အဖေက ပြောဖူးတယ် ..
" ငွေကလွဲပြီး ကျန်တာ ဘာမှမရှိတဲ့လူ
မဖြစ်စေနဲ့ "တဲ့။
အဲဒီတုန်းက "ဟုတ်ကဲ့ " လို့သာ
ပြောခဲ့တာ သူဘာကို ဆိုလိုလဲ
သဘော မပေါက်ခဲ့ဘူး။
အသက်တွေ ကြီးလာတော့
လူပေါင်းစုံနဲ့ ကြုံရ ဆုံရ
ဆက်ဆံရတော့မှ ငွေကလွဲပြီး
ဘာမှမရှိတဲ့ လူတွေအကြောင်း
သိလာရတယ်။
အဖေ ပြောတာ အရမ်းမှန်တယ်။
တချို့လူတွေ ဘဝက သိပ်သနားဖို့
ကောင်းတယ်။
သူတို့မှာ ငွေဘဲရှိတာ။
ကျန်တာ ဘာမှ မရှိဘူး။
လူ့အသိုင်းအဝိုင်း အတွက်
အရေးကြီးတဲ့..
" ရိုးသားမှု " တွေ ..
" မေတ္တာတရား " တွေ ..
" ကိုယ်ချင်းစာတရား " တွေ ..
" သနားကြင်နာမှု " တွေ ..
ဘာဆို ဘာမှ မရှိဘူး။
ရှိရကောင်းမှန်းလည်း မသိဘူး။
အရာအားလုံးကို ငွေနဲ့ လဲမယ်
ဆိုတဲ့ လူတန်းစားတွေပေါ့။
အရင်က ငွေရှိတဲ့ လူတိုင်းကို
အထင်ကြီးလေးစား မိပေမယ့်
အဲဒီလို ငွေရှိပြီး ကျန်တာ ဘာမှမရှိတဲ့
လူတန်းစားတွေနဲ့ တွေ့ကြုံဖူးတော့မှ
ဘယ်လောက်ဘဲ ငွေရှိရှိ
ရိုးသားမှုတွေ ၊
ကိုယ်ချင်းစာတရားတွေ
မေတ္တာတရားတွေ လုံးဝ မရှိရင်
အထင်ကြီးလို့ကို မရတော့ဘူး။
သူ့ဟာသူ ဘာကောင်ကြီးဖြစ်နေနေ
ခပ်တန်းတန်းဘဲ နေဖြစ်တော့တယ်။
အဲဒီလိုလူတွေက ငွေအတွက်
ကိုယ်ကျင့်တရားက အစ
ဘယ်အရာကိုမဆို စတေးပစ်ဖို့
ဝန်မလေးတတ်ဘူး။
" လောကမှာ ကြောက်စရာအကောင်းဆုံးလူက
ငွေက လွဲပြီးကျန်တာ ဘာမှမရှိတဲ့
အဲဒီလို လူမျိုးတွေဘဲ "
အဲဒီလိုလူတွေ တွေ့ရင်
အဝေးဆုံးက ရှောင်ပါ။
ငွေရှိပြီး ကျန်တာ မရှိတဲ့လူက
လောကအတွက် ဘယ်နေရာမှာမှ
အကျိုးမပြု ပေမယ့် ...
ငွေ မရှိပေမယ့် ကျန်တဲ့အရာတွေ
ရှိတဲ့လူက လောကအတွက်
အကျိုးပြုတဲ့ လူသားတွေပါဘဲ။
ငွေကော ကျန်တဲ့အရာတွေပါ
ရှိနေရင်တော့
အကောင်းဆုံးဘဲပေါ့။
ငွေကော၊ မေတ္တာတရားကော
ကိုယ်ချင်းစာတရားပါ ထားနိုင်သူများ
ဖြစ်နိုင်ကြပါစေ။

KNU နှင့် PDF အပါအဝင် လက်နက်ကိုင်များကို ဆက်နွှယ်ထောက်ပို့လုပ်နေသော ထိုင်းရောက် မြန်မာလုပ်သားအရေးလှုပ်ရှားသည့် AAC ကို ပိတ်သိမ်းရန် ထိုင်းအစိုးရ ညွှန်ကြား

ဖေဖော်ဝါရီ ၁၉

KNU/ KNLA နဲ့ PDF အပါအဝင် လက်နက်ကိုင်တွေကို ဆက်နွှယ်ထောက်ပို့လုပ်နေတဲ့ ကိုရဲမင်း ဦးဆောင်တဲ့ ထိုင်းနိုင်ငံရောက် မြန်မာလုပ်သားအရေးလှုပ်ရှားတဲ့ AAC (Aid Alliance Committee) ကို မနေ့ကစ ပိတ်သိမ်းဖို့ ထိုင်းအစိုးရက ညွှန်ကြားလိုက်ပြီဖြစ်ပါတယ်။

