အသင်းတိုက်စစ်မှူးအဲရင်ဟာလန်းကို ၂၀၃၄ ခုနှစ်နွေရသီကာလအထိစာချုပ်သက်တမ်းတိုးချုပ်ဆိုနိုင်ခဲ့ကြောင်းမန်ချက်စတာစီးတီးအသင်းကကြေငြာလိုင်္ကပါတယ်။

အသက် ၂၄ နှစ်အရွယ်ကစားသမားဟာ ဒေ့ါမွန်အသင်းကနေ မန်စီးတီးအသင်းဆီ ၂၀၂၂ ခုနှစ်မှာပြောင်းရွှေ့လာခဲ့ပြီး အကောင်းမွန်ဆုံးစွမ်းဆောင်ရည်လုပ်ဆောင်ထားနိုင်ခဲ့ကာ ပထမဆုံးရာသီမှာကတည်းကဂိုးသွင်းအများဆုံးကစားသမားဖြစ်ခဲ့ပါတယ်။လက်ရှိရာသီကာလမှာတော့ ၂၈ ပွဲပါဝင်ကစားထားခဲ့ရာမှာ ၂၁ ဂိုးသွင်းယူထားနိုင်ခဲ့ပါတယ်။

အဆိုပါနော်ဝေးတိုက်စစ်မှူးအနေနဲ့ ဒီတကြိမ်စာချုပ်သက်တမ်းတိုးတာနဲ့ပတ်သက်ပြီး ကျနော့်ရဲ့စာချုပ်သစ်လက်မှတ်ရေးထိုးနိုင်ခဲ့တဲ့အတွက်ကျနော်အမှန်တကယ်ဝမ်းသာပါတယ်။ဒီထက်မကကြီးကျယ်ခမ်းနားတဲ့ကလပ်အသင်းနဲ့လက်တွဲကစားဖို့အတွက်အချိန်တွေအများကြီးရှေ့ဆက်သွားဖို့ပါပဲ့။

မန်ချက်စတာစီးတီးအသင်းဟာ ထူးခြားတဲ့ကလပ်အသင်းဖြစ်ပါတယ်။မယုံကြည်နိုင်စရာကောင်းလောက်တဲ့ပရိသတ်တွေလူပုဂ္ဂိုလ်တွေနဲ့ပြည့်နှက်နေပါတယ်။သူတို့အနေနဲ့ထူးခြားတဲ့နေရာဖြစ်လာစေဖို့လုပ်ဆောင်ခဲ့ပြီးလက်ရှိမှာတော့ ကျနော်ဟာလည်းဘာတွေဖြစ်လာပါစေမန်ချက်စတာစီးတီးပါပဲ့။

ကျနော့်အနေနဲ့ဆက်ပြီးတော့တိုးတက်ချင်ပြီး စွမ်းဆောင်ရည်ပိုကောင်းလာဖို့အတွက်လုပ်ဆောင်ချင်ပါတယ်။ငါတို့အနေနဲ့အနာဂတ်မှာအောင်မြင်မှုကြုံတွေ့ရဖို့အတွက်အကူအညီဖြစ်စေဖို့ရာနှုန်းပြည့်ကြိုးစားသွားမှာပါလို့ ဟာလန်းကပြောဆိုခဲ့ပါတယ်။

#ဘောလုံးသတင်းစုံ

ဘင်္ဂလားဒေ့ရှ်နိုင်ငံ တက်နက်ဖ်ဒေသသို့ ရန်ကုန်က ကုန်ပို့လာသော ကုန်သင်္ဘောသုံးစီးကို AA ဖမ်းဆီးထား

ဇန်နဝါရီ ၁၉

ဘင်္ဂလားဒေ့ရှ်နိုင်ငံ တက်နက်ဖ်ဒေသ ဆိပ်ကမ်းကို ရန်ကုန်မြို့ကနေ ကုန်ပစ္စည်းတွေတင်ဆောင်ပြီး ခုတ်မောင်းလာတဲ့ ကုန်သင်္ဘောသုံးစီးကို မြန်မာနိုင်ငံမှ AA သောင်းကျန်းသူအဖွဲ့က လမ်းခရီးမှာ ရခိုင်ပြည်နယ်၊ နတ်မြစ်ဝကိုအရောက် ဖမ်းဆီးထိန်းသိမ်းထားတယ်လို့ သိရပါတယ်။

