မန်ချက်စတာဒါဘီပွဲစဉ်မှာ မန်စီးတီးက ရေပန်းအစားဆုံးလို့ မန်ယူနည်းပြပြော

ဒီဇင်ဘ ၁၅

ပေါ်တူဂီလူမျိုးနည်းပြ အာမိုရင်က မန်စီးတီးအသင်းဟာ ရလဒ်တွေ ဆိုးနေပေမယ့် မန်ချက်စတာဒါဘီပွဲစဉ်မှာ ယူနိုက်တက်အသင်းထက် ပိုကောင်းမွန်တဲ့ နေရာမှာရှိပြီး ရေပန်းအစားဆုံးလို့ ပြောခဲ့ပါတယ်။

အာမိုရင်က “အသင်းကြီးတွေဟာ အချိန်မရွေး တုန့်ပြန်နိုင်ပြီး ပွဲအပေါ် နားလည်မှု၊ ကစားပုံ၊ ယုံကြည်မှုတွေအရ သူတို့ဟာ ကျနော်တို့ထက် ပိုကောင်းတဲ့ နေရာတစ်ခုမှာ ရှိနေတယ်လို့ ကျနော်ထင်ပါတယ်။ ဒီလို အခို-က်အတန့် မျိုးမှာတောင် ကျနော်တို့ဟာ အသင်းအပေါ်မှာ အာရုံစိုက်စရာတွေ အများကြီးရှိပါတယ်။ ကျနော်တို့ဟာ ကြီးမား တဲ့ ပြိုင်ဘက်ကို ရင်ဆိုင်ရမှာ ဖြစ်ပေမယ့် ကျနော်ကတော့ ကျနော်တို့ရဲ့ ပြဿနာတွေကို ပိုပြီးအာရုံစိုက်ပါတယ်”လို့ ပြောခဲ့တာပါ။

မန်စီးတီးအသင်းဟာ နောက်ဆုံးကစားခဲ့တဲ့ ပြိုင်ပွဲစုံ ၁၀ ပွဲမှာ ၁ ပွဲသာ အနိုင်ရပြီး ၇ ပွဲအထိ အရေးနိ-မ့်ကာ ရလဒ်တွေ ဆက်တိုက်ဆိုးနေခဲ့တာ ဖြစ်ပါတယ်။

ယူနိုက်တက်အသင်းကလည်း ရလဒ်ပိုင်း တည်ငြိမ်မှု မရှိသေးဘဲ နောက်ဆုံးကစားခဲ့တဲ့ ယူရိုပါလိဂ်ပွဲစဉ်မှာ ပယ်လ်ဇန်အသင်းကို အနောက်ကနေ လိုက်ကစားပြီး အနိုင်ရရှိခဲ့တာပါ။

အာမိုရင်ဟာ ယူနိုက်တက်အသင်း နည်းပြဘဝ ပထမဆုံးကိုင်တွယ်ရမယ့် မန်ချက်စတာဒါဘီ ပွဲစဉ်အတွက် ပြင်ဆင်နေပြီး မန်စီးတီးအသင်းဟာ သူတို့ထက် အနိုင်ရဖို့ ပိုပြီးရေပန်းစားကြောင်း ပြောခဲ့ပါတယ်။

အာမိုရင်ဟာ ယူနိုက်တက်အသင်းကို ကိုင်တွယ်ဖို့ မထွက်ခွာခင် စပို့တင်းလစ္စဘွန်း အသင်းကို ကိုင်တွယ်ခဲ့ချိန် ချန်ပီယံလိဂ်ပွဲစဉ်မှာ မန်စီးတီးအသင်းကို ၄ ဂိုး-၁ ဂိုးနဲ့ အနိုင်ရရှိအောင် စွမ်းဆောင်ပြထားတာပါ။

အာမိုရင်ဟာ ယူနိုက်တက်အသင်း နည်းပြမဖြစ်ခင်က မန်စီးတီးအသင်း နည်းပြရာထူးအတွက် ချိတ်ဆက်မှုတွေ ခံခဲ့ရပါတယ်။

အာမိုရင်ကတော့ ယူနိုက်တက်အသင်းဟာ သူ့အတွက် တစ်ခုတည်းသော ရွေးချယ်မှုဖြစ်ခဲ့တယ်လို့ မန်စီးတီး အသင်း နည်းပြရာထူးအတွက် ချိတ်ဆက်မှုတွေခံရတဲ့အပေါ် တုန့်ပြန်ခဲ့တာပါ။

ယူနိုက်တက်အသင်းဟာ နောက်ဆုံး ကစားခဲ့တဲ့ ပရီးမီးယားလိဂ် ၂ ပွဲစလုံး အရေးနိ-မ့်ခဲ့တာကြောင့် မန်စီးတီး အသင်းနဲ့ပွဲမှာ ရှုံးနိမ့်မှုကို ရပ်တန့်ပြီး နိုင်ပွဲပြန်လည် ရယူနိုင်မလားဆိုတာ စောင့်ကြည့်ရမှာ ဖြစ်ပါတယ်။