“ကျနော်ရယ် ဦးခိုင်ရယ် ကိုကိုနိုင်ရယ် ဦးဆောင်ပြီး ထိုင်းရောက်မြန်မာလုပ်သားတွေရဲ့ လုပ်အား၊ ငွေအားတွေနဲ့ တည်ဆောက်ခဲ့ရတဲ့ ထိုင်းရောက်မြန်မာလုပ်သားဒုက္ခသည်များစွာရဲ့ ခိုလှုံရာ AAC ဂေဟာကြီး ဒီနေ့မှာ ထိုင်းအာဏာပိုင်အဖွဲ့စုံက ဝင်ရောက်စစ်ဆေးပိတ်သိမ်းခိုင်းတယ်ဆိုတော့ ကျနော့် ရင်ထဲမှာ ဘယ်လိုမှ ခံစားမနိုင်ဘူး ကျနော်တို့က ထိုင်းကို အားကိုးနေရတာမို့လား…..” လို့ AAC ဦးဆောင်သူ ကိုရဲမင်းက သူ့ရဲ့ လူမှုကွန်ရက်မှာ ဖော်ပြထားပါတယ်။

ထိုင်းနိုင်ငံမှာ မြန်မာလုပ်သားအရေးလုပ်ဆောင်တဲ့ အလုပ်သမားအဖွဲ့တွေအပါအဝင် ပရဟိတကူညီရေးအဖွဲ့ ဆယ်နဲ့ချီရှိနေပေမဲ့ ထိုင်းအစိုးရက စိစစ်ပိတ်သိမ်းခိုင်းရာမှာတော့ ကိုယ်တိုင်လည်း လက်နက်ကိုင်ထားသလို NUG,PDF နဲ့ KNU/KNLA ကို ဆက်နွှယ်နေတဲ့ AAC စင်တာတစ်ခုကိုပဲ တရားမဝင်တာ၊ ခွင့်ပြုချက်မရှိ ဆောက်ထားတာ၊ လူအများအပြားစုဝေးနေတာကြောင့် မနေ့က လာရောက်စစ်ဆေးအပြီးမှာ လက်နက်ကိုင်အကြမ်းဖက်မှုနဲ့ ဆက်နွှယ် ပိတ်သိမ်းခိုင်းတဲ့အခြေအနေဖြစ်တယ်လို့ ထိုင်းနိုင်ငံရောက် မြန်မာလုပ်သားအရေးဆောင်ရွက်သူတစ်ဦးက ပြောပါတယ်။

ပုံစာ။ AAC ကို ထိုင်းအာဏာပိုင်များစစ်ဆေးမှု၊ AAC ဦးဆောင်သူ Ye Min အကောင့်တွင် တင်ထားသည့် လက်နက်ကိုင်ဆောင်လှုပ်ရှားမှုနှင့် ထောက်ပို့ပုံရိပ်အချို့ (Photo – Ye Min & Hla Khaing)

#centralnewsnaypyitaw

တစ်ခါတုန်းက တောနက်ကြီးထဲက သစ်ပင်တစ်ပင်မှာ မျောက်တစ်ကောင်နေထိုင်တယ်။ ရာသီဥတုကလည်း ဆောင်းရာသီဆိုတော့ မျောက်ခမျာ တော်တော်လေး ချမ်းနေရှာတယ်။
အဲဒါနဲ့ မီးရလိုရငြား လိုက်ရှာရင်း အဝေးတစ်နေရာမှာ ပိုးစုန်းကြူးတစ်ကောင်ကို သွားတွေ့တယ်။
တွေ့တော့ မျောက်က အဲဒီပိုးစုန်းကြူးနဲ့ မီးဖိုလို့ ရမယ်ထင်ပြီး လိုက်ဖမ်းတယ်။
မိတော့ ပိုးစုန်းကြူးအပေါ်မှာ အမှိုက်တွေပုံ၊ သစ်ကိုင်းခြောက်လေး နည်းနည်းပါးပါးပုံပြီး မီးစွဲအောင် မှုတ်နေတယ်။
မျောက်ရဲ့စိတ်ထဲမှာတော့ ပိုးစုန်းကြူးကို မီးစဖြစ်ရမယ်လို့ အထင်မှားနေပြီး မီးမတောက်မချင်း တဖူးဖူးနဲ့ မှုတ်နေတယ်။
ဒါကို သူနဲ့ မလှမ်းမကမ်းက ကျောက်ဆောင်ပေါ်မှာ နားနေတဲ့ ငှက်ကမြင်တော့ တားတယ်။
"ဟိတ်ကောင် အဲဒါ မီး မဟုတ်ဘူး၊ ပိုးစုန်းကြူး"
မျောက်က အရေးမလုပ်ဘူး။ ထပ်ပြောတယ်။
"ဟိတ်ကောင် မီးမဟုတ်ဘူးဟ၊ ပိုးစုန်းကြူး"
မျောက်က အရေးမလုပ်ပြန်တော့ တတိယအကြိမ်ထပ်ပြောတယ်။
"ပြောနေတာကြားလား မီးမဟုတ်ဘူးကွ၊ ပိုစုန်းကြူးဟ"
ဒီအခါမှာတော့ မျောက်က စိတ်တိုပြီး ငှက်ကို ကျောက်ဆောင်နဲ့ ရိုက်သ-တ်ပစ်လိုက်ပါတော့တယ်။
အမှန်တရားကို ပြောတဲ့ငှက် မမှားပါဘူး။ ဒါပေမဲ့ အမှန်တရားကို လက်မခံနိုင်တဲ့မျောက်ကို သွားပြောမိလိုက်တာတော့ မှားသွားပါတယ်။
တစ်ခါတလေကျရင် တချို့အမှန်တရားတွေက လက်မခံနိုင်တဲ့သူကို သွားပြောမိရင် သူ့အမှားကနေ ကိုယ့်အမှား ဖြစ်တတ်တယ်။
Credit

ကျားဖြန့်သမားများ ထိန်းသိမ်းမှုတွင် အခက်အခဲများရှိဟု BGF ပြော

ဖေဖော်ဝါရီ ၁၉

မြန်မာနိုင်ငံ၊ ကရင်ပြည်နယ်အတွင်းရှိ ကျားဖြန့်လုပ်ငန်းများမှ ဖမ်းဆီးရမိထားသူများအား ထိန်းသိမ်းစောင့်ရှောက် ရာတွင် အခက်အခဲများရှိကြောင်း ကရင်ပြည်နယ်နယ်ခြားစောင့်တပ်(BGF)၏ သတင်းထုတ်ပြန်ရေး တာဝန်ခံ ဒုတိယဗိုလ်မှူးကြီး နိုင်မောင်ဇော်က ပြောသည်။

ဖမ်းဆီးရမိထားသည့် လူဦးရေ ထောင်ကျော်ကို ထိန်းသိမ်းထားရခြင်းမှာ ဝန်ကြီးကြောင်းနှင့် နေရပ်သို့ အမြန်ဆုံး ပြန်ပို့နိုင်မည်ဆိုပါက အခက်အခဲမရှိကြောင်း ၎င်းက ပြောသည်။

ဒုဗိုလ်မှူးကြီးနိုင်‌မောင်ဇော်က “လက်ရှိ အခုပြန်ပို့မယ့် နေရာမှာ ပြန်ပို့ဖို့အတွက် စောင့်ဆိုင်းနေတဲ့ နေရာမှာ မြဝတီမြို့ စည်းကမ်းထိန်းသိမ်းရေးက လက်ခံရတာကို။ အဲဒီလို လက်ခံတဲ့အခါ ခုနက လူတွေ အရေအတွက် များလာတာနဲ့အမျှ ချက်ပြုတ်ကျွေးမွေးရတာ တစ်နေ့ကို ၃ နပ် ကျွေးတယ်။ နောက်ပြီး ကျန်းမာရေး စောင့်ရှောက် မှုတွေ တချို့တွေ ကျန်းမာရေး မကောင်းဘဲနဲ့ ၉၆ ပါးရောဂါနဲ့ ပါလာတဲ့လူတွေရှိတယ်။ အဲဒီသူတွေကို ကျန်းမာရေး စောင့်ရှောက်မှုတွေ ပေးရတယ်။ အစစ အရာရာပေါ့။ တွေးကြည့်ပေါ့ ကျနော်တို့ လူ ၁၀၀၀ ကျော်ကို နေရာတစ်ခု တည်းမှာ ထားထား ရတယ်ဆိုတာက တော်တော်လေးကို ဝန်ကြီးတယ်လေ။ အခက်အခဲတွေတော့ အများကြီးရှိ တာပေါ့။ လက်ရှိကတော့ ကျနော်တို့ အမြန်ဆုံး ပြန်ပို့နိုင်ရင်တော့လည်း တစ်သုတ်ပြီးတစ်သုတ် အချိန်မကြာဘဲ ပြန်ပို့နိုင်ရင်တော့ ကျနော်တို့အတွက် အခက်အခဲ သိပ်မရှိဘူးပေါ့။ ကျနော်တို့ကတော့ နှိမ်နင်းရေးက လုပ်သွား မှာပဲ။ တစ်ဖက်က ပြန်လည်လက်ခံတဲ့အပေါ်မှာ မူတည်တယ်။ ပြန်လည်လက်ခံတာ စောစောများများ လက်ခံနိုင် ရင် စောစောပြီးသွားမယ်။ ဒီအပေါ်မှာမှ အခက်အခဲတွေက အိမ်နီးချင်းထိုင်းနိုင်ငံနဲ့ ဆက်စပ်မှုမရှိတဲ့ သံရုံးတွေက နိုင်ငံသားတွေဆိုရင်တော့ ပြန်ပို့ဖို့က နည်းနည်း အခက်အခဲရှိတယ်ပေါ့” ဟု ပြောသည်။

ထိုသို့ ပြန်ပို့ရန် အခက်အခဲရှိသည့် နိုင်ငံသားများကိုမူ မြန်မာဘက်အခြမ်းမှ တာဝန်ရှိသူတို့၏ အစီအစဉ်ဖြင့် ပြန်လည်ဆောင်ရွက်ရမည်ဖြစ်ကြောင်း သိရသည်။

လက်ရှိတွင် ဖမ်းဆီးရမိထားသူ ၂၀၀၀ ကျော်ရှိပြီး တစ်ဦးချင်းစီကို စစ်ဆေးမေးမြန်းမှုများ ပြုလုပ်ရာတွင် ထိုင်း ဗီဇာဖြင့် ဝင်ရောက်လာကြသူများ ဖြစ်ကြကြောင်း၊ ထိုထဲတွင် တရုတ်နိုင်ငံသား အများဆုံးဖြစ်ကြောင်း သိရသည်။

ထိုင်းအာဏာပိုင်များမှ ကျားဖြန့်များအား နှိမ်နှင်းရန် မြဝတီမြို့ အပါအဝင် ထိုင်း-မြန်မာနယ်စပ် နေရာ ၅ ခုကို ဖေဖော်ဝါရီ ၅ ရက်နေ့မှ စတင်ကာ လျှပ်စစ်မီး၊ အင်တာနက်နှင့် လောင်စာဆီများ ဖြတ်တောက်ထားသည်။

ထို့‌နောက်၂၀၂၅ ခုနှစ်၊ ဖေဖော်ဝါရီ ၁၂ ရက်နေ့မှ စတင်ကာ မိုဘိုင်းဖုန်း၊ အင်ဗက်တာ၊ ဆိုလာပြား စသည့် လျှပ်စစ်ပစ္စည်းများ အပါအဝင် ထိုင်းနိုင်ငံ၏ ထုတ်ကုန် ၁၂ မျိုးကိုလည်း မြန်မာပြည်ထဲ တင်ပို့ခွင့်ကို ပိတ်ပင်ထား သည်။

ထိုကိစ္စကြောင့် ဒေသခံပြည်သူများ အခက်အခဲဖြစ်နေရသည့်အတွက် တာဝန်ရှိ အကြီးအကဲများအနေဖြင့် ဆွေးနွေးမှုများ ပြုလုပ်နေကြောင်း ကရင်ပြည်နယ်နယ်ခြားစောင့်တပ်(BGF)၏ သတင်းထုတ်ပြန်ရေး တာဝန်ခံ ဒုတိယဗိုလ်မှူးကြီး နိုင်မောင်ဇော်က ပြောသည်။

၎င်းက “အဓိကကတော့ ကျနော်တို့အတွက် မဟုတ်ပါဘူး။ ကျနော်တို့ မြင်နေရတယ် မြေပြင်မှာ ကျနော်တို့ ဒေသမှာ ကျနော်တို့ရှိတဲ့အတွက် ကျနော်တို့ဒေသက ပြည်သူ ကျနော်တို့ချစ်တယ်။ ကျနော်တို့ဒေသက ပြည်သူ တွေ ဒီလိုအခက်အခဲဖြစ်နေရတာ နေ့တိုင်းမြင်နေရတာ အရမ်းဝမ်းနည်းတယ်။ ကျားဖြန့် အရေးနဲ့ပတ်သက်ပြီး ကျနော်တို့ အရှိန်အဟုန်နဲ့လုပ်နေပြီ။ အလုပ်လုပ်ပြနေပြီ။ ပါးစပ်နဲ့ပြောတာ မဟုတ်ဘူး။ လက်တွေ့ အကောင် အထည်ဖော်နေပြီ။ ဒါကိုလည်း အကုန်လုံးသိတာပဲ။ ကျနော်တို့ သေသေချာချာ လုပ်နေတယ်။ ၃ နိုင်ငံတောင်မှ ကျနော်တို့နိုင်ငံထဲမှာ လက်ရှိ မြဝတီမြေပေါ်မှာ နယ်စပ်ပေါ်မှာ ကျနော်ကြုံဖူးတာဆို ဒါပထမဦးဆုံးပဲ။ ထိုင်းနဲ့ မြန်မာနိုင်ငံ ဆွေးနွေးတာကတော့ ခဏခဏ တွေ့ဖူးပါတယ်။ အခုလို ထိပ်ပိုင်း ခေါင်းဆောင်တချို့တွေ ဒီလို လာဆွေးနွေးတာ ပထမဆုံးပဲ။ ဒါက ကျ‌နော်တို့ရဲ့ ပူးပေါင်းဆောင်ရွက်မှုအပေါ်မှာ အကြီးအကဲတွေက အသိအမှတ် ပြုတယ်လို့မှတ်ယူပါတယ်” ဟု ပြောသည်။