ကုန်သင်္ဘောတွေက ရန်ကုန်မြို့ကနေ ငါးခြောက်၊ ကွမ်းသီး၊ ကော်ဖီနဲ့ တခြားပစ္စည်းတွေပါဝင်တဲ့ ကုန်အိတ်ပေါင်း ၅၀,၀၀၀ ကို သယ်ဆောင်လာတာဖြစ်ပါတယ်။ ဇန်နဝါရီလ ၁၇ ရက်၊ ည ၁၀ နာရီခွဲအထိ AA တို့ဆီက သင်္ဘောသုံးစီးကို လွှတ်ပေးလိုက်တယ်လို့ သတင်းအချက်အလက်မရသေးဘူးလို့လည်း ဆိုပါတယ်။

ဒီလိုဖမ်းဆီးထားတာကို တက်နက်ဖ်ဒေသ ဆိပ်ကမ်းကို လည်ပတ်နေတဲ့ United Land Port Limited မှ အထွေထွေမန်နေဂျာဖြစ်တဲ့ မိုဟာမက် ဂျာဆင် အပ်ဒင် ချောင်ဒရီက ပြောကြားခဲ့ပါတယ်။ သူက AA အဖွဲ့က ကုန်တွေသယ်လာတဲ့ သင်္ဘောသုံးစီးကို တက်နက်ဖ်ကို လာနေတုန်း နတ်မြစ်ဝမှာဖမ်းထားတာ လွှတ်မပေးသေးဘူးလို့ ပြောခဲ့ပါတယ်။

AA က ရခိုင်ပြည်နယ်အတွင်း မောင်းတောဒေသကို ထိန်းချုပ်ထားပြီးကတည်းက မြန်မာနိုင်ငံဘက်က ကုန်သင်္ဘောတွေလည်း တက်နက်ဖ်ဒေသ ဆိပ်ကမ်းကို ရောက်မလာကြတော့ပါဘူး။ ဒီဇင်ဘာလ ၃ ရက်မှာ နောက်ဆုံးကုန်သင်္ဘောရောက်ခဲ့တယ်ဆိုပါတယ်။ တစ်လကျော်အကြာမှာတော့ ဒီ ကုန်သင်္ဘောသုံးစီးက ရန်ကုန်မှ တက်နက်ဖ်ကို ကုန်သွယ်မှုခရီးစဉ်ကို ပြန်စခဲ့ကြတာပါပဲ။

ကုန်သည်တွေကတော့ ဘင်္ဂလားဒေ့ရှ်အစိုးရအနေနဲ့ မြန်မာအစိုးရနဲ့ နယ်စပ်ကုန်သွယ်ရေး ပြန်စနိုင်ဖို့ ညှိနှိုင်းတိုင်ပင်သင့်ပြီ။ ဒါမှမဟုတ်ရင်တော့ ကုန်သည်တွေက တက်နက်ဖ်ကိုစွန့်ခွာကြတော့မှာပေါ့လို့ ပြောခဲ့ကြပါတယ်။

တက်နက်ဖ်က နယ်ခြားစောင့်တပ်မှူး ဒုတိယဗိုလ်မှူးကြီးအရှီကာရာမန်က “ကုန်သင်္ဘောသုံးစီး တက်နက်ဖ်ကိုလာနေတုန်း မြန်မာ့ရေပြင်ထဲမှာ ဖမ်းဆီးခံရတာ သတင်းရပါတယ်။ ဒါပေမယ့် ဘယ်သူကမှ ဒီကိစ္စနဲ့ပတ်သက်လို့ ကျွန်တော်တို့ကိုတရားဝင် အကြောင်းကြားမှုမပြုကြဘူး။ ပြီးတော့ ဒီကိစ္စဖြစ်တာက မြန်မာရေပိုင်နက်ထဲမှာ ဖြစ်နေတယ်”လို့ ပြောခဲ့ပါတယ်။

Ref-Dhaka Tribune

#centralnewsnaypyitaw

မတ်ပဲတတင်းကို တသိန်းအောက်သာ ​ပေါက်​​စျေးရှိလို့ တောင်သူတွေဒုက္ခရောက်

ဇန်နဝါရီ ၁၉

ပြည်ပပို့ကုန် ပဲစျေးကွက်မှာ မတ်ပဲစျေးနူန်းကဆက်တိုက်ကျဆင်းလာပြီး တစ်တန်ကိုသိန်း ၃၀ အောက်အထိပင်ကျဆင်းသွားတာကြောင့် တောင်သူတွေမှာ အကျိုးအမြတ်မရတဲ့အပြင်အရှုံးနဲ့ရင်ဆိုင်နေရတယ်လို့ သိရပါတယ်။

