ကမ္ဘာ့အသက်အငယ်ဆုံး ကိုယ်ထူးကိုယ်ချွန် ဘီလျံနာ
သူ့ရဲ့အမည်ကတော့ အလက်ဇန္ဒား ဝမ် (Alexandr Wang) ဖြစ်ပြီး အသက် ၂၅ နှစ်အရွယ်မှာတင် ကမ္ဘာ့အသက်အငယ်ဆုံး ကိုယ်ပိုင်ဘီလျံနာ ဖြစ်လာတဲ့ လူငယ်လေးပါ။ သူ့ရဲ့ ဇာတ်လမ်းက တကယ့်ကို စိတ်ဝင်စားဖို့ကောင်းသလို အံ့သြစရာလည်း ကောင်းပါတယ်။
အလက်ဇန္ဒားဟာ မက်ဆာချူးဆက်နည်းပညာတက္ကသိုလ် (MIT) မှာ ကျောင်းတက်နေတဲ့အချိန်မှာ သူငယ်ချင်းတစ်ယောက်နဲ့အတူ စီးပွားရေးလုပ်ဖို့ စိတ်ကူးရခဲ့တယ်။ သူတို့ရဲ့ စိတ်ကူးက ရိုးရိုးရှင်းရှင်းလေးပါ။
အဲဒါကတော့ AI (Artificial Intelligence) နည်းပညာကို အသုံးပြုပြီး ကုမ္ပဏီတွေရဲ့ လုပ်ငန်းတွေကို ပိုပြီး ထိရောက်အောင် လုပ်ပေးဖို့ပါပဲ။ အဲဒီကနေစပြီး Scale AI ဆိုတဲ့ ကုမ္ပဏီလေးကို တည်ထောင်ခဲ့ကြတယ်။
Scale AI ကုမ္ပဏီက ဘာလုပ်တာလဲဆိုတော့ ကုမ္ပဏီတွေအတွက် AI နည်းပညာကို အသုံးပြုဖို့ လိုအပ်တဲ့ ဒေတာတွေကို စုဆောင်းပေးတာပါ။ ဥပမာ - ကိုယ်ပိုင်မောင်းနှင်ကားတွေအတွက် လမ်းကြောင်းဒေတာတွေ၊ အာကာသကုမ္ပဏီတွေအတွက် ဂြိုဟ်တုပုံရိပ်ဒေတာတွေ စတာတွေကို စုဆောင်းပေးတာပါ။
အလက်ဇန္ဒားရဲ့ ထူးခြားချက်က သူဟာ အသက်ငယ်ငယ်လေးနဲ့ AI နည်းပညာ နဲ့ အရေးပါမှုကို ထဲထဲဝင်ဝင် နားလည်ခဲ့သူဖြစ်ပါတယ်။ ငယ်စဉ်ကတည်းက ကွန်ပျူတာပရိုဂရမ်တွေကို စိတ်ဝင်တစား လေ့လာခဲ့ပြီး မတွင်ကျယ်သေးတဲ့အချိန်မှာ AI နည်းပညာကိုလည်း အထူးစိတ်ဝင်စားခဲ့ပါတယ်။
သူ့ရဲ့ စိတ်ကူးစိတ်သန်းတွေနဲ့ ကြိုးစားအားထုတ်မှုတွေကြောင့် Scale AI ကုမ္ပဏီဟာ အချိန်တိုအတွင်းမှာပဲ အောင်မြင်မှုတွေ ရရှိခဲ့တယ်။
Scale AI ကုမ္ပဏီရဲ့ အောင်မြင်မှုက အလက်ဇန္ဒားကို ဘီလျံနာဖြစ်စေခဲ့တယ်။ လက်ရှိအချိန်မှာ အသက် ၂၈နှစ် ရှိပြီဖြစ်တဲ့ အလက်ဇန္ဒား ဟာ Scale AI ရဲ့ စီအီးအိုအဖြစ် တာဝန်ထမ်းဆောင်နေပြီး သူ့ရဲ့ကြွယ်ဝမှုကတော့ အမေရိကန်ဒေါ်လာ ၂ဘီလျံ ဖြစ်ပါတယ်။
အခုဆိုရင် Scale AI ကုမ္ပဏီဟာ အမေရိကန်ကာကွယ်ရေးဌာနနဲ့လည်း ပူးပေါင်းလုပ်ဆောင်နေပြီး AI နည်းပညာကို အသုံးပြုပြီး အမျိုးသားလုံခြုံရေးအတွက် အထောက်အကူပြုနေပါတယ်။
အလက်ဇန္ဒားရဲ့ ဇာတ်လမ်းက တကယ့်ကို စိတ်ဝင်စားဖို့ကောင်းသလို လူငယ်တွေအတွက်လည်း အားတက်စရာပါ။
နည်းပညာခေတ်မှာ နည်းပညာကျွမ်းပြီး အိုင်ဒီယာရှိရင် တမဟုတ်ချင်း ကြွယ်ဝချမ်းသာ သွားနိုင်တယ်ဆိုတာကို အလက်ဇန္ဒား က ပြသခဲ့တာလည်းဖြစ်ပါတယ်။
Thuta City
#crd