Source: ESPN

ပုံ - မန်စီးတီးနဲ့ယူနိုက်တက်အသင်း ယှဉ်ပြိုင်နေစဉ်

#သတင်းဟင်းလေးအိုးကြီး

ကိုရီးယားအရည်ချင်းစစ်စာမေးပွဲ အောင်မြင်ပြီးသူတွေကို အလုပ်လျှောက်လွှာ ခေါ်ယူတော့မယ့် POEA အသိပေး

ဒီဇင်ဘာ ၁၅

၂၀၂၄ ခုနှစ် ကိုရီးယားဘာသာအရည်ချင်းစစ်မေးပွဲ(EPS- TOPIK) နဲ့ Skills Test (ကုန်ထုတ်လုပ်ငန်း ပထမအသုတ်နဲ့ ဝန်ဆောင်မှုလုပ်ငန်းအုပ်စု - ၁) အောင်မြင်ထားသူတွေကို အလုပ်လျှောက်လွှာ ခေါ်ယူတော့မယ်လို့ အစိုးရပြည်ပအလုပ်အကိုင်အေဂျင်စီ (POEA- EPS) က ပြောပါတယ်။

“၂၀၂၄ ခုနှစ် ကိုရီးယားဘာသာအရည်ချင်းစစ်မေးပွဲ (EPS- TOPIK) နဲ့ Skills Test (ကုန်ထုတ်လုပ်ငန်း ပထမအသုတ်နဲ့ ဝန်ဆောင်မှုလုပ်ငန်းအုပ်စု - ၁) အောင်မြင်ထားသူများအား အလုပ်လျှောက်လွှာခေါ်ယူခြင်း ကို ၂၀၂၄ ဒီဇင်ဘာလ၊ နောက်ဆုံး ရက်သတ္တပတ် (သို့မဟုတ်) ၂၀၂၅ ဇန်နဝါရီလဆန်းပိုင်း အတွင်း ဆောင်ရွက်သွား မှာ ဖြစ်တယ်”လို့ POEA-EPS က ပြောဆိုပါတယ်။

ဒါအပြင် ကျန်းမာ‌ရေး ဂရုပြုကြဖို့နဲ့ နိုင်ငံကူးလက်မှတ်စာအုပ်သက်တမ်း အနည်းဆုံး (၁)နှစ်အထက်ရှိဖို့ကိုလည်း တိုက်တွန်း ပြောဆိုထားပါသေးတယ်။

ကိုရီးယားအရည်ချင်းစစ်စာမေးပွဲ ကုန်ထုတ် ပထမ အသုတ်မှာ အောင်မြင်ထားသူ ၅၀၀၀ ကျော်ရှိပြီး ဝန်ဆောင်မှု လုပ်ငန်း (အုပ်စု - ၁)မှာ ၇၁ ဦး အောင်မြင်ထားတယ်လို့ သိရပါတယ်။

#centralnewsnaypyitaw

ဒီဇင်ဘာ ၁၅ ရက်နေ့ စက်သုံးဆီစျေးနှုန်းများ

#centralnewsnaypyitaw

ဒီဇင်ဘာ ၁၅ ရက်နေ့ စက်သုံးဆီစျေးနှုန်းများ

#သတင်းဟင်းလေးအိုးကြီး

" မှတ်မိနိုင်တဲ့မှတ်ဉာဏ်သာမရှိရင်
ဘာပြဿနာမှမရှိတော့ဘူး "

Finding Dory ( 2016 )

ဝက်သားစင်းကောဆီပြန်
ဝက်သားကို အသားလေးတွေပဲ စင်းကောလုပ်
အရသာအတွက် ဆား၊ပဲငံပြာရည်အကြည် အနောက် ငံပြာရည် ဆနွင်းတို့နဲ့နယ်ထားအချိုတွက် အချိုမှုန့်(သိူ့)သကြားနဲနဲထည့်ပါ
ကြက်သွန်ဖြူနီဂျင်းကို ထောင်းပြီး ဆီသတ်ပါ
အရောင်တင်မှုန့် ပြီးမှ ဝက်သားကိုထည့်လုံးပါ
ဝက်သားလုံးရေခမ်းမှ ရေထည့်ပါ
အသားနူးခါနီးမှ ကြက်သွန်ကွင်း ခရမ်းချဉ်သီး အတုံးလေးတွေထည့် ငရုတ်သီးစိမ်း ရှမ်းနံနံလေး အုပ်လိုက်ပါတယ်
မွှေးပြီး စားကောင်းတဲ့ ဝက်သားစင်းကောလေးရပါပြီနော်

