်ချန်နန်သတင်းတွေက ဖော်ပြထားပါတယ်။
"ဟုတ်တယ်။မနက်ကတော့ အဲဒီလိုကြားတယ်။မနက် ၁ဝ နာရီလောက်ကဖြစ်တယ်လို့ကြားတယ်။ရဲတွေကို အလိုတော်ပြည့်ဘုရားနားမှာ ပစ်သွားတယ်လို့ပြောတယ်။ပုဂံမြို့ဟောင်းဘက်ပေါ့၊ပုဂံမြို့ဟောင်းနဲ့ ညောင်ဦးက တဆက်တည်းပါ။ပုဂံမြို့သစ်က သပ်သပ်ပါ။အရင်က တော့ ဒီလိုဖြစ်တာမျိုး ပုဂံမြို့ပေါ်မှာ မကြားဘူးဘူး။အခုတော့ဘယ်လိုဖြစ်လဲ မသိဘူး။ပုဂံက ယဉ်ကျေးမှုနယ်မြေလေ"လို့ ပုဂံ - ညောင်ဦး ဒေသခံတယောက် က ပြောပါတယ်။
ဒါအပြင် ပြီးခဲ့တဲ့ ရက်သတ္တပတ်က ချောက်မြို့အနီးနဲ့ ချောက် - ညောင်ဉီးကားလမ်းပေါ်မှာ ထိတွေ့တိုက်ပွဲအချို့ကြောင့် ပုဂံ - ညောင်ဦးဒေသကို ခရီးသွားဧည့်သည် ဝင်ရောက်မှု ထက်ဝက်ခန့်လျော့ကျသွားတယ်လို့ လည်း အဲဒီဒေသမှာရှိကြတဲ့ နယ်ခံခရီးသွားလုပ်ငန်း လုပ်ကိုင်သူတွေက ဆိုပါတယ်။
အဲဒီတိုက်ပွဲ သတင်းဂယက်ကြောင့် ပုဂံ - ညောင်ဦးဒေသဘက်ကို ခရီးသွားတွေက စိုးရိမ်စိတ်နဲ့ ကြောက် လန့်ပြီးမလာကြတော့တာဖြစ်တယ်လို့ သိရပါတယ်။
သို့သော်လည်း ယနေ့ ဖေဖော်ဝါရီ ၁၈ ရက်အထိတော့ ပုဂံ - ညောင်ဦးဒေသတဝိုက်နဲ့ ပုဂံမြို့ပေါ်တွေမှာတော့ အေးအေးချမ်းချမ်းရှိနေပြီး ဘုရား၊စေတီ၊ပုထိုးတွေလည်းဖွင့်ထားသလို ခရီးသွားတွေအတွက် ဟိုတယ်နဲ့ တည်းခိုခန်းတွေကိုလည်း ပိတ်ထားခြင်းမျိုးမရှိဘဲ ပုံမှန်အတိုင်းဖွင့်လှစ်ပေးထားတယ်လို့ ပုဂံ - ညောင်ဦး ဒေသခံတွေက ပြောပါတယ်။
"မြို့ပေါ် ကအခြေအနေကောင်းပါတယ်။ပုဂံမြို့ပေါ်တွေမှာက ဘာမှမဖြစ်ပါဘူး။ဟိုရက်ပိုင်းတွေက ဖြစ်တာက ချောက်နဲ့ ညောင်ဉီးကြားမှာဖြစ်တာလို့ ကြားတယ်။အဲလိုသတင်းတွေကြားတော့ ဧည့်သည်တွေက ကြောက်ပြီး မလာကြတော့တာပေါ့။အခုပုဂံမှာ တချို့ဧည့်သည်တွေလည်း ရှိတော့ရှိပါတယ်။ဒီနှစ်က စီးပွားရေးလည်းပါးကြ သိပ်မကောင်းကြတော့ ဧည့်သည် သိပ်မဝင်တာလည်းပါပါတယ်။မနှစ်ကလောက် အရင်နှစ်တွေကလောက်ဧည့်သည်က သိပ်မရှိဘူးပေါ့။နောက်သတင်းတွေကလည်း ပုဂံဆိုပြီးပဲ ရေးနေကြတော့ ဧည့်သည်တွေက ဒါကို အဓိက လန့်ကြတာပေါ့။တကယ်က မြို့ပေါ်မှာက ဘာမှမဖြစ်ဘူး။ဖြစ်တဲ့နေရာနဲ့ ပုဂံမြို့သစ်နဲ့ ဆိုရင် (၇)မိုင်လောက်ဝေးပါတယ်။ချောက်နဲ့ ပုဂံဆို (၁၄)မိုင်လောက်ရှိမယ်ထင်တယ်။ပုဂံကတော့ မန္တလေးတိုင်းထဲပါတာပေါ့။ဧရာဝတီမြစ်ကူးမယ်ဆိုရင်တော့ မကွေးတိုင်း(အနောက်ခြမ်း)ရောက်မှာပါ"လို့ ပုဂံ-ညောင်ဦးဒေသခံတယောက်က ထပ်လောင်းပြောပြပါတယ်။
ပုဂံ - ညောင်ဦးဒေသခံ ခရီးသွားလုပ်ငန်း လုပ်ကိုင်သူတွေကတော့ အခုထိတော့ ပုဂံဒေသဟာ အေးအေးချမ်းချမ်းရှိနေတဲ့ အတွက် ခရီးသွားဧည့်သည်တွေအနေနဲ့လာရောက်လည်ပတ်လို့ ရတယ်လို့လူမှုကွန်ရက်ပေါ်က ပုဂံဒေသခရီးသွားဂရုတွေမှာဖိတ်ခေါ် နေတာကိုလည်းတွေ့ရပါတယ်။
"ပုဂံကို ချောက်ဘက်ကနေ လာတဲ့ ဧည့်သည်သိပ်မရှိပါဘူး။ညီမတို့ဘက်ကို လာကြတာက ကျောက်ပန်းတောင်းဘက်ကပဲ များပါတယ်။ကျောက်ပန်းတောင်းဘက်ကပဲ ဧည့်သည်တွေလာကြတယ်။ဟိုတယ်တွေလည်း မပိတ်ဘူး။ဘုရားတွေလည်း မပိတ်ပါဘူး။သူ့ဟာလေးနဲ့ သူတော့လာကြတာရှိပါတယ်။အခုအထိဧည့်သည်အချို့ရှိပါတယ်"လို့ ပုဂံ - ညောင်ဦးဒေသခံတယောက်က ထပ်လောင်းပြောပြပါတယ်။
ဒါအပြင် လက်ရှိအချိန်အထိ ပုဂံ - ညောင်ဦး မြို့ဝင်/မြို့ထွက်ဂိတ်တွေကိုလည်း ပုံမှန်အတိုင်းဖွင့်လှစ်ပေးထားတယ်လို့ သိရပါတယ်။
ပြီးခဲ့တဲ့ ဒီဇင်ဘာခရီးသွားရာသီမှာတော့ ပုဂံ - ညောင်ဦးဘက်ကို ပြည်တွင်း၊ပြည်ပခရီးသွားအများအပြား ဝင်ရောက်ခဲ့တယ်လို့လည်း ပုဂံဒေသမှာရှိတဲ့ ခရီးသွားလုပ်ငန်း လုပ်ကိုင်သူတွေက ဆိုထားပါတယ်။
အဲဒါအပြင် ပုဂံဒေသသို့ ပြီးခဲ့တဲ့၂၀၂၄ ခုနှစ်မှာ ခရီးသွားဘုရားဖူးဧည့်သည်ဦးရေ တသန်းကျော် ပိုမိုလာရောက် လည်ပတ်ခဲ့ကြတယ်လို့လည်း ဟိုတယ်နဲ့ ခရီးသွားညွန်ကြားမှုဦးစီး ဌာန(ပုဂံရုံးခွဲ)ရဲ့ထုတ်ပြန်မှုတွေအရ သိရှိရပါတယ်။
Photo - CJ
#centralnewsnaypyitaw