လက်ရှိတွင် ဖမ်းဆီးရမိသူများထဲမှာ လူဦးရေ ၁၀၀၀ ‌ကျော်အား နေရပ်ပြန်ပို့ရေးကို လုပ်ဆောင်နေကြောင်း သိရသည်။

ပြီးခဲ့သည့် ဖေဖော်ဝါရီ ၁၇ ရက်နေ့က မြန်မာ-ထိုင်း-တရုတ် ၃ နိုင်ငံမှ အဆင့်မြင့် ကိုယ်စားလှယ်များသည် မြန်မာနိုင်ငံ၊ ကရင်ပြည်နယ်၊မြဝတီမြို့၊ ရွှေကုက္ကိုလ်မြို့နှင့် KK Park နယ်မြေများသို့ သွားရောက်၍ ကျားဖြန့် ဂိုဏ်းများမှလူကုန်ကူးခံထားရသူများကို တွေ့ဆုံခဲ့ကြသည်။

ထို့ပြင် မြန်မာ-ထိုင်းနယ်စပ်ရှိ ရွှေကုက္ကိုလ်နှင့်မြဝတီမြို့များမှ ကျားဖြန့်ဂိုဏ်းများကို နှိမ်နင်းရန် အပါအဝင် လူကုန်ကူး ခံထားရသူများ ကယ်ထုတ်နိုင်ရေးကိုလည်း အစည်းအဝေးပြုလုပ်ခဲ့ကြကြောင်း သိရသည်။

ပုံ - BGF က ကျားဖြန့်များကို ဖမ်းပြီး နေရပ်ပို့ရန်လုပ်နေစဉ်

#သတင်းဟင်းလေးအိုးကြီး

(၁၉.၂.၂၀၂၅) ရက်နေ့ ပြည်တွင်း ရွှေစျေး၊ နိုင်ငံခြား ငွေလဲလှယ်နှုန်းနှင့်စက်ဆီဈေးနှုန်းများ
-----------------------
၁၆ ပဲရည် ရွှေတစ်ကျပ်သား
YGEA စျေး - ၅,၅၀၀,၀၀၀ ကျပ်
ပြင်ပပေါက်စျေး- ၆,၆၃၀,၀၀၀ ကျပ်
အမေရိကန်ဒေါ်လာ
ဗဟိုဘဏ်စျေး- ၂၁၀၀ ကျပ်(ဝယ်)၊ ၂၁၁၀ ကျပ်(ရောင်း)
ပြင်ပပေါက်စျေး- ၄၄၂၀ ကျပ်(ဝယ်)၊ ၄၄၈၀ ကျပ်(ရောင်း)
စက်သုံးဆီ(ရန်ကုန်)
Octane 92 - ၃၁၆၀ ကျပ်
Octane 95 - ၃၂၂၀ ကျ​ပ်
Premium Diesel - ၃၃၆၅ ကျပ်
Diesel - ၂၇၃၀ ကျပ်
ဖော်ပြပါ စျေးနှုန်းများမှာ အချိန်နှင့်နေရာအလိုက် အပြောင်းအလဲ ရှိနိုင်ပါတယ်။

“ဘာအနှောင်အဖွဲ့မှမထားနဲ့ ဘဝထဲလည်း ဘယ်သူ့ကိုမှ ခေါ်မသွင်းနဲ့”
မဟုတ်ရင်တော့ ဘဝတစ်ကွေ့ကွေ့မှာ သေရေးရှင်ရေးကြုံလာတဲ့အခါ မင်း စက္ကန့် (၃၀) အတွင်း ထွက်ပြေးနိုင်မှာ မဟုတ်ဘူး ။
Heat (1995)

တောင်ကိုရီးယားမှာ DeepSeek အသုံးပြုမှုပိတ်ပင်လိုက်ပြီး အက်ပ်လီကေးရှင်းစတိုးတွေကနေ ဖယ်ရှား

ဆိုးလ်၊ ဖေဖော်ဝါရီ ၁၉

တရုတ် အေအိုင် DeepSeek ဟာ TikTok ရဲ့မိခင်ကုမ္ပဏီ ဘိုက်ဒန့်စ်နဲ့အတူ သုံးစွဲသူတွေရဲ့ အချက်အလက်တွေကို မျှဝေနေကြောင်း တောင်ကိုရီးယား အာဏာပိုင်တွေက စွပ်စွဲလိုက်ပြီး နိုင်ငံမှာရှိတဲ့ အက်ပ်လီကေးရှင်းစတိုးတွေကနေ ဖယ်ရှားလိုက်ပါတယ်။

DeepSeek ဟာ ဘိုက်ဒန့်စ်နဲ့ ဆက်သွယ်လုပ်ဆောင်နေတယ်ဆိုတာ အတည်ပြုခဲ့တယ်လို့ တောင်ကိုရီးယား အချက်အလက်ကာကွယ်ရေးအေဂျင်စီက ပြောပါတယ်။ ကိုယ်ရေအချက်အလက်ဆိုင်ရာ စိုးရိမ်ပူပန်မှုတွေကြောင့် DeepSeek အသုံပြုမှုကို နိုင်ငံတွင်းမှာ ပိတ်ပင်ခဲ့တာပါ။

တောင်ကိုရီးယားမှာ စနေနေ့ညကထိ DeepSeek ဒေါင်းလုတ်ဆွဲသူ တသန်းကျော်ရှိနေပြီး လက်ရှိမှာတော့ ဒီအက်ပ်လီကေးရှင်းတွေကို အက်ပဲနဲ့ ဂူဂဲစတိုးတွေကနေ ဖယ်ရှားခဲ့တာပါ။ DeepSeek နဲ့ဘိုက်ဒန့်တို့အကြား ဘယ်လိုအချက်အလက်တွေလွှဲပြောင်းခဲ့လဲ ဆိုတာနဲ့ ဘယ်လောက်အတိုင်းအတာထိရှိလဲဆိုတာ အတည်မပြုနိုင်သေးဘူးလို့ တောင်ကိုရီးယား အချက်အလက်ကာကွယ်ရေးအေဂျင်စီက ပြောပါတယ်။

တရုတ် အေအိုင် DeepSeek ဟာ ဇန်နဝါရီလမှာ စတင်ထွက်ပေါ်လာပြီးနောက် နည်းပညာလောကမှာ ဂယက်အကြီးအကျယ်ထခဲ့ပြီး အဓိကအားဖြင့် ChatGPT ထက် ကုန်ကျစရိတ်များစွာသက်သာတဲ့ပုံစံနဲ့လေ့ကျင့် နိုင်တာဖြစ်ကာ ChatGPT နည်းတူ စွမ်းဆောင်ရည်မြင့်မားပါတယ်။

DeepSeek ထွက်ပေါ်လာပြီးနောက် နိုင်ငံအများအပြားဟာ သုံးစွဲသူတွေရဲ့ ကိုယ်ရေးဆိုင်ရာ အချက်အလက်တွေ လုံခြုံရေးဆိုင်ရာနဲ့ပတ်သက်ပြီး သတိပေးခဲ့ကြပါတယ်။ DeepSeek နဲ့ ဘိုက်ဒန့်စ်ဟာ အလားအလာရှိတဲ့ အချက်အလက်မျှဝေမှုတွေရှိတယ်လို့ အမေရိကန် ဆိုက်ဘာလုံခြုံရေးကုမ္ပဏီတခုကလည်း ဖေဖော်ဝါရီလအတွင်းက စွပ်စွဲခဲ့ပါတယ်။

တရုတ်အစိုးရ ဝေဖန်သူတွေကတော့ တရုတ်ရဲ့ အမျိုးသားထောက်လှမ်းရေး ဥပဒေဟာ တရုတ်ကုမ္ပဏီတွေထံကနေ လိုချင်တဲ့အချက်အလက်မှန်သမျှကို တရုတ်အစိုးရက ရယူခွင့်ရှိနေတယ်လို့ ဆိုကြပါတယ်။

Ref:BBC
Photo:Getty Images

#centralnewsnaypyitaw

ဒဏ်ရာအခြေအနေကို စစ်ဆေးမှုတွေပြုလုပ်ရမယ်လို့ ဟာရီကိန်းပြော

ဖေဖော်ဝါရီ ၁၉

ဘိုင်ယန်မြူးနစ်နဲ့ ဆဲလ်တစ်အသင်းတို့ ၁ ဂိုးစီသရေကျခဲ့တဲ့ ချန်ပီယံလိဂ်ပလေးအောဖ့် ဒုတိယအကျော့ပွဲစဉ်ရဲ့ ပထမပိုင်းအပြီးမှာ လူစားလဲခံခဲ့ရတဲ့ တိုက်စစ်မှူးဟာရီကိန်းက ဖြစ်နိုင်ခြေရှိတဲ့ ဒဏ်ရာအခြေအနေကို စစ်ဆေးမှုတွေပြုလုပ်ရမယ်လို့ ပြောခဲ့ပါတယ်။

ဟာရီကိန်းက “ကျနော်တို့ဟာ စကန်ဖတ်စစ်ဆေးမှုတွေပြုလုပ်ရမှာဖြစ်ပြီး ဒဏ်ရာအခြေအနေကို မြင်တွေ့ ရမှာပါ။ လာမယ့်တနင်္ဂနွေနေ့မှာကစားမယ့် ဖရန့်ဖတ်အသင်းနဲ့ပွဲစဉ်မှာ ကျနော်ပါဝင်ကစားနိုင်မလားဆိုတာ မသေချာဘူး”လို့ ပြောခဲ့တာပါ။

အင်္ဂလန်အသင်းခေါင်းဆောင် ဟာရီကိန်းဟာ ဆဲလ်တစ်အသင်းနဲ့ပွဲမတိုင်ခင်ကတည်းက ဒဏ်ရာစိုးရိမ်မှု တွေရှိနေပေမယ့် နည်းပြကွန်ပနီက သူတို့အတွက် အရေးကြီးတဲ့ ဒီပွဲစဉ်မှာ သူ့ကိုပွဲထွက် လူစာရင်း အသုံးပြု ခဲ့တာဖြစ်ပါတယ်။

ဒါပေမယ့် နည်းပြကွန်ပနီဟာ ပထမပိုင်းအပြီးမှာ ဟာရီကိန်းကို ကိုးမန်းနဲ့ လူစားလဲမှု ပြုလုပ်ခဲ့တာပါ။

ကွန်ပနီက ဟာရီကိန်းဟာ ဆက်မကစားနိုင်တော့တာကြောင့် လူစားလဲခဲ့တာဖြစ်ပြီး စမ်းသပ်စစ်ဆေးမှုတွေပြုလုပ်ပြီးရင် သူ့ရဲ့အခြေအနေကို သိရမယ်လို့ ပွဲအပြီးမှာ ပြောခဲ့ပါတယ်။

ဒီပွဲမှာ ဆဲလ်တစ်အသင်းဟာ မိနစ် ၉၀ အထိ ဘိုင်ယန်မြူးနစ်အသင်းကို ၁ ဂိုး-ဂိုးမရှိနဲ့ ဦးဆောင်ထားပြီး အချိန်ပိုကစားနိုင်ဖို့ အခွင့်အရေးကောင်းပိုင်ဆိုင်ခဲ့တာပါ။

ဒါပေမယ့် နာကျင်အချိန်ပို ၄ မိနစ်မှာ အယ်လ်ဖွန်ဆို ဒေးဗီးစ်က ဘိုင်ယန်မြူးနစ်အသင်းအတွက် ချေပဂိုးသွင်းယူခဲ့တာကြောင့် ၁ ဂိုးစီသရေရလဒ်နဲ့ ပွဲပြီးဆုံးခဲ့ပါတယ်။

ဘိုင်ယန်မြူးနစ်အသင်းဟာ ပထမအကျော့တုန်းက ဆဲလ်တစ်အသင်းကို ၂ ဂိုး-၁ ဂိုးနဲ့ အနိုင်ရခဲ့တဲ့အတွက် နှစ်ကျော့ပေါင်းရလဒ် ၃ ဂိုး-၂ ဂိုးနဲ့ အနိုင်ရပြီး ၁၆ သင်းအဆင့်ကို တက်နိုင်ခဲ့တာပါ။

ဘိုင်ယန်မြူးနစ်အသင်းဟာ ချန်ပီယံလိဂ် ၁၆ သင်းအဆင့်အဖြစ် အသလက်တီကို ဒါမှမဟုတ် လေဗာကူဆင် အသင်းနဲ့ တွေ့ဆုံရမှာဖြစ်ပါတယ်။

Source:Metro

#ဘောလုံးသတင်းစုံ

ကန်ဒေါ်လာ (၅၀ဝ)မကျော်သည့် သစ်အချောထည်များ စာရွက်စာတမ်း မလိုအပ်ဘဲ Export ပို့နိုင်ရန် ညှိနှိုင်းနေ

ဖေဖော်ဝါရီ ၁၉

ပြည်တွင်းထုတ် သစ်အချောထည် ပရိဘောဂပစ္စည်းများနှင့် ကြမ်းခင်းများကို ပြည်ပတင်ပို့ရာ၌ တန်ဖိုး အမေရိကန်ဒေါ်လာ (၅၀ဝ) ဈေးနှုန်းထက်မကျော်ပါက စာရွက်စာတမ်း မလိုအပ်ဘဲ ပြည်ပသို့ တင်ပို့ခွင့်ရရန် မြန်မာနိုင်ငံသစ် အခြေခံပရိဘောဂလုပ်ငန်းရှင်များအသင်းနှင့် သစ်တော ဦးစီးဌာနများအကြား ညှိနှိုင်းလျက်ရှိကြောင်းသိရသည်။

“ကန်ဒေါ်လာ (၅၀ဝ) တန်ဖိုးအောက် ပြည်ပကိုသွားတယ်ဆိုတာက ပရိဘောဂပစ္စည်းတွေဖြစ် တဲ့ စားပွဲ၊ ကုလားထိုင်စတဲ့ ပစ္စည်းများလည်းပါဝင်ပါတယ်။ ဒါတွေကို သက်ဆိုင်ရာဌာနတွေရဲ့ စာရွက် စာတမ်းမလိုဘဲ ပို့ခွင့်ပြုနိုင်ဖို့အတွက် သစ်တောဦးစီးဌာနကို ကျွန်တော်တို့က တင်ပြထားတာ ဖြစ်ပါတယ်”ဟု မြန်မာနိုင်ငံသစ် အခြေခံပရိဘောဂလုပ်ငန်းရှင်များအသင်း ဒုတိယဥက္ကဋ္ဌ ဦးအောင်ကျော်မိုးက ပြောသည်။

မြန်မာနိုင်ငံအနေဖြင့် နှစ်စဉ် အိန္ဒိယ၊ စင်ကာပူနှင့် ဂျပန်နိုင်ငံတို့သို့ သစ်အချောထည် ပရိဘော ဂပစ္စည်းများနှင့် အချောထည်သစ်ကြမ်းခင်းများကို တင်ပို့နေပြီး လက်ရှိအချိန်တွင် Furniture များကို အိန္ဒိယသို့ တင်ပို့နေသည့်အပြင် Myanmar Floo- ring ဟုခေါ်သော ကြမ်းခင်းများကိုလည်း စင်ကာပူနှင့် ဂျပန်သို့တင်ပို့ခြင်းများရှိကြောင်းသိရသည်။

“အဓိကတော့ ကျွန်းကို နံပါတ် (၁) အနေနဲ့ အချောထည်ပြုလုပ်ပြီးပို့ပါတယ်။ ကျန်တဲ့တခြား သစ် တွေဖြစ်တဲ့ ပျဉ်းကတိုး၊ သစ်ရာ၊ အင်ကြင်းစတာတွေကို ကိုရီးယားပါကေးလို ခွဲခြမ်းပြီး ပါးကေး အစားထိုးပြုလုပ်တင်ပို့နေတာဖြစ်ပါတယ်”ဟု ဦးအောင်ကျော်မိုးကပြောသည်။ ထို့ပြင် ပြည်တွင်းပရိဘောဂလုပ်ငန်းများ အတွက်လိုအပ်သည့်ကျွန်းသစ်အပါအဝင် ကျန်သစ် အမျိုးအစားများကိုလည်း မြန်မာ့သစ်လုပ်ငန်းက လေလံတင်ရောင်းချပေးလျက်ရှိပြီး မြန်မာ နိုင်ငံသစ် အခြေခံပရိဘောဂလုပ်ငန်းရှင်များ အသင်းမှ ပရိဘောဂ ကုန်ချောထည်များ ပြန်အပ်ရသည့်စနစ်ဖြင့်လည်း ဆောင်ရွက်လျက်ရှိကြောင်း သိရသည်။

မြန်မာ့သစ်လုပ်ငန်းသည် အသင်းမှပြန်အပ်သည့်ပရိဘောဂများကို မြန်မာ့သစ်လုပ်ငန်းနှင့် ပတ်သက်သည့် ကုန်အမှတ်တံဆိပ်ကပ်နှိပ်၍ အစိုးရဌာနအချင်းချင်းဖြစ်စေ၊ ဟိုတယ်များသို့ ဖြစ်စေ၊ ပြည် တွင်းသုံးစွဲသူများသို့ဖြစ်စေ ပြန်လည်ရောင်းချပေးလျက်ရှိကြောင်းသိရသည်။
မြန်မာနိုင်ငံသည် (၂၀၂၃) ခုနှစ် ဇန်နဝါရီ (၁) ရက်မှစတင်ကာ သစ်ကုန်ကြမ်းနှင့် အခြေခံ အဆင့် ခွဲစိတ်ထားသော သစ်ခွဲသားများကို ပြည်ပတင်ပို့ခွင့် ရပ်ဆိုင်းခဲ့ပြီး တစ်ဝက်တစ်ပျက်ကုန်ချော (Semi-finished) နှင့် ကုန်ချော (Finished) များကို ပြည်ပတင်ပို့ခွင့်ကိုသာ ကျင့်သုံးထားခြင်းကြောင့် သစ်ဖြင့် ကုန်ချောထုတ်လုပ်သည့် ပရိဘောဂပစ္စည်း (Furniture) များနှင့် ပါကေးကြမ်းခင်းများကိုသာ တင်ပို့နေရခြင်းဖြစ်ကြောင်းသိရသည်။

လက်ရှိအချိန်တွင် မြန်မာ့သစ်လုပ်ငန်း ပြည်ပအရောင်းဌာနမှဝယ်ယူထားသော သစ်လုံးမှ ထွက်ရှိလာသည့် (၂၄) စတုရန်းလက်မ (ဒု ၄ လက်မ ဗြက် ၆ လက်မ) ထက်မကျော်လွန်သော တစ်ဝက် တစ်ပျက် ကုန်ကြမ်းသစ်ခွဲသားများကို တင်ပို့ခွင့်ရရှိထားပြီး (၃၂) စတုရန်းလက်မ (ဒု ၄ လက်မ ဗြက် ၈ လက်မ)ရှိ သစ်ခွဲသားများကိုမူ တင်ပို့ခွင့်ရပ်ဆိုင်းထား‌ကြောင်း မြန်မာနိုင်ငံသစ်အခြေခံပရိဘောဂလုပ်ငန်းရှင်များအသင်းမှ သိရသည်။

#သတင်းဟင်းလေးအိုးကြီး