မတ်ပဲ FAQ တစ်တန်ကို ၂၉၉၅၀၀၀ ကျပ်သာ စျေးတန်းရှ်ပြီး နယ်ကုန်စည်ဒိုင်နဲ့ပွဲရုံတွေမှာဆိုရင်လည်း အရည်အသွေးကောင်း မတ်ပဲပိဿာ ၂၀ တတင်းကိုမှ ကျပ်၉၀၀၀၀ ကျော်သာရှိတော့တဲ့အတွက် တောင်သူတွေအရှုံးပေါ်နေရတာဖြစ်တယ်လို့သိရပါတယ်။

အရည်အသွေးညံ့ပြီး ပဲအလုံးသေးတဲ့မတ်ပဲတွေဆိုရင် ပိဿာ၂၀ တတင်းကို၇၀၀၀၀ ၊၈၀၀၀၀ ဝန်းကျင်သာ စျေးပေးဝယ်ယူနေကြတယ်လို့သိရပါတယ်။

" မတ်ပဲစျေးကတော့ ကျွန်တော်တို့ကိုအသေသတ်နေသလိုပဲ။စျေးကဆက်တိုက်ကျတယ်။အခု၉၀၀၀၀ ကျော်ဆိုတာ သူတို့ကြိုက်တယ်ဆိုတဲ့ပဲမျိုးမှပေးတာ။မဟုတ်ရင်မရပါဘူး။အခုကပဲရွေးနေတယ်။မနှစ်ကထက်ကိုအခြေအနေဆိုးပါတယ်။ခုနှစ် စိုက်ပျိုးစရိတ်တွေပိုပြီးသုံးရ ကုန်ကျတဲ့နှစ်မှစျေးကကျနေတော့ ကျွန်တော်တို့ရှုံးတာပေါ့။ ပဲမရောင်းပဲလှောင်ထားနိုင်ရင်တော့ အတိုင်းအတာတခုအထိတော်အုံးမယ်။" လို့ မတ်ပဲစိုက်တောင်သူ ကပြောပါတယ်။

ခုနှစ်မှာ မတ်ပဲစိုက်ခင်းတွေမှာ ရောဂါပိုးကျရောက်မှုတွေများတာကြောင့် စိုက်ပျိုးရေးဆေးသုံးစွဲရမှုက အရင်နှစ်ထက်ကုန်ကျမှုများတဲ့အပြင် လယ်ထွန်စက်ငှားရမ်းခ၊အလုပ်သမားငှားရမ်းခ၊ပဲမျိုးစျေး စတဲ့အထွေထွေကုန်ကျသရိတ်တွေမြင့်လာတာကြောင့် မတ်ပဲတတင်းကို ၁၅၀၀၀၀ ကျပ်နူန်းရောင်းရမှသာ တောင်သူတွေမှာအကျိုးအမြတ်ခံစားခွင့်ရှိမှာဖြစ်တယ်လို့သိရပါတယ်။

" တဧကကို ၁၀ တင်းထွက်မှ ၁၅၀၀၀၀ စျေးရောင်းရမှ ၁၅ သိန်းပဲရမယ်။ကျွန်တော်တို့လယ်တွေက ခုနှစ်မလွယ်ဘူး။ပိုးတွေကမျိုးစုံအောင်ကျလို့ဖြန်းလိုက်ရတဲ့ဆေး။လယ်သုံးဧကကို အခုဆေးဖိုးအပါ ၊အချိန်တန် နူတ်ခအပါ စိုက်ပျိုးစရိတ်အကုန် ၁၀ သိန်းလောက်ကျနေပြီ။ပဲကဘယ်လောက်ထွက်မယ်မှန်းမရဘူး။လုပ်နေတဲ့အရင်းရရင်ခုနှစ်ကကျေနပ်ရမလိုဖြစ်နေချိန် ပဲစျေးက ကျနေတော့ လူတွေလည်းစိတ်ဓာတ်ကျနေပြီ။" လို့ ပဲခူးအနောက်ခြမ်းပဲစိုက်တောင်သူကပြောပါတယ်။

ခုနှစ်ဆောင်းရာသီ မတ်ပဲစိုက်ခင်းအများစုဟာ နှစ်စဥ်စိုက်ပျိုးနေကြပဲရာသီချိန်ထက်နောက်ပျမှ စိုက်ပျိုးရခြင်း၊ ရောဂါပိုးဆိုရင်လည်း အဝါရောင်မှိုရောဂါပိုး၊ဖြုတ်ပိုး၊ယင်ဖြူ၊ငါးမြှောင်တောင်၊လှေးပိုး၊ရွက်စားပိုး၊သံချေးမှို၊ဖားဥမှို ကျရောက်နေသလို ကြွက်သောင်းကျန်းမှုတွေကြောင့် ပဲအထွက်နူန်းလျော့ကျနိုင်တယ်လို့ သိရပါတယ်။

မတ်ပဲကို ပြည်ပတင်ပို့မှုအနေနဲ့အိန္ဒိယနိုင်ငံကိုသာအဓိကတင်ပို့ရောင်းချရတာဖြစ်ပြီး လက်ရှိမှာက အိန္ဒိယနိုင်ငံမှာမတ်ပဲအသစ်တွေပေါ်ပြီးစျေးကွက်ထဲဝင်ရောက်မှုများနေတာကြောင့်စျေးကျနေတဲ့အတွက် မြန်မာမှာလည်း စျေးကျနေတာဖြစ်တယ်လို့သိရပါတယ်။

" တောင်သူတွေအနေနဲ့ပဲတွေကိုထိန်းရောင်းဖို့သတိခဏခဏပေးနေရတယ်။ရောင်းအားများနေရင်စျေးကလည်းထိန်းမရသလို အရည်အသွေးကိုပါစကားပြောလာရတယ်။အခုကစျေးထပ်ကျမှာစိုးပြီး ရောင်းနေကြတာတွေများနေတယ်။ရောင်းအားကိုထိန်းနိုင်ရင် စျေးတန်းတခုပြန်ရောက်လာမှာပါ။အရောင်းအရင်မလိုကြပါနဲ့။အိန္ဒိယက အဝယ်လိုက်လာမှာပါ။"လို့ ပွဲရုံပိုင်ရှင်ကပြောပါတယ်။

မတ်ပဲကို ဧရာဝတီတိုင်း ၊ပဲခူးတိုင်း မှာအဓိကစိုက်ပျိုးပြီးကျန်တဲ့ရန်ကုန်၊မကွေး နဲ့ဒေသအချို့မှာစိုက်ပျိုးကြပါတယ်။

မနှစ်ကဆောင်း မတ်ပဲအသစ်ပေါ်ချိန်တုန်းကမတ်ပဲပိဿာ၂၀ တတင်းကို ၁ သိန်းဝန်းကျင် ရှိခဲ့ပြီး အဲဒီနောက် ၁၁၀၀၀၀ ကျပ်အထိမြင့်တက်ခဲ့ပါတယ်။စက်တင်ဘာလမှာတော့ မတ်ပဲပိဿာ၂၀ တတင်းကို ၁၃၅၀၀၀ ကျပ်အထိအမြင့်ဆုံးဖြစ်ခဲ့ပါတယ်။

မတ်ပဲနည်းတူ အိန္ဒိယကိုအများဆုံးတင်ပို့ရတဲ့ပဲစဥ်းငုံကလည်း စျေးဆက်တိုက်ကျဆင်းလာနေပြီး တတန်ကို ၂၉၄၀၀၀၀ ကျပ်သာရှိကြောင်း၊ပိဿာ၂၀ တတင်းကို ဆိုရင်ကျပ်၉၀၀၀၀ ကျော်သာရှိတော့တယ်လို့သိရပါတယ်။

Photo - CJ

Credit - VOM News Agency

#သတင်းဟင်းလေးအိုးကြီး

တမူးမြို့နှင့် ဖောင်းပြင်မြို့တို့ကိုဗဟိုပြု၍ အင်အား ၄ ဒသမကျော်ရှိ ငလျင်လှုပ်ခတ်ခဲ့

စစ်ကိုင်းတိုင်း၊ တမူးမြို့နှင့်ဖောင်းပြင်မြို့တို့ကိုဗဟိုပြု၍ အင်အား ၄ ဒသမကျော်ရှိ ငလျင်တစ်ခု ယနေ့ ဇန်နဝါရီ ၁၉ ရက်နံနက်ပိုင်းက လှုပ်ခတ်ခဲ့ကြောင်း မိုးလေဝသမြန်မာ(ရန်ကုန်ဌာနခွဲ)ထံမှ သိရသည်။

တမူးမြို့၏ အရှေ့-အရှေ့ မြောက်ဘက် ၃၇ မိုင်ခန့်အကွာ၊ ဖောင်းပြင်မြို့၏ မြောက်-အရှေ့ မြောက်ဘက် ၁၀ မိုင်ခန့်အကွာ၊ မြောက်လတ္တီ တွဒ်(၂၄ ဒသမ ၄၁)ဒီဂရီ၊ အရှေ့လောင်ဂီတွဒ်(၉၄ ဒသမ ၈၇)ဒီဂရီ၊ အနက်(၄၀)ကီလိုမီ တာကိုဗဟိုပြု၍ အင်အားရစ်ချ်တာစကေး(၄ ဒသမ ၅)အဆင့်ရှိ အင်အားအနည်းငယ်ရှိသော ငလျင်လှုပ်ခတ်ခဲ့ကြောင်း သိရသည်။

အဆိုပါ ငလျင်သည် ယနေ့ ဇန်နဝါရီ ၁၉ ရက်နံနက် ၂ နာရီ ၃၁ မိနစ် ၄၆ စက္ကန့်က လှုပ်ခတ်ခဲ့ခြင်းဖြစ်ကြောင်းကို မိုးလေဝသမြန်မာ၊ မြန်မာနိုင်ငံကိုယ်စားပြုဌာန၊ မြေငလျင်ဌာနခွဲမှ တိုင်းထွာရရှိခဲ့ခြင်းဖြစ်ကြောင်း သိရသည်။

ယနေ့စက်သုံးဆီစျေးနှုန်း (၁၉-၁-၂၀၂၅)

#fuel
#ဆီစျေး

စိတ်ကူးလေးပါပဲ အိမ်မက်လေးပါပဲ

ကြေးတိုင်နှင့်မြေစာရင်းဦးစီးဌာနက
အလုပ်လျှောက်လွှာခေါ်စာ

#govjob

ဗဟိုဘဏ်မှ တရုတ်ယွမ်တစ်သန်းကျော်နှင့် ထိုင်းဘတ်တစ်သန်း ထပ်မံထုတ်ရောင်း

ဇန််နဝါရီ ၁၉

ဗဟိုဘဏ်အနေဖြင့် ဇန်နဝါရီ ၁၇ ရက်(ယမန်နေ့)တွင် တရုတ်ယွမ် ၁ ဒသမ ၁၄၇ သန်း၊ ဒေါ်လာတစ်သိန်းခွဲနှင့် ဇန်နဝါရီ ၁၆ ရက်တွင် ထိုင်းဘတ်တစ်သန်း ထပ်မံထုတ်ရောင်းခဲ့ကြောင်း မြန်မာနိုင်ငံတော်ဗဟိုဘဏ်မှ ထုတ်ပြန်ထားသည့် စာရင်းများအရ သိရသည်။

ဒေါ်လာဈေးနှုန်း တက်ရိပ်ပြလာသည့် ယခုဇန်နဝါရီလ ၂ ရက်မှ ၁၇ ရက်အထိ နှစ်ပတ်ကျော်အတွင်း ဗဟိုဘဏ်အနေဖြင့် ဒေါ်လာ ၁၀၈ ဒသမ ၉၁၁ သန်း ရောင်းချပေးခဲ့သလို ထိုင်းဘတ် ၇ ဒသမ ၀၃၂ သန်းနှင့် တရုတ်ယွမ် ၄ ဒသမ ၄၈၃ သန်း ထုတ်ရောင်းပေးသည်။

ထို့အတူ နှစ်သစ်ကူးရုံးပိတ်ရက်များနှင့် သွင်းကုန်လိုအပ်ချက်များကြောင့် ဒေါ်လာလိုအပ်ချက် မြင့်မားလေ့ရှိသည့် ပြီးခဲ့သည့် ဒီဇင်ဘာလအတွင်း ဒေါ်လာ ၁၄၃ ဒသမ ၂၅၀ သန်း၊ ထိုင်းဘတ် ၃၂၁ ဒသမ ၈၇၁ သန်းနှင့် တရုတ်ယွမ် ၁၀ ဒသမ ၉၇၈ သန်းအထိ ထုတ်ရောင်းပေးထားသည်။

ဗဟိုဘဏ်အနေဖြင့် ပြီးခဲ့သည့် ဩဂုတ်လ ၁ ရက်မှ နိုဝင်ဘာလ ၂၉ ရက်အထိ လေးလအတွင်း ဒေါ်လာ ၃၃၅ သန်းကျော်၊ ထိုင်းဘတ် ၁ ဒသမ ၂၇၄ ဘီလျံကျော်နှင့် တရုတ်ယွမ် ၅၆ သန်းခန့်အထိ ထုတ်ရောင်းပေးထားပြီးဖြစ်သည့်အပြင် ယခုဘဏ္ဍာနှစ် ခုနစ်လအတွင်း စက်သုံးဆီ၊ စားသုံးဆီနှင့် သွင်းကုန်လုပ်ငန်းရှင်များအတွက် ဒေါ်လာတစ်ဘီလျံလည်း သီးသန့်ထုတ်ရောင်းပေးထားသည်။

Credit - MT News Agency

#centralnewsnaypyitaw