(၁၂-၁၂-၂၀၂၄) ရက်နေ့ထိ နောက်ဆုံးရောက်ရှိနံပါတ်များ

၁၂ ရက်နေ့မှာတော့ ယမန်နေ့ကထက် အိမ်စီးကားအစီးရေ (၃၂) စီး တိုးလာခဲ့ပါတယ်။

😋

A whole life in one photo 🧡

ပြည်တွင်း/ပြည်ပမှပြိုင်ပွဲဝင်(၁၄၀၀)ဦးကျော်ဝင်ရောက်ယှဉ်ပြိုင်ခဲ့သည့် (၆)ကြိမ်မြောက် Bagan Race 2024 အပြေးပြိုင်ပွဲ

မန္တလေးတိုင်း၊ ညောင်ဦးမြို့ရှိ ပုဂံရှေးဟောင်းယဉ်ကျေးမှုနယ်မြေ၌ ယနေ့ ဒီဇင်ဘာ ၁၄ ရက်နံနက် ၆ နာရီမှစတင်ကာ Resourses Venture International Publication မှကြီးမှူးကျင်းပသည့် (၆)ကြိမ်မြောက် Bagan Race 2024 အပြေးပြိုင်ပွဲ၌ ပြည်တွင်း/ပြည်ပမှပြိုင်ပွဲဝင်(၁၄၃၀)ဦးပါဝင်ယှဉ်ပြိုင်ခဲ့ကြကြောင်း သိရသည်။

ပြိုင်ပွဲဝင် (၂၀၅)ဦးပါဝင်သည့် (၃)ကီလိုမီတာတန်း၊ ပြိုင်ပွဲဝင်(၉၅၅)ဦးပါဝင်သည့် (၅)ကီလိုမီတာတန်းနှင့် ပြိုင်ပွဲဝင် (၂၇၀)ဦးပါဝင်သည့် (၁၀) ကီလိုမီတာတန်းတို့ကိုထည့်သွင်းယှဉ်ပြိုင်စေခဲ့ပြီး အာနန္ဒာဘုရားကြီး၏ တောင်ဘက်မုခ်မှစတင်တာလွှတ်ပေးခဲ့ကြောင်း သိရသည်။

(၁၀)ကီလိုတန်းတွင် ပထမဆုရရှိသည့် အမျိုးသား/အမျိုးသမီးအား ဆုငွေကျပ်(၆)သိန်းစီ၊ ဒုတိယဆုရရှိသူတို့အား ဆုငွေကျပ်(၅)သိန်း၊ တတိယဆုရရှိသူတို့အား ဆုငွေကျပ်(၄)သိန်းစီ၊ (၅) ကီလိုမီတာတန်း၌ ပထမဆု(၅)သိန်းကျပ်၊ ဒုတိယဆု(၄)သိန်းကျပ်နှင့် တတိယဆု(၃)သိန်းကျပ်စီအား တာဝန်ရှိသူများကပေးအပ်ချီးမြှင့်ခဲ့ကြောင်း သိရသည်။

ထို့ပြင် (၃)ကီလိုမီတာတန်းတွင် ပထမဆု၊ ဒုတိယဆုနှင့်တတိယဆုရရှိသူများကိုလည်း သတ်မှတ်ဆုကြေးများအား RVIPS Publication မှတာဝန်ရှိသူများက ပေးအပ်ချီးမြှင့်ခဲ့ကြကြောင်း သိရသည်။

(၆ ကြိမ်မြောက် Bagan Race 2024 အပြေးပြိုင်ပွဲတွင် ပုဂံရှေးဟောင်းယဉ်ကျေးမှုနယ်မြေရှိ အာနန္ဒာဘုရားကြီးဘက်စုံအသုံးပြုနိုင်ရန် အလှူငွေကျပ်(၇)သိန်းနှင့် ငွေကျပ်(၁၈)သိန်းတန်ဖိုးရှိ ဆိုလာမီး(၁၀)စုံ၊ ညောင်ဦးမြို့နယ်အတွင်းရှိ ဘုန်းတော်ကြီးသင်ပညာရေးကျောင်းများဖြစ်သောစေတဝန် ဘုန်းတော်ကြီးသင်ပညာရေးကျောင်း၊ ရွှေဥမင်ဘုန်းတော်ကြီးသင်ပညာရေးကျောင်း၊ ရွှေကူမိဘမဲ့ပရဟိတကျောင်း၊ နဂါးကျစ်ဘိုး ဘွားရိပ်သာ၊ ကရုဏာရှင်အသင်း၊ ဦးကိုကိုဦးဆောင်သောပရဟိတအဖွဲ့တို့အား ငွေကျပ်သိန်း (၉၀)တို့ကိုလည်း လှူဒါန်းခဲ့ကြကြောင်း သိရသည်။

ထို့အတူ နဂါးကျစ်ဘိုးဘွားရိပ်သာအပါအဝင်အဖွဲ့(၄)ဖွဲ့အား မာမီးခေါက်ဆွဲထုပ်များနှင့် HIKARI ion supply drink ဘူးများကိုလည်း ပေးအပ်လှူဒါန်းခဲ့ကြကြောင်း သိရသည